المساعد الشخصي الرقمي

مشاهدة النسخة كاملة : «۩ஜ۩يஐ يوميات صعيدى بيحب بنات استايل اوى فى الجامعه ** ارجو التثبيت لفتره ** ஐَ۩ஜ۩»



Mahmoud Slem
10-08-2008, 11:14 PM
http://www.kazamiza.com/lopez/bsmsla/17.gif


ارجو التثبيت لفتره حتى تكتمل القصه
وان شاء الله هتعجبكم

انا هنزل كل يوم حلقه
ولو لاقيت ردود كتيره
هنزل اكتر
عايز تشجيع

نبتدى
.
.
.
.
.
.
http://www.kazamiza.com/lopez/Rmad/7.gif


يوميات صعيدي بيحب بنات استايل اوي في الجامعة / الحلقه الاولى

احمد: لو سمحتي حضرتك...ممكن برايةنور: ههههههههههههههههههههههههههه

احمد :حضرتك بتضحكي على ايه ممكن اعرف يعني لو سمحتي

نور : مش عيب شاب في سنك يطلب براية ..ده احنا في جامعة

احمد : طيب معاكي شفرة...عشان المحاضرة هتبدأ خلاص

نور : ايييييه..ايه شفرة دي..ممكن تسكت لو سمحت

احمد : حد معاااااااه براااااااااية....او قلم زيااااااادة..ردوا

نور: انت اكيد مجنون وطي صوتك الطلبة كلها بتضحك عليك

احمد :ويضحكوا ليه ولاد الدزمة دووووووووول

نور: خلاص خلاص انا هنقل المحاضرة وبعدين اديلك تصورها

احمد :شكرا بس انقلي كويس ..وياريت تنظمي الكراسة

(اثناء ما المحاضرة شغالة ونور شغالة كتابة واحمد هيموت عشان مش معاه قلم)

احمد: يا انسة خطك زفت زفت..انتي مش مسطرة الصفحة ليه ...وفين التاريخ الهجري .يادي النيلة عليا وعلى الجامعة

نور : انت مالك ومال خطي مش كفاية هديلك تنقل مني وهتعطل انا

احمد : ليه وانتي عربية اصلك علشان تتعلطي..هما البنات متعطلين خلجة

نور : انت انسان قليل الادب...بجد مش بتعرف تكلم البنات ازاي

احمد : لأ يا شيخة والنبي المرة الجاية تبقي تجيبيلي الكتالوج بتاعك

(نور عشان رقيقة سكتت ومش عرفت ترد على بجاحة احمد وانتهت المحاضرة )

اثناء خروج الطلبة من المدرج...احمد حب يستظرف بس بطريقة غبية شوية

احمد وسط حشد من الطلبة بنات وولاد

وكأنهم قطيع من المواشي

هررررررررررررررررررر...وضحكته سمعت كل اللي ماشي

(نور بتحكي مع زميلتها من كلية تانية على احمد )

نور : بصي يا هالة الولد ده....فضيحة فضيحة يعني...وحكتلها على اللي حصل

هالة : تلاقيه شاب تحفة...مش باين عليه استايل خالص..ده لابس بدلة وكرافت

نور : بس تعرفي شكله وسيم اووووي...حاسة انه طيب وعلى سجيته

هالة :اوووو...ده وسيم؟...ده مش حاطط نقطة جيل على شعره حتى..شعره منعكش جدا

نور:يا ستي سيبك

هالة: على رأيك

خلص اول يوم في الجامعة وقبل النهاية بدقايق

احمد: يا استاذة يا انسة فين المحاضرة عايز انقلها هاتيها يلا يلا بسرعة

نور : تنقل ايه يابني دي عشر ورقات غير في رسومات وجداول

احمد :ومالهم يعني عشر ورجات انتي هتخلفي وعدك ولا ايه

نور : انا مقلتش كده بس في حاجة اسمها تصوير..اسرع يعني

احمد: هههههههههههههههههه اصور ايه بخطك الزفت ده..شوفي ...زفت

نور: حقيقي انا غلطانة وكلام هالة باين عليه صح...بعد اذنك..اوف

سابته ومشيت .....وقال

احمد: عليكي يا شيخة وعلى هالة وعلى الجامعة كلتها....وبرضه خطك زي الزفت

عاوزين تعرفوا اليوم اللي بعده حصل في ايه


تابعوا معايا بقى قصة حب احمد الصعيدي ونور البنت الاستايل

عايز اشوف ردود جامده علشان اكمل باقى القصه
وانتظروا كل جديد
انتظروا المفاجاءه

اخوكم محمود

Mahmoud Slem
10-08-2008, 11:19 PM
http://www.kazamiza.com/lopez/Rmad/13.gif



انا نزلت حلقتين النهارده بس علشان خاطر عيونكم
عايز تشجيع وردود وبلاش حد يقرا ويمشى اوك







http://www.kazamiza.com/lopez/Rmad/10.gif



احمد: ديب ديب ديب انتوا يا ناس يللي هنا...افتحوا الباب


الساعي : يا فتاح يا عليم يا رزاق يا كريم



احمد: ماترش ميا يا راجل قصاد المدرج عشان تستفتح


الساعي:يا كابتن المحاضرة لسة الساعة 8 مفيش دخول دلوقت


احمد:هدخل يعني هدخل..عليا النعمة هدخل هاااا


الساعي: قفل الباب في وشه ودخل جوا


احمد : يا ابن الدزمة انت هتضيع عليا المحاضرة شكلك


احمد: اما اروح اجيب كوباية شاي سخن مولع


الراجل: تؤمر بأيه يا فندم


احمد : شاي خمسينة بنعناع


الراجل: ايه ايه...مفيش نعناع


احمد: ومفيش نعناع ليه


الراجل : هو كده مفيش نعناع على الشاي ..النعناع لوحده


احمد :طيب هات نص كوباية شاي ونص كوباية نعناع


الراجل: خد فلوسك اهي


احمد:طب والشاي ابو نعناع فين


الراجل:اوووف


احمد:اوووف على دماغك...ابن دزمة صحيح


كان فات حوالي ساعة ونص وهو واقف في الكافتيريا عشان يشرب شاي


قرر انه يرجع للمدرج عشان يلحق مكان وبالفعل حجز مكان وخرج تاني عشان


يجيب شاي من كافتيريا تانية...ونجح انه يجيب المرة دي ..دخل المدرج وفجأة


لقى مين اعد مكانه ...مين مين مين....لقى نور فارشة كل حاجتها وبتشرب كابتشينووووووووووووووووو


احمد : بصوت لا يطاق....ايييييييييه ده يا هانم...هي وكالة من غير بواب


نور :وطي صوتك من فضلك انا بتكلم بهدوء وبأدب


احمد:هي دي طريجتي..عاجبك ولا مش عاجبك


نور:طيب انا مش هقوم


احمد: هروح للعميد يجي يقومك


نور:ههههههههههههههههههه


احمد:بتضحكي على ايه يا باردة


نور: لم نفسك


احمد: شايفاني مبعتر في الارض ولا اييييييييه


نور: مش هتحضر...هههههههههههههه




احمد :عليا الطلاج لأحضر غصب عنك وعن عين والدك


وفجأة سمع صوت الدكتور بيناديله ......


الدكتور:مالك يابني مكشر من اول السنة ليه كده



احمد :لو سمحت معاك نمرة ماحمول العميد


الدكتور : ههههههههههه ايوة ليه


احمد : عاوز اقدم شكوى في البت دي


نور :متقولش بت


احمد :هجول بت وستين بت كمان قومي يلا


الدكتور : بس بقى اخرس شوية يا اما هطردك


احمد : انا ...تطردني ليييييييه هاتلي مكان سعادتك


الدكتور : تعالى اعد جنبي هنا على الكرسي ده


احمد : وااه...اجعد جنبك مرة واحدة يا داكتووور


الدكتور :ايوة تعالى


وهو نازل راح وقع الكتاب بتاع نور ورمى اقلامها


راحت نور ضربته على ضهره..قال ااااااااااااه


وصوته سمع المدرج كله والكل فضل يضحك عليه



الدكتور : اطلع برا يلا...مش هتحضر المحاضرة


احمد : ابوس ايدك يا بيه انا امبارح مكتبتش والنهاردة محضرش...مين يرضى بكده يا ناس


وهو خارج رمى عينه على نور ولمح فيها نظرة عطف جميلة


بعد ما المحاضرة انتهت...نور خرجت لأ حمد


نور :بجد انا اسفة اوووي


احمد : على ايه بقى ما المحاضرة خلاص


نور : خد المحاضرة بتاعتي انقلها وانا هستناك


احمد : بجد بتتكلمي بجد


نور : ايوة مع انهم اكتر من عشر صفحات بس هستناك


احمد : متشكر يا مازمازيل نورة


نور : لأ قول نور بس احنا اصدقاء وابتسمت ومشيت


احمد عمال ينقل وعمال يقول في سره...خطها زي الزفت


بس شكلها طيبة جوي....الخط مش كل حاجة في الانسان يعني


احمد لمح نور وهي جاية وبتبتسم بخجل



و لو عايزين تعرفوا قالتلوا ايه تابعوا الحلقة الجاية ان شاء اللهش




عايز تشجيع اكتر



http://www.kazamiza.com/lopez/lopez444/7.gif



محمود

samomran
10-09-2008, 12:23 PM
حلوى اوى استمر فى انتظار المزيد

Mahmoud Slem
10-09-2008, 01:07 PM
حلوى اوى استمر فى انتظار المزيد

مشكور يا سلم
منوارنى يا جميل
وعلشان خاطر عيونك
هرفعلك الجزء التالت

Mahmoud Slem
10-09-2008, 01:09 PM
الحلقه الثالثة


نور : احمد انت خلصت المحاضرة

احمد : لأ لسة انا في اول صفحة مش عارف اجرا الكلمه دى

نور قرت الكلمة

نور : اوكي كمل انا هستناك

احمد :لا لا انتي لازم تروحى دلوقتى عشان انتى اتاخرتى خالص

نور : طيب والمحاضرة

احمد : تتحرج المحاضره

نور ضحكت ضحكة رقيقة جدا حركت قلب احمد الاسد

احمد : ممكن اوصلك لحدالباب...والله لحد الباب بس

نور : اوكي اوكي مفيهاش حاجة اتفضل

احمد : انتي فى الجامعة هنا من امتى

نور :ايه يا احمد انا في سنك لسة اول سنة

احمد : اناعارف انا عارف

احمد : وياترى دخلتي هنا واسطة ولا ايه

نور: هههههههههههههههههه ...احمد مالك في ايه

احمد : لا بهرج معاكي

نور : تعرف انك.....

احمد :اني ايه؟

نور : طيب اوووي

احمد : وانتي انسانة محترمة اه فعلا محترمه بجد

نور : ميرسي

احمد :يالهوي ياني انا منجلتش المحاضرة بتاعت النهاردة

نور : ميرسي يا احمد على التوصيلة الجميلة دي منك

احمد : انتي رايحة
فييييييييييييييييين

المحاضرة

المحاضرة

المحاضرة

الشبح
10-09-2008, 02:31 PM
تسلم يا جميل والله

موضوعك جامد جدا

بس لازم الواحد يقراه باللهجه الصعيدي

انا والله مابطلت ضحك على المعلم احمد ده

هههههههههههههههه

Mahmoud Slem
10-09-2008, 02:42 PM
تسلم يا جميل والله

موضوعك جامد جدا

بس لازم الواحد يقراه باللهجه الصعيدي

انا والله مابطلت ضحك على المعلم احمد ده

هههههههههههههههه


ماشى يا ميدو
اضحك
وان شاء الله هخليكوا بجد متزهقوش من المنتدى
ولكن مش كل حاجه ضحك
فى مذاكره

معاك محمود سليم يا ميدو

الشبح
10-09-2008, 02:44 PM
اهلا بيك يا حوده

كمل بقى حكايه اخينا احمد ده

اصلي عندي فضول اعرف اخره الواد ده

ههههههه

Mahmoud Slem
10-09-2008, 03:37 PM
اهلا بيك يا حوده

كمل بقى حكايه اخينا احمد ده

اصلي عندي فضول اعرف اخره الواد ده

ههههههه

من عنيه الجوز وايدايه اللوز

على فكره انا هنزل الحلقه الرابعه علشان خاطر عيونك
لكن اعمل حسابك
كل يوم حلقه واحده بس

ههههههههههههههههههه

Mahmoud Slem
10-09-2008, 03:41 PM
http://www.kazamiza.com/lopez/bsmsla/9.gif





الحلقة الرابعة.......

احمد مأجر شقة مفروشة وساكن فيها فترة الدراسة....ظبط المنبه بتاعه على ميعاد الجماعة
جرس الباب بيرن...بيرن...خبط جامد....احمد قام مخضوض وبيفتح الباب وووفجأة




هاي..انا جارتك اللي ساكنة قصادك
احمد : طيب وانا اعمل ايه يعني جارتي ولا مش جارتي
تؤ...طيب قول صباح الخير..قول صباح النور..قول صباح اللي بتغني
احمد : يا فتاح يا عليم يا رزاق يا كريم...يادي النيلة ..انتي عاوزة ايه مني دلوقتي
انا ؟ ؟
احمد : امال امي
تؤ تؤ انت عصبي كده ليه...كل شئ بالتفاهم وبالهدوء...اعملك

نسكافيه يهدي اعصابك
احمد : متشكر يا ستي متشكر خالص انا...عاوزة ايه مني على الصبح كده انا ورايا جامعة
ايه ده ..انت بتروح الجامعة...انا بفتكرك في المدرسة
احمد : صبرني يارب صبرني ...جولي عاوزة ايه هتأخر على الجماعة
عندك حبة شطة
احمد : هاا...جلتي عاوزة ايه
شطة شطة....اللي بتخلي الاكل يوحوح
احمد : لا انا مش بحب اوحوح عن اذنك...وقفل الباب ولبس بسرررعة ونزل

ركب الاتوبيس

احمد : الأجرة بكام لو سمحت يا اخينا
رد شاب ستايل...ههههههههه ايه اخينا دي دي كلمة قديمة موت
احمد : ماشي يا عم الجديد....بكام الاجرة
الكمثري :بجنيه وبريزة يا كابتن
احمد : اشمعنى وبريزة
الكمثري : حكومة تقدر تتكلم
احمد : خد يا عم ونزلني عند الباب الرئيسي

احمد داااااااااخل بيجرررري....وهووووووب...خبط في بنت وقع عليها العصير

انت غبي ...انت مبتشوفش
احمد :هشششششششششش
انت قليل الادب مش محترم كمان
احمد : هسسسسسسسسسس
احمد : انا ورايا محاضرة مش فاضيلك انا خدي منديل

انا هوريك انا لازم ابهدلك
يا عمرو يا وائل يا هيثم

عمرو : مالك بيها يا تحفة
وائل : انت لازم تتربى كويس
هيثم : مش هتروح سليم النهاردة

نور لمحت الخناقة من بعيد
نور : احمد احمد في ايه
احمد : ابعدي انتي يا نور ده تار قديم وهيخلص النهاردة
نور : احمد دي جامعة انت ممكن تتفصل
احمد : ومحضرش محاضرات تاني ؟
نور : ايوة ايوة انا هروح انده الامن
احمد : تندهي الامن يشيلوا جستي ولا ايه

وفجأة الامن جه والمشكلة اتحلت والحمد لله احمد خرج سليم
مع انه كان ادها وادود يعني بس خاف طبعا على مستقبله

احمد : متشكر يا نور جوي
نور : ده اقل واجب يعني
احمد : انتي عملتي الواجب صح
نور : واجب ايه يا احمد هو احنا في مدرسة
احمد : ههههههههههه اصلها فاكراني في المدرسة
نور : هي مين دي
احمد : اللي عاوزة الشطة
نور : انا مش فاهمة حاجة يا احمد
احمد : انتي بتحبي توحوحي
نور : هههههههههههههههههههه
احمد : هههههههههههههههههههه
نور: تعرف يا احمد ان دمك خفيف اوي
احمد : ربنا يخليكي انا مش بجدر على الكلام ده
نور : هو انا قلت حاجة يا احمد
احمد : ايوة دمي خفيف وحلو ومسمسم والكلام الكابير ده
نور : ههههههههههههههههههههههه
احمد : بتضحي على ايه عاد
نور : ههههههههههههههههههههههه
احمد : يوه يوه يوه
نور : المحضارة هتبتدي يا احمد يلا نحضر
احمد : ماتيجي نتمشى شوية في الحديقة وبلاش المحاضرة
نور : بجد ...طيب يلا
احمد : ال حديقة ال....يلا يا هانم نلحج المحاضرة انا حاجزلك جنبي



http://www.kazamiza.com/lopez/lopez444/14.gif

http://www.kazamiza.com/lopez/admin/6.gif




محمود

الشبح
10-09-2008, 03:47 PM
تسلم يا حوده والله جامده موووووووت

هستنى الحلقه الخامسه بكره بقى

وامري لله

EGYPTIAN SURVEYOR
10-09-2008, 04:17 PM
بجد قصه جميله
مع انه مفيش فيه حد كده دلوقتى
الى الأمام يا رومـــــــل

Mahmoud Slem
10-09-2008, 04:32 PM
منورينى والله يا شباب
وان شاء اله كملوا بس القصه للاخر وهتعجبكوا بجد

Nada Mohammed
10-09-2008, 06:11 PM
موضوعك حلو وجميل وغريب وجامد
الله ينور عليك .....

Mahmoud Slem
10-09-2008, 06:28 PM
موضوعك حلو وجميل وغريب وجامد
الله ينور عليك .....


وعليكى


ان شاء الله تعجبك كلها

AYMAN GAMAL
10-09-2008, 06:30 PM
هههههههههههههههههههههههههههههه

اقفل الباب على نفسك كويس يا محمود

الصعايدة جينلك الليلة ياخدوا بالتار

Mahmoud Slem
10-09-2008, 06:36 PM
هههههههههههههههههههههههههههههه



اقفل الباب على نفسك كويس يا محمود


الصعايدة جينلك الليلة ياخدوا بالتار


احنا مبنخافش من حد يا باشمهندس
احنا ادها وادود
طالما هما مش من ولاد ابو اسماعيل
يبقى قول عليهم يا رحمن يارحيم
وبعدين انا بس عايز
اعاضء المنتدى يقفوا جنبى
ولا هتتخلوا عنى

Rania Ismail
10-09-2008, 07:27 PM
انا بقى من ولاد ابو اسماعيل كان فى حاجه ان شاء الله
على فكره القصه جميله جدا وعجبتنى مووووووووووووووووووووووووووووووت ومشكوووووووووورعلى الاضافه ومستنين الحلقه القادمه بس علشان خاطرى حط حلقنين ربنا يكرمك
وبجد بجد موضوع جااااااااااااااااااااامد موت

eslam mamdouh
10-09-2008, 07:30 PM
هههههههههههههههههههه

قصصك جميله جدا

وننتظر منها المزيد

Mahmoud Slem
10-09-2008, 07:41 PM
انا بقى من ولاد ابو اسماعيل كان فى حاجه ان شاء الله
على فكره القصه جميله جدا وعجبتنى مووووووووووووووووووووووووووووووت ومشكوووووووووورعلى الاضافه ومستنين الحلقه القادمه بس علشان خاطرى حط حلقنين ربنا يكرمك
وبجد بجد موضوع جااااااااااااااااااااامد موت


ايه يا رانيا انتى ادمنتيها ولا ايه
براحه
انا هديكم جرعه جرعه
علشان اخليكم
متسيبوش القصه خالص
هههههههههههههههههههه
تحت امرك يا رانيا
بس عايز الردود تزيد
وانا هنزل حلقتين حلقتين

Mahmoud Slem
10-09-2008, 07:42 PM
تحت امرك يا اسلام
انتظروا منى مفاجائتى
وان شاء الله
هتشوفوا كل حاجه

المفاجات
على التوالى
اوك

Rania Ismail
10-09-2008, 09:08 PM
ارجوك نزلى الحلقه اللى بعديها مش قادره استنى ارجوك ارجوك

Mahmoud Slem
10-09-2008, 09:33 PM
طيب حاضر حاضر
براحه
انتى خلاص مفعول الحلقتين اللى فاتوا انتهى
هههههههههههههههههه
ثوانى

Mahmoud Slem
10-09-2008, 09:36 PM
هههههههههههههه
يلا نكمل

الحلقة الخامسة..


احمد دخل لقى اتنين اعدين مكانه هو ونور

احمد : ايه يا كابتن انت وهو انا حاجز المكان ده من بدري

انت حاجز صالة ولا بلكون

احمد : لأ حاجز حمام يا خفيف

هو انت فاكرني شاي ولا ايه

احمد : ايوة شاي ومتاخدش في ايدي غلوة كمان

انت باين عليك متعرفش الكابو هيثم

احمد : وانت باين عليك متعرفش احمد ابن عم هريدي عمدة القرية

ههههههههههههههههههههههههههه

احمد : بتضحك على ايه يا ابن الدذمة

ودخل احمد في عراك وكأنه عراك بين الديوك ونور مش عارفة تعمل ايه
غير انها جابت النوت بوك بتاعها وفضلت تضرب مع احمد

احمد : اي اي ايه يا نور دي دماغي انا
نور : سوري يا احمد مكنش قصدي بجد
احمد : اخرجي انتي برا وايه الجلم الرصاص اللي بتضربي بيه ده
نور : انا لازم اموته لازم اكسره

وفجأة

دخل الدكتوووووووووور

الدكتور : في ايه يا ابني انت وهي وهو

احمد : هجطعه

الدكتور : تقطع مين يابني ...احنا في جامعة

احمد : جامعة مش جامعة هجطعه

نور : ايوة احنا هنجطعه

الدكتور : تعالوا برا انت وهي

احمد : لأ والنبي يا داكتور الجو ساجعة برا جوي

الدكتور : اطلع بقولك

نور : يلا يا احمد

احمد : يلا ايه وزفت ايه ...هو احنا رايحين نتفسح

وطلعوا يا عيني هما الاتنين ولسوء حظ احمد انه برضه محضرش المحاضرة دي كمان

احمد : انا مروح يا نور

نور : لأ خليك اعد معايا شوية

احمد : لأ يا نور انا مروح

نور : انا عايزة اتكلم معاك

احمد : بكرا ان شاء الله نتكلم كتير...ماهو كده كده مش هحضر بكرا برضه

نور : انت بتحب الماحضرات ليه يا احمد

احمد : انا جاي مصر عشان اتعلم يا نور مش عشان اتنزه

نور : انا عارفة انك شاب مش فاضي من جواك

احمد : ربنا يخليكي يا نور

نور : اي نعم انت مش مهتم بمظرك...ومش بتسرح شعرك حلو...بس حاسة انك وسيم اووي

احمد : ماتجولي معفن احسن يا ست نور

نور : انا مش اقصد خالص

احمد : ولا تقصدي...انا جيت مصر غلط من اساسه دي مش بيئتي ولا دي حياتي

نور : انا اسفة

احمد : انا اللي اسف ....عن اذنك

وبعد ما احمد مشي نور مشيت هي كمان وكانت زعلانة جدا من كلامها معاه ولو انها مكنتش تقصد بس احمد حساس حبتين

نور حاولت تتصل باحمد عن طريق جارته

نور : الو ممكن اكلم احمد جار حضرتك

الجارة : احمد مين يا انسة

نور : احمد جارك

الجارة : اااه تقصدي حمادة ميدو مودي

نور : انتي مسمياه كده

الجارة : هو بيحبني اووي اقوله كده

نور : طيب كويس ممكن تناديه

الجارة : احمد احمد احمد احمد

احمد احمد احمد احمد

احمد : سلام قولا من رب رحيم..اختشي يا ولية على دمك بجى في حد يخبط على حد الساعة عشرة بالليل

الجارة : يووه ايه يا ميدو ..انا خضيتك ولا ايه...طيب تعالى في حضن ماما تعالى

احمد : اخلصي يا ست عاوزة ايه مني وليه بتخبطي في وقت زي ده

تليفون عاوزك

احمد : والتليفون عاوزني في ايه

هههههههههههههههه جتك ايه يا موودي يا سكر
اقصد حد عاوزك على التليفون

احمد : ابوووووووويا جراله ايه انطجي قولي

لأ لأ ده صوت واحدة

احمد : امي امي اما مالها مالها

الجارة : ده صوت جثة

احمد : ههههههههههههههههههههههه
احمد : والجثة هتتكلم ازاي يا ام مخ تاخين

تعالى ورايا يا مووودي وانا اخليها تنطق وتتكلم

احمد : طيب يا وش المصايب

نور : سمعت ضحك احمد ويا جارته دي ...وقفلت السكة

احمد : الو الو ...الو الو

احمد : هههههههههههههههههههههههههه

احمد : الجثة مش راضية تنطق...ده باين كده الجثة ماتت
هههههههههههههههههههههههههههههههههه

ووووووووووواشوفكم الحلقة

الجاية ان شاء الله

الشبح
10-09-2008, 09:53 PM
والله الواد جامد اوي يا جدعان

يابني انا هنزلها مسلسل في التليفزيون

تسلم يا حوده

Mahmoud Slem
10-09-2008, 10:37 PM
منورنى يا ميدو
مش عارف اعولك ايه
روح يا شيخ
وتعالى بسرعه

نورتنى

Rania Ismail
10-09-2008, 10:40 PM
مرسى لانك لبيت رغبتى الحمد لله انا كده هديت شكرا ليك ومستنيه الحلقه اللى جايه فى نفس المعاد متاخرهاش علشان المضاعفات

الشبح
10-09-2008, 10:43 PM
ههههههههههه

ممكن سؤال هي الماده الفعاله في الجرعه دي ايه ؟

اديني الحلقه بسرعه ارجوك محتاجه لجرعه

Rania Ismail
10-09-2008, 10:45 PM
هههههههههههههههههههههههههههههههههههههههههههههههههه هههههه

Nada Mohammed
10-09-2008, 10:51 PM
الله ينور يابشمهندس محمود
عقبال باقى الحلقات

Hassan Mohamed
10-10-2008, 01:30 AM
لالالالالالالالالالالا جامد جدا جدا جدا

تم التثبيت

Mahmoud Slem
10-10-2008, 10:25 AM
الف شكر ليكم جميعا يا شباب
ويارب الموضوع يعجبكم فعلا
وان شاء الله
القصه هتعجبكم
جدا
انتظرونى فى المفاجأت الاخرى
قريبا جدا

الف شكر ليك يا حسن
على التثبيت
ويارب اكون عند حسن ظنكم

Mahmoud Slem
10-10-2008, 10:27 AM
الحلقة السادسه
وبعد ما نور كلمت احمد في التليفون...وكانت زعلانة جدا لما سمعت صوت جارته...واحمد مكنش داري بالدنيا ساعتها ...من ساعتها احمد ابتدى يروح الكلية وكان متخاصم مع نور بعد كلمتها الجارحة ليه...انه مش استايل وشعره دايما منعكش....ابتدا ينتظم شوية في الدراسة لحد ما جت الامتحانات وده كان اخر يوم في الامتحانات
احمد بيكلم واحد صاحبه عن الامتحان
احمد : امتحان ممتاااااااز سهل ميا

صاحبه : حرام عليك..ده انا مكتبتش حرف

احمد : ليه جلمك اتجصف ولا ايه

صاحبه : لأ يابني الامتحان مليان

احمد : بوي ..مليان ايه انت هتجنني

صاحبه : في ايه دلوقتي

احمد : انت طلعت اول مسألة كام

صاحبه: محلتهاش

احمد : والتانية

صاحبه : 100

احمد : حمار

احمد : طب والتالتة

صاحبه : 2000

احمد : حمار

صاحبه : يوووه

احمد : طب والرابعة

صاحبه : محلتهاش

احمد : يا حمار هما تلاتة بس

صاحبه : انت اعد ولا هتسافر البلد

احمد : لأ هسافر انا مش ليا حد هنا
ولسة بيدور وشه....قرب عليه الملاك نور...وبصوت رقيق
نور : يارب تكون حليت كويس

احمد : ايوة الامتحان كان ممتاز

نور : لسة زعلان مني

احمد : وهزعل منك ليه...احنا بيننا ايه

نور : مفيش عادي بسألك ..انت ليه دايما عصبي

احمد : على فكرة انا لو مجبتش امتياز هيكون بسببك

نور : ليه بس...انا السبب

احمد : فاكرة الكام محاضرة اللي اتطردت فيهم بسببك

نور : هههههههههههههههههههههه

احمد : هههههههههههههههههههههههههههه

نور : وحياة اغلى ما عندك مش تزعل مني

احمد : طمنيني عملتي ايه في الامتحان

نور : بليز يا احمد متزعلش مني اسفة بجد

احمد :وحشتيني

نور : انا ؟

احمد: وحشتيني يا امي

نور : هههههههههههههههههههههههه

احمد :مالك اتخضيتي لما قلت وحشتيني

نور : وانا هتخض ليه

احمد : اسألي نفسك

نور : هه ظريف

احمد : امسكي نفسك شوية يا بت

نور : هههه خفيف

احمد : مش ملاحظة حاجة عليا

نور: لأ بس شايفاك مبسوط عن قبل كده الحمد لله

احمد : لأ لأ حاجة في شكلي

نور : الراجل مش بشكله

احمد : اااااااه والله....بعد ايه ...مش كان شعري متنعكش ومش بيتسرح

نور : انا مكنتش اقصد ...كنت بهزر معاك

احمد : اااااااااااااه بعد ايه بقى بعد ما جبت علبة كريم بامبرز ب 25 جنيه

نور : ههههههههههههههههههههههههه اسمه بالمرز

احمد : ايوة امسكي في التفاهات دي...يعني شعري وحش

نور : جميل

احمد : بجد

نور : جميل راتب ده ممثل ممتاز

احمد : ااه يا رخمة

نور : هههههههههههههههههههههههههه

احمد : انا هسافر اسبوعين وجاي تاني

نور : ليه كده خليك هنا

احمد : هستنى ليه

نور : نروح شرم الشيخ مع الجامعة

احمد : رحتها كتير كفر الشيخ

نور : شرم شرم

احمد : بتاعت البنات البلبوسة

نور : عيببببب

احمد : في ايه هو انا اللي بلبستهم

نور : خلاص بقى رد عليا عشان نروح ..اتصل بيا

احمد : ان شاء الله

نور : اوكي اشوفك على خير

احمد : كنت عايز اقولك حاجة مهمة اوووي من زمان

نور: ايه هي يا احمد قول قول

احمد : مش مسامحك على المحاضرتين اللي محضرتهمش بسببك

نور : مع السلامة يا احمد

احمد : سلام يا نور
وهو مروح بقى......عليا الطلاج لهرووووح الرحلة

انا بزود الجرعه اهو
بس فى الاخر محدش هيشم شمه واحده
شجعونى وانا هزود التموين
ههههههههههههههههههههه

Rania Ismail
10-10-2008, 10:45 AM
مشكووووووووووووووووووووووووور يا مان
تبقى تنزل كل مره حلقتني بدل حلقه واحده بليييييييييييييز
وبجد بجد القصه حلوه قوى

Mahmoud Slem
10-10-2008, 10:49 AM
حاضر يا رانيا
بس انا ماشى باسلوب
لازم
اخلى المخدر يمشى فى الدم
وبعد ما يمشى فى الدم
لازم اتقل عليه علشان اعلى فى السعر
هههههههههههههههههههههههه
ايه رائك
تاجر مخدرات جامد
انفع صح
ههههههههههههههههههه

حاضر
يا رانيا

بس ان شاء الله
بعد الصلاه

Mahmoud Slem
10-10-2008, 12:02 PM
الحلقة السابعه

نور : هو احمد اتأخر كده ليه
ريم : انتي مالك مش على بعضك ليه
نور : وانتي مالك
ريم : مش عارفة مهتمة بواحد زي ده ازاي

نور : ملكيش دعوة بقى

ريم : صحيح عملتي ايه في العريس اللي اتقدملك

نور : رفضته طبعا..انا لسة مش عاوزة ارتبط دلوقتي
ولسة الاتوبيس هيتحرك كان احمد وصل ونور تنفست الصعداء
احمد : ايه يا جماعة انتوا كنتوا مستنيين حاجة ولا ايه

ريم : ابدا كننا مستنيين القطر

احمد : هو احنا هنسافر في الاتوبيس ولا الجطر

ريم : يااااربي

نور : ههههههههههههههههههههههههه جامدة دي يا احمد

احمد :اي خدمة يا نور ابقي تعالي كل يوم

نور : اجي فين

احمد : لا لا متاخديش في بالك
والكل ركب الاتوبيس وفجأة احمد بيطلع من شنطته طبلة كبيرة
وشغال ضرب عليها لحد ما وجع دماغ الناس كلها والكل زهق منه
احمد : ايه يا رحلة فقر مالكم ساكتين ليه محدش بيرجص ليه هطبل وهرجص في نفس الوقت ولا ايه

نور : ابدا يا احمد بس الطبلة صوتها عالي اووووي
احمد : مانا عارف ان صوتها عالي...مكنتش اعرف انها هتضايقكوا كده

نور : عامة انا مش مضايقة انا مبسوطة بيها

وفجأة احمد بيطلع من شنطته زمارة كبيرة بتاعة الفرق الشعبية
وفضل يوجع دماغ الشباب كلهم بأصوات الالات الموسيقية الغبية دي
وفضل على هذا الحال لحد ما وصلوا
احمد : يا بووووي يا جدعان المنطجة هنا جامدة جوي جوي
نور : انت اول مرة تيجي هنا

احمد : لأ جيت قبل كده ايام الحرب

نور : حرب ايه يا احمد ..هو انت حضرت حروب

احمد : هو احنا هنروح امتى يا نور

نور : يعني لسة اسبوع...انت زهقت ولا ايه

احمد : لا لا خالص بس انا مجبتش اكل كفاية
نور : احمد اكل ايه بس هنا الاكل اوبين بوفيه

احمد : يعني ايه

نور : يعني تاكل اللي انت عايزه

احمد : يالهوي ياني يا جدعااااان

نور : انا هطلع اغير بقى
احمد : اوعي تجولي هتلبسي لباس البحر

نور : هههههههههههههههههه ايه يا احمد ده بس

احمد : صدجيني معرفكيش تاني

نور : انت هتنزل البسين بأيه ...معاك ماييوه

احمد : لأ انا ابويا جايبلي ترننج من السعودية هنزل بيه

نور : مينفعش يا احمد

احمد : بجولك من السعودية ..جامد جدا جدا

نور :طيب يلا نفطر بقى عشان جعانة

احمد : انتي على طول جعانة كده

نور : ههههههههههههههههه انا بحب الاكل اوي
احمد : انا اخر حاجة افكر فيها الاكل

نور : يعني مش هتفطر
احمد : في مش وخيار وعيش بلدي
نور كانت عاوزة تقوله ده عند ماما الكلام ده
احمد : كل ده اكل يا نااااااااااس ...هيخلص امتى ده بس
نور : كل على اد ما تقدر يا احمد

احمد : عليا الطلاج انا هاكل وكل لحد ما افرجع كده

نور :انا طالعة اغير ونازلة

احمد : تغيري ايه بس يا شيخة بصي على نفسك في المراية وشوفي الولية الجااامدة دي

يابووووووووووووووي انا لازم اروح اتعرف عليها دي لابسة كلسوووون


يا شباب انا كل شويه بنزل جزء بس لسه عايز تشجيع اكتر
http://www.kazamiza.com/vb/images/smilies/dance3.gifhttp://www.kazamiza.com/vb/images/smilies/dance3.gifhttp://www.kazamiza.com/vb/images/smilies/picnew/clap.gifhttp://www.kazamiza.com/vb/images/smilies/picnew/clap.gif

mohamed-gohar
10-10-2008, 02:55 PM
قصة جامدة جدا والله برافو عليك

Rania Ismail
10-10-2008, 06:01 PM
انا بجد عاوزه اعرف ايه نهايتها

Nada Mohammed
10-10-2008, 06:04 PM
الله ينور ياباشمهندس
مجهود فوق الرائع
ربنا يجزيك خير

Mahmoud Slem
10-10-2008, 06:48 PM
انا بجد عاوزه اعرف ايه نهايتها


متطمعيش بقى يا رانيا

هو انتى عايزانى انزلهالك كلها مره واحده
هههههههههههههه
على العموم منورانى

بس كل ما التشجيع هيزيد
هنزل حلقات اكتر
هههههههههههههههههههههههه
يعنى هزود الجرعه

منورانى

Mahmoud Slem
10-10-2008, 06:50 PM
الله ينور ياباشمهندس
مجهود فوق الرائع
ربنا يجزيك خير

توتا
منورانى يا جميل دايما
كل صفحه بتنور بيكى
يارب القصه تعجبك
وهتعجبك ان شاء الله
شكرا يا توتا

Mahmoud Slem
10-10-2008, 11:55 PM
الحلقة االثامنه
أحمد شاف الوليه ام كلسون اتجنن عليها راح رايح وراها
واختفى من قدام نور فى ثوانى
أحمد: ايه يا وليه الكلسون الدامد ده وايه الشياكه دى كلها
الوليه: ايه الاشكال البيئة دى
أحمد: بيجة ؟ طب والله انتى اللى بيجة ومعفنة كمان وريحتك منتنه وشكلك من اللى بيستحموا من العيد للعيد
الوليه: تصدق بقى لو مسكتش انا هندهلك اللى يعرفك شغلك كويس
أحمد: ههههههه هتندهى مين يعنى بالكلسون اللى انتى لابساه ده
الوليه: لا دا انت قليل الادب ومش متربى وعايز اللى يربيك .. وبعدين ايه كلسون دى وفين هو اصلا؟
أحمد:اه جولى كده بقى ان انتى من الاول عايزة تعرفى معناها وعماله تتوهى فى مواضيييييع تانيه اه يا لجيمه
الوليه:يا تااااااااامر يا أدهاااااااااااااااام
أحمد: يطاعوا مين ان شاء الله سى تامر وسى ادهم دوووول ولادك العفاريت الصوغنانين ولا الكلاب البلوكسر بتوعك
الولية: بلوكسر ههههههههههههههههههههههه
أحمد: بتضحكى على ايه يا وليه دلوجيت
الولية: ( ولية ) انا هعرفك دلوقتى على قلة ادبك والسفاله اللى انت فيها دى
أحمد: طب والله انتى بوج على الفاضى
.. بسم الله ماشاء الله على تامر وادهم وهما رايحين لمامتهم كل واحد فيهم عامل زى السوبر جيت ..
تامروادهم: ايوااااااا يا ماما كنتى بتندهى علينا
الولية: ايوه ياحبايبى الكلب ده كان عمال يقل ادبو معايا وقال عليكوا انكوا عفاريت صوغنانين وكلاب بلوكسر
تامروادهم: انت قولت كده علينا يااااااااااااه
أحمد: عليا الطلاج ما حصل الكلام ده يا عم البلدوزر انت وهو كل اللى حصل انى كنت بجولها الساعة كام يا هانم
مامة نامر وادهم بتوجه الكلام لأحمد بس بحنيه زى ما انتوا عارفين
الولية: هانم اه يا كداب دى عمرها ما طلعت من بؤك خالص ليا يا عديم النظر
وكمان يا حبايبى كل شوية يقولى يا ولية
تامروادهم: احنا ماما يتقالها يا ولية دا انت هتموت النهارده
أحمد: يا رداله استنوا بس كده واهدوا طب انا هجول ايه اللى حصل
تامروادهم: واحنا هنستناك لما تحكيلنا ايه اللى حصل يا عم الكتكوت وبعدين ايه برطمان الكاتشب اللى انت واقع فى ده
حد يلبس بنطلون احمر
أحمد: لو سمحت يا أخ متقولش كتكوت دى وبعدين انت عندك عمى الوان ولا ايه
تامروادهم: انت كمان بترد على اخويا دا احنا هنعملك شمسية
أحمد : يااااااه عليكوا هو الواحد ميعرفش يهزر معاكوا كده اااابدآآآآ
نور: أحماااااااااااااااااد
أحمد: ايوم يا نور انا هنا واقف مع ناس صحابى
تامروادهم: صاحبك مين دول ياااااه دااحنا هنفرمك دلوقتى
أحمد: لأ والنبى يا كابتن اصلها الموزة بتاعتى ومش عايزها تشوفنى وانا بتفرم
نور: ايه يا احمد انت اختفيت مرة واحدة كده ليه وجريت ورا الست اللى كنت بتقول عليها وليه هههههههه
وعملت ايه معاها بقى يا سيدى فى الاخر ... بس انا زعلانه علشان تسيبنى وتقوم تجرى وراها كده
أحمد: طب بجولك ايه دلوجتى اجرى انزلى البحر شوية وانا هحصلك
نور: لأ انت بجد عملت معاها ايه ومش تعرفنا على صحابك . انما انت مقولتليش انك ليك صحاب هنا
أحمد : ما اصل انا لسه متعرف عليهم دلوجتى
... ام تامر وادهم كانت بتجيب حاجه ورجعت لهم تانى
نور : الحق يا احمد الست ام كلسون اللى كنت بتقول عليهها جايه هناك اهيه
أحمد: يا بت اجفلى خشمك ده بدل ما اقطعلك لسانك
و بعديييييييييييييين .........
نكمل الحلقة الجاية

Nada Mohammed
10-11-2008, 05:50 PM
الله ينور يامحمود

التنين
10-11-2008, 05:51 PM
الله عليك يا نجم

نعود بعد الفاصل يا حوده يارافع راسنا

Mahmoud Slem
10-11-2008, 06:23 PM
تسلميلى يا توتا على ردك
اللى منورنى دايما

Mahmoud Slem
10-11-2008, 06:24 PM
تسلم يا ميدو على المشاركه
ونورتنى والله يا جميل

Mahmoud Slem
10-11-2008, 06:54 PM
الحلقة التاسعه
بعد ما مامه تامر وادهم جتلهم
الولية: ها يا حبايبى عملتوا ايه مع الكلب ده
نور: كلب ... انتى قصدك على مين يا هانم
الولية: قصدى على السافل قليل الادب اللى واقف جنبك ده
أحمد: لالالا انتى كده عديتى حدودك يا جمورة وانا مش هجدر امسك نفسى بعد كده
تامروادهم: انت بتكلم مين كده ياااااااااه
أحمد: بكلم صاحبتى يا عم الحد انت وهو
تامروادهم:ااااااه افتكرنا حاجه تانيه

أحمد جه جنب تامروادهم بصوت واطى والنبى يا كابتن انت وهو متخلوش شكلى وحش جدام الموزة بتاعتى
تامروادهم: هههههههههههههه وانت عندك موزة يا بأف
أحمد: لالالا انتوا زودتوها على الاخر انت واخوك يا عم الجمور
تامروادهم: نعم يا كوتوموتو
أحمد: بص برده تانى بتربط الهزار بالجد ياددع انا بمزح معاااااك
تامروادهم: ما علينا انجز وودع الموزة بتاعتك علشان انت هتموت دلوقتى
أحمد: لأ والنبى يا كابتن بلااااااش وانا لابس الترنج اللى ابويا الحج جايبهولى من السعودية
تامروادهم: ااااااانجز ..... طب لما انت مش اد المعاكسه والكلام ده بتعاكس ليييييييه
نور: أحمد انا مش فاهمه حاجه
أحمد : استنى يا نور ... معندناش حريم تفتح خشمها والرداله بيتكلموا
نور: يا أحمد دول بيقولوا هيضربوك وكلام غريب كده
أحمد : يا سيتى دول بيهزرووووا معايا
تامروادهم: لأ مبنهزرش .....
الوليه: علشان لازم قلالات الادب اللى زيك يتربوا كويس ويعرفوا شغلهم
أحمد بيقرب من أم تامروادهم وبيقولها
أحمد : معلش يا هانم ..متزعليش يا جمر انتى وبعدين انتى احلويتى عن جول مرة شوفتك فيها كده ليه
الوليه: خلاص يا ولاد سماح المرة دى ده طلع مؤدب
وبتروح مقربه من احمد وموشوشاه فى ودنه
الوليه: هستناك بكره على البيتش الساعة 10 الصبح اوعا متجيش
احمد: قشطه يا موزة من 8 الصبح هكون متلجح على البيشت
الوليه: يلا يا اولاااااااد
أحمد : سلام يا رداله بس اوعوا تنسوا
نور : احمد انا مش فاهمه حاجه خالص وبعدين تعالا هنا كانت بتقولك ايه الست دى
أحمد: لالالا يا نور مفيش حاجه
نور: خلاص اوك يا احمد براحتك .... شكرآ
أحمد : وه وه وه ... الجمر بتاعى انا يزعل منى ازااااى بس
نور : ابعد بقى بعيد عنى انا زعلانه منك
أحمد : طب والله ارمى نفسى فى البحر واغرق نفسى كمان علشان ترتاحى
نور : لأ لأ يا احمد اوعا تعمل كده
أحمد : كنت عارف يا جمر انك هتجولى كده وهتخافى عليا كماااان
نور: أنااااااا ؟
أحمد : لأ الولييييه ههههههههههههههه
نور: ماشى ماشى براحتك

انا جعااااااان جوى جوى
وهما رايحين البوفيه اللى على البلاج احمد قابل واحد صاحبه من الرحله معاهم
وكان متابع الحوار من الاول بتاع الوليه ام كلسون لحد الاخر
صاحبه : ايه يا رامبو عملت ايه مع الكباتن اللى كانوا عاملين زى البلدوزر اللى كانوا عايزين
يفرمووك ههههههههههه
أحمد :ازيك ياض عامل ايه وفينك كده
صاحبه : انت اطرش ولا ايه يا عم بقولك عملت ايه مع الاشباح اللى كانت عايزة تاكلك دى
أحمد: لالالا ياعم انا بطلت افلام رعب من زماااااااان ياعم الحج
صاحبه: ااااااه هى نور متعرفش اللى انت عملته واللى كان هيحصلك ولا ايه
نور بتبص لأحمد بصه استغراب
أحمد: طب تعالى يا نور نجيب حاده ونيجى على طوووول
نور: احمد لو سمحت فهمنى ايه اللى حصل انت مبتخبيش عليا حاجه
احمد فى سره
الله يخرب بيتك دا انا مصدقت انها نسيت الموضوع

أحمد: يا سيتى كل اللى حصل ان انا بعد لما عاكست الوليه راحت مناديالى ولادها الاتنين اللى عاملين زى
الباب اللى كانوا واقفين دول
نور: وبعدين....
أحمد: بس يا سيتى كانوا عايزين يعرفوا انا عملت كده ليه زى ما انتى شوفتى كده
بس انا جولتلهم اللى هيجرب منى عليا الطلاج لأتصل بابويا الحج هريدى فى البلد واخليه
يجى يجتلكم

نور: يا احمد دا انت عقباال ما ابوك الحج يكون زصل عندنا هنا هيكونوا عملوك زى الكوتش
أحمد : (( كوتش )) ... يا ست نور انا غلطان انى حكيتلك
نور: يا أحمد يا أحمد تعالا بس اقولك انا كنت بهزر معاك والله ... انت قماص اوووى
أحمد : لا انا جعان هروح اكل وانام علشان ورايا بكره را ندفو
تانى يوم والساعه بقت 7 الصبح
أحمد: وه وه وه ... يابوووووى الوليه كده هتروح ومش هتلاجينى على البيشت
أحمد كان على البيتش الساعه 8 بالظبط زى ماقالها
وفجأة تيجى الساعه 9,30 واحمد يلاقى مين اللى جاااااايله
على البحر وهو قاااااعد ................
.
.
.
((( توقعوا انتوا )))

modyy
10-11-2008, 07:26 PM
:eek: اكيد نور

الله ينور عليك يا sasa القصة جامدة موت

Rania Ismail
10-11-2008, 07:53 PM
متطمعيش بقى يا رانيا

هو انتى عايزانى انزلهالك كلها مره واحده
هههههههههههههه
على العموم منورانى

بس كل ما التشجيع هيزيد
هنزل حلقات اكتر
هههههههههههههههههههههههه
يعنى هزود الجرعه

منورانى


حنشجع اكتر من كده ايه مش عارفه

Rania Ismail
10-11-2008, 08:03 PM
اكيد نووووووووووووور

م/ احمد فاخر
10-11-2008, 08:11 PM
الله ينور
هو المسلسل ده كام حلقة
ههههه

Mahmoud Slem
10-11-2008, 08:30 PM
لا مش نور يا رانيا
منورانى

Mahmoud Slem
10-11-2008, 08:31 PM
مينفعش اقولك كام حلقه
هتبقى مفاجاه ليك
منورنى

Rania Ismail
10-11-2008, 09:07 PM
لا مش نور يا رانيا
منورانى


اوعى تكون انت اللى روحتلهم
هههههههههههههههههههههه
بجد بجد حتبقى مفاجاه

Mahmoud Slem
10-11-2008, 09:12 PM
طيب
حرزى فزرى لغايه بكره
يا رانيا
وان عرفتيها
ليكى
حلقتين
يعنى هنزل حلقتين
يالا اى خدعه

ههههههههههههههههههه

shimo
10-12-2008, 02:16 AM
تحفه موووووووووووووووووووووت اه واللهى
طول ما انا بقرأه وانا هموت من الضحك
فكرنى بمحمد هنيدى فصعيدى فالجامعه الامريكيه:p
خصوصا كلمه دزمه دى ههههههههههههههههههههههههه
لالالالالا متقطعش كدا كملها على طول ورا بعض
بلييييييييييييييييييييز :(

Mahmoud Slem
10-12-2008, 07:01 AM
تحفه موووووووووووووووووووووت اه واللهى
طول ما انا بقرأه وانا هموت من الضحك
فكرنى بمحمد هنيدى فصعيدى فالجامعه الامريكيه:p
خصوصا كلمه دزمه دى ههههههههههههههههههههههههه
لالالالالا متقطعش كدا كملها على طول ورا بعض
بلييييييييييييييييييييز :(


مينفعش يا شيموا ورا بعض
فين الاشتياق
وانتظار الحلقات
هو انتى فى التلفزيون
بتتحاليلى عليهم
ولا علشان غلبان يعنى
عععععععععع
لا
مش كلهم مع بعض
هههههههههههههه
نورتينى يا شيمو

Mahmoud Slem
10-13-2008, 06:01 AM
الحلقه العاشره

أحمد وهو قاعد على البلاج مستنى ام ادهم وتامر
ميييييييين اللى طب عليييييييه ..........
.
.
.
الوليه: ايه يا ميدو إتأخرت عليك
أحمد : لالا خالص وحتى لو إتخرت يا جمر
الوليه : لا دا أنت شكلك شقى خالص
أحمد: لا دانا اعجبك جوى جوى
الوليه: طيب هنشوف كل حاجه
وهما قاعدين ميين اللى طب عليهم .............
الجميله نور
ايه انتوا افتكرتوا مين مش كفايه كان هيتاكل علقه امبارح
.
من غير نفس بقى ونور بتتكلم
.
نور: ازيك يا احمد انت هنا من بدرى ولا ايه ؟
أحمد : اه قولت اشم هوا ناضيف على الصبح كده
نور: طب تعالا معايا يا احمد لو سمحت انا عايزاك
أحمد : حاضر يا نور 5 دجايج وهكون عندك بس اسبجينى انتى
نور : لأ يا احمد لو سمحت انا عايزاك دلوقتى ممكن
أحمد علشان خاطر ميزعلش نور وعلشان هو ميقدرش على زعلها
راح قايم وراها على طول
نور: ايه يا احمد اللى بينك وبين الست دى ممكن اعرف ؟
أحمد : مفيش حاجه يا نور صدجينى
نور : انتا يا احمد متعودش تكدب عليا كده
أحمد : وانا والله يا نور معرفش الوليه ام كلسون دى عايزة منى ايه؟
نور بصراحه انا فى حاجه عايز اجولهالك من زمان وكاتمها فى جلبى
من زمان جوى جوى انا يا نور .............
الوليه: ايه واقفين بتقولوا ايه يا أمامييييييير .. تعالا يا ميدو انا عاوزاك فى حاجه
وراحه شدااااااه من ايده
نور : ميدو
نور : يا احمد تعالا انا عاوزاك
واحمد واقف مش عارف يعمل ايه وراحه شداااه تانى وخادتو ومشيواااااا بعيد عن
نور وهو مش عارف يعمل ايه...
المهم نور كانت هتتجن ومش عارفه تعمل ايه
_ وبعد ما رجع احمد
احمد : يا ساتر يا رب على الوليه دى اعوذ بالله
نور : ايه يا احمد كنت فين انا كنت قلقانه عليك قوى وزعلت منك اوى برده علشان مشيت
وسبتنى مع الست دى
أحمد : دى وليه مجنونه
نور: ليه كانت عاوزة ايه
احمد: كانت بتطلب حاجات غريبه كده وكل شويه تجولى انت صعيدى اى كلام
ولا صعيدى جامد .. والحمد لله ان ربنا نجانى منها
نور: لا والنبى وبعدين ؟؟؟؟
أحمد : مكونتش اعرف انها كده انا كنت فاكرها عايزة خدمه منى اجدمهلها ولا حاجه
طلعت غير كده خالص
نور: طب على العموم يا احمد انا مش عايزاك تقف معاها تانى ولا تروح معاها
تانى
أحمد: طلباتك جوامر يا جمر انت والله انت جمر واللى يجول غير كده
يبجا دموسة وابن دموسه
نور: ههههههههههههههههه
نور: ياااه يا احمد خلاص فاضل 3 ايام والرحله تخلص ونرجع للترم التانى
أحمد : بس انا عايز اجضى ال3 ايام دول وانا معاك يا جمر وعايز اعوضك عن كل اللى
فااااااات
نور: بمناسبه ايه يا احمد بتقول الكلام ده وبعدين
انت مين سمحلك تقولى كده وبناءن على ايه بتقوله اساسآ
أحمد وشه اتقلب وجاااااب 100 لون وقبل ما يرد عليهاا........
نور : هههههههههههههههههههه
ايه مالك انت عملت كده ليه وانا كنت بهزر معاك على فكرة
ههههههههههه
أحمد : اووووووف وه يابووووووى خضتينى يا شيخه انا قولت ايه اللى
حصل .انا عمرى ما حد حرجنى كده خالص
نور: لالال متخافش كنت بهزر هههههههههه
أحمد : يااااااااه على هزارك اللى عامل زى هزار الراجل بتاع جلد الخرفان اللى بيعدى علينا كل عيد فى البلد
نور: جلد الخرفااااان
ههههههههههههههه
أحمد : يا بت بهزر معاكى دا انتى دمك زى السكر
أحمد : المهم بس دلوجتى انا لازم اتصل بأبويا الحج فى البلد واطنمه عليا يا نور
احسن يكوووون جلجان عليا ولا حاجه
وبعدين هو جالى قبل ما تنزل الترعه (( البسين )) اللى انت رايحها ابقا كلمنى وانا نسيت خالص
نور : ترعه هههههه المهم يا احمد
خد موبيلى وكلمه
أحمد : لا يا نور اصل المكالمه ممكن تكون غاليه شويه
نور: يا احمد ولا يهمك الرصيد كله تحت امرك
أحمد : لا يا نور دا كتير والله ربنا يخليكى ليا يارب بس معلش
ولو فيها رخامه انتى معاكى اد ايه رصيد ؟ ههههههههههه
بهزر معاكى طبعا
نور: خد بقى وبطل رخامه وكلم الحج هريدى وسلملى عيه جوى جوى جوى ههههههههه
احمد : ههههههه ماشى يا سيتى بس بشرط هبقا اديكى دقيقه تتكلمى من عندى لما اجيب موبيل
نور: ااااه صح يا احمد انت لازم تجيب موبيل علشان ابقا اتصل بيك عليه
بدل ما جارتك الجميله اللى بترد عليا كل مرة دى
احمد : ههههههههه لالا ما انا جولت لابويا الحج هريدى وقريب هيبعتلى
الموبيل اللى بيجولوا عليه ده الموتوريله سن الفي
ل
نور: ههههههههههههههه
أحمد : ايه مش عاجبك ولا ايه يا بت انتى
نور : لالالا تمام
أحمد : طب هاتى الموبيل ولا انتى بتهربى من الدجيجه ولا ايه
نور: ههههه ايه اللى انت بتقوله ده امسك وسلملى عليه اوى يا احمد
.
.
اما نشوف بقي المكالمه بين الحج هريدي وابنه احمد يلا الي اللقاء في الحلقه الجايه

Mahmoud Slem
10-13-2008, 06:02 AM
الحلقه الحاديه عشره
مكالمه احمد وابوه الحج هريدى
أحمد : ازيك يابا وازى امى واخواتى والبلد كلتها
وبعدين بينه وبين نفسه (( اللهى تولعوا كلوكوا ))
الحدهريدى: ازيك يا ولدى عامل ايه وايه اخبارك مش ناوى ترجه ولا ايه يا ولدى دى البلد كلتها مستنظراااااك
أحمد: اه طبعا يابا ناوى دى البلد وحشانى جوى جوى جوى
وبعدين بينه وبين نفسه (( اللهى ارجع الاجيها مولعه باللى فيها ))
الحدهريدى : والعمده احمد بيسلم عليك وعايز يكلمك علشان عايز ينزل مصر وعايز يشوفك
علشان تروحوا مع بعض تزورو الأوليه وبالمرة يشتريلوا بهيمتين بدل اللى ماتوا
أحمد : ماتوا من ايه يابا هو انت لسه شغال فى الظريبه عنده ولا ايه يابا
الحدهريدى: ومالها يا ولدى شغلانه الظريبه دا انا دلوجتى اترجيت وبجيت مشرف
على البهايم كلتها
اأحمد : طب الحمد لله يابا
الحدهريدى: طب خد يا ولدى امك عايزة تكلمك
أحمد : يابا والنبى بسرعه علشان انا بتكلم من المحمول ومش بتاعى يابااااااااا
وبعدين بينه وبين نفسه (( يالهوووى يابا عليك وعلى سنينك السوده ))
أم أحمد : ازيك يا ولدى عامل ايه
أحمد : ازيك ياما اااا عامله ايه
أم أحمد : ليك عندى يا ولدى خبر حلو جوى جوى هيعجبك
أحمد : جولى ياما جولى ما ما انا عارف اخبارك
وبعدين بينه وبين نفسه (( اخبارك السوده دى))
أم أحمد : جايبالك عروسه انما ايه زى الجمر يا ولدى
أحمد : عروسه مين دى ياما ؟؟؟
أمه : نفيسه بنت عمك ابو همام
أحمد : نفيسه اللى كانت بتجرى ورا عربيه الرش بتاعه النموس والل كانت بتنزل الترعه
ياما دى كانت ........ ياما دى جربانه ياما
أمه : دى دلوجتى بجت عروسه وإحلوت يا ولدى
أحمد : ربنا يسهل ياما اا .. بس انا دلوجتى مبفكرش غير فى دراستى .
أحمد : خلاص خلاص ياما سلام دلوجتى علشان الرصيد اللى فى المحمول ميخاصش
أمه : ايه ده يا ولدى انت جيبت محمول
أحمد : وبعدين بينه وبين نفسه (( سلام بجا ياما دا انتى رخايه جوى وراح قافل فى وشها ))
نور: ايه يا احمد سلمتلى على الحج هريدى
أحمد : اه طبعا طبعا يا نور
أحمد: ياااااه يا نور لو شفتى بلدنااااااا حته من شرم كده
نور : نفسى اروح معاك يا احمد مرة واشوفها واشوف الحج هريدى ومامتك وكل اخواتك
أحمد : بينه وبين نفسه ((متشوفيش وحش))
أحمد : اااه يا نور نفسى تشوفى ابويا العمده وهو قاعد فى الظريبه أأخ قصدى
وهو بيبص على الناس اللى شغاله فى الظريبه
أحمد : وأد ايه يا نور ابويا مهتم بنظافه الظريبه أأخ قصدى البلد كلتها
نور: هو بباك عمده طب احكيلى عن اخواتك يا احمد
أحمد : عندى يا ستى أخين وأخت
نور: واسمهم ايه يا احمد
أحمد : عواد وعبعال والبنت اسمها صابحه
نور: وسنهم اد ايه؟؟
أحمد : عواد ده حرامى أد الدنيا
نور: حرااااامى
أحمد : لأ يا شيخه بهزر معاكى
دا عواد عنده خمستااااشر سنه ولسه فى ابتدائى اصل بيحب الدراسه جوى تصورى
نور : وعبعال ؟؟؟؟
أحمد : عبعااااااال يا عينى على عبد العال ... عبعال ده تديله من فوق اكل يديكى من
تحت حاجات تانيه
نور: هههههههههههههههههههههههههه
أحمد : لا دا عبعال فظيع تصورى عبعال فى مرة كنا بنتعشا
فا أمى كانت عاملالنا بيض ومش وكان فى المش دود وكان عبعال
بجاله يومين مكالش لحمه راح واكل الدود وساااب المش
نور: يوميين مكاالش لحمه ههههههههه
أحمد : لأ وايه وبعد ما أكل الدود والبيض دخل الحمام
فضلت يا نور البلد كلتها 7 أيام تعانى من سد فظييييع فى المجارى
نور: ههههههههههه يع يع
أحمد : مقولكيش بجا على صابحه
نور: لألأ كفااااااايه لحد كده
أحمد : لا كله إلا صابحه .. صابحه وهى صابحه.......
وفجأة واحمد بيتكلم مع نور راح طابب عليه واحد
بلدياته من البلد واحمد بقى مرعوب ليشوفوا ويجى يسلم عليه ويفضحه قدام نور
وفعلا ده اللى حصل وبلدياته شافه وراح رايحله على طوووووووووووول
أحمد وشه جااااااب 100 لووووون وخااااااف ليتفضح قدام نور وتعرف ان ابوه ولا عمده ولا حاجه
ورااااااااح دااااخل بلديتناااااا على احمد ..........
.
.
.
واشووووووفكم الحلقه الجااااايه ان شاء الله

التشجيع يا شباب
عايز تشجيع جامد اوى
انا نزلت حلقتين اهو

Mahmoud Slem
10-13-2008, 09:47 PM
انا شكلى هوقف تنزيل حلقات
لغايه
ما الناس ترد
احنا فى منتدى والمعنى مشاركه
وليس
فرجه وبس

shimo
10-13-2008, 10:48 PM
:) انا برد اهو
بس انا متغاظه منه عشان كدب عليها :mad:

الجغرافيه
10-13-2008, 10:56 PM
روعه

وننتظر باقى الحلقات

Mahmoud Slem
10-13-2008, 11:01 PM
ايه يا شيمو متعقديهاش اوى كده
مش بيكدب بيكدب
يعنى
حاجه بسيطه
كدبه بيضه


والبيضه مسلوقه
وانا اكلتها
هههههههههههههه

منورانى يا جميل


الف شكر ليكى
يا جغرافيه

الشبح
10-13-2008, 11:10 PM
ومين قالك تاكلها يا واد

ههههههههههههههه

رائع يا حوده والله

استمر

Mahmoud Slem
10-13-2008, 11:50 PM
منورنى يا ميدو بجد

مشكورين كلكم

الشبح
10-14-2008, 02:50 AM
هات من الاخر ياض

وادينا اخر جرعه بقى

هههه

Mahmoud Slem
10-14-2008, 06:49 AM
الحلقه الثانيه عشره
ودخل بلديتنا على احمد
صميده : أحمد بلدياتى حبيبى ازيك يا صاحبى عامل ايه
أحمد : ازيك انت يا عواد
بينه وبين نفسه (( الله يخرب بيتك ايه اللى جابك دلوجتى يا صميده يا غلس )).؟
صميده : ( عواد ) مين انت مش فاكرنى ولا ايه يا احمد
أحمد : لالا طبعا ازاى يا حمدان فاكرك وانا اقدر انساك
صميده : حمدان مين يا احمد انا صميده ابن عمك الحج شعبان بتاع البليله
أحمد : ااااااه يا جدع وانا اقدر انساك برده ايه اللى انت بتجوله ده وايه اللى جايبك هنا يا حمار قصدى يا صميده
بينه وبين نفسه (( تيجو من بلدكوا وتقرفونا هنا )).؟
صميده : طب والله يا احمد انت كنت واحشنى جوى جوى
فاكر يا احمد ايام زمان اما كنا .......؟
وراح احمد قاطع كلامه
أحمد : اااه طبعا طبعا فاكر يا صميده وانا اقدر انسى
بينه وبين نفسه (( اه يا ابن الدزمه هتفضحنى جدام نور ))..؟
صميده : فاكر اما كنا بنروح نلعب مع البهايم فى ظريبه العمده اللى كان شغال فيها ابوك الحج هريدى
أحمد : هههههههههههههههههه دا انت بجى دمك شربات وزى السكر يا صمصم
صميده : ولا فاكر اما كنا بنروح الترعه اللى كنا كل يوم نروح ناخوض بلنصات فيها
أحمد : هههههههههههههههه يخرب بيت شيطانك يا جدع
بينه وبين نفسه (( عليا الطلاج شويه وهولع فيك يا ابن الدزمه )) ..؟
صميده : ياااااااه كانت ايام
أحمد: ااااااااه (( الله لا يرجعها ))..؟
نور طبعا قاعده بتحاول تفهم اى حاجه بس مش قادرة واقعه من الضحك وفى نفس الوقت مستغربه
صميده : انما مجولتليش يا احمد انت هنا بتعمل ايه
أحمد : بشم هوااااا اصل الجو حر جوى جوى هناك فى مصر
صميده : طب ما انت فى مصر برده يا احمد ولا انت حد ضحك عليك وفهمك انك مسافر بلاد بره
أحمد : يااااااه عليك يا صميده مش بقولك دمك بجى زى السكر .. قصدى على القاهرة يا خاااااافيف
صميده : اييييييييه ده وبجيت قاعد فى القاهرة كمان ؟
أحمد : وفيها ايه يعنى ياخويا ولا هما كاتبين عليها ممنوع دخول الحيوانات
نور : ههههههههههههههههههههههههههههههه
صميده : لا لا يا ابن عمى مجصودشي طبعا
أحمد : لا يا سيدى ولا تجصد
بينه وبين نفسه (( ايوه كده ادب معاه خناجه علشان يغووور ابن الدزمه ده )).؟
صميده : انت زعلت ولا ايه
أحمد : لا يا سيدى وهزعلى من حمار زيك ليه قصدى وهزعل منك ليه
صميده : طب حجك عليا
أحمد : انما مجولتليش يا سى صميده انت هنا بتعمل ايه ؟
صميده : انا يا ابن عمى شغاااااااااال فى مطعم فى فندق اسمه تروبيكالا
نور : هههههههههههههههههههههههه اسمه تروبيكانا
أحمد : وكمان مش عارف اسم الفندق اللى انت شغال فيه كتك نيله عليك
صميده : ولا يهمك يا جمر . اللى انتى تجوليه هو الصح
وبعدين مش تعرفنا يا احمد على المزمازيل اللى معاك
أحمد: لا يا سيدى مش هعرفك وبعدين انت مالك
صميده: كده يا ابن عمى ماشى ولا يهمك عادى انما انت مجولتليش عبد العال اخوك عامل ايه مع البلد

وعمل ايه فى الازمه اللى كان بيسببها للبلد كلها كل ما يدخل الحمام اصل بجالى كتير منزلتش البل
د
نور: هههههههههههههههههههههههههههههه
أحمد: يالهوووووووى على تجل دمك يا صميده
انت ياض جايب الغلاسه دى منين ؟
أحمد : اييووووه صميده اهو .. اللحج يا صميده اظاهر كده فى حد بينده عليك هناك وبيجول المدير عايزك
صميده: يالهووى المدير عايزنى يجى فى مصيبه حصلت
هجيلكوا تانى
نور : ههههههههههههههه مقولتليش مين ده يا احمد
أحمد : ده ؟ داااا صميده ابو الغلاسه والرخامه والرزاله كلهاااااااااا
نور: هههههههههههه لا ما هو باين عليه
وبعدين هو الكلام اللى بيقوله ده حقيقى
أحمد : يا سيتى متحوطيش فى بالك بجولك دا صميييييييده
أحمد : الله يخرب بيته مخلناش نعرف نتكلم مع بعض
نور: لا عادى يا احمد ولا يهمك بس انا زعلانه ان خلاص قربنا نرجه
أحمد : وانا كمان والله يا نور
نور: طب انت هتعمل ايه دلوقتى يا احمد ؟
أحمد : انا جعاااااااااان
نور: هههههههههههه انت على طول كده يا احمد اكل اكل على طول
أحمد : يا باااااى عليكى وعلى جرك هو مش انتى جولتى انهم عاملين الاكل ابون بوفيه
نور: ههههههههههههههههههههه ايه ( ابون ) ؟ هههههههههه اسمه اوبن بوفيه
أحمد : يااااااااااه على رزالتك انتى كمان هتعملى زى صميده ولا ايه
بتيجى انتى فى الحاجات التافهه وتتكلمى
نور : ههههههه خلاص معلش
أحمد: طب ايه تيجى تاكلى معايا
نور بكسوف راحه قايلاله اوكى
أحمد : وبتجولى مش جعانه يالهوى عليكى تلاجيجى هتروحى هتعتدى على البوفيه كلها
نور : دا انا برده اللى كل شويه بقول انا جعان انا جعاااااااان
وراحوا الاتنين للبوفيه ويا ريتهم ما راحو للبوفيه
ويا سلاااااام على اللى عملوا احمد وعلى الفضاااايح اللى عملها فى اللى بياكلوا هناااااك
وهتعرفوا عمل اييييييييه على البوفيه
الحلقه الجااااااااايه ان شاااااااااء الله



التشجيع يا شباب

shimo
10-14-2008, 01:13 PM
:( عايزة اعرف
ثم طولها شويا يا ساسا
ايه دا بقئ
كانت اطول من كدا الاول
دلوقتى بتخلص فثوانى

Mahmoud Slem
10-14-2008, 01:27 PM
الكيف يا شيمو
انا هخليكى تنونى
على حلقه
ههههههههههههههههههههه

مش هتقدرى
مع sasa
مش هتقدر تسيب المنتدى
ههههههههههههههههههههههه

دة حسب الحلقه
انا بقطع الحلقه
لما احس انها هيبقى فيها اشتياق جامد جدا
بس
مالهاش دعوه بالطول

الشبح
10-14-2008, 11:08 PM
لما نشوف اخرتها يا محمود

عارف لو مطلعتش اللي في دماغي هموتك

ياااااارب يا مندوبنا

وهاتلي بقى كوبايه مايه بسرعه علشان عطشان

Rania Ismail
10-15-2008, 12:22 AM
انا جيت
بص يا صاصا انت المفروض تنزل حلقه كل يوم
ده اتفاق جديد ولازم تلتزم بيه

الشبح
10-15-2008, 12:28 AM
بس بس بس

هي الاتفاقات دي كل يوم بتتغير ولا ايه

zoro313
10-15-2008, 12:30 AM
كوبايه ميه دى بتعتى انا متغشش
هههههههه بسرعه والنبى يا مندوب علشان عطشان
هههههههههههههههه

الشبح
10-15-2008, 01:34 AM
هههههههههه

يظهر اننا كلنا عطشانين ولا ايه

ههههههههه

هافتحلك كانتين في المنتدى يا معلم

ابسط يا عم

Mahmoud Slem
10-15-2008, 05:37 AM
هو انتم كلكم
عاطشانين
انا مش شغال عندك ياض منك له
انا مندوب عنك
المفروض
تحترم نفسك منك له
يا زملاكاويه
هههههههههههههههههه


اما بالنسبه لاتفاقنا يارانيا
انا موافق
كل يوم حلقه
وهبدا من دلوقتى

Mahmoud Slem
10-15-2008, 05:39 AM
الحلقه الثالثه عشره

وراح احمد ونور للاوبن بوفيه علشا ياكلوا
دا اللى وقفنا لحد عنده الحلقه اللى فاتت
المهم نكمل بقى...........
دلوقتى هما فى البوفيه
أحمد : عايزك يا بت يا نور تاكلى وتملى بطنك على الأخر جبل ما الوكل يخلص
نور : ههههههههههه يخلص ايه بس يا أحمد وبعدين البوفيه مفهوش حد كتير بياكل معانا
أجمد : برده يا نور انتى متضمنيش الاحتياط واجب بجولك ايه
ناولينى كده الفرخه اللى ناحيتك هناك دى وطبج المحشى اللى جنبيها بالمرة
نور : طيب بس انا اول مرة اشوفك جعان اوى كده
أحمد : لألأ اتعودى على كده خلاص دا احنا فاضل يوم ونرجع دا انا مش بعيد ابات
فى الابون بوفيه بتاعكوا ده
فلازم املا بطنى على الاخر
نور: ههههههههههههه طب ما انت اكيد هتجوع تانى يا ابنى اما ترجع
أحمد : ياباااااااااااااااى عليكى يا نور اسكتى بجى خلينى اعرف اتمزج بالفرخايه الجميله دى
دا انا اخر مرة كلت فيها فراخ اما كنت فى الشجه اللى انا جاعد فيها فى مصر وكانت كمان عملهالى الوليه
المايصه جارتى بس كانت ماسخه زيها
نور : ماااشى اتفضل كل انا مش هضايقك تانى
وطبعا كده هما كانوا خدوا الاكل وقعدوا فى المطعم بتاع البوفيه على التربيزة يعنى
أحمد : متزعليييش... بس انا جعان وهنكمل كلامنا بعد ما اخلص يا جمر
نور: طب كل برااحه محدش بيجررررررى وراااك
أحمد : حااااضر ... كده كويس ؟ طب خدى ورك الفرخه دى منى ليكى
نور : لالالا مش ينفع خالص فراخ مع سمك فليه
أحمد : مع اييييييييييه ؟ سمك فاااااليه ؟
نور: ايه يا احمد متعرفش السمك الفليه مش الفاليه
اللى هو بيكون من غير شوك
أحمد : إيوه إيوه عرفته خلاص اللى بيعوم فى الإحواض بتاعت السمك ده
نور: ههههههههه يااربى ... ايوه هو يا احمد كل بقى
أحمد : طب خدى اى حاجه منى اجبرى بخاطرى يا نور طب اجولك خدى يا سيتى
الطبج بتاع السلطه ده وجومى امليه سلطه وتعالى
نور: نعم نعم نعم ؟؟؟؟ من عينى يا أحمد
أحمد : تسلم عيونك يا جمر انت
وبعد ما راحت تجيبله السلطه بيكلم نفسه (( اومال ايه نعم نعم نعم دى اللى قالتها
دى زى حاضر مثلا عندها ولا ايه ))
المهم وهما قاعدين كان بياكل على الطربيزة اللى جنبيهم واحد من الجامعه برده معاهم واسمه ميدو
بس اييه قاعد معاه اربع بنات وشغالين بقى ايه ضحك ومقضيناها خاااالص
والواد ايه من الشباب الجامد جدا جدا واللى بيجيبوا من الاخر
نور: ايه ده يا احمد ده ميدو اهو
أحمد : يكونشى عادل امام يعنى ؟ ميشو مين ؟
نور : ميدو يا احمد بقولك ميدو الولد اللى معانا فى الجامعه
احمد : طب اهلا وسهلا اجوم ابوسهولك يعنى ولا اعمل ايه ؟
نور: طب انا هقوم اسلم عليه واقوله على حاجه كنت عايزاها منه
أحمد : نعم يا ست الجمورة تجومى تسلمى علييييه لييييييييييه ؟ يكونش حد جالك
انك قاعده مع سوسن ؟
نور : ههههههههه لأ والله مش قصدى بس اصلا كنت عايزة منه رقم الموبيل بتاع اخته علشان كنت عايزاها
فى حاجه
أحمد : ااااااااااه وبعدين ايه اللى عامله فى شعره ده وايه النضارة اللى قد ودان الفيل اللى لابسها
على عينه دى ودى يا ترى حفظ نظر ولا لابسها كده يتمرجع بيها جدام البنات
نور : دا استيل مووووت يا احمد وعسوووول اوى اوى
أحمد : طب ما تجومى تاخديلك كده بوستين على الماشى منه
نور: لأ انا بقولك يعنى انه استيل مش اكتر وبجد انا دلوقتى عايزة رقم اخته اعمل ايه وكل
ما اشوفه انسى اخده فا دلوقتى فرصه وانا فاكره
أحمد : طب من الاحسن انك تندهيلوا وهو يجى احسن
نور: طيب اوك فكره برده
نور: ميدووو ميدووووو
ميدو : ايه ده نور ازييييك يا بنتى
وراح قايم من على الطربيزة وراح راح عند طرابيزتهم
ميدو : ايه يا بنتى محدش بيشوفك ليه مختفيه يعنى
نور : معلش بقى يا ميدو انت عارف الشهرة والاضواء فا لازم ههههههههه
اعرفك احمد يا ميدو وده ميدو يا احمد
ميدو : ازيك يا ابو حميد وايه يا عم المطعم اللى انت فاتحه قدامك ده
نور : ههههههههههههههههههههههه
أحمد : هههههه مش كنتى تجوليلى يا نور ان ميشو صاحبك دمه خفيف كده
ميدو : وانت معانا بقى يا مان فى الجامعه
أحمد : مان ؟؟؟؟؟؟ بتجولك احمد وبعدين مان دى شتيمه ؟؟؟؟
ميدو : لأ يا صاحبى عيب عليك دى معناها راجل بس بالانجلش
أحمد : ربنا يخليك يا ميشو قصدى يا ميدو انت اللى شكلك راجل
ميدو : ربنا يخليك
أحمد : ويا ترى النضارة دى نظر ولا ايه ؟
ميدو : هههههههههههههه نظر مين يا عم الحج انت ايه مش شايف السواد اللى
فيها ولا ايه
دى نضارة شمس يا صاحبى
أحمد : اااااااه اللى هى ضد الشمس وكده
زى قبنورى ضد الحرق وضد الكسر هههههههههههههههه
نور : احمد يا ميدو من الناس القريبين اوى منى فى الجامعه
ميدو : اهلا وسهلا يا مان بلاش مان دى اهلا يا صاحبى وفرصه سعيدة
نور: كنت بقولك ايه يا ميدو كنت عايزة رقم سارة اختك علشان كنت عايزاها فى حاجه
ميدو : بس كده يا جميل هاتى موبيلك وانا اكتبهولك
نور : اتفضل
ميدو : مش عايزين منى حاجه بقى يا جماعه انا جمبيكوا على الطرابيزة لو عوزتوا اى حاجه منى
ماشى يا ابو حمييييييد
أحمد : ماشى يا صاحبى ربنا يخليك
نور : شوفت بقى انه طيب وعسل وجدع كمان
أحمد : ما خلااااص يا جمورة ايييييه ده كله كفاايه حاجه واحده
نور: ايه رايك يا احمد تعمل نيولوك فى شعرك ولبسك وكده زى ميدو
أحمد : بجولك ايييه وماله شعرى ولبسى يا ست هاااااانم
ايه شايفانى اراجوووووز ؟؟
نور: لأ يا احمد والله مش قصدى بس انا قصدى ان الناس كلها بتعمل تجديد فى شكلها
وكده وهيبقى للأحسن طبعا فاكر اخر مرة عملت فيها كان جميل ازاى
أحمد: اه طبعا وانا اقدر انسى بأمارة اما الحلاق اللى حلقلى تانى يوم مات
نور : ههههههههههههههه
أحمد : اه والله انتى فاكرانى بهزر فا مش ناقصين حد يموت تانى كفايه المرة اللى فاتت
ومن ساعتها وانا متعقد من البلو توك
نور : ال ايييييييييييييه ؟ يا اربى اسمه نيو لوك
احمد : مش موضوعنا دلوجتى يا رخمه ... طب انا موافج بس عايز حلاج يكون
كويس بقى ومش من اللى بيموتوا
نور: ولا يهمك يا سيدى كده كده احنا خلاص راجعين بكره اما نرجع اخلى ميدو يوديك للحلاق اللى بيروحلوا
وبعديها ننزل نجيب اللبس كمااان ايه رايك ؟
أحمد : ماااشى يا جمر . بجد يا نور مش عارف اجولك ايييييه يا نور انتى طيبه جوى جوى
نور : لأ يا احمد متقولش كده انت متعرفش انت ايه بالنسبالى
أحمد : طب انا هجوم اغسل ايدى
طبعا نور اضايقت علشان احمد قطع الحوار الرومانسى اللى كان ابتدى بينهم
نور : طيب اوكى اتفضل يا بيه

و استنوني الحلقة الجاية يا حلوين

اتفضلوا يا حبايبى
الحلقه دى
الحلقه دى طويله يا شيمو اهى

zoro313
10-15-2008, 07:37 PM
الله ينور جامد اوى الكلام ده
ومتتأخرش علينا بالجرعة

Rania Ismail
10-15-2008, 08:07 PM
مشكووووور يا صاصا وهو ده الاتفاق
استمر يا صديقى

zoro313
10-16-2008, 12:10 AM
فين ياعم صاصا الحلقه ولا المخرج تعبان ولا ايه

Rania Ismail
10-16-2008, 08:28 PM
ايه يا صاصا
فين الحلقه يا عم

Mahmoud Slem
10-18-2008, 01:20 AM
والله هو المخرج مش تعبان
لكن الوالد مر بظروف صحيه وحشه
وارجو من الكل ان يلتمسلى العزر

ويدعوا له بالشفاء
ربنا يشفيك يا بابا يارب ويزيل عنك البلاء
اسال الله العظيم رب العرش العظيم ان يشفيك
اسال الله العظيم رب العرش العظيم انا يشفيك
اسال الله العظيم رب العرش العظيم انا يشفيك

انا هنزل 3 حلقات علشان غيابى وتاخرى
معلش اعذرونى

Mahmoud Slem
10-18-2008, 01:22 AM
الثلاث حلقات اللى هنزلهم دول
علشان اتاخرت
ولكن مش بايدى




الحلقه الرابعه عشره
" احمد انتهز فرصه ان نور طلعت تغير هدومها وراح اعد جنب الوليه وحصل اللي حصل " اكيد
" الوليه طبعا مبتعرفش عربى اصلا " خالص
احمد : يالهوي علي الغزال اللي بيلعب في الرمل
الوليه : ــــــــــــــــــــــــــــــــــــــــــــــ ؟
احمد : يالهوي علي الحصان اللي قاعد علي الشط
الوليه : ـــــــــــــــــــــــــــــــــــــــــــــ ؟
احمد : يالهوي عالجمر اللي الميه بلته
الوليه : ــــــــــــــــــــــــــــــــــــــــ ؟
احمد اتخنق وزهق كل الكلام ده والوليه مش راديه تعبره
احمد عجبه تقل الوليه وحنا عارفينه صعيدهي ومخه تخين لازم يكلمها
احمد : ايه يا عم التقل دا عبرنا ولو بنظره
الوليه خدت بالها ان في صوت بيتكلم بصتله
احمد : يا دين النبي ايه العنين الدامده دي
احمد : بس بس بس بس بس بس انت يا جمر
الوليه : _______________ ؟
احمد سرحان في عيون الوليه ومش عارف يقول ايه اتبلم
يالهوي دا نور جايه في الطريق واحمد لسه مبلم في عيون الوليه
نور : احمد " احمد مش هنا خالص راح في دنيا تانيه " مش معانا
نور : احمد احمد احمد
احمد : ايه مين
نور : ايه يا بني انت سرحان في ايه كده
احمد : لا مافيش
نور : طيب انتا جاي معانا ولا قاعد
احمد : نروح فين
نور : هنروح نفطر ونطلع علي البلاج
احمد : طيب روحوا انتوا انا قاعد هنا شويه
نور : لا يا احمد تعالي معانا
احمد : لا انا عايز اعد هنا شويه
نور : كده يا احمد مش عايز تروح معايا
احمد : خلاص خلاص انا هاجي معاكي جومي كتج الجرف
نور : بتقول حاجه يا احمد
احمد وهو ماشي في سره با بنت الدزمه لازم تيجي دلوقتي انا كنت خلاص هكلم الوليه
نور : احمد انت بتقول حاجه
احمد : لا
نور : طيب انت مش هتطلع تغير هدومك وتلبس الترنج اللي من السعوديه الجامد جدا ده
احمد : اه والله فكرتينني بصي انا هطلع اغير وابقي اجيلك روحي انتي

" احمد وزع نور وطلع غير ومش راحلها راح فيــــــــــــــــــــــــــــــــــــن " فين


قولوا انتوا بقي

Mahmoud Slem
10-18-2008, 01:24 AM
الحلقه االخامسه عشره
احمد ساب نور راحت المطعم وطلع هو يغير لكن خد وقت كتير اوي
لانه مش عارف يلبس الترنج اللي من السعوديه الجديد
محتار يلبس انهه وش اصله وشين زي بعض ما علينا احمد اتخنق راح رامي الترنج
ولبس ترنج غيره ونزل نفض لنور و راح يدور علي الوليه
مش لاقها في نفس الوقت نور قلقت علي احمد راحت تدور عليه واخيرا
نور : كنت فين يا بني
احمد : ماكنتش وهروح فين يعني
نور : بس ايه الشياكه دي هو دا التنرنج اللي جايبه من السعوديه
احمد : لا التاني فوق في الاوده مرضتش البسو الواحد المفروض ميلبسش اللبس الدامد بتاعه من اول الرحله اكده
" احمد مش عايز يعرف نور انه مش عارف يلبسه عشان ما تتضحكش عليه " اه يا كداب
نور : طيب يلا عشان نروح نكمل اكل
احمد : يالهوي انتي هتكلي تاني انتي مش فطرتي
نور : لا انا كلت حاجات بسيطه كده مستنيياك عشان تفطر معايا
احمد : مرسي يا نور ربنا يخليكي
نور : يلا يا احمد
احمد :جرسووووووووووووووووووووووووووووووووووووون انتا ياااااض
نور : بس يا احمد الناس بتبص علينا هو هيجيلنا المنيو بتاعه الاكل دلوئت
احمد : منه مين هي منه دي شغاله معاه
نور : يالهوي المنيو المنيو
احمد : اه منيو مش منه مين منيو دا بقه
نور : يالهوي يا بني ليسته الاكل
احمد : اه ماتقولي كده من الاول لازم تجيبي منه يعني الاول
نور : طيب شوف هتاكل ايه
احمد : طيب انا هاخد ايه دا مافيش فول طعميه بدنجان ايه الاكل دا
نور : هو انت في البلد الفطار هنا زبده مربه جبنه حاجات خفيفه كده
احمد : والحاجات دي بتشبع ولا هنجوع منها
نور : يعني كل لاغيه متشبع دا اوبن بوفيه
احمد : طيب بص يا كابتن هاتلي 5 زبده و10 مربه و 5 جبنه و10 عيش
الكابتن : ليه يا فندم انت عازم حد
احمد : وانت مالك يا سقيل اه عازم نفسي علي الفطار شوف الانسه تاكل ايه
نور : هتلي زبده ومربه وجبنه ورغيف عيش بس
الكابتن : اي خدمه تانيه
احمد : متشكرين يا خفه روح يلا يااض
نور : ايد دا يا احمد عامل الولد بشكل احسن شويه
احمد : يا عني اطلع البس بدله واكلمه عشان اكلمه كويس
نور : هههههههههههههههههههههههه يخربيت عقلك يا احمد مش قصدى
احمد : هو الراجل اتاخر كده ليه انتا يا عم جعانين
نور : يالهوي براحه يا احمد الناس بتضحك عليك
احمد : ليه هو انا بكلمه وانا واقف عي ايدي طب يلا والله مانا واكل
نور : خلاص يا احمد برحتك بس انا جعانه
احمد : يلا نروح ناكل في حته تانيه

و خدها احمد و هيروحو ياكلو فى حته تانيه
احمد وهو ماشي لاقه مين في وشه وهو داخل يفطر

Mahmoud Slem
10-18-2008, 01:25 AM
حلقه السادسه عشره

احمد بعد ما حلف على نور انهم يفطروا في مكان تاني

وهما طالعين لاقى الوليه اللي كان عايز يكلمها

وشه احمر وراح لنور قالها

احمد : نور عشان خاطرك انتي بس هنرجع ناكل في المطعم عشان انتي شكلك جعانه

نور : مرسيي يا احمد علي زوقك " طيبه ماتعرفش اللي فيها " خالص

احمد : هو الجارسون اتاخر كده ليه انت ياااااااااااااااااااااض

احمد : فين الوكل

نور : اهه جاي اهه

الكابتن : اتفضلوا الاكل بالهنا والشفا

نور : مرسيي

احمد : يلا ياض من هنا

نور : ايه يا احمد خلي قلبك رقيق من كده

احمد : طيب يا سيتي بقلك ايه يا نور ما تيجي تعدي مكاني

نور : ليه يا احمد

احمد : يعني تعالي بس

نور : طيب تعالي من شوف اخرتها معاك

طيبه اصل الوليه كانت اعده ورا احمد و هوا كان عاوز يبصلها

احمد : سرح في عيون الوليه ونسي الاكل ونور

نور : احمد احمد " احمد مش هنا " انت يا احمد انت رحت فين

احمد : ايوه بتقولي حاجه

نور : يالهوي انت دا كله ومش معايا انت سرحان في ايه

احمد : سرحان عبد البصير

نور : هههههههه خفيف سرحان فيه ايه بجد وبتبص فيا كده ليه

احمد : انا ببص عليكي انتي بتتلككي ولا ايه هبصلك ليه يعنى

نور بتتلكك " راحت نور بصت وراها لاقت الوليه بتتضحك لاحمد واحمد سرحان معاها " هههههههه

تش تش تش نور دلقت الميه فوق هدوم احمد

احمد : ايد دا يا نور ينفع كده الترنج اتبل هخرج ازاى دلوئت

نور : احسن عشان تسرح برحتك بعد كده انا ماشيه

احمد : خدي بس يا مجنونه مالك زعلتى ليه بس

نور سابت احمد وطلعت اودتها وزعلانه احمد طلعلها عشان يصالحها

احمد : نور خلاص بقي انا اسف بجد

نور : اسف علي ايه

احمد : عشان بصيت للوليه

نور : وانا مالي ما تتحرق انتا وهيا " ونور يا عيني هتموت عشان بص للوليه " ومتغاظه

احمد : اتحرق كده طب انا ماشي راجع البلد ومش هتشوفي وشي تاني غير علي الدراسه

نور : احسن روح " فى لحظه زعل جامده وعصبيه " كده

احمد : كده طيب شكرا علي الرحله الجميله دى

نور سمعت اوده احمد بتتفتح وطالع بالشنط ونازل من علي السلم

نور جريت ورا ولاقيته بيكلم في التليفون من الريسبشن بيكلم مين





اظن انا كده وفيت بوعدى معاكم

Rania Ismail
10-18-2008, 09:32 AM
والله هو المخرج مش تعبان
لكن الوالد مر بظروف صحيه وحشه
وارجو من الكل ان يلتمسلى العزر

ويدعوا له بالشفاء
ربنا يشفيك يا بابا يارب ويزيل عنك البلاء
اسال الله العظيم رب العرش العظيم ان يشفيك
اسال الله العظيم رب العرش العظيم انا يشفيك
اسال الله العظيم رب العرش العظيم انا يشفيك

انا هنزل 3 حلقات علشان غيابى وتاخرى
معلش اعذرونى


الف سلامه يا صاصا
ومفيش اى حاجه احنا كلنا هنا اخوات
اسال الله العظيم رب العرش العظيم ان يشفيه
لو محتاج حاجه يا صاصا قووووول متتكسفش ياض احنا اخوات

Rania Ismail
10-18-2008, 09:39 AM
صاصا
لو مش حينفع تحط الحلقات فى معادها مفيش مشكله تتاجل لو عنك ظروف
وكل واحد فينا معرض لاى ظروف متتغطش على نفسك

Mahmoud Slem
10-18-2008, 04:28 PM
لا الحمد لله
يارانيا
بابا بقى تمام
الحمد لله
وانا خلاص
رجعت تانى ولكن اقوى من الاول

وبجد ربنا يخليكى احنا اكيد من غير اى كلام
احنا اخوات
ويارب الكل يحس الاحساس ده
علشان نطلع بالمنتدى ده
بجد ردك اسعدنى والف شكر مره اخرى
منواراني يا رانون

zoro313
10-18-2008, 06:27 PM
الف شكر ليك يا محمود
وربنا يشفى والدك
وشكرا ليك

الشبح
10-19-2008, 06:10 PM
ربنا يشفي والدك يا حوده

وقوله الشبح بيسلم عليك

ابقى طمنا باستمرار يا حوده

احنا اخوات اكيد طبعا حد عنده اعتراض

Mahmoud Slem
10-19-2008, 08:28 PM
ربنا يكرمك يا شباب احنا طيبعا اكيد اخوات
وبجد منوارنى
واتفضلوا الحلقة اللى جاية

Mahmoud Slem
10-19-2008, 08:29 PM
الحلقه السابعه عشره

( نور وهي نازله جري ورا احمد عشان تخليه يعقد معاهم الاسبوع فلاقته حاطط الشنطه بتاعته جانبه وبيتصل بالتليفون
يا تري بيتصل بمين )
احمد : الو
جارته : الووووووووووو مين معايا في التليفون بس ازاي دخلت جوه هههههههههههههه
احمد : مش وقت استظراف امك دلوقتي
جارته : ايه يا واد الخفه دي مين معايا
احمد : انا احمد اللي اتهبب وساكن في الشقه اللي قدامك
جارته : اه حماده ميدو مودي ازيك يا واد يا موودي عامل ايه انت فين ياض وازاي اخبارك
احمد : انا في شرم الشيخ
جارته : مش كنت تقولي يا واد كنا رحنا سوا
احمد : تيجي فين يا وليه دا انتي لو شوفتي النسوان اللي هنا تنتحري
جارته :جاتك ايه يا ميدو عسل بس عسل اسود تلاقيك معاك الجثه اللي كلمتك قبل كده هي لسه عايشه يا واد هي مش ماتت في التليفون
احمد : عيطوا عليكوا بدري يا شيخه بتفولي في وش البت دانتي خارجه من الترب بكفاله يا وليه روحي موتي (نور سمعت الكلام دا وشها نور من الفرحه )
جارته : انا يا ميدو انا يا واد لو عايزه اكون زي جوليا روبرت هكون
احمد : جوليو ابو ربع جنيه انتي بتكلي الحاجات دي يا وليه
جارته : جاتك ايه يا ميدو يخربيت عقلك سكر انت بتتصل ليه بقي
احمد : بقلك انا نسيت المفتاح تحت الدواسه اللي قدام الشقه خديه خلي معاكي لحد مرجع انا راجع النهارده
جارته : ماشي يا حبيب قلبي ترجع بالسلامه مستنياك
احمد : مستنيه مين يا وليه انتي تخلي معاكي المفتاح بس
جارته : ماشي يا مودي ترجع بالسلامه خلي بالك من نفسك
( احمد بيحط السماعه وبيلف لاقه نور في وشه )
نور : انتا مسافر خلاص
احمد : اصل اعد لمين انا جاي عشانك وانتي زعلتي ومشيتي
نور : مانتا السبب سرحان في واحده وانا معاك
احمد : خلاص يا سيتي انا اسف
نور : وانا اسفه ماتسفرش خلاص
احمد : خلاص مش مسافر عشان خاطرك انتي
نور : مرسي يا احمد بجد انتا طيب اوي
احمد : انتي اطيب والله
نور : طيب بقي اطلع حط الشنط وتعالي نتمشي
احمد : بس انا جعان اوي
نور : خلاص طلع الشنط وتعالي نفطر
احمد : اوك
احمد وهو طالع يودي الشنط وبيغير باب الاوضه خبط يا تري مين ؟؟؟؟؟؟؟؟؟؟؟؟؟؟؟
قولوا لي تفتكروا مين؟

Rania Ismail
10-20-2008, 02:04 AM
مش عارف يا خويا مين اللى بيخبط
قووول انت يا صاصا
وحمد الله على السلامه لوالدك
وعوده قويه يا صديقى

mohamed-gohar
10-20-2008, 07:07 PM
تكونش شكولاتة

Mahmoud Slem
10-20-2008, 08:44 PM
مش عارف قولى انتى يا رانيا

مشكوره على ردك الجميل والله يسلمك
تسلميلى

الف شكر يا شوكلاتة

mohamed-gohar
10-21-2008, 02:03 PM
ماشي ياعم حوده بس عرفت منبن اننا شيكولاتة

Mahmoud Slem
10-21-2008, 05:24 PM
والله معرفش
بس هى جات باى لاك
هههههههههههههههه
مشكور يا حبيبى

احمد حسن
10-21-2008, 05:33 PM
انا مستنى الحلقة الـ ــ18 يمحمود شكلها بقت ادمان
ادينى الحلقة بسرعة ارجوك محتاج الجرعة
هههههههههههههه

Mahmoud Slem
10-21-2008, 06:06 PM
الحلقة االثامنه عشره
( احمد ساب نور واقفه في الريسبشن وطلع يحط الشنط وهو بيغير الباب خبط )
احمد : مين اللي بيخبط
الطارق : انا
احمد : ايوه مين يا عني انت مش بشر كائن يعني ليك اسم
الطارق : ايه الظرف دا ايوه يا عم انا كائن يعيش ويتعايش وليا اسم انا محمود ( محمود دا صاحب احمد شافه في المطعم وطلع وراه الاوده عشان يسلم عليه)
احمد : ( فتح الباب لاقا محمود صحبه خاده بالحضن وسلامات وبوس )
محمود : ازيك يا ابو احميد يخربيت عقلك انت ايه يا واد اللي جابك هنا وجاي مع مين
احمد : اهه تغير شويه بدل ما نروح البلد جيت هنا مع اصحابي
محمود : طيب ياباشا اسيبك انا برحتك عشان تشوف اصحابك والبنت اللي مستناياك تحت
احمد : ماشي يا مان انت شوفتني معاها
محمود : اه يا معلم شوفتك في المطعم تحت بس تعرف زوقك حلو يا مان عرفت تنقي يا معلم
احمد : انقي ايه يا معلم دي صاحبتي اصلي معرفش حد في الرحله غيرها
محمود : طيب يا مان اسيبك بقي ولو عوزت اي حاجه انا في الخدمه
احمد : ماشي يا مان والف شكر
( احمد ساب محمود ونزل يفطر بقي اخيرا عشان هيفطر مع نور )
احمد : اخيرا يا نور هنفطر
نور : اخيرا انا ميته من الجوع
احمد : لو سمحت الفطار بتاعنا
الجرسون : حاضر يا فندم
احمد : بس بسرعه والنبي عشان ميتين من الجوع
نور : اه بسرعه خالص عشان ممكن ناكل في بعض دلوقتي
احمد : بسرعه يا عم احسن تيجي تاكل فيا
جرسون : حاضر يا فندم
( الجرسون جاب الاكل وكلوا الحمد و لله ونور خدت احمد وتمشوا علي البحر )
نور : انت هتعمل النهارده ايه يا احمد
احمد : مش عارف والله يا نور انا عندي فكره احنا نتمشي شويه بعدين انا هطلع انام عشان تعبان من السفر
نور : عندك حق والله اوك وبليل ننزل نخرج ونشوف البلد
احمد : اوك يا نور
نور : البحر هنا حلو اوي بكره اكيد ننزله سوا
احمد : باذن الله
نور : يلا نرجع بقي
احمد : يلا
احمد ونور طلعوا اودهم
وهنعرف عملوا ايه الحلقة الج

Mahmoud Slem
10-21-2008, 06:49 PM
حلقه التاسعه عشره

( احمد ونور طلعوا يسيتريحوا وهيخرجوا مع بعض بليل ....................... بعد وقت طويل احمد ونور قابلوا بعض بليل كده بعد المغرب وخرجوا مع بعض )
احمد : تصدجي يا نور شوفي احنا بقلنا قد ايه مع بعض وانا مش عارف عنك اي حاجه
نور : وانا بردك تصور بص يا سيدي اتكلم انا ولا تتكلم انتا
احمد : لا اتكلمي انتي وانا بعدين اتكلم ليدز فرست
نور : بص يا سيدي انا اسمي نور عبدالله والدي شغال مدير بنك اوك
والدتي اسمها مش مهم وشغاله في الجامعه
احمد : تصدقي اسم مامتك جامد مش مهم مين اللذيذ الي سماها الاسم ده
نور : هههههههه يخربيت عقلك يا احمد اسمع بقه
احمد : اتفضلي خلاص
نور : وانا عندي اخت واحده اكبر مني ومسافره مع جوزها واعده في البيت لوحدي مع ماما
وبابا وليا اخ صغير كده بس ايه عسل
احمد : ربنا يخليهملك
نور : انا حكيت اهه اتكلم انت شويه
احمد : بصي يا سيتي انا اسمي احمد عمر والدي عمده القريه الي عايشين فيها
والدتي ست بيت طيبه اوي
نور : ربنا يخليهالك
احمد : ربنا يخليكي وانا عندي اخت صغيره كده بس ايه عفريته موووووووووت
نور : ربنا يخليهالك
احمد : بس قوليلي انتي دخلتي الكليه دي كان نفسك فيها ولا عشان مجموعك
نور : لا انا كان نفسي ادخلها عشان والدي يعني كده
احمد : طيب
نور : وانت دخلتها ليه تلاقيك عشان المجموع
احمد : لا والله انا دخلتها عشان كان نفسي اخشها يعني شغلها كتير وفي جميع المجالات
نور : قولي صحيح يا احمد لما تيجي تتجوز ايه مواصفات البنت اللي انت نفسك تتجوزها
احمد : ايه السؤال المحرج ده بس ( بصي يا سيتي )
اولا لازم تكون مؤدبه جدا وجميله وتكون دمها خيف زيك كده ( نور وشها احمر واخضر وبتكلم نفسها دا كل المواصفات دي فيا وسرحت في كلام احمد)
احمد : وانتي يا نور بتحلمي جوزك يكون ازاي نور نووووووووووووووووووووووووووووووووووووور انتي رحتي فين
نور : هه معاك ايوه كنت بتقول ايه
احمد : لا انتي كنتي فين يا بنتي بقولك بتحلمي جوزك يكون ازاي
نور : بص لازم يكون بيحبني مووووووت ويكون طيب وجميل ودمه خفيف
احمد : ( احمد بيضحك مع نور ) تصددقي المواصفات دي فيا يعني انفع ابقي جوزك
نور : ههههههههههههههههههههههههههه يا بن الايه انا نفسي في ايس كريم دا يا احمد
احمد : من عنيا يا نور
( نور واحمد اتمشوا كتير اوي وكلموا اكتر وراحوا المطم بتاع الفندق اتعشوا وطلعوا ناموا )
( تاني يوم الصبح احمد ونور فطروا سوا وراحوا البحر)
احمد : ايه يا نور انتي هتنزلي البحر
نور : طبعا يا ابني هو انا جايه هنا عشان اتفرج عليه
احمد : طيب خالي بالك من نفسك
نور : طيب انا بعرف اعوم خالي بالك انتا من نفسك ( احمد علي فكره بيعوم علي اده )
احمد : الحقوني الحقوني الحقوني يا نووووووووووووووووووور بغرق
نور : ااااااااااااااااااااااااااااحمد
*********************
استنوني الحلقة الجاية

Wild_Angel
10-21-2008, 10:58 PM
على فكره انا اول مره اقرا الحلقات وقريتها كلها واستممممممممممممممممتعت بيها جدا
بارك الله فيك دايما موضوعاتك بسم الله ما شاء الله هايله جدااا سواء هنا او فى اى قسم
معاك لاخر حلقه باذن الله
وتشجيعى يبدأ من اول حلقه وحتى النهايه مع انى مكنتش موجوده من الاول
مستنين حلقاتك...
وعلى فكره اكتر حاجه عجبانى انه صعيدى لانى بحب الصعايده جدا جوى جوى جوى

Mahmoud Slem
10-21-2008, 11:31 PM
هههههههههههههههههههههه

بس هو ده اللى عجبك
فى القصه
طيب والدزمه معجبتكيش
ههههههههههههههههههه

تسلميلى يا وايلد
ومنورانى والله

Rania Ismail
10-22-2008, 11:05 AM
حوده ممكن بليز تنزلى حلقتني المره اللى جايه
علشان انا بحب حلقات نور المصريه
غير التركيه
بتحبو مين صاصا وحبيببكم مين صاصا
بيب بيب صاصا
اى خدمه مصيتاك اهو متنساش الحلقتين

Wild_Angel
10-22-2008, 01:40 PM
بضم صوتى لصوتك يا رانيا اتمنى بجد يكون فى حلقتين المره الجايه
ويارييييييييييييت احمد يبطل كدب على نور عشان مفروض هو صعيدى وجدع

Mahmoud Slem
10-22-2008, 09:32 PM
حوده ممكن بليز تنزلى حلقتني المره اللى جايه
علشان انا بحب حلقات نور المصريه
غير التركيه
بتحبو مين صاصا وحبيببكم مين صاصا
بيب بيب صاصا
اى خدمه مصيتاك اهو متنساش الحلقتين


ايوه ايوه
سيطينى وانتى عايزه
حلقتين غير كده
بتشوطكى فيا
انا هعمل باصلى
وهنزل حلقه
واحده
علشان خلاص
المسلسل
على نهايته


وعلى العموم منورانى والله
يا رانيا والله كنت عايزن
انفذلك طلبك
لكن
بجد
خلاص
مفاضلش
كتير

منورانى والله يا وايلد
معلش اعذرونى بقى
هتتعوض فى حاجه تانية

Mahmoud Slem
10-22-2008, 10:07 PM
الحلقـــــــــــة قبل الأخييييييييييييره
http://www.kazamiza.com/vb/images/smilies/grindance.gif
http://www.kazamiza.com/vb/images/smilies/grindance.gif
http://www.kazamiza.com/vb/images/smilies/grindance.gif
http://www.kazamiza.com/vb/images/smilies/grindance.gif
http://www.kazamiza.com/vb/images/smilies/grindance.gif
http://www.kazamiza.com/vb/images/smilies/grindance.gif
http://www.kazamiza.com/vb/images/smilies/grindance.gif
http://www.kazamiza.com/vb/images/smilies/grindance.gif
http://www.kazamiza.com/vb/images/smilies/grindance.gif
http://www.kazamiza.com/vb/images/smilies/grindance.gif
http://www.kazamiza.com/vb/images/smilies/grindance.gif
http://www.kazamiza.com/vb/images/smilies/grindance.gif
http://www.kazamiza.com/vb/images/smilies/grindance.gif
http://www.kazamiza.com/vb/images/smilies/grindance.gif
http://www.kazamiza.com/vb/images/smilies/grindance.gif


http://www.kazamiza.com/vb/images/smilies/grindance.gif
http://www.kazamiza.com/vb/images/smilies/grindance.gif
دى الحلقة قبل الاخيرة
نشوف بقا أحمد ونور وهما راجعين في الاتوبيس وبعد ما سابو شرم
متنسوش الاحداث معايا اوك
نور : شايف يا أحمد شرم حلوة اد ايه؟
احمد: جميلة جوى شرم بس انتى الاحلى يا نور
نور: عيب يا حمادة بتكسف
أحمد: بتتكسفي ويعنى انتى لما تجوليلي يا حمادة هفرح انا أكيد هتكسف بردوو
نور: خلاص لا انا اكسف ولا انت
أحمد: الاغنية دى سمعتها جبل كده بتاعت مين دىىىى
نور: انه اغنيه ؟
أحمد: نور عينى
نور: ااااااااااااااااااه نور عينى بتاعت تامر حسنى
أحمد: تامر بن الولد حسنى اللى هو............
نور: هو ايه ؟
أحمد: لا متخديش في بالك حصل خير بس دى انا سمعتها قبل كده قبل برنامج بكااااااار عشان الطابور الصباحي وكده ههههههه
كل دول وهو لسه مش ركبوا الاتوبيس المهم ركبوا الاتوبيس فـ
أحمد بيقول لنور: الاتوبيس دا مكيف يا نور؟
نور: انت جيت فيه اول مرة انت شايفه ايه ؟
احمد: والله انا شايفه انه راجل طيب جووى جوووى وربنا يصلحله الحال ويتجوز اتوبيساية تكون محترمة بردو
نور: تعرف ان انت عسل يا احمد
احمد: بجد بجد الكلام دا من الحتة اللى في الشمال يا نوور ولا اييييييييييه
نور: اه يا احمد انت تستاهل كتير اووى والله
احمد: خلاص يا نور الا انا بتغر بصراحه وهقلبها نكد عليكى فريحي نفوخك بقا
احمد ونور وهما راكبين لقوا شاب مع جيتار وبيعزف وكلام ....
أحمد: بقولك ايه يا بن عمى
نور: انت بتكلم مين
احمد: الشاب الحليوة اللى هناك دا يا بن عمى يا بن عمى
الشاب: نعم يا مان
احمد: مان؟!!! دا اخر واحد جلهالى لسه في المستشفي دلوجتى بيتعالج ههههه بضحك معاك يا مان انت كمان
نور: هههههههههه انت مشكلة يا احمد
أحمد: بس يا بت انتى كلام الرجالة والمانات مع بعضيهم مش تنحشرى انتى اسكتى خالص
الشاب: ماشي يا مان انت عاوز ايه بقا أأأمر يا جميل
أحمد: عاوز العب شوية ع الزمارة الكبيرة اللى في ايدك دى ...تصدق يا اخ
الشاب: اصدق ايه
أحمد: لا متصدقش ..كان في وخلص خلاص فوووووت علينا بكرة بجاااا ههههه
نور: اهدى يا احمد شوية عشان منعرفش مين دا وانت داخل في تريقة
أحمد : عادى دا مان وانا مان وهنقضيها ميينز باذن الرحمن
الشاب: عاوز تلعب ع الزمارة ؟
أحمد: اه ياريت يا مان والله
نور: عاوزة اشوف ابدعاتك بقا يا أحمد بلييييييييييز
أحمد: ايه بليييييييز دى انتى عاوزة تشربي اصل كنت بخدها في درس اللغة الانجليزية وانا صغير عاوزة تشربي تجولي بليييز عاوزة تقومى وتقعدى تجولي بليييييييز ...اى حاجة بلييييييز في بليززززززز
الشاب: خد يا مان انت
أحمد: اتفرجى عليا بقا يا نور وانا ببدع
نور: ماشي يا احمد
أحمد مسك الجيتار وعمال يعزف زى اى حد ومهواش عارف بيعمل ايه خالص
احمد عطى الجيتار للشاب دا وقاله جميلة الزمارة دى كمل عليها وهات علبة سجاير بقا ههههههههههه
الشاب : طيب شكرا يا مان على كلامك الحلو دا
أحمد: عجبك يعنى خلاص هلفهولك في سندوتش بقا عهههههههههههه
نور: لا يا أحمد انت زودتها كتير وهما مش يعرفنا بس شكله طيب عشان متكلمش خالص
الشاب: ولا يهمك وانت زى العسل يا أحمد
أحمد: شايفة يا بت يا نور الناس بتعترف بيا ازاىىىى انى عسل لكن انتى استغفر الله .......
نور: بقا انا يا احمد ماشي احنا قربنا نوصل اهووو وشكرا يا احمد بجد وانا زعلانة منك بجد
احمد: لللللللللللللللللللللللللللللا مش تزعلى مش اقدر انا يا جميل انت دنتا الحتة اللى في الشمال
نور: طيب خلاص وانا مقدرشي ع زعلك اساسا يا احمد
أحمد: منا عارف انك مش تقدرى لو تقدرى هولع في الدرة اللى عندك في الجنينة في البيت هههههه

المهم نور وأحمد وصلوا لارض مصر ونور اتفقت مع أحمد انها توديه ع الحلاق عشان يظبط حاله شوية















استنوا الحلقة الاخيرة

Wild_Angel
10-22-2008, 10:24 PM
أحمد: بس يا بت انتى كلام الرجالة والمانات مع بعضيهم مش تنحشرى انتى اسكتى خالص احلى جمله فى الحلقه
شكرا يا محمود منتظرين الحلقه الاخيره
ودائما مبدع بسم الله ماشاء الله ربنا يكرمك

Mahmoud Slem
10-22-2008, 10:26 PM
أحمد: بس يا بت انتى كلام الرجالة والمانات مع بعضيهم مش تنحشرى انتى اسكتى خالص احلى جمله فى الحلقه
شكرا يا محمود منتظرين الحلقه الاخيره
ودائما مبدع بسم الله ماشاء الله ربنا يكرمك


ربنا يكرمك
يا وايلد
انتى من المنات بجد اللى بتنورنى فى الموضوع
ههههههههههههههههههه
بجد منورانى ويارب تعجبكم

Rania Ismail
10-23-2008, 03:36 AM
صاصا انا زعلانه قوى
انت بتتكلم جد ان الحلقه اللى جايه حتكون الاخيره
يعنى مفيش تانى خلاص بح
اهئ اهئ اهئ اهئ اعااااااااااااااااااااااااااااااااااااااااااااااا
لا متقولش كده تانى
اهئ اهئ اعاااااااااااااااااااااا

Mahmoud Slem
10-23-2008, 06:14 AM
صاصا انا زعلانه قوى
انت بتتكلم جد ان الحلقه اللى جايه حتكون الاخيره
يعنى مفيش تانى خلاص بح
اهئ اهئ اهئ اهئ اعااااااااااااااااااااااااااااااااااااااااااااااا
لا متقولش كده تانى
اهئ اهئ اعاااااااااااااااااااااا


ههههههههههههههههههههههه

خلاص بقى يارانيا انا دمعت قريبه
يا بنتى خلاص

اهئ اهئ اهئ اهئ اعااااااااااااااااااا
اهئ اهئ اهئ اهئاعااااااااااااااااااااااااا
كفاية بقى
خلص
يا ماما
هجيبلك مسلس جديد
ومتزعليش
قريب
بس عقبال مخلصه

هههههههههههههههههه
منورانى يا جميل

Wild_Angel
10-23-2008, 11:55 PM
صاصاااااااااااااا فين الحلقه انت بتحاول تعملنا سسبنس يعنى
ماشى ماشى خلينا مستنيين

Mahmoud Slem
10-24-2008, 12:41 AM
صاصاااااااااااااا فين الحلقه انت بتحاول تعملنا سسبنس يعنى
ماشى ماشى خلينا مستنيين


لازم يا وايلد
اخلى النشوه الخيره للموضوع
تبقى كده
عايز الكل يشتاق
هههههههههههههههه
حاضر
بكره باذن الله
هنزلها

Mahmoud Slem
10-24-2008, 12:07 PM
الحلقة الأخــــــــــــــيره...


طبعا احنا عارفين ان نور وأحمد رجعوا خلاص ونور هتاخد احمد ويروحوا للحلاق عشان النيولوك
المهم ياله بينا وهتعرفوا كل حاجة
نور: انا زعلانة يا احمد عشان الرحلة خلصت بجد
أحمد: وانا فرحان عشان كنت جمبك
نور: بجد يا احمد
أحمد: ايوة يعنى هتكونى في ظهرى منتى جمبي دايما ولا اييييييييييييييه ؟
نور: طول عمرك دمك زى العسل يا أحمد
أحمد: الله يخليكى تاخدى شوية ....
نور: شوية ايه ؟
أحمد: لا قدرررررى محصلشي بجاا خلاص
نور: خلاص انا زعلانة منك ولازم تصالحنى بقا
أحمد بيقول لنفسه ايه التدبيسة اللى انا فيها دى هصالحها ازاى الولية دى ؟
أحمد: خلاص اغنيلك يعنى يا نووور
نور: ياريت يا أحمد
أحمد: طيب
نور: ايه هتغنى ايه ؟
أحمد: هغنيلك اغنية بحبها جووووووووووووى للمطرب صلاح شيشة هتعجبك جووى
نور: شيشة مين يا عم ...اقولك غنيلي لعمرو دياب
أحمد: عمرو مين !!! بقولك شيشة تقولي دياب ..دا الدنيا اتغيرت يا جدعان وع العموم هغنيلك اغنية من الشريط الجديد
نور: بجد طيب ياله بسرعه
أحمد: خليكى معايا يا نووووووووووووووووووووووووووور الا الدنيا تتضلم ولا حاجة
نور: الله انتا عارف اغنية خليك معايا انا بحبها موووووووووووووت
احمد: أمال يا بت انتى دا انا الفنان بتاعت البلد عندنا دا انا حتى بغنى أجنبي جامممممممممممممممممممممممممد
نور: طيب ياله نقعد علي كافتيريا بقا
أحمد بيقول ايه البت الاستغلالية دى انا عاوز احلق وانضف بجاااااا
أحمد: بلاش جهاااااااااااااااااوى يا نووور الله يكرمك بخاف من الشيشة انا وانتى شكلك مش يطمن الصراحة
نور: لالالا مش بشرب انا ومتخفشي هنشرب نسكافيه وكانتلوووب وووو
أحمد: ووو حشيش و لا ايه
نور: لالالالا يا أحمد ماتقولش كده
أحمد: حشيش فايدة فيك
نور: ايه نعم !!!
أحمد: بانجو انت تانى
نور: مممممممم بتقول ايه يابنى
أحمد: بودرة تندم يا جميل
نور: اندم علي ايه بس !!
أحمد: مش كنا هيروين مع بعض
أحمد: ايه رأيك بقا في الاغانى الرومانسية الدامدة دىىىىى
نور: لا بجد انت فنان ونعم الاغانى بجد
أحمد ونور راحوا ع الكافتيريا والجارسون جى
الجارسون: تطلبوا ايه حضراتكم
أحمد: مين دا اللى لابش بنص كم وشايف نفسه بطقم فيلم الابيض واسود دا
نور: استنى يا أحمد انا عاوزة ....
أحمد: عاوزة ايه ...اطلبك واحد عبد الحليم حافظ مع شادية بس تعلى الصوت الله يكرمك الا انا سمعى بايظ اليومين دوول
نور: ههههههههههه اسكت بقا .... خلاص معلش يا متر
أحمد: متر ولا نص أخرك معايا نص كيلو يا جمووووووووووووووووور انت
نور: خلاص يا احمد ..هاتلنا نسكافيه وهات لاحمد قهوة
أحمد: بس القهوة تكون بنى الله يخليك الا لو غير كده هلبسها في وشك
نور: ها يا احمد مش هتقولي كلام حلو في القعدة الرومانسية دى
أحمد : بحبك يا.........
نور: بجد .يا ايه طيب ؟
أحمد: يا أمى
نور: طيب يا فالح اسكت بقا
احمد يقول البت شكلها بتحبنى بس لما انضف اظبطها انا
وقام أحمد ونور وخلاص نوور اتصلت باخت الولد الروش عشان يقولها المكان فين وتودى أحمد هناك
المهم راحوا هما الاتنين بس نور راحت مشوار وحترجع لأحمد
نشوف بقا الكلام مع احمد عشان النيولوك الداااااامد دا
أحمد: السلام عليكم يا حلاق ..ماذا بك الم تريد ان تحلق لي لو لم تفعل هذا لاذبحنك ذبح الابل
الحلاق : ايه يا استاذ في ايه وعلي العموم وعليكم السلام اتفضل !!!!
أحمد: الله يزيد فضلك بس عندك ساندويتش مية ساقعه الا انا سقعان اوووى
الحلاق: لا معنديش واسكت يا رغااااى
أحمد: دا انت اللى رغاى دا النهاردة اللتنين وفاتح مش اجازتك دى يا بارد
الحلاق: معلش بقا اكل العيش ...المهم
احمد: ام هند ااااااااااااه
الحلاق : عاوز تحلق ايه
أحمد: والله احلقلي كابوريا مع سردانية ع السوالف على شوية تمليحة على شنبي
الحلاق : ايه اللى انت بتقوله دا يعنى احلقك كابوريا ؟
احمد: ايوة يا عم وخلص بقا يا عم عشان يومك يعدى معايا
الحلاق قعد يحلق لاحمد ومرة واحدة أحمد قام وقاله

أحمد: انت يا عم في ايه انا مش قولتلك كابوريا ايه مثلث برمودا اللى انت عامله دا هتخرف في الخرايط ولا ايييييييييييييييييييييه
الحلاق: خلاص يا استاذ بلا خرايط بلا كلام فاضي هظبطك انا
الحلاق شال المكنة بتاعت الحلاقة وشغال بيصفصف شعر أحمد
احمد: ايوة كده الله ينور عليك كده احبك يا حلاق يا معفن انت
الحلاق : لاحظ يا استاذ انك بتشتم كتييييييييييير وكده مش كويس بجد
أحمد: خلاص هسكت يا بارد
الحلاق : طيب انت عاوز السوالف طويلة و لا قصيرة
احمد: دوووونت ميند انى سينج انا اكسيبت
الحلاق : يعنى طويلة ولا صغيرة بردو
أحمد: طويلة وصغيرة يعنى متوسطة يا مان
احمد افتكر كلام الواد الروش مان وصحبي وقعد يجربه في الحلاق
الحلاق: طيب عاوز ايه تانى
أحمد: لا ولا حاجة بس ممكن اتشطف عندك يا صحبي
الحلاق : صحبي ... يا مغير الاحوال ما كان من شوية بادر دلوقتى صحبك اه يا بلد المصالح انتى
أحمد: للللللللللللللللللللللللللع دا انا صعيى وهجبلك صميدة وبوووى وامى كمان عشان متبقاش لوحدها ونجفلك الدكان دى
الحلاق: خلاص قلبك ابيض يا استاذ
احمد: ابيض ولا اسود تصدق يا عم انت فيك شبه من الجارسون بارد
الحلاق: طيب اسم الكريم ايه ؟
احمد: ليه هتصاحبنى ولا ايه يا عم وعالعموم انا أحمد
الحلاق : تشرفنا يا زووق ....أأأأأأأوم بقا ظبط حالك عشان تبقا تمام
احمد: طيب يا مان ثوانى بجاااااااااا
احمد قام غسل شعره وظبط الكلام تمام وهو اساسا مش معاه الا خمسة جنيه في جيبه بس عامل حسابه انه يشترى شيبسي ويظبط حاله
المهم

أحمد: طيب طلباتك يا عسل
الحلاق: في ايه بس
طبعا الحلاق بارد البرود صفة من صفات الحلاقين
أحمد: طيب خد يا عم مش خسارة فيك وهشتريلك ترمس كمان
الحلاق: ايه دا يا افندى دا انت غلبتنى معااااااك
المهم خناقة حصلت بالكلام بينهم هما الاتنين علي دخلة نوووور
نور: في ايه يا أحمد
احمد: دا حرامى عاوز ياخد منى خمسة ج وانا كوركى ولا ايه لالالالالالالالالالالاع
نور: طيب اسكت انت وعطت للحلاق 5 جنيه

احمد قلبه اطمن انه هيشترى الشيبسي والكلام دا
نور: انت بقيت قمر يا احمد اكتر من الاول
احمد: طب منا عاااااارف يا قمر انتى
واحمد ونور قعدوا يتكلموا كلام من دا كتير وكلام ع التليفون لحد ما احمد اعترف لنووور وقالها
أحمد: نوووووووووووووور
نور: ايوة يا احمد
أحمد: انا
نور: ايوة انت ايه
احمد: انا ب
ح
ب
نور: انت ايه بجد
أحمد : انا بحترمك اوووووووى يا نووور مش حاجة تانية هههههههههههههههه
نور: دا انت غلس
أحمد: لا بجد انا ..........
نور : ها ؟
أحمد : بالعربي أنا بحبك
بالتركى Seni Seviyorum سنى سفيوريم
بالصينى Wo ai ni وو أنى
بالعنجليزى I love you أى لفيو
بالفرنساوى Je t'aime جي تيم
بلألمانى Ich liebe dich إيش لاباديش
باليابانى Aishiteru إيشيتيرو
بإلايطالى Ti amo تي أمو
بالاسبانى Te quiero تكويار
بالبرتغالى Eu te amo إي تى أمو
طبعا نور اتصدمت من ثقافة أحمد وكلامه دا ونور طبعا قالتله انا بحبك

*
*
*
*
*
*
وكده يبقا خلاص
يللا بقي قولوا لي ايه رايكم في القصة ؟؟؟؟؟

يارب يارب تعجبكم

Rania Ismail
10-24-2008, 04:05 PM
;]بس كده يا صاصا
انا كنت فاكره ان النهايه حتكون جامده
خلاص خلصت
امال فين وحيعيشو فى تبات ونبات ويخلفو صبيان وبنات
وبعدين نور معرفتش حقيقه احمد
كان ممكن الحلقات تكون اكتر من كده

Mahmoud Slem
10-24-2008, 04:09 PM
معلش بقى يا رانيا المؤلف فاشل
هنعمل ايه
ههههههههههههههههههههههه

منورانى

mohamed-gohar
10-24-2008, 08:09 PM
شكرا يا صا صا علي الحلقات بجد استمتعت ولو ان النهاية مش اد كدة بس برافوا

loleeta_omran
10-24-2008, 08:53 PM
جااااااااامدة جدا جدا
عايزين من ده تانى

Wild_Angel
10-24-2008, 09:18 PM
قصه جميله وFunny

أحمد: السلام عليكم يا حلاق ..ماذا بك الم تريد ان تحلق لي لو لم تفعل هذا لاذبحنك ذبح الابل
حلوه الجمله دى

وعجبتنى الثقافه اللغويه اللى فى الاخر
على منى زعلت انها معرفتش حقيقته

بس انت مؤلف هايل يا محمود واسلوبك جميل جدا

بس مقولتلناش تعرف مين من الصعايده؟؟؟؟؟؟؟

خالد أبوسعده
10-24-2008, 09:52 PM
جميله جدا يا محمود
انا منتظر المزيد

Mahmoud Slem
10-25-2008, 02:40 AM
اعرف مين من الصعاديه
انتى متعرفيش ان نص البلد بتاعتنا هنا صعايده وفلاحين
لا وايه
ياسلام لو لاقيتى بقى واحد صعيد خام
قبل ما يتعمل معاه عمليه تحيول من صعديى خام ال صعيدى مودرن
بجد
لو بصيتى على حوار بين اتنين صعايده كده فى الشارع من العمال بتوع المبانى
بس اهم حاجه يكون لسه جاى جديد وتحرى الدقه فى انه يكون جاى جديد
هههههههههههههههههههههههه

وهتقعدى تضحكى عليهم للصبح
وهما مستغربين منك
ههههههههههههههههههههههههه

مش عايز احكيلك مواقف لكن بجد بفضل اضحك
ومش بقدر امسك نفسى

الف شكر ليكى
يا جميل منورانى والله دايما
وانا بهديلك الحلقة الاخيره

Mahmoud Slem
10-25-2008, 02:41 AM
شكرا ليكى يا لوليتا منورانى والله
الف شكر ليك يا موبوتو

spider girl
11-01-2008, 10:11 PM
احلى قصة لاحلى صاصا
الى الامام وانت مش محتاج تشجيع اصلا
كل كتاباتك جميلة
بس لو فكرت فى نهاية تانية غير الفلم العربى ده كانت هتكون احلى
شكرررررا

Mahmoud Slem
11-02-2008, 07:55 AM
شكرا ليكى يا اسبايدر
منورانى والله
بس هى دى اخر القصه
اللى جات معايا
لو عندك نهاية كويس على ضوء القصه
ممكن ننزلها شكرا ليكى
منورانى

white_heart
11-02-2008, 10:43 AM
صاصا بلا منازع بجد اللة ينور انت فوق الوصف القصة جميلة

Mahmoud Slem
11-02-2008, 12:48 PM
ربنا يكرمك يا مى
مش للدرجه دى يعنى
هههههههههههههههههههه
منورانى

witch evil
11-05-2008, 10:10 PM
بجد القصه تحفه يا صاصا
انا فى حلقات مكنتش بقدر امسك نفسى من الضحك

احلى فوووووووووووووووووووووووووووت لاحلى صاصا
بجد لسانى عاجز عن وصف مدى اعجابى بيها
انت موهوب جدددددددددددددددا والى الامام

محمود_محمد
11-10-2008, 08:20 PM
الحلقااااااااااااااااات
كلهااااااا
رووووعة
بجد
واللة
كلهااا
روووعة

zoro313
11-12-2008, 04:40 PM
الله ينور قصه جميلة اوى
مستنين الجديد

Youssef Mostafa
11-12-2008, 07:13 PM
والله يابشمهندس محمود اليوميات دى جميلة جدا وممكن يبقى ليها شعبية زى مهند ونور كدة والله بجد رومانسية وكوميدية جدا يافنان ياكبيييييييييييييييير

soony@A
11-13-2008, 02:14 AM
بجد انا في كل حلقه كنت بتشوق اكتر يعني انت مؤلف عبقري بجد ولازم تكتب حاجه زي دي تاني واحنا منتظرين الجديد منك وبجد قصه لذيذة
وجميله رغم ان النهايه كنت متوقعهاها تكون اجمد من كده بس اجمالا العمل رائع

amoola
11-13-2008, 10:05 PM
بجد ياحودة القصه جمدة اووى بس واضح ان احمد محظوظ بالبنات فى كل مكان جوى جوى ههههههههههه

Mahmoud Slem
11-14-2008, 01:02 PM
شكرا ليكم كلكم
يا شباب
يارب المواضيع كلها تعجبكم

Mimi
11-15-2008, 08:23 AM
صاصا انا اول مرة اشوف الموضوع واول حلقة قريتها هيا الحلقة الاخيرة

اعمل ايه اعمل ايه انصحني انا ندمانه انا حاسة بذنب كبير عشان حرقت القصة وكان نفسي اشوفها من الاول

مش عارفه ازاي عملت كدا والله مش عارفه انا اكيد مكنتش صاحية وقتها ازاي اقرا الحلقة الاخيرة ازاااااااي

اعمل ايه دلوني انا ضميري بيأنبني اوي وحاسة بندم فزيع

انا متداااااااااااااايقة

Youssef Mostafa
11-15-2008, 01:02 PM
متعمليش فى نفسك كدة ياجودى والله صعبتى عليا

Ealy
11-15-2008, 02:26 PM
thnxxxxxxxxxxxxxxxxxxxxxxxxxxxxxxx
bgd to7faaaaaaaaaaaaaaaaa 2wyyyyyyyyyyyyyyyyyyyy

Mahmoud Slem
11-15-2008, 07:50 PM
جودى متزعليش نفسك يا ماما
القصه تتشال وتتحط من جديد
ولا يهمك
وتبداى حلقه حلقه
ههههههههههههههههههههههه
عادى يا جودى فى قصص كتير اصبرى
وكمان
ابداى من الاول هتعجبك اوى
انتى منورانى والله

شكرا للجميع

بايبر
11-16-2008, 08:05 PM
الموضوع فى فكره بس يا ريت نقلل شويه من الكلام لانه كتير

Mahmoud Slem
11-16-2008, 08:12 PM
مش فاهم والله
قصدك ايه
ياريت توضح
على العموم منوارنى

Zooma
11-17-2008, 01:46 PM
بالالمانى Sehr schön
بالاسبانى Muy bonito
بالايطالى Molto bello
بالعبرى יפה מאוד
بالهولندى Heel erg mooi
بالهندى बहुत सुंदर
بالفرنسى Très beau
بالاعنجليزى Very beautiful
بالعربى جــــمـــــيله جدا

:D:D:D:D:D:D:D
بجد والله تسلم ايدك يا حوده
بس والله البت نور دى خسارة فيه
هو فى بنت زيها دلوقتى
استحااااااااله

الفارس
11-17-2008, 08:19 PM
بجد شكرا اوووووووووى يامحمود

محمد عمرو عبد الحليم
11-17-2008, 09:53 PM
القصة جميلة جدا بس انا عوز اعرف هيا حقيقية ولا ؟؟؟وشكرا اوى

Mahmoud Slem
11-18-2008, 06:49 AM
شكرا للجميع على المشاركه
لكن القصه مش حقيقه
و شكرا للجميع

magdysa3ed
11-19-2008, 08:59 PM
عاى فكره اليوميات ديه جامده طحن

Mahmoud Slem
11-20-2008, 05:48 AM
شكرا يا مجدى انت منورنى

جنات@
11-24-2008, 05:03 PM
يسلام يامحمود لو معانا حد زى احمد فى الدفعه كان هون علينا وموتنا من الضحك على فكره انا معاك فى الدفعه عايزه اقولك متخليش يوميات احمد ونور تاخد وقتك بس فكره جامده

Mahmoud Slem
11-24-2008, 07:20 PM
ههههههههههههههههههههههه
لا
شكرا ليكى يا جنات
وشرف ليا انك من دفعتى
او انا من دفعتك
ثانيا
القصه خلصت انا خلصتها
ابداى من الصفحه الاولى والثانية والتالته والرابعه وهكذا
لغاية الحلقه الاخيره
21 حلقه
منوارنى يا جميل

buchi
12-03-2008, 01:57 AM
nice ya m3lem it is great bas nehayet al 7ewar bayena bas bgd kesa gamda

Mahmoud Slem
12-04-2008, 07:51 PM
شكرا ليكى يا بوشى ومنورانى والله

Night Moon
01-09-2009, 09:47 AM
لا بجد جامدة قوي مش قادرة امسك نفسي من الضحك ياريت تكمل

mr.loklok
01-14-2009, 09:16 AM
مشكووووووووووووور

farida
01-27-2009, 12:33 AM
صاصااااااااااااااااا فينك مش باين ليه؟ بس بجد و الله قصة جامدة اوي تسلم ايدك

Mimi
01-27-2009, 02:12 AM
مفيش ليها جزء تاني ياصاصا ؟

وانت غايب ليه خير

flower
02-03-2009, 11:22 AM
بجد حلقات جميلة جداً شكراً

هاجر
02-15-2009, 07:12 PM
بجد القصة رائعة اصلا وجميلة اوى وانا مبطلتش ضحك ع التحفة احمد مرسى اوى بجد هههههههههههههههههههه

sizer_007
02-18-2009, 07:20 PM
لا يوميات جامده جدا

هاجر
02-18-2009, 10:47 PM
ياريت يا صاصا تعمل جزء تانى بقى ونشوف احمد وهو بيتقدم لنووووور ونشوفة حيقول اية لباباها حينزل بورق الحائط ولا حيعمل اييية ههههههههههههههههههههههههههههههههههه

sweet girl
02-21-2009, 09:59 AM
هههههههههههه بجد القصه جميله اوى وما بطلتش ضحك عليها تسلم ايديك بس مفيش حلقات تانى ولا ايه

بحر
02-21-2009, 06:01 PM
الاول الله ينور بس بيتهيالى انى اتفرجت على فيلم قديم بنفس القصة دة كان بطولة شكر سرحان

star09
02-21-2009, 06:17 PM
حلقات تحفة دة احمد طلع حكاية والله فين باقى الحلقات يامحمود ياعم استمر

sweet girl
02-22-2009, 10:00 PM
ايه يا صاصا مفيش حلقات تانى للحاج احمد ولا ايه ياريت لو تنزل جزء تانى

princessro2a
03-01-2009, 07:07 PM
بجد تحفة مووووووووووووووووووت انا قريتها كلها وياريت تكمل وتعملها نص تانى علشان بجد تحفة تسلم ايديك

Mahmoud Slem
03-07-2009, 11:12 PM
اولا شكرا للجميع
على المشاركات الجمليه دى اللى بتسعدنى

وانا بتمنى تعجب الكل


اما بالنسبه للحلقات هى مش حلقه واحده فى الصفحه الاولى
لا هى موجوده فى عدد من الصفحات ورا بعض
معلش بق
دوروا عليها

roma
03-08-2009, 09:33 PM
تحفه
بس بجد هى نمره االعميد كام لانى كل مره اروح الاقى احمد هو الا قاعد مكانى وكده ماينفعش
هههههههههههههههههههههههههههه
جميله اووى

Mahmoud Slem
03-09-2009, 12:21 AM
شكرا ليك ويارب تعجبك
وتعجب كل اللى بيقراها
مشكورين

الفارس
03-18-2009, 05:20 PM
موضوع جميل جدا

Mahmoud Slem
03-19-2009, 08:47 PM
شكرا جدا ليك يا احمد

Marwa Mahmoud
03-22-2009, 08:21 AM
جاااااااااااااااااااااامد مووووووووووووووووووت الله ينور عليك يا صاصا

تسلم والله

Mahmoud Slem
03-23-2009, 12:23 AM
شكرا ليكى واتمنى تتابعى المسلسل الجديد

Soma
03-23-2009, 10:52 PM
ميرسى كتييييييييييييييييييييييييير على المسلسل الرائع ده
قريته كله جميل جدااااااااااااااا
بس فى مشكلة فى الصفحة رقم 5
مش راضيه تتفتح فمش عارفه ايه اللى حصل فى الحلقه التامنه والتاسعه
وشكرا جداااااااااااااااااااا مرة تانيه

Mahmoud Slem
03-24-2009, 09:06 PM
مرسى جدا ليكى
ويارب تكون عجبتك فعلا

ارجو اعاده المحاوله
ممكن تفتح

Soma
03-24-2009, 11:25 PM
ايوة بجد عجبتنى جدااااااااااااااااااا والله
جربت افتحها مش راضيه برضه الصفحات
كلها بتتفتح عادى ودى لا مش عارفه ليه كده
وميرسى مرة تانية بجد بجد جميلة جدا واصحابى كمان قروها وعجبتهم اوى

Mahmoud Slem
03-25-2009, 08:28 AM
صدقى فعلا عندك حق على العموم
انا هقول لحسن
لو معرفش يتصرف
هبقى انزل الحلقات اللى موجوده فى الصفحة الخامسة
وشكرا ليكى ولمتابعتك

Soma
03-25-2009, 06:06 PM
اوك ميرسى جدا على مجهودك
سورى بتعبك معايا

Mahmoud Slem
03-25-2009, 08:34 PM
لا شكر على واجب

ونتمنى انها فعلا تعجبك
شكرا ليكى

AMAL
03-29-2009, 01:23 PM
لاابجد تحفة جامدة جدا
بس انت اخد فكرة بايظة خالص عن الشباب الصعععيدى
ههههههههه
فاكرهم زينا كدة؟لاا خالص
وبعدين احمددة قليل الذوق جدا
ميعرفششش فعلاا يتعامل مع الجنس الناعم
تؤتؤ خالص ونور خصارة فواحد زى دة
يابنى اسالنى انا عن الصعايدة
دول خنيقين جدا ومفيش اى نوع منن الضحك قفل قفل يعنى من الااخر
بس عايزة اقولك انك بجد موهوب

AMAL
03-29-2009, 01:24 PM
سورى كتبت خسارة بالصاد هههههههههههههه

AMAL
03-29-2009, 01:24 PM
مستنين الجديد منك

olivia nader
03-29-2009, 04:32 PM
حلوه جدا جدا يا صاصا
انا قريتها من اولها لاخرها
و بجد لزيزه اوي
و ياريت بقي لو تستمر و تجبلنا قصص تانيه
بس بجد الله ينور
ميرسيييييييييي

Mahmoud Slem
04-04-2009, 08:49 PM
مرسى جدا شكرا ليكم ولمروركم

ونورتوا التوبيك

بس الغرض من الصعيدى انى اخيلها كوميديى


بس

لازم يبقى فى حاجه شاذه عن القاعده علشان يطلع الضحك

الورده البيضاء
04-19-2009, 09:24 PM
بجد تحفة تحفة تحفة ياصاصا
مفيش اجمل من كدة وقصة جمية جدا متتصورش مدى انفعالى كان عامل ازاى مع الاحداث
بس احمد كان قليل الذوق خالص بس اهو يعنى اتظبط الى حد ما فى الاخر
ونور كمان كانننت مدلوقة اوى
لية كل دة
بس بجد تسلم الايدين اللى كتبت

Mahmoud Slem
04-20-2009, 07:31 PM
شكرا للجميع ويارب تنال اعجاب الجميع

حسناء
04-20-2009, 11:25 PM
بجد جامده اوي يا احمد

شكرا ليك كان بقالي كتير مضحكتش

Mahmoud Slem
04-21-2009, 09:55 AM
شكرا ليكى بس يارب تكون عجبتك

على فكره انا اسمى محمود

Soma
04-26-2009, 10:55 AM
طيب ممكن بس تنزلى الحلقة اللى فى صفحة رقم 5 هنا مثلا
عشان مش راضية تتفتح برضه بلييييييييييييز
اصلها بجد عجبانى جدااااااااااااااااااااااا وعايزة اقراها كاملة

Mahmoud Slem
05-03-2009, 11:41 PM
جاضر هاكتبها لحضرتك قريب جدا والله

بس الوقت معلش

Soma
05-04-2009, 12:04 PM
اوك ولا يهمك اكتبها فى اى وقت تبقى فاضى فيه
بس بليييييييز تكتبها ومتنساش

Mahmoud Slem
06-17-2009, 07:44 PM
حاضر ان شاء الله
قريبا جدا
شكرا ليكى

mon ange
10-04-2009, 01:47 PM
جميله جدا .. شكرا ليك

Mahmoud Slem
10-04-2009, 01:52 PM
الشكر لله يارب تكون عجبتك الحكاية فعلا

semo eltiger
10-18-2009, 05:44 PM
بجد والله يا حوده الله ينور عليك بجد انت استاذ فى الابداعيا بنى
احب اهنيك عالفكرة الجامدة الاخر حاجة ده

واحلى حاجة انت ابدعت فيها اللهجة الصعيدى انت عبقرى


كمل واشجيناا يا برنس


SIZE="7"]سيمـــــــــــــــــو التايجر[/SIZE]

Mahmoud Slem
10-18-2009, 06:19 PM
شكرا ليك يا سيمو انت منور التوبيك
ويارب القصه تكون عجبتك
ويال كمل بقى القصه

semo eltiger
10-18-2009, 11:05 PM
يا عم احمد اقصد محمود كمل حلجاتك عاد انتا شوجتنا
للاستاذ احمد الامور

ربنا يوفقك


سيمــــــــــــو التايجر

Mahmoud Slem
10-18-2009, 11:11 PM
يا عم سيمو الحلقات كلها نزلت
دور انت فى باقى الصفحات عندك من الصفحة الاولى حتى الصحة 20 فيها حلقات
دور فيها
يالا بقى
استمتع

white heart
10-23-2009, 06:25 PM
بجد حلوة اوى يامحمود اليوميات ومستنين حلقات اكتر وبجد دة اول موضوع اتابعة فى المنتدى وساحاول المشاركة فية واحمد ونور حيكونوا قصة حب حلوة بمواقف مضحكة موت

Mahmoud Slem
10-23-2009, 08:02 PM
شكرا ليكى جدا
على فكره الحكاية خلصت خلاص
انتى حاولى تتابعى باقى الصفحات هتلاقى فيها باقى القصه

mon ange
11-05-2009, 06:32 PM
هههههههههههههههه بيفكرنى بمحمد هنيدى ف فيلم صعيدى ف الجامعه الامريكيه متوقعه شكل احمد زيه ههههه
شكرا ليك

Mahmoud Slem
11-06-2009, 06:43 PM
الشكر لله
واهلا بيكى معانا

bata_batot
12-05-2009, 07:20 PM
قصه فى غايه الجمال
وميرسى على المجهود وبجد القصه امتعتنا ونحن فى انتظار المزيد

هيما الفيلسوف
12-28-2009, 04:45 PM
يابرنس والله تسلم على الفكاهه الجامدة جدا جدا وياريت يكون فيه تكمله لباقية الحلقات دي شكرررررررررررررررررررررررررا بجد

هبه محمود
01-12-2010, 09:23 PM
ايه ده فين الباقي كمل باقي الحلقات دي جميله اوى

مشتاقه للجنه
02-26-2010, 04:57 PM
موضوع جميل جدا :cc_surrender:

sajen_zenda
02-27-2010, 12:29 AM
مشكورين يجماعه ونبي تجمعوا الحلقات ديه وتتحط كلها في موضوع عشان في معظمهم مش بيظهروا عندي ومقدرتش اقراهم وبجد القصه جميله فياريت اي حد يتطوع ويحطهم مجمعين مع بعض عشان اقراهم ممكن ولا ؟؟؟؟؟؟؟

ساره احمد عبد الفتاح
02-28-2010, 07:18 PM
لا بجد حلوه اوىىىىىىىىىىىى

Mahmoud Slem
07-21-2010, 03:15 PM
كويس انها عجبتكم كلكم
بالتوفيق ليكم جميعان ان شاء الله