المساعد الشخصي الرقمي

مشاهدة النسخة كاملة : معانى الاسامى


مى الشورى
09-02-2009, 02:34 AM
فى منا اللى عارف معنى اسمه وفيه اللى مش عارف
فيه اللى مش حابب اسمه بالرغم من انه ليه معنى جميل جدا وهو ميعرفش
وفيه العكس لذلك وبعد اذنكم
انا قلت يلا بينا نعرف معنى اسمائنا بس عن طريق مسابقة
انا هكتب اسم وطلوب منكم تقولوا معناه
واللى يكسب يحط الاسم اللى يحب يعرف معناه وانا اللى هجاوب عليه
ودلوقتى تسمحولى نبدا باول اسم





ما معنى اسم كلثوم؟
ابوملاك
09-02-2009, 10:47 AM
معنى اسم ام كلثوم هو : اولا يقال ان الكلثوم هذا هو نوع غالى جدا من انواع الحرير الطبيعى ........................هذا والله اعلم
Soma
09-02-2009, 08:58 PM
الموضوع عسل جدا يا مى بما ان ابو ملاك محطش اسم
ممكن اعرف معنى اسم اسماء
متقوليش انه جمع للاسامى كلها زهقت من المعنى ده
ابوملاك
09-03-2009, 02:02 AM
انا اسف جدا نسيت اضع اسم جديد لمعرفة معناه والاسم الجديد هو / ســـــــــــــــــــــلوى
ابوملاك
09-03-2009, 02:20 AM
وللرد على الاخت / ســــــــــــــوما معنى اسم اســــــــــــــــمـــــــــــــــــاء هو مشتق من الوسامه اى الحسن والجمال ، وهو مشتق ايضا من السمو والرفعة ، وايضا جمع اسم ، وغالبـــــــا يلفظونه اسما لكن للامانه هذه المعلومه منقولة من / معجم الاسماء من موقع محيط العرب
مى الشورى
09-03-2009, 02:40 AM
بجد نورتونى واسعدنى مروركم
وهبدا بعد اذنكم بتعريف كلثوم
وهو ممتلئة الخدين والوجه وايضا الحرير على راس العلماما سلوى فمعناه
قلبها طيب ..مطيعه و خدومه .. و حلوه و مزيونه .. دلوعه .. بس للأسف مالها حظ .
ده معنى وفيه ده كمان
سلوى وكل ما سلانا فهو سلوى وانت سلوى ابويك ومن يعايشونك ومن النعم العظيمة المن والسلوى
وده كمان
واحدتها سلواة طائر يعرف بالسماني والسلوى كل ما يسليك
ورد شعرا... ماذاوراء الموت من سلوى ومن *** دعة ومن كرم ومن اغضاء
اما اسماء معناه
هاديه و علطول ساكته .. و مخلصه .. بس غامضه.
وده معنى وفيه غيره
مى الشورى
09-03-2009, 02:43 AM
احب اقول ان معنى اسم اسماء ده اضافة للى كتبه
وقاله ابو ملاك

والاسم الجديد هو


ما معنى اسم زياد؟
مى الشورى
09-08-2009, 01:10 AM
ايه يا جماعة فينكم دا اسم زياد
سهل اوى وجميل شوية حماس
ابوملاك
09-10-2009, 09:56 PM
السلام عليكم . معنى اسم زياد يعنى الزياده والنمو . وايضا للامانه هذه المعلومه منقوله من موقع معجم الاسماء اما الاسم اجديد هو عاطف
مى الشورى
10-08-2009, 10:02 PM
انا بشكر حضرتك على اهتمامك
وبجد منور الموضوع
ومعنى اسم عاطف
اسم يوحي بالحنو والرحمة والإشفاق، وفي العطف جَمْع بين المعطوف والمعطوف عليه، واذا عطف الله قلب السلطان على
رعيته جعله عاطفا رحيما
وكمان نقدر نقول فى معناه انه
انسان شديد جدا يحب كل شيء يكون حسب الاصول وعصبي جدا بس شحلاته وهو هادي ورايق ..

وللامانةان كل معانى الاسامى منقول
انا ما الابحاول اجتهد فى انى اوصل المعلومة اللى ممكن البعض ميكنش عارفها
مى الشورى
10-08-2009, 10:06 PM
ونرجع نقول ما معنى اسم



زينب؟
ابوملاك
10-08-2009, 11:41 PM
السلام عليكم وشكرا لاهتمامكم بالرد اما معنى اسم زيـــــــــــــــــــــــــــنب فهو : شجر حسن المظهر طيب الرائحة ،المرأة السّمينة القصيرة ، والجبان . وللامانه هذه المعلومه منقوله من موقع معانى الاسماء . ونعود ونقول ما معنى اسم ممـــــــــــــــــــــــــــــــــــــــــــدوح
KAREEM
10-08-2009, 11:52 PM
ممدوح
يعنى شخص يمدح كثير من الناس
على صيغة اسم المفعول
الاسم اللى وراه
أســـــــــــــامة
Ahmed Slem
10-11-2009, 11:51 PM
مشكوره علي الموضوع ده و انا هسال ما معني اسم ادهم لو مش عارفين اسالوني و انا هجاوب علي معني اي
ا سم
KAREEM
10-12-2009, 04:53 PM
معنى اسم ادهم : دا اسم من اسماء الأسد أظن
بس انت خلى بالك لازم تجاوب على اللى قابلك
وبعد كدا تحط اسم
يلا ياشطر جاوب
واللى يعرف يجاوب
دا اسم حلو ( اسامة )
وطبعا نشكر صاحبة المسابقة
اختنا مى
لان المسابقة دى بتدينا معلموات مهمة اوى
وكمان فرصة انك تتعرف ع اسامى معارفك ومعانيها
وفرصة نفكر فى اسم لعيالنا فى المستقبل ان شاء الله
Ahmed Slem
10-15-2009, 11:55 PM
اسامه يعني الاسد اما ادهم يعني الظلام و الليل الدامس
اسم هويدا
KAREEM
10-16-2009, 12:34 AM
هو ليه معنى كمان يا ابوحميد
وهو ااهم وهو : الرجل المستقيم الصالح يعنى
ربنا يجعل الاعضاء كلهم أسامة كدا ,,,,,,,,
أما عن اسم هويد فهو سنام الجمل تقريبا
وممكن كمان بمعنى الود والحنان والسكينة
ودا اسم بنت على فكرة !!!!!!:1::1::1:
KAREEM
10-16-2009, 12:35 AM
الاسم للى ورايا هو ( ضحى )
معنى اسم ضحى ايه ؟؟؟؟؟؟؟؟
مى الشورى
10-17-2009, 11:11 PM
بجد نورتونى وانا سعيدة بالحماس ده
ومعنى اسم ضحى هو
بيان ووقت شروق الشمس
معناه أول النهار إلى حوالي منتصفه
وارتفاع النهار وامتداده والضحى البيان
الفجر
وكمان
ضوء النهار وعند الضحى يرتفع الضوء ويمتد ويقال: ما بكلامه ضحى اى: ماله بيان وانت البيان لمن
ليس له بيان والضحوة: قرب انتصاف النهار والضحى والغداء والضحية: الضحى والاضحي
ارجو اكون عرفت اجاوب
ومش شرط انك تكون عارف
معنى الاسم لوحدك يعنى لو استعنت بجوجل او بقاموس
فده مش غلط لان يكفى انك بحثت ايا كان المصدر
المهم يكون مصدر موثوق منه
مى الشورى
10-17-2009, 11:12 PM
الاسم الجديد هو


ما معنى اسم مى؟
KAREEM
11-03-2009, 01:21 AM
مى
كذا معنى
بس اللى فاكره حاليا
وهو المعنى الاشهر
بمعنى
بمعنى


سمحينى بقى يا مى
هو معناه انثى القرد

انتى اللى قلتى لى جاوب
ادينى جاوبت
ياريت تقولى لنا المعنى التانى
الكويس ابو سكوووووووووون
عشان نناديكى بيه:1::1::1:

عموما الاسم الى وراه

أمير او اميرة
الاتنيم مع بعض سهل دا :donatello:
Ahmed Slem
11-03-2009, 08:25 PM
امير او اميره يعني
اميرتعني
الامروذو الامر وهو الملك بن الملك
اميره
من تتولي امر القوم
المشاوره و الامره
الاسم التاني هو
اشهب
مى الشورى
11-05-2009, 12:08 AM
مى
كذا معنى
بس اللى فاكره حاليا
وهو المعنى الاشهر
بمعنى
بمعنى


سمحينى بقى يا مى
هو معناه انثى القرد

انتى اللى قلتى لى جاوب
ادينى جاوبت
ياريت تقولى لنا المعنى التانى
الكويس ابو سكوووووووووون
عشان نناديكى بيه:1::1::1:

عموما الاسم الى وراه

أمير او اميرة
الاتنيم مع بعض سهل دا :donatello:


كده يا كريم تقول عليا انثى القرد
ماشى تبقالك يا عم
وادى باقى المعانى
معنى اسم (ميّ) -هكذا بالتشديد - القرد الصغير ، أو الغزال الصغير أو هو صفةٌ في عين الغزال ، أو الجارية الصغيرة ، أو هو اسم الأفعى في حال ارتقاءها غصن شجرة صغيرة !!

ودون الشدّة (ميْ) هكذا معناه المياه الجارية

ايه رايك يا باشا وللعلم انا معرفش اذا كان اسمى مشدد ومسكون
بس دايما مدرس المدرسة كان بيكتبه عليه شدة على اساس ان مفيش اسم حرفين :embaressed_smile::embaressed_smile::embaressed_sm ile:
مى الشورى
11-05-2009, 12:17 AM
امير او اميره يعني
اميرتعني
الامروذو الامر وهو الملك بن الملك
اميره
من تتولي امر القوم
المشاوره و الامره
الاسم التاني هو
اشهب



احمد اسمحلى اضيف عليك ان امير تعنى ايضا

مَن تولى أمر القوم ، الآمر ، ذو الأمر ، الجار ، المشاور ، الملك ، وابن الملك ، أمير المؤمنين لقب الخليفة عند المسلمين .وأمير البحر : قائد الأسطول البحري ومنها أخذت كلمة أميرال إلى باقي اللغات

اما اميرة تعنى

ذات شأن فى أهلها وقومها، وإذا كانت الأميرة من تتولى الإمارة او من ولدت فى بيت الامارة فإن اسم أميرة يحمل معه بشارة وأى بشارة.. من كانت أميرة كانت صاحبة شخصية قيادية.. ومنزلة عالية
مى الشورى
11-05-2009, 12:21 AM
واشهب تعنى
الارض البيضاء من الثلوج
ارجو يا احمد لو كان فيه معنى تانى تقوله
ويا رب يطلع ده صح
وبجد انت وكل الى شاركونى
وكل اللى شاهدوا الموضوع بس
كلكم نورتونى
مى الشورى
11-05-2009, 12:22 AM
الاسم الجديد هو

ياسمين
KAREEM
11-05-2009, 12:55 AM
ياسمين
دى شتيمة !!!!
يعنى لما تيجى تقولى لواحد
يا سمين
كانك بتقوليله
يا تخين
ههههههههه

بهذر طبعا ...
ياسمين دا على
اسم نوع من انواع الزهور
له رائحة طيبة
دا اللى انا اعرفه

وعلى فكرة انا بحب
اسم ياسمين دا جدددا
مى الشورى
11-06-2009, 12:43 AM
ايه يا كريم فين الاسم الجديد
بتضحك علينا ولا ايه
ياسمين هى بالفعل زهرة وتعنى ايضا
قلبها طيب .. خدومه .. مزيونه .. لكنها متهوره
ومعنى اسم ياسمين كمان
نبات طيِّب الرائحة زهره أبيض يستعمل في صناعة المواد العطرية
ملحوظة هو اسم اصله فارسى
مى الشورى
11-06-2009, 12:44 AM
الاسم الجديد هو


كريم
مى الشورى
07-29-2010, 11:19 PM
معنى اسم كريم هو

السخي ، الصفوح ، النزيه ، المضياف ، الرزق الكثير
مى الشورى
07-29-2010, 11:20 PM
الاسم الجديد هو


فاطمة
ابوملاك
07-30-2010, 01:56 AM
السلام عليكم ورحمة الله وبركاته

ازيك يا اخت مى انا لى زمان مدخلتش منتداكم الجميل ، اما معنى اسم ( فـــــــــــا طمــــــــــة ) فهو

التى فطم ولدها عنها ، والتى تفطم نفسها عن الشهوات والصغائر ، والفاطميون سلالة تنتسب الى على بن ابى طالب وفاطمة

( ع ) وللامانةالمعلومة منقولة من موقع محيط العرب. الاسم التالى هـــــــــــــــــــــــــــــــــــــــــــــــــ ـــــــــــــــــــــــــــــــو



مقــــــــــــــــــــــــــــــــــــــــــــــــ ــــــــــــــــــــــــــــــــــــــــداد:a4:


فكروا فى معنى هذا الاســــــــــــــــــــــــــــــــــــــــم
KAREEM
08-03-2010, 01:17 AM
هل هى جاية من مقدام
بمعنى شجاع ؟؟؟؟

شكرا يا مى على احيائك للمسابقة
وياريت نشوفك كتير ع المنتدى
مش كفاية مش بنشوفك فى القسسم

جزاكم الله كل خير ع المسابقة المفيدة
واللذيذة والقييييييمة دى