خرمنا الربع جنيه والحمد لله سدينا الخرم

**alaa eid** · 10-31-2009, 01:20 AM

احكلكم حكاية سريعة كدة
في قديم .. قديم الزمان يجي من
عشرين سنة كدة
كانت توجد عملة تسمي الربع الجنية

وكانت تتم صناعتها من الورق مع اضافة زخارف ليها
و كانت الورقة ماشاء الله قد كف اليد لعيل عنده 15سنة
وكان الناس بتتبسط بيها وبيستعملوها في شراء
مناديل فاين
او شراء مصاصتين او لبان تشكلتس
وكان في اطفال تجمعها في العيد عشان بتبقي لسه جديدة
ومترضاش تصرفها
وبعدين كشئ طبيعي ومنطقي حصل تغيير في
الشعب ( وليس في النظام )
ونتيجة لده ظهر الي بعده ربع جنية لكن معدن
وفيه خرم
وابتدت الناس تتجاهله في الأول ومترضاش تاخده
ومنهم الي يتعارك مع السواق لو اداله الباقي في
ربع جنيه مخروم

لكن كان في ناس بتاخده وتحب تحطه في الميداليه
لغايه لما تتملي ويبقي مبلغ محترم
وناس ابتدت تجمع اتنين منه وتشتري مناديل فاين
( بقي بـ75 قرش )
او يجمعو 4 منه ويشتروا مصاصة ( بقت بـ1 جنيه )
وطبعا مننساش السمكرية الي كان بيستعملوه بدل الوردة في المسامير
المهم دوام الحال من المحال وحسب التطور
الطبيعي للحاجة الساقعة
ناس اتشالت وناس اتحطت
ناس اتخرجت من الكليات وناس لسه
ناس بتشرب شاي وناس بتشرب ينسون وواحد
هناك بيشرب بيريل :D
كل الظروف دي ادت لظهور
الربع جنيه بدون خرم

ربع جنيه ظريف كده تبصله تبقي عايز تضحك
المهم دلوقتي هما منزلينه
من غير خرم مش هيتحط في ميدالية او وردة مسمار
لكن كل ده مش مهم
المهم بقى
الثلات انواع موجودين في الاسواق وبيتم التعامل بيهم حاليا ً
ومن الممكن الحصول عليهم من اي تاجر او محل عصير
او سواق ميكروباص
وبكده كملت العيلة

الجنيه المعدن / النصف جنية المعدن / الربع جنيه بدون خرم المعدن
/ الربع جنيه بخرم المعدن / العشرين قرش المعدن/
العشرة قروش المعدن / الشلن المعدن

وديه صورة الربع جنيه الجديد

وقريباً الخمسة جنيه المعدن
وان شاء الله في اول السنة الجايه ..
العشرة جنيه والخمسين جنيه المعدن
وهنمشي كلنا بجراب للموبيل وجراب للدنانير
قصدي الفلوس
والي يروح البنك يروح بشوال او كيس قماش زي بتاع الخضار
وهنا يجيلي سؤال في غاية اللذاذة والظرافة واللطافة
هل في بلد غيرنا فيها تداول لعملة واحدة ليها ثلاث
اشكال في نفس ذات الوقت ؟
سؤال يطرح نفسـه

الموضوع بصراحة منقول بس فكرته عجبتني وفعلا الكلام اللي فيه صحيح

**خالد أبوسعده** · 10-31-2009, 01:34 AM

هههههههههههههههههههه

الموضوع دا فكرنى بنكته حلوه

هههههههههههههههههههه

معرفش ايه علاقتها بالموضوع و الله بس اول حاجة جت فى بالى

ههههههههههههههههههههههههههههههه

**حسام المصرى** · 10-31-2009, 01:38 AM

وهنا يجيلي سؤال في غاية اللذاذة والظرافة واللطافة
هل في بلد غيرنا فيها تداول لعملة واحدة ليها ثلاث
اشكال في نفس ذات الوقت ؟
سؤال يطرح نفسـه

اولا الموضوع جاااااااااااااااااااامد اخر حاجة
ثانية فعلا السؤال ده بيفضح نفسه
معرفش بس هحيلك موقف حلو عن العملات دى
ماشيين فى امان الله وواحد بيشحت
فصاحبى معاه جنيه كوينز فادهاله الراجل بص فيه وقاله جنيه وفضه ههههههههه
الواد قاله هاته يا عم واخده منه تانى

الموقف ده بيوضحلك اننا فى مصر مختلفين فى كل حاجة

**alaa eid** · 10-31-2009, 01:42 AM

المشاركة الأصلية كتبت بواسطة خالد أبوسعده

هههههههههههههههههههه

الموضوع دا فكرنى بنكته حلوه

هههههههههههههههههههه

معرفش ايه علاقتها بالموضوع و الله بس اول حاجة جت فى بالى

ههههههههههههههههههههههههههههههه

هههههههههههههههههههههههههههه
جميل اوي الكاركتير ده يا خالد
ميرسي خالث لمرورك
نورت الموضوع

**alaa eid** · 10-31-2009, 01:43 AM

المشاركة الأصلية كتبت بواسطة حسام المصرى

اولا الموضوع جاااااااااااااااااااامد اخر حاجة
ثانية فعلا السؤال ده بيفضح نفسه
معرفش بس هحيلك موقف حلو عن العملات دى
ماشيين فى امان الله وواحد بيشحت
فصاحبى معاه جنيه كوينز فادهاله الراجل بص فيه وقاله جنيه وفضه ههههههههه
الواد قاله هاته يا عم واخده منه تانى

الموقف ده بيوضحلك اننا فى مصر مختلفين فى كل حاجة

هههههههههههههههههههههه
سبحان الله حتي الراجل الشحات مش عاجبه
وفعلا احنا مختلفين في كل حاجة
شكرا كتير لردك الجميل ده يا حسام
نورت الموضوع

**زهرة** · 10-31-2009, 01:50 AM

هههههههههههههههههه
نحن نختلف عن الاخرون
حكمة ربنا بقى

بشكرك يا الاء على الموضوع الجميل دا

انا بجد بضايق قوى جدا من الفضة اللى طلعت دى

تخيلى ان فى موقف مرة برده السواق اتخانق مع راكب عشان الراكب ادى له جنيه فضه
ولما الراكب صمم انه يدفع جنيه فضه السواق اخده منه ورماه من الشباك
ههههههههههههههههه

**ashraf ma3'raby** · 10-31-2009, 02:09 AM

انا مش عارف اخرة الفضه اللى انهالت عالينا دى ايه
ههههههههههههههههه
هنمشى نشخشخ بقى زى العيال الصغيرة

طيب الواحد يخبى فلوسه ازاى
الحراميه كدا هيعرفوا انى معايا سرة دنانير
ما انا كدا روحت بلاش
هههههههههههههه

تسلمى يا الاء موضوع جميل

**alaa eid** · 10-31-2009, 02:15 AM

المشاركة الأصلية كتبت بواسطة زهرة

هههههههههههههههههه

نحن نختلف عن الاخرون
حكمة ربنا بقى

بشكرك يا الاء على الموضوع الجميل دا

انا بجد بضايق قوى جدا من الفضة اللى طلعت دى

تخيلى ان فى موقف مرة برده السواق اتخانق مع راكب عشان الراكب ادى له جنيه فضه
ولما الراكب صمم انه يدفع جنيه فضه السواق اخده منه ورماه من الشباك

ههههههههههههههههه

هههههههههههههههههههههههههههه
اه حكاية الفضة ديه بتضايق جداااااااا
ميرسي يا قمراية علي مرورك
دايما منورة مواضيعي

**alaa eid** · 10-31-2009, 02:20 AM

المشاركة الأصلية كتبت بواسطة ashraf ma3'raby

انا مش عارف اخرة الفضه اللى انهالت عالينا دى ايه

ههههههههههههههههه
هنمشى نشخشخ بقى زى العيال الصغيرة

طيب الواحد يخبى فلوسه ازاى
الحراميه كدا هيعرفوا انى معايا سرة دنانير
ما انا كدا روحت بلاش
هههههههههههههه

تسلمى يا الاء موضوع جميل

ههههههههههههههههههههه
ميرسي خالث ليك يا اشرف

**ALY ELSAYED** · 10-31-2009, 02:27 AM

موضوع جامد والله يا لولو

بس انا مشفتش الربع جنيه الي مش مخروم

بس علي فكره بقت عادي جدادلوقتي والسواقين بيخدوهم والركاب كمان بيخدوهم

محدش يقدر يتكلم

جزاكي الله كل خير

الموضوع: خرمنا الربع جنيه والحمد لله سدينا الخرم

أدوات الموضوع

عرض

خرمنا الربع جنيه والحمد لله سدينا الخرم

الكلمات الدلالية لهذا الموضوع

المفضلات

المفضلات

ضوابط المشاركة