.×.× س .!! ص؟؟ مش هتفرق ..المهم عن اللى جوايا اعبر .×.×

**ميرا مار** · 02-01-2009, 10:46 PM

السلام عليكم ورحمة الله وبركاته..
الله يرحم استاذى الكبير عبد الوهاب مطاوع..قال
((املا عينيك من وجوه الاحباء..ولا تؤجل الافصاح لهم عن مشاعرك الجميلة
فقد لا يكونوا غدا على مسرح الحياه))

وانا عايزة اقول.. نبدا هنا نتكلم..
يمكن دى تكون خطوة تساعدنا نعبر عن مشاعرنا

ماحدش هيسالك بتقول الكلام دا لمين ؟؟!!!!!!!

كل كلامك هيكون موجه لشخصية س او ص ..
المهم نتكلم بصوت عالى
ونعبر عن اى مشاعر او اراء جوانا لاى حد..

وف اى وقت ..وف كل مرة ادخل وسجل كلمة..
.توجهها لحد ومش قادر ..

اتمنى يكون واضح ويارب
يارب ياااااااااااااارب يعجبكم

**ميرا مار** · 02-01-2009, 10:51 PM

ابدا انا...لو سمحتولى

س ...

عايزة اقولك ماحدش بيفهمنى قدك ولا بارتاح غير لما اتكلم معاكى.. ربنا يديم الصداقة

**Youssef Mostafa** · 02-01-2009, 11:33 PM

والله كنت بهزر معاه بس مش عارف هو زعل بجد ولا بيستهبل عليا

موضوع يجنن ياميرا

**سلمي جمال** · 02-01-2009, 11:38 PM

موضوع يجنن يا ميرا بجد
بس فين الفكرة الي انا جبتهالك بتاعت الشخصية
انا مستنية الموضوع

س
انا حبعد بس بلاش تيجي انت تاني في حياتي

**emu** · 02-02-2009, 12:05 AM

موضوع بجد تحفه يا ميرا
واسمحيلي اشارك بالكلمات الجميله دي........

لف و دار قلبي كتير

و المشوار بقى مشاوير

يا ما قلوب بيخونوا ضميرهم كنت فاكرهم حب كبير

و أما لقيت كل الناس مبقاش جواهم إخلاص

بقى في عنيا العمر بحاله أيام بتعدي و خلاص

و ناداني حضنك يا أمي ناداني

رجعلي ثاني

كل اللي راح من زماني

و لقيتك أنت مسامحاني

جوى عيونك شايلاني

و عرفت انه مفيش غيرك في الدنيا مخلوق علشاني

كل طريق أنا بمشيه

شايف صورتك بتحليه

سامع صوتك و أنت بتدعي

و بشوف اللي انت بتدعيه

مهما يكون قلبي بعيد

فاكراني من غير مواعيد

أكثر مني بتبكي لجرحي

و فرحة قلبك ليا تزيد

و ناداني حضنك يا أمي ناداني

رجع لي ثاني

كل اللي راح من زماني

و لقيتك انت مسامحاني

جوى عيونك شيلاني

و عرفت انه مفيش غيرك في الدنيا مخلوق علشاني

**ميرا مار** · 02-02-2009, 12:21 AM

الله يا يوسف مشاركة مباشرة جميييييييييييييييلة

**ميرا مار** · 02-02-2009, 12:22 AM

شكرا يا سلمى مشاركتك..حلوة قوى قوى ..
والموضوع التانى قرييييييييييييييييييييييبا جدا

**ميرا مار** · 02-02-2009, 12:23 AM

اللله يا emu حلوة قوى الكلمات دى
و لقيتك أنت مسامحاني
جوى عيونك شايلاني
و عرفت انه مفيش غيرك في الدنيا مخلوق علشاني
#############

عندك حق بجد ..هى الوحيدة اللى تستاهل كلام حلو كدا