محاضرات فى التفكير التاكيومترى لــ total station

**mohamed ali** · 08-02-2010, 02:52 PM

كيف يفكر جهاز التوتل ؟؟؟؟؟؟؟؟؟؟؟

فكثير منا بيقول ان التوتل ماهو الا جهاز

مساحى نضغط على العديد من المفاتيح و مباشره يقوم الجهاز بعرض احداثى النقطة و المنسوب و الانحراف

مثلا عندما نقوم برفع نقطة ازاى الجهاز بيحصل على احداثيات هذه النقطة رياضيا هذا ما سوف توضحة فى هذا الموضوع.

سوف نبدا بالتعرف على تطور اجهزه TS, والتعرف على كيفية عمل عملية الربط فى التوتل ( محاضره اليوم)

[gdwl][/gdwl][gdwl]تتطور اجهزه TOTAL STATION[/gdwl]

تعد محطات الرصد المتكاملة هى نتاج الجيل الثالث من اجهزه القياس الاليكترونى حيث تم دمج وحده EDM

electronic distance measurement (وهى وحده القياس الاليكترونى للمسافات) مع التيودوليت الرقمى حيث تم تركيب وحده EDMعلى

التيودوليت مما ادى اى وجود خطا لعدم اتحاد المحورالبصرى لكلا الجهازين وبعدها تم دمج الوحدتين فى جهاز واحد وهو TS وهو محطة الارصاد

المتكاملة, تعد محطة الارصاد المتكاملة من الاجهزه التى لاغنى عنها فى الاعمال المساحية.

تتعدد انواع TSحسب الامكانيات التى تقدمها الاجهزه فى الاعمال المساحية من السرعه فى الرصد والدقة وسوف اقوم فى نهاية الموضوع بادراج رابط

به خصائص محطات الرصد المتكامل و هذا بحث قمت به موخرا

[gdwl]عمليه الربط بواسطة TS [/gdwl]

فى بداية اى عمل مساحى لابد من اجراء عملية الربط بحيث نقوم بربط المحطة بالنقطة الخلفية وهذا حتى يقوم الجهاز بربط الاحداثيات والتى يعتمد عليها فى العمليات المساحية تتم عمليات الربط بطريقتين هما

1- بواسطة الانحراف manual angle setting

2- بواسطة الاحداثيات coordinates

فى بداية اى مشروع يمكن انا تكون المحطة غير معلومة الاحداثيات وفى هذه الحالة نقوم بفرض احداثيات للمحطة , او تكون هذه المحطة معلومة

الاحداثيات يمكن الحصول عليها مثلا بواسطة GPS او اخذها من الاستشارى.

ويمكن الربط بين المحطة والنقطة الخلفية بواسطة

1-الانحراف

أ-ويشمل اما التوجية ناحية النقطه الخلفيه وتصفير الزاوية وبالتالى فان الجهاز عرف ان هذا اتجاه الصفر اى اتجاه الشمال ومنه يبدا العمل.

ب-التوجية بزاوية مثلا ولتكن قيمتها 45 درجة عن اتجاه الشمال مثلا نقوم بالتوجيه على الشمال ثم نتحرك مع اتجاه عقارب الساعة بزاوية قدرها 45

درجة وعندما تثبت قراءه الدائره الافقية على 45 درجة نضغط - فى بعض الاجهزه يكتب بجانب 0- SET ,hZ- وبالتالى فانك فى هذه الحالة وجهت

الجهاز فى اتجاه ينحرف عن اتجاه الشمال بزاوية قدرها 45 درجة

2- بواسطة الاحداثيات

وهذه هى الطريقه الاسهل حيث من الممكن يكون معك احداثى النقطه الخلفيه فتضعه

مثلا احداثى المحطة E1000.N1000.Z10 وانا وضعت البرزم على النقطة اللى انا عاوز احداثياتها لتكون نقطه خلفيه واخذت المسافة بينى وبين النقطة

ولتكون مثلا 20 متر وبالتالى فان احداثيان النقطة اللى عليها البرزم تكون E1000.N1020.Z10

مع العلم ان المنسوب ممكن يتغير بس انا اساسا مشتغل على احداثيات افتراضية ونقوم بنقل هذه الاحداثيات وهى فى هذه الحاله احداثى الباك.

ونقوم بادخاله فى الطلب الثالث وهو احداثى الباك ويكون دائما خيار التاكد من الاحداثى الباك التى قمت بادخاله وغالبا مايكون هناك مقدار خطا بسيط يصل

الى المليمتر ناتج من تحرك البرزم يتم التاكد من الاحداثى الباك العديد من المرات حتى نحصل على اقل خطا ونه نقوم باضغط على REC .

وبالتالى فان الجهاز اصبح معد للعمليات المساحية

البحث
محطات الرصد المتكامل

**Ma7amed Adel** · 08-02-2010, 03:02 PM

ياريت يا محمد نشوف اجزاء عملى لهذا الجهاز الرائع التوتل استيشن بالتوضيح بمثال

**الورده البيضاء** · 08-02-2010, 03:03 PM

الله ينور يامحمممممممممممد

بجد شغل رائع
اسمحلى اضيف تفسير لنقطة
ان احداثيات المحطة اللى بنفرضها متكونش (صفر. صفر)
انت فرضتها ب(1000,1000)
تمام
بحيث ان شغلنا كلها يبقى فى الربع الموجب
وميبقاش عندنا احداثيات سالبة
ودا كلة لتسهيل الشغل بتاعنا
واحب اشكرك مرة تانية
ومتابعة معاك تكملة المحاضرات باذن الله

**mohamed ali** · 08-02-2010, 03:13 PM

المشاركة الأصلية كتبت بواسطة ma7amed adel

ياريت يا محمد نشوف اجزاء عملى لهذا الجهاز الرائع التوتل استيشن بالتوضيح بمثال

يامحمد العملى سهل لكن انا عايز ادخل فى التوتل اعرف ازاى بيفكر وخلى بالك كله اللى بيعمله احنا اخذنها

والهدف من الموضوع ده ان انا عايز اكون انا اللى مشغل الجهاز مش الجهاز هو اللى مشغلنى

اشكرك على المرور الطيب

**mohamed ali** · 08-04-2010, 02:18 AM

المشاركة الأصلية كتبت بواسطة الورده البيضاء

الله ينور يامحمممممممممممد

بجد شغل رائع
اسمحلى اضيف تفسير لنقطة
ان احداثيات المحطة اللى بنفرضها متكونش (صفر. صفر)
انت فرضتها ب(1000,1000)
تمام
بحيث ان شغلنا كلها يبقى فى الربع الموجب
وميبقاش عندنا احداثيات سالبة
ودا كلة لتسهيل الشغل بتاعنا
واحب اشكرك مرة تانية
ومتابعة معاك تكملة المحاضرات باذن الله

والله ياامل انا فى مشروع رفع المجمع اشتغلنا على احداثيات المحطة المفترضة والتى كانت فى حدود 34 الف مش فاكر بالتحديد بس ممكن اجبلك الرقم بالتحديد احاثيات اوا نقطة

وبعدين انا كده ضامن باذن الله ان شغلى يقع فى الربع الاول

اسعدنى مرورك