اهلا 2011

**Horiaa Swedan** · 08-30-2010, 10:18 PM

بقالى كتير معملتش مواضيع وبجد مبسوطه اوى انى حعمل الموضوع ده

وحشنى كلكم يا احلى دفعه دفعه 2011 باذن الله

اخر سنه لينا فى الكليه

خلاص عدى 3 سنين بحلوهم ومرهم شفنا لاحظات نجاح ولحظات حزن

كل حاجه مرت علينا المهم ان كلنا فى الاخر صحاب واخوات

دفعه وحده وايد واحده

ياريت بقى كل واحد يدخل يكتب

الاسم:

الشعبه:

التقدير العام السنادى :

احلى ذكرى من التلت سنين اللى فاتوا:

اصعب موقف فى التلت سنين اللى فاتوا:

ايه اللى بيتمناه فى السنه دى :

مين الصحاب اللى بجد طلع بيهم فى التلت سنين دول:

ويارب نكون كلنا ديما اخوات وصحاب

وياريت اللى عنده صور تفكرنا باحلى سنين قضناها يحطها "صور مفيهاش بنات طبعا لحسن نحط السيخ المحمى فى صرصور ودنكم "

قطيعه محدش بيكلها بالساهل

**MUHAMED SAMY** · 08-31-2010, 11:09 AM

حلـــــــــــــــــــــــــــــــــــو

الموضوع احورية
وانا هجاوب واقول

الاسم:محمدسامى

الشعبه:خرائط

التقدير العام السنادى :طالع بمادة يعنى مقبول

احلى ذكرى من التلت سنين اللى فاتوا:ممكن لما كنا بنعمل خريطة الجيولوجية فى بيت امير
لما كنا بنلعب كورة
لما رحن انطونيادس
لما رحنا البحر

اصعب موقف فى التلت سنين اللى فاتوا:لما جبت فى مادة ضعيف جدن

ايه اللى بيتمناه فى السنه دى :انى انجح نضيف ويكون المشروع ممتاز

مين الصحاب اللى بجد طلع بيهم فى التلت سنين دول:
شادى طبعا
.احمد هاشم .محمدابراهيم سلامة.محمد مختار ..عادل.محمدعلى.احمدحسنى.محمدرفاعى.امير.مندور.تامر. صلاح طيارة.محمدعلى2.عمر.جيمى .احمد عبدالفتاح.فؤش.كارمو.كريـــــــــــــــــــــم
اكيدالزهايمر مخلينى ناسى ناس كتيير

بانسبة للصور فهم كتيـــــــــــــــــــــــــــر

**Horiaa Swedan** · 08-31-2010, 09:13 PM

الله ينور يا سامى بجد وصور تححححححححححححححححفه بجد ربنا ميحرمكم من بعد يااااااااااارب ابدا وتبقى سنه حلوه ومشروع جميل باذن الله لينا وليكم

**mohamed ali** · 09-01-2010, 05:20 AM

الاسم:

محمد على حسن

الشعبه:

شعبة مساحة وخرائط ونظم معلومات جغرافيه

التقدير العام السنادى :

جيد

احلى ذكرى من التلت سنين اللى فاتوا:

اصعب موقف فى التلت سنين اللى فاتوا:

فى امتحان الخرائط الجيولوجية اما سبت سوال ونصف بالكامل

ايه اللى بيتمناه فى السنه دى :

ان يرزقنى بتقدير السنادى

مين الصحاب اللى بجد طلع بيهم فى التلت سنين دول:

احمد حسنى و رفاعى وسامو و دولة و شادى و سيليكون و جيمى و مندور و كريم و عمر ومحمود حسنى و كاكا و نااااس كتير ارجو ان لا تخوننى الذاكره

ويارب نكون كلنا ديما اخوات وصحاب

امـــــــــــــــــــــــــــين

وياريت اللى عنده صور تفكرنا باحلى سنين قضناها يحطها "صور مفيهاش بنات طبعا لحسن نحط السيخ المحمى فى صرصور ودنكم "

ههههههههههههههههههههههههه انتى مشكلة لا ياستى الصور بتعتنا مافيها اى بنات

**MUHAMED SAMY** · 09-01-2010, 06:21 AM

شكرا ليكى ياحورية على الموضوع بجد
وايه ياعلى
مقتش الا فوق الشجرة
هههههههههههههه
لابس حلوة

**amir** · 09-01-2010, 03:07 PM

الاسم: امير محمد حسين

الشعبه:المساحه والخرائط ونظم المعزمات الجغرافيه

التقدير العام السنادى :جيد والحمد لله

احلى ذكرى من التلت سنين اللى فاتوا: ايام الحلم والتعب للوصول للحلم ولما كانا بنروح على البحر ونقعد نتكلم مع بعد ياترى حندخل مساحه ولا لا ولما كنت بروح انا وحسنى الامتحان ونقعد نراجع مع بعض واقوله انا مش حنجح ويقولى لا حننجح وحندخل مساحه مع بعد وحنتخرج مع بعض ياااااااااااااااااااااااه ايام كتير اوى اوى جميله ولا اول مره نزلنا فيها تدريب عملى لما حققنا هدفنا ولما طلع عنينا فى الخريطه ولا العرض بتاع الاليه ده باقى بجد كان روعه ولا ولاولا والله ايام كتير اوى بس الخلاصه (اى ايام بتقصيها مع ناس بتحب بعض بجد ولله وبتجمع على حلم واحد بتكون احسن ايام العمر )

اصعب موقف فى التلت سنين اللى فاتوا:لما جبت تقدير جيد فى المستويه وكنت استحق امتياز بجد لانى كنت جايب 23 فى العملى وكنت حالل الامتحان كله صح ومتاكد من كده وقلت خلاص انا مش داخل مساحه

ايه اللى بيتمناه فى السنه دى :ان احنا نفضل دايما مع بعض وما نتفرقش عن بعد ابدا ونعمل مشروع رائع

مين الصحاب اللى بجد طلع بيهم فى التلت سنين دول: لا انا الاسهل انى اكتب الى معرفهمش وحتى دوله كمان ان شاء الله حطلع بيهم السنه ديه ان شاء الله انا الدفعه كلها صحابى واخواتى

بجد موضوع جميل جدا جدا وفكرنا باحلى الذكريات بس انتى حضرتك ما افتتحتيش الموضوع

**KING OF LOVE** · 09-03-2010, 04:03 PM

اولا بقول يارب تكون سنة رابعة احلى سنة وربنا يوفقنا كلنا

الاسم / احمد محمد عبد الفتاح

الشعبة / المساحة والخرائط

التقدير / تقدير الفرقة التالتة مقبول وده بجد الحمد لله ان انا جبت مقبول وربنا وفقنى وطلعت رابعة مامعيش مواد وده عشان حصلت ظروف عندى هى السبب فى ده واهمها ان انا دخلت المستشفى شهر وطبعا ماحضرتش محاضرات يااااااااااااااااما وحاجات ياما ماكنتش فاهمها بس الحمد لله نجحت وان شاء الله الخير فى سنة رابعة وربنا يوفقنى واعوض التقدير بتاع تالتة

احلى ذكرى / هى مش ذكرى واحدة دول ذكريات جميلة جدا وهى الشغل مع الاصحاب والتدريب العملى والخروجات ولعب الكورة ولما روحنا البحر ولما اشتغلنا فى الخريطة هو ممكن انا اكون ماشتغلتش ياما فى الخريطة عشان ماجتش الكلية ياما وكدة بس الحمد لله لما الخريطة باظت واتعادت تانى اشتغلت فيها ياما وبرضو ماعجبتش استاذ محمد سعد عشان الديكور اللى عملته اسراء فى الخريطة بس الحمد لله كانت ايام جميلة اوى وكانت من احلى الايام حفلة مرور 50 عام على انشاء الرابطة وكانت الحفلة فى الكلية وسمعنا معظم الدكاترة وذكرياتهم فى القسم وهم طلاب وبجد استمعت جدا بايام الكلية

اصعب موقف / اولا فى سنة اولى لما كنا مش عارفين نظام امتحانات الكلية واتفاجانا وطبعا ماكناش عارفين نجاوب ومش عارفين نذاكر ازاى وده طبعا من اهم عيوب تعليمنا فى مصر بس الحمد لله نجحنا وكنا بدانا ناخد خبرة شوية عن نظام الكلية والمذاكرة ودخلنا تانية وكلنا امل ان ربنا يوفقنا وندخل مساحة وطبعا بدانا نذاكر بجد ولكن كانت صدمة شخصية ليا لما جبت ضعيف كمية ترم اول وكنت فى حالة غريبة ان خلاص مش داخل المساحة ومش مكمل مع اصحابى لكن صحابى بداو يقولولى احنا مكملين مع بعض وانت هاتكمل معانا وان شاء الله هاندخل مساحة كلنا والحمد لله قد كان ودخلنا كلنا واصعب موقف هو دخولى المستشفى وبجد الايام دى شوفت احلى صحاب بجد وهم صحابى فى القسم كله سواء شعبة مساحة او شعبة عامة وكانو بيجو يزورونى كل يوم وبجد كانت دموعهم بتنزل عشانى بجد بشكرهم ويارب ارود جزء من اللى عملوه معايا وبشكر المنتدى عشان نزل موضوع كامل عشانى وانا فى المستشفى والكل تمنى ليا الشفا وبشكر كل انسان دخل وكتب كلمة عشانى بس الحمد لله على اى حاجة وطبعا مواقف صعبة تانية وهى امتحانات السنة دى وكانت صعبة جدا وكنت بشوف حاجات غريبة من الطلبة وكنت لاول مرة اكون فى امتحان ويعدى نص الوقت وانا مش عارف اكتب حاجة وكل زميالى كدة .

ايه اللى بتمناه / بتمنى تكون سنة كويسة علينا كلنا ويارب نحقق اعلى التقديرات ونقضى مشروع كويس ويكون من انجح مشاريع القسم وربنا يوفق الجميع

الصحاب / بجد انا ليا احسن صحاب فى الدنيا كلها سواء من شعبتى او من شعبة عامة ومافيش فرق بينا ابدا احنا اخوات كلنا وبجد معظم الفرقة الرابعة عامة ومساحة اصحابى ومش عايز اقول اسامى عشان مانساش حد

ومعلش انا طولت عليكم بس ده اقل حاجة ممكن اقولها فى حق اصحابى والقسم بتاعنا

**momo_lovely599** · 09-04-2010, 01:12 AM

الاسم / ابراهيم عبد الجواد عبده

الشعبه / مساحه وخرائط جامعه طنطا

تقدير السنه دى / الحمد لله جيد والسنين اللى فاتت وده كله بفضل الله

احلى ذكرى من التلت سنين اللى فاتوا: سنين جميله واحلى حاجه فيها هما صحابى اللى بجد مضيقانى موضوع اننا هنخلص بعد ما حصل الترابط القوى بينا واحلى ذكرى اكيد لما بنتلم كلنا فى اى مكان عند اى حد فينا والاكيد فى شهر رمضان

اصعب موقف فى التلت سنين اللى فاتوا: اصعب وقت عدى عليا هو الترم الاول فى سنه تالته كان ترم ظروفه مش كويسه بس الحمد لله قدرت اعديه بسلام وبتقدير مكنتش اتخيله ( الحمد لله )

مين الصحاب اللى بجد طلع بيهم فى التلت سنين دول:
طبعا هما : طاهر السيد ( الشيخ تيتو )
محمد مصيلحى ( روميو )
حموووووووده (حمووو)
الحملى
مهران
احمد ربيع
محمد موسى
مدحت الغنام

**KAREEM** · 09-17-2010, 05:06 PM

الاسم:
كريييييم ( مش حقول اكتر من كدا عشان الموساد ميعرفش اسمى الثلاثى )

الشعبه:
نظم معلومات جغرافية GiS ( وبكل فخر )

التقدير العام السنادى :
جيد ( كان نفسى جامد جدا بس الحمد لله )

احلى ذكرى من التلت سنين اللى فاتوا:
يوم الزرع لما رحنا كلنا وحطينا الزرع فى القسم كان يوووم ملوش حل لا يكرر
كان يوم جمعة وكان معانا احمد فتيحة واحمد روميو وعوض وحوريه وسليم واسرااااء ومين تانى خايف انسى حد
اى نعم الزرع دلوقتى اتشال وبقى فى اوض الدكاترة بس بس باذن الله يرجع احسن منه
وكل دا بمجهودنا كلنا وحفاظنا ع الحاجة اللى حتيجى

اصعب موقف فى التلت سنين اللى فاتوا: لما رحت امتحان جغرافية السكان متأخر فى الترم الاول فى تانية
وفضلت طالع نازل اتحايل ع المراقبين لحد ما وصلت للعميد بعد ذل راح باصص فى الساعة كدا ولقاها 12 ودقيقة
منساش اللحظة دى وراح قاللى ( نص الوقت عدى ) مع العلم انى كل دا كنت بلف عليهم
خرجت من عنده منهاااار انهيار اول مرة يحصل لى وحسيت ان حلم المساحة راح منى
وكنت معتقد بقى ان مفيش بعد المساحة فى الدنيا وكأن الدنيا اتقفلت ومكنتش اعرف ربنا مقدر لى الخير فين ومازلت مش عارف
عشان كدا بشكر ربنا وراضى باللى كاتبهولى مش بس كدا كمان حابب اللى ربنا كاتبهولى
ومنساش ساعتها موقف استاذ محمد سعد لما شافنى مع انه مكنش يعرفنى كويس بس ليه موقف معايا منسهوش

ايه اللى بتمناه فى السنه دى :
ان ربنا يبارك لنا فى السنة دى ونتخرج من المشروع دا وكلنا حابيين بعض
واى حد واخد موقف من حد يحاول يقرب منه ويبعد عن الجانب السلبى
ويبص له من الناحية الايجابية عشان نبقى كلنا كأننا عيلة واحدة
بمعنى الكلمة مش كلام وخلاص

مين الصحاب اللى بجد طلع بيهم فى التلت سنين دول:
اكيد لما حقول يعنى حيكون صحابى الولاد
لان البنات يعتبروا زملاء فى الاول وفى الاخر
ودا كلام ميزعلش حد طبعا

طلعت بناس كتير اوووووى بفضل الله
من شعبتى
- عمرو جعفر اقرب صديق ليا فى القسم
- محمد فاروق حبى الاول والاخير
- كمااال عدو الثانوى صديق الكلية
ومن مساحة
- احمد حسنى وهو صحابى من قبل كدا على فكرة
- محمد على اجدع جدعان بحرى والمنشية
- محمد سامى يعنى الرجولة ادب مش هز كتاف
- اميييير وتااااامر
- احمد فتيحة واحمد روميو وحااازم من دفعة 2010

والله وناس كتيييييرة اوى خايف انسى حد بس كلهم حبايبى

طبعا يا حووووريه مش محتاج اقوللك ع الموضوع ملهوش حل
ولا ايه الجمال دا ولا ايه الروووعة دى
وتفوقتى على نفسك والكلام اللى انتى عارفاه دا

الموضوع بجد طلع ذكريات جمييييييلة جدا وانا اكتر حاجة بحبها فى حياتى
الذكرياااااااااااااااااااات لان بيبقى ليها طعم جميل اوى بحلوها ومرها

وخلتينى انتبه لحاجات مكنتش واخد بالى منها من خلال اجاباتى

اما بالنسبة للصور فهى كتييييير اوى
وعجبتنى اوى الصور اللى نزلها سامى بجد

انا جيبت تشكيلة كدا 10 صور منوعة من كل حاجة صورة او صورتين
عشان مينفعش طبعا انزل الصور كلها
و10 كتييييير وحلوين اوى ورضا كمان

دا اخر يوم فى الامتحانات

ودى لما رحنا البحر
سامحونى بقى ملقيتش غيرها واحنا مع بعض
وانا اكتر واحد مفضوح فيكو بس كان يوم جااااامد جدااا والله

ودا لما كنا فى التربية العسكرية صورتين ع الماشى كدا
كانو يومين حلووووين ومن اجمل الذكريات والله

ودا بقى كان يوم عادى من ايام الدراسة
اتصورنا عند مكتبة اسكندرية

ودا كان فى تجمع من تجمعات المنتدى بس حطيتها عشان فيها دووولة حبيبى بس
من اجدع الناس فى دفعتنا

ومنتظر باقى مشاركات الناس
لان الموضوع يعتبر بمثابة ارشيف وذكريات جامدة لينا

**Horiaa Swedan** · 09-17-2010, 07:58 PM

الله عليك ياكرمله بجد كلام جميلللللللللللللللل جددددددددددددددددددددددددددددددددددددددددددا بس انا زعلانه ايه يولا كل البنات زمايلا دول هو انا مش فى مقام مامتك ولا ايه

قطيعه العيال ولا بيطمر فيها تربيتى

بهرج ههههههههههه بجد ونعم الكلام ومواقف فى الجون بجد يوم الزرع ده كان يووووووووووووووووووووووووووووووم جامد جددددددددددددددددددددددددددددددددددددددددددددددددد ددددددددددددددا وملهوش حل

وان شاء الله نقفل الموضوع ده فى اخر السنه باحلى صور لاحلى مشروع تخرج باذن الله

وتكون ايامنا كلها سعيده بجد

إذا الشـــعبُ يومًــا أراد الحيــاة	فــلا بــدّ أن يســتجيب القــدرْ
ولا بــــدَّ لليـــل أن ينجـــلي	ولا بــــدّ للقيـــد أن ينكســـرْ
ومــن لــم يعانقْـه شـوْقُ الحيـاة	تبخَّـــرَ فــي جوِّهــا واندثــرْ
فــويل لمــن لــم تَشُــقهُ الحيـا	ة مــن صفْعــة العــدَم المنتصـرْ
كـــذلك قــالت لــيَ الكائنــاتُ	وحـــدثني روحُهـــا المســـتترْ
*****

الموضوع: اهلا 2011

أدوات الموضوع

عرض

اهلا 2011

الكلمات الدلالية لهذا الموضوع

المفضلات

المفضلات

ضوابط المشاركة