حوار مع سواق مشروع لااااااااااازم تدخل

[smart girl]

أنا : صباح الخير
السواق : يافتاح يارزاق ع الصبح
أنا :مدايق ليا انا بقولك صباح الخير
السواق :عشان احنا اتأرفنا منكم ولموخذة
أنا :مننا احنا؟؟
السواق :ايون مش انتوا بتوع قولولنا كلمتين تشكروا فيها الرؤساء وتدونا عشين جنى ..
أنا : طب والعشين جنى هى اللى مدايقاك .. شوية يعنى ؟؟
السواق :لااا يا عمونا مش شوية ...اللى بيحصل فينا دة هو اللى مش هيكفيى عشين جنى
انا : ادينا بندردش
اية رائيك فالنظام الحالى ؟؟
السواق : النظام زى الزفت
الواد زلطة الجن بتاع الموقف ال تيييييييييييييييت كل شوية يزود فالعداد و..
أنا :قاطعتة ..زلطة الجن اية يا ريس ؟؟ انا بكلمك فنظام البلد ؟.؟
السواق : اخر مرة روحتها لقيت الجاموسة تعبانة اوى والله
أنا : وهى اخبارها اية دلوقتى... ياسيدى انا مالى بجاموستك
انا بكلم ع البلد اللى عايش فيها ..مصر
السواق :مصر هى أمى ومتقولش اية ادتنا مصر ومشربتش من نيلها و..
أنا : يا اسطى ماقولنا مفيش عشين جنى ...
السواق : يعنى البرنامج دة مش90 دكيكة ولا بتاع استاذة سهى الساعة 10 ؟؟؟
أنا : لاااا مش بتاع سهى ولا استاذ مازن
( ماهى منى بقت سهى يبقة معتز مازن )

أنا : بتسئل لية ؟؟
السواق : هيتزاع يعنى ؟؟
أنا : لاااا متقلقش دة حوار بينا وبين بعتدينا
بلاش النظام... اية رائيك فانفصال السودان ؟؟
السواق : والله انا شايف ان الصلح خيربس لو مفيش وفاء يبقى يسبوا بعض على بركة الله والشرع محلل كدة
أنا : اة زى ماقال الشيخ البحبحانى .. والله انت راجل اخر حمادة
السواق : انت هتقبح ولا اية حمادة مين
أنا : حلاوة ياسيدى انا غلطت
طيب تحليلك اية فأجواء الاسكندرية ؟؟
السواق : والله عيب اوى اللى بيحصل مطر وسيول ياعم دة البت نوسة غرقت فالاجواء الاخيرة دى
انا : والله نوسة غرقت ..
حسبى الله ونعم الوكيل
انت عندك اولاد يا اسطى ؟؟
السواق : اةةة عندى 5
انا : ماشاء الله مين بقة وتعليمهم اية ؟؟
السواق : صلاح ومحمود ونادية و امال
انا : اية دة دول 4 مين الخامس ؟؟
السواق : امهم ..ست الكل والحبايب الامن والامان والحسان الحسين
أنا : طب وبتتلفت لية كدة هههههه مش مراقباك متقلقش
واولادك تعليمهم اية ؟؟
السواق : صلاح خريج كلية هندسة وراجل كسيب بيبع شماسى اد الدنيا ومحمود كلية تجارة وبيشتغل فالفرن ماسك المحسوبات و نادية بنحاول نجوزها اهو فالشقة معانا وامال دى اخر العنقود
أنا : شماسى وفرن ؟؟؟؟؟؟؟
السواق : اومال اسبهم يشربوا كابشتينو ؟؟؟
أنا : طيب وأمال فسنة كام ؟؟
السواق : البت بتتعلم غلط ياعم ... بقولها مين اللى عمل الاهرامات؟ قالتلى :حديد عز
" المس قالتلهم كدة "
انا : ههههههه يدوبك .. بس انت عارف مين اللى بنى الاهرامات أكيد؟؟؟
السواق : شوز
أنا : انت بتقولى شوز ؟؟
السواق : يافندى انت ملكش فالانجليزى ولا اية ..شوز يعنى طبعا
أنا : طيب مين ؟؟
السواق : حسن شحاتة هو اللى عمل اهرامات الاهلى
وائل جمعة
احمد حسن
محمد ناجى جدو
انا : حاسس ان هيجيلى شلل يا اسطى وانا قاعد
السواق : لية انت ميريض ؟؟

أنا : اةةة تعبت فجأة .. نزلنى الشارع الجى
السواق : بقولك ياعمونا انا هسئلك فحاجة قبل ماتنزل ويكون سوكروت
أنا : سوكروت مين ؟؟
السواق : ياعم سوكورت وبعدين بقة معاك .... سر يعنى
أنا : طب قول السوكروت
السواق : وانا ماشى بالمشروع ..كل شوية الاقى جملة كدة
"عشان مستقبل أفضل لاولادك"
يعنى انا معرفش مين المونتخيب بس الجملة لوحتنى وخلتنى افكر
أنا : طيب فين سؤالك ؟؟؟
السواق : يافندى الشيعب كلة من الشيباب لان الناس الكبيرة ماتت من الجوع ولو فى حد عايش فهو هيموت بردك ..
أنا :
السواق : اةةة وربنا و بالنوسبة لشيباب فهما عاطلين ومش لاقين شغل .. ف الاولاد دول اللى مستقبلهم افضل هيجوا منين بقة اذا كان هما مش عارفين يتجوزوا ولا المونتخيب دة من برا البلد فهو قصدة اولادة هو
ولا يمكن يكونوا اولاد الشوارع ؟؟؟؟؟؟
أنا : مش قولتلك انت راجل اخر حمادة ... ااقصد حلاوة

انا معنديش اجابة لسؤالك

السواق : طب تفتكر لو سئلت عسكرى المرور او حد تانى ممكن يجاوبنى ؟؟؟؟

أنا : شــــــــــــــــــــــــــوز

الحوار دة تخيلتة من تأليفى
smart girl