ممكن تتجوز وعمرك كام سنة ؟ أحسبها وجاوب هنا

[mohamed ortega]

يا ترى فكرت في مرة تقعد مع نفسك وتحسب الزواج ممكن يكلفك كام.. وبناء على مرتبك ممكن تتزوج وأنت عندك كام سنة ؟! عموماً من غير إحباط.. تعالوا نعرف إيه الحكاية.

كنت راكب المترو وبالصدفة وجدت شخصين يتحدثون مع بعضهما في هذا الموضوع، فوجدت أحدهم يقول:

<FONT color=royalblue size=5><B>أنا مهندس وعندي 28 سنة دلوقتي، ومرتبي وصل لحوالي 1500 جنيه، وقلت أفكر في الجواز وقعدت أحسبها، فلقيت إني محتاج لشقة إيجار، وبعد بحث لقيت شقة بس صاحبها عايز مني 20 ألف جنيه " خلو رجل " ، مع إنها في منطقة شعبية، وكمان العروسة أهلها عايزين شبكة بـ10 ألاف جنيه، وتجهيز الشقة بكل حاجة محتاج لحوالي 50 ألف جنيه بكل التجهيزات، وفرح محتاج حوالي 10 ألاف جنيه بكل حاجة ، يعني باختصار محتاج 100 ألف جنيه، وأنا أصرف حوالي 700 جنيه في الشهر على نفسي، ويبقي 800 جنيه، لو حوشتهم يبقي في السنة 9600 جنيه، قول 10 ألاف جنيه، يعني محتاج 10 سنين علشان أتجوز، يعني أتجوز وأنا عندي 38 سنة، بس ده ل

[KAREEM]

حلووووة اوى فكرة الموضوع
ودايما بتشغل بالى واكيد بتشغل بال كثير من الزواج
بس اقوللك حاجة لو الواحد بص لها كدا يبقى عمره ما حيتجوز
بدليل الواحد بيشوف جوازات بتتم حواليه سبحان الله
متعرفش ازاى اتجوز وربنا عالم عليه اقساط قد ايه
ولا اخوه ساعده ولا عمل جمعيه من هنا جاب بيها حاجة
واللى بعدها لحد ما ربنا سهله واتجوز صغير
والواحد مرة سمع شيخ بيقول حديث عن النبى
ان اللى بيجتهد انه يتجوز عشان يعفه نفسه
ربنا بييسر له كل الطرق مهما كانت صعوبتها
فالواحد عنده امل فى ربنا كبير
وانا عن نفسى عندى امل انى اتجوز فى سن 25 سنة
ودا مجرد حلم وعشان يتحقق لازم احط له خطوات
بدايتها انى اجتهد من دلوقتى انى اكون مميز فى مجالى
بحيث لما اشتغل واخد خبره اقدر اطلب المرتب اللى يناسبنى
وساعتها ربنا حيكرم ويوفق وزى ما قلت لك متعرفش بتيجى ازاى
بس طالما انت عايز تعف نفسك ومتعصيش ربنا
يبقى ربنا عمره ما حيخذلك ابدااااا

موضوع هاااااااايل يا محمد والله
وفتح مجال نقاش جامد وبيشغل
بال كل الشاب
بالفعل
تستحق عليه التحيه

[الورده البيضاء]

لو الشباب فكروا نفس التفكير دا هيحبطوا جدا
وفى ناس ممكن يجيلها اكتئاب
كلامك مظبوط ياكريم
انا معاك فان الواحد لو اجتهد ربنا بيجازية على قد اجتهادة
وانا عن نفسى مش باحبذ ان شاب يتزوج قبل سن 24 حتى لو كان مقتدر ماديا