المساعد الشخصي الرقمي

مشاهدة النسخة كاملة : تعملي إيه مع الراجل أبو عين زايغة ؟!



ابورفعت
09-06-2009, 07:23 PM
تعملي إيه مع الراجل أبو عين زايغة ؟!



http://www.alhnuf.com/gallery/albums/003/LOVE_wallpaper/Love.jpg

كثير من الرجال لا تملأ عينهم امرأه واحده.....
وده لاسباب عديده....
اما لأن زوجته غيرمهتمه به وتصرف اهتمامها الى ولادها وبيتها....
والزوج فى حياتها بيبقى اخر اهتماماتها (وده بيغضب الزوج جدا)
أو لان الرجل بيكون طبعه كده.....
(عينه زايغه)...
فى كلتا الحالتين الزوج بيروح لإمرأه تانيه ....
يكون فى حياتها الاهتمام الاول...
واحده تانيه تديله كل اهتمامها ...
وتحسسه بانه مازال الملك...
وليس البيت والعيال...
لو انتى بقى زوجك عمل كده تعملى ايه ؟؟؟؟؟..
طبعا كل الزوجات هتقول فى نفس واحد انهم يطلقوا منه...
وانه رجل خائن وعينه زايغه و……………..الخ……الخ
وبتقول كده وبتخلى نفسها الملاك البرئ.....
وانها مش مقصره مع انها لو بصت......
للحكايه من منظور الرجل هتلاقي نفسها......
مقصره فى حقه وليه بدل ما تقول اطلق منه......
متحاولش انها تشوف العيب منين وتصلحه ......
يعنى لو منها تحاول تهتم بزوجها اكتر شويه....
وتحاول تحسن علاقتها بيه....
وتعيد معاه ايام الجواز الاولى ...
الاحساس ده بيحب يحسه الرجل جدا ...
وتداعبه وتسمعه كلام حلو...
(وعلى فكره مش الست بس هي اللى بتحتاج تسمع كلام حلو والرجل كمان )
وتحاول كمان تزين له نفسها وتجمل بيتها عشانه ...
وممكن (توزع) الولاد يوم عند والدتها او والدته..
وتقضى معاه يوم لوحدهم من غير دوشه الولاد ...
ولا المشاكل والزعيق والخبط بتاعهم ...
صدقينى ده هيجيب نتيجه كويسه ..
واذا كان العيب منه هو او داء فيه تحاول برضه تصلح ده...
يعنى تحاول تجذبه للبيت وتحسسه على قد ما تقدر...
انه مليان هدوء تحاول تشوفه بيروح لواحده تانيه ليه...
وهى بتعمله ايه هى مش بتعمل له وتعملهله ...
اللى خلانى اتكلم فى الموضوع ده ان كل الشباب اللى بيتجوزوا دلوقت...
اول مشكله تقابلهم تلاقى كلمه الطلاق دى على لسانهم ...
وكأنها حاجه سهله جدا ...
مش انها هتهد بيت واسره وكيان عملوه سوا...
واغلبيه الاسباب ان الست بتحس...
ان جوزها راح لواحده تانيه وبدل ما تنقذ ...
المركب قبل ما تغرق لاء بتغرقها اكتر ...
وده سبب حالات الطلاق الكتيره ...
اللى بتحصل اليومين دول ...
وصحيح انه فيه اسباب تانيه ...
لكن ده السبب الرئيس للطلاق...
انا قصدى ان فى كل الاحوال المرأه ...
متستسلمش للوضع وتطلب الطلاق...
زمان الست كانت قويه ...
لو واحده اخدت جوزها منها كانت تفضل وراه لحد...
ما ترجعه لبيته ولولاده..
وترجع اسرتها واستقرارها زى ماكانوا...
وتفتكر انها هى الزوجه اللى حبها زوجها...
واختارها بنفسه عشان تبقى ...
زوجته وتشاركه حياته لحد اخر عمره ...
ليه دلوقت الست مشبتعرف تحافظ على جوزها...
واول حاجه تعملها تطب الطلاق...
اكيد فيه سبب؟؟؟

http://www.hanaa.net/hanaa-net-cards/resource/picture/foraq/0a01612a13.gif


من كتاب الحب كل شئ

ALY ELSAYED
09-06-2009, 07:37 PM
ربنا يكرمك يا ابو رفعت يا شقي

علي النصائح الغاليه دي والله

وياريت اي خلاف بين الزوجين بتحل بهدؤ

للتوصل لشبب المشكله

جزاك الله كل خير

ابورفعت
09-06-2009, 07:54 PM
تسلم على مرورك ياهندسه


نتمنى ان يبعد عن اسرنا وامتنا الاسلاميه كل ما يفرق الشمل

Mohamed Hashem
09-06-2009, 11:50 PM
برغم انى اعتقد يا ابورفعت ان الاغلبية هنا مش متجوزين
بس موضوع حيوى وفى الصميم وبعد 5 او 7 سنوات زواج
بيحدث قدامنا فى حالات كتيرة
ويستحق التقييم

ابورفعت
09-07-2009, 10:17 AM
اشكرك يابشمهندس محمد على مرورك العطر
التثقيف الاسرى وتقويه الروابط يجب ان يتعلمها المتزوج ويأخذ عنها فكرة العزب
لبناء اسرة مستقبليه

Yamyam
09-07-2009, 10:38 AM
بشكرك على الموضوع

و المفروض ان الزوج لما يلاقى حاجه مش عاجباه

فى زوجته انه يحاول يغير منها برضه و لو ماتغيرتش

يعمل اللى عايزه.
يعنى يحاولوا هما الأتنين ان يحافظوا على حياتهم مع بعض

ساره مجدى
09-07-2009, 11:41 AM
بجد موضوع حضرتك مش جميل بس
لأ بجد ده فوق الرائع وفعلا اجمل موضوع
وانا عن نفسى ححاول فى حياتى
انى اطبق الكلام ده ان شاء الله
ومليوووووووووووووووووووووون شكر
على محاوله انقاذ البيوت من الغرق
والضياع فى شبح الطلاق
وجعله الله لك فى ميزان حسناتك

ابورفعت
09-07-2009, 02:44 PM
بشكرك على الموضوع

و المفروض ان الزوج لما يلاقى حاجه مش عاجباه

فى زوجته انه يحاول يغير منها برضه و لو ماتغيرتش

يعمل اللى عايزه.
يعنى يحاولوا هما الأتنين ان يحافظوا على حياتهم مع بعض


انا اعتقد ان الزوج لازم ياخد زوجته كل فترة يوديها مغسله السيارات علشان تتغسل غسله تمام تنزل من مخها الافكار الخبيثه والاعتقادات السيئه والغيره
ههههههههههههههههههههههه انا شرير صح ؟؟
الرجاله غلابه جدااااااااااااااااااا

ابورفعت
09-07-2009, 02:47 PM
بجد موضوع حضرتك مش جميل بس
لأ بجد ده فوق الرائع وفعلا اجمل موضوع
وانا عن نفسى ححاول فى حياتى
انى اطبق الكلام ده ان شاء الله
ومليوووووووووووووووووووووون شكر
على محاوله انقاذ البيوت من الغرق
والضياع فى شبح الطلاق
وجعله الله لك فى ميزان حسناتك



جزاك الله خير ياسوس ياعسل على الكلام المليان فيتامينات ده

وربنا يوفقك فى بيتك وحياتك

Yamyam
09-07-2009, 03:01 PM
انا اعتقد ان الزوج لازم ياخد زوجته كل فترة يوديها مغسله السيارات علشان تتغسل غسله تمام تنزل من مخها الافكار الخبيثه والاعتقادات السيئه والغيره
ههههههههههههههههههههههه انا شرير صح ؟؟
الرجاله غلابه جدااااااااااااااااااا





مفيش فايده

برضه الزوجه هى اللى غلطانه

يا ظلمه

ابورفعت
09-07-2009, 03:04 PM
مفيش فايده

برضه الزوجه هى اللى غلطانه

يا ظلمه


لازم شخص يكون غلطان او لازم يكون الزوجيين متسامحيين
بس الخيار الثانى نادرا ماهتلاقيه او ربما مستحيل
هههههههههههههههههههه احنا ظلمه ... احنا ملايكه :D

alaa eid
09-07-2009, 08:49 PM
مووضوع رااااااااائع



جزاك الله كل خير

ابورفعت
09-08-2009, 07:18 PM
اشكرك الاء على المرور الجميل

الورده البيضاء
09-30-2009, 10:04 AM
موضوع رائع جدا
بجد جزاك الله كل خير
ربنا يباركلك فى حياتك
يارب

MEROOO
09-30-2009, 10:44 AM
يا عينى علينا احنا البنات (حالـــــــــــــيا)

والستات (مستـــــــــــــقبلا)

كل حاجة احنا السبب فيها والمفروض طبعا بما اننا السبب فى المشاكل دى كلها اننا نحلها

طب هنعمل اييييييييييييييه ولا اييييييييييييييييييييه

حد يفهمنى؟؟؟؟؟؟

ايات يوسف
09-30-2009, 11:40 PM
موضوع هااااااااااااااااااااايل

خوخة
10-02-2009, 12:43 PM
ميرسي بجد موضوعك تحفة بس انا من رأيي ان الراجل اللي عينه زايغة نوعين في نوع لما بتحاولي انك تغيره بشتي الطرق بيستجيب والنوع التاني اللي مافيش فايدة فيه مهما تحاول انك تعمل ودا بيقي مرض فيه وعلي رأي المثل اللي فيه داء عمره مايبطله والأحسن بقي انها تطلق منه وتعيش حياتها لأن واحد زي اللي من النوعية دي مايستهلش ان في واحدة تضحي وتعيش معاه

هدى على
10-09-2009, 09:03 PM
على فكرة انا اعرف رجالة متجوزة وزوجتهم مهتمية بيهم جدا وحلوين كمان وعنبهم زيغة برضك ازاى معرفش

ابورفعت
10-11-2009, 08:23 PM
اشكركم جميعا على مروركم
واسعدتنى ارائكم وردودكم الجميله

روميو الحب
10-11-2009, 10:00 PM
الله ينور عليك ولله
الموضوع جميل اوى على فكرة تسلم ايدك بجد


http://www5.0zz0.com/2009/08/02/16/682959228.jpg


لقد جئت كي أكتب كل ما اشعر به

بحثا عن أمل ينتشلني من الأحزان

ولكنني أكتشفت ان لا يبقى غير الأحزان ..

لكنني لابد أن أنتصر في يوم من الأيام على .. أحزان كانت موجودة زمان

زمان اللي كان ... لكنه مازال ... لكن سأحارب كي أقتل تلك الأحزان

كي لايبقى لها وجوداً أو مكان .

Ma7amed Adel
10-14-2009, 05:51 PM
شكرا ليك جدا يا باشا مهندس وبجد موضوع جميل ونصائح غاليه

ابورفعت
10-15-2009, 05:33 PM
اشكركم على مروركم اخوانى

جزاكم الله خير

ايات يوسف
10-17-2009, 08:00 PM
موضوع مهم ولازم كل واحده تاخد بلها من الحجات دي
وربنا يحمي اجوازنا من ان عنيهم تبقي زيغه

طالبة جامعية
10-25-2009, 01:29 PM
عارف انا اعمل اية فى ابو عين زايغة؟
اموتة
ههههه
ميرسى اوى لحضرتك عالتوبيك

ابورفعت
10-27-2009, 09:01 PM
ايات يوسف (http://www.mesa7a.com/forum/member.php?u=7011) ............... جزاك الله خير وخدى بالك قوى




طالبة جامعية (http://www.mesa7a.com/forum/member.php?u=7288) ........................ هههههههههههههه هتموتيه حته واحده
ياويلكم يارجاله