المساعد الشخصي الرقمي

مشاهدة النسخة كاملة : جدتى ليلة امتحانى



raul
09-23-2009, 01:53 AM
الله أكبر الله أكبر...أذان الظهر...

يارب.. يارب بحق ده الآدان تنجح يا نون يابن ابنى وأشوفك دكتور أد الدنيا

ياستى بس أنا فى تجارة

وماله يابنى هو يكتر على ربنا....... ده ربنا قادر على كل شئ

ياستى ونعم بالله بس اللى بيطلع دكتور لازم يكون فى كلية الطب مش التجارة

ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا

ياستى التجارة اللى فى الوكالة حاجة واللى فى الكلية حاجة تانية

ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق

جدى إيه اللى هايخدنى معاه .....ده جدى مات من زمان ياستى

يامصيبتى عبد الواحد مات...ياحبيبى ياأخويا..مكنش يومك ياسبعى

ياستى ده ميت من تلاتين سنة

تلاتين سنه.. ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت -سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة

ياستى حرااام عليكى عايز أذاكر بقى


يووه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون

ياستى دبلون إيه...أسمه البكالوريوس

أنته عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون

خلاص دبلوم دبلوم ياستى ..سيبينى بقى عشان أذاكر

ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دى إيه ياواد.. أدب وأخلاق..وعلام كمان

ياستى عبير دى معاها أعدادية

وماله يابنى ...الراجل مايعبهوش إلا جيبه

راجل ...راجل مين ياستى...عبير دى بنت

عبير ...عبير مين ياوله..أنته بتعرف بنات من ورانا

لا إله إلا الله....أبوس رجلك ياستى أرحمينى بقه

طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى

ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات


صحيح ياوله ..أنته عندك حق أنا مليش إخوات بنات...أصلى أنا أمى ماكنتش بتخلف صبيان

حرااااااااااااا ااااااااااااااا اااااام ............ستى ماتطلعى البلكونة شويه ...ده الهوا حلو بره

لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى

خلاص روحى المطبخ ...أهو زمان أمى خلصت الرز

رز...رزإيه يابنى....هوأنا ليه سنان للمكرونه...أناهطلع البلكونه أحسن

طب أبقى خلى بالك م الهوى ياستى

هوى لما يلطشك يا بت يا جذمه انتى


الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة


هههههههههههههههههههههههههههههههههههههههههههههههههه

MEROOO
09-23-2009, 11:08 PM
ههههههههههههههههههههههه

هههههههههههههههههههههههههه

ههههههههههههههههههههههههههههههههههه

يخرب بيت الشلل

ههههههههههههههههههههههههههههههههههههههههههه

S2AH
09-24-2009, 01:01 AM
ههههههههههههههههههههههههههههههههههههههه
جااااااااااااااااااااااامدة والله
الحمد لله مليش لا جد ولا جدة حتى
تسلم ايدك يا راؤول

raul
09-24-2009, 01:01 AM
شكرا لمروك يا ميرو
اوعى تذاكرى وحد معاك.....المذاكرة مع النفس احسن بكتير
واديكى شوفتى صاحبنا اهو

sweet girl
09-25-2009, 08:21 PM
ههههههههههههههههههههههههههههههه
يا عينى عليه ده لو مكانه كان زمان موت
يا لهوى
ايه الشلل ده
هههههههههههههههههههههههههههه
مرسى يا راؤل بجد جميله اوى
انا الحمدلله بذاكر فبيتنا:1:

esraa
09-25-2009, 08:32 PM
يا نهاااااااااااااااااااااااااااااااار ابيض


ايه الملل ده


يا عينى عليه[/COLOR]



[COLOR="Magenta"]بجد تحفة.........

raul
09-25-2009, 08:45 PM
شكرا لمرورك يا هند
شكرا لمرورك الجميل يا اسراء
وطبعا الهدف من الموضوع مش الضحك فقط
لكن ان كل واحد يذاكر وهو لوحده.......وصدقونى ده احسن بكتير
عن تجربة شخصية

sweet girl
09-25-2009, 09:03 PM
ليه يا راؤوول انت كنت بتذاكر عند جدتك ولا ايييييييييه:p
هههههههههههههههههههههه

raul
09-26-2009, 02:58 PM
هههههههههههههههة
انا مش بعرف اذاكر عند حد
وياريت حد من اجدادى عايش عشان اروح اذاكر عندهم
شكرا لمرورك يا هند

سندريلا
09-28-2009, 08:41 PM
ايه الجده الرغايه اوى دى

بس بجد تحفه

raul
09-28-2009, 11:31 PM
فعلا رغاية اوى
لك لك لك
شكرا لمرورك الجميل يا سندريلا

قمر المنتدى
09-30-2009, 12:38 PM
ايه الرغى ده كله........وكمان زهيمر
مفيش احلى من المذاكرة مع النفس

Rania Ismail
09-30-2009, 01:09 PM
ياباى ديه مش ست ديه ست اشهر ديه مريعة بجد انا لو منه اوديها عند جدى يلا اهو عدى وفات

raul
09-30-2009, 02:49 PM
شكرا لمروركم
ويا رب نكون قدرنا نطلع بدرس