تنبيه هام جدا : مبروك كسبت 35 الف دولار

[خالد أبوسعده]

رساله على الموبايل مكتوب فيها مبروك فزت بصك وقدره 35 الف دولار


تتوقع لو جتلك الرساله دى حتعمل ايه ؟؟؟


لو انت معكش فلوس و دول جولك نجده حتعمل ايه ؟؟


حتتصل ؟؟ ولا حتطنش


الرساله دى وصلت فعلا لعدد كبير من المصريين و للاسف ناس كتير منهم اتصلت و رد عليهم واحده لذيذه كدا مسجله على الحاسب الالى قاعده ترغى معاهم فى البيانات و حاجات كتير شخصيه


المكالمه بتوصل فى مدتها ل 30 و 40 دقيقه



و فى الاخر


ولا حاجه


ناس وصلت انها اتصلت بالرقم دا ب 250 جنيه فى مكالمه واحده و سر الدقيقه الدولى معروف للجميع


طريقه جديده للنصب بس المرادى من بره مصر مش من جوه


سبحان الله


فانا انبه كل الى يجيله الرساله دى


مبروك فزت بصك وقدره 35 الف دولار و رقم كذا و اتصل على الرقم التالى


00423662692119


و فى ناس بتجلهم الرقم دا


00423662902726


و ناس تانيه بتجيلهم على الرقم


00423662902729


خدو بالكم يا جماعه كويس جدا الموضوع دا نصب و الكود بتاع البلد دا من سلوفكيا و التشيك


عنوان الرساله بيبقى


luckly او hurry


انا بكتب الموضوع دا بناء على تجربه ناس اعرفهم اتنصب عليهم



و لما بحثت فى النت لقيت ناس كتييييييير اوى اتنصب عليهم


اوعى تتصل بيهم / اوعى تتصلى بيهم



ارجوا اتخاذ الحذر و ربنا يحمى المسلمين جميعا

[ALY ELSAYED]

:1:

الله ينور يا خالد

الرسايل عندي علي الايميل بالهبل

وبتبقي ملايين كمان ههههههههه

ويقولك البريد العشوائي ومش عارف ايه

وفعلا كله نصب * نصب

شكرا ليك يا خالد علي التحزير

جزاك الله كل خير

[خالد أبوسعده]

المشكله و الجديد


انها على الموبايلات عدت مرحله النت بكتير


و جايين على الناس الغلابه

و بنقس نص الرساله على كل الموبايلات

لدرجه انها جت لاتنين واقفين جنبى مره واحده هههههههه

كان واحد فيهم كع الى فى النصيب

[farida]

هو فيه كدة فعلا؟

حسبنا الله ونعم الوكيل فيهم

بس جزاك الله كل خير يا خالد

انا و اكيد غيري كتير مكنوش يعرفوا

ميرسي جدا ليك

[AHMED FTIHA]

عندك حق ياخالد الرساله دى جتلى على فكرة
بس لما لاقيت الرقم دة ضحكت اوى
انما لو جنيه اتنين جنيه ونص كان ممكن اصدق ههههههههههههه

[Marwa Mahmoud]

جزاك الله كل خير يا خالد

حسبى الله ونعم الوكيل فى قلة الضمير

[خالد أبوسعده]

المهم كلنا ناخد بالنا من الموضوع دا

[Marwa Magdy]

الف شكر ليك يا خالد على التنبيه دا
جزاك الله كل خير

[خالد أبوسعده]

جزانا و اياككم يا مروه

[Zooma]

والله بينى وبينك يا واد يا خالود
الناس العقله مش هتتصل يعنى لان كل الناس
مشيه ع راى المثل " الحدايه ماعم تسقط كتاكيت "

وميرسى اكتيييييير
ع هالمعلومه يا خالد

[خالد أبوسعده]

والله بينى وبينك يا واد يا خالود



الناس العقله مش هتتصل يعنى لان كل الناس
مشيه ع راى المثل " الحدايه ماعم تسقط كتاكيت "


وميرسى اكتيييييير


ع هالمعلومه يا خالد



على رايك و الله يا زوووم


الحدايه مبترميش كتاكيت

[sweet girl]

جزاك الله خيرا
وشكرا عالتحذير

[eslam mamdouh]

شكرا ليك جدا يا خالد على التنبيه

جزاك الله كل خير

[خالد أبوسعده]

جزانا و اياكم يا جماعه

[alaa eid]

ميرسي خااااااااالص يا خالد علي المعلومات


وحسبي الله ونعم الوكيــــــــــل

[خالد أبوسعده]

بشكرك يا الاء على كلامك

واتمنى ان كلنا ننتبه من الحاجات الى زى دى

[mzmz2006]

هههههههههههه انا جاتلي الرساله ديه بالرقم ده فاورتها لاخوياقالي هي الحدايه بترمي كتاكيت كبيره اوي كده ليه روحت عملت بحث علي جوجل لاقيت المنتدي ده بس كان نفسي حد يقول انا استلمت حاجه عشان نغتني و نغنغن زمن الزيرو تسعميه
شكرا ليكم علي التوضيح00423662902729

[MUHAMED SAMY]

.....شكرا ع التنويه ....وكمان انا سمعت عن رقم بيتصل لورديت بيسبب امراض بس اكيد اشتغالة

[KAREEM]

انا جات لى الرسالة دى بالظبط فعلا
ولا عبرت
بعديها ب 5 دقايق جات لاخويا
وفرح واى
قلت له كسبتهم قبلك متخفش
ههههههههههههههههههههههه
شكرا ع التحذير
جزاك الله عنا خير

[Wild_Angel]

لا حول ولا قوة الا بالله
اولا شكراً ليك يا خالد على التوضيح
بس الغريبه هما جايبين الارقام دى منين ؟؟ ولا هما بيضربوها حظ ؟

جزاك الله خيراً يا خالد
وربنا يسترها معانا

[el mosikaro]

تسلم يا غالي والله وفعلا لسه الدنيا بخير يمكن تكون انت سبب لنشر هذا الوعي بين الناس من خلالنا كمان

ربنا يباركلك