شويه فروق بينا كاسكندرانيه وبين اخواتنا وحبايبنا المصاروه "اللى من القاهره يعنى"ف
ى القاهره : ايه ده الحاجه دى "جامده اخر حاجه"
فى اسكندريه : ايوووه الحاجه دى جامده اوى
فى القاهره : انا مش نمت من امبارح "تحس انك بتكلم طفل"
فى اسكندريه : انا منمتش من امبارح "ناس جد الجد"
فى القاهره : انا هشوف الموضوع ده
فى اسكندريه : انا حشوف الموضوع ده
فى القاهره : استيكــه "اللغه العربيه واخده حقها شويه معاكم" وقال كمان مساحه "بلدى بلدى يعنى"
فى اسكندريه : جومه عادى خالص جومه
فى القاهره : صباعى "ياعينى عليك يابنى"
فى اسكندريه : صوبعى اهى مفيهاش مشكله فله شمعه منوره اهى
فى القاهره : الزمالك عمل ايه النهارده الاجابه كيسب
فى اسكندريه : عادى الزمالك كسب ليه نزود حروف وخلاص مش لما نقدر على الكام حرف اللى عندنا نبقى نزود
فى القاهره : جلابيه "كلمه مبالغ فيها"
فى اسكندريه : عبايه "زى الفل"
فى القاهره : يقولك ميكروباص "ثقافتك انجليزى اوى يا عمنا micro bus"
فى اسكندريه : بنقول مشروع "شجع لغه بلدك"
فى القاهره : قال ايه اوطه يااااااااااااااى "دى كلمه من السبيعينات اصلا واتلغت بقالها "100سنه
فى اسكندريه : طماطم "جايه من كلمه توماتوز يا جماعه لازم يكون عندك ثقافه انجليزى برضه"
فى القاهره : خمسين قرش "الرياضه واخده معاكم حقها اوى يا اخواتى"
فى اسكندريه : نص جنى "اهى يا جدعان فيها ايه زى العسل اهى"
فى القاهره : قال ايه يا اخويا يقولولك لبان " والنبى انا لو دخلت سوبر ماركت اقوله هات لبانه ليكرشنى بره"
فى اسكندريه : مستيكه "شايفين الاسم كله مازيكا"
فى القاهره : (سد الحنك) على رأى عادل امام يا خراااااااااااابى وبيجيلكم نفس تاكلو حاجه اسمها كده
فى اسكندريه : (حلاوه دقيق) شايفين الاسم متدلع ازاى يعنى دى الحلاوه بتاعه الدقيق
فى القاهره : يقولولك ايه (جبنه نستو) نستو ده اصلا كان فراش فى مدرسه الانشطار النووى الاعداديه بنات
فى الاسكندريه : جبنه مثلثات عادى ماهى شكلها كده مش بنتفلسف احنا
فى القاهره : (جبنه رومى) دى على اساس انها بنت عم الديك الرومى
فى اسكندريه : الجبنه مصدرها من تركيا يبقى اسمها جبنه تركى ولا ايه يا جماعه
فى القاهره : قال ايه طعميه ويجى واحد يتفلسف ويكتبلك طع100 ناس فاضيه
فى اسكندريه : فلافل معروفه طول عمرها زى ما فى روميو وجوليت فيه فول وفلافل
فى القاهره : يقولوا ايه فول بالزيت حار "اكيد بيجيبو الزيت ده من العربيات"
فى اسكندريه : فول بالزيت والليمون مش بنحب ننكر حق حد زي ما نقول الزيت نقول الليمون
فى القاهره : يقولك ايه على البمبونى (ارواح) انتم الاطفال عندك طالعين من بيت الرعب ولا ايه عادى دى المفروض حاجه للاطفال يعنى اسمها يبقى لايت بمبونى زى عندنا فى اسكندريه
ولا فى الصيف بقى ينزلو بسلطاتهم ببابا غنوجهم ويقرفونا بقى زحموا القاهره لغايه لما عملوا دوله مع حالهم جوه القاهره واتقسمت 4 محافظات باين ولا ايه مش عارفلهم الصراحه وجايين يبوظوا بقى احسن حته فى مصر ويزحموها ولا لما ينزلو البحر البحر بيبقى عادى زى باقى البحور لونه ازرق فله شمعه منوره فجأه وبقدره قادر يبقى لونه بنى حاولت جاهده ان اجد تفسير للحكايه دى مش لاقيه
فى النهايه احب اقولكم القهراويه دول حبايبى حبايبى بحبهم موت موت موت موت
وعلى رأى كريم عبد العزيز تغمضليش عين غير لما اطمن عليهم واحد واحده بالمازنجر
[COLOR="rgb(255, 192, 203)"]منقوووووووووووول[/COLOR]
+ إنشاء موضوع جديد
النتائج 1 إلى 10 من 24
-
12-26-2010, 09:43 PM #1Status
- Offline
- تاريخ التسجيل
- Oct 2008
- الدولة
- alex
- العمر
- 33
- المشاركات
- 3,082
عضو
- معدل تقييم المستوى
- 8946
شويه فروق بينا كاسكندرانيه وبين اخواتنا وحبايبنا المصاروه
-
12-26-2010, 10:20 PM #2Status
- Offline
- تاريخ التسجيل
- Oct 2008
- الدولة
- أم الدنيـــــــــــا
- المشاركات
- 137
عضو مجتهد 40%
- معدل تقييم المستوى
- 5827
طب وربنا انت راجل فاضي
انا شوفت الموضوع ف التول بار دفعني فضولي اني ادخل اشوف ايه الفروق دي
لقيتك مظبطهم ع الاخر "بالمناسبة (ع) اختصار لكلمة (علي ) عشان الوقت برده"وعشان احنا اسكندرنية برده
ناس مش فاضية يعني
ايـــــــــــوة كنت هنسي اقولك....،
موضوع جامد اوي
تسلم الايادي
اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ،
وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ،
أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ،
فَإِنَّهُ لا يغْفِرُ الذُّنُوبِ إِلاَّ أَنْتَ .
-
12-27-2010, 01:29 PM #3Status
- Offline
- تاريخ التسجيل
- Oct 2008
- الدولة
- On My Moon
- المشاركات
- 1,154
مشرفة الاقسام الترفيهية
- معدل تقييم المستوى
- 6932
فى القاهره : يقولولك ايه (جبنه نستو) نستو ده اصلا كان فراش فى مدرسه الانشطار النووى الاعداديه بنات
مدرسة الانشطار النووي هههههههههههههههه
هوة التوبك كلة فعلا تحفة بس اللي علقت معايا اسم المدرسة ههههههههه
تسلم ايدك ياكريم علي التوبك
-
12-27-2010, 02:40 PM #4Status
- Offline
- تاريخ التسجيل
- Feb 2009
- المشاركات
- 3,470
عضو ملكى 100%
- معدل تقييم المستوى
- 9099
بتتريقوا علي كلام القهرواية طيب ماتشوفوا لهجتهم ههههههههه
علي تخضيت اتفجعت قال وغيره كتيييييير أي لهجة فيها الحلو وفيها الوحششش
يارب لك الحمد كماينبغي لجلال وجهك وعظيم سلطانك
-
12-27-2010, 03:12 PM #5Status
- Offline
- تاريخ التسجيل
- Sep 2008
- المشاركات
- 618
عضو متألق 60%
- معدل تقييم المستوى
- 6450
فى القاهره : يقولك ميكروباص "ثقافتك انجليزى اوى يا عمنا micro bus"
فى اسكندريه : بنقول مشروع "شجع لغه بلدك"
ههههههههههههههههههههههه
والله العظيم كل الجوايا من ناحية القهراوية ظهر فالموضوع دة الحمدلله وخصوصا اللغة دى مفيش حاجة اتسابت
مفيش احلى ولا أجمل من لغة الاسكندرانية وفعلا
"شجع لغة بلدك "
موضوع تمـــــــــام يا كريم
-
12-27-2010, 05:01 PM #6Status
- Offline
- تاريخ التسجيل
- Feb 2010
- الدولة
- عروس البحر المتوسط
- العمر
- 31
- المشاركات
- 738
عضو مميز 70%
- معدل تقييم المستوى
- 5993
فى القاهره : يقولولك ايه (جبنه نستو) نستو ده اصلا كان فراش فى مدرسه الانشطار النووى الاعداديه بنات
مستيكه "شايفين الاسم كله مازيكا"
رائععععععععععععع
ماسبتش حاجة
احلى سلالالالالالالالام للاسكندرنية
-
12-30-2010, 03:48 AM #7Status
- Offline
- تاريخ التسجيل
- Apr 2009
- الدولة
- عروس البحر المتوسط
- العمر
- 32
- المشاركات
- 3,591
مشرفة قسم آدم و حواء
- معدل تقييم المستوى
- 9251
هههههههههههههههههههههههههههههههههههههههههههههههههه هههههه
واقروا الفاتحة لابو العباااااااااااااااااااس
يااسكندرية يااجدع ناس او احسن ناس مش حافظة اوى
ههههههههههههههههههههههههههههه
لا جامد جدا ياكريم
الله ينور
هههههههههه.
.
...لاَ أسْمح أنْ تطل إمْرَأتِي عَلى العَالَم
.
.
فَيتَغزلُ الرجَالُ فِي جمَالِهَا ،!
دَمي لاَ يَحتملُ و لاَ هَكذا عَلمنِي دِيني~
فهَل تقبَلِين برجُل غَيُور مِثْلي؟
.
.
.
.
فقَالَت : أنَا إمْرأة أعشَقُ فِي الرجُل تِلك الحميَة ،
و أرتْجِي مَن كَان حَاميا للدِين وأكتفِي بكَ مِن العَالِم معْجباً~
اللَّهُم أرْزقنَا الأزوَاج الصَّالِحَة ...يأخُذُون بأيْدينَا إلَى الجَنة
اللَّهُم إهْدِنَا ، و رُدنا إليكَ ردًا جَمِيلاً
-
12-30-2010, 10:57 AM #8Status
- Offline
- تاريخ التسجيل
- Dec 2010
- الدولة
- Alexandria, Egypt
- العمر
- 35
- المشاركات
- 9
عضو جديد 10%
- معدل تقييم المستوى
- 0
همووووووووووت من الضحك ههههههههههههههه
على فكرة القاهراويه بيحبوا كلمة ايووووو اوي
و بيموتوا من الضحك لما بيسمعوها مننا ههههههه
شكرا على الموضوووووووع ;)
-
01-01-2011, 02:59 AM #9Status
- Offline
- تاريخ التسجيل
- Oct 2008
- الدولة
- عروس البحر المتوسط
- المشاركات
- 2,740
مشرفة قسم المالتى ميديا وملتقى الفرقه الثالثه
- معدل تقييم المستوى
- 8487
فى القاهره : انا هشوف الموضوع ده
فى اسكندريه : انا حشوف الموضوع ده
لا يا كيمو الاسكندرانى يقول حنشوف دايما بيتكلموا بلغه الجمع
بس موضوع جمييييل اوووووى
تسلم ايدك
-
01-01-2011, 09:07 PM #10Status
- Offline
- تاريخ التسجيل
- Oct 2008
- الدولة
- alex
- العمر
- 33
- المشاركات
- 3,082
عضو
- معدل تقييم المستوى
- 8946
المشاركة الأصلية كتبت بواسطة Top.Romantic
هههههههههههههههههههههههههههه
شوفت انا فاضى خالص ازاى
رد مع اقتباس
المفضلات