واتاريها وزارة ماتمت مع وزيرتنا الاء عيد

[smart girl]

لية التوريطة دى بقى يا اسراء دانا لسة كنت متورطة فموضوع كريم انا كان لازم ااقول من ضمن الشروط ( من الممكن تبديل رئيس الوزاراء ) طب اية رايك نمشيها ولد ... بنت ..ولد ..على اساس البنات متحتلش على البرنامج فاستأذنك تختارلنا ولد

[esraa marey]

لية التوريطة دى بقى يا اسراء دانا لسة كنت متورطة فموضوع كريم انا كان لازم ااقول من ضمن الشروط ( من الممكن تبديل رئيس الوزاراء ) طب اية رايك نمشيها ولد ... بنت ..ولد ..على اساس البنات متحتلش على البرنامج فاستأذنك تختارلنا ولد

يااااااااااا كل ديه دموع ديه مش ورطة ولا حاجة يا سمارت انا كنت بس عايزة اديكى الفرصة وخاصة انك صاحبة الفكرة فقولت اكيد حيكون ليكى وجهة نظر ف التعديلات 0 عامة ولا يهمك يا سمارت من غير شروط ابدلك بولد بس كدا من عينى 0 بس نحبى اسبلك فرصة تانية يمكن تتراجى وتنزلى التعديلات 0 ولو غير كدا حتنزلك رئيس الوزاء الجديد

[mostafa hassan]

احب اهنئ رئيسة الوزارء السابقة علي وزراتها وكنتي رئيسة خفيفة
جدا وبشكرك جدا علي انيك قررتي اكون وزيرا للعدل
وانا فعلا جدير بهذا المنصب لاني فعلا عادل

[esraa marey]

وبعد ما سمارت اعتذرت ع الرئاسة حنختار رئيس الوزارء الجديد الباش مهمندس mohamed ali بمانا الفكرة كان مرحب بيها جدااااااا فقولت اديلك الفرصة تبدع براحتك فى التعديلات بس اوك تقولى ورطة واختار حد تانى00

[حنين الحياة]

ليه كده خلتيني رنيسه لوزاره هتعمليها للاطفاليا نهار ابيض وعسل انتي سكر والله...وانتي شايفه اني ههتم بالموضوع ده...
مااااااااشي يا بنتي...اه لو بقيت مسؤله عنها ده انا هعمل عمايل في العيال...لا بجد والله كل ما الواحد يشوف مثلا اطفال الشوارع والي بيشتغلوا وهما صغيرين الواحد بيتقطع قلبه واكتر من كده والله...ربنا يخليكي يا رئبسه الوزراء علي اختيارك لي

[mohamed ali]

معلش يااسررراء اعذرينى خلى سمارت تخدها المره دى

وانا بعديها باذن الله عشان النهارده منزلتش الشغل و6 اياام حطحن

فى الشغل حبقا مش فاضى تماما وانا الفكره عجبانى وشرف ليا ان اشارك فيها

وكمان عندى كرسى الضيافة واسئلة عن رحتك .

[smart girl]

عاشرا : من صلاحية العضو اختيار 2 بودى جارد (او العدد الذى يريدة ) يلازمة كوسيلة دفاع عنة فى حالة تعرضة للاغتيال لقدر الله من الاعضاء ومع انتهاء فترتة فى الرئاسة تنتهى مهمتهم .

لاء مش عايزة اختار بودى جارد

(القسم )

اقسم بالله العظيم ان اكون صريحا فى جميع اجاباتى وان احافظ على منصبى لاخر قطرة وان اكون عضو لذيذا مرحا لست رخما غتيتا ولا ابيع شعبى بأى حال من الاحوال والبى جميع مطالب الشعب كبير صغير غنى فقير

ندخل فالجد

مبحبوش اوى يعنى

1- سيادة رئيس الوزراء هل فى وزارة مش موجودة عندنا نفسك تنشأها ؟؟
اة طبعا

2- اذا كان الاجابة سيادتك نعم فما هى هذة الوزارة ؟ ولماذا تريد ان تنشأها ؟؟
وزارة الزبالة بالغة العربية وزارة القمامة (عشان محدش يزعل) 1- منظر غير حضارى . 2- بتجيب امراض وحشرات مش لطيفة بالمرة ... اسكندرية اجمل محافظة ولازم نحافظ عليها ..اينعم احنا عندنا شركة اونيكس ولكن لاننا ملتزمناش بالفكرة اللى اتنفذت قبل كدة وهى قدام كل عمارة صندوق اونيكس لانهم طبعااااا نفذوها غلط " يضاف 5 جنية على فاتورة الكهربا كل شهر" ...يعنى ماحترامى ..الناس غلبانة جدا ومش ملاحقة على الغلاء فكل حاجة ...تيجوا انتوا تزودوا 5 جنية زبالة ....دة اية الهنا دة ...فامنطقى جدااا ان محدش يلتزم وبالتالى اتشالت الصناديق والمشكلة ماتحلتش ولانى بتعذب بفضل شيلة كيس الزبالة ادور على صندوق فلازم يكون فى وزارة بلاش زبالة ..وزارة قمامة

3- من الوزير الذى سوف تقوم بتعينة على هذة الوزراة ؟
برسيل او أريل هههه .. مش عارفة مين..بس حد يكون مهتم بنفسة طول الوقت ..بياخد شور على طول وبيحط برفان وكدة عشان اكييييييييد هينظف البلد فلازم نبدأ بأنفسنا الاول

4- من الذى ستجعلة يتولى وزارة التربيه والتعليم ؟؟ ولماذا ؟؟
د . احمد زويل ودى امنية حياتى بجد ... الشخص دة نببببببغة بكل المقايس ... التعليم اساس اى بلد ولو احمد زويل مسك التربية والتعليم الدنيا هتتصلح حالها جداااا

5- من الذى ستجعلة يتولى وزارة القوى العاملة ؟ ولماذا ؟

هو لازم يكون شاب عشان يحس بمعاناة الشباب ولو كبر فالسن يستقيل ونعين شاب مكانة وحاليا كريم ...لانة على مااعتقد من نوع صاحب صاحبة فاهيمشيى الوزارة كويس وهيشغل الشباب كلهم

6- من الذى ستجعلة يتولى وزارة الدخلية ؟ ولماذا ؟

الحمدلله احنا بلدنا بلد الامن والامانوكلها اصلااااااااااااح ... فانا عايزة افسدها بصراحة ..عدل .. عدل
..مينفعش الكلام دة لازم يجى حد يخربها شوية فاممكن يمسك الوزارة دى
عبد الباسط حمودة ...ابن بلد وشهم وغنا اغنية "انا مش عارفنى ..انا تهت منى" فاعتقد انة اول مايمسك وزارة الدخلية هيعرف هو مين بالظبط...

7- من الذى ستجعلة يتولى وزارة السياحة ؟ ولماذا ؟

شخص يكون لف كتير وزار جميع المناطق ..محطة الرمل .. الابراهيمية ..سموحة ..ودا فالغالب هيكون سائق تاكسى وانا مش متزمتة اى حد بيشتغل سائق يقدم ورقة ..وحسب حالة التاكسى بتاعة ...كل ما التاكسى كان متبهدل ومفهوش حتة سليمة كل ما فرصتك فمنصب الوزارة تكبر ..وشرط اساسى يودينى اى مكان انا عايزاه فى اى وقت انا احددة
ببلاش طبعاااااا

8- من الذى ستجعلة يتولى وزارة التموين ؟ ولماذا ؟

بلبع انا مش عارفة صاحب المحل اسمة بلبع ولا غير كدة بس عموما هو صاحب المحل ايان كان اسمة هو اللى يمسك الوزارة ..ودة لأن المحل بيستفزنى بأكلة بصراحة بيعمل شوية كباب وكفتة ملهمش حل اكيد مش هو اللى بيعمل الاكل بس مشغل طباخين كويسين فاممكن يظبط الحياة مع الشعب

9- من الذى ستجعلة يتولى وزارة التجارة والصناعة ؟ ولماذا ؟
اممممم احنا محتاجين حد لى فالحساب يعنى 3+4 بكام وكدة وحختار المشرف احمد وحيد شلبى لان انت ماسك قسم الرياضة فاكيد هيكون ليك خطط 4..4..5 او 4..4..2 وهتحسبلنا جابنا كام جون فالبورصة وكدة

10- من الذى ستجعلة يتولى وزارة الاسكان والمرافق والمجتمعات العمرانية ؟ ولماذا؟

المهندس اسلام ممدوح ...اعتقد انة هيكون عندة افكار جديدة واتمنى يابشمهندس تعملنا شوية استخرعات كويسة.. اصلى زهقت من شكل البيوت العادية
(ممكن تعملى بيت على شكل شبة منحرف او مثلث )

11- من الذى ستجعلة يتولى وزارة الاعلام ؟ ولماذا ؟

احنا الاعلام بتاعنا محترم جدا و مفيهوش غلطة و زى الفل واحنا اتفقنا ان لازم حد يجى يخربها فانا بفكر فى اتنين يا روبى ..يا مروى... واعتقد انها هتكون روبى عشان أرقى شوية.. مروى هتخنقنا ب (أما نعيمة ) ونعيمة هتعملنا مشاكل بقة وكدة

12- من الذى ستجعلة يتولى وزارة البترول ؟ ولماذا ؟

انا عايزة امسكها ...سمارت جيرل ..ودى هتكون اول وزارة يكون رئيس الورازء ..رئيس ..ووزير فنفس ذات الوقت وانا شايفة نفسى اصح بالوزارة لانها وزارة غنية جددددااااااااا وبياخدوا فلوس كتير وليهم مميزات كتيررررررر (شوية حقد وغل ) لذلك فهنصب براحتى وهصدر كل البترول للخارج مش هخلى اى حاجة للشعب

13- من الذى ستجعلة يتولى وزارة الصحة ؟ ولماذا ؟

sweet girl ...هند.. مش عارفة لية حاسة انها رقيقة وممكن تحافظ على صحة الشعب

14- من الذى ستجعلة وزير الكهرباء والطاقة ؟ ولماذا ؟
المشرف محمد سامى ..يمكن عشان موضوع انقطاع الكهرباء عجبنى ..

15- من الذى ستجعلة يتولى منصب وزير العدل ؟ ولماذا ؟

حبيبت هارتى جداااااااااااااااااااااااااا وبموت فيكى وايلد انجل ...مقدرش يا سرؤتى امسك المنصب دة ومتدكيش وزارة ..انا لو مكنيتش القوانين.. كنت خليتك انا وانتى وحد كمان انتى عارفاها طبعا بقينا رؤساء وزارة فى نفس ذات الوقت وانتى عارفة احنا ممكن نعمل اية ...بس بجد انتى دايما عادلة وليكى نظرة ماشاء الله ( عشان الحسد بس يااسراء ) صاقبة

وهتعرفى مين اللى البريء ومين المظلوم
16- من الذى ستجعلة يتولى وزارة الشباب والرياضه ؟ ولماذا ؟

شعبان عبد الرحيم ودة لأن لى فضل كبير جدداا على الشباب ..لازم نعترف ...ومن اهمهم (هبطل السجاير واكون انسان جديد ) ..وبردة ( البانجو دة مش بتاعى ...) والى اااخرة من اعمالة المبجلة ..

17- من الذى ستجعله يتولى وزارة الزراعة واستصلاح الاراضى ؟ ولماذا ؟

عم عبدة الجنيني ياعينى دايما بيطلع الراجل جنينى فالافلام ... لازم نكرمة شوية ونمسكة وزارة دا هو اللى بيحافظ على الورد ويخلى جميل وبيلونهولنا

18- من الذى ستجعلة يتولى وزارة المالية ؟ ولماذا ؟

بما ان الشعب قبل ما امسك رئيسة الوزارء كان عايش فى غناء فاحش ..حد يقدر ينكر ؟؟ فانا نويا اعيش شعبى فى قحط وافلاس تام ولذلك قررت اللى يمسك الوزارة دى يكون الريان صاحب شركة الريان ودة لانى كنت بسمع الناس تقول انا حاطط فلوسى فالريان وعمرى ماسمعت عن حد بيقول انا اخد فلوسى من الريان (وهو المطلوب ناخد ومنديش )

19- من الذى ستجعلة يتولى وزارة الخارجية ؟ ولماذا ؟

اسراء مرعى ... لانك اخترتينى اجاوب فلازم امسكك وزارة ..كوسة بقة لالا بس انا متاكدة انك هتمشى الوزارة دى كويس لانك حد نشيط ماشاء الله ..عايزين لغات بقة يااسراء هاة ..يعنى اتعلمنا اللغة الفلاحى على اللغة الصعيدى على اللغة البورسعيدى وتمام اوى كدة وسيرى براحتك

20- من الذى ستجعلة يتولى وزارة التعليم العالى ؟ ولماذا ؟

كرومبو ... ودة لانة بيجيب اسئلة سهلة وكلنا بنعرف نحلها فانشاء الله يرئف بحال الطلبة فالكليات ويجيب اسئلة سهلة بردة وكلنا نعرف نحلها

21- من الذى ستجعلة يتولى وزارة النقل والمواصلات ؟ ولماذا ؟

صاحب فكرة التوكتوك .. والسبب لانة فكر ..واننا نلاقى حد بيفكر فالزمن دة... دى معجزة .. هى ليها طبعا عيوب وهى ان ولاد صغيرة هى اللى بتسوقها وبيدوسوا الناس ويموتوها ولكن هذا لايمنع انة فكر وبعدين ما كل حاجة ليها مميزاتها وعيوبها فلازم نكافؤة ونديلوا وزارة يكمل بيها على باقى الشعب ويريحنا منة

22- من الذى ستجعلة يتولى وزارة الثقافه ؟ ولماذا ؟

اللمبى ودة لانة بفلمة نقل ثقافتة لكتير من الناس لذا فهو لى ثقافة ومبدأ ماشى على

23- من الذى ستجعلة يتولى وزارة الاوقاف ؟ ولماذا ؟
صاحب فكرة الترام انا معرفش اسمة بس لو حد يعرف يقولى ...عشان باستخراعة دة وقف حالنا... بأمانة ..يعنى الترام بتعقد سنتين عشان تتحرك وتوقف عربيات كتير اوى والناس بتكون عايزة تروح مصالحها ...انا بحب الترام جددا على فكرة و دى المواصلة الوحيييييييدة اللى مغلاش تمنها ومازالت بربع جنية بس الموضوع عايز نظام شوية

24- من الذى ستجعلة يتولى وزارة الاتصالات وتكنولوجيا المعلومات ؟ ولماذا ؟
نجيب سويرس ...عشان شبكة جواجون حلوة وهيظبط الاتصالات اينعم فى حالة لماالواحد يخلص فلوسة ويفلس مفيش شحن على الهوا ب 2 جنية اقل حاجة 5 جنية بس جواجون الافضل (وانا حاليا رئيسة وزراء فاححول لبيزنس عشان اطمن على الوزاراء بتوعى)

25- وزارة التخطيط ؟ ولماذا ؟

حسن شحاتة ...ودة لانة بيخطط صح وماشى بنظام مع فريقة لا يعلى علية

26- وزارة التأمينات والشؤن الاجتماعية ؟ ولماذا ؟

الوردة البيضا ..امل عشان ماشاء الله شغلها فى قسم ادام وحواء كويس جداا فاشايفة انها هتتعامل مع الشؤن الاجتماعية برفق وهتقدر تحل جميع المشاكل

27- وزارة الاستثمار ؟ ولماذا ؟

دة لازم يكون حرامى عشان يستثمر فلوسنا صح او يستثمرها فالخارج هو مع نفسة بردة ...واحب اوضح ان لو فى اااااى حرامى حب يتقدم لمنصب الوزارة انا برحب بى ويقدم ال c. v بتاعة استثمر كام شقة وكام فيلا وكام بنك كدة وميقلقش تماما احنا مش هنبلغ عنة خااااالص دة هيمسك الوزارة يبقى نبلغ عنة ازاى

28- وزارة الدفاع والانتاج الحربى ؟ ولماذا ؟
بما انى رئيسة الوزراء فانا هلغى الوزارة دى لان عيب اوى حد يدافع عن حد كل واحد يدافع عن نفسة خلينا نعتمد على نفسنا و نتطور بقة

29- وزارة الطيران المدنى ؟ ولماذا ؟
فرافيروا انا كنت بحب الكرتون دة اوى فانا همسكة الوزارة لانة كان بيغظنى وانا صغيرة ويطير فاى مكان هو عايزة وانا مش بعرف فممكن لما امسكة الوزارة يعلمنى ويطيرنا كلنا سوا

30- وزارة التعاون الدولى ؟ ولماذا ؟
المشرف على السيد ...كارمو عشان هو تعاون معايا فالبرنامج

نتمنى ان تكون الاسئلة كانت فى متناول سيادتك وكنت رئيسا لوزارتنا صالحا مصلحا خادما لبلدك ؟؟
طبعا كنت مصلحة لشعبى

وقبل ان تتركنا تختار من يتولى المنصب بعدك ؟
قبل ماختار عايزة اقول انا كنت حابة يكون فى اختلاف شوية واظهر فى شكل ظريف ويارب ماكنش اسأت لحد و دمى مكانش تقيل عليكوا وحختار
.
.
.
.
.
.


المهندس اسلام ممدوح

[Wild_Angel]

بقى اللمبي وشعبان عبد الرحيم يكونوا في الوزارة
انتى حتعيشينا في العصور المظلمة يا سمسم يا حبي

لا وأختياراتك عجب
االله ينور
وبعدين جيتي على وزارة العدل وتمسكيهالي ليه ما البلد خربتيها واللى كان كان



اتمنى ان رئيس الوزراء اللى بعدك يصلح اللى عملتيه يا شيخة الله يسامحك
(سمارتي يا حبيبتي ياريت انا وانتى وهي نتجمع في اى حاجه ان شالله حتى رئاسة الوزراء )

[eslam mamdouh]

انا بشكرك جدا يا سمارت جيرل على الترشيح للمهمه الجميله جدا جدا دى

وزراره ومن بعدها رئيس وزراء بجد كرم ما بعده كرم


احب اقول فى البدايه ان وزارتى هتسيييب اكبر اثر فى حياه البلد


واى حد يحب يعارض احب اقوله تكلم يا ابن الششششش عب قول اللى فى قلب انت امام خدامك لا حكامك



السيد الرئيس وحرمه مع الساده الوزراء



وانتظروا الوزاره بتاعتنا فى مساء اليوم

[esraa marey]

[QUOTE=smart girl;268864]

19- من الذى ستجعلة يتولى وزارة الخارجية ؟ ولماذا ؟

اسراء مرعى ... لانك اخترتينى اجاوب فلازم امسكك وزارة ..كوسة بقة لالا بس انا متاكدة انك هتمشى الوزارة دى كويس لانك حد نشيط ماشاء الله ..عايزين لغات بقة يااسراء هاة ..يعنى اتعلمنا اللغة الفلاحى على اللغة الصعيدى على اللغة البورسعيدى وتمام اوى كدة وسيرى براحتك

والله زى العسل يا سمارت اجاباتك محتلفة فعلا وما اعتقدش ف حد ممكن يجاوب زى كدا تانى 0 لاوشعبا ن عبد الحيم واللمبى عامل شغل 0هو انتى ناسيتى سعد الصغير ولا ايه كان بالمرة هو كمان دا0بقى كان حيظبت الشباب 0يا منتظرين اجابات سيادة الوزير الجديد0 وليكى عليا بمان انا وزيرة الخاريجية حتعلمك الفلاحىىىىىىىى تمام ومش حتكلم غيره0