اليوم الاول فى الامتحانات الحمد لله عدى بخير ولكن2009-2010

[Ahmed Hosny]

السلام عليكم ورحمة الله وبركاته
الحمد لله النهاردة كان اليوم الاول فى الامتحان وعدى على خير
ان شاء الله عايزين كل واحد يدخل ويقولنا شعوره قبل وبعد الامتحان وكمان يقولنا ايه هية المشاكل اللى تعرض ليها وايه المادة اللى كانت عنده
"
"
"
وهبدا انا الاول انا فى الفرقة التالتة وكان النهاردة عندنا مادة الخرائط الكنتورية وما ادراك ما الخرائط الكنتورية اول حاجة انا مش عارف اقولكم انا داخل الامتحان تقريبا حاسس انى ناسى كل حاجة ومش فاكر غير انه المادة دى هيكون فيها خريطة هنستخرج منها شوية حاجات كده
ولكن ابص فى الامتحان الاقيهم 5 خرائط "حاجة كويسة خالص" طبعا دقات القلب زادت والضغط علا وارتفع ولكن /من يتوكل على الله فهو حسبه /
خلصت السوال التانى وناقصلى خريطة كاملة والسؤال التالت والساعة 2.50
بس الحمد لله الخريطة كانت سهلة وكمان كان فى سؤال عن برنامج السيرفر
خلص الامتحان والحمد لله

نزلت وكنت شاكك انى سلمت الورق المرسوم فيه الخرائط مع كراسة الاجابة
طلعت اللجنة تانى ومعايا صديقى لقينا خريط وقعت من المراقب بس مش بتاعتى والحمد لله
نزلنا القسم وسلمناها الى الاستاذ محمد سعد

طولت انا صح ودلوقتى الدور جه عليكم وان شاء الله بالتوفيق