العمل المساحى للخوازيق

**eslam mamdouh** · 02-06-2010, 08:53 PM

شكرا لحضرتك جدا جدا يا بشمهندس

انا عارف ان الهدف من اسئله حضرتك هو تنشيط الموضوع واضافه معلومه

بجد حضرتك من خلال المداخل افتدنى جدا جدا

وانا فى انتظار رد حضرتك

وان شاء الله يتم رفع الصوره اللى حضرتك قولتها فى سؤالك الاخير

**Mohamed Gaber Aly** · 02-07-2010, 01:32 AM

eslam mamdouh

انا عارف ان الهدف من اسئله حضرتك هو تنشيط الموضوع واضافه معلومه

ياريت يااسلام كل الناس اللى فى المنتدى تتفهم المداخلات زى ماأنت فهمت كده.
فالمراد باى مداخله من اى عضو هى اضافه للموضوع من معلومات جديده او اسئله قد يبنى عليها موضوع جديد او استكمالا للموضوع الاصلى ليكون فى النهايه موضوع متكامل من وجهه النظر المساحيه.

-بالنسبه لموضوع حدود الجار: فالطريقه المثلى هى التى ذكرتها انت. المشكله تظهر فى بعض مشاريع الاهالى حيث يقوم المقاول بعد الانتهاء من اللوحات باحضار اى مكتب من مكاتب المساحه ليقوم بتوقيع الخوازيق بالتوتال استيشن وبعد ان يقوم مهندس المساحه بوضع اماكن الخوازيق يكتشف ان عنده مشكله مع حدود الجار او مشكله مع حدود الطريق. وذلك لعدم وجود نقط مساحيه من البدايه فيقوم هو بعمل نقط جديده من المؤكد انها تختلف مع النقط التى صممت عليها الخوازيق. فلذلك يجب التأكد اولا من الحدود قبل البدء فى انزال الخوازيق.

-بالنسبه لحمايه الاسياخ فتتم فى بعض الاحيان كما ذكرت. وفى بعض الاحيان الاخرى يتم عمل حفره 20 سم عند مكان كل خازوق قبل وضع اسياخ التوقيع ويوضع طبق الومنيوم مقلوب فوق السيخ مكتوب عليه رقم الخازوق ثم يغطى بالرمل للحمايه وكذلك لحمايه المعدات. ثم بعد ذلك يتم الكشف عنها بالشريط كما ذكرت.

-بالنسبه لعمليه تحميل الخازوق فالهدف منها معرفه مقدار هبوط الخازوق بعد التحميل. فيتم القياس بجهاز الميزان ومعه جهاز ميكروميتر لقياس الهبوط فى الخازوق وذلك بدقه0.01 ملليميتر. يفضل ان يوضع الميزان فى مكان لا يتاثر بعمليه التحميل وكذلك لايتأثر بعوامل الجو المحيطه ففى معظم الاحيان تقام خيمه للميزان بحيث لايتاثر باختلاف درجه الحراره على مدار عمليه المعايره.
يجب ان يكون هناك نقطه روبير ثابته قريبه من مكان الجهاز للتاكد من منسوب سطح الجهاز من فتره الى اخرى.
بالنسبه للقراءات فانها تكون على حسب طلب الاستشارى. ولكن فى معظم الاحيان تتم فى البدايه كل ربع ساعه لمده معينه ثم تزداد المده كل نصف ساعه ثم كل ساعه الى ان يثبت الهبوط.
وتوضع هذه القراءات فى جدول ميزانيه عاديه لحساب قيمه الهبوط فى جميع الفترات. ويقوم الاستشارى بتحليل هذه القراءات وهو ليس عملا مساحيا.

وانا عجبتنى الفكره اللى انت عملتها فى نصف الموضوع وهو ان الموضوع تم تجديده فمن الممكن تجديد الموضوع بهذه الاراء اذا اعجبتك ليستفيد الاعضاء من الموضوع فى اوله بدلا من البحث داخل الموضوع واللى عاوز يكمل للاخر ربنا يقويه.

فى احد موضوعاتى كان هناك مداخلات كثيره مما جعلنى اشعر ان الموضوع تاه منى فقمت بتجميعه ونشره مره اخرى فى اخر الموضوع ليستفيد الباحث عن المعلومه.

وجزاكم الله خيرا يااسلام على الموضوع الجميل وفى انتظار مواضيع اجمل واجمل

**eslam mamdouh** · 02-07-2010, 10:18 PM

والله مداخله حضرتك يا بشمهندس اعتقد انها مفيده لابعد الحدود فى الموضوع والله يا بشمهندس

بجد السطور اللى حضرتك كتبتها اعتقد انها فى غايه الافاده جدا جدا

بجد تجديد الموضوع من خلال المحاورات والمناقشات مفيد لابعد الحدود والله يا بشمهندس
جزاك الله كل خير يا بشمهندس

واتمنى ان جميع المواضيع العليمه تكون بنفس قوه موضوعاتك ومشاركاتك القيمه

وفى انتظار المزيد من معلوماتك القيمه وخباراتك العاليه

**eslam mamdouh** · 02-07-2010, 10:24 PM

بشمهندس بعد اذن حضرتك انا هقتبس مشاركتك واضعها فى بدايه الموضوع لان البعض ممكن مش بيواصلو قراءه الردود يعنى مش هيوصلوا للصفحه الخامسه من الموضوع

وبالتالى مش هيستفيدوا من مادلخ حضرتك ..........بعد اذن حضرتك هانقل المشاركه فى بدايه الموضوع

وجزاكم الله كل خير مره اخرى

**Mohamed Gaber Aly** · 02-08-2010, 01:07 AM

الشكر لله يااسلام
انا كنت افضل انك تضعها زى ماانت عملت بس من غير اسماء وتضعها فى سياق الموضوع.
مش مهم مين اللى كتب الرد او مين اللى قال الاسئله المهم الناس تستفيد
وجزاكم الله خيرا ياأسلام.