لو حواجبك مضايقاكى.. او حتى مضايقاك.. يبقى أدخل (إعلان أسماء الفائزين )

**Wild_Angel** · 04-01-2010, 04:58 PM

فى انتظار مشاركاتكم وإجابتكم

وانتظروا الجديد بأذن الله

**إسلام محمد** · 04-26-2010, 10:09 AM

جزاكم الله خير

موضوع لابد لكل فتاة وكل شاب معرفته

ومع انه شئ بسيط ولكن عقابه عند الله كبير

"وتحسبونه هينا وهو عند الله عظيم " (النور )

**nona.k** · 04-26-2010, 10:20 PM

جزاكم الله خيرا

**blue_sky** · 05-16-2010, 11:48 PM

فين الحلقة الجديدة أنزلي بالجديد كفاية كدة

نقاش جاد بين الولد والبنت
من هنا

**Wild_Angel** · 05-23-2010, 01:22 AM

جزاكم الله خيراً جميعاً
معلش يا سمسمه والله
انا عارفه انى بقالى كتير منزلتش حلقات جديده بس والله عشان انا فى فترة امتحانات
باذن الله قريب أنزل حلقه
بس عيزاكى تبقى من اول المشاركين فيها بقى

وبشكرك على متابعتك

**Wild_Angel** · 05-27-2010, 10:41 PM

الحلقة النهارده ..حلقة طويله بعد فترة غياب
حلقة للشباب وللبنات
واسمحولى يا شباب نبدأ بالبنات
لان كلامنا النهارده حيفيدكم انتو الاتنين

بس كل الشباب ياريت يركزوا معانا لاننا بجد حنشجعكم على حاجة انتو فاكرينها حرام

اخواتى البنات
الحمد لله ربنا تاب علينا ومبقناش نعمل حاجه
بس للاسف صحباتنا وقرايبنا يشوفوكى يقولولك

ايه ده شكلك غريب اوى !!!

لالالا كنتى أحلى كتير لما كنتى بتعملى !

سيبك من كل الكلام ده
بجد أنتى أجمل انسانه فى الكون لما بقيتى قريبه ربنا
بصى فى المرايه
حتلاقى نور فى وجهك

ادعي لنفسك ربنا يثبتك ويهديكي
ويبعدك عن اى شئ يبعدك عن ربنا

نيجي بقى لكلمتين للشباب

النهارده الحلقة بتشجعكم على المعــــاكســـه

كلمه فى ودن كل شاب ورجل :
حاول تعاكس أختك ومامتك وزوجتك كمان
واهى تكون معاكسه حلال
اختك محتاجه فى كل لحظه ان اللى حواليها يعجبوا بيها
قولها انتى اجمل وارق بنت وانتى احن أخت.. ايه العسل ده
( طبعا عارفين ان فى شباب بتعمل كده من غير ما نقول بس لو محتاجين حاجه من اختهم)
حسسها انك صديقها واحن اخ
ولو شوفت حواجبها من غير ما تعملها
قولها عارفه انك اجمل بنات الكون عشان انتى بتتقي ربنا
وتقولها من غير كسوف انها من غير ما تعملها أحلى
( انت اخوها لما تسمع الكلام ده منك احسن بكتير ما تروح تسمعه من شباب بره)

وزوجتك محتاجه كلمات قليله وجميله منك
عشان تحس انك بتقدرها وحتى ولو بالكلام

ووالدتك ست الحبايب
محتاجه لحنان كتير منك
وعلى قد ما بتحبك .. نفسها تشوفك اسعد انسان فى الكون
وده ميمانعش انك طول الوقت تعاكسها وتقولها احلى الكلام
حتقولى ايه اللى دخل ماما فى الكلام ده؟!
ماما هى اكبر سبب بيخلي قلبك دايما مليان بالحنان
وعشان قلبك يتملي بالحنان ناحية اخواتك
أبدأ بالحنية تجاه مامتك الاول

وبكده يبقى خلصنا الحلقه
بس لسه كلامنا مخلصش
واحنا جنبكم .. اخوات فى الله
لسه حنفضل بالحلقات موجودين
اترككم فى رعاية الله وحفظه

آآآه شوفتوا نسيتونى المسابقة

لو كلنا راعينا ربنا فى كل شئ بنعمله ربنا حيكتبلنا الخير فى كل خطوه نخطوها

سؤال المسابقة :
اذكر الحديث الشريف ليؤكد أن كلا منّا يجب ان يكون مسئولا عمن حوله

فكرة المعاكسة الحلال مأخوذه من احد المواضيع التى قرأتها على النت

أستودعكم الله الذى لا تضيع ودائعه

**Ma7amed Adel** · 05-27-2010, 11:54 PM

شكرا ليكى يا اسراء على الموضوع الرووووووعه ومتا بعين معاكى باقى الحلقات ومعلومات جديد ه بجد اووووول مره اعرفها

**Wild_Angel** · 05-28-2010, 02:34 AM

جزاك الله خيراً يا محمد
سعيده انك استفدت من الموضوع
واتمنى تتابع الحلقات كلها باذن الله
وتشاركنا فى حل مسابقة كل حلقة

ان شاء الله بعد نهاية الحلقات مع نهاية الامتحانات حيكون فى وسام خاص من القسم الاسلامى للفائز فى متابعة الحلقات وحل مسابقة كل حلقة
جزاكما لله خيراً

**ALY ELSAYED** · 05-28-2010, 03:05 AM

بشكرك جدا يا انجل

لانك بجد دايما تلفتي نظرنا لحاجات مكناش وخدين بالنا منها

ودايما بتكون هيا الصح

انا بعترف انك صاحبه احسن قلم في المنتدي

ربنا ميحرمنا من نصايحك ومواضيعك المفيده والمتميزه دايما

وحل المسابقه

قال رسول الله صلي الله عليه وسلم

((كلكم راع وكلكم مسؤول عن رعيته، فالإمام راع ومسؤول عن رعيته، والرجل راع في أهله ومسؤول عن رعيته، والمرأة راعية في بيت زوجها ومسؤولة عن رعيتها، والولد راع في مال أبيه ومسؤول عن رعيته، والخادم راع في مال سيده ومسؤول عن رعيته، وكلكم راع وكلكم مسؤول عن رعيته))

صدق رسول الله صلي الله عليه وسلم