◊۩¯−ـ‗: : :حوار مع الرئيس : : :‗ـ−¯۩◊

**MUHAMED SAMY** · 02-23-2010, 05:16 PM

◊۩¯−ـ‗: : :لو انت اللى بتكلم الرئيس هتقوله ايه؟؟؟ : : :‗ـ−¯۩◊

**Wild_Angel** · 02-23-2010, 07:49 PM

اولا موضوع حوار جديد من نوعه
أحييك عليه
كل اللى حقولهوله
سيادة الرئيس
هو حضرتك بتشوف الناس اللى ماشيه فى الشارع او حتى بتتفرج على التليفزيون؟؟
اكيد وقت حضرتك على طول مشغول

بس كل اللى اقدر اقوله
ان احنا مش بنشتكى من حاجه قد ما احنا مش لاقيين اداره-حكومه يعنى تنظم الشعب وتطلع احلى ما فيه علشان يقدر يعييش-- ميكونش بيفكر بس فى رغيف العيش او الدوا او حتى المرتب حيكفي ولا ميكفيش

بس حكتفى بالسؤال والكلمتين دول
الامر لله وحده
ربنا معانا بقى

**MUHAMED SAMY** · 02-23-2010, 11:15 PM

إن شاء الله ربنا معانا
شكرا كتيير لمشركتك

**mohamed ali** · 02-23-2010, 11:30 PM

لو لنل بكلم سياده الرئيس مش حقولة الا
ياسيادة الرئيس التعليم لو سمحت
زود ميزانية التعليم شوية عشان
يكون التعليم احسن من كدة
وانا مئدرش انكر السلام اللى حضرتك معيشنا فية
اما بشوف دول تانية فية العديد من الصرعات والحروب الاهلية
وياسيادة الرئيس اريد من حضرتك
فتح باب تقديم على البطاقات الانتخابية
التعليم ياسيادة الرئيس هو مقتاح التقدم
موضوع جميل جدا يا سااامى

**MUHAMED SAMY** · 02-24-2010, 06:22 PM

فعلا عندك حق يا على

هقوله هترشح مييييين فى الانتخابات القادمة وهقولك
ممك ايميلك عشان ابعتلك الفيديو ده

**برنسيس الهمسات** · 03-21-2010, 06:04 AM

فكرة توبيك رائعة بس انا عندى حاجات ياماهاقولوا مصر دى مليانة بالخير وانها اغنى دولة فى العالم عارف لية عشان على طول بتتنهب ولسة فيها خير بس المقولة دى تنفع لما كانوا بيقولوا ماحدش بينام من غير عشا دلو قتى فى مصر لناس بتنام من غير عشا ولا غدا انا مرة كنت راكبة فى المواصلات رايحة كليتى سمعت راجل بيقول انا بصوم واروح على المغرب عشان اوفر حق الا كل لعيالى وافطر وانام بقية اليوم من التعب شوفت ياريس مصر وصلت لاية طب الراجل داعرف يتصرف لكن لو عرفت ان فى شاب حاول ينتحر عشان مش عارف يعالج ابنه على نفقة الدوله لان حتى نفقة الدولة لازم واسطة وان طابور العيش بواسطة وان اللحمة فى مصر فاسدة بتتباع ب8 جنية وافرحوا ياغلابة وعيشوا فى مهانة المرض وذله عشان مش ها تعرفوا تتعالجوا الا بواسطة ولو عايزين ناكل لحمة صح والله اعلم بردو الكيلو ب60 جنية يعنى اوعى تقرب يافقير ولو حبيت تعمل عدس زى زمان كان الفقير بياكل عدس كلف نفسك اكتر من20 جنية وربنا يسهل بقة فى بقية اليوم كملوة نوم عايزة اقولك مدراسنا فوضى بمعنى فوضى ما فيش حاجة اسمها مجانية تعليم لان مع المجان ما فيش تعليم اصلا واة صحيح لما اسرةبسيطة تقطع من قوتها وتعلم عشان ابنهم يصرف عليهم بدل ما يلاقى باب تعين اوحتى شغل فى الى اتعلموا يلاقى بطالة وانحراف ونقول هى نسب الا نحراف عليت اوى كدا لية ولما الشاب يفكر يشتغل اى حاجة عشان الشغل مش عيب ياااااااااااااة على المهانة والعذاب الى يشوفة سواء من صاحب الشغل الى ممكن فى ثانية يقولوا برة هى دى تحويل البلد لراسمالية وخصخصة الشركات فى مصلحة مين كل دا يحصل ؟ وبعدين نحاسب دا سرق لية ؟ ودا قبل الرشوة لية؟ مش قبل ما اتحسبونا تسالونا عملنا كدا لية؟وياسلام بقة لو سعتك دخلت اى مستشفى حكومى محتاجين واسطة بس عشان نلاقى سرير نتعالج علية واقف فى دورك زى طابور العيش الى بالواسطة هاتاخد عيشك وهاتمشى وياريت الدوا صالح المريض بيدخل يشتكى من حاجة يطلع بالف حاجةواخرتة الهلاك وطريح الفراش ومرض عليل والامه تهد وياسلام لو ليك حق زى لو واحدة غلبانةونفسها تصرف معاش جوزها عقبال ماتاخده تكون ماتت اوحد من عيالها مات من الجوع ونقول سهولة وياسلام على المواصلات عرب سردين فى الاتوبيس ونقول سهولة المواصلات وكل حد يتعين جديد يحاول يطلع الجديدانا عن حالى من اسكندرية بعد ما بقت جنة اتحول كل شوية شيل الرصفان كتر خيرك بس ياريت يعملنا الرصيف لابعد ما يقضى على العربية الى ماشية على ارض غير ممهدة يفكر يعملوا وكل دا اهدار للميزانية وما فيش حاجة بتتعمل الا لما الشعب بيدفعها طب بدل من الرصفان ما تتعمل ياريت تحسبة ياريس وتشوف صرف كام فى ميزانية الرصفان وبدلها كان وفر عمل للشباب بدل ماهما مرمين كان الا ول بيقولوا مرمين على الرصفان دلوقتى حتى الرصيف مش لاقينو شوفت ياريس اد اية شعبك بيعانى ودا جزء بسيط من الى مصر عايشاه بالرغم انى طولت فى كلامى لكن دا جزء من الحقيقة الى احنا عايشنهاهو دا وضع مصر ياسيادة الريس واسفة للاطالة

**MUHAMED SAMY** · 03-21-2010, 04:14 PM

المشاركة الأصلية كتبت بواسطة برنسيس الهمسات

فكرة توبيك رائعة بس انا عندى حاجات ياماهاقولوا مصر دى مليانة بالخير وانها اغنى دولة فى العالم عارف لية عشان على طول بتتنهب ولسة فيها خير بس المقولة دى تنفع لما كانوا بيقولوا ماحدش بينام من غير عشا دلو قتى فى مصر لناس بتنام من غير عشا ولا غدا انا مرة كنت راكبة فى المواصلات رايحة كليتى سمعت راجل بيقول انا بصوم واروح على المغرب عشان اوفر حق الا كل لعيالى وافطر وانام بقية اليوم من التعب شوفت ياريس مصر وصلت لاية طب الراجل داعرف يتصرف لكن لو عرفت ان فى شاب حاول ينتحر عشان مش عارف يعالج ابنه على نفقة الدوله لان حتى نفقة الدولة لازم واسطة وان طابور العيش بواسطة وان اللحمة فى مصر فاسدة بتتباع ب8 جنية وافرحوا ياغلابة وعيشوا فى مهانة المرض وذله عشان مش ها تعرفوا تتعالجوا الا بواسطة ولو عايزين ناكل لحمة صح والله اعلم بردو الكيلو ب60 جنية يعنى اوعى تقرب يافقير ولو حبيت تعمل عدس زى زمان كان الفقير بياكل عدس كلف نفسك اكتر من20 جنية وربنا يسهل بقة فى بقية اليوم كملوة نوم عايزة اقولك مدراسنا فوضى بمعنى فوضى ما فيش حاجة اسمها مجانية تعليم لان مع المجان ما فيش تعليم اصلا واة صحيح لما اسرةبسيطة تقطع من قوتها وتعلم عشان ابنهم يصرف عليهم بدل ما يلاقى باب تعين اوحتى شغل فى الى اتعلموا يلاقى بطالة وانحراف ونقول هى نسب الا نحراف عليت اوى كدا لية ولما الشاب يفكر يشتغل اى حاجة عشان الشغل مش عيب ياااااااااااااة على المهانة والعذاب الى يشوفة سواء من صاحب الشغل الى ممكن فى ثانية يقولوا برة هى دى تحويل البلد لراسمالية وخصخصة الشركات فى مصلحة مين كل دا يحصل ؟ وبعدين نحاسب دا سرق لية ؟ ودا قبل الرشوة لية؟ مش قبل ما اتحسبونا تسالونا عملنا كدا لية؟وياسلام بقة لو سعتك دخلت اى مستشفى حكومى محتاجين واسطة بس عشان نلاقى سرير نتعالج علية واقف فى دورك زى طابور العيش الى بالواسطة هاتاخد عيشك وهاتمشى وياريت الدوا صالح المريض بيدخل يشتكى من حاجة يطلع بالف حاجةواخرتة الهلاك وطريح الفراش ومرض عليل والامه تهد وياسلام لو ليك حق زى لو واحدة غلبانةونفسها تصرف معاش جوزها عقبال ماتاخده تكون ماتت اوحد من عيالها مات من الجوع ونقول سهولة وياسلام على المواصلات عرب سردين فى الاتوبيس ونقول سهولة المواصلات وكل حد يتعين جديد يحاول يطلع الجديدانا عن حالى من اسكندرية بعد ما بقت جنة اتحول كل شوية شيل الرصفان كتر خيرك بس ياريت يعملنا الرصيف لابعد ما يقضى على العربية الى ماشية على ارض غير ممهدة يفكر يعملوا وكل دا اهدار للميزانية وما فيش حاجة بتتعمل الا لما الشعب بيدفعها طب بدل من الرصفان ما تتعمل ياريت تحسبة ياريس وتشوف صرف كام فى ميزانية الرصفان وبدلها كان وفر عمل للشباب بدل ماهما مرمين كان الا ول بيقولوا مرمين على الرصفان دلوقتى حتى الرصيف مش لاقينو شوفت ياريس اد اية شعبك بيعانى ودا جزء بسيط من الى مصر عايشاه بالرغم انى طولت فى كلامى لكن دا جزء من الحقيقة الى احنا عايشنهاهو دا وضع مصر ياسيادة الريس واسفة للاطالة

ياريتها جت على العشا
ده فى ناس مبتلاقيش تفطر بدون مبالغة
تقريبا اسرة كاملة تعمل
عشان خاطر بس يلاقو يكلو ويشربو
اما عن السكن فلا حول ولا قوة الا بالله
والمواصلات بجد معاناة
والرصيف بحس انهم عملو كل حاجة مش فاضل الا انهم يهدو ده ويغيرو فى ده
ده كل يوم على الاقل فى حادثة على البحر
ولا الاسعاف تبقى ماشية وسط الزحمة
اما عن الشباب كل واحد يعمل اللى عليه ولنا الله
بس الناس اللى معاها فلوس كتير قوى بتعمل بيها ايه
وليه الواحد يركب عربية ب مليون جنيه لما ممكن يركب عربية 150 الف
ويعمل بالباقى مشروع للشباب
او يتبرع بحاجة للتعليم ده احنا غلابة
واخيرا شكرا لمرورك

**طائر الجنه** · 03-21-2010, 06:16 PM

فعلا الشعب المصري في معاناه وفي اسوء حالات له والله العظيم حوالي اربعين مليون من الشعب مستواهم المعيشي تحت الصفر ليه كل ده حرام وطبعا الشعب باكمله لازم يكون متوفر ليه كل مايحتاجه كي يكون فيه مساواه ولا يوجد غني وفقير وحتي لاتوجد فروق طبقيه فيوم القيامه سوف يسأل كل مسئول عن رعيته فما بالك بكل هؤلاء الذين يعانون من عدم توفير اي سبل للمعيشه فحسبي الله ونعم الوكيل في السلطه والحكومه التي لاتعرف احوال ماترعاهم ومسئوله عنهم انني اريد ان نتقدم في كل المجالات وان يصبح حال الامه الي الاحسن ولانملك سوي الدعاءفلايوجد نظم تعليميه صحيحه و لا يوجد فرص عمل للشباب وتزداد البطاله يوما بعد يوم لاحول ولا قوة الا بالله اننا لدينا عقول ونفكر ولكن لايوجد القدرات والامكانيات التي تؤهلنا لذلك فيوجد خمول من السلطه تجاه كل شيء وذلك اثر علينا بنتيجه عكسيه فالسلطه لاتهتم بمصالح الشعب فيجب ان يراعوا ضمائرهم وان كل مسئول يضع نفسه مكان اي فرد من افراد الشعب ويعرفوا مدي تقصيرهم ومدي معاناة الشعب المصري اه لو الكل راعي ربنا فيما يفعله لايصبح هناك اي شكوي وربنا يهدي الجميع

**محمود ابوالمجد** · 03-21-2010, 06:45 PM

السلام عليكم ازيك يا ريس تصدق رغم كل الي بيحصل بس تيجي بالسلامة مهما كان احنا مصرين ومش هننسي دورك في الحرب بس بصراحة يا ريس انا زعلان اوي منك تخيل ياريس انا واصحابي بعد ما اتخرجنا شلتي يعني الصبيان واحد في امريكا وواحد في الامارات وفي السعودية وليبيا وواحد في مصر وواحد مات بسبب الاهمال يا ريس مع ان الشلة دي منها اوائل الدفعة الي مفيش حد منهم في مصر يعني الناس الشاطرة ليه بتخلي عنهم في مصر بسهولة
طب يا ريس انا عارف ظروف البلد اوي انا معاك بس ليه مش بتاخد حقنا بره يا ريس عندنا اي اتوبيس سياحة وراه بوكس و4 موتوسكلات واحنا بره كده نفسي لو ضابط وقفني في البلد الي انا افيها اقله عايز السفير بتاعي بس تصدق اخاف احسن السفير يقله ولا اعرفه
طب ياريس ينفع ازمة السولار طب العيش
طب ياريس فيه ناس واسر دخلها كله 100 جنيه
طب يا ريس العبارة
طب قطار الصعيد
طب حادثة مطروح
طب حوادث كل يوم ريس
طب ياريس ده عمر كان بيقول لو تعثرت بغلة في العراق
طب يا ريس غزة يا ريس هما غلطنين بس مسلمين
طب يا ريس القدس يا ريس
طب يا ريس الظلم
طب يا ريس الرشوة
طب ياريس المحسوبية
بس والله من قلبي رغم كل كده ربنا يقومك بالسلامة بس
ربنا يرقق قلبك علينا

**MUHAMED SAMY** · 03-21-2010, 07:07 PM

ههههههههههههههههه
هم دوووول رجال مصر(صفوة رجال مصر,وزراء مصر)
لا ربنا هيكرمنا ان شاء الله
بس لما نتمسك بدينا
شكرا لتفاعلكم
طائر الجنة
محمود ابو المجد
وبصراحة مساؤى مصر اكتر بكتييييير من ميزاتها(حاليا)

الموضوع: ◊۩¯−ـ‗: : :حوار مع الرئيس : : :‗ـ−¯۩◊

أدوات الموضوع

عرض