المساعد الشخصي الرقمي

مشاهدة النسخة كاملة : عايز حل لمشكلتك ؟.....ادخل هنا



raul
09-19-2009, 11:10 PM
انا عامل الصفحة دى لجميع اعضاء المنتدى
والصفحة دى حتكون للى عنده مشكلة فى اى حاجة يعرضها هنا
لان كلنا اخوات......ولازم نحس ببعض
ومحدش يتكسف من المشكلة اللى حيعرضها
جايز يلاقى حل كان بعيد عن باله او حتى كان فى باله بس محتاج حد يأكد الحل ده
ومن خلال الحلول اللى حتتعرض يقدر يحل مشكلته
وما خاب من استشار




يا رب الفكرة تعجبكو
ويا رب الاقى تجاوب
لا للسلبية.......نعم للايجابية

اسامه البنا
09-19-2009, 11:41 PM
يا رب الفكرة تعجبكو

ان شاء الله هتكون فكره كويسهوشكلك كده عضو له تاثيرهالله ينور


وكمان هنعمل اكونتي للمشكلات يعني الي عاوز يخش بيه

مشكلتي انا

والباص ورد

12345

ده علشان الي مش عاوز يخش بالاكونت بتاعه

raul
09-20-2009, 06:25 AM
شكرا لمرورك الجميل يا اسامة
وتقبل منى فائق الاحترام
ويا رب الكل يشارك ويعرض مشاكله

ALY ELSAYED
09-20-2009, 11:15 AM
ههههههههههه

ماشي يا حوده شكلك كده مصلح اجتماعي

بس الفكره حلوه واتمني ان الناس كلها تتفاعل

وان شاء الله حضع معاك حلول لاي مشكله بعون الله

جزاك الله كل خير

raul
09-20-2009, 04:11 PM
شكرا لمرورك يا على
بس عايز اقولك ان مش انا لوحدى اللى حضع حلول
ده المفروض بمجرد عرض المشكلة .....اى حد يدخل للمشاركة فى الحل
يا رب نفيد ونستفيد

AHMED FTIHA
09-20-2009, 04:42 PM
الله ينور يامحمود ايه يابنى الشغل الجامد دة ماشاء الله
ان شاء الله حصدعك بمشاكلى بس انتا حل بس هههههههههه

raul
09-20-2009, 04:57 PM
هههههههههههههههة
ربنا مايجيب مشاكل
بلاش كلمة مشاكل دى .....نسميها احسن زوبعة فى فنجان

خالد أبوسعده
09-20-2009, 05:31 PM
و الله هى الفكره جميله جدا

بس يا محمود الناس هنا كلها عارفه بعضها

و محدش حيرضى يقول باسمه لانه كدا كانه بيقول للى ميعرفش اعرف

فاقترح عضويه

تكون معروفه باسمها و الباسورد بتاعها

زى مثلا مشكله

او اى اسم تانى

بحيث اننا نرفع الاحراج و ضمان لسريه الموضوع بالنسبه للى بيقول المشكله

بس الفكره جميله و ان شاء الله تساعد ناس كتير

sweet girl
09-20-2009, 05:37 PM
الفكره جميله يا راؤؤؤل
الله ينور
وحلو اوى كلام خالد
بالعضويه ديه ممكن كتير يشارك
لانها هتبقى حاجه محرجه اوى انه يدخل باسمه
جزاكم الله خيرا
وان شاء الله كلنا نساعد بعض

raul
09-20-2009, 05:46 PM
شكرا لمرورك يا خالد
وشكرا لمروك يا هند
وفكرتك حلوة.....ويالا نطبقها
بس انا كنت عايز اللى يقول مشكلة يقولها بأسمه
علشان احنا هنا كلنا اخوات.......وبعدين يعنى هو حد حيمسك على حد ذلة؟
احنا كلنا بنوقع فى مشاكل
بس برده منعا للاحراج نطبق فكرة خالد......وشكرا يا خالد للاضافة الجامدة دى

ALY ELSAYED
09-20-2009, 06:48 PM
انا شايف يا حوده

ان فكره خالد تشجيعيه فعلا

وممكن بكده اي حد يتجرء ويقول مشكلته

لو صعب انه يقولها

واحنا يهمنا خدمه اخوتنا بدون اي تجريح

جزاك الله كل خير

raul
09-21-2009, 06:44 PM
تمام يا على
بس انا لسة مش لاقى تفاعل
مش عارف الناس مكسوفة تدخل ولا خايفة تدخل وتقول اللى جواها ولا ايه؟
اتمنى المشاركة

ساره مجدى
09-21-2009, 07:34 PM
الفكره جميله جدا يامحمود
وحعبر عن اعجابى بفكرتك بطريقه عمليه
انى حعرض مشكله بتواجهنى ومش عارفه احلها
وهى -------------------
انى ليه واحده صحبتى جدعه جدا صحيح انى صحبتها فته قصيره بس هى وقفت جنبى فى وقت اعز صحابى موقفوش جنبى عشان كده بقى ليها عندى قيمه خاصه جدا وقررت انى اردلهاالجميل مهما طال الوقت .
وبعد فتره عرفت انها اتخطبت وفرحتلها جدا بس زعلت عليها جدا لما عرفت العريس لأنه كان الخطيب السابق لأنتمتى وعارفه اد ايه الأنسان ده مش كويس وهى احسن وافضل منه 100مره وفعلا هى خساره فيه .
ولما عرفت انتمتى حاولت تعمل خير وكلمتها وحاولت تفهما أد ايه الأنسان ده سيء
بس هى فهمت الموضوع انها غيرانه منها وقطعت علاقتها بيها
وانا بصراحه نفسى اكلمها وانصحها انها خساره فيه بس خايفه تفهم انى بعمل كده عشان انتمتى
وانى بحاول افرق بينها وبين خطيبها واخسرها نهائيا .
ايه رأيكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟



-

raul
09-21-2009, 09:16 PM
والله بصى
الحق حق ان يتبع
طول ما انتى بتعملى حاجة صح ميهمكيش رد فعل الاخرين مهما كان
وعلى فكرة حتى لو خسرتيها وانتى على حق حترجعلك تانى



وده رأيى الشخصى
والله الموفق

Mahmoud Slem
09-21-2009, 09:19 PM
ايه يا حوده الشغل الجامد ده

الله ينور وتسلم ايدك

raul
09-22-2009, 12:52 AM
متشكر يا حودة على مرورك
بس عايز اسمع وجهات نظر تانية لحل المشكلة المعروضة
يالا يا جماعة نساعد بعض

ALY ELSAYED
09-22-2009, 04:27 AM
بصي يا سوس في البدايه صحبتك اتسرعت في انها تنصحها

بان الشخص دا وحش لانه كانو خطبها قبل كده

وليها الحق انها تذون ان ده غيره

وفعلا انتي لو نصحتيها ممكن تفهمك غلط برده

بس انتي لو حبه تصنحيها متنصحهاش انها تسيبه علي طول عشان كذا وكذا

يمكن يكون هو اتغير وبقي احسن ومفيش حاجه بتفضل علي حالها

انصحيها انها تخلي بالها منه وتحرص معاه جدا لحد محيظهر علي حقيقته

والله حصل توافق مبنهم بعد كده يبقي دا نصيب بتاع ربنا

جزاكي الله كل خير

GooD_DrSh
09-22-2009, 09:42 AM
التوبيك دا بجد المفروض كان اتسبت ..
ياريت يا جماعه المشرف يسبتلنا التوبيك كدا ..
فكره جااامده جداا يا راؤل بحيييك عليهاااااااا ..
اما بقى للمشكله المعروضه ..
انتى ممكن تنصحى انتيمتك انها تقول لصاحبتك المخطوبه دلوقتى .. على نقط الضعف الموجوده فى خطيبها دلوقتى عشان تسبتيلها انه انسان ميستهالهاااش ولكيى مطلق الحريه ف كدا يعنى بأى طريقه بس ابعدى عن مسجات الموبايل

وطبعا نقط الضعف دى يعنى قوليها اساليه عن كزا هتلقيه بيقولك كزا ... اطلبى منه يعمل كزا وشوفى هيعمل ولا لاء ..
يعنى الحاجات ال كانت وحشه فيه وانتيمتك عارفااهاا عنه
بالطريقه دى هتقدرى تسبتى ان انتيمتك على حق ف كل كلمه قالته عنه ..

ThanX

اسامه البنا
09-22-2009, 12:12 PM
ولما عرفت انتمتى حاولت تعمل خير وكلمتها وحاولت تفهما أد ايه الأنسان ده سيء



انتي غلطانه في كده
انتي كنتي اتصرفي عادي خالص
واشرحلها الموضوع بشكل غير مباشر
عن الشخص ده مع خطيبته السابقه
وحده وحده هي يا تفهم وتسيبه
يا تفهم وتطنش

Horiaa Swedan
09-22-2009, 12:19 PM
و الله هى الفكره جميله جدا

بس يا محمود الناس هنا كلها عارفه بعضها

و محدش حيرضى يقول باسمه لانه كدا كانه بيقول للى ميعرفش اعرف

فاقترح عضويه

تكون معروفه باسمها و الباسورد بتاعها

زى مثلا مشكله

او اى اسم تانى

بحيث اننا نرفع الاحراج و ضمان لسريه الموضوع بالنسبه للى بيقول المشكله

بس الفكره جميله و ان شاء الله تساعد ناس كتير


يا جماعه فكرت مشكلتى ونكتب بعضويه تانيه دى فعلا موجوده بس مش عارفه فى قسم ايه اصراحه كان حتطها شهاب

مشكلتى انا
09-22-2009, 12:41 PM
بصوا يا جماعه

انا عملت اكونتي للموضوع

مشكلتى انا (http://www.mesa7a.com/forum/login.php?do=logout&logouthash=989575ebdc918a4e7c3adefbd9ae4239)


والباص ورد
12345


علشان الي عاوز يطرح مشكلته مش من الاكونت بتاعه

مشكلتى انا
09-22-2009, 06:42 PM
اولا بحب اشكر صاحب الفكرة على الموضوع الجميل ده
ربنا يجزيك خير
ومشكلتى ان انا بحب واحدة ومرتبط بيها وهى زميلتى فى الكلية
بس المشكلة بقى ان البنت اللى مرتبط بيها كان بيحبها واحد صاحبى قبل انا ما ارتبط بيها
المهم محصلش نصيب بينهم....وانا حبتها وارتبطنا
لكن لاقيت ان نظرات صاحبى ليا كلها غيرة منى ونظراته ليها كلها حب
وحصل كذا موقف اكدولى الكلام ده
انا دلوقتى محتار اعمل ايه؟
مع العلم انى بحب البنت دى جدا........وصاحبى ده من اعز اصحابى
حد يوجهنى ويقولى اعمل ايه؟

samomran
09-22-2009, 06:46 PM
بص انا حقولك على حاجه لو تاكدت ان اللى حصل ده حيخسرك صاحبك يبقى تسيب البنت دى و تكسب صاحبك و اللى خلقها خلق غيرها ده رايى

raul
09-22-2009, 06:54 PM
انا رأيى انك تحاول تعمل معادلة بين الاتنين
بمعنى انك تعمل فصل بينهم
يعنى صاحبك ليه وقته ومكانه وحبيبتك ليها وقتها ومكانها
بمعنى اخر اكثر توضيح انك تبعد الاتنين عن بعض خالص
وبالشكل ده مش حتخسر اعز اصحابك وفى نفس الوقت م حتخسر حبيبتك



بحييك على مشاركتك الفعالة دى

Soma
09-23-2009, 05:39 AM
فكرة جميلة جدا
تعرف خاطرتلى الفكرة دى زمااااااااااان بس قلت ان مش حيبقى فى تجاوب عشان مفيش حد بيحب يحكى عن مشاكله بس كويس جدا انك فكرت فيها ونفذتها
ان شاء الله نتجاوب معاك كلنا ونساعد فى حل اى مشكلة
جزاك الله كل خير

Soma
09-23-2009, 05:48 AM
اولا بحب اشكر صاحب الفكرة على الموضوع الجميل ده
ربنا يجزيك خير
ومشكلتى ان انا بحب واحدة ومرتبط بيها وهى زميلتى فى الكلية
بس المشكلة بقى ان البنت اللى مرتبط بيها كان بيحبها واحد صاحبى قبل انا ما ارتبط بيها
المهم محصلش نصيب بينهم....وانا حبتها وارتبطنا
لكن لاقيت ان نظرات صاحبى ليا كلها غيرة منى ونظراته ليها كلها حب
وحصل كذا موقف اكدولى الكلام ده
انا دلوقتى محتار اعمل ايه؟
مع العلم انى بحب البنت دى جدا........وصاحبى ده من اعز اصحابى
حد يوجهنى ويقولى اعمل ايه؟


مع راى رؤول برضه انك تحاول تفصل بينهم ولو البنت دى كويسة وبتحبك وانت واثق منها فعلا متخفش من صاحبك اكيد هى حتعرف تتصرف معاه بس انت تحاول انك تخليهم ميتقابلوش ولو هو صاحب مش كويس يبقى تبعد عنه احسن عشان لو هو صاحبك بجد وبيحبك هو من نفسه حيبعد عن خطيبتك لكن لو فضلت تصرفاته زى ما هى يبقى تسيب صاحبك احسن عشان ممكن يعملك مشاكل بعد كده عموما على حسب ثقتك فيهم وتشوف انت شايف ايه مين اللى بيحاول يعمل مشكلة واتصرف بحيادية وربنا يوفقك

ساره مجدى
09-23-2009, 10:37 AM
بجد بشكر الجميع على محاولاتهم لحل المشكله
بس عايزه افهم ليه (( ولكيى مطلق الحريه ف كدا يعنى بأى طريقه بس ابعدى عن مسجات الموبايل ))؟
لأنى فعلا كنت حعمل كده
بس ايه رأيكم لو قولت لمامتها؟
حتكرهنى خالص مش كده؟


-

raul
09-23-2009, 02:09 PM
اظن ان احنا كبرنا خلاص وعدينا مرحلة ان احنا ندخل الكبار فى مشاكلنا
بلاش تقولى لولدتها
واتصرفى معاها

Marwa Magdy
09-23-2009, 10:35 PM
فكره جميله اوى يا راؤل
الله ينور

raul
09-24-2009, 12:54 AM
[شكرا لمرورك يا مروة
بس فين مشاركتك فى الحل؟
يا جماعة انا عامل الموضوع علشان كلنا نساعد بعض
مش اللى يدخل الموضوع يقولى دى فكرة حلوة وخلاص على كدة
انا عايز مشاركة
فاهمينى؟؟؟؟؟؟

اسف يا مروة ...بس انا مقصدش ادايقك

مشكلتى انا
09-25-2009, 02:32 AM
السلام عليكم
بصراحه انا مش عارفه ابدا منين
بس انا اتبسطت جدا لما شوفت التوبيك ده
وبتمنى انكم تساعدونى وتقولولى ارائكم
لان الموضوع ده تاعبنى جدا
انا وبدون مقدمات بحب معيد عندى فالكليه بقالى فتره وهو مش عارف ولا حاسس بيا اصلا
بصوا يا جماعه انا عارفه انى مش مناسبه ليه من جوانب كتيره
لكن انا بحبه ومش عارفه اعمل ايه ولا عارفه اتصرف
تفتكرو انه ممكن يحس بيا ولو حس ممكن يرتبط بيا ولا برضه لا
انا فحيره كبيره وبتمنى تساعدونى
شكرا ليكم

ALY ELSAYED
09-25-2009, 02:41 AM
يا بنتي ولا مشكله ولا حاجه

ومع اني محبش اكلم في الحب والكلام ده

بس انتي مش قدامك غير انك تلمحيله بحبك وده سهل

ولو مفيش قبول خلاص كبري دماغك وخليكي واثقه من نفسك

وابن الحلال حيجيلك لحد البيت يخبط عليكي

علي فكره الحب من طرف واحد مش حب لان الحب تكامل

انتي ممكن تكوني معجبه مش اكتر

وعشان كده متقلاقيش

جزاكي الله كل خير

raul
09-25-2009, 02:48 AM
بصى صلى على النبى
البنت بنت
يعنى لازم تعزز نفسها ........مينفعش تروحى تقليله
وهو لو انتى لافته نظره حيكلمك ويعبرلك عن حبه
بس لو انتى بتحبيه بجد احتفظى بحبك ده لنفسك واعتبريه ذكرى حلوة


باختصار (مينفعش تقليله او تلمحيله حتى)
وده رايى الشخصى


يا رب اكون افدت

sweet girl
09-25-2009, 02:57 AM
[quote=raul;183636]بصى صلى على النبى
البنت بنت
يعنى لازم تعزز نفسها ........


[SIZE=5][COLOR=blue]عجبتنى اوى الجمله ديه والله
عندك حق يا راؤل
انا شايفه انه اكيييييييد فهم انك بتحبيه لان الحكايه ديه بتبقى ظاهره اوى
يعنى العمليه مش محتاجه اصلا لتلميح لان زى ما بيقولو (اللى بيحب عينيه بتفضحه )
فانا من رايي انك متعمليش اى حاجه خالص وهو اكيد عرف بحبك ده فاصبرى شويه
واكيد اكيد لو ليكى نصيب معاه هتكونى وياه مهما يحصل ومهما تكون قدامك عقبات بس لو انتى شايفه ان الموضوع صعب اوى او مستحيل ابعدى ومتعلقيش نفسك
وزى ما كارمو قال ان نصيبك هيخبط على بابك
وربنا يهديكى الى الصواب

Soma
09-25-2009, 03:55 AM
الله ينور عليكوا بجد انا برضه رايى زى رايهم ان البنت لازم تعزز من نفسها بصى احسن حاجة انك تحاولى متفكريش فيه وانسيه خالص عشان متتعلقيش بحاجة ممكن متحصلش ولو فى نصيب غصب عنك وعنه حترتبطى بيه ولو مفيش نصيب غصب عنكوا برضه مش حيحصل ارتباط
وربنا يوفقك ويكرمك بانسان كويس

مشكلتى انا
09-26-2009, 03:37 PM
السلام عليكم ورحمة الله وبركاته
عندى مشكلة
انا اكبر اخواتى بس انا حاسس انى اصغر واحد فيهم بسبب المعاملة
انا حاسس انى مش ليا لازمة فى البيت
محدش مهتم بيا الكل بيستهتر بكلامى ورأيى
حتى بين اصحابى حاسس انى مش فعال
حاسس انى حاجة كدة كمالة عدد وخلاص
محدش بيقدرنى ولا حد بيحس بيا ابدا
مش عارف بقى العيب فيا والا العيب فى الناس؟

انا محتار ومش لاقى حل للمشكلة دى
يا ريت تساعدونى

خالد أبوسعده
09-26-2009, 03:51 PM
الشخص ههو الى بيفرض احترامه على الناس

اعرف ان من اهم اسباب انك توصل لمرحله دى مش الناس

هو انت

خلى عندك ثقه فى نفسك و متحطش نفسك فى وضع كماله العدد او وضع المهمش

اول ما تحس انك فى الوضع دا اخرج من الموضوع اصلا

كماله عدد او مهمش مع اصحابك يبقى بلاش احسن تصاحبهم

صاحب واحد يبقى اخدك علشانك احسن 100 مره من عشره مهمشينك

مع اخواتك انت الكبير

الكبير دا مش بالاسم بس

بالفعل

و زى ما قولتك فى الاول

سبب الى انت فيه

انت مش حد تانى

انت الى ظلمت نفسك بانك سمحتلهم يحطوك فى الوضع دا و انت راضى

اتمنى تكون فهمت كلامى

raul
09-26-2009, 05:15 PM
انا من رأى خالد
وعلى فكرة الحل بسيط جدا
مش اكتر من انك تاخد موقف ..............بس من مين؟
من نفسك
لازم تواجه نفسك بحقيقتها وتحاول تكسر ضعفك جواك
يا رب تكون اجابتى وصلت

ساره مجدى
10-07-2009, 12:13 PM
السلام عليكم
بصراحه انا مش عارفه ابدا منين
بس انا اتبسطت جدا لما شوفت التوبيك ده
وبتمنى انكم تساعدونى وتقولولى ارائكم
لان الموضوع ده تاعبنى جدا
انا وبدون مقدمات بحب معيد عندى فالكليه بقالى فتره وهو مش عارف ولا حاسس بيا اصلا
بصوا يا جماعه انا عارفه انى مش مناسبه ليه من جوانب كتيره
لكن انا بحبه ومش عارفه اعمل ايه ولا عارفه اتصرف
تفتكرو انه ممكن يحس بيا ولو حس ممكن يرتبط بيا ولا برضه لا
انا فحيره كبيره وبتمنى تساعدونى
شكرا ليكم



اولا انا مش عايزاكى تزعلى من اى كلمه حقولهالك ماشى
ثانيا الى انتى حاساه تجاه المعيد ده مش حب مهما حاولتى تقنعى نفسك بيه ديه مشاعر مراهقه عاديه جدا كلنا مرينا بيها الى حبت استاذها والى حبت معيدها والى حبت الدكتور بتاعها
انتى بتشوفى فيه موصفات فتى احلامك لأنك بتحترميه ومعجبه بشخصيته ولأنه اكيد معاملته كويسه وده الى انتى بتتمنى ان يكون فى شريك عمرك
بس صدقينى مجرد ما حتبعدى عنه وتعطى نفسك فرصه فى التفكير اى انسان اخر يكون مناسب ليكى او يكون بيحبك حتعرفى ان كل الى كنتى بتكنيه للمعيد ده مجرد اوهام ولازم تفكرى بعقلك قبل قلبك لو عايزه حبك يستمر ويكون حبيبك حب عمرك
وعيزاكى تفكرى فى المعيد ده انه مجرد اخ كبير ليكى صدقينى كده افضل وانتى نفسك حترتاحى فى معاملتك معاه واكيد المعيد ده فى حياته انسانه بيحبها وبتحبه فكرى فى حياتك ونفسك ومتضيعيش مشاعرك الجميله على اوهام وسراب
اسفه لو كنت ضايقتك او طولت عليكى بس والله انا كلمتك ونصحتك كأخت ليه .



-

هدى على
10-08-2009, 12:50 PM
فعلا انا رايى من راى على

raul
10-13-2009, 11:56 PM
مش كدة برده يا هدى؟
كلام على صح ميه الميه

مشكلتى انا
10-15-2009, 09:45 PM
السلام عليكم ورحمة الله وبركاتة

مشكلتى انا بقى مش لقيالها حل
اتعرفت على شاب من عالشات
وبنتكلم لينا شهور طويلة
وبنتكلم فى التليفون وهو من بلد وانا من بلد
وكتير جدا حاولت ابعد عنة لكن مكنتش باعرف
حاسة انة خلاص بقى جزء من حياتى وهو كمان بيحبنى جدااااااا
وعايز يتقدملى
مش عارفة اوافق ولالا
طب لو وافقت اقول لاهلى عرفتة منين؟
مع انة اهلة ناس كويسين جداا ومحترمين
بس المشكلة انى مش هاعرف اواجة اهلى بية
اعمل اية انصحونى
جزاكم الله كل خير
ملحوظة
انة عمرة ماشافنى ولاشوفتة غير فى الصور فقط وهى كانت مرة واحدة
بس احنا تفكيرنا متشابة جدااااااااا

شيرين عبد التواب
10-15-2009, 10:03 PM
فكرة جميلة واللهم فك كرب كل مسلم

raul
10-15-2009, 11:01 PM
من وجهة نظرى
مافيش حاجة اسمها بحبه وبيحبنى من على الشات
لازم تكونى اتكلمتى معاه وجها لوجه .. جايز جدا يحسسك انه بيبكى وهو ميت من الضحك
وممكن يحسسك انه بيضحك وهو بيبكى
المقصود من كلامى انك عمرك ما تعرفى اذا كان اللى قدامك ده صادق ولا كاذب الا عن طريق حاجة واحدة بس وهى :
(تعبيرات وجهه)

اظن كدة الرسالة وصلت .. يعنى سيبك من الوهم الكبير اللى انتى عايشاه اللى اسمه الشات
والله الموفق

ESRAA...F
10-17-2009, 12:23 PM
موضوع رائع يا راؤول

الله ينور عليك

كنت محتاجاه فعلا

بص هى مشكلة واحدة صاحبتى بس هى ما بتدخلشى على النت وكمان هى مش مساحة وانا نفسى افيدها فى المشكلة دى

عموما انا هاعرف هى وصلت لحد فين وهاخد رايكم


ميرسى جدا عالافكار المميزة دى

جزاك الله كل خير

ESRAA...F
10-17-2009, 12:36 PM
السلام عليكم ورحمة الله وبركاتة

مشكلتى انا بقى مش لقيالها حل
اتعرفت على شاب من عالشات
وبنتكلم لينا شهور طويلة
وبنتكلم فى التليفون وهو من بلد وانا من بلد
وكتير جدا حاولت ابعد عنة لكن مكنتش باعرف
حاسة انة خلاص بقى جزء من حياتى وهو كمان بيحبنى جدااااااا
وعايز يتقدملى
مش عارفة اوافق ولالا
طب لو وافقت اقول لاهلى عرفتة منين؟
مع انة اهلة ناس كويسين جداا ومحترمين
بس المشكلة انى مش هاعرف اواجة اهلى بية
اعمل اية انصحونى
جزاكم الله كل خير
ملحوظة
انة عمرة ماشافنى ولاشوفتة غير فى الصور فقط وهى كانت مرة واحدة
بس احنا تفكيرنا متشابة جدااااااااا



انا مع راى راؤول

بس بانصحك انا تعملى صلاة استخارة

ولو لقيتى نفسك مستريحة له ممكن تبدئى وتكلمى مامتك بينك وبينها وتستشيريها

ومادام هو عاوز ييجى يتقدملك يبقى نيته سليمة بس اوعى تقابليه برة البيت لان ده اللى هيثبتلك حسن نيته

وعموما ربنا معاكى

raul
10-18-2009, 09:16 PM
شكرا لمرورك يا اسراء
وبحييكى على ردك المعقول جدا


يا رب صاحبة المشكلة تكون لقت الحل

ESRAA...F
10-22-2009, 08:44 AM
مشكلة صاحبتى انها بادئة من فترة صغيرة تشتغل
قابلت واحد طيب جدا كان بيساعدها ووقف معاها وعلمها حاجات كتير فى الشغل لدرجة انها مرة وقعت فى مشكلة وهو اللى لفت نظرها وحلها لها من غير ما حد من اللى معاهم يعرف

المهم فى يوم دخل واحد زميله يكلمه فدخلوها فى الكلام فسمعت كلام من صاحبه ما عجبهاش فاتلككت وخرجت من الاوضة وفضلت فترة مش بتكلمه ولما سالها ايه السبب فكرته بالموقف و قالت له كلام جامد شوية بس هو ما ردش عليها خالص وسكت

بعدها عرفت ان هو زعل من زميله بسبب الموضوع ده حاولت تصالحه قالها ما تتكلمشى فى الموضوع ده تانى ولحد دلوقتى هى شايفة فى عينيه نظرة زعل منها باينة اوى وهى حاسة انه قاصد يوريهالها

المشكلة انه قدام الناس بيعاملها احسن معاملة ولسه بيقف معاها وكأن مفيش حاجة خالص وان غابت يوم يسال عنها لكن بينه وبينها زعلان اوى

هى محتارة تسيب الشغل ده واللا لا لانها عمرها ما هتكمل بالشكل ده وفى نفس الوقت صعبان عليها تخسره

بالله عليكم يا جماعة عاوزة رايكم

مع العلم ان الشغل ده مش مهم خالص بالنسبة لها ومستعدة تسيبه لو ده افضل له

واسفة للاطالة

raul
10-22-2009, 07:03 PM
والله انا مش شايف اى سبب ان صاحبة المشكلة تسيب الشغل بتاعها يعنى
وموضوع زعل زميلها منها مسير الايام تتداويه
ربنا عطانا نعمة كبيرة اوى احنا مش عارفين قيمتها
(النسيــــــــــــــــــــــــــــــــــــــــان)


واى شىء فى الدنيا بيتولد صغير وبعد كدة يكبر
ما عدا حاجة واحدة (الحزن او الزعل يعنى)
بيتولد كبير وبعد كدة يصغر


ودى وجهة نظرى .. قابلة للقبول وقابلة للرفض
شكرا يا اسراء لمشاركتك

مشكلتى انا
11-05-2009, 10:18 PM
بسم الله الرحمن الرحيم
مشكلتى انا
انى بحب واحد جداااااااااا جداااااااااااااااا
واحيانا بحس انة بيحبنى زى مابحبة واحيان تانية لا
بحس انى مش فى دماغة
بنتكلم كتير عالميل وكان عندى مشكلة هو اول واحد وقف جنبى فيها وقربنى لية
اما بيفتح ميلة اول مايبقى اون لاين ضربات قلبى بتزيد جدا
وايديا بتسق وباترعش جامد
وببقى ملهوفة علية اوى اوى
لكن باحس انة بيتقل عليا جامد اوى
مش عارفة اعمل معاة اية
انا لغاية دلوقتى مش مستقرة معاة على بر اذا كان بيحبنى ولالا
وفى حاجة كمان
انة عايز يقابلنى فى الكلية
انا لغاية دلوقتى رافضة
مش عارفة اوافق ولا لا
هو بيلمحلى انة عايز يتقدملى
بس مقلهاش مباشرة
انا مش عارفة اعمل اية
ومش قادرة ابعد عنة
حتى لو بعدت عنة ومنعت نفسى عنة بيفضل دايما فى بالى وتفكيرى
ياريت تفيدونى

raul
11-05-2009, 11:41 PM
السلام عليكم ورحمة الله وبركاته
يا صاحبة المشكلة مافيش مشكلة
انتى بتحبيه .. وهو بيلمحلك انه عايز يتقدملك
يبقى اكيد نيته خير واذا كان عايز يقابلك ده برده معقول
جايز جدا يصارحك بمشاعره نحيتك

من رأيى انك تقابليه وتسمعى منه
وده طبعا حيبين انه عايزك بجد ولا بيتسلى وخلاص

يا رب اكون قدرت اقدم جزء من المساعدة وتابعى الموضوع واكيد اخواتك هنا حيفيدوكى بأذن الله

محمد الفرارجي
11-06-2009, 01:14 AM
بسم الله الرحمن الرحيم
مشكلتى انا
انى بحب واحد جداااااااااا جداااااااااااااااا
واحيانا بحس انة بيحبنى زى مابحبة واحيان تانية لا
بحس انى مش فى دماغة
بنتكلم كتير عالميل وكان عندى مشكلة هو اول واحد وقف جنبى فيها وقربنى لية
اما بيفتح ميلة اول مايبقى اون لاين ضربات قلبى بتزيد جدا
وايديا بتسق وباترعش جامد
وببقى ملهوفة علية اوى اوى
لكن باحس انة بيتقل عليا جامد اوى
مش عارفة اعمل معاة اية
انا لغاية دلوقتى مش مستقرة معاة على بر اذا كان بيحبنى ولالا
وفى حاجة كمان
انة عايز يقابلنى فى الكلية
انا لغاية دلوقتى رافضة
مش عارفة اوافق ولا لا
هو بيلمحلى انة عايز يتقدملى
بس مقلهاش مباشرة
انا مش عارفة اعمل اية
ومش قادرة ابعد عنة
حتى لو بعدت عنة ومنعت نفسى عنة بيفضل دايما فى بالى وتفكيرى
ياريت تفيدونى

ههههههههههههههههههههههههههههههه

انتي شربات خالص

يعني انتي عاملة اشتراك مخصوص بانك عندك مشكلة

بصي يا ستي ومن أخ أكبر منك وبما يرضي الله.

موضوع الارتباط عن طريق وسائل التعارف المختلفة دي ما بينزليش من زور.

بيلمح لك؟

يعني لسه ما صرحش؟

طب ليه؟

وبعدين انتي متلهفة عليه ليه كده؟

ما ينفعش أصلا انتي لازم تكوني غالية قوي عشان يحافظ عليكي ده لو كان فيه ارتباط من أصله. مش تندلقي كده عليه ويا عالم هيرتبط بيكي وألا لأ.
وبعدين لو اتعلقتي بيه وطلع ولد مش متربي يبقى عليه العوض فيكي.

استعيني بالله كده وفكك من الكلام ده نسبة النجاح في الجواز بالطريقة دي ضعيفة جدا وما بتعمرش كل واحد في الطرفين بيتصدم بالطرف التاني لأنهم شافوا بعض بالكلام مش بالمواقف

وصدقيني لو شافك سهلة هترخصي عنده قوي.

بصي يا بنت الناس فيه حاجة اسمها جواز ومسئولية وبيت بتفتح ومصاريف لو لسه طالب يبقى صدقيني إلغي الموضوع من دماغك

هتعشمي نفسك وخلاص لأنه من الآخر مش هينفع لا أهلك هيوافقوا ولا أهله هيوافقوا.

لو الراجل شغال ويقدر يتحمل مسئولية ويفتح بيت يبقى خلاص الباب مفتوح ويتقدم وفيه حاجة اسمها خطوبة تعرفوا بعض زي ما انتوا عايزين.

إنما عايز يقابلك والكلام ده ما يصحش أصلا.

يخطب وخلاص حصل نصيب يبقى كملتوا على نور وما استمرتوش في الغلط.

ما حصلش نصيب يبقى عالأقل اكتسب قدر من الاحترام بإنه دخل رسمي

تحياتي ليكي ويا رب يوفقك ويحفظك

raul
11-06-2009, 01:27 PM
كدة يبقى عندك حلين
مستنين باقى الحلول علشان نساعد صاحبة المشكلة
والله الموفق
ولو ليكى نصيب فيه اكيد ربنا حيكرمك

الورده البيضاء
12-13-2009, 07:50 PM
السلام عليكم ورحمة الله وبركاتة
حبيبة قلبى انتى تاعبة نفسك اوى كدة لية
انا مع البشمهندس محمد الفرارجى فكل كلمة قالها
ولو نيتة خير مكانش يسمح لنفسة انة اصلا يفكر يقابلك من ورا اهلك
انتى حترخسى نفسك اووووووووى لو عملتى كدة
ومش حيحترمك بعد كدة حيقولك زى ماقابلتينى ممكن تقابلى غيرى وانتى فغنى عن دا كلة
لو انسان محترم حيدخل البيت من بابة
وربنا يوفقك ويحمينا جميعا

Horiaa Swedan
12-15-2009, 05:51 AM
ايه يا جماعه ده كل المشاكل عاطفيه كده طب للاسف انا مليش فيها ومش باعرف احلها

يلا حصل خير ان شاء الله يبقى فى مشكله اعرف احلها معاكم

raul
12-19-2009, 03:13 PM
عندك حق والله كل المشاكل اللى جت عاطفية
مافيش ولا مشكلة مش عاطفية غير مشكلة واحدة او اتنين بالكتير

وربنا ما يجيب مشاكل
شكرا للمرور

blue_sky
04-26-2010, 11:45 PM
بالنسبة للمشكلة الأخيرة أنا مع الرأي التاني وصدقيني أكيد اللي بينصحوكي دول هيكونوا هم اللي صح لأننا بنفكر في الموضوع من نظرة أبعد يعني تقدري تقولي بنفكر من برا الصندوق مش جواه
يعني أنت حاولي تفكري في الموضوع كأن واحده صاحبتك هي اللي في المشكلة دي أكيد هيكون ردك زيينا حاولي تفكري بعقلك شوية
وربنا يرزقك الزوج الصالح ويريح بالك وبالنا جميعا