***يعني ايه وحــــوي يا وحـــوي***

[emu]

كل سنه وانتم طيبين يا احلي أعضاء

مين فينا جه عليه رمضان ومسمعش اغنيه وحوي يا وحوي
اكيد مفيش حد طبعا

بس مين فينا يعرف معاني الاغنيه دي
اكيد كتيييير طبعا ميعرفش

علشان كدا انا جبتلكم معني وحوي يا وحوي
ودي الاغنيه علشان نفتكرها مع بعض
.
.
.
.

وحوي يا وحوي
أياحة
روحت يا شعبان
وحوينا الدار جيت يا رمضان
هل هلالك و البدر أهوه بان
يالا الغفار
شهر مبارك و بقاله زمان
يالا الغفار
شهر مبارك و بقاله زمان
محلا نهارك بالخير مليان
وحوي يا وحوي

أياحة
روحت يا شعبان
وحوينا الدار جيت يا رمضان
جيت في جمالك سقفوا يا عيال
يالا الغفار
محلا صيامك فيه صحة و عال
يالا الغفار
محلا صيامك فيه صحة و عال
نفدي و صاللك بالروح و المال
وحوي يا وحوي
أياحة
روحت يا شعبان
وحوينا الدار جيت يا رمضان
طول ما نشوفك قلبنا فرحان
يالا الغفار
يكتر خيرك أشكال و ألوان
يالا الغفار
يكتر خيرك أشكال و ألوان
بكرة في عيدك نلبس فستان
وحوي يا وحوي
أياحة
روحت يا شعبان
وحوينا الدار جيت يا رمضان
هاتي فانوسك ياختي يا إحسان
يالا الغفار
أه يا ننوسك في ليالي رمضان
يالا الغفار
أه يا ننوسك في ليالي رمضان
ماما تبوسك و باباكي كمان
وحوي يا وحوي
أياحة
روحت يا شعبان
وحوينا الدار جيت يا رمضان

و الاغنية من غناء المطرب و الملحن الراحل أحمد عبد القادر....تأليف : حسين حلمى المانسترلى ... و الحان أحمد شريف

اما عن معانى كلماتها
..وحوى و اياحا ...فقد قيل فيهما الكثير .....نذكر منها :

1 - وحوي يا وحوي كلمة فرعونية بمعني ذهب او رحل تقال عن وداع شعبات/شعبان واستقبال رمضان أي وحوي يا وحوي أي رحل شعبات وجاء رمضان .

2 - ايضا ان وحوى يا وحوى أصلها فرعوني فكلمة (أيوح) معناها القمر، وكانت الأغنية تحية للقمر، وأصبحت منذ العصر الفاطمي تحية خاصة بهلال رمضان .

3 - بينما فسر عمار الشريعى معنى وحوى يا وحوى بردها الى اصولها فى اللغة العربية و هو ( احوى او امتلك ) ... و فى الاغنية : _ احوى يا احوى اياها .... بمعنى امتلكها ...يقصد بنت السلطان .

4 - جاء فى كتاب الاستاذ / أحمد أمين: "قاموس العادات والتقاليد والتعابير المصرية" تحت عنوان "وحوى يا وحوى" أنها أغنية تنتشر فى رمضان ينشدونها بعد الفَطُور وهم يمسكون فى أيديهم بالفوانيس الملونة، وكلما قال المنشد عبارة أجابوه فى نفس واحد: (إياحة) كقوله: (بنت السلطان) فيردون: (إياحة)، (لابسة فستان) ( إياحة)، (بالأحمر) ( إياحة) (بالأخضر) (إياحة) (بالأصفر) ( إياحة ).
ثم يستكمل قائلا: "ولا أدرى معناها: هل هى كلمة مصرية قديمة أو هى مشتقة من "حوى يحوى"، أى عمل كما يعمل الحواة، بدليل قولهم: لولا فلان ما جينا، ولا تعبنا رجلينا، ولا حوينا ولا جينا...

5 - و من مقال فى جريدة الاخبارللاستاذ / محمود أحمد فضل، وعنوانه: "وحوى يا وحوى أغنية فرعونية": "من صفات الأغنية الشعبية أن لها بعدا تاريخيا وأن هذا البعدالتاريخى موغل في القدم لا يمكن تحديده بدقة متناهية. كما أن للأغنية الشعبية بعدا جغرافيا وأن هذا البعد الجغرافى قد يظل محصورا في منطقة معينة، وقد ينتشر انتشارا واسعا ليشمل القطر كله. ومن الأغانى الشعبية القديمة أغنية "وحوى يا وحوى"،وهي أغنية موغلة في القدم ترجع الي 6 آلاف سنة، وهي أيضا من الأغانى النادرة التي ترددت طوال التاريخ المصرى حتى يومنا هذا بنفس نطق كلمات اللغة المصرية القديمة بخطوطها الأربعة: الهيروغليفية، الهيراطيقية، الديموطيقية القبطية. والنص الأصلى للأغنية هو: "قاح وي، واح وي، إحع"، وترجمتها باللغة العربية: "أشرقت أشرقت ياقمر"، وتكرار الكلمة فى اللغة المصرية القديمة يعني التعجب. ويمكن ترجمتها أيضا: "ما أجمل قرفتك يا قمر". وأغنية "وحوى يا حوى إيوحه" هي من أغانى الاحتفاء بالقمر والليالي القمرية، وكان القمر عند الفراعنة يطلق عليه اسم "إحع"، .
وبعد دخول الفاطميين إلى مصر وانتشار ظاهرة الفوانيس أصبحت الأغنية مرتبطة بشهر رمضان فقط بعد أن ظلت أزمنة مديدة مرتبطة بكل الشهور القمرية".

اتمني ان الموضوع يعجبكم...

.