واتاريها وزارة ماتمت مع وزيرتنا الاء عيد

**smart girl** · 08-28-2010, 10:34 PM

السلام عليكم ورحمة الله وبركاتة

(بما ان فكرة البرنامج كانت مطروحة من فترة ونالت اعجاب الاعضاء وشجعتونى انى اعملها فامفيش اى حاجة تمنع من تنفيذها )

انت نايم فأمان الله وفجأء لقيت جنب سريرك 6 كائنات بتشبة عليهم انهما يكونوا من البنى ادمين لانهم عندهم نفس مواصفاتنا ولكن من الحجم الكومبو (ضخمين شوية ) الناس اللى بتلبس نظارات سودة دى طول الوقت تحسهم من فصيلة الديناصورات ولقتهم بيسحبوك يا ريس ببجامتك بشعرك المنكوش بسلاطاتك ببغنوجكك
واتغمت عنيك بشريطة سودا وركبت عربية واول ماشالوا الشريطة لقيت نفسك ادام الزعيم الكبير وقالك : انت هتغنى يامنعم ههههههههه سورى سورى (القافية تحكم ) قصدى : انت هتكون رئيس الوزرا ء الموضوع اجبارى واضطرارى ولازم تنفذ الاوامر دى مصر ..مصر امانة فايدك
ولكن الشروط :
اولا : انا هختار اول عضو وبعد كدة كل شخص يولى المهمة لعضو اخر
ثانيا : اختيار رئيس الوزراء من الشباب لان وزارتنا كلها شباب
ثالثا: يقول قسم (بفتح القاف ) رئيس الوزراء كتابتا ( هو اللى يكتبة بنفسة ) مش ياخدة كوبى باست هاه
رابعا : يلتزم بالاجابة على جميع الاسئلة
خامسا :فى حالة رغبة رئيس الوزراء باستدعاء اى عضو من الاعضاء يرد العضو المستدعى علية فالحال وامتناعة يطبق علية العقوبة
سادسا : فى حالة عدم الاستجابة السريعة من رئيس الوزراء يحرم من الرد على مواضيعة ويتجنبة جميع الاعضاء ثم يعدم رميا بالبسكويت ...
سابعا : فى حالة عدم ايجاد رئيس الوزراء العضو المناسب لاحدى المناصب يستطيع رئيس الوزراء ان يكتفى بذكر المواصفات الواجب توافرها فى ذلك العضو
ثامنا : بعد انتهاء فترة رئاسة الوزارة يسمح لاى عضو ان يعلق على رئيس الوزراء السابق بأى كلام هو عايزة
تاسعا : يوضع لقب رئيس الوزراء فى توقيع العضو طول فترة الرئاسة ويقوم بحذفة بعد انتهاء فترة الرئاسة .
عاشرا : من صلاحية العضو اختيار 2 بودى جارد (او العدد الذى يريدة ) يلازمة كوسيلة دفاع عنة فى حالة تعرضة للاغتيال لقدر الله من الاعضاء ومع انتهاء فترتة فى الرئاسة تنتهى مهمتهم .

نبدا

(القسم )

(اقسم بالله العظيم ان اكون صريحا فى جميع أجاباتى وان احافظ على منصبى لاخر قطرة وان اكون عضو لذيذا مرحا لست رخما غتيتا ولا ابيع شعبى بأى حال من الاحوال والبى جميع مطالب الشعب كبير صغير غنى فقير )

ندخل فالجد

1- سيادة رئيس الوزراء هل فى وزارة مش موجودة عندنا نفسك تنشأها ؟؟

2- اذا كان الاجابة سيادتك نعم فما هى هذة الوزارة ؟ ولماذا تريد ان تنشأها ؟؟

3- من الوزير الذى سوف تقوم بتعينة على هذة الوزراة ؟

4- من الذى ستجعلة يتولى وزارة التربيه والتعليم ؟؟ ولماذا ؟؟

5- من الذى ستجعلة يتولى وزارة القوى العاملة ؟ ولماذا ؟

6- من الذى ستجعلة يتولى وزارة الدخلية ؟ ولماذا ؟

7- من الذى ستجعلة يتولى وزارة السياحة ؟ ولماذا ؟

8- من الذى ستجعلة يتولى وزارة التموين ؟ ولماذا ؟

9- من الذى ستجعلة يتولى وزارة التجارة والصناعة ؟ ولماذا ؟

10- من الذى ستجعلة يتولى وزارة الاسكان والمرافق والمجتمعات العمرانية ؟ ولماذا؟

11- من الذى ستجعلة يتولى وزارة الاعلام ؟ ولماذا ؟

12- من الذى ستجعلة يتولى وزارة البترول ؟ ولماذا ؟

13- من الذى ستجعلة يتولى وزارة الصحة ؟ ولماذا ؟

14- من الذى ستجعلة وزير الكهرباء والطاقة ؟ ولماذا ؟

15- من الذى ستجعلة يتولى منصب وزير العدل ؟ ولماذا ؟

16- من الذى ستجعلة يتولى وزارة الشباب والرياضه ؟ ولماذا ؟

17- من الذى ستجعله يتولى وزارة الزراعة واستصلاح الاراضى ؟ ولماذا ؟

18- من الذى ستجعلة يتولى وزارة المالية ؟ ولماذا ؟

19- من الذى ستجعلة يتولى وزارة الخارجية ؟ ولماذا ؟

20- من الذى ستجعلة يتولى وزارة التعليم العالى ؟ ولماذا ؟

21- من الذى ستجعلة يتولى وزارة النقل والمواصلات ؟ ولماذا ؟

22- من الذى ستجعلة يتولى وزارة الثقافه ؟ ولماذا ؟

23- من الذى ستجعلة يتولى وزارة الاوقاف ؟ ولماذا ؟

24- من الذى ستجعلة يتولى وزارة الاتصالات وتكنولوجيا المعلومات ؟ ولماذا ؟

25- وزارة التخطيط ؟ ولماذا ؟

26- وزارة التأمينات والشؤن الاجتماعية ؟ ولماذا ؟

27- وزارة الاستثمار ؟ ولماذا ؟

28- وزارة الدفاع والانتاج الحربى ؟ ولماذا ؟

29- وزارة الطيران المدنى ؟ ولماذا ؟

30- وزارة التعاون الدولى ؟ ولماذا ؟

نتمنى ان تكون الاسئلة كانت فى متناول سيادتك وكنت رئيسا لوزارتنا صالحا مصلحا خادما لبلدك ؟؟ وقبل ان تتركنا تختار من يتولى المنصب بعدك ؟

واول رئيس وزارة هيرحلوة الديناصورات هو

.
.
.
.
.
.
.
.
.
.
.
.
.
.
.
.
.
.
.

Kareem
فليتفضل

(عايزة اعرف شكل البرنامج كدة كويس ولا اية رايكوا ؟؟)

**eslam mamdouh** · 08-28-2010, 11:30 PM

بحييكم على فكره البرنمج الجميل ده

وباذن الله متابعه معاكم وفى انتظارر

السيد الرئيس المبجل المعظم اطل الله عمره وحفظ لله بقائه وادام الله عليه نعمه / كرييييييييم

**KAREEM** · 08-28-2010, 11:36 PM

ممتااااااااز جدااااااااااا
ولو فى تقدير اعلى من كدا كنت عطيتهولك

الموضوع فكرته تحففففة ومكنتش متخيلها بالجمال دا
لانى مشفتش البرنامج الحقيقى بس اعتقد انه مكنتش حيبقى
بالجمال دا خاصة ان فى هنا جو اجتماعى جميييييل
بس الاسئلة والوزارات كتيرة اووووووى
فمن فضلك تدينى فرصة بس احاول اظبط الموضوع فى دماغى
عشان معكش الدنيا واختار الرجل المناسب فى المكان المناسب

واذا كان ع اليمين اهو

(اقسم بالله العظيم ان اكون صريحا فى جميع أجاباتى وان احافظ على منصبى لاخر قطرة وان اكون عضو لذيذا مرحا لست رخما غتيتا ولا ابيع شعبى بأى حال من الاحوال والبى جميع مطالب الشعب كبير صغير غنى فقير )

وانا ملتزم امام الله
ثم امام المدير العام
ثام امامكو جمييييييعا
عن انى ارد ع الموضوع دا
ما دمت على قيد الحياة

**eslam mamdouh** · 08-28-2010, 11:36 PM

**Ahmed Waheed Shalaby** · 08-29-2010, 12:01 AM

الله ينور عليكى يا سمارت
طريقة عرض رائعة وبرنامج رائع
حضرتك كنت عايزة حد يعمل البرنامج دة غيرك
شوفتى انت لما عملتى الموضوع ازاى طلع بشكل كويس
متابع معاكم ان شاء الله
لما نشوف معالى رئيس الوزراء دة حيصلح الحال ولا ......

**esraa marey** · 08-29-2010, 01:20 AM

برنامج رائععععععععيا ياسمارت 0 فكرته نحفة واكيد حيكون بيعبر عن كل وزير حيتولى 0 بحييكى ع البرنامج وطريقة العرض كمان جملية 0 تسلم ايديكى0 ومنتظرين نعديلات سيادة الوزير الجديد 0