المساعد الشخصي الرقمي

مشاهدة النسخة كاملة : اوصف اصحابك من خلال 30 يوم معاهم



shimo
10-14-2008, 04:36 PM
السلام عليكم

انا غبت كتيييييييييييييييييير عن عمل اى مواضيع
بس رجعت بموضوع واثقه انه هيعجبكم كلكم ولو لقدر الله مش عجب الكل هيعجب الاغلبيه باذن الله
احنا مع بعض فالمنتدى دا بقالنا شهر بالظبط وكل يوم مشتركين بيدخلو وبيزيد العدد
بس اللى هركز عليه الشهر دا الناس اللى موجودة من اول المنتدى ما اتفتح
وعشان احنا هنا مع بعض 30 يوك اكيد كل واحد استشف حجات ولو حتى قليله عن شخصيه التانى
وحاول يجمع صفات فيه
انا هقول الاسامى ومطلوب من كل واحد من ضمن الاسامى دى توصف الاعضاء الباقيه سواء بصفات استشفتها فيهم او تحليل لشخصيتهم عن طريق ردودهم على المواضيع
نبدأ

Mohamed Saad Yassin


thesurveyor

المهندس ايمن جمال

مهندسة مها عفيفى

eslam mamdouh
judy
lover angel

tiger

Wild_Angel

ahmedko

sasa

احمد حسن

samomran

shimo :p

zoro313

sarah
عاشق الرومانسيه

mohamed-gohar

الشبح

emu

witch evil

mahro

gogo

mesa7a

usama

onon

tota

م/ احمد فاخر

Künstler
دول 30 عضو
اوعدكم باقئ الاعضاء هيكونو معانا الشهر التانى لينا مع بعض
انا عارفه ان الموضوع طويل بس صدقونى شكل الاسامى حلو وهى مع بعض ويارب تزيد كمان
مستنيه كل اسم من اللى كتبتهم عشان يرد عليا :):)

samomran
10-14-2008, 06:25 PM
مهما قولت على الاستاذ محمد سعد مش ممكن انا اصف معزته عندة عامله ازاى هو اولا اخ اكبر لى لانى طول عمر بتمنى ان يكون لى اخ اكبر منى و لقيته مع استاذ محمد و مش انا و بس كل الدفعه
اقولك ان حشن فى الاول كنت مستغلسه اوى و جدا لكن اول ما قابلته عرفت انه شخصيه لذيه و انا بعتبره اخ لى و كتير بسمع له و لنصايحه
ايمن لما شوفته عرفت انه شحصيه لذيذه جدااااااااا و انا بعزة جدااااا
المهندسه مها انا الحقيقه ماشوفتهاش لكن من معاملتى معاها عرفت انها شخصيه محترمه جدا و شرف لى انى اتعرفت عليها
اسلام ممدوح ده حبيبى انا عارفه من ايام الاعدادى و هو صديقى و حبيبى و بسمع لنصايحه
جودى بترفع من معنوياتى كتير و انا بحترمها على الرغم من انى ماشوفتهاش قبل كده
رانيا انا بحترمها جداا و بعتبرها اختى الكبيره على الرغم من مهاجمتى على البنات و دفعاها هى عن البنات الا اننا فى الاخر اخوات

اشرف انا بحترمه جداا و هو شخصيه لذيذه

وايلد انجيل انا بصراحه ما اتعملتش معاها لكن انا بحترمها جدااا جدااا من خلال معاملتى معاها على المنتدى

احمد ايكو انا بحترمه جدااا و كانت اول مره شوفته عند استاذ محمد فى مكتبه لما استدعانا و انا حسيت ان الفرقه الرابعه دول اخواتى اللى اكبر منى وانا بحترمهم جدا

محمود ساسا الواد ده على الرغم من انه دفعتى و مندوب الشعبه بتاعته الا انى ما شوفتهوش و انا بحبه جدا الواد ده لان دمه خفيف

احمد حسن فى الواقع معاملتى معاه كانت بسيطه و انا بحترمه جدا
شيمو معاملتى معاها طفيفه الا انها شخصيه محترمه
زورو حليم حبيب قلبى دفعتى و العشره اللى دامت ده صديقى الصدوق و الله
ساره انا لما شوفتها عند استاذ محمد سعد فى مكتبه و شوفت موقف كده منها عرفت على طول انها شخصيه تستحق اننا نحترمها و نرفع لها القبعه احتراما
عاشق الرومانسيه معاملتى معاه طفيفه لكن انا بحترمه
محمد جابر واد زى العسل
الشبح واد زى العسل و انا بحبه
امى بنت محترمه و انا بحترمها
جوجو بنت محترمه جدااا
مساحه اللى هو على الواد ده حبيبى من زماااااااااااااااان دفعتى
اسامه و هو عملى الاسود فى المنتدى بالرغم من انه رخم الا انى بحب الواد ده

AYMAN GAMAL
10-14-2008, 07:47 PM
Mohamed Saad Yassin

استاذي اللي بحترمه و بقدره واللي عمري ماهقدر ارد جمايله و فضله عليه في كم المعلومات اللي استفدت منه فيها على مدى السنوات التلاتة اللي فاتت من عمري في الكلية و بعدين يعني هوة اخويا الكبير ربنا ميحرمناش من افضاله

thesurveyor

طبعا حسن الروح و القلب في منزلة اخي و صديقي في نفس الوقت و شخصية بتحب تخدم جدا و عمره ما اتاخر على حد

المهندس ايمن جمال

معرفهوش خالص و مش عايز اتكلم عنه ;)

مهندسة مها عفيفى
الشهيره بموها مع اني متعرفتش عليها الا من خلال المنتدى ,الا اني بشكر المنتدى انه عرفني عليها واعتقد ان صعب تلاقي شخصية جريئة و محبوبة زي مها و على فكرة انا معجب جدا بتفكيرها و شخصيتها الجريئة و الجميلة

eslam mamdouh

سولوم طبعا من نوعية الناس اللي الواحد بيحب يتكلم معاهم ,شخصية موسوعية ليه في كل حاجة بيحب الهزار و الضحك واخ ملهوش زي و خدوم و اكدب عنيا ولا اني مسدقهوش من الاخر الثقة كلها تديها لاسلام وعمره ما بيبخل على اي حد في اي حاجة حتى ولو كانت على حساب فرحته

judy

وهل يخفى القمر ,فراشة المنتدى ,مين يقدر ينكر كده ,من اجمل الشخصيات اللي قابلتها في حياتي و بقلها انا بشكرك على كل حرف اتعلمته من دروس الانجليش و كل افادة اضفتيها و كل رساله تشجيع منك في مواضيعي ومواضيع باقي الحبايب

lover angel

الشهيرة ب روني ,من اطيب الشخصيات اللي قابلتها ,واعتقد انها انشاء الله هتبقى الام المثالية لاولادها في المستقبل ,حنينة جدا و بتحب الهزار و ساعة الجد تلاقيها السند اللي بيساعدك ,ربنا يشهد على كلامي يا رانيا

tiger

مع اشرف مش هتقدر تغمض عنيك ,شخصية حبوبة جدا و بيحب الهزار و ميزة اشرف انه بيقدر يتعامل مع كل الناس ,شخصية محترمه و مهذبة و عمره ما بيقول كلمه ويخلفها ,(والنبي اللي يشوف اشرف ميقولهوش اني كتبت عنه الكلام ده ههههههه)

Wild_Angel

انا بحترمها و زعلت لما عرفت انها عرفاني و انا اعرفها و اتعاملنا مع بعض كتير في ال3 سنين اللي فاتوا و مقالتليش انها اينجل بس مش مشكله انا مش زعلان دلوقتي و بحترم رغبتها

ahmedko

اذا ذكر الزمالك ذكر احمديكو ,امته بس ربنا يتوب عليه من تشجيع الزمالك ,احمد من الناس اللي انا ندمان اني معرفتهاش من سنه اولى ,والسبب في كده انا عشان مكنتش بحضر غير عالمحاضرات و اروح اكمل المحاضرات في تجارة و حقوق و سياحة مع اصحابي اللي كانوا معايه في ايام الثانوية ,بس رايي فيه انه اخوية و صاحبي و خدوم جدا و مبيحبش يزعل حد ابدا منه

sasa

محمود سا سا ,اول ما قابلته في الكليه عرفته,لما لقيته كان واقف مع حسن (Sense) اعرفه من اسبوع ,بس كاني اعرفه من خمس سنين ,جدع و شخصية لذيذة و جميلة حتى اني بقوله في مواضيعي شكرا على ردودك يا جميل

احمد حسن

عارفين فيلم صاحب صحبه,هوة كدة احمد حسن انا كنت اعرف واحد اسمه مصطفى صبري ,وكانت شخصية مالهاش حل,ولما شفت صورة مصطفى و زمايله في توقيع احمد حسن انا بجد احترمته و متاكد انه زي مصطفى صبري عشان مصطفى صبري دة محترم جدا جدا,ومن خلال ردود احمد حسن حسيت بكدة ,حسيت بانه جدع و صريح و حبه لشغله ولاصدقاءه لا يقارن ابدا ابدا

samomran

اسلام طبعا اعرفه من السنة اللي فاتت بس اتعرفت بيه اكتر السنادي و خصوصا بعد افتتاح المنتدى و هوة من الشخصيات اللي انا بحبها في الكلية و اللي على طول بتحب انك تسمعلها

shimo

شيماء طبعا صحبة الموضوع بس انا لن اقبل رشوى و لن انافق ,انا شفتها مرتين في الكلية وعارفها شكلا و من خلال المنتدى عرفتها شخصيا ,وهية طبعا زي اختي و معزتها عندي لا تقارن و شخصية محترمه جدا و صريحة و بتحب تبتكر اي حاجة جديدة

zoro313

يتبع شلة الزملكاويه ,وانا بحترمه والله وهوة زي اخويه الصغير

sarah

شخصية من الشخصيات المحترمه في قسم الجغرافيا و انا بحترمها جدا جدا

عاشق الرومانسيه

الشاعر الكبير مصطفى طبعا انا اتشرفت بمعرفته في يوم حفلة السحور و طبعا انا بحترمه جدا و قدوتي في الشعر

mohamed-gohar

محترم جدا و بيحب النقاش و بيحب التعرف على اصدقاء جدد ,حاسس انه شخصية اجتماعية و طيبه

الشبح

زعلني في كزا موقف بس انا مش زعلان منه خالص و متاكد انه شخصية خدومة و محترمه و بيحب الاخرين

emu

طبعا شيماء اللي من السبعة الاوائل اللي في القسم وانا بحترمها و بقدرها و معجب باراءها و افكارها

witch evil

انا متعاملتش معاها قبل كدة فمقدرش اتكلم عنها غير من خلال مواضيعها اللي بشكرها عليها و انا والله بحترمها و عارف هيه مين

mahro

انا معرفهوش شخصيا بس انا انتبهت انه اسمه محروس بس اخلاقه عاليه و محترب و شكله شخص حبوب

gogo

متعاملتش معاها بس اعرفها شكلا عن طريق حسن مع انها في القسم معانا و مرشحة في الجمعية بس انا متاكد انها زي رانيا و طبعا رانيا اختي و بعزها

mesa7a

مواضيعه بتعجبنني و بتتبعها على طول عشان بستفيد منها و بشكره عليها على طول

usama

اعرفه من خلال المنتدى و هوة اهلاوي يوة قصدي زملكاوي مع الاعتزار طبعا انا بهزر معاك يا اسامه و هوة من خلال ردود زملاته معاه في المنتدى عرفت انه شخصية حبوبة

onon

يمنى طبعا حاجة كدة لوحدهل ,قنبلة المنتدى حبوبة جدا و بتحب الهزار و شخصية حساسة و جميلة و بحب اقرى مواضيعها للاخر ديما

tota

بستنتج شخصيتها من مواضيعها و هية انسانة محترمه و خدومة و بحب موضوعاتها

م/ احمد فاخر

نفسي اساله سؤال واحد بس ,انت ليه بتستاذن قبل ما ترد في اي موضوع احنا كلنا اخواتك و كلنا بنحترم بعض و بنعز بعض وانت اخونا مش لازم تستاذن يعني


شكرا يا شيمو

tiger
10-15-2008, 03:33 AM
Mohamed Saad Yassin

أخويا الكبير وأستاذى الكريم وصديقى العزيز 0

thesurveyor

كونت نفسى أتعرف عليه من زمااان أوى وبحبه أوى وهو فاهم 0

المهندس ايمن جمال

المدفع المنطلق صاحب الأراء الناريه زكى جداااا وبيحب الى حوليه بس ممكن يكون مش بيعرف يعبر بس أنا بحبه وهو عارف

مهندسة مها عفيفى

شخصيه جميله جدا ومن الؤسسين للمنتتدى شغل جامد وأحترام وأنتظام وتنظيم

eslam mamdouh

حبيبى وأبن حبيبى حاجه كبيره أوى دماغ عبقريه وحب للعلم بجد وطيب جدااا 0

judy

جميله فى أرائها وصريحه وموضوعاتها متميزه دايما ومتعاونه جدااا0

lover angel

زميلتى وجارتى سابقا وصديقتى ومن أجدع البنات الى عرفتهم فى الكليه وعنيده جدا 0


tige

ده واحد من الناس وبيحب الناس وحيفضل يحب الناس هههههههه0

Wild_Angel

من أحسن الشخصيات الى فى المنتدى ردود فى النطاق المحدود متدينه جداا وأكيد خجوله جداا

ahmedko

أخويا وصديقى وجارى ومن أجدع الناس الى أتعرفت بيهم وانا بجد نادمان أنى أتعرفت عليه متأخر0

sasa

مستقبل كبير دماغ نضيفه راجل بتاع شغل وبيحب الحاجه الى بيعملها

احمد حسن

سبع من السبعاويه وأخ فاضل وردوده جميله ومنطقيه0

samomran

كونت فاكره بنت لوقت قريب بس طلع راجل وشكله من كلامه أنه زكى وبيفكر كويس ولذيذ



shimo

مواضيعها دايما فى الجول مرحه أوى بتخلى أى حد يحبها من كلامها وطيبه أوى ورومانسيه جدااا

zoro313

الزملكاوى العنيد بس بكره يعرف غلطته ههههههه من أحسن الشخصييات الى أتشرفت وأتعرفت بيها ومن جواه غير الى بيظهر براه0ما تفهمش كلامى صح

sarah
شخصيه جميله ومحترمه ومؤدبه وأتشرفت أنى أتعرفت بيها 0

عاشق الرومانسيه

حبيبى للأبد هههههههه أخويا وصديقى وتفكيرى انا وهو واحد وطيب جداا جدا جدا وطبعا رومانسى فوق الوصف ده هو مش أنا هههههههه0

mohamed-gohar
راجل مجد فى الحاجه الى بيعملها ومحترم أوى فى ردوده و
أهلاوى جدع

الشبح

ده بقى حاجه جديده فى الرد والتفكير وزملكاوى وربنا يستر عليه وأتعرفت بيه وشكله شخصيه مرحه جداا

emu

طيبه وجدعه وشاطره وتفكيرها كويس زكيه وبشتغل بجد ومستقبلها حيكون أنشاء الله جامد ومن الشخصيات الى الواحد أتشرف بجد بمعرفتها 0

witch evil

صداع ههههههههههه لآ طبعا أختى الصغيره بقدرها اوى ودمغها كبيره وزكيه ولسه كونت مزعلها بس أتصالحنا

mahro

راجل محترم جداا فى ردوده ومواضيعه شيقه 0

gogo

من اللبنات الزكيه والمحترمه وطيبه وشاطره فى شغلها وان مبسوط انى أتعرفت بيها بجد0

mesa7a

زكى جداا ومواضعيه جامده وشخصيه جميله0

usama

الزملكاوى الزملكاوى الزمالكاوى


onon

بنت رقيقه جداا وحساسه وردودها بسيطه وفعاله0

tota

أسمها جميل وتعليقاتها أجمل وكلامها صريح 0

م/ احمد فاخر

راجل محترم فى ردوده وتعلقاته متميزه جداا

Künstler
أنا أعرفها شكلا بس مش عارف تعرفنى ولا لآ بس شكلها بنت مؤدبه ومحترمه ومتعاونه جدا وشغلهاجميل0


شكراا يا شيمو عل الموضوع الطويل والجميل بس أنا فعلا فى ناس بجد كونت نفسى أديهم حقهم وفعلا انا مبسوط أوى انى أتعرفت بأخواتى الى فى المنتدى الجميل ده وأسف على الأطاله0

onon
10-15-2008, 03:40 AM
موضوع حلو اوييييييييييي يا شيموا وفي نفس الوقت محرج علي الاقل بالنسبالي لاني اساسا معرفش حد غيرك يا جميل بس طبعا لو عليا اتمني اعرفهم كلهم لانهم والله مش مجمله وربنا شاهد عليا بحبهم كلهم من غير مااشوفهم وبحترمهم جدا جدا من ردودهم وأرائهم واتشرفت ان اكون معاكوا في المنتدي ده وبشكرك مليون مره عشان قولتلي عليه
بس بم ان سعتك بتقولي من خلال 30 يوم استشفيت ايه
ممكن اعلق علي بعض الاسماء اوك
اولا : الاستاذ الكبير محمد سعد

شخصيه محترمه جدا ومسئول وهو فعلا قد المسئوليه وهو الاخ الكبير لناس كتير ولو اكلمت اكيد مش حوفيه حقه لانوا شخصيه تستحق التقدير والاحترم

ثانيا : حسن

حسن بيقول علي نفسه غلس بس احب اقولك ياحسن انك بتحاول انك تكون غلس لاني شايفه ان العكس صحيح
واضح انه طيب وصاحب صحبه ولو ليا حق التقيم حقول انه ادمنز ممتاز وقد المسئوليه وطبعا اكيد حضيف كلام ايمن وسامومران لانهم يعرفوك اكتر
ثالثا : المهندس ايمن جمال

ايمن هو مشرف قسم الكمبيوتر هههههههههههه معلومه جديده
اولا بشكره علي كلامه عني انا وشي خلاص بقي فروله ههههههه واضح انوا بيعرف يحلل الشخصيات كويس
هو شخصيه محترمه جدا وقسم الكمبيوتر بجد تحفه وفي حجات مشاء الله جديده علي طول وحموت وانزل الجديد ده بس ياعيني الجهاز حينفجر من كتر الحجات الي بحطها عليه بس بجد مجهود ممتاز من ايمن واستمر

رابعا : مهندسه مها عفيفي

من الشخصيات الجميله الي حبيت ارائها وافكرها وموضوعاتها الي بجد تخلي الواحد يوسع تفكيره ويدور علي الجديد وعسوله وعلي فكره كمان كريمه ودي كلمه حق لازم اقولها لاني نسيت اشكورها علي عزومه البطه هههههههههههه
خامسا :اسلام ممدوح

من ارائه و اسلوبه في الرد ومن خلال موضوعاته اقدر اقول انوا من الشخصيات المحترمه جدا الي الواحد يتشرف انوا يعرفها وكمان رغم اني مليش في قسم الجغرافيا بس واضح انوا مش بيبخل علي القسم بالجديد وباليعرفه وبيساعد الكل واضيف كمان كلام ايمن وسامومران
اه وهو كمان اسمه علي اسم اخويا معلش يا شيموا حاجه استشفتها لازم اقولها ههههههههههههههههه

سادسا : جودييييي

عسوله وجميله وموضوعاتها وارئها حلوه ومفيده ومبتبخلش لو فيها حاجه عارفها علي طول بتكملها وتقولها سواء في مواضعها او مواضيع تانيه
ومع اني مليش ولا مشاركه في قسم الانجلش بس ده لاني بصراحه مبحبش الانجلش بس بحاول اكيد اتعلمه لانوا لازم بقي لغه العصر واخونا البعدا وهي اللغه الاولي والرسميه بس اكيد ان شاء الله اوعدها اني حشارك في القسم بتعها وقريب كمان عندي ليها موضوع حلو يارب يعجبها ويعجب المنتدي
وبس ياريت اذا راديتي عليا في الموضوع راعي ان اختك ضعبفه في الانجلش بس والله بحاول وبعمل مجهودات هههههههههه
سابعا : رنيا

ضحوكه جدا ومع اني مشوفتهاش الا اني والله بقيت معرفش بمجرد دلوقتي اشوف اسمها بضحك مش عليها طبعا بس ببقي متاكده انها حتقول حاجه تضحك معرفش ليه واجابتها حلوه اوي في كرسي الاعتراف والله يكون في عونها متمناش اكون علي الكرسي ده خالص انا بتفرج صراحه يعني بس من بعييييييييد
واسمها علي اسم بنت خالتي بموت فيها وعنده بيبي اسمه عبد العزيز عقبالك يا روني

ثامنا : اشرف

مع اشرف مش هتقدر تغمض عنيك ,شخصية حبوبة جدا و بيحب الهزار و ميزة اشرف انه بيقدر يتعامل مع كل الناس ,شخصية محترمه و مهذبة و عمره ما بيقول كلمه ويخلفها ,(والنبي اللي يشوف اشرف ميقولهوش اني كتبت عنه الكلام ده ههههههه)
:) ( ملحوظه ) فتنت عليك يا ايمن ههههههههههههههه
لا بس والله اشرف كمان من ردوده شكله شخصيه محترمه جدا وطيب كفايه يا عيني مش عايز يدخل في المهرسه الي موجوده في كرسي الاعتراف ومش عايز يسئل حد ده لوحده كفايه انوا يبقي طيب

تاسعا : وايلد انجل

من الشخصيات المحترمه جدا والله وبحب اقري موضوعتها ومقترحاتها وردودها وواضح انها خجوله وبتحب تكون سعات كده ورا الستار ده لحد دلوقتي معرفش اسمها الحقيقي بس انا مش شايفه مشكله لو قليته بس اكيد هي حرا طبعا وانا بحترمها جدا وبموت في القسم الاسلامي بجد والله في موضوعات تحفه ليها ولاعضاء تانيين ربنا يبارك فيهم
عاشرا : ( ahmedko _ sasa_احمد حسن _samomran _ zoro313_sarah_ عاشق الرومانسيه _mohamed-gohar
_الشبح _emu _witch evil _mahro _gogo _mesa7a _usama _tota _م/ احمد فاخر )
من الشخصيات المحترمين طبعا يمكن مقدرش اوصفهم قوي ياريت يعزروني بس اكيد لو وصفتهم مش حوفيهم حقهم و اتشرف ان عرفتهم من المنتدي اكيد

:) (onon)

حسيب الحكايه دي للاعضاء ياريت يعرفوني عليها ابقوا خليها تيجي تزورني ههههههههههههههههههه

;) نيجي بقي للتقيل ( شيموا )
عشان اكيد شهدي حتكون فيكي مجروحه ( بسمع الكلمه دي كتير في التلفزيون هههههههههههههههه اقتباس يلا ) عشان سعتك الي معرفاني علي المنتدي
بس وحياتك دي مش راشوا علي رائ ايمن بم اني عرفاكي كويس فاقدر اقول انك (بغزاله ) ههههههههههههههه ساعه الاقيكي قربتي وساعه لاقيكي بعدتي ايه مصبرني عليكي مش عارفه غير انك ( تحفه وعسل ومشكله بحبك اويييييييي والخ والخ والخ ههههههههههههههه

وشكرا تاني يا شيموا علي الموضوع الحلو المحرج وياريت محدش يزعل مني لاني مهما قولت اكيد مش حوفي حقك كل عضو من الاعضاء في المنتدي بس اتشرف تاني ان اكون معاكوا

samomran
10-15-2008, 09:59 AM
شيمو احنا بقى عايز رايك انىت فى الانتظار

eslam mamdouh
10-15-2008, 08:15 PM
Mohamed Saad Yassin

اولا عندما اتكلم عن استاذنا الفاضل محمد سعد فانا لن اتحدث عن استاذ قسم الجغرافيه وكلن اتحدث عن محمد سعد الانسان ذو القلب الكبير ذو العقل الراجح , تتعلم منه مبادئ الحياه . نعم الاخ والقدوه والصديق
مهما خاولت ان اكتب عنه فبالتاكيد لن اوفيه حفه


thesurveyor

حسن ابو على ده زيه مفيش فى الشر ملوش فى الخير بيعيش

راجل يعلم جيدا معنى المسؤليه , له خبره عير فليله بالحياه

يعرف جيدا متى يتكلم ومتى يصمت
اى انسان فى الدنيا يتمنى ان يكون له صديق مثل ابو على

المهندس ايمن جمال
لو اعرف اكتب شعر كنت كتبته فى اخلاف ايمن

رجل محترم ورجل بكل ما تحمل الكلمه من معنى

بسيط- خفيف الظل- مرح- بيحب كل الناس

مهندسة مها عفيفى
شخصيه محترمه جدا- ذات تاثير ملموس وملحوظ

افكارها جديه جدا وتنال اعجاب الجميع

شحصيه قويه بكل المقاييس

eslam mamdouh
اقل من انى اتكلم عنه
judy

مثقفه جداى - روح عاليه - احساس عالى بجميع الناس

كفايه ان اى حد بيطلب طلب هى بتحاول تساعده حتى ولو لم يكن فى مجالها حتى ولو كان الطلب فى المساحه والجغرافيه
شخصيه مرحه- مفكره


lover angel بنت = ميت راجل

شخصيه قياديه فويه , ولكن طيبه جدا

قدر عالى جدا من الاحترام.
محبوبه جدا من الجميع. ذات شعبيه عاليه

اتمنالها كل حير


tiger
الواحد بجد فخور جدا بانه يعرف واحد زى اشرف وباخلاق اشرف وطيبه اشرف
وعلم اشرف

Wild_Angel
افضل مشرفه للقسم الدينى

شخصيه محترمه جدا , وتغلب عليها الفكر الدينى والالتزام.

ahmedko
http://img509.imageshack.us/img509/3041/00000005pm8.jpg

ابوجوده حبيب البى

افضل واحسن دصيق فى الدنيا

sasa

محمود شخصيه مميزه جدا ومجتهد للغايه وادامه مستقبل كبير جدا مشرف
samomran
سولوم ده عشره عمر

اخويا بمعنى الكلمه , يملك صفات اعلى من سنه

شخصيه قياديه مؤثره على الرغم من سنه الصغير

صاحب افكار ومبادئ وقيم


الواحد بجد يفتحر انه يعرفه


sarah

فمه الادب والخجل . عقليه ناضجه جدا
تفكيرها عقلانى ومنطقة
لها اسلوب ادراكى مقنع



اوما باقى الزملاء اللى هما طبعا اخواتى فانا معرفتهمش معرفه تمكنى من انى اقول راى عنهم



شكرا جدا ليكى على الموضوع الرائع ده مثل كل مواضيعك المميزه

eslam mamdouh
10-15-2008, 08:54 PM
طبعا انا مزكرتش اى شى عن حضرتك لان مواضيعك الجميله والمفيده هى اللى بدل على شخصيتك

وبجد بجد الف شكر على المواضيع الجميله دى

Mimi
10-15-2008, 09:44 PM
بسم الله الرحمن الرحيم

أول حاجة حمد لله ع السلامة ياشيمو ياوحشة

تاني حاجة انتي فوق الهايلة بجد ، غبتي بس رجعتلنا بتوبيكات صاروخية

عجبني مووت بجد فكرة الموضوع والله مش عارفه اشكرك ازاي عشان أتاحتيلي الفرصة لأعبر عن شعوري تجاه الآخرين ، فـ ميرسي بجد ياروحي

Mohamed Saad Yassin

أستاذ محمد مش هعرف أوصفه في مجرد سطور بجد لأنه هو في الكلية فعلآ حبيب الملايين وانا عشان مش في الكلية ملمستش دا في الأول ، بس بعد كدا لمست طيبته وتعاونه وحبه لكل الناس ، فحقيقي حضرتك شخصية هايلة جدآ جدآ ، غير ان حضرتك بتشجعنا وبتساعدنا وبتشاركنا وبتعتبرنا اخواتك فاحنا لينا أسمى الشرف ان حضرتك تبقى أخونا الكبير ، وانا والله مش عارفه اوصفلك مدى احترامي ليك ومعزتك عندي ، فـ ربنا ما يحرمنا منك أبدآ وربنا يديم الاخوة والود اللي بيننا كلنا هنا مع حضرتك وانا بجد بطلب من حضرتك متغيبش عننا او تنشغل عننا وتنسانا عشان حضرتك حاجة كبيرة اوي عندنا كلنا وصعب نلاقي حد زي حضرتك يتعامل معانا كدا

thesurveyor

حسن دا باه لوحده حكاية ، معلش هو احنا دايمآ نائر ونئير بس ميمنعش أقول رأيي فيه ، أولآ احنا معرفتنا ببعض تقريبآ كانت من سنتين وانطباعاتي الاولى عنه مكنتش كويسة لانه كان بيستفزني اوي وبجد كرهته ، استنى انا هعدل اللي قلته هههههههه ، انت عارف اني في الاول كنت بكرهك بس أكيد دلوقتي العكس لان مع الايام لمست فيه انه جدع اوي وحبوب وعجبني اكتر اصراره وعزيمته في تحقيق اي حاجة مهما كانت صعبة وتمسكه بيها للنهاية ، دي صفات لوحدها تخلي صاحبها شخصية ممتازة ، غير انه دمه خفيف ومهضوم كتير فأنا بعزه جدآ ودلوقتي بقوله اني بتشرف بمعرفتك لان كل شوية بكتشف فيك صفة حلوة ومع الايام الصفات دي كونت عندي شخصية جميلة بتمنالها التوفيق دايمآ وبتمنالها النجاح وان شاء الله تنول كل اللي بتتمناه . اه وبالمناسبة انت ليدر ممتاز بجد مش عشان المواقف اللي حصلت في الآخر دي بس لاء من زمان من قبل المنتدى وانت بتقدر تدير اي حاجة تحت ايدك كويس ومن خلال هذه اللفته أحب اعتذرلك يوم ما اتهمتك انك بتهرب من المسؤولية ، دلوقتي انا بشهدلك بالعكس وربنا يزيدك نجاح وسعادة .

المهندس ايمن جمال

مهندس أيمن جماال مشوفتوش فاتعرفت عليه من خلال ردوده ومشاركاته ومواضيعه وشفت فيه شخصية جميلة اوي ، وبتعجبني جدآ مواضيعه ومشاركاته بجد عشان بحس فيها بالذكاء وحبوب اوي بيحب يهزر في ردوده وبجد عامل جو جامد في المنتدى ، انا بتصور ان لو ايمن غاب كام يوم بس المنتدى هيكونله لون تاني فبتمنى مينقطعش عنا ونبقى دايمآ على تواصل مع بعض .

مهندسة مها عفيفى

موهاااااااااا دي باه اللي مشكلة ، جرائتها وصراحتها في ردودها عجباني اوي ، من الآخر هيا ملهاش حل بجد وبحب اوي ذكائها وثقافتها العالية ، ردودها احيانا تبقى عقلانية واحيانا هزار وضحك ، انتي بجد ياموها دمك خفيف اوي مش هقدر اقول غير اني حبيتك اوي بجد ودخلتي قلبي من اول ما عرفتك وبتمنى معرفتنا ببعض تزيد وتتوسع اكتر .

eslam mamdouh

من أكتر الشخصيات المثقفة اللي لفتت انتباهي هنا هو اسلام ، حقيقي دماغه بسم الله ما شاء الله عليها بحس انه دايمآ متعطش للعلم ولكل ما هو جديد سواء في تخصص دراسته او بشكل عام وبقوله ربنا يباركلك على كل حرف بتفيدنا فيه ، وبعدين الفترة الاخيرة كنت فيها يااسلام في أزمة بس تأكد انك طلعت منها بمكسب كبير وتأكد ان احترامنا وتقديرنا ليك زاد وبطلب منك تبقى دايمآ على تواصل معانا ومتحرمناش منك وربنا يزيدك من علمه يارب تتعلمه وتعلمه لينا .

judy

دي باه واحدة كدا :p.

lover angel

رنوووش او روووني عسل المنتدى فيها حيوية ونشاط ما شاء الله عليها بجد ، بحبك اوي ياروني وعاجبني اوي ردودك ونشاطك في المنتدى وانتشارك في كل اقسامه ، انا بكتب تعليقي دلوقتي على واحدة دمها خفيف اوي ومهضوووومة بقوة وبجد تدخلي القلب بسرعه

Tiger

أشرف بعيد عن مدح الناس فيك بجد انا بلمس فيك احترامك للآخرين وبحس قلبك مفتوح للكل دايمآ وبردو انت من اوائل المسجلين في المنتدى فحاسة انك من اقرب الناس ليا وبجد بحترمك جدآ ومعزتك عندي كبير ومتشرفة دايمآ بتواصلك معايا


Wild_Angel

وايلد بحبببببها جدآ جدآ بجد وبحترمها اوي اوي بجد وايلد شخصية فوق الرائعة مفيش اتنين يختلفو عليها ، انتي هايلة ياقلبي وانا بحبببببك اوي

Ahmedko

أحمد يعتبر من مؤسسي المنتدى لانه من أول المسجلين فيه فيعتبر من أكتر الناس اللي تابعتلهم وبجد انت شخصية جميلة اوي يااحمد ومحترم جدآ وتستحق كل تقدير ودمك خفيف وروحك حلوة وانا بتشرف بمعرفتك

Sasa

ساسا او محمود باه بهرني اوي اول ما جيه بطريقة تنسيقه لمواضيعه وبنوع المواضيع نفسها ، حقيقي بيعمل مجهود جبار في المنتدى ، ومن جمال تنسيقه للمواضيع بمجرد ما بشوف عناوينها بعرف انها ليه هو علطول بدون ما اشوف اسم كاتبها ، فانا بحييك على نظامك واتقانك لاختياراتك وياريت متحرمناش منك وتبقى على تواصل معانا دايمآ

احمد حسن

أحب اقوله الاول كل سنة وانت طيب وعقبال مليون و5 سنة وتعيش وتشوف احفاد احفاد احفاد احفاد احفاد احفادك ، بردو احمد من الشخصيات اللي بحترمها جدا وبتعجبني كتير تعليقاته ومواضيعه ومشاركاته المختلفة

samomran

سام يعتبر تبعنا باه في القسم الانجليزي لانه من اكتر المدعمين ليا في القسم فانا بحييه على تعاونه معايا جدآ غير كدا هو شخصية متعاونة بشكل عام ومهضووم كتير فانا بعزه جدى وبحترمه واتمنى يبقى على تواصل معانا دايمآ

shimo

مين شيمو دي ؟ هيا معانا ؟ هههههههههه شيمو انتي ملكيش حل ، احنا نعرف بعض من زمان اوي بس المنتدى دا خلاني اتعرف عليكي اكتر واعرف اتواصل معاكي بشكل افضل ، انتي حاجة فوق الوصف والله من اكتر الاشخاص اللي بموت فيهم في المنتدى انتي ، انتي 10 كيلو سكر مدوبين في عسل لاء وكدا قليل كمان ، بجد بحبببببك اوي ياشيمو لن تتخيلي يمكن لما بكلمك مش بيبان عشان بتكسف منك بس اهو انا بكلمك هنا بصراحة وانتي عملتي الموضوع دا اخيرا عشان نقول راينا بصراحة ودا رائي فيكي اللي بجد

zoro313

زورو انا بعتب عليه باه عشان دايما يكتب حاجات ضد البنات ومش عارفه هو بيكرهنا ليه بس انا عارفه ان دا كله هزار في هزار وهو فعلآ شخصية محترمة ودمه خفيف وبيحب الفرفشة والضحك وكل هزارك زي العسل على قلوبنا استمر ولا يهمك احنا ديموقراطيين

Sarah

سارة باه كنت بحبها اووي ومع الايام حبيتها اكتر واحترمتها اكتر وانتي فعلآ ياسارة شخصية مؤدبة جدآ وعسولة اوي بجد وانا والله بتمنى لو اقدر اتعرف عليكي اكتر خارج نطاق المنتدى عشان اقولك انك حاجة عسولة اوي

عاشق الرومانسيه

درش زي اسمه كدا شخصية رومانسية قلبه مليان حب لكل الناس ودا كمان بيأكده خواطره واشعاره انا بحس ان جواه روح حلوة اوي وهو من الشخصيات اللي بحترمها جدا في المنتدى

mohamed-gohar

معرفوش اوي محمد فمعنديش انطباع واضح عنده سامحني يامحمد

الشبح

ميدو من أكتر المتابعين معايا ومن اكتر اللي بيشجعوني ويحمسوني في المنتدى فانا بعزه جدآ واحب اقوله متزعلش على اللي حصل في الفترة الاخيرة اهي كانت كذا ازمة وعدت الحمد لله على خير والحمد لله انك رجعتلنا بالسلامة ، انت شخصية جميلة اوي ياميدو وانا بحترمك جدآ وبعزك

emu

ايمي زي السكر ورقيقة جدآ بحسها بنوته عسولة كدا دمها خفيف وردودها ومشاركاتها جميلة وبسيطة ، انتي بجد من الشخصيات اللي بحبها وارتاحتلها

witch evil

حووووورية قلبي دي اللي سكر بجد ، بحبك اووووي ياروري انا بحب اقولك روريتا او بالاسم اللي تحبيه ، بس حابة اوي فيكي شفافيتك وبجد انتي شخصية جميلة اوي شفافة مفيش حاجة بتستخبى في قلبك وبحس انك حساسة اوي بس عسووولة موووت بحبك ياقلبي

mahro

محرو متابعة دايما كل جديدك وبتعجبني ردودك ومشاركاتك بس لسه حتى الآن لم تتكون لي صورة واضحة عن ملامح شخصيتك

gogo

ارتحتلها من قبل ما تكتب اي مشاركات او مواضيع والله بجد ، بجد جوجو حد ارتحتله جدآ مش عارفه هيا بصراحة دخلت قلبي علطول وبعدين بدأت اتابع مواضيعها ومشاركتها ولما اتحطت على كرسي الاعتراف قلت فرصة اتعرف على الشخصية اللذيذة دي أكتر وبجد حبيتها اكتر وزاد اعجابي بيها ، انا مش عارفه اقول عنها ايه غير انها دخلت قلبي وارتحتلها اوي اوي اوي وهيشرفني اتعرف عليها اكتر

mesa7a

على محتاجة اتابعله كتير عشان لسه بردو الصورة مش واضحة عندي سامحني

usama

اسامه بردو شم قد كدا سامحني بجد معرفوش اوي

onon

واضح من مشاركات اون اون ان دمها زي الشربات وحبوبة واحب اشوفها دايما متواجدة عشان تعمل جو فرفشة كدا في المنتدى ربنا ما يحرمنا من طلتك

tota

بردو توتا سامحيني معرفتكيش اوي

م/ احمد فاخر

لسه بصراحة متعرفتش عليك اوي سامحني

Künstler

شوشو عقدتني من أسئلتها هههههههههههه بس بحب بجد ذكائك وأسئلتك وبستمتع بيها جدآ ، انتي زي السكر ياشوشو بجد

بشكرك اوي ياشيمو بجد بجد موضوع فوق الهايل وبجد آسفة جدآ لكل اللي معرفتش اقول رأيي فيهم وبشكر كل اللي قالو رائيهم فيا بجد ميرسي ليكم وربنا يديم الود والمعروف بيننا دايما:)

samomran
10-16-2008, 06:40 PM
برضه انا مستنى ردك يا شيما عايز اعرف رايك ايه

shimo
10-17-2008, 01:41 PM
بجد يا جماعة مرسي اوى اوى ليكم كلكم
بداية من ايمن وعلى فكرة الذاكرة بتاعتك تماااااااام بجد
وسامو اسلام انا حرد على الكل بس لما باقئ الاعضاء تجاوب
اما اسلام فانا متشكرة ليك اوى
اشرف مرسي جدا لرأيك ووصفك الجميل دا
جووووودى حبيبه قلبى انا كمان واللهى بمووت فيكي بس فعلا ببقئ مكسوفه وانا بكلمك :p
اما يمني بقئ فاسبحان الله فعلا انا مش عارفة انتى ازاى مستحملاني شيلتى عنى كتير ووقفتى جمبي اكتر مش هقول اكتر انى بحبك بجد وربنا يخليكي ليا يا اجمل وارق صديقه

حسسسسسسسسسسسسسسسسسسسسن يا جماعة مش راضى يجاوب غير لما انا اجاوب
وانا عامله الموضوع دا عشان انتو تجاوبو الاول
وبجد مش حهرب اكيد حجاوب لانى عامله الموضوع دا بالذات عشان نقرب من بعض والكلام يكون من القلب كل واحد يقول اللى حاسوا
يلا يا حسن يلا بسرعه جااااوب :p

Rania Ismail
10-17-2008, 03:20 PM
السلام عليكم
وعليكم السلام ورحمة الله وبركاته يا حبى

انا غبت كتيييييييييييييييييير عن عمل اى مواضيع
بس رجعت بموضوع واثقه انه هيعجبكم كلكم ولو لقدر الله مش عجب الكل هيعجب الاغلبيه باذن الله
احنا مع بعض فالمنتدى دا بقالنا شهر بالظبط وكل يوم مشتركين بيدخلو وبيزيد العدد
بس اللى هركز عليه الشهر دا الناس اللى موجودة من اول المنتدى ما اتفتح
وعشان احنا هنا مع بعض 30 يوك اكيد كل واحد استشف حجات ولو حتى قليله عن شخصيه التانى
وحاول يجمع صفات فيه
انا هقول الاسامى ومطلوب من كل واحد من ضمن الاسامى دى توصف الاعضاء الباقيه سواء بصفات استشفتها فيهم او تحليل لشخصيتهم عن طريق ردودهم على المواضيع
نبدأ [/

موضوع جميل جد يا شيمو وفكرتو حلوه قوى
وعوده قويه يا حبى
بجد موضوع فوق الرائعCOLOR]

بسم الله الرحمن الرحيم
Mohamed Saad Yassin


[COLOR="Red"]بجد مش مجامله استاذ محمد مهما الواحد قال عنه كلام كتير مش حيقد يوفيه والكلام ده مش مجامله
استاذ محمد من اكتر الشخصيات اللى بحترمها جدا وبقدرها جدا وبعتبره زى محمد اخويا انا بعتبر عندى 2 محمد
وبجد انا شايفه ان لاستاذ محمد ان شاء الله فى المستقبل مكانه مرموقه جدا
ومن اكتر الشخصيات اللى عمرى ما حنساها ابدا فى حياتى وان شاء الله متتقطعش التعاملات حتى بعد ما نخلص
حفضل اروح الكليه واسال عليه بس المهم هو ميزهقش منى
thesurveyor


كعبوووووووووووووووووووووول
بجد من الشخصيات اللى عنها اصرار وعزيمه ومجتهد جدا وبيحب الناس وقد المسؤليه
وانا سعيده جدا انى اتعرفت عليه السنه ديه واتمنى اننا نفضل اصدقاء على طول
المهندس ايمن جمال


مون بغض النظر عن اللى انت عملتو فيا فى كرسى الاعتراف الا انى بعزك جدا وانا بشكر المنتدى انه قربنا من بعض
وانت من الشخصيات المحترمه والمؤدبه وبردو انا سعيده انى اتعرفت عليك السنه ديه
مهندسة مها عفيفى

حبيبت قلبى والله يا هندسه
من الشخصيات اللى بحترمها وبحترم عقليتها جدا وتفكيرها وبحب مواضيعها جدا جدا جدا وبكون مستمتعه وانا بقراها
وشخصيتها مميزه واحب اقولها انى بحبها
eslam mamdouh


سولوم وهل يخفى القمر
اسلام من الناس اللى بنبهر بيها جدا على معلومتها وذكائها واجتهادها وتعاونها ومساعدتها لصحابها وهو شخص حبوب وبجد ان شاء الله يكون ليه شان كبير فى مجال المساحه ان شاء الله
judy


اوووووووووووووووووووووووو جودى وهل يخفى القمر يا قمر
انتى بقى ليكى مكانه مميزه عنى جد وربنا يعلم رغم انى معرفكيش معرفه شخصيه بس بحس انى اعرفك من زمان جدا وبحب ادخل اشارك فى مواضيعك جدا جدا وانتى بجد شخصيه محبوبه وعسووووووووووووله وانا بحبك قوى
lover angel

فككو منها البت ديه غلسه والولاد كلهم مش بيطقوها
tiger

وسعو بقى علشان ده اشرف
اشرف بقى طيب لدرجه لايتخيلها بشر اسالونى انا انا عرفاه من قبليكوم كلكم واحنا اصدقاء فى الكليه وفى جروب واحد ورومانسى جدا وحساس بدرجه كبيره وبيحب كل اصحابو
Wild_Angel

المجهوله اللى محدش يعرفها غيرى احب اقول انها مش الشخصيات المحترمه جدا واللى اتعرفت عليها السنه ديه بس بجد انا مبسوطه جدا انى عرفتها لان شخصيتها جميله جدا جدا وربنا يكرمها
ahmedko

احمديكو
بس بقى محدش يتكلم سبونى اطلع اللى جوايا
يا زملكاااااااااااااااااااااااااااااااااااااااااااااا ااااااااااااااااااااااااااااااااوى
رغم انك زملكاوى بس للاسف بعزك جدا جدا يا احمد وبجد انت من الناس الجدعه اللى قابلتها فى القسم ومن الشخصيات اللى بحب اتعامل معاها واشتغل معاها واحمد شخصيه محترمه جدا
sasa

صاصا اخويا الضعير وانا شوفتو اول مره فى الكليه لما كان بيرشح نفسو مندوب الفرقه الثالثه وبجد هو من الشخصيات الجميله جدا اللى ان شاء الله يكون ليها شان كبير
احمد حسن

انا معرفهوش قوى واللى اقدر اقوله انه من التعاملات فى المنتدى انه انسان كويس ومحترم جدا
samomran

انت تانى بغض النظر عن تحالفك انت وحليم عليا الا انى بجد بحب مزاولتك فيا وردودك المستفزه وانت بجد من الشخصيات اللى بحب اتعامل معاها فى المنتدى
shimo :p

تؤ تؤ تؤ تؤ
طيب لو خلص الكلام منى وانا بتكلم عليكى اعمل ايه انا بقى
شيمو ليكى مكانه خاصه عندى جدا وانا بجد نفسى اشوفك واتعرف عليكى ونكون اصدقاء بجد لانى بجد بحترمك جدا وانتى دمك خفيف وطموحه جدا وان شاء الله نكون اصحاب قريب جدا
zoro313

انت بقى مش عارفه اعمل فيك ايه بالظبط مش عارفه اقول فيك ايه لو قولك حتلاقينى بطلع هباب
امرى لله
حليم من الشخصيات المرحه جدا فى القسم وعضو فعال جدا فى قسم الضحك والفرفشه وعلى الرغم من الهجوم على البنات الا انى بعتبره اخويا الصغير وانا بحب مشاركاته وتفاعلاته معايا جدا وبحب مواضيعه وبحب ارد عليها علشان بحب اغلس عليه
sarah

من الشخصيات الجميله جدا واللى ارائها بتعجبنى قوى
عاشق الرومانسيه

انا مشوفتكش يمكن غير مره واحده فى الكليه بس بجد كلامك جميل جدا فى مواضيعك وبجد بتوصل للقلب وانت من الشخصيات الجميله فى المنتدى وربنا يوفقك فى حياتك ان شاء الله
mohamed-gohar

انا معرفكش قوى بس اللى اقدر اقوله من خلال مشاركاتك انك انسان كويس
الشبح

انا فعلا زهقت منك كل ما اروح حته اتكعبل فيك اقعد على جنب بقى
من ضمن اخواتى الصغننين زى حليم واسلام وصاصا وبجد انا بكون مبسوطه من مشاركاته وردوده واحب اقوله انى حنتصر عليكو فى المعركه

witch evil

حوريه من الشخصيات اللى قلبها ابيض جدا بس هى عصبيه قوى وطيبه

gogo

جوجو نشيطه جدا وليها مكانه ودمها خفيف واحب اشكرها على الكرسى اللى هى حطتنى فيه وهى كميله خالص وبضمها لاخواتى الصغننين


Künstler
دول 30 عضو
اوعدكم باقئ الاعضاء هيكونو معانا الشهر التانى لينا مع بعض
انا عارفه ان الموضوع طويل بس صدقونى شكل الاسامى حلو وهى مع بعض ويارب تزيد كمان
مستنيه كل اسم من اللى كتبتهم عشان يرد عليا :):)

شكرا يا حبى على الموضوع الجميل ده وبجد عوده قويه جدا
بس مش عاوزه حد يزعل منى من الناس اللى مكتبتش عنهم لانى معرفهومش قوى
ويا رب مكونش تقلت عليكم

Mimi
10-17-2008, 04:37 PM
ميررررسي اوي اوي ياروني على رائيك فيا

وانتي والله من الناس اللي مشوفتهاش بس دخلتي قلبي وارتحتلك

وان شاء الله في انتظار اليوم اللي اقدر اشوفك فيه

ربنا يخليكي ليا ياروحي ، اي لف يو تو

samomran
10-17-2008, 06:23 PM
يااااااااااااااااه يا رانيا انا ردودى مستفزه ماشى انتى حتشوفى الاستفزاز بجد
و ميرسى انتى فى مقام اختى رضوه الكبيره و فعلا انتى شخصيه لذيذه جداااااااا و من الناس اللى بعمل لهم حساب لما اشوفها فى الكليه

shimo
10-19-2008, 07:50 PM
رونيييييييييي بجد كسفتيني موووووووووووووووووت
انا مش عارفه اقولك ايه من كتر كلامك الجميل عني ما اثر فيا
يارب يديم المعروف بينا دايما
واوعدك اني حشوفك قريب اوى وانشاء الله نكون اصدقاء بجد واكون اد الثقه دي
بس علي فكرة انا مش هادية ههههههههههههههههههههه انا شقيه شويا ههههههههههههههه :p

samomran
10-19-2008, 10:23 PM
يعنى احنا ممكن فى الرحله اللى جايه و احنا فى القاهره نشوفها فى الحسين مثلا ايه رايكم

shimo
10-21-2008, 01:11 PM
انا حجاوب وامري لله بناء على رأى الجماهير اللى بتتحجج بيا عشان مش يبقئ ليه منفذ تاني يهربوا منه وهما عارفين نفسهم :p
Mohamed Saad Yassin
استذا محمد يس انا الحقيقه شفته مرة واحدة بس وباللى بسمعه عن طريق حسن يعني انه شخصيه محترمه جدا جدا جدا وهو بيعزوا زى اخوه الكبير بس عشان انا صريحه سعات بحس ان استاذ محمد مش طايقني معرفش ليه ولاحظت دا من موقف معين بس انا عن نفسي بحترمه من طريقته فى الردود وحله للمشاكل اللى بتقابلنا بحكم دراستي اقدر احكم علي حضرتوا انه 100% شخصيه قياديه رائعه تتحمل المسؤليه

thesurveyor
كعبول سونا وغيرو وغيرو ابن عمي الطيب واخويا اللى عمرى ما حسيت انى مخنوقه واحتجتله وملقتهوش عندى مهما قلت بحس ان حسن دا شخصيه فى منتهى الحنيه وفنفس الوقت سعات بحس انه بير غويييييييييييط من كتر ما بيكتم جواه سعات بيقولي على حجات تعباه وسعات يفضل ينفرد بيها لنفسه
بس بالمجمل شخصيه خدومه وطيب وحنين ومش بجامل ودا ميمنعش ان فى شويا من الغلاسه والضحك ههههههههههه :p
المهندس ايمن جمالايمن شخصيه محترمه جدا وعلى حسب الردود وطريقه الكلام من خلال المنتدى اكدتلى دا غير انه خجول وحساس ولبق ودا على حسب اللى انا جمعته بس انا عن نفسي بحترمه جدا و انا بعزوا اوى زى حسن تمام مهندسة مها عفيفى
بموووووووووووووووووووووووووووت فيهااااااااااااااااااااااااااااااا اوى اوى اوى

eslam mamdouh
مش اتعاملت معاه لكن من طريقته فالمنتدى بيبين انه شخصيه محترمه مثقفه
judy
اهلا اهلا اهلا اهلا بالصغنن بتاعي انا وبس . انا اعرف جودي من زمان بس قربنا من المنتدى وهى عارفه كويس جدا انى بحبها اوى ولو هى بتتكسف منى وهى بتكلمنى فانا سعات بكون مكسوفه من نفسي اكتر لانى بكون عايزة اقولها واتكلم معاها ومعرفش :o ربنا يديم علينا المحبه دى يا قلبي انتى
lover angel
البيج بوس بتاعت البنات روني اللى اول ما قبلتها حسيت فيها حنيه غريبه بجد حسيت انها مش غريبه عنى واحدة اعرفها من زمان واخدنا على بعض اوى اوى اوى وحبيتها جدا وبقولها يشرفنب جدا جدا اننا نبقئ اصدقاء مش اصحاب بس لان الحنيه اللى حسيتها جواكي صعب تلاقيها كتير فى الزمن دا
ثم مش احنا داخلين شغل مع بعض ولا ايييييييييه ؟؟؟؟؟ ههههههههههههههههه
[COLOR="darkorange"]tiger
\ يييييييييييييييييييييييي دا لوحدو مشكله مع انى مش اعرفوا بس باين اوى اوى اوى من ردودوا انه واحد طيب جدا جدا جدا حساس اوى محترم ولبق جدا عمروا ما عمل اى موقف فى المنتدى انا اتغظت منه او دايقني
ومواضيعوا سعات يتمسنى بالذات موضوع الصداقه دا كان بالفعل رائع
Wild_Angel

شخصيه لذيذة بس يخسارة مقربناش من بعض اوى
ahmedko


اهلا بالزملكاوى دا بقئ لما بشوف مواضيعوا وردودو بموت من الضحك وخصوصا تفانيه وهو بيدافع عن اى زملكاوى بس بجد شخصيه طيبه جدا ومحترمه ومرحه
sasa
:mad: دمه خفيف اوى بس هددنى قبل كدا فموضوع وانا مرديتش عليه لانى مش بتهدد بس اللى ممكن يشفعلو عندى موضوع صعيدى دا بتاع احمد ونور بس مصطفى فعلا شخصيه ضحوكه اوى وانا بعتبروا زى اخويا الصغير
احمد حسن
باين اوى من طريقه احمد انه شخص محترم جدا حابب انه يندمج فى جو العيله اللى هو محروم منه فى الغربه وانا هنا بقولو احنا كلنا اخواتك واتشرفنا بمعرفتك وعلى فكرة هو دمه خفيف برضو
samomran
كان خانقني مووووووووووووووووووووت بعد اللى عملو لما موضوعو اتحذف اول مرة بس خلاص رضيت عنه انا وخصوصا لما شفته فى الكليه انه غلبان كدا بس نصيحه بلاش ردودك المستفزة دى ها هتندم احزرنى انا وروني وجودى خليك عقلاني وعملى وتحالف مع الكافه الراجحه وسيبك من اللى انت معاهم
shimo :rolleyes:

zoro313
انا مش اعرفوا بس هو عامل مواضيع حلوة فى قسم الفرفشه ومواضيع تانيه على البنات هتقلبنا عليه قريب وهو فى الشله بتاعت الشبح وصاصا وقريبا سوف يشن هجوم قاتل عليه وهنعمل ليهم ابادة بس هو دمه خفيف هههههههههه
sarah
محترمه جدا وانا عن نفسي بعد المشكله اللى حصلت كبرت فى نظرى اوى واعتبرتها اختي الصغنونه . عجبني اوى اسلوبها فالموضوع اللى نزلتو كلمه اعتذار كان اسلوب لبق جدا جدا

عاشق الرومانسيه
حد حساس اوى وموهوب جدا جدا
mohamed-gohar
مقدرش اقول حاجه لانى معرفش شخصيته اوى بس هو انسان محترم

الشبح

دا ليه لقب جديد هيطلع عليه قريبا حصريا من اعضاء حزبنا لانه بدأ يستفزنا بجد . وانا كنت قلتلو انه دايقنى من موقف حصل ايام المشكله اياها بس حاليا هو زى اخويا الصغير نعمل ايه بقئ . على فكرة انت عزمت رانيا على حاجه ساقعه لما الزمالك خسر صح ؟
دى رشوة ونحن لانقبل بالرشوه كلا بتا انسى ههههههههههههههه
emu
على اسمي ههههههههههههه عسوله اوى ومواضيعها جميله وهى واضح انها شخصيه محبوبه بس يخسارة انا مشفتهاش

witch evil
بتابع مواضيعها وبيعجبني ردها وواضح انها شخصيه متدينه ومحترمه جدا جدا

mahro
شخصيه مرحه من مواضيعوا ومحترم جدا واجتماعي

gogo
دى بقئ سكرة بجد انا حبيتها جدا جدا هى مش بتدخل كتير بس فعلا لذيذة وانا اعتبرتها اختي الصغتوته برضو
mesa7a
طريقه ردو عقلانيه جدا وهو شخصيه محترمه بس مش بيشارك كتير زى الاول

usama
محترم ومواضيعوا كويسه

onon
يمني اغنيلها اجيب منين الصبر ههههههههههههههه . حبيبتي اللى بتستحملني وتقف جمبي كتييييير ومهما

قلت عليها مش هقدر اوصفها الن يمني مش اى حد يعرفها لازم يقرب منها عشان يلمس اد ايه هى حساسه

وطيبه وخلوقه بجد بجد بجد انا بحمد ربنا ان ليا حد زيك يا يمني بحبك اوى ويارب ما نفترق ابدا tota
توتا مش بتشارك كتير بس هى جميله ودمها خفيف ومحترمه
م/ احمد فاخر

محترم جدا من طريقه كلامه
Künstler
حساها شقيه واكتيف كدا وانا بحب اللى شخصيته كدا

على فكرة انا كل كلمه قلتها كانت الحقيقه لانى مش بعرف اجامل وبكون مبسوطه اوى لما بدخل المنتدى وابقئ معاكم
كعبوووووووووووووووووووووول انا جاوبت يلا دورك يا لطيف عشان مش تتحجج بيا

Mimi
10-21-2008, 05:11 PM
شيمـــــــــــو :eek:

انتي كل الناس عندك اخواتك الصغنتتين :eek::eek:

محسساني انك عندك 50 سنة ، مكنش فرق شهور بسيطة يالهووي عليكي ههههههههههههههههههههه

بس تصدقي رائيك في كل واحد يخلينا نحبه يعني مثلا رائيك في روني وكونستلر وساسا وكعبول ووايلد وايمن واشرف و ...الخ بيحسسني ان هما فعلآ كدا ، حاسة ان كلامك فيه مصداقية كبيرة اوي وطالع من القلب

تجنني والله ياشيمو ولو اكلمك تاني مش هتكسف ولا حاجة ونتي كمان ماشي؟ عشان احنا لازم نجمد قلبنا ضد عصابة الرجالة المفترية

je t'aime encore mon amour mwaaaaaaah:)

samomran
10-21-2008, 10:05 PM
مشكووور يا شيمو بس انا عندى تعليق على حاجتين بس
اولا انا شوفتك فى الكليه من قريب صح هو انا بجد ردودى مستفزه فعلا
و بعدين انا مش غلبان ولا حاجه و الله انتى اللى غلبانه ده انا بيقولوا على انى ذئب

shimo
10-22-2008, 11:15 AM
مشكووور يا شيمو بس انا عندى تعليق على حاجتين بس
اولا انا شوفتك فى الكليه من قريب صح هو انا بجد ردودى مستفزه فعلا
و بعدين انا مش غلبان ولا حاجه و الله انتى اللى غلبانه ده انا بيقولوا على انى ذئب

مخدتش بالى من ذئب دى ههههههههههههههههههه ملحظتهاش
اما على الردود المستفزة فانا قلت انها كانت قبل كدا
لكن حاليا بالعكس انت دمك خفيف جدا ومرح
انا غلبانه هههههههههههههههههههههه واللهى بيتهيئلك

Rania Ismail
10-22-2008, 11:37 AM
مرسى يا شيمو على الكلام الجميل ده اللى قولتيه عليا
انى حنينه
مع ان اللى يشوفنى يقول عليا مفتريه وشريره وحجات يا ما كده
بس بجد والله انا من بعد ما شوفتك بجد حبيتك اكتر واخدت عليكى بسرعه مهوله
وبجد بجد انتى من الناس اللى يشرفنى انى اكون صديقتك

Mahmoud Slem
10-25-2008, 07:06 AM
Mohamed Saad Yassin

السنادى اول مره اتعامل مع استاذ محمد سعد
يارب يكون اخد فكره كويسه بغض النظر عن اى حاجه
صراحه حسيت انه اخويا الكبير
وبكره الوقت هيثبت فعلا شخصيه قوية وبتهاجم كتير


thesurveyor

حين ده حبيبى انا عرفته من كورس فى الاكاديميه
او بمعنى اصح شوفته واول ما دلخت المنتدى اتعرفت عليه وهو
شخصيه لذيذه
حاسس انه تقيل شويه لسه مش عارف
لكن قيادى

المهندس ايمن جمال

مرح اتعرفت عليه فى الكلية
انسان محترم جدا وخدوم جدا ربنا يديم الخير

مهندسة مها عفيفى

انا اعرفها من خلال المنتدى
لكن مواضيعها بتدل عليها
انسانه
اجتماعية بتفكر


eslam mamdouh

الراجل ده بيعمل مجهود جبار بدون مقابل
بجد بحيية انا اتعرفت عليه
وهو انسان مترم وفوق المحترم

judy

دى بقى انا متخيلها فروله المنتدى
مواضيعها علميه
منسقه
ومحترمه
ربنا يكرمك يا جودى

lover angel

وحش المنتدى
هههههههههههههههههههههه
بجد راينا شخصيه لذيذه بتحب الضحك
مستبيعه احيانا
هههههههههههههههه
جد عند اللزم
وخدومه


tiger

اشرف حبيب قلبى
حسيت انه صاحب واخ ممتاز
جدا
شخصيه جميله
ربنا يشفيه يا رب

Wild_Angel

من مواضيعها وردودها
انسانه محترمه
كلامها متناسق
بتحب الخير
ربنا يكرمك يا وايلد

ahmedko

حبيبى ده امين الجمعيه
لازم افشخر فيه
هههههههههههههههههه
لا بجد احمد انسان جميل
بيحب يساعد
ويخدم
وراجل بجد



احمد حسن

انا اعرفه من المنتدى
ردوده جميله
شخصيه محبوبه من ناس كتير
تعرفه


samomran

الصعيدى ده
هههههههههههههههههه
هو ده اللى انا عملت عليه القصه
هههههههههههههههه
لا طبعا
انا مكنتش اعرفه
لكن
بعد كده عرفت انه انسان لذيذ بجد
جامد
وطموح برنا يحققله اللى عايزه

shimo :p

اختى طبعا
دايما فاكره الاحتفالات والتهنئه
بمعنى بتاعه واجب
مش عارف ايه اللى صدر منى زى ما ه قالت
انا اسف بجد لو صدرت منى حاجه
بس مش عارف ايه هى
نشيطه ويارب تفضل معانا كده على طول


zoro313

مكنتش اعرفه
عفته من المنتدى وبعدين فى القسم
شخصيه
جميله

sarah

انسانه محترمه جدا

ودمها خفيف بجد

وردودها جميله ومشجعه

عاشق الرومانسيه

انا مش اعرفه
لكن من الكلام اللى سمعته عنه
شخصيه جميله جدا

mohamed-gohar

محصليش الشرف انى اتقابل معاه
لكن ردوده معقوله
لكن مش متواجد دايما


الشبح

ميدو حبيبى
جامد الواده
مع انه زملاكاوى
الا انه
راجل

emu


شيماء
دى
انسانه محترمه
خدومه
ومبتسمه دايما
مواضيعا بجد
بتعجبنى اوى

witch evil

حوريه طبعا
انا مقابلتهاش كتير فى القسم
مرتين او اكتر
لكن هى فنانه
هههههههههههههههه

mahro

محصليش الشرف
لكن احب اشوف مشاركاته

gogo

مش متواجده كتير فى المنتدى
لكن بتيجى بالمفيد
وهى طبعا معانا فى الشعبه ومعانا فى الجمعية

mesa7a

طبعا على عرفته قريب
راجل عملى


usama

منحرف
ههههههههههههههه
شخصيه لذيذه
اتخدعت فيه الاول
افتكرته شخيصه مش كويسه
لكن
طلع
انسان جميل جدا


onon


محصليش الشرف
لكن اتمنى اننا نكون اخوات واسره كلنا فى البيت بتاعنا
المنتدى
tota

مش لازم اتكلم هى عارفه

م/ احمد فاخر

مواضيعه
جميله
وانسان محترم

Künstler
افكارها عجبانى جدا
ومواضيعها عجبانى جدا
بجد
شخصيه جميله شيماء
على الرغم انى مشوفتهاش


يا جماعه انا مش بحب اتكلم كتير
ردودى قصيره
لكن
المهم اللى جوه

Rania Ismail
10-25-2008, 10:05 AM
مرسى يا صاصا ليك
ده لقب جديد ليا
غير الكبيره وهولاكو
يلا مش مشكله على العموم مرسى كتير ليك يا حوده

Mimi
10-25-2008, 09:40 PM
هههههههههههههههههههه روني عسل والله

ميرسي ياصاصا على وصفك الجميل دا كلك زوء

Rania Ismail
10-26-2008, 08:40 PM
هههههههههههههههههههه روني عسل والله

ميرسي ياصاصا على وصفك الجميل دا كلك زوء


مرسى يا جودى والله انتى اللى عسوله
انتى فكرانى بهزر
انا بقى حبقى اكتب الالقاب بتاعتى فى ورقه علشان منساش
مره وحش ومره هولاكو ومره الكبيره
يا عالم المره حيطلع عليا ايه
يا مسهل

Mahmoud Slem
11-02-2008, 10:33 PM
هو الموضوع وقف ولا ايه يا شباب
عايزين
نشوف باقى المشاركات
وعايزن
باقى الاعضاء
تدخل ترد
وشيماء
تدخل تضيف 30 عضو تانين

Mimi
11-02-2008, 10:38 PM
عندك حق يامحمود

عايزين نكمل ياشيمو

shimo
11-04-2008, 06:59 PM
يعني يا صاصا انت وجودي شوفتو فى ناس فى الاول مهتمتش اصلا بالموضوع
عايزين اضيف 30 عضو تانين ؟
ال وكعبول كان عامل حجته اني مجوبتش
وهو كعبول فين دلوقتي وانا مجاوبه من سنه فاتت

اوك انا هضيف 30 عضو تانين بس كمان كام يوم كدا
انتو تؤمروني :)

Hassan Mohamed
11-09-2008, 12:16 PM
ههههههههههههههههه اجاوب علي ايه دول كتير قوي ياريت تختصريهم ل 10 مثلا انما 30 كتير قوي انا مستحيل اجاوب علي 30

Mimi
11-09-2008, 01:13 PM
كعبول انت كدا هتتراكم عليك الاسماء

يعني شيمو لو نزلت كمان 30 اسم هتكون مطالب برائيك في 60 واحد حضرتك متخيل الحوار دا ؟ : D

Hassan Mohamed
11-09-2008, 01:18 PM
خلاص انا بعتزر عن اجابتي هنا معلش مش هقدر اتكلم عن 60 عضو انا اخري 10 بالكتير

Wild_Angel
12-11-2008, 12:49 AM
السلام عليكم ورحمة الله وبركاته
اولا بشكر كل الناس اللى اتكلموا كل الكلام الكويس ده:o
اخجلتم تواضعنا

معلش على دخولى المتأخر لكن انا بشكر شيمو على الموضوع ده

Mohamed Saad Yassin

الاستاذ الاخ
طيبه وقوه ..رقه وشده
احترمه جدا
يجبر اى شخص على احترامه
ويدخل القلوب سريعا بأسلوبه
ربنا يديم معزته لدفعتنا

thesurveyor
Hassan Mohamed
احترمه وارى فيه القياديه ..مدير ناجح بسم الله ماشاء الله
وربنا يعينه ولكن كلمه صغيره له من اخت..الدراسه اولا ضعها امام عينيك

المهندس ايمن جمال

اخ احترمه جدا واقدره..و اتمنى ربنا يديم الموده ..
مشرف ناجح والحمد لله
ذكى ولماح

مهندسة مها عفيفى

قصة حب حرف الصاد..واظن انها لو قرأت حتفهم ;)
بحبها جدا واحترمها ولا اتخيل القسم الاجتماعى والثقافى بدونها
شخصيه واعيه وجريئه وردودها وموضوعاتها تعجبنى

eslam mamdouh

من الشخصيات التى احترمها جدا حتى من قبل دخولى المنتدى
لا يبخل بمعلوماته
بسم الله ما شاء الله مثقف وواعى ومتفهم ويكفى ان يقال انه بحر متعطش دائما للعلم
لبق ومتواضع

judy

فراشة المنتدى تيجى وتطير
بحبها جدا وبعتبرها من الشخصيات المرحه جدا
وعدم وجودها بيظهر جدا لانها من الشخصيات الفعاله داخل المنتدى
واحب اقولها (اذا امتلكت كرسيا فلا تجلس عليه كثيرا حتى يفنى ولا تهمله حتى لا ينكسر)
lover angel

حبيبة قلبى يمكن متعاملتش معاها قبل السنادى بس اكتشفت انها طيبه اوى
ويمكن ان تطلق عليها(امومه مبكره)وحنيه هائله
عصبيه حبيتين على الولاد بس احيانا بيكون عندها حق

tiger

شخصيه طيبه متعاملتش معه شخصيا
الا ان انطباعى عنه انه هادئ وعاقل ومتواضع
Wild_Angel

ما يمدح نفسه الا ابليس
ادعو الله دائما ان يكون راضى عنى واكون عند حسن ظن الجميع

ahmedko

شخصيه محترمه ..و يعطى نصائحه لكل انسان دون ان يبخل بذلك
sasa

مواضيعه منسقه وتدل على انه شخصيه منظمه وتحب التناسق
دمه خفيف...ولن انسى موضوع يوميات صعيدى
نشيط ولبق

احمد حسن

اخ كبير لنا هنا فى المنتدى
يذكرنى بالغربه اللى فيها جميع شبابنا
واتمنى ان يكون المنتدى اسره صغيره له
samomran

موضوعاته جميله جدا ..لكن احيانا خطه بيكون صغير
احترمه جدا ..اثبت وجوده فى المنتدى بشكل جيد

shimo

شخصيه لذيذه ومرحه

zoro313

ربنا يكرمه..سعدت بوجوده ومشاركته فى القسم الاسلامى
واتمنى ان يهدئ ولو قليلا فى عدواته للبنات

عاشق الرومانسيه

شاعر المنتدى
كلماته من القلب
ربنا يكرمه هو وكل شباب المسلمين
الشبح

بياخد على الناس بسرعه
واتمنى انه يتأنى ولو قليلا

emu

بنت محترمه ولم اتعامل معها كثيرا لاضع فكره عنها
witch evil

حبوبه ومرحه وتحب الحياه

mahro

يحاول التألق فى ابداعاته
gogo

مقله فى الاونه الاخيره فى الدخول
onon
تعجبنى موضوعاتها وردودها فى القسم الاسلامى
ربنا يكرمها ويجازيها خير

tota

مقله فى الدخول ولكن موضوعاتها جميله وهادفه


م/ احمد فاخر

شخصيه محترمه و يحاول دائما ان يفيد الجميع
mesa7a-- Künstler
usama-- sarah--mohamed-gohar

لم اتعامل معهم ويمكن لانى لم ارى ردودهم كثيرا فى القسم الاسلامى


كل الناس الذين تحدثت عنهم احترمهم جميعا ، الكثير منهم لم اتعامل معه شخصيا ولكن يكفى ان الكلمه دائما تعبر عن صاحبها

احب ان اضيف بعض الشخصيات التى تعاملت معها هنا فى المنتدى
محبة الرحمن

عضوه نشطه جدا فى القسم الاسلامى
هدفها ان تعلو راية الاسلام ربنا يكرمها ويجازيها خير

محمد حمدى

زميل لى فى الدراسه و الاشراف
احترمه جدا
شخص ذوق ومتواضع..ربنا يكرمه هو كل الشباب اللى زيه وينصر الاسلام بيهم

heba
عضوه احترم موضوعاتها فى القسم الاسلامى
ودائما اتابعها

ساره جمال
شخصيه محترمه جدا
مثقفه وذكيه

ناس كتير جدا عايزه اتكلم عنهم وخاصة معظم الاعضاء فى القسم الاسلامى
ولكن اتمنى ان من لم اذكرهم ان لا يضيقوا منى
يكفى ان اقول ان المنتدى قد جمع اناس احبهم فى الله واحترمهم


موضوع جميل يا شيمو

Mimi
12-16-2008, 10:22 AM
شكرآ حبيبة قلبي وايلد على آرائك الجميلة دي انتي هايلة والله وكلامك ووصفك جميل زيك جزاكي الله كل خير :)

samomran
12-16-2008, 11:48 AM
اوووووووووووووو
اخجلتنى و الله بالكلام الحلو ده ميرسى كتيـــــــــــــــر ليكى

ميرا مار
12-18-2008, 03:49 PM
اوووووووو
وايلد حبيبة قلبى
والله باحبك قوى وبعدين كدة هتخللى الناس يتساءلون ايه حكاية الصاد.. ههههههه عموما من هنا
باوجة شكر كبييييييييييييييييييير لحرف الصاد

Rania Ismail
02-12-2009, 09:17 PM
مرسى يا وايلد يا حبى ربنا يعلم انا بحبك قد ايه يمكن المنتدى هو اللى جمعنا وعرفنا على بعض رغم اننا مع بعض فى كليه وقسم واحد
وانا بقولك بموووووووووووووووت فيكى بجد انتى طيبه وتستاهلى كل خير
ويا جماعه بجد الموضوع فوق الرائع متوقفوش الموضع على كده يا ريت تتواصلو معانا مش حينفع كده

samomran
10-19-2009, 06:24 PM
يا ريت يا جماعه الموضوع ده يرجع زى الاول

و باقى اخواتنا يتكلموا شويه فى الموضوع ده

ALY ELSAYED
10-20-2009, 01:17 AM
الله ينور يا شيمو

الموضوع جميل جدا ولازم يستمر

والناس الي لسه مردتش ياريت ترد

عايزين الموضوع ينشط تاااااني

جزاكم الله كل خير

Wild_Angel
10-24-2009, 08:56 PM
على
أرجو أنك تغير الاسماء
لان فى اعضاء مبقوش يدخلوا
وكمان ناس كتير غيرت اسمها من الاسماء الموجوده دى
واتمنى تضيف كمان شوية اسماء بتشوفها بتشارك معانا دايماً

emu
10-25-2009, 07:03 PM
عندك حق ياوايلد
انا معاكي واكيد في اعضاء كتير رأيهم من نفس الرأي

ياريت يا كارمو تحققلنا الطلب ده



.

Ahmed Mohamed
10-29-2009, 11:11 AM
الصراحة موضوع جميل جدا وارائكم لبعض اجمل والله

وان شاء الله حنسق مع علي ونكمل الموضوع باذن الله

MUHAMED SAMY
02-23-2010, 12:35 AM
موضوع رائع جدا (جاااااااااااااااااااااااااااااااااامد) ويارب يكون نشيط زى ما كان

mohamed ali
02-25-2010, 03:11 PM
موضوووووع جميل جدا
وفى مزيد من النجاح والتقدم