اعترافات الراجل اللي بيفسد علينا رمضان كل سنه !!

[KAREEM]

شهر رمضان يا جماعه شهر مكرم جدا في الاسلام

فيه نزل القرأن .. في ليله القدر التي ينتظرها ملايين المسلمين في العالم

وفيه الصيام والتقرب لله والعباده التي يضاعفها الله في هذا الشهر بالذات

وكثير من الخيرات التي لن نعرف قدرها الحقيقي الا عندما نراه بأعيننا

في الجنه بأذن الله

فجأه .. اصبح الناس يسموه شهر المسلسلات !!

كان قديما شهر الفوازير ..

ولكن يبدو ان المسلسلات انتصرت علي الفوازير اخيرا

كميه مسلسلات لا تعد ولا تحصي ..

مسلسلات 24 ساعه .. مسلسلات ملاصقه للمسلسلات ..

مسلسلات تتخلل المسلسلات ..!!

قديما كان يذاع قرأن كريم ثم اذان الفجر الساعه 4 فجرا ..

الان تجد اثناء عرض المسلسل .. حان الان موعد اذان الفجر !!

بمعني ان المسلسلات تجدها في اي وقت ..

تعالوا نسمع اعترافات الرجل الذي يفسد علينا رمضان كل سنه

******

لا يوجد استراحه .. نريد اعلانات .. نريد اموال ..

نريد نسبه مشاهدات عاليه ..

هاتوا فنانين وخليهم ينطوا زي القرود ..

هاتوا فنانين يقولوا اي كلام فارغ .. واي هبل وعبط وتخلف ..

الناس حتضحك وتنبسط ..

هاتوا كاميرا خفيه نشتغل بيها المشاهد مش ضحيه الحلقه

كاميرا خفيه نعمل فيها تريقه وعبط وفي الاخر نقول للضحيه

اللي هو اصلا معانا وقابض 50 جنيه عشان يعمل ضحيه ..

نذيع ولا منذعش ؟؟

هاتوا برامج مقالب كتيره واشتغالات للفنانين ..

اه الفنانين بيبقوا غالبا اما متفقين معاهم ..

او اصلا الفنايين فاهمين لوحدهم ان البرنامج مقالب

بس بيعملوا اغبياء عشان ميخسروش قيمه حضور الحلقه ..

اوقات الغباء بيكسب برضوا !!

هاتوا برامج حواريه مع النجوم ..

واستضيفوا فنان متخلف صايع .. واسئلوه عن كفاحه !!

وعن طفولته المتشرده .. وازاي صنع نفسه ووصل للنجوميه ..

وازاي قدر يكسب حب الحمار ويغنيله ..

هاتوا نفس الفنان في برنامج تاني واسئلوه نفس الاسئله

هاتوا تالت ورابع وخامس وسادس في جميع البرامج ..

الناس مش كلها بتتفرج ..

ومحدش حيلاحظ ان الفنان استضفناه في كل برامجنا تقريبا

اي برنامج مدته عشر دقايق لازم يتخلله اعلانات ساعه الا ربع ..

اتصرفوا ميهمنيش ازاي المهم كلامي يتنفذ

انشاله تحطوا اعلان بعد كل اربع كلمات ..

عاوزين شويه مسلسلات عري لزوم جذب الانتباه ..

ايوه لما الصحافه تتكلم عن الممثله الفلانيه

اللي مش لاقيه حاجه تسترها في المسلسل

الناس حتستني المسلسل عشان يشوفوا بعينهم

ولزوم سبك الطبخه ..

ياريت ننزل تنبيه كل شويه ان مسلسلاتنا حصريه للقناه

بكل فخر وكبرياء وتحدي ..

وطبعا القنوات كلها عندها نفس المسلسلات ويمكن اكتر مننا كمان

برامج الطبيخ بقي عاوزينها تبقي قبل الفطار ..

وطبعا كلها اكلات غريبه وغير منطقيه ..

وبونو بونو يامدام
.. ياريت متنسوش الجمله دي ..

.....

عاوزين شريط دائم تحت الشاشه

فيه خيرات ربنا من 0900
ومن اي موبيل علي رقم 0000
ومن سوريا0000
ومن الاردن0000
ومن عمان0000
ومن كوالالمبور 0000

ياجماعه الدقيقه وصلت 5 جنيه !!

لو قولنا المشاهدين عددهم 5 مليون

بعتلنا رساله منهم نص مليون بس

ولمره واحد بس

حنعمل 2 مليون ونص في لحظه

عاوزين بس نعشمهم اوي ..

مين اللي سرق حمبوزو ؟

مين العريس الخامس لزهره ؟

رشحلنا مكان نصور فيه برنامج

عبيط حول العالم ؟؟!!

تبرع لنا ولو برساله !!
....

عاوزين بكار للاولاد الصغييرين .. ايه مفيش بكار ؟؟

طيب بوجي وطمطم ..؟ مفيش برضو ؟

طيب فككوا .. تعالوا نخاطب جيل المراهقين الجدد احسن

هاتوا برنامج 100 مسا بتاع ميس حمدان ..

ايوه اللي بتطلع فيه لابسه لبس راقصه مش لابسه حاجه !!

او عامله فيه دكر

وشخلعني ودلعني وميعني وضيعني وصيعني ..

ياجماعه بما اننا في شهر فضيل كريم ..

لازم نعمل برنامج للشيخه ايناس الدغيدي ..

بذمتك حيبقي فيه طعم لرمضان من غيرها ؟.؟

نعملها برنامج الجريئه ..

ونخليها طول البرنامج ترقع بالصوت

وتقول .. ربنااااااا ميحكم عليا بالحجاب ..

وادينا بنوصل رساله دينيه ناخد بيها ثواب !!

يااااااااااه نسينا حاجه مهمه اوي ياجماعه ..

دعاء الافطار !!

عاوزين دعاء الافطار بعد المغرب يكون بصوت فنانين محبوبين للناس

عاوزين فيفي عبده ودينا وسعد الصغير وجنات

وعمرو دياب وتامر حسني وريكو

عشان الناس تسمع الدعاء وتقول امين براحه وطمئنينه

بس اسيبكم انا بقي عشان رمضان بكره ان شاء الله

وانا شايف الملائكه جايين هناك عشان ياخدوني يسلسلوني

زي كل سنه ..

فوتكم بعافيه !!

ورمضان معانا احلي
و رمضان بيقـــربنـا
!!






منقول لانه عجبنى جدا فى اسلوبه
وطرحه للموضوع وهى دى الحقيقه
ولا انتو ايه رأيكو ؟؟؟؟

[حنين الحياة]

بجد ده الي بيحصل ياكريم والواحد بيزعل من التفاهات ديه.....وربنا يستر علي عباده

[esraa marey]

اه فعلا والله تلاقى من قبل رمضان بشهر
تلاقى مسلسلات لاوالادهى من كدا البرامج التافهة

فعلا الموضوع واقعى وطريقة العرض حلو اوى
شكرااااااااااااا

[MUHAMED SAMY]

هو تقريبا رمضان ده انا مكنتش بشوف اى حد ولا اى حاجة
بس اكيد طبعا ده لازم يكون موجود
لاننا فى
"هيوليود الشرق"
فعلا تستحقها بجدارة
وبعد غلق القنوات الدينية فى انتظار غلق اذاعة القران الكريم
وفى ناس قلتلى ان ايام السادات او عبد الناصر
كانت الاية اللى معناها ان" لا يرضى عنك اليهود ولا النصارى حتى تتبع ملتهم مكنتش بتتقال" (العهدة ع الراوى)

بس ليقا تعليق ان سعد الصغير بعد ماخرج من المستشفى
قال


وده فيديو للشيخ محمود المصرى
يحكى قصته

[KAREEM]

بجد ده الي بيحصل ياكريم والواحد بيزعل من التفاهات ديه.....وربنا يستر علي عباده

على رأيك
ربنا يستر على ولايانا

بس دا ايه علاقته بالموضوع ؟؟؟
ههههههههههههههههههههههههههههه

نورتى يا حنين
بهذر ها

[KAREEM]

اه فعلا والله تلاقى من قبل رمضان بشهر
تلاقى مسلسلات لاوالادهى من كدا البرامج التافهة

فعلا الموضوع واقعى وطريقة العرض حلو اوى
شكرااااااااااااا

وفى رمضان
مخللاتك عندنا

هههههههههههههههههههههه

صحيح اللى يجنك اكتر
ان دعايا رمضان بتبدأ قبليه بشهر
وشهرين كمان
ويقول لك اسأل مجرب
وكلو يفضل يقول لك حصرى
و حوالى 36 مسلسل واكتر
السنة اللى فاتت دى بس
اتعرضو فى رمضان

لو الفلوس دى تتصرف لمكافحة الفقر بس نقول ايه

شكرا يا اسراء لمرورك

[KAREEM]

هو تقريبا رمضان ده انا مكنتش بشوف اى حد ولا اى حاجة
بس اكيد طبعا ده لازم يكون موجود
لاننا فى
"هيوليود الشرق"
فعلا تستحقها بجدارة
وبعد غلق القنوات الدينية فى انتظار غلق اذاعة القران الكريم
وفى ناس قلتلى ان ايام السادات او عبد الناصر
كانت الاية اللى معناها ان" لا يرضى عنك اليهود ولا النصارى حتى تتبع ملتهم مكنتش بتتقال" (العهدة ع الراوى)

بس ليقا تعليق ان سعد الصغير بعد ماخرج من المستشفى
قال


وده فيديو للشيخ محمود المصرى
يحكى قصته

اعتقد دا مش رد
دا موضوع تانى اصلا
ههههههههههههههههههههههههه

امشى ياض من هنا
احنا مش متعاركين ؟؟
متردش بقى فى مواضيعى


على فكرة مكنتش حنزل حتة سعد الصغير دى
لانه صعب عليا بس الراجل دا مصر على الغنى
وبيقوللك حتوب بس اما الم قرشين
طب انت شوفت الموت يا راجل
وعرفت ان مفيش حد ضامن عمره ؟!؟!؟!

عموما مش موضوعنا
المهم ان الموضوع بيعبر
عن الحاجة اللى بتحصل كل سنه
فى موسم مسلسلات شهر رمضان

وعلى فكرة انا زيك متفرجتش
بس دلوقتى بقيت بشوف
حتت من مسلسلات من اللى بتيجى فى رمضان
زى العار دا وبشوف حاجات مكنتش مصدق ان
المسلسل دا بيتذاع فى رمضان لناس صايمه

ربنا يهدينا جميعا

[smart girl]

هو بيكون موسم بالنسبالهم على فكرة الموضوع ملوش علاقة برمضان دى حاجة تجارية بحتة ومربحة جدااا طبعا ولما شخص ميفتحش قناة الا فرمضان بس.. يبقى اكيد فى ملايين بتتفرج هما اللى بيربحوا وللاسف احنا نخسر كتيررر وسدئنى الموضوع كل مدى مابيقلئش بل بالعكس بيزيد
حاجة تدايق بجد ياكريم

[رورو]

[COLOR="rgb(153, 50, 204)"]
موضوع فعلا رائع وصياغته جميلة
شكرا ليك ع الموضوع الرائع[/COLOR]

[ضوء القمر]

موضوع جميل جدا طبعا يا كريم احنا خلاص بقي زمانا زمن المسلسلات
شكرا ليك يا كريم..