سؤال بسيط ممكن يوصف كتير من شخصيتك!!!!!!!!!!!!!! ادخل جاوب ع السؤال

[ميرا مار]

السلام عليكم ورحمة الله

عايزة الكل يجاوب ع السؤال دة

تقدر تجمد مشاعرك ... وتخرجها وقت مانت عايز؟؟؟؟
السؤال دة مهم جداااااا ... وارجو ان كل واحد يكون صريح ويجاوبنى
تقدر لو جواك مشاعر معينة وانت عارفها ومحددها ..
تجمدها وتشيلها بعيد وفى الوقت المناسب..
تعبر عنها؟؟

زى مشاعر حب .. كرة .. وغيرها من المشاعر الكتير اللى جوانا..
جاوب ولو كان حصل معاك موقف
ياريت تقول ايه السبب اللى ممكن يخليك تأجل الافصاح عن مشاعرك..منتظرة مشاركاتكم..

.

[Amira Hassan]

انا مشكلتي اني مش بقدر اخبي حاجة وده غلط بس انا صريحة مقدرش اعمل كدا انا اميرة مندوبة الفرقة الاولى

[خالد أبوسعده]

مقدرش بأى طريقه من الطرق انى اصارح بمشاعرى لحد
ممكن افضفض مع واحد قريب ليا اوى اوى
لكن مع الشخص نفسه مستحيل
انا عارف نفسى

[Mimi]

ازاي هنقدر نجمدها ياموها ياحنا في الحر دا D :

[eslam mamdouh]

اسميلى يا مهندسه مها

بجد سؤال جميل جدا

وبجد اهم صفه فى الشخصيه القياديه انه يكون قادر على اخفاء مشاعره( ليس بمعنى انه لا له مشاعر ) ولكن قد يكون ذو مشاعر جياشه فى غايه القوه.

ولكن

فى فرق كبير بين اخفاء المشاعر........واستخدام الوجوه المختلفه ( نفاق يعنى )

يعنى مينفعش اقول لواحد انا بكرهه اوى انا بحبك جدا ( ولكن اقدر ابينله انه بالنسبالى عادى لا انا بحبك ولا بكرهك)

ولكن الى اقدر اقوله ان قمه القوه الشخصيه لاى انسان انه يقدر يكتم مشاعره واحاسيسه ويستخدم عقله فى التعامل مع الاخريين

الف شكر لحضرتك يا مهندسه مها

[samomran]

اكيد اخبيها لو حيحصل نتائج غير مرغوب فيها نتيجه الافصحا يبقى اكيد اخبيها
اتعب مع نفسى دلوقتى احسن ما اتعب للى حولى بعد كده
انا حصل معايا كده
و كان من المستحيل انى افصح عن اللى فى داخلى لانى عارف ان فى مصائب مكن تحصلى لى لو قولت
لازم اخبيى و اسكت

[Nada Mohammed]

بصراحة يامها موضوعك متميز
انا عن نفسى ساعات بقدر اخبي وامسك انفعالاتى ومشاعرى
وساعات بيبقى فوق طاقتى واكيد وقتها مش بقدر امسكها ولا اتحكم فيها

[sarah]

سؤال جميل جدا يا مها,

انا عن نفسي بكل صراحة صعبة مووت مبعرفش ابين مشاعرى خالص متحكمة فيها بدرجة غباء ولله بحس احيانا انو غباء ,

اصل اجاى اصارح مين , مينفعش يا بنتى واحده تصارح واحد دى صعبة اوى,

ده انا عندى مشكلة
عشان مبينش المشاعر دى الاقى نفسى بتصرف تصرفات تضايق الشخص نفسه ,بس بيبقى غصب عنى والله .

احيانا بحس انو عندى كولكيعة .

مها انا جاوبت بكل صراحة فسرينى بجد فسرينى ومتخبيش عليا .

[Mimi]

ليه بصتيلها ياسارة كدا ؟ " ان واحدة تصارح واحد !! "

المسألة مش مسألة حب ولا بين ولد وبنت

اللي بتسأل عنه موها المشاعر بشكل عام يعني مثلا هل انتي لما يكون قدامك حد جايب اعصابك على آخرها هتقدري تتحكمي في نفسك وتتصرفي بتعقل شوية ولا هتنفعلي بشكل لا ارادي

هل انتي مثلا لما تبقي واقفه بقالك ساعة عشان تحاسبي في سوبر ماركت وجيه واحد طلب ياخد مكانك عشان معاه حاجات قليلة هتبيني انك اتدايقتي ولا هتكتمي اللي جواكي وتسمحيله ياخد مكانك ؟؟

يمكن دا جزء من اللي قصدته موها

[AYMAN GAMAL]

بجد يا بشمهندسة مها........بحييكي عالموضوع الجميل ده

انا فعلا حاولت اني اسال نفسي السؤال ده قبل كده بس معرفتش اجاوب بس لقيت نفسي بطبق الاجابة مع الوقت

انا مينفعش اني اكون بحب حد و معبرلهوش عن مشاعري سواء بالاعجاب او الديق منه

عشان بكون خايف انه ميسمعهاش مني او اني مقدرش اقوله اللي انا جوايا نحيته بعد كدة....بحس جوايا انها حاجة لازم تتعمل و مينفعش استنى