واتاريها وزارة ماتمت مع وزيرتنا الاء عيد

**smart girl** · 08-30-2010, 11:47 AM

المشاركة الأصلية كتبت بواسطة سهيله

بجد موضوع حلو اوي وانا ان شاء الله متابعه

بجد بحيكي على الموضوع وطريقه العرض تحف
في انتظار التشكيل يا سياده معالي رئيس الوزراء

شرفتينى يا سهيلة دايما بتنورى المواضيع خليكى متابعة معانا

**KAREEM** · 08-30-2010, 05:26 PM

المشاركة الأصلية كتبت بواسطة smart girl

سلامووووووو عليكوووو

(القسم )

(اقسم بالله العظيم ان اكون صريحا فى جميع أجاباتى وان احافظ على منصبى لاخر قطرة وان اكون عضو لذيذا مرحا لست رخما غتيتا ولا ابيع شعبى بأى حال من الاحوال والبى جميع مطالب الشعب كبير صغير غنى فقير )

أقسمنا قبل كدا مش حنقضيها حلفانات بقى احنا
نخش فى الشغل على طووووول

ندخل فالجد
ما انا بقول كدا برضو

1- سيادة رئيس الوزراء هل فى وزارة مش موجودة عندنا نفسك تنشأها ؟؟

مممممممممم اكييييييد لازم اسيب بصمة
فانا لا احب ان امر مرور الكرام

2- اذا كان الاجابة سيادتك نعم فما هى هذة الوزارة ؟ ولماذا تريد ان تنشأها ؟؟

بما انى جغرافى وبميل للخريط احب اعمل وزارة الخرائط
ودى تكون وظيفتها الاولى عمل خرايط مصر الرقمية اللى لسه مش لاقية حد يعملها حتى الان
وأظن الوزارة لما يكون ليها ميزانية حتقدر عليها اكنتر من اى هيئة او غيرها
والخرايط دا اكيد حيكون ليها اهمية كبيرة جدا على جميع الوزارات لانها حتطلع لنا
بيانات ومعلومات لا غنى عنها ابدا وحتساعدنا فى حل المشاكل والاستغلال الامثل للموارد والتخطيط الجيد للمستقبل

3- من الوزير الذى سوف تقوم بتعينة على هذة الوزراة ؟

الاستاذ محمد سعد يس اكيييييد
لانه هو اكتر واحد حمسنى للفكرة دى جدا من خلال ندوة مصر الرقمية .. خرايطها مين يعملها ؟؟
وخلى الحلم دا فى دماغى واكييييد لو جات لى الفرصة ححاول احققه ان شاء الله

4- من الذى ستجعلة يتولى وزارة التعليم ؟؟ ولماذا ؟؟

اولا حعدل اسم الوزارة الى وزارة التربية والتعليييييم من فضلك
وحولى عليا الاستاذة الفاضلة ومربية الاجيال
هبة جابر ( بيبو )
ودا لانها خريجة تربية دا اولا
ثانيا لانها حنونة جدا وحتقدر تستوعب الاطفال كويس جدا
ثالثا لديها طموح بان تخرج اجيال صالحة من اجل مصر

5- من الذى ستجعلة يتولى وزارة القوى العاملة ؟ ولماذا ؟

دكتور السيد الزغبى
لانه هو اللى مشغل معظم الخريجين ربنا يكرمه
وبعلاقاته ممكن يعمل كتييييير اوى وهو بيحب يساعد الشباب
فاعتثد انه كدا حيبقى الرجل المناسب قى المكان المناسب

6- من الذى ستجعلة يتولى وزارة الدخلية ؟ ولماذا ؟

الظابط محمد على باشا الجنرال
عشان ايدو طرشششششة ايدا مخبرين
هههههههههههههههههههههههههههههههههههههه
دا هذار طبعا بس الحقيقة مبحبش وزارة الداخلية
نفسى اغير اسلوبها فى التعامل مع المواطنين وتبقى علاقة حب
ونفسى اغير الاسم دا لاسم وزارة الرحمة مثلا ويكون شعارها
ارحموا من فى الارض يرحمكم من فى السماء

7- من الذى ستجعلة يتولى وزارة السياحة ؟ ولماذا ؟

اكييييييد يوسف باشا وعسل يوسف باشا
لانه لافف كتير وراح بلاد كتير برا وجوا مصر
واكتر واحد بيطلع رحلات وبيطلعنا معاه كمان
ولو حط الموضوع دا فى دماغه بجد ممكن يبقى فى يوم حاجة بجد
ومين عالم يبقى وزير السياحة بجد ويقدر يجعل من مصر بلد سياحة بجد
ويعتمد على مصادر الجذب السياحة الحديثة بدلا من الاعتماد على حبة الاثار الحمضانة اللى عندنا
اللى احنا ولا عارفين نخافظ عليها ولا عارفين نستغلها صح وكمان بتتسرف مننا عينى عينك

8- من الذى ستجعلة يتولى وزارة التموين ؟ ولماذا ؟

اكيد امل الوردة البيضا هى تخصص الحاجات دى
من ايام المكرونة البشاميل هى حتعرف تتصرف فى السكر والزيت والكلام دا
لا وكمان ممكن تطور جامد فى التموين وممكن تزود ع البطاقة مواد تموينية جديدة
زى الشيكولاتة الكابرى والشيبسى والكانزات

9- من الذى ستجعلة يتولى وزارة التجارة والصناعة ؟ ولماذا ؟

حخلى سوما اكييييييد اللى هى استاذة اسماء
ودا لانها كلية تجارة واكيد دا حيكون انسب مكان ليها

10- من الذى ستجعلة يتولى وزارة الاسكان والمرافق والمجتمعات العمرانية ؟ ولماذا؟

الباشمهندس على السيد كارموووووو
عشان يظبطنا فى شقة تبع المحافظة ههههههههههه
لا بجد كارمو بيحب البنا والتعمير اوووى وهو اكتر واحد ممكن يحس بمشاكل الشباب فى الحتة دى
لانه واحد منهم وقريب منهم واكيد حيكون حريص انه يوزع الحاجات دى عليهم بما يرضى الله

11- من الذى ستجعلة يتولى وزارة الاعلام ؟ ولماذا ؟

اسراء وايلد انجل اكيييييييد عشان الاعلام ينضف بقى شوية
بدل اللى بنشوفه من سفور وانحلال ووقاحة وسفالة يمسكها بقى حد يعرف ربنا
ونحتسب اسراء عند ربنا من الصالحات اللى لديها اسلوب شيق فى العرض
ممكن تدير وسائل الاعلام المرئية والمقروءة والمسموعة وغيرها
بطريقة بحيث تجل الاعلام كله هادف ويدعو للفضيلة ومرضاة الله تعالى
وبدل ما يبقى التليفزيون " مفسديوووون " كما يقااااال
يصبح اداة لانارة العقول وتقريب القلوب من الله
لانه اصبح من اهم وسائل الاعلام على الاطلااااااق

12- من الذى ستجعلة يتولى وزارة البترول ؟ ولماذا ؟

محمد سامى
لانه كان شغال بتاع جاز وهو صغير
ههههههههههههههههههههههههههههههههه
معلش لازم حتة استظراف كدا فى الاول
محمد سامى من النوع اللى بيخاف على موارد بلده ونفسه تستغل الاستغلال الامثل
ولسه كمان كان عامل موضوع الغاز ومشكلته دا قريب ودايما هو متابع العملية دى
فاكيد لما يتحط فى المسئولية دى حيكون قدها لانه حريص عليها من قبل ما يمسكها
فما بالك لو مسك الوزارة نفسها !!!! اكيد سيكون الابداع

13- من الذى ستجعلة يتولى وزارة الصحة ؟ ولماذا ؟

حوووووووووووريه هانم ههههههههههههههههههههههههههه
عشان كل شوية تعيا ويغمن عليها كل يوم مرتين
بجد حوريه دى من اكتر الناس اللى صحتها فى النازل خالص
فحبيت امسكها وزارة الصحة يمكن صحتها تتحسن بالمنصب دا
واكيد هى مش حتسيب الشعب يعى يعنى وحتديهم دوا اكيد

14- من الذى ستجعلة وزير الكهرباء والطاقة ؟ ولماذا ؟

الباشمهندس محمد هاشم
بصراحة مش لمميزات فى الحتة دى بس عشان عيب حد زى الباشمهندس هاشم
بعقليته الممتازة وافكاره الرائعة وحكمته انه ميمسكش منصب او وزارة ع الاقل

فكل الوزاااارة لازم تستفيد من خبراته

15- من الذى ستجعلة يتولى منصب وزير العدل ؟ ولماذا ؟

ممممممممممممممممممممممممم
بعد تفكير طوييييييل واحترت كتير اوى والله
sandara

بس ممكن اختنا سمر ولاول مرة قاضية فى تاريخ الوزارة تتولى منصب وزير العدل

وعلى فكرة دا حصل فى الحقيقة انهم خلو المرأة قاضية
بس اعتقد سمر حقانية جدا فى حياتها الطبيعية وحتحكم شرع ربنا

لانه تعرف ربنا كويس نحتسبها عن الله كذلك

16- من الذى ستجعلة يتولى وزارة الشباب ؟ ولماذا ؟

احمد محمد روميو

عشان شاب وفاهم اللى فى دماغ كل واحد من الشباب
واكتر واحد ممكن يكون قريب منهم اوى

17- من الذى ستجعله يتولى وزارة الزراعة واستصلاح الاراضى ؟ ولماذا ؟

الاستاذة اسراء مارى

اعتقد انها بتحب الزرع وممكن تنجز اوى فى موضوع الاستصلاح دا

ودا مجرد تخمين وفراسة من قائد حكيم زيى وياتخيب يا تصيب

18- من الذى ستجعلة يتولى وزارة المالية ؟ ولماذا ؟

اسراء عبد الله بت دفعتى فى شعبة مساحة esraa
لانها مساكة امينة الجمعية الجغرافية وكانت قد المسئولية جدا
والبنات غالبا بتكون مدبرة وموفرة فى الفلوس كدا على حد علمى

19- من الذى ستجعلة يتولى وزارة الخارجية ؟ ولماذا ؟

الباشمهندسس محمد جابر على
لان لديه اسلوب رااااائع فى كسب احترام اللى قدامه ولديه دبلوماسية
اكثر من ممتااااازة فى الكلام مع الاخر ومش حقول اكتر من كدا

20- من الذى ستجعلة يتولى وزارة التعليم العالى ؟ ولماذا ؟

الدكتور ابراهيم زيادى لانه بجد بيعاملنا اننا ابنائه قبل ما نكون طلبة عنده
وياريت لو كل الدكاترة زى دكتور زيادى فى العلم والادب والاخلاص ولاخلاق والمعاملة

وعلى فكرة هو مسجل معانا فى المنتدى هنا

21- من الذى ستجعلة يتولى وزارة النقل والمواصلات ؟ ولماذا ؟

الباشمهندس اسلام عمران لانه دماغه حلوة اوى

وممكن يحل لنا ازمات كتير اوى ويشوف لنا موضوع التوكتوك والتونيات دى

ولو يعمل لنا مشروع مترو انفاق فى الاسكندرية بدل الترام اللى زاحمة الدنيا دى يبقى تمام اوى

22- من الذى ستجعلة يتولى وزارة العدل ؟ ولماذا ؟

مكررة دى ولغاية دلوقتى سايب اللى فوق بصراحة محتار فيها دى

23- من الذى ستجعلة يتولى وزارة الاوقاف ؟ ولماذا ؟

الباشمهندس اسلام محمد مشرف القسم الاسلامى

لحرصه على القران والسنة ونحتسبه عند الله من الصالحين ولا نزكى على الله احد
واعتقد انه لو مسكها حيظبطها اوى ويشيل كل شيوخ الاوقاف اللى بيشتغلوا عشان المرتب

ويجيب ناس مخلصه لدين ربنا وعايزة الاسلام يرجع بدل الائمة اللى بنشوفهم فى المساجد

بيقروا من ورقة اليومين دول وخطبتهم بعييييدة كل البعد عن الواقع اللى بيعيش فيه المسلمين

24- من الذى ستجعلة يتولى وزارة الاتصالات وتكنولوجيا المعلومات ؟ ولماذا ؟

الباشمهندس عمرو عادل ديريكتووووور
لما لديه من خبرة كبيرة فى مجال الكمبيوتر والانترنت وعالم الاتصالات
الى جانب حبه الشدييييد لبلده وانه عايز يقدم لها حاجة
لو اتحط فى مكان زى اكيد حيكون قده وحيديلو كتيييييير اووووى
واحتمال يخلى مصر كلها واير لس مجاااااانااااااا
والاهم من دا انه يحول اهتمام الشباب بالنت من التفاهات الى الثقافات

25- وزارة التخطيط ؟ ولماذا ؟

حنييييين الحياه اللى هى الاستاذة والاخت الفاضلة حنان
ودا لان دماغها حلوووة اوى وزكية وعندها القدرة الجيدة ع التخطيط

وعندها استعداد تعمل خطط خماسية ورباعية وكلوووو

26- وزارة التأمينات والشؤن الاجتماعية ؟ ولماذا ؟

انتى يا سمارت جيرل اكيييد ولانى معرفش اسمك فحتسيبى بطاقتك
لانى معنديش وزير بيتعين بالبركة كدا انا كلو عندى هنا بنظاااااام

واكيد اختارتك لانك اجتماعية جدا وبتحسى بالام الناس اووووى فاكيد

حتقدرى تخففى عنهم كتييير من الامهم

27- وزارة الاستثمار ؟ ولماذا ؟

مصطفى حسن عشان شكلو واد روش وغنى

وحينعنششش الاقتصاد الوطنى بضخ اموال جديدة الى خزينة الدولة

28- وزارة الدفاع والانتاج الحربى ؟ ولماذا ؟

الباشمهندس احمد حسنى صديقى العزييييييز

عنده خبرة كبيرة فى الناحية العسكرية ويقدر يفيدنا فى العملية دى

دا غير انه من زمان نفسه يحارب اسرائيل فاعتقد لو مسكها

اول قرار حياخده بعد موافقتى طبعععععا اعلان الحرب على اليهود

29- وزارة الطيران المدنى ؟ ولماذا ؟

الباشمهندس احمد وحيد كاتوجرافر

لانه وهو صغير لما كانو بيسألوه كان بيقول نفسى اطلع طيار
والحقيقة اعتقد انه لايق عليها اووووووى

30- وزارة التعاون الدولى ؟ ولماذا ؟

الاستاذة هبة بيبووو للمرة التانية

لانها متبعة مبدأ مهم اوى فى حياتها

الا وهو " يا بخت من وفق راسين فى الحلال "

وهى فاهمانى هههههههههههههههههههه

نتمنى ان تكون الاسئلة كانت فى متناول سيادتك وكنت رئيسا لوزارتنا صالحا مصلحا خادما لبلدك ؟؟ وقبل ان تتركنا تختار من يتولى المنصب بعدك ؟

اتمنى انى اكون كنت وزير صالح
وقدرت اوفى بمهام منصبى كويس

ويكون ربنا وفقنى فى اختيار

الرجل المناسب فى المكان المناسب

وسامحونى لو كنت استظرفت شوية فى النص
بس كنت بحاول اخلى الموضوع مش كلو جد
لانه فى النهاية غرضة التواصل الاجتماعى

بشكرك يا سمارت انك عطيتينى الفرصة دى
وربنا يعلم انا تعبت قد ايه وبقى لى يومين
بحضر لك فى الاجابات واكتبها واحفظها
ودلوقتى انا مزنوق على اخر وقت بس
صممت انى انهى الموضووع لانه فعلا جامد
ويشد الواحد انه يشترك فيه وعشان كدا
حختار بعدى عضوة نشيطة جدا الفترة الاخيرة
زيك تماااااام واعتقد انها بتحب المنتدى
واعتقد كمان انها لو اخدت الفرصة واتولت المنصب دا
انها حتبدع فيه جامد جدا وحتكون قدها

اختيارى وقع على
العضو
اسراء مارى
esraa marey

**esraa marey** · 08-31-2010, 01:44 AM

المشاركة الأصلية كتبت بواسطة KAREEM

اتمنى انى اكون كنت وزير صالح

وقدرت اوفى بمهام منصبى كويس

ويكون ربنا وفقنى فى اختيار

الرجل المناسب فى المكان المناسب

وسامحونى لو كنت استظرفت شوية فى النص
بس كنت بحاول اخلى الموضوع مش كلو جد
لانه فى النهاية غرضة التواصل الاجتماعى

بشكرك يا سمارت انك عطيتينى الفرصة دى
وربنا يعلم انا تعبت قد ايه وبقى لى يومين
بحضر لك فى الاجابات واكتبها واحفظها
ودلوقتى انا مزنوق على اخر وقت بس
صممت انى انهى الموضووع لانه فعلا جامد
ويشد الواحد انه يشترك فيه وعشان كدا
حختار بعدى عضوة نشيطة جدا الفترة الاخيرة
زيك تماااااام واعتقد انها بتحب المنتدى
واعتقد كمان انها لو اخدت الفرصة واتولت المنصب دا
انها حتبدع فيه جامد جدا وحتكون قدها

اختيارى وقع على
العضو
اسراء مارى
esraa marey

يا نهار ابيض انا اناااااا

شكرا يا كريم ع اختيارك بس منصب عمرى ما هنساه خلاص0 حمل البلد تقيل اوى 0 بس تعديلاتك ف الوزارة حلوة اوى تعديلات ف المضمون واحلى تعديل تعين استاذ محمد سعد ماينفعش يكون ف تعديل بعد تعديلاتك0 بس ممكن تستنوا عليا يوم كامل عبال ما اظبت حال البلد0

**esraa marey** · 08-31-2010, 02:01 AM

المشاركة الأصلية كتبت بواسطة KAREEM

الذى ستجعله يتولى وزارة الزراعة واستصلاح الاراضى ؟ ولماذا ؟

الاستاذة اسراء مارى

اعتقد انها بتحب الزرع وممكن تنجز اوى فى موضوع الاستصلاح دا

ودا مجرد تخمين وفراسة من قائد حكيم زيى وياتخيب يا تصيب

انا وزيرة الزاعة0انا بحب الزارعة 0 طبعا ونعم القائد الحكيم 0 انا الصراحة مش عارفة تخمنيك صح ولا من ناحية حبى للزارعة لان انا معلوماتى الزارعية بايظة خلاص0 انا ف الزارعة اخرى اتفرج ع شكل الاراضى وهى مزروعة0 بس لو سيادة الوزير عينى ومافيش كلام اهم حاجة حتكون حغلى البلد تصدر المحاصيل ومصتوعاتها وما تستوردش 0 بمعنى يكون اكتفاء ذاتى0 الا بغض المحاصيل الى مش عندنا 0

**ALY ELSAYED** · 08-31-2010, 02:02 AM

الله ينور يا كيمووووووووووو

اجابات ممتازه جدا جدا

واختيار موفق جدا منك بحيك عليه

ياريت يا سمارت تحطي اسم ورابط الموضوع عندك في التوقيع

كنوع من انواع الدعايه

وفي انتظار اجابات معالي الوزيره الجديده

**mostafa hassan** · 08-31-2010, 02:13 AM

بجد يا كريم رد معاليك كان جامد اوي
وكنت فعلا رئيس وزراء عادل جدا
بس انا ليه اختارتني اكون وزير الاستثمار
شكلي غني وروش
من بعض ما عندكم
وفعلا كان دمك خفيف جدا جدا جدا

**MUHAMED SAMY** · 08-31-2010, 10:35 AM

انا بتاع جاز

ههههههههههههه
لا حلوة منك
اجابات موفقة
فين وزير الشباب والرياضة؟

**smart girl** · 08-31-2010, 11:25 AM

لا لا لا لا تمام تمام يا ريس تعديلات فوق الروعة تخيل انت بقة لو اتحققت بجد ...ياسلام داحنا هنعمل انقلاب ههههههه
بحيك بجد ياكريم وانا اللى بشكرك يا معالى رئيس الوزراء السابق (اسمحلى ااقول سابق ) على تلبية دعوتنا فأنت كنت مثال يحتذى بية وتمانيتنا لك بداوم الصحة -

29- وزارة التأمينات والشؤن الاجتماعية ؟ ولماذا ؟

انتى يا سمارت جيرل اكيييد ولانى معرفش اسمك فحتسيبى بطاقتك
لانى معنديش وزير بيتعين بالبركة كدا انا كلو عندى هنا بنظاااااام
مفيش مشكلة اسيب بطاقتى انت مصدر موثوق منة

واكيد اختارتك لانك اجتماعية جدا وبتحسى بالام الناس اووووى فاكيد

حتقدرى تخففى عنهم كتييير من الامهم
ربنا يخليك ياكريم بس انا اجتماعية على المنتدى بس.. لكن فالواقع شخصية لا يصدقها عقل .. خجولة واصحابى 2-3
لكن الجزء التانى مظبوط فعلا ....وبما انى مسكت المنصب دة فاول قرار حصدرة ان يصرف المعاش لاصحاب المعاشات قدرة 3 الاف جنيها كل شهر
كلام ال100جنيه وو80 جنيه واللى بنسمعة دة لاء.. خلاص زمن السمع راح
اما سيادة رئيسة الوزاراء فانا واثقة كل الثقة فى قدرات المرأة وانها ستسير فى الخطوات الصحيحة المستنيرة فالمرأة صاحبة العقل المدبر وقادرة على حل جميع الامور فى كافة المجالات
(حلوين اوى شوية اللغة العربية دول )
سيرى يا رئيسة الوزاراء اسراء على بركة الله

**esraa marey** · 08-31-2010, 02:19 PM

واليوم مع تأ دية معالى الوزيرة القسم:

( اقسم بالله العظيم ان اكون صريحة فى جميع اجاباتى وان احافظ على منصبى لأخر قطرة واكون عضوة لذيذة مرحة لست رخما غتيتا ولا ابيع شعبى باى حال من الاحوال والبى جميع مطالب الشعب كبير وصغير غنى وفقير)

ووبعد ذالك اود توجيه التحية للشعبى الموقر

واقول له جاء وقت الديمقراطية

"طبعاماعدا ف تعديلات الوازيرة " والمطالبة بجميع الحقوق وعرض الاقترحات وجميع المشاكل وحلها وتوفير فرص عمل ودفع رواتب لمن لايعمل وارسال المعاشات ديلفرى ورفع رواتب وكفاءة المدرسين" ماشى عشان ما ينكش ف حجة للدروس" والغاء الدورس الخصوصية ويا انا يا حاضرات المدرسين وال--------------خ

يالا يا شباب وبنات قولى مشاكلكم ومصباح علاء ولى الدين السحرى حيهلها ف الحال0كافية كدا عليكم سيبونى اشوف شغل الوزارة0

**Mohamed Hashem** · 08-31-2010, 02:58 PM

من الذى ستجعلة وزير الكهرباء والطاقة ؟ ولماذا ؟
الباشمهندس محمد هاشم
بصراحة مش لمميزات فى الحتة دى بس عشان عيب حد زى الباشمهندس هاشم
بعقليته الممتازة وافكاره الرائعة وحكمته انه ميمسكش منصب او وزارة ع الاقل
فكل الوزاااارة لازم تستفيد من خبراته

ههههههههههههههههههههه
شكرا جزيلا على الوزارة يا كيمو

الموضوع: واتاريها وزارة ماتمت مع وزيرتنا الاء عيد

أدوات الموضوع

عرض

الكلمات الدلالية لهذا الموضوع

المفضلات

المفضلات

ضوابط المشاركة