المساعد الشخصي الرقمي

مشاهدة النسخة كاملة : ادم وحواء فى سطور.........(متجدد)



الورده البيضاء
09-25-2009, 03:26 AM
حواء يآملكة الرومانسية
يامن تدخلين البهجة على حياة آدم فكنت الأم الحانيه والأخت
العطوفة
و الزوجة المطيعة والابنة الصالحة .. وجودك في عالم آدم
ضروري فأنت
نصفه الثاني .. !!
حواء في هذه السطور سنتعرف على عآلمك الخاص الذي لايخلو
من الرومانسية ممزوجة بالشقاوه ومحلاه ببعض من المصاعب فلا
طعم للحيآة بلا مصاعب ..وسنبدأ بأول مرحله..

مرحلة عبث الطفولة

1 -مكان الميلاد أين كان؟
2 -حياة الطفوله من كان المؤثر الأول بها؟
3 -موقف من الطفوله مازال عالق في ذهنك؟
4 -هل كان يوجد معامله مختلفه لاخوانك الذكورعن البنات؟
5 -اليوم الدراسي الأول هل تتذكري حالك فيه؟
6 -عبث الطفوله كيف تصفينه في بضع كلمات؟
7 -أصدقاء الطفوله هل مازلوا على تواصل؟



ادم وحوا

1 - الرجل ماذا يعني وجوده في حياتك اليوم؟(للبنات)
المراة ماذا يعنى وجودها فى حياتك اليوم؟
2 - من هي الشخصية الرجاليه التي تعجبك؟(للبنات)
من هى الشخصية النسائية التى تعجبك؟(للشباب)
3 - من هي المرأه التي تود ين أن تكون قدوة لكل نساء الأرض؟(للبنات)
من هو الرجل الذى تود ان يكون قدوة لكل الارض؟(للشباب)
4 - بعد الأخلاق الحسنة ماأكثر مايلفت انتباهك في الرجل شكلا؟(للبنات)
مالذى يلفت انتباهك فى المراة ؟(للشباب)
5 - مارأيك بالرجل الذي اهتمامته كمتابعة الموضه والازياء؟(للبنات)
مارايك فى المراة التى اهتماماتها فى الموضوة والازياء؟(للشباب)
6 -خانك آدم فأصبحت مابين المنصدم والمنتقم كيف ستكون ردة فعلك؟(للبنات)
خانتك حواء فماذا يكون رد فعلك؟(للشباب)
7 - بيت شعر تهديه لآدم؟(للبنات)
بيت شعر تهدية لحواء(للشباب)
8 - كلمة توجهينها لآدم سواء كانت الأب او الزوج أوالاخ او الحبيب؟(للبنات)
كلمة توجهها لحواء(للشباب)
9_ماذا تعنى لك|لكى الحياة الزوجية؟
10_بعد زواجك هل ستسمح|تسمحى بتدخل الاهل فى مشاكلك؟

آخرر سؤآل وأهمهآ ...

في كم سؤال من الأسئله جاملتي ... كذبتي ... واذكري الأسئله << مفيشناش من احرااج
ضيفتي المتألقه بطلتها.
هى
هى
هى
























لولووووووووووووووووو
فى انتظار اجابات لولو وبعدين هى هتختار الضيفة اللى بعدها
اتمنى ان الفكرة تعجبكم

الورده البيضاء
09-25-2009, 03:32 AM
كل الضيفات هيتسالو نفس الاسئلة
مش حابة اتعبكم:D:D
انا كنت كتبت الموضوع على اساس انة لحواء فقط
لكن غيرت رائى اية رايكم نخلية لادم وحوا
يعنى ترد على نفس الاسئلة

Soma
09-25-2009, 05:43 AM
الله ينور عليكى يا ايمى فكرتك حلوة و الاسئلة جميلة اوى
تسم ايدك

الورده البيضاء
09-25-2009, 02:14 PM
الله ينور عليكى يا ايمى فكرتك حلوة و الاسئلة جميلة اوى
تسم ايدك


ميرسى ياحبيبتى ربنا يخليكى

الورده البيضاء
09-25-2009, 03:10 PM
فى انتظار رد الاء

Wild_Angel
09-25-2009, 03:18 PM
كل الضيوف حيتسألواااااا:eek_yello:

يلا يا لولوووووووووووو
:clap::clap::clap::clap::clap::clap::clap::clap::c lap::clap::clap::clap:

الموضوع جميل يا أمل ماشاء الله

ALY ELSAYED
09-25-2009, 03:26 PM
الله ينور عليكي يا ايمي

موضوع جامد واختيار موفق باذن الله

وفي انتظار اجابات لولو

جزاكي الله كل خير

الورده البيضاء
09-25-2009, 03:32 PM
كل الضيوف حيتسألواااااا:eek_yello:

يلا يا لولوووووووووووو
:clap::clap::clap::clap::clap::clap::clap::clap::c lap::clap::clap::clap:

الموضوع جميل يا أمل ماشاء الله


ميرسى ياحبيبتى
ربنا يخليكى

الورده البيضاء
09-25-2009, 03:33 PM
الله ينور عليكي يا ايمي

موضوع جامد واختيار موفق باذن الله

وفي انتظار اجابات لولو

جزاكي الله كل خير


ربنا يخليك ياعلى
شكراااااااااااا

alaa eid
09-25-2009, 07:12 PM
حواء يآملكة الرومانسية


يامن تدخلين البهجة على حياة آدم فكنت الأم الحانيه والأخت
العطوفة
و الزوجة المطيعة والابنة الصالحة .. وجودك في عالم آدم
ضروري فأنت
نصفه الثاني .. !!
حواء في هذه السطور سنتعرف على عآلمك الخاص الذي لايخلو
من الرومانسية ممزوجة بالشقاوه ومحلاه ببعض من المصاعب فلا
طعم للحيآة بلا مصاعب ..وسنبدأ بأول مرحله..


مرحلة عبث الطفولة


1 -مكان الميلاد أين كان؟

العريش

2 -حياة الطفوله من كان المؤثر الأول بها؟

والدتي

3 -موقف من الطفوله مازال عالق في ذهنك؟

ايام ماكنت في الحضانة وبروح عند بابا في المدرسة كان في استاذ دايما ياخدني ويشتري ليا حلويااااات:1::1::1:



4 -هل كان يوجد معامله مختلفه لاخوانك الذكورعن البنات؟


نوووووووو


5 -اليوم الدراسي الأول هل تتذكري حالك فيه؟

كان حلو

6 -عبث الطفوله كيف تصفينه في بضع كلمات؟


كان جميل وماكنتش شقية كتير من يومي هادية :1:

7 -أصدقاء الطفوله هل مازلوا على تواصل؟

بعضهم





ادم وحوا


1 - الرجل ماذا يعني وجوده في حياتك اليوم؟(للبنات)

يعني لي كل ايشي اذا كان زوجي في المستقبل ان شاء الله وهايكون الاخ والصديق

المراة ماذا يعنى وجودها فى حياتك اليوم؟

2 - من هي الشخصية الرجاليه التي تعجبك؟(للبنات)

انه يكون راجل بمعني الكلمة ويحترم شريكة حياته


من هى الشخصية النسائية التى تعجبك؟(للشباب)

3 - من هي المرأه التي تود ين أن تكون قدوة لكل نساء الأرض؟(للبنات)

السيدة خديجة في الاول ثم خالتو


من هو الرجل الذى تود ان يكون قدوة لكل الارض؟(للشباب)

4 - بعد الأخلاق الحسنة ماأكثر مايلفت انتباهك في الرجل شكلا؟(للبنات)

يكون وسيم وشياكته


مالذى يلفت انتباهك فى المراة ؟(للشباب)

5 - مارأيك بالرجل الذي اهتمامته كمتابعة الموضه والازياء؟(للبنات)

يعجبني لان بحب الراجل اللي يكون علي الموضة ودايما شيك

مارايك فى المراة التى اهتماماتها فى الموضوة والازياء؟(للشباب)

6 -خانك آدم فأصبحت مابين المنصدم والمنتقم كيف ستكون ردة فعلك؟(للبنات)

هافضل الانفصال لان اصعب حاجة الخيانة ولما تكون من غير سبب واضح


خانتك حواء فماذا يكون رد فعلك؟(للشباب)


7 - بيت شعر تهديه لآدم؟(للبنات)

حبيبي لن يطمئن قلبي حتي ألقاك ولن افرح حتي أراك ترسم البسمة علي وجهي الجذاب انت بعيد ولكن قلبي عندك وعقلي يفكر فيك فأنت عشيقي .


بيت شعر تهدية لحواء(للشباب)
8 - كلمة توجهينها لآدم سواء كانت الأب او الزوج أوالاخ او الحبيب؟(للبنات)

ان يحاول يقدر يسعد زوجته علي اد ما يقدر ويحافظ عليها جدااااااا


كلمة توجهها لحواء(للشباب)

9_ماذا تعنى لك|لكى الحياة الزوجية؟

تعني لي كل شئ


10_بعد زواجك هل ستسمح|تسمحى بتدخل الاهل فى مشاكلك؟

نوو مشاكلي احب اعالجها بنفسي ما احب حد يتدخل فيها


آخرر سؤآل وأهمهآ ...


في كم سؤال من الأسئله جاملتي ... كذبتي ... واذكري الأسئله << مفيشناش من احرااج
ضيفتي المتألقه بطلتها.
هى
هى
هى

























لولووووووووووووووووو
فى انتظار اجابات لولو وبعدين هى هتختار الضيفة اللى بعدها

اتمنى ان الفكرة تعجبكم





ميرسي خااااااااااالص علي الاسئلة الجميييييييييلة ديه يا امولة


ويارب اكون اجابتي حلوة وجميلة


تسلمي حبيبتي


وهختار بعدي هايكون معانا الضيف


هو

هو

هو











زومـــــــــــــا (بيبرس)

ALY ELSAYED
09-25-2009, 07:27 PM
الله ينور يا لولو

اجابات جميله وصريحه جدا

واختيار موفق لزوماااااااااااااااااااااا

يلا يا حازم تعالي جاوب

جزاكي الله كل خير

الورده البيضاء
09-25-2009, 08:12 PM
اجابات جميلة جدا يالولو
تسلمى ياحبيبتى ميرسى ليكى
بس اللى مش داخل عليا حكاية انك هادية من يومك
شىء لايصدقة عقل
ههههههههه
ميرسى ياقمر

فى انتظار حازم

Soma
09-26-2009, 05:44 AM
الله ينور عليكى يا الاء اجابتك جميلة
جزاكى الله كل خير

Zooma
09-26-2009, 02:33 PM
:D :D :D :D
موضوع جميل يا ورده
بس انا لسه ما ركزتش ف الاسئله
شويه كده واجاوبها
"" ماشى يا الاء :bones: ""

الورده البيضاء
09-26-2009, 06:24 PM
ههههههههههههههههههه
ماشى ياحازم
ركز براحتك واحنا فى انتظارك

alaa eid
09-26-2009, 10:52 PM
ههههههههههههههههه


تعيش وتاخد غيرها:1::1:

Soma
09-27-2009, 12:33 AM
كل ده تركيز ياحازم :p

Zooma
09-28-2009, 01:57 PM
معلش يا سوما لازم التدقيق :D


سؤال يا ورده عشان ادلى بأقوالى
اجاوب ع الاسئله كلها بما فيها الطفوله
ولا ايلى مكتوبي عليها شباب بس

الورده البيضاء
09-28-2009, 04:26 PM
معلش يا سوما لازم التدقيق :D


سؤال يا ورده عشان ادلى بأقوالى
اجاوب ع الاسئله كلها بما فيها الطفوله
ولا ايلى مكتوبي عليها شباب بس


كلة طبعا
دانا حذفت مجموعة اسئلة كمان مش ناوية احذف تانى
تجاوب على كللللللللللللللللللللللللللللللللللللللة

alaa eid
09-28-2009, 04:53 PM
ههههههههههههههههه


صحيح كلللللللل ده؟؟؟؟؟

الورده البيضاء
09-28-2009, 05:47 PM
ههههههههههههههههه


صحيح كلللللللل ده؟؟؟؟؟


هههههههههههههههههههه
انتى لسة فاكرة ياالاء؟

alaa eid
09-28-2009, 06:28 PM
هههههههههههههههههههه



انتى لسة فاكرة ياالاء؟




:cc_confused::cc_confused::cc_confused:

Zooma
09-28-2009, 09:27 PM
يـــا مساء الانوار عليكم شباب وصبايا
يالا بينا نبدأ

1 -مكان الميلاد أين كان؟
الاسكندريه

2 -حياة الطفوله من كان المؤثر الأول بها؟
خـــالــــى "خالى اخو مامتى مش معناها فاضى :D "


3 -موقف من الطفوله مازال عالق في ذهنك؟
انى عضيت ايدك الميس بتعتى وانا
ف kg1 :D:D
مع انها كانت موزة والله صورتها معايا لغايه دلوقتى :D

4 -هل كان يوجد معامله مختلفه لاخوانك الذكورعن البنات؟
ممممممممم مش عارف اصل كل واحد من اهلى واخدله ابن :D
مامتى واخده اخويا وبابا واخد اختى
انا بقى ايلى لايص ف النص :D :D:D

5 -اليوم الدراسي الأول هل تتذكر حالك فيه؟
لا بس اكيد كنت فرحان عشان اول يوم بس
بيروح ف المطلوب من كراسات وكده :D:D

6 -عبث الطفوله كيف تصفينه في بضع كلمات؟
بصراحه مكنش عندى عبث والله اصلى معشتهاش
وانا صغير ماكنتش بلعب ف الشارع ولا اى حاجه
من دى الوقت ايلى كنت بلعب فيه وقت الفسحه :D:D

7 -أصدقاء الطفوله هل مازلوا على تواصل؟
مافيش الا هما ومافيش احسن منهم لسه معايا
من حضانه لغايه جامعه والحمد لله

ادم وحوا

المراة ماذا يعنى وجودها فى حياتك اليوم؟
من الاخر كده ماينفعش الحياه من غير المرأة
دى نص الدنيا يا جماعه

من هى الشخصية النسائية التى تعجبك؟
الطموحه واللذيذه والشقيه والواثقه من نفسها
"كل ده ف حدود ماعدا الطموح طبعا"

من هو الرجل الذى تود ان يكون قدوة لكل الارض؟
السادات وهتلر

مالذى يلفت انتباهك فى المراة ؟
الصراحه يعنى عشان مانفلش وندور ع بعض :D
لبسها "لانه جزء من الشخصيه "

مارايك فى المراة التى اهتماماتها فى الموضوة والازياء؟
ياسلام السؤال جاى ف وقته
بتعجبنى اوى المراة ايلى بتهتم ع طول بمظهرها الخارجى
وانها تحاول تظهر بمظهر شيك " ع فكرة ده مش هيخلى مشاكل زوجيه فيما بعد "

خانتك حواء فماذا يكون رد فعلك؟
المركب ايلى دودى " مع السلامه " :chair:
:chair: :boxing: :boxing: :boxing:

بيت شعر تهدية لحواء
صغيرتى انا ...
فحرصى عليكى كحرص نفسى ع الحياة كى تطول
فأنتى ف اعماقى ذاتى سر اسرار حياتى

كلمة توجهها لحواء
مممممممممممممممم
هل عندك شك انك احلى واغلى امراة ف الدنيا

9_ماذا تعنى لك|لكى الحياة الزوجية؟
الجزء التانى من حياتى

10_بعد زواجك هل ستسمح|تسمحى بتدخل الاهل فى مشاكلك؟
الافضل نحلها بينا وبين بعض احسن

في كم سؤال من الأسئله جاملتي ... كذبتي ... واذكري الأسئله << مفيشناش من احرااج
والله ابدا حتى واضح اهو من الاجابات :D:D


ميرسى ورده عشان خليتى الواحد
يتكلم شويتين

alaa eid
09-28-2009, 10:10 PM
اجابات جمييييييييلة جدا

وديه عجبتني جدا جدا

كلمة توجهها لحواء
مممممممممممممممم
هل عندك شك انك احلى واغلى امراة الدنيا


الله ينور عليك


ياتري هتختار مين بعدك؟؟؟؟؟؟؟؟؟

الورده البيضاء
10-02-2009, 05:24 AM
فحرصى عليكى كحرص نفسى ع الحياة كى تطول
فأنتى ف اعماقى ذاتى سر اسرار حياتى
بيت الشعر جميل اوى
الله ينور ياحازم
اجاباتك جميلة جدا
وصراحتك واضحة فيها
تسلم ايديك
بس بالله عليك اوعى تنسى تختارلنا حد بعدك بنت او شاب

Zooma
10-03-2009, 08:49 AM
[I
بس بالله عليك اوعى تنسى تختارلنا حد بعدك بنت او شاب[/I]

هههههههههههههههههه
ماشى يا ورده
ايه رايك لو نمشيها مرة ولـــــد ومرة بنت
فهختــــــار
ميرو " مروة مجدى "

الورده البيضاء
10-04-2009, 09:47 AM
حلو اوى ياحازم
موافقة مرة بنت ومرة شاب
عشان ميبقاش فى تفرقة عنصرية:D:D

الورده البيضاء
10-09-2009, 03:09 PM
فينك يامروة
انتى نسيتى ولا اية؟؟؟؟؟
انا هبعتلها رسالة تانى

Marwa Magdy
10-09-2009, 11:23 PM
انا جيت اهو يا ايمى وحجاوب ع الاسئله اهو
يلا بينا نبدأ
مرحلة عبث الطفولة
:11rob::11rob::11rob::11rob::11rob::11rob:


1 -مكان الميلاد أين كان؟
الهانوفيل - الاسكندريه
2 -حياة الطفوله من كان المؤثر الأول بها؟
والدتى
3 -موقف من الطفوله مازال عالق في ذهنك؟
ههههههههههههههههههههههه
يوووووووووووووة
كتييير اوى اوى
بس اللى فاكراه دلواتى
انى وقعت لماما التليفزيون بالترابيزة ع الارض
وطبعا التليفزيون باظ ع كدا
:clap::clap::clap:


4 -هل كان يوجد معامله مختلفه لاخوانك الذكورعن البنات؟


لالالالا
مافيش فرق ف التعامل بالرغم ان فى فرق كبير ف السن بينا وبين اخويا الصغير
بس كلنا واحد عندهم
5 -اليوم الدراسي الأول هل تتذكري حالك فيه؟
لا مش فاكره اوى
لان كان عندى 3 سنين
بس كان كل العيال عمالين يعيطوا وانا اعده بتفرج عليهم
6 -عبث الطفوله كيف تصفينه في بضع كلمات؟
كانت احلى ايام حياتى
كنا نتجمع كلنا العيال اللى موجودين ف العماره كلها
ادام باب شقتنا و نفرش سجاده وكل واحد يجيب لعبه ونلعب مع بعض
:gathering::gathering::gathering:
بس للاسف عزلنا وسيبنا البيت
ومش بشوفهم دلواتى:cc_rip:
7 -أصدقاء الطفوله هل مازلوا على تواصل؟
للاسف لا:bye2::bye2:




ادم وحوا
:11rob::11rob::11rob:


1 - الرجل ماذا يعني وجوده في حياتك اليوم؟
هو كل حاجه ف حياتى وماقدرش استغنى عنه
ربنا يخلهولى ويطولى ف عمره هو وماما
طبعا انا قصدى بابا


2 - من هي الشخصية الرجاليه التي تعجبك؟
الطيب الحنين ومتسامح وعقله كبيييير
واهم حاجه تكون شخصيته قويه اوى
ويكون ف احترام متبادل


3 - من هي المرأه التي تود ين أن تكون قدوة لكل نساء الأرض؟
اسيا امرأه فرعون


4 - بعد الأخلاق الحسنة ماأكثر مايلفت انتباهك في الرجل شكلا؟
وسيم - طويل - شيك


5 - مارأيك بالرجل الذي اهتمامته كمتابعة الموضه والازياء؟
طبعا لازم يكون مهتم بالموضه
بس بحدود معقوله
يعنى ما يوصلش لدرجه الجنون


6 -خانك آدم فأصبحت مابين المنصدم والمنتقم كيف ستكون ردة فعلك؟
انا مش من طبعى الانتقام وما بحبهوش
فاكيد حنسحب بكل هدوء من حياته وماحبش اشوفه تانى خااالص


7 - بيت شعر تهديه لآدم؟
اعطنى فى ليل اليأس شمعه وبسمه نهار
اعطنى فى ضياع العمر دمعه و سكه ودار
واعطيك امل ف الحب غالى يصعب على غدر اليالى
واعلى الامانى فى غربه يا عمر تانى اعطنى المحبه
8 - كلمة توجهينها لآدم سواء كانت الأب او الزوج أوالاخ او الحبيب؟
احب اشكروالدى على كل اللى بيعمله معانا واتمنى لو فى ادام فى حياتى يكون زى والدى


9_ماذا تعنى لك|لكى الحياة الزوجية؟
ههههههههههههههه
لسه ما جربتهاش:D:D:D
10_بعد زواجك هل ستسمح|تسمحى بتدخل الاهل فى مشاكلك؟
طبعا لا لان تدخل الاهل بيزود المشاكل مش بيحلها
فانا افضل ان مشاكلنا نحلها وماحدش يحس بيها


شكرا ليكى يا ايمى ع الاسئلبه الحلوة دى
وميرسى ليك يا زوما علشان فكرتنى بايام الطفوله

الورده البيضاء
10-10-2009, 01:20 AM
اجاباتك جميلة اوى ياميرو ميرسى ليكى ياقمر
بس اظاهر انك نسيتى تقوليلنا هتسيبى مين بعدك فى الكرسى؟؟؟؟؟؟؟؟؟؟

Ahmed Slem
10-10-2009, 11:41 PM
اولا مشكوره علي الاسئله المميزه دي بس انا عايز اقول بيت الشعر اللي هقوله لحواء

و قبر حرب بمكان قفر و ليس قرب قبر حرب قبر

Marwa Magdy
10-10-2009, 11:46 PM
اولا مشكوره علي الاسئله المميزه دي بس انا عايز اقول بيت الشعر اللي هقوله لحواء

و قبر حرب بمكان قفر و ليس قرب قبر حرب قبر


لالالالالالالالالالالالا
:dots::dots::dots:
ما ينفعش يا احمد تجاوب ع سؤال واحد بس كدا
ايه رايك تجاوب ع كل الاسئله الموجوده دى
انا حختار احمد سليم هو اللى يجاوب ع الاسئله دى بعدى :11vil:
يلا يا بطل
استلم:bones:

الورده البيضاء
10-10-2009, 11:49 PM
اولا مشكوره علي الاسئله المميزه دي بس انا عايز اقول بيت الشعر اللي هقوله لحواء

و قبر حرب بمكان قفر و ليس قرب قبر حرب قبر


الف شكر ليك يااحمد على بيت الشعر
بس انا ناسية مين الشاعرة اللى كتبت القصيدة دى
اللى فكراها ان حرب دا اخوها
ممكن حضرتك تفكرنا باسمها

الورده البيضاء
10-10-2009, 11:50 PM
هتنور المكان يااحمد
ياريت تجاوب عالاسئلة وتختار بنت من المنتدى تجاوب وراك

Ahmed Slem
10-11-2009, 12:50 AM
[quote=الوردة البيضا;183646]
حواء يآملكة الرومانسية


يامن تدخلين البهجة على حياة آدم فكنت الأم الحانيه والأخت
العطوفة
و الزوجة المطيعة والابنة الصالحة .. وجودك في عالم آدم
ضروري فأنت
نصفه الثاني .. !!
حواء في هذه السطور سنتعرف على عآلمك الخاص الذي لايخلو
من الرومانسية ممزوجة بالشقاوه ومحلاه ببعض من المصاعب فلا
طعم للحيآة بلا مصاعب ..وسنبدأ بأول مرحله..


مرحلة عبث الطفولة


1 -مكان الميلاد أين كان؟الاسكندريه
2 -حياة الطفوله من كان المؤثر الأول بها؟الوالدين
3 -موقف من الطفوله مازال عالق في ذهنك؟كنت بلعب و عايز اطير ذي سوبر مان بس انا اخدت سوبر واقعه و بعدين سوبر كسر
4 -هل كان يوجد معامله مختلفه لاخوانك الذكورعن البنات؟لا تفريق بيننا
5 -اليوم الدراسي الأول هل تتذكري حالك فيه؟كنت ببقي فرحان لحد ما يخلص و بعدين لرجع اعيط علشان ما اروحش المدرسه
6 -عبث الطفوله كيف تصفينه في بضع كلمات؟شقاوه بس ما تتعوضش
7 -أصدقاء الطفوله هل مازلوا على تواصل؟ليس الكثير و لكن يوجد منهم من هم معي حتي الان




ادم وحوا


1 - الرجل ماذا يعني وجوده في حياتك اليوم؟(للبنات)
المراة ماذا يعنى وجودها فى حياتك اليوم؟هي عندي كل شئ و هي و الدتي
2 - من هي الشخصية الرجاليه التي تعجبك؟(للبنات)
من هى الشخصية النسائية التى تعجبك؟(للشباب)صاحبه الدين و الاخلاق و العلم اولا ثم الرقيقه الطيبه
3 - من هي المرأه التي تود ين أن تكون قدوة لكل نساء الأرض؟(للبنات)
من هو الرجل الذى تود ان يكون قدوة لكل الارض؟(للشباب)اولا سيد خلق الله سيدنا محمد ثم والدي
4 - بعد الأخلاق الحسنة ماأكثر مايلفت انتباهك في الرجل شكلا؟(للبنات)
مالذى يلفت انتباهك فى المراة ؟(للشباب)شخصيتها مدي اعتصامها بالدين مدي خلقها و علمها و اهم ركن هي ان تكون اهلاويه و ان لم تكن كذلك فهذا قدري
5 - مارأيك بالرجل الذي اهتمامته كمتابعة الموضه والازياء؟(للبنات)
مارايك فى المراة التى اهتماماتها فى الموضوة والازياء؟(للشباب)انا لا اهتم بالموضه لاني مش بمشي عليها و لكني افضل موضه الاسلام و هي الاحتشام و ليس المتشدد بل الموضه المحترمه
6 -خانك آدم فأصبحت مابين المنصدم والمنتقم كيف ستكون ردة فعلك؟(للبنات)
خانتك حواء فماذا يكون رد فعلك؟(للشباب)لا استطيع الرد لان الرد سينتج عنه عواقب كثيره و لكن احب ان اؤكد انه فوق الوصف
7 - بيت شعر تهديه لآدم؟(للبنات)
بيت شعر تهدية لحواء(للشباب)الهذار و قبر حرب بكان قفر و ليس قرب قبر حرب قبر
هو الحب اكسير الوجود ولولا الحب ماكان الوجود كما تري
8 - كلمة توجهينها لآدم سواء كانت الأب او الزوج أوالاخ او الحبيب؟(للبنات)
كلمة توجهها لحواء(للشباب)احتفاظك بدينك و خلقك و علمك سيجعلك تفوزين بالاخره قبل الدنيا
9_ماذا تعنى لك|لكى الحياة الزوجية؟هي شئ مقدس يجب الايطغي عليه شئ ومن يعيشه بطريقه صحيحه سوف يراه جنه
10_بعد زواجك هل ستسمح|تسمحى بتدخل الاهل فى مشاكلك؟لا ولكن في بعض الاوقات يفضل حكمه الكبارلذلك يجب حل المشاكل بين الزوجين بطريقه سريه و صحيحه


آخرر سؤآل وأهمهآ ...


في كم سؤال من الأسئله جاملتي ... كذبتي ... واذكري الأسئله << مفيشناش من احرااج
ضيفتي المتألقه بطلتها.لا يوجد
هى
هى
هى





























,
و اللي هتجاوب من بعدي هي الورده البيضا

الورده البيضاء
10-11-2009, 11:59 AM
اجابات ممتازة يااحمد
الله ينور عليك

الورده البيضاء
10-11-2009, 12:30 PM
مرحلة عبث الطفولة

1 -مكان الميلاد أين كان؟
اسكندرية
2 -حياة الطفوله من كان المؤثر الأول بها؟
والدتى
3 -موقف من الطفوله مازال عالق في ذهنك؟
يوة كتير اوى
بس فى موقف مش قادرة انساة خالص
كنا بنلعب انا واخويا واختى الصغيرة اختى ساعتها كان عندها شهرين وانا8 سنين واخويا 6 سنين قعدنا نشيلها وننط بيها وفى مرة من النطات البت نطت من على ايدينا وقعت عالارض واتكسرت رجلها والحوض
موقف ميتنساش
4 -هل كان يوجد معامله مختلفه لاخوانك الذكورعن البنات؟
خاااااااااالص الحمد لله
5 -اليوم الدراسي الأول هل تتذكري حالك فيه؟
بصراحة لا
بس اعتقد انة مكانش كويس لانة مكانش فى اسكندرية كان فى الصعيد
6 -عبث الطفوله كيف تصفينه في بضع كلمات؟
شقاوة ولعب وتنطيط انا واخويا فقط لاغير
7 -أصدقاء الطفوله هل مازلوا على تواصل؟
لا مكانش ليا صحاب انا وصغيرة



ادم وحوا

1 - الرجل ماذا يعني وجوده في حياتك اليوم؟(للبنات)

هو وحواء اساس الحياة
فلا حياة بلا ادم ولا حياة بلا حواء

2 - من هي الشخصية الرجاليه التي تعجبك؟(للبنات)

المتدين -قوى الشخصية - الذكى(مع انة يتخاف منة) - الديموقراطى - وبجانب كدة فكاهى(صفات صعب نلاقيها):D:D

3 - من هي المرأه التي تود ين أن تكون قدوة لكل نساء الأرض؟(للبنات)
السيدة خديجة رضى الله عنها

4 - بعد الأخلاق الحسنة ماأكثر مايلفت انتباهك في الرجل شكلا؟(للبنات)

مش بهتم بالشكليات اوى
بس مفيش مانع انة يبقى على الاقل ذوق فى لبسة

5 - مارأيك بالرجل الذي اهتمامته كمتابعة الموضه والازياء؟(للبنات)
محبش انا الراجل اللى كل اهتماماتة الموضة وبس
الموضة مش كل حاجة فى حياتنا

6 -خانك آدم فأصبحت مابين المنصدم والمنتقم كيف ستكون ردة فعلك؟(للبنات)
:11vil:
هقولة منك لله وكل واحد يروح لحالة بس هتبقى صدمة فظيعة اوى
ربنا يبعدنا عن الموقف دا يارب ومايوقعنا فية
بيت شعر تهدية لادم (للبنات)
اذ اهديته صادق الاحساس له وحده ومن دون الناس
اذ اعطيته الحب النفيس قفابله بارخص رخيص
اذ اعطيته كل الوفاء ودوما يقابله بجفاء
اذا وهبته القلب والعقل والروح فما وهبك الا الجروح
اذا اعطيته كل الامان وفوجئت بانه ما كان انسان
اذا انك تشاطره بكل الحب وفوجئت بانه ما كان له في الصدر قلب

8 - كلمة توجهينها لآدم سواء كانت الأب او الزوج أوالاخ او الحبيب؟(للبنات)
كن رحيم بحواء اذا كان الاباو الزوج او الاخ او الحبيب فحواء تحبك فلما تتكابر عليها ارجع لنفسك واتقى ربنا فى معاملتها
9_ماذا تعنى لك|لكى الحياة الزوجية؟
مسئولية زوج اولاد بيت حياة خاصة
10_بعد زواجك هل ستسمح|تسمحى بتدخل الاهل فى مشاكلك؟
اطلاقا
لاطبعا
ولكن فى استثناءات ان المشاكل تكون اخدت وقتها معانا وبرضو مش قادرين عليها فبدل ماتكبر اكتبر من حجمها ندخل طرف من الاهل ويكون طرف حكيم ومش كل العيلة تعرف يكتفى شخص واحد حكيم

آخرر سؤآل وأهمهآ ...

في كم سؤال من الأسئله جاملتي ... كذبتي ... واذكري الأسئله << مفيشناش من احرااج
ولا واحد والله
جاوبتهم بكل صدق
انا اختارت بعدى البشمهندس محمد الفرارجى
ميرسى ليك يااحمد لاختيارك

Ahmed Slem
10-11-2009, 12:50 PM
اجابات اكثر من رائعه و مشكوره مع تحياتي احمد محمد سليم

الورده البيضاء
10-11-2009, 01:08 PM
ميرسى ليك يااحمد

محمد الفرارجي
10-18-2009, 02:50 AM
مرحلة عبث الطفولة

1 -مكان الميلاد أين كان؟

طنطا2

-حياة الطفوله من كان المؤثر الأول بها؟

دادي ههههههههه الحاج يعني
3 -موقف من الطفوله مازال عالق في ذهنك؟
كتير والله أهمهم تحديف القطر بالطوب4

-هل كان يوجد معامله مختلفه لاخوانك الذكورعن البنات؟
نوووووووووو
5

-اليوم الدراسي الأول هل تتذكري حالك فيه؟
هع هع هع دا كان عجب وقعدت أتضرب في العيال ضرب ومت على نفسي عالعيال إللي بتعيط عشان أمهم سابتهم
6

-عبث الطفوله كيف تصفه في بضع كلمات؟
طبعا اللعب في الطين والمشي الحافي واللف طول النهار في عز الشمس والعلقة السليمة بعد كل ده قبل الحمام طبعا
7

-أصدقاء الطفوله هل مازلوا على تواصل؟

فعلا لسه على تواصل لأن أصدقائي الأنتيم بتوع النهارده همه أصلا أصدقاء الطفولة والحمد لله


ادم وحوا

المراة ماذا يعنى وجودها فى حياتك اليوم؟

المرأة الكبيرة أمي ربنا يبارك لي فيها ويرضيها عني واللي نص نص نص روح قلبي نصي التاني والصغنون تبقى حياتي ودنيتي وكل حاجة حلوة بنتي سارة

من هى الشخصية النسائية التى تعجبك؟(للشباب)

امي وروح قلبي ونور عيني وفداء نفسي وأهلي أمي السيدة خديجة بنت خويلد

من هو الرجل الذى تود ان يكون قدوة لكل الارض؟(للشباب)
مالوش غير اجابة واحدة ومنطقية طبعا سيدنا محمد عليه الصلاة والسلام

مالذى يلفت انتباهك فى المراة ؟(للشباب)
دا بعد الأخلاق؟ طبعا جمالها

مارايك فى المراة التى اهتماماتها فى الموضوة والازياء؟(للشباب)
عادي وحقها بس ما تزودش يعني عشان كده غلط عليها وعلى اللي بيصرف عليها


خانتك حواء فماذا يكون رد فعلك؟(للشباب)

هههههههههههه الخاين ندل وعتاب الندل اجتنااااااااااااااابه

بيت شعر تهدية لحواء(للشباب)

مكر مفر مقبل مدبر معا......... كجلمود سيل حطه السيل من علي

أو

أستاذه لما عرف...وقف معاه في ذنقته شاله من أزمته


كلمة توجهها لحواء(للشباب)

اتقوا الله فإنكن أكثر أهل النار (حديث شريف)

9_ماذا تعنى لك|لكى الحياة الزوجية؟

هيه أوقات و أوقات
يعني يوم حلو ويوم مر مش على وتيرة واحده ويمكن ده إللي بيصبر الرجالة
هههههههههههههههههههههههههه
10_بعد زواجك هل ستسمح|تسمحى بتدخل الاهل فى مشاكلك؟

مش كل المشاكل طبعا والأفضل ما يتدخلوش ولا يعرفوا حاجة من أشاسه ولا مؤاخذة
آخرر سؤآل وأهمهآ ...

في كم سؤال من الأسئله جاملت ... كذبت ... واذكري الأسئله << مفيشناش من احرااج

أعتقد الاجابات موضحة

الورده البيضاء
10-18-2009, 08:17 AM
اجابات متميزة يابشمهندس
الف الف شكر لحضرتك
بس ياترى حضرتك اخترت مين بعدك؟؟؟؟؟؟؟؟؟؟

الورده البيضاء
02-26-2010, 01:24 PM
بشمهندس محمد
حضرتك اختارت مين بعد حضرتك؟

محمد الفرارجي
02-26-2010, 03:50 PM
عادي أي حد كلهم اخواتي وآسف لعدم وجود اسم معين في دماغي وآسف للتأخر في الرد

الورده البيضاء
02-26-2010, 08:01 PM
عادي أي حد كلهم اخواتي وآسف لعدم وجود اسم معين في دماغي وآسف للتأخر في الرد


ولا يهم حضرتك
طب ممكن نختااااااااااار
هبة بيبوووووووووو

Heba Bebo
02-26-2010, 08:08 PM
ولا يهم حضرتك


طب ممكن نختااااااااااار

هبة بيبوووووووووو


هههههههههههههههههههههههههه


يادي الورطة اللي لا ع البال ولا ع الخاطر




ماشي ماشي


بقي بيبو (انا مين )



هاااااااااااااااااااااااااااا




لكي يوم



مش هزقيكي مياه خالص وهسيبك لم تذبلي كده
:donatello:


بس برضه ريحتها هتبقي حلووووووووووووووووووووووة

:cc_chinese:





حاضر حاضر


طب اجاوب امتي؟

الورده البيضاء
02-26-2010, 08:30 PM
ههههههههههههههه
اى خدعة ابيبو
وقت ماتحبى ياجميل
ولو حتى ناو
وبعد ماتجاوبى تختارى اللى بعدك على طول
بس مش انا طبعا لانى جاوبت
انا عرفاكى هتبقى عايزة تورطينى
ههههههههههههههه

Heba Bebo
02-28-2010, 03:12 PM
حواء يآملكة الرومانسية




الله يباركلك يا معلمة


يامن تدخلين البهجة على حياة آدم فكنت الأم الحانيه والأخت
العطوفة


والله احنا نكد بس هم اللي مش عارفين قيمتنا



و الزوجة المطيعة والابنة الصالحة .. وجودك في عالم آدم
ضروري فأنت
نصفه الثاني .. !!


ولا نصفه ولا ربعه ياشيخة
بيروح يتجوز 3
لو ربنا كرمه بالمال والصحة


ولو افتري


بيطلق وبيبقوا 4



بلا هم
حواء في هذه السطور سنتعرف على عآلمك الخاص الذي لايخلو


خاص ايه


انا فتحت فضائية


ال 24 ساعة بقول اخبااااااااااااااري




من الرومانسية ممزوجة بالشقاوه ومحلاه ببعض من المصاعب



بلا شقاوة بلا هباب




كلها مصااااااااااااااااااااااااااااااعب



فلا
طعم للحيآة بلا مصاعب ..وسنبدأ بأول مرحله..



انا بنتهي بيها ونبي تصدقي





مرحلة عبث الطفولة



ايه اللي عبث الطفولة ده


والله كنا كويسين والحاجة كانت رخيصة


عن نفسي يعني



ماما رضعتني
















كواااااااااااااااااااااااااارع






اه والله العظيم



وشوربة خضار مع الارانب في الخلاط




اومال العشوائية اللي انا فيها دي من انهو مكان


:egypt:


1 -مكان الميلاد أين كان؟



الاسكندرية



علي الرملة


وجيت بعد 6 سنين


كنت قاعدة جوا اشاور عقلي انزل


ولا



لا



في الاخر بقي



لقيت نفسي هتخنق



ومش عارفة اخد قرار





قلت انزل اسال ماما واطلع





بس قبضت عليا
:donatello:
اصل انا



وحييييييييييييييييييييييييييييدة


:doctor:


2 -حياة الطفوله من كان المؤثر الأول بها؟



ست الحبايب طبعا



والاكل
3 -موقف من الطفوله مازال عالق في ذهنك؟


لا يجي 7 الاف موقف


ابسط حاجة مرة قعدت في الغسالة تحت الغسيل


وماما قعدت تدور سنة وتعيط


كنت بحب المياه جدا


ودخلت الحمام تشوف الغسالة
وقبل ما تشغلهااااااااااااااا



قلتلهااااااااااااااااااااااااا


بخخخخخخخخخخخخخخخ



جابتني من الزعرورة بتاعت شعرييييييييي
:doctor:
وعلطول كنت بعد ما استحمي


انزل اقعد في مياة المجاري بتاعت الشارع


عارفييييييييييييين ليه



كنت هتجن واعرف ليييييييييييييييييه سوداء


وعرفت ولله الحمد



اصل اما قعدت بقيت انا وهي لوووووووووون واحد



قمر ونبي


:cc_chinese:


وفي 2 تاني



محدش يتريق بس



(كنت ف الابتدائي لا استنوا اقولك م الحضانة


طبعا كنت اطخن واحدة في الفصل


وقالوا مرة في رحلة يوم الخميس وده كان يوم ثلاثاء


رحت بقي قلت لماما عندنا رحلة


لبست بقي



اخر شوياكة


وروحت تاني يوم اقولكم بقي



انا اما بسمع المعلومة باخد اول جزء وتاني واحد ده ف داهية



ام هبه تقولي
الرحلة امتي يا زفتة


اقولها بكلة اماما


المهم رحت بقي


والعيال يضحكوا كلوا بلبس الحضانة



وانا زرع بصل كده لوحدي



وكسة كبيرة


قعدت اعييييييييييييييييييييييييييط


راحت الميس قالتلي الرحلة بكرة يا هبه بكرة



طبعا روحت


حصلي نوع من العبط الاسموزي


ده بيحصل للاطفال الطخان بس


مخا وحجما


افتكرت ان امبارح الميس قالت في رحلة وانا لبست ورحت تاني يوم
ملقيتش حاجة



قلت يبقي الميس عملت كده عشان يضحكوا عليا تاني



طب وربنا



وربنا كمان مرة منا لابسة الفستان


ولبست لبس الحضانة



اروح يا جدعااااااااااااااااان


اروح



والاقي امة لا اله الا الله
لابسة ملون



حتي المدرسة اخدت شاور


يلا بلاش نفتح ف الجملة اللي فووق دي




قعدت اعييييييييييييييييييييييييط


وهم يضحكوا


قلتلهم ايه حكايتكم



البس ملون تضحكوا



اتنيل والبس المريلة تضحكووووووووووا




ومن ساعتها


الميس تقول رحلة



كأنها بتقول كلام خارج


اروح ضاربة صوابعي في وداني


ومسمععععععععععععععش


علي فكرة انا رحت الرحلة بالمريلة
:animation343py:



ثاني موقف


ده بتاع الطفاسة


كان عندي بنت ف الابتدائي


كل يوم امها تديها الساندويتشات


كلي يا نشوي


حاضر اماما



تيجيلي هبهوب


انا مش عاوزة اكل


اقولها مليش دعوة


تقولي خديهم


انا بقي افرح واخدهم



وارووووووووووووووووح بأكلي


اه والله


المهم ركزوا بس


الست ام نشوي كلتي كل الاكل



اه اماما



طفحتي الكيسة يا نور عين ماما


رميتها اماما



طبعا الكيسة باللي فيها عند كرونباية بتاعت برناااااااااامج عروستي




انا بقي كنت بتكسف اوي ف الابتدائي ونيلة



كنا في حصة حلوة والفصل هاااااااااااااااادي


جت الست ام عبد الناصر




فيييييييييييييييييييييييييييين هببببببببببببببببببببببه





انا قايمة بقي
وربنا ما يوريكم




الميس بقي


مالها




الست باعلي صوووووووووووووت



بتااااااااااااااااااااااااااااكل اكلللللللللللللللللل



ضنااااااااااااااااااااااايا



يخربيت العيشة


انا بقي نشوي
مش انتي الليييييييييييي



تقولي ايوه اماما هي اللي بتاخد اكلي كل يوم


نفسيتي اتحطمت


قلتلها بقي مانتي يا طنط


اكلك وحش


انا باخده ارميه
طبعا حفظا لماء الوجه


ومن ساعتها نشوي دي ولا بعبرها فتاااااااااااانة كده
:cc_chinese:


4 -هل كان يوجد معامله مختلفه لاخوانك الذكورعن البنات؟

وحيدة انا بس بالنسبة للاصحاب

بس باخد فوق نافوخي علطوووووووووول


والله كنت بحب البنات اوي


ومرة الميس قالت البنات يقعدوا جنب الولاد عشان ما يغشوش


قال انا



بعد 14 سنة خدمة ف ثانوي اقعد جنب ولدين



والله قعدت احل


وازقهم وكنت قلبووووووووووظة اوي


اوقعهم في الارض


يلا اهو التخن جاب فايدة برضه


5 -اليوم الدراسي الأول هل تتذكري حالك فيه؟


طاااااااااااااااااااااايرة م الفرح



6 -عبث الطفوله كيف تصفينه في بضع كلمات؟


الجليد الذي ينغمر اسفل سطح الماء


فلا تعرف انه موجود


الا لو قدماك غرست في الماء


7 -أصدقاء الطفوله هل مازلوا على تواصل؟


فقر ومعنسين ماتفكرينيش


الابتدائي


لالالالالالالالالالالالالا



الاعدادي



ايوووووووووووووووووه




ادم وحوا


1 - الرجل ماذا يعني وجوده في حياتك اليوم؟(للبنات)



مثل الجزيرة الصغير التي توجد في متوسط البحر


عندما تنظر اليها من بعييييييييييييييد


تراها صغيرة


ولكن صعب الوصول اليها



ولكن اذا ادركتها
وجلست بها بأطمئنان


احسست ان العالم باكلمه صغييييييييير



وانت تمتلكه


:11rob:


اي تريقة هغير كلامي
انتوا حرييييييييييييين



المراة ماذا يعنى وجودها فى حياتك اليوم؟



2 - من هي الشخصية الرجاليه التي تعجبك؟(للبنات)



حبيبنا المصطفي صلي الله هليه وسلم



من هى الشخصية النسائية التى تعجبك؟(للشباب)



3 - من هي المرأه التي تود ين أن تكون قدوة لكل نساء الأرض؟(للبنات)


نفسي اجمع بين 3


بس صعب


ام المؤمنين وستنا خديجة


واطهر نساء الارض


مريم


رضي الله عنهم جميييييييييعا




4 - بعد الأخلاق الحسنة ماأكثر مايلفت انتباهك في الرجل شكلا؟(للبنات)



الهدوء الرباني للملامح





5 - مارأيك بالرجل الذي اهتمامته كمتابعة الموضه والازياء؟(للبنات)



مال الرااااااااااااااااااااااجل بالسؤال ده بقي




انا كده جاوبت:egypt:



6 -خانك آدم فأصبحت مابين المنصدم والمنتقم كيف ستكون ردة فعلك؟(للبنات)




هدعييييييييييييييييييييييله بالتوفيق وراحة البال والذرية الصالحة


والحور العين في كل صلاااااااااااااااااة




7 - بيت شعر تهديه لآدم؟(للبنات)


أَنْاَ مَثْلّ دَقَيِقَ فَوُقْ شَوُكْ نَثَرُوَهْ
وَقَاَلُوَ لَحَفْاَةْ يَوُمْ رَيِحْ اَجَمْعُوَهْ
صَعْبّ اَلَأمَرْ عَلَيِهْمَ وَقَاَلُوَاَ
مَنْ أشَقَاَهْ رَبْيِِ كَيِفْ أنَتْمّ تَسَعْدُوَهَ!!؟





8 - كلمة توجهينها لآدم سواء كانت الأب او الزوج أوالاخ او الحبيب؟(للبنات)



ربنا يعينك



اتقي الله



حب من القلب



9_ماذا تعنى لك|لكى الحياة الزوجية؟


حب


اطمئناااااااااااااااااان


تفاهم بنظرة العين


هدوووووووووء


رضا رب العالمين اوووووووول حاجة



10_بعد زواجك هل ستسمح|تسمحى بتدخل الاهل فى مشاكلك؟


مش اما اتنيل الاول:11ostrider:


ااااااااااااااااه



لو صعبة اوي اوي



بس لو عادية


فلا والف لا



بس انا اهلي هي امــــــــــــــــــــــــي


آخرر سؤآل وأهمهآ ...


في كم سؤال من الأسئله جاملتي ... كذبتي ... واذكري الأسئله << مفيشناش من احرااج



هكذب لييييييييييييييييييه




دول حباااااااااااااااااايبي حتي



ماتسالينيش مين


عشان هنا بقي هكذذذذذذذذذذذذب


ضيفتي المتألقه بطلتها.
هى
هى
هى





:egypt:



الاء عيد



:egypt:















اتمنى ان الفكرة تعجبكم

عجبتنا جدااااااااااااااااااااا


ما شاء الله



جمييييييييييييييلة

Soma
02-28-2010, 04:50 PM
اجاباتك عسل جدا ياهبة
وخصوصا الرحلة ههههههههه
عسل والله ياهبة انتى

Heba Bebo
02-28-2010, 05:38 PM
اجاباتك عسل جدا ياهبة


وخصوصا الرحلة ههههههههه

عسل والله ياهبة انتى


الله يكرمك يارب

شفتيني وانا بكشف عن الفضايح دي

هههههههههههههههههه

:animation343py:

ALY ELSAYED
02-28-2010, 05:55 PM
الله ينور يا هبه

ايه الاجابات الجميله دي

بجد موقفك جميله وممتعه جدا

يا قلبوظه

جزاكي الله كل خير

حسام المصرى
02-28-2010, 06:34 PM
انا بجد مش قادر اقول رأيى من كتر الضحك
عجبنى اوى موقف نشوى اللى مامتها اكلها وحش

alaa eid
02-28-2010, 06:40 PM
حواء يآملكة الرومانسية


يامن تدخلين البهجة على حياة آدم فكنت الأم الحانيه والأخت
العطوفة
اكيد هاكون كدا ان شاء الله:animation343py:
و الزوجة المطيعة والابنة الصالحة .. وجودك في عالم آدم
ضروري فأنت
نصفه الثاني .. !!
حواء في هذه السطور سنتعرف على عآلمك الخاص الذي لايخلو
من الرومانسية ممزوجة بالشقاوه ومحلاه ببعض من المصاعب فلا
طعم للحيآة بلا مصاعب ..
الرومانسية جمييييييييية جدا جدا طبعا
وسنبدأ بأول مرحله..
يلا نسير


مرحلة عبث الطفولة


1 -مكان الميلاد أين كان؟
العريش
2 -حياة الطفوله من كان المؤثر الأول بها؟
ماما
3 -موقف من الطفوله مازال عالق في ذهنك؟
ان اختي مرة قصتلي قصتي خااااااااالص
اهئ اهئ
4 -هل كان يوجد معامله مختلفه لاخوانك الذكورعن البنات؟
لا ابدا
5 -اليوم الدراسي الأول هل تتذكري حالك فيه؟
كنت اكيد مضايقة بس مش فاكرة اوي
6 -عبث الطفوله كيف تصفينه في بضع كلمات؟
كنت هادية جداااااااا من يومي بريئة:animation343py:
7 -أصدقاء الطفوله هل مازلوا على تواصل؟


مش كلهم


ادم وحوا


1 - الرجل ماذا يعني وجوده في حياتك اليوم؟(للبنات)
الرجل يعني لي ابي وامي وزوجي وابني وكل شئ في دنيتي

2 - من هي الشخصية الرجاليه التي تعجبك؟(للبنات)
شخصية الرسول صلي الله عليه وسلم

3 - من هي المرأه التي تود ين أن تكون قدوة لكل نساء الأرض؟(للبنات)
السيدة خديجة وعائشة رضي الله عنهما

4 - بعد الأخلاق الحسنة ماأكثر مايلفت انتباهك في الرجل شكلا؟(للبنات)
ادبه
احترامه
ذوقه
شياكته


5 - مارأيك بالرجل الذي اهتمامته كمتابعة الموضه والازياء؟(للبنات)

احب جدا الراجل اللي يهتم بنفسه بس تكون الموضة المناسبة مش زي مثلا البناطيل الساقطة اقولك ديه موضة طبعا لا ولا احب ذلك

6 -خانك آدم فأصبحت مابين المنصدم والمنتقم كيف ستكون ردة فعلك؟(للبنات)
ان شاء الله عمره ما هايخوني لانه مش هيحتاج يخوني

7 - بيت شعر تهديه لآدم؟(للبنات)

حبيب عنيا يا نور عنيا انا كلي ليك انا روحي فيك من زمان بص ف عنيا حس اللي بيا دا عمري وانت جنبي
انا قلي الشوق تعالي حب خلاني ادوب من الهوي ولا يوم عرفت حب اه زي حبك ياهوي ولاعمره قلبي دق للهوي ياهوي ياهوي ياهوي


8 - كلمة توجهينها لآدم سواء كانت الأب او الزوج أوالاخ او الحبيب؟(للبنات)
انه يهتم جدا بزوجته ويرعاها ويسعدها دايما ومايزعلها ابدااااااااا لان المرأة عمرها ماهاتكون تقصد تزعله

9_ماذا تعنى لك|لكى الحياة الزوجية؟
تعني لي كل شئ
10_بعد زواجك هل ستسمح|تسمحى بتدخل الاهل فى مشاكلك؟
لااااااااااا


آخرر سؤآل وأهمهآ ...


في كم سؤال من الأسئله جاملتي ... كذبتي ... واذكري الأسئله << مفيشناش من احرااج
لا بتهيألي مافيش
ضيفنا المتألق بطلنا
هو
هو
هو


خلينا عضو المرة ديه مش كله عضوات















معانا





حساااااااااااام المصري












ههههههههههههههههههههه
ميرسي علي التدبيسة الحلوة ديه
بس انتي ليكي مواقف تحففففففففففففففففففففة
ربنا يديكي الصحة ف حد يرضع كوارع كانوا فعلا بيغذوكي

Heba Bebo
02-28-2010, 08:30 PM
ههههههههههههههههههههه



ميرسي علي التدبيسة الحلوة ديه
بس انتي ليكي مواقف تحففففففففففففففففففففة


ربنا يديكي الصحة ف حد يرضع كوارع كانوا فعلا بيغذوكي


ههههههههههههههههههه


منا قولتلها ماماا



انتي بتكذبي عليا يا اماااااااااااااااا وهتروحي النار




قالتلي لا وربنا تقص البزازة دي من فوق وبادي ورجليك والله ينور
:animation343py:


هي كانت عاوزة تموتني وتدبسها في الكووووووووووارع



امي حبيبتي



اجاباتك رووووووووووووووعة يا لولو



قال مش هيخوني لانه مش هيحتاج قااااااااااال



ههههههههههه



ربنا يسعدك دايمااااااااااااااااا

Heba Bebo
02-28-2010, 08:32 PM
انا بجد مش قادر اقول رأيى من كتر الضحك


عجبنى اوى موقف نشوى اللى مامتها اكلها وحش


بالله عليك ماتفكرني


كان يوم مهبب


كان نفسي اجيب البت من شعرها



بس انا السبببببببببببببببببببب













يلا ورينا اجاباتك بقي


:egypt:

الورده البيضاء
02-28-2010, 11:26 PM
هههههههههههههههههههههه
اجاباتك تحفة ياهبة
فطستنى من الضحك

وميرسى يالول عالاجابات العسل
وفى اتنظار اجابات حسااااااااااام باشا

حسام المصرى
03-01-2010, 02:15 AM
مرحلة عبث الطفولة

1 -مكان الميلاد أين كان؟

الاسكندرية عند البيت اللى اودامة كابينه ميناتل

2 -حياة الطفوله من كان المؤثر الأول بها؟

مامتى لان بابا كان مسافر لحد انا ما كبرت

3 -موقف من الطفوله مازال عالق في ذهنك؟

كان عندى قطااااااار شكله تحفة وبيمشى على القضيب بتاعه ونظام محطات و مقصات وانا بتحكم فى كل ده بزراير فجيه عمى وقال انا هعمله ليك بالكهرباء بدل الحجار المهم قعد يلعب فيه وعمله سلك وحط السلك فى الكهربا يا عمى واذا بالقطار ماشى بالعكس بس جت سليمة مخبطتش حد الراجل زعل اوى وقال لا لازم اعمله صح
وظبط السلك ويحطه فى الكهرباء وبوووووووووم ودى كانت نهاية القطار ابو 100 جنيه من سنه 1994


وفى موقف تانى مره كنت مع عمى وهو بيشيش المهم هو شرب الشيشة وقام معرفش ليه رجع
لاقانى بشرب شيشة وكنت لسه مكملتش 3 سنين فانا اعتبر من اصغر الاطفال المشيشين فى مصر




4 -هل كان يوجد معامله مختلفه لاخوانك الذكورعن البنات؟

لا مفيش كلنا زى بعض الحمد لله


5 -اليوم الدراسي الأول هل تتذكري حالك فيه؟

كان عادى جدا ومبسووووووط لان اخويا كان معايا فى نفس المدرسة والميس بتاعتى كانت تعرفنى قبل ما ادخل المدرسة فكنت حاسس انى فى فسحة

6 -عبث الطفوله كيف تصفه في بضع كلمات؟

طفل فى عينه شقاوة ودى الجملة اللى كل الناس اللى تعرفنى وانا صغير او شافوا صورى قالوا كده

7 -أصدقاء الطفوله هل مازلوا على تواصل؟

الطفولة مش على تواصل بس فى ناس بشوفهم من وقت للاخر بس مش صداقة

بس اصحابى اللى بجد هما من الكلية يمكن لاننا نضجنا

ادم وحوا

1 -المراة ماذا يعنى وجودها فى حياتك اليوم؟

المرأة نصف المجتمع وهى التى تلد وتربى النصف الاخر

يعنى وجودها بيعنى ليا الحياة سواء امى مراتى خطيبتى حبيبتى

2 - من هى الشخصية النسائية التى تعجبك؟(للشباب)

السيدة عائشة وكل زوجات الرسول والصحابيات

3 - من هو الرجل الذى تود ان يكون قدوة لكل الارض؟(للشباب)

من غير تفكير سيد الخلق اجمعين سيدنا محمد


4 -مالذى يلفت انتباهك فى المراة ؟(للشباب)

اخلاقهاااااااااااا ولون عينها


5 مارايك فى المراة التى اهتماماتها فى الموضوة والازياء؟(للشباب)

انا بحب البنت اللى بتاخد من الموضة اللى يليق على لبسنا الاسلامى لكن مش ناخد اى موضه وخلاص

6 خانتك حواء فماذا يكون رد فعلك؟(للشباب)


لو روحى فيها هدوس على قلبى بالجزمة

7 - بيت شعر تهدية لحواء(للشباب)


و لولا الهوى ما ذلّ في الأرض عاشق ......ولكن عزيـز العاشقيـن ذليـل

8 - كلمة توجهها لحواء(للشباب)

افتكرى للراجل الحلو لما يحصل مشاكل لان دايما حواء مع اول مشكلة بتقوله مشوفتش معاك يوم حلو


9_ماذا تعنى لك|لكى الحياة الزوجية؟

الاستقرار - الدفئ - التعاون


10_بعد زواجك هل ستسمح بتدخل الاهل فى مشاكلك؟

اولا علشان ميبقاش كلام اغانى لو مشكلة بسيطة اكيد لا لو مشكلة كبيرة هحاول استفيد من خبرتهم بس مش معنى كده انهم يتدخلوا لا هما يتدخلوا بالنصح ويقولولى ده غلط وده صح

آخرر سؤآل وأهمهآ ...

في كم سؤال من الأسئله جاملت ... كذبت ... واذكر الأسئله << مفيشناش من احرااج

مش محتاجة اكدب يعنى

ضيفيي المتألقه بطلتها.
هو
هو
هو

كريم

الورده البيضاء
03-01-2010, 08:55 AM
الله ينور ياحسام
وربنا يعوض عليك فى القطار
ايام الطفولة مبتتعوضش
وفى انتظار اجابات كريم

alaa eid
03-01-2010, 09:43 AM
هههههههههههههههههههه
اجابات حلوة
وربنا يعوض عليك بالقطار
مستنين كريم

الورده البيضاء
03-01-2010, 02:11 PM
اكرييييييييييييييييييييييم

KAREEM
03-01-2010, 02:23 PM
حااااااااااااااااااااااضر انا جيت اهوووووووو


طبعا الواحد مش حيعرف يجاوب ايه
خاصةو بعد اجابات حسام وهبة
وخااااااااصة هبة اللى فطستنا
كلنا من الضحك وهى اللى شجعتنى
اكون جرىء عشان كدا اما افوق
عشان لسه صاحى من النوم وححاول
اكون جرىء على قد ما اقدر

ماشى ياحسام اما اشوووووفك !!!!

حسام المصرى
03-01-2010, 02:27 PM
يا جماعة المشكلة ايام الطفولة ممكن اعوضها مع اولادى لكن القطاااااااااار

منه لله عمى

يلا يا كريم مستنى ردك علشان اتريق عليه شوية

KAREEM
03-01-2010, 08:47 PM
مسحت الكلمتين اللى قوق دول عشان غايظينى :egypt:

مرحلة عبث الطفولة

1 -مكان الميلاد أين كان؟
فى اسكندرية هنا طبعا الحمد لله اجمل مدينة فى الدنيا
2 -حياة الطفوله من كان المؤثر الأول بها؟
اختى الكبيرة وتعتبر هى امى اللى ربيتنى
3 -موقف من الطفوله مازال عالق في ذهنك؟
ياااااااااااه كتييييييييير
بس اللى ممكن افتكر دلوقتى
افتكر اييييييييييه
ااااااااااااه
مش فاكر دلوقتى بصراحة
بس ممكن اقول موقف صغير كدا
مرة فى الثانوى :D أبلة ( مدرسة يعنى )
حاولت تضربنى وتطلع عليا ظرابينها
من غير سبب كدا وبتقول لى افتح ايدك
رحت واخد منها العصاية راميها من الشباك
دا موقف كدا يدل على انى بلطجى من صغرى
4 -هل كان يوجد معامله مختلفه لاخوانك الذكورعن البنات؟
احنا عندنا اخت وحيدة فى النص
فعشان كدا مفيش تفرقة بل بالعكس
كلنا بنحبها وبنحاول نعوضها عدم وجود
اخت تانية ليها تونسها
بس عامة معتقدش ان بابا - الله يرحمة
فرق ما بيا فى المعاملة ابدا وماما كذلك
5 -اليوم الدراسي الأول هل تتذكري حالك فيه؟
اول يوم دا كان مشكلللللللللة
اول ما الابلة دخلت الفصل وعمالة تكتب ع السبورة جدول الغياب
وتمسح تكتب وتسمح اللى هو ( غ - م - ح ) فى الجدول
وانا شغاااااااااال انقل وراها
وهى تمسح وانا امسح
هى تكتب انا اكتب
وفى الاخر اكتشفت ان هو مش تبعنا خالص
:confused::confused::confused::confused:
6 -عبث الطفوله كيف تصفينه في بضع كلمات؟
حياة بلا مسئولية وكل همك الاكبر تلعب وتاكل وتشرب
7 -أصدقاء الطفوله هل مازلوا على تواصل؟
نادرا لما بشوفهم دلوقتى الدنيا غدااااااااااارة بس ربنا يجمعنا بيهم تانى
بس بفرح جدااااااااا لما اشوف حد منهم واقعد افتكر ايام زماااااااان



ادم وحوا

1
المراة ماذا يعنى وجودها فى حياتك اليوم؟
المرأة فى حياتى الان هى امى
ولذلك هى تعنى لي باب مفتوح الى الجنة
ربنا يقدرنى واخش الجنة بسببها

2
من هى الشخصية النسائية التى تعجبك؟(للشباب)
بصراحة فى زماننا نادرا لما بلاقى
بس ممكن اعجب بواحدة زى (منى الشاذلى) بس لو لبست الحجاب تبقى أحلى

3
من هو الرجل الذى تود ان يكون قدوة لكل الارض؟(للشباب)
هو طبعا سيدنا :11rob:محمد:11rob: المفروض يبقى قدوتنا ومثلنا الاعلى
بس لو حد قريب مننا وموجود فى زماننا دا يبقى ( ابوتريكة ) :11rob:

4
مالذى يلفت انتباهك فى المراة ؟(للشباب)
الرقة والتدين مجتمعين
5
مارايك فى المراة التى اهتماماتها فى الموضوة والازياء؟(للشباب)
متلزمنيييييييييش
6
خانتك حواء فماذا يكون رد فعلك؟(للشباب)
مش حيحصل ان شاء الله
بس لو حصل فى 60 دااااااااهية هى واللى تيييييييييت
7
بيت شعر تهدية لحواء(للشباب)
السماء تمطر والارض مليــــــــــــــــا
لا تخافى ياحبيبتى معى شمسية :D
8
كلمة توجهها لحواء(للشباب)
لمى نفسك شوية بقى
الاسلام حفظك وصانك وعلى مكانتك
وانتى راحة تدورى على حقوقك واثبات الذات والمساواة فى حتت تانية
؟!؟!؟!؟!؟!؟!؟!؟!؟!؟!؟!؟!
9_ماذا تعنى لك|لكى الحياة الزوجية؟
استقرااااااااااااااااااار
10_بعد زواجك هل ستسمح|تسمحى بتدخل الاهل فى مشاكلك؟
هحاول على أد ما اقدر اسكن بعيد عشان الاهل ييئسوا وميحاولوش ينطوا لنا كل شوية بس عامة ممكن اسمح فى حاجات ولافراد معينين بثق فيهم

آخرر سؤآل وأهمهآ ...

في كم سؤال من الأسئله جاملت ... كذبت ... واذكر الأسئله << مفيشناش من احرااج

والله انا اصلا مخنوق وبجاوب وانا مش فايق بس مظنش كدبت مبحبوووووش :cc_chinese: فعلا والله مبحبهوش خالص

ضيفتي المتألقه بطلتها.
هى
هى
هى


NIGHT MOON
يلا يا اسماء























.................................................. .................

blue_sky
03-03-2010, 04:04 PM
موضوع جميل جدا الله ينور ياجميل

الورده البيضاء
03-06-2010, 10:00 PM
الله ينور اكريم
وفى انتظار اجابات سمسمة

blue_sky
03-07-2010, 01:00 AM
الله ينور اكريم



وفى انتظار اجابات سمسمة
ياترى تقصدي سمسه مين ؟

الورده البيضاء
03-08-2010, 12:14 AM
ياترى تقصدي سمسه مين ؟


اللى هى اسماء ياجميل
بس انا بدلعها بسمسمة
night moon

blue_sky
03-08-2010, 07:45 PM
يالا يا night moon مستنينك

Night Moon
03-08-2010, 11:19 PM
مرحلة عبث الطفولة
1 -مكان الميلاد أين كان؟

هنا في اسكندرية

2 -حياة الطفوله من كان المؤثر الأول بها؟

جدو وخالو

3 -موقف من الطفوله مازال عالق في ذهنك؟

اه وانا كنت في اولي حضانة الميس بتاعتي ضربتني مرة عشان مش حفظت سورة في القرأن بس الصراحة مش فاكرة هيه صورة ايه بس وكنت بحب الميس دي اوي بس قعدت بقي مخصماها طول اليوم بس هيه جت صالحتني ووعدتها اني مش هعمل كدة تاني

4 -هل كان يوجد معامله مختلفه لاخوانك الذكورعن البنات؟

ماعنديش اخوات ولاد وماكنش فيه تمييز بيني وبين اختي الصغيرة بالعكس انا كنت واخدة حقي كلة اول حفيدة بقي هههههههههه

5 -اليوم الدراسي الأول هل تتذكري حالك فيه؟

اه فاكراه اول يوم دة كنت رايحة المدرسة عادي جدا ماكنتش خايفة خالص يمكن عشان كنت عارفة الميس بتاعتي من قبلها وكدة

6 -عبث الطفوله كيف تصفينه في بضع كلمات؟
هادية /شقية حبة صغيرة / مدللة

7 -أصدقاء الطفوله هل مازلوا على تواصل؟

اه في تواصل بس مش زي الاول يمكن اخر تواصل كان مستمر جامد اوي في مرحلة الثانوي وبعدها بقي الاتصال ضعيف جدا

ادم وحوا

1 - الرجل ماذا يعني وجوده في حياتك اليوم؟(للبنات)

بصراحة مش عارفة ماسألتش نفسي السؤال دة قبل كدة


2 - من هي الشخصية الرجاليه التي تعجبك؟(للبنات)

ايه السؤال العجيب دة !!!!!

3 - من هي المرأه التي تود ين أن تكون قدوة لكل نساء الأرض؟(للبنات)

الملكة ديانا او جيهان السادات

4 - بعد الأخلاق الحسنة ماأكثر مايلفت انتباهك في الرجل شكلا؟(للبنات)

لا خالص الشكل

5 - مارأيك بالرجل الذي اهتمامته كمتابعة الموضه والازياء؟(للبنات)

شيئ عادي كل واحد بيحب يشوف الموضة ماشية ازاي بس طبعا مش كل اهتمامتة الموضة وبس يعني دي كدة سوري تبقي تفاهة وناس فاضية

6 -خانك آدم فأصبحت مابين المنصدم والمنتقم كيف ستكون ردة فعلك؟(للبنات)

هوة ابن ناس وانا بنت ناس يبقي كل واحد يروح في طريق وبلاش نهين بعض اكتر من كدة هيكون في ايه بعد الخيانة يعني

7 - بيت شعر تهديه لآدم؟(للبنات)

لا ماليش في الشعر اوي فامقدرش افيدك بالحكاية دي

8 - كلمة توجهينها لآدم سواء كانت الأب او الزوج أوالاخ او الحبيب؟(للبنات)

حواء جزء من حياتك فهي انسان تستحق الاحترام
9_ماذا تعنى لك|لكى الحياة الزوجية؟

مش عارفة استقرار ومسئوليه

10_بعد زواجك هل ستسمح|تسمحى بتدخل الاهل فى مشاكلك؟

لا لان كدة المشكلة هتكبر مش هتصغر
آخرر سؤآل وأهمهآ ...

في كم سؤال من الأسئله جاملتي ... كذبتي ... واذكري الأسئله << مفيشناش من احرااج

ماكذبتش ولا جاملت في اي سؤال خالص

ضيفتي المتألقه بطلتها.
هى
هى




















مروة مجدي
ميرو انطلقي بقي عيشي اللحظة ههههههههههههههه

Marwa Magdy
03-08-2010, 11:29 PM
هههههههههههههههههههههههههه
طلعت اوت يا سوما :1::1:
هههههههههههههههههههههه
يابنتى مش حتعرفى تعملى حاجه معايا :11ight:
انا جاوبت على الاسئله دى قبل كدا
اختارى حد تانى :evil:

Night Moon
03-08-2010, 11:36 PM
خلاص خلاص يامروة مسيرك بردة هتقعي معايا
واختار سمسمة

blue_sky
03-09-2010, 01:04 AM
شكرا ليكي يا Night Moon


-مكان الميلاد أين كان؟

أحلى مكان ( أسكندرية )

2 -حياة الطفوله من كان المؤثر الأول بها؟

ماي فازر (والدي ) وبعض المدرسين
3 -موقف من الطفوله مازال عالق في ذهنك؟

روحت ( الأرجوز) مع جيراني من غير ما أقول لبابا وكان أول مرة يضربني فكرني توهت بس ماكانش ضرب يعني لسوعني كدة على أيدي


4 -هل كان يوجد معامله مختلفه لاخوانك الذكورعن البنات؟

:g:امممممممممممم سؤال وحش شوية
بس يالا هقول بصراحة أيوة
وكمان أنا كنت متدلعة بما أني أنا أصغرهم


5 -اليوم الدراسي الأول هل تتذكري حالك فيه؟

بصراحة مش فاكرة


6 -عبث الطفوله كيف تصفينه في بضع كلمات؟


( أفتش تحت تلك الصخور عن مغامرة نسيتها أو ضحكة سقطت مني هاهنا.)
( لو علمتم الغيب لاخترتم الواقع)


7 -أصدقاء الطفوله هل مازلوا على تواصل؟


أكيد معظمهم جيراني بس اللي كانوا معايا في المدرسة(الظروف أتغيرت مش بشوفهم)


ادم وحوا


1 - الرجل ماذا يعني وجوده في حياتك اليوم؟


قلق و مشاكل


2 - من هي الشخصية الرجاليه التي تعجبك؟


شخصية سيدنا محمد في (القوة واللطف بأهله ........إلخ)



3 - من هي المرأه التي تود ين أن تكون قدوة لكل نساء الأرض؟


السيدة خديجة


4 - بعد الأخلاق الحسنة ماأكثر مايلفت انتباهك في الرجل شكلا؟(للبنات)


شياكتة ولباقتة ومعرفته بالأشياء
وطبعا ( الذكاء )


5 - مارأيك بالرجل الذي اهتمامته كمتابعة الموضه والازياء؟(للبنات)


بما أني يلفتني فية الشياكة فأكيد هيكون متابع للي يناسبة من الموضة دة مش معناه أنه يوقف شعره ويسقط بنطلونه:evil::evil:


6 -خانك آدم فأصبحت مابين المنصدم والمنتقم كيف ستكون ردة فعلك؟
الحب والكراهية كلاهما طاقة ثمينة ، لا يصح أن نبددها فيمن لا يستحق
الأنتقام برضه طاقة هو مايستحقهاش
هعمل برأي الشاعر بعرور اللي بيقول منمن حبنا حبناه وصار متاعنا متاعه


ومن كرهنا كرهناه ويحرم علينا اجتماعه


7 - بيت شعر تهديه لآدم؟(للبنات)


تصادق مع الذئاب ( ادم)... على أن يكون فأسك مستعداً :11ight::11ight::11ight:


8 - كلمة توجهينها لآدم سواء كانت الأب او الزوج أوالاخ او الحبيب؟(للبنات)


الكلام اللين يغلب الحق البين


9_ماذا تعنى لك|لكى الحياة الزوجية؟


أمـــــــــــــــــــــــــــااااااااااااااااااااا اااااااااان و أستقرار


10_بعد زواجك هل ستسمح|تسمحى بتدخل الاهل فى مشاكلك؟


أكيد لأ
آخرر سؤآل وأهمهآ ...


في كم سؤال من الأسئله جاملتي ... كذبتي ... واذكري الأسئله << مفيشناش من احرااج


بصراحة سؤال الخيانة أنا لو راجل خاني مش هسمع غير كلام نفسي لا شاعر ولا ماشعرش هيكون ليا رأي تاني


أنا أختار هبة بيبو

Heba Bebo
03-09-2010, 01:23 AM
شكرا ليكي يا Night Moon



-مكان الميلاد أين كان؟


أحلى مكان ( أسكندرية )


2 -حياة الطفوله من كان المؤثر الأول بها؟


ماي فازر (والدي ) وبعض المدرسين
3 -موقف من الطفوله مازال عالق في ذهنك؟


روحت ( الأرجوز) مع جيراني من غير ما أقول لبابا وكان أول مرة يضربني فكرني توهت بس ماكانش ضرب يعني لسوعني كدة على أيدي


4 -هل كان يوجد معامله مختلفه لاخوانك الذكورعن البنات؟


:g:امممممممممممم سؤال وحش شوية
بس يالا هقول بصراحة أيوة
وكمان أنا كنت متدلعة بما أني أنا أصغرهم


5 -اليوم الدراسي الأول هل تتذكري حالك فيه؟


بصراحة مش فاكرة


6 -عبث الطفوله كيف تصفينه في بضع كلمات؟


( أفتش تحت تلك الصخور عن مغامرة نسيتها أو ضحكة سقطت مني هاهنا.)
( لو علمتم الغيب لاخترتم الواقع)


7 -أصدقاء الطفوله هل مازلوا على تواصل؟


أكيد معظمهم جيراني بس اللي كانوا معايا في المدرسة(الظروف أتغيرت مش بشوفهم)


ادم وحوا


1 - الرجل ماذا يعني وجوده في حياتك اليوم؟


قلق و مشاكل


2 - من هي الشخصية الرجاليه التي تعجبك؟


شخصية سيدنا محمد في (القوة واللطف بأهله ........إلخ)



3 - من هي المرأه التي تود ين أن تكون قدوة لكل نساء الأرض؟


السيدة خديجة


4 - بعد الأخلاق الحسنة ماأكثر مايلفت انتباهك في الرجل شكلا؟(للبنات)


شياكتة ولباقتة ومعرفته بالأشياء
وطبعا ( الذكاء )


5 - مارأيك بالرجل الذي اهتمامته كمتابعة الموضه والازياء؟(للبنات)


بما أني يلفتني فية الشياكة فأكيد هيكون متابع للي يناسبة من الموضة دة مش معناه أنه يوقف شعره ويسقط بنطلونه:evil::evil:


6 -خانك آدم فأصبحت مابين المنصدم والمنتقم كيف ستكون ردة فعلك؟
الحب والكراهية كلاهما طاقة ثمينة ، لا يصح أن نبددها فيمن لا يستحق
الأنتقام برضه طاقة هو مايستحقهاش
هعمل برأي الشاعر بعرور اللي بيقول منمن حبنا حبناه وصار متاعنا متاعه


ومن كرهنا كرهناه ويحرم علينا اجتماعه


7 - بيت شعر تهديه لآدم؟(للبنات)


تصادق مع الذئاب ( ادم)... على أن يكون فأسك مستعداً :11ight::11ight::11ight:


8 - كلمة توجهينها لآدم سواء كانت الأب او الزوج أوالاخ او الحبيب؟(للبنات)


الكلام اللين يغلب الحق البين


9_ماذا تعنى لك|لكى الحياة الزوجية؟


أمـــــــــــــــــــــــــــااااااااااااااااااااا اااااااااان و أستقرار


10_بعد زواجك هل ستسمح|تسمحى بتدخل الاهل فى مشاكلك؟


أكيد لأ
آخرر سؤآل وأهمهآ ...


في كم سؤال من الأسئله جاملتي ... كذبتي ... واذكري الأسئله << مفيشناش من احرااج


بصراحة سؤال الخيانة أنا لو راجل خاني مش هسمع غير كلام نفسي لا شاعر ولا ماشعرش هيكون ليا رأي تاني



أنا أختار هبة بيبو


هههههههههههههههههههههه




لسة مجاوبة من قيمت صفحتين وربنا



اولا بشكرك جدا يا سمسة يا عسل علي اختيارك




بس معلش بقي لو ينفع اجاوب تاني مكنتش اتاخرت



اختاري حد تاااااااااااااااااااااااني بقي:cc_scooter:

الورده البيضاء
03-09-2010, 04:17 AM
الله ينور يااسماء انتى وسمسمة
ومعلش ياسمسمة جت اوت مع هبة لانها كانت لسة مجاوبة
ياريت تختارى عضو اخر ومش شرط بنت ممكن يكون شاب

blue_sky
03-10-2010, 08:26 PM
الله ينور يااسماء انتى وسمسمة
ومعلش ياسمسمة جت اوت مع هبة لانها كانت لسة مجاوبة
ياريت تختارى عضو اخر ومش شرط بنت ممكن يكون شاب
ميرسي ليكي
ممكن أسيبك أنت يا وردة تختاريلنا ولد ولو أنت ماعندكيش حد ممكن هبة تختارلنا
بس بشرط ( يكون ولد )

الورده البيضاء
03-10-2010, 09:04 PM
ميرسي ليكي
ممكن أسيبك أنت يا وردة تختاريلنا ولد ولو أنت ماعندكيش حد ممكن هبة تختارلنا
بس بشرط ( يكون ولد )


عيووووووووووونى ياقمر
دانتى تؤمرى
اختار العضو
aafm

blue_sky
03-10-2010, 09:48 PM
عيووووووووووونى ياقمر
دانتى تؤمرى
اختار العضو


aafm


تسلم عيونك يا قمر
وربنا يستر والعضو اللي أخترتيه ما يردش بقسوة علينا نتيجة لإجاباتي علن الأسئلة الخاصة بأدم

الورده البيضاء
03-12-2010, 11:42 AM
هو العضو مش راضى يرد خالص
مع انى بعتلة رسالة خاصة
هابعتلة تانى

aafm
03-12-2010, 08:59 PM
تسلم عيونك لاختيارى وانا اسف على التاخير فى الرد لانى كنت مشغول شوية
-مكان الميلاد أين كان؟
الشرقية

2 -حياة الطفوله من كان المؤثر الأول بها؟
جدتى


3 -موقف من الطفوله مازال عالق في ذهنك؟
مش فاكر بصراحة

4 -هل كان يوجد معامله مختلفه لاخوانك الذكورعن البنات؟
انا عندى اخت واحدة بالتاكيد هيكون ليها معاملة مميزة شوية
5 -اليوم الدراسي الأول هل تتذكر حالك فيه؟
لالالا

6 -عبث الطفوله كيف تصفينه في بضع كلمات؟
لعب واكل وجرى وشوية شغل فى مزرعة السمك

7 -أصدقاء الطفوله هل مازلوا على تواصل؟
تقربيا بس مش كلهم
ادم وحوا

المراة ماذا يعنى وجودها فى حياتك اليوم؟
هى امى وغدا زوجتى واتمنى انى اجدها
من هى الشخصية النسائية التى تعجبك؟
نادرا ماتلاقى
من هو الرجل الذى تود ان يكون قدوة لكل الارض؟
سيدنا محمد صلى الله علية وسلم
مالذى يلفت انتباهك فى المراة ؟
التدين بس ماتكنش منقبة والجمال والاخلاق "

مارايك فى المراة التى اهتماماتها فى الموضوة والازياء؟
ماتلزمنيش
خانتك حواء فماذا يكون رد فعلك؟
مع السلامة فى 250000000000000000000000 داهية "


بيت شعر تهدية لحواء
ياليتنى نبض ابات بداخل اعماقك
ازيل الهم عن قلبك وامحى كل اهاتك


كلمة توجهها لحواء
ارحمونا كدة حرام

9_ماذا تعنى لك|لكى الحياة الزوجية؟
استقرار غالبا

10_بعد زواجك هل ستسمح|تسمحى بتدخل الاهل فى مشاكلك؟
نحلها ودى ولا داعى لتدخل مجلس الامن

في كم سؤال من الأسئله جاملتي ... كذبتي ... واذكري الأسئله << مفيشناش من احرااج
والله ابدا

aafm
03-12-2010, 09:12 PM
وانا اختار هبة محمود لتكون بعدى

الورده البيضاء
03-14-2010, 01:34 AM
الف شكر يااحمد لاجاباتك ولونك جى علينا شوية
من هى الشخصية النسائية التى تعجبك؟
نادرا ماتلاقى

-هل كان يوجد معامله مختلفه لاخوانك الذكورعن البنات؟
انا عندى اخت واحدة بالتاكيد هيكون ليها معاملة مميزة شوية
_ماذا تعنى لك|لكى الحياة الزوجية؟
استقرار غالبا

"]كلمة توجهها لحواء
ارحمونا كدة حرام
الف شكر ليك يااحمد مرة تانية
وفى انتظار اجابات هبة

alex
03-14-2010, 03:24 AM
يا جماعة انتوا مصعبنها لية كدااااااااااااا
الراجل مغلطش وانا مش شايف اى تحيز خاااااااااااااااااااااااااالص
هههههههههههههه
بس بجد موضوع جميل واجابات احلى
مستنيين المزيد

الورده البيضاء
03-14-2010, 03:37 AM
يا جماعة انتوا مصعبنها لية كدااااااااااااا
الراجل مغلطش وانا مش شايف اى تحيز خاااااااااااااااااااااااااالص
هههههههههههههه
بس بجد موضوع جميل واجابات احلى
مستنيين المزيد


ومين هيشهدلة طبعا غير ولدهههههه
ميرسى ليك يااليكس ومنور الموضوع

aafm
03-19-2010, 11:17 PM
يا جماعة هبةمحمود مش عايزة ترد رغم انى بعتلهارسالةخا صة
نرشح حد تانى ولا اية؟

الورده البيضاء
03-20-2010, 01:04 AM
اة ياريت يااحمد لو تختار حد تانى
لان واضح انها مش بتدخل الفترة دى
وانا كمان بعتلها ماسيج ومردتش عليا

aafm
03-21-2010, 12:09 AM
خلاص يا جماعة انا هختار احمد شلبى ‏cartographer لان الراجل بجد انا حبيتة فى الله

Ahmed Waheed Shalaby
03-21-2010, 12:33 AM
خلاص يا جماعة انا هختار احمد شلبى ‏cartographer لان الراجل بجد انا حبيتة فى الله




احبك الله الذى احببتنى فية

علشان خاطرك بس يا احمد

aafm
03-21-2010, 12:53 AM
ربنا يخليك يا هندسة وياللا احنا مستنين الاجابة

Ahmed Waheed Shalaby
03-21-2010, 01:04 AM
بسم الله الرحمن الرحيم

1 -مكان الميلاد أين كان؟
محافظة الشرقية

2 -حياة الطفوله من كان المؤثر الأول بها؟
عائلتى طبعا وخصوصا والدى ووالدتى ربنا يكرمهم

3 -موقف من الطفوله مازال عالق في ذهنك؟
كنت بحب اقعد مع جدتى الله يرحمها لانها كانتى بتحكيلنا حكاوى جميلة

4 -هل كان يوجد معامله مختلفه لاخوانك الذكورعن البنات؟
فى اعتقادى لا مكنش فية كدة خالص

5 -اليوم الدراسي الأول هل تتذكر حالك فيه؟
مش فاكر قوى بس فاكر انى كنت فرحان قوى بدخول المدرسة مع انها بابها فى باب بتنا على طول

6 -عبث الطفوله كيف تصفه في بضع كلمات؟
شقاوة عيال

7 -أصدقاء الطفوله هل مازلوا على تواصل؟
معظمهم على تواصل حتى فية منهم مجموعة سافرت برة بس فى تواصل على فترات

المراة ماذا يعنى وجودها فى حياتك اليوم؟
شىء مكمل للحياة ولا بد منة دى نصف الدين

من هى الشخصية النسائية التى تعجبك؟
ذات الخلق والدين

من هو الرجل الذى تود ان يكون قدوة لكل الارض؟
مفيش غيرة هو واحد وبس
سيدنا محمد صلى الله علية وسلم

مالذى يلفت انتباهك فى المراة ؟
مظهرها وملابسها اظن تقدر تحدد شخصيتها من لبسها

مارايك فى المراة التى اهتماماتها فى الموضوة والازياء؟
شىء كويس بس الشىء لما بيزيد عن الحد بيتقلب للضد

خانتك حواء فماذا يكون رد فعلك؟
انا اكيد لازم اختار واحدة مفهاش الصفة دى خالص

بيت شعر تهدية لحواء
والله ماليش فى الشعر دة الواحد كان بيحفظة ايام الدراسة بالعافية

كلمة توجهها لحواء
اتقى الله

ماذا تعنى لك الحياة الزوجية؟
استقرار ومودة ورحمة

بعد زواجك هل ستسمح بتدخل الاهل فى مشاكلك؟
لا طبعا لازم يكون فى لغة حوار وتفاهم بينا حتى لو زعلانين من بعض

في كم سؤال من الأسئله جاملت ... كذبت ...
انا مبحبش الكدب ولا المجاملات واظن الاجابات واضحة

الورده البيضاء
03-21-2010, 01:14 AM
بسم الله الرحمن الرحيم

1 -مكان الميلاد أين كان؟
محافظة الشرقية

2 -حياة الطفوله من كان المؤثر الأول بها؟
عائلتى طبعا وخصوصا والدى ووالدتى ربنا يكرمهم

3 -موقف من الطفوله مازال عالق في ذهنك؟
كنت بحب اقعد مع جدتى الله يرحمها لانها كانتى بتحكيلنا حكاوى جميلة

4 -هل كان يوجد معامله مختلفه لاخوانك الذكورعن البنات؟
فى اعتقادى لا مكنش فية كدة خالص

5 -اليوم الدراسي الأول هل تتذكر حالك فيه؟
مش فاكر قوى بس فاكر انى كنت فرحان قوى بدخول المدرسة مع انها بابها فى باب بتنا على طول

6 -عبث الطفوله كيف تصفه في بضع كلمات؟
شقاوة عيال

7 -أصدقاء الطفوله هل مازلوا على تواصل؟
معظمهم على تواصل حتى فية منهم مجموعة سافرت برة بس فى تواصل على فترات

المراة ماذا يعنى وجودها فى حياتك اليوم؟
شىء مكمل للحياة ولا بد منة دى نصف الدين

من هى الشخصية النسائية التى تعجبك؟
ذات الخلق والدين

من هو الرجل الذى تود ان يكون قدوة لكل الارض؟
مفيش غيرة هو واحد وبس
سيدنا محمد صلى الله علية وسلم

مالذى يلفت انتباهك فى المراة ؟
مظهرها وملابسها اظن تقدر تحدد شخصيتها من لبسها

مارايك فى المراة التى اهتماماتها فى الموضوة والازياء؟
شىء كويس بس الشىء لما بيزيد عن الحد بيتقلب للضد

خانتك حواء فماذا يكون رد فعلك؟
انا اكيد لازم اختار واحدة مفهاش الصفة دى خالص

بيت شعر تهدية لحواء
والله ماليش فى الشعر دة الواحد كان بيحفظة ايام الدراسة بالعافية

كلمة توجهها لحواء
اتقى الله

ماذا تعنى لك الحياة الزوجية؟
استقرار ومودة ورحمة

بعد زواجك هل ستسمح بتدخل الاهل فى مشاكلك؟
لا طبعا لازم يكون فى لغة حوار وتفاهم بينا حتى لو زعلانين من بعض

في كم سؤال من الأسئله جاملت ... كذبت ...
انا مبحبش الكدب ولا المجاملات واظن الاجابات واضحة


الله ينور يااحمد
بس انا ليا تعليق على اجابة واحدة بس
انك تقدر تحدد شخصية البنت من طريقة لبسها
عايزة اقولك واكيد انت عارف
ان فى بنات بيبقوا منقبات
مش هقولك لبس محترم او فضفاض
لا منقبات واستغفر الله العظيم يعنى
وفى بنات تانية بيبقى منظرهم الخارجى مش ولابد
بس جوهرها ممتاز جدا
الف شكر ليك لاجاباتك
وياريت تختار العضو او العضوة اللى هيجاوب بعدك

Ahmed Waheed Shalaby
03-21-2010, 01:27 AM
الله ينور يااحمد
بس انا ليا تعليق على اجابة واحدة بس
انك تقدر تحدد شخصية البنت من طريقة لبسها
عايزة اقولك واكيد انت عارف
ان فى بنات بيبقوا منقبات
مش هقولك لبس محترم او فضفاض
لا منقبات واستغفر الله العظيم يعنى
وفى بنات تانية بيبقى منظرهم الخارجى مش ولابد
بس جوهرها ممتاز جدا
الف شكر ليك لاجاباتك
وياريت تختار العضو او العضوة اللى هيجاوب بعدك




اوك انا معاكى بس زى ما انت عارفة لكل قاعدة شواز وان المعظم بيكونوا تمام
وعايز اقولك حاجة تانية انة مش باللبس بس لكن طريقة التعامل والكلام وحجات كتير خالص

وانا بختار العضو
ALY ELSAYED (http://www.mesa7a.com/forum/member.php?u=4179)
مشرف عام الاقسام الاجتماعية

الورده البيضاء
03-21-2010, 01:29 AM
ف دى عندك حق
بطريقة المعاملة بتبان طبعا
وفى انتظار اجابات على

aafm
03-22-2010, 11:58 PM
بسم الله الرحمن الرحيم

1 -مكان الميلاد أين كان؟
محافظة الشرقية

2 -حياة الطفوله من كان المؤثر الأول بها؟
عائلتى طبعا وخصوصا والدى ووالدتى ربنا يكرمهم

3 -موقف من الطفوله مازال عالق في ذهنك؟
كنت بحب اقعد مع جدتى الله يرحمها لانها كانتى بتحكيلنا حكاوى جميلة

4 -هل كان يوجد معامله مختلفه لاخوانك الذكورعن البنات؟
فى اعتقادى لا مكنش فية كدة خالص

5 -اليوم الدراسي الأول هل تتذكر حالك فيه؟
مش فاكر قوى بس فاكر انى كنت فرحان قوى بدخول المدرسة مع انها بابها فى باب بتنا على طول

6 -عبث الطفوله كيف تصفه في بضع كلمات؟
شقاوة عيال

7 -أصدقاء الطفوله هل مازلوا على تواصل؟
معظمهم على تواصل حتى فية منهم مجموعة سافرت برة بس فى تواصل على فترات

المراة ماذا يعنى وجودها فى حياتك اليوم؟
شىء مكمل للحياة ولا بد منة دى نصف الدين

من هى الشخصية النسائية التى تعجبك؟
ذات الخلق والدين

من هو الرجل الذى تود ان يكون قدوة لكل الارض؟
مفيش غيرة هو واحد وبس
سيدنا محمد صلى الله علية وسلم

مالذى يلفت انتباهك فى المراة ؟
مظهرها وملابسها اظن تقدر تحدد شخصيتها من لبسها

مارايك فى المراة التى اهتماماتها فى الموضوة والازياء؟
شىء كويس بس الشىء لما بيزيد عن الحد بيتقلب للضد

خانتك حواء فماذا يكون رد فعلك؟
انا اكيد لازم اختار واحدة مفهاش الصفة دى خالص

بيت شعر تهدية لحواء
والله ماليش فى الشعر دة الواحد كان بيحفظة ايام الدراسة بالعافية

كلمة توجهها لحواء
اتقى الله

ماذا تعنى لك الحياة الزوجية؟
استقرار ومودة ورحمة

بعد زواجك هل ستسمح بتدخل الاهل فى مشاكلك؟
لا طبعا لازم يكون فى لغة حوار وتفاهم بينا حتى لو زعلانين من بعض

في كم سؤال من الأسئله جاملت ... كذبت ...
انا مبحبش الكدب ولا المجاملات واظن الاجابات واضحة



الف شكر ليك يا هندسة وفعلا كلامك صحيح ؛ لكن حكاية من الحكم من المظهر والملابس دى انا مش معك فيها لان فى بنات لابسهم بيكون حشم جدا ومحترم كمان لكن بيكونو عكس مالبسهم يوحى خالص

Ahmed Waheed Shalaby
03-23-2010, 12:02 AM
الف شكر ليك يا هندسة وفعلا كلامك صحيح ؛ لكن حكاية من الحكم من المظهر والملابس دى انا مش معك فيها لان فى بنات لابسهم بيكون حشم جدا ومحترم كمان لكن بيكونو عكس مالبسهم يوحى خالص




ربنا يخليك يا احمد وانا وضحت النقطة دى فى مشاركة سابقة ياريت تقرأها

blue_sky
03-23-2010, 12:16 AM
البنت اللي مش محترمة حتى لو لابسة نقاب هيبان من لبسها أنها مش محترمه
يعني اللي بيتخفوا ورا المظهر واللبس عشان يتظاهروا بالأحترام بيبان عليهم برضوا
يعني من لبسها برضه هتعرف هي أية

Soma
03-23-2010, 12:28 AM
اولا الله ينور عليك فى اجاباتك
وفعلا اى شخص اذا كان بنت او ولد بيتعرف شخصيته بالتعامل معاه
المظاهر كتير بتخدع
جزاك الله كل خير

Ahmed Waheed Shalaby
03-23-2010, 12:33 AM
البنت اللي مش محترمة حتى لو لابسة نقاب هيبان من لبسها أنها مش محترمه
يعني اللي بيتخفوا ورا المظهر واللبس عشان يتظاهروا بالأحترام بيبان عليهم برضوا
يعني من لبسها برضه هتعرف هي أية



انا معاكى فى كلامك وبرضة لازم المعاملة

اصلهم مسكنهالى على الوحدة زى ميكون ماصدقوا لقيوا حاجة يعلقوا عليها

ههههههههههه

لا بجد كلامك صح وبرضة التعامل يعرفك اكتر

Ahmed Waheed Shalaby
03-23-2010, 12:35 AM
اولا الله ينور عليك فى اجاباتك
وفعلا اى شخص اذا كان بنت او ولد بيتعرف شخصيته بالتعامل معاه
المظاهر كتير بتخدع
جزاك الله كل خير




حلو الكلام

شكرا ليكى على كلامك الجميل دة

الورده البيضاء
03-23-2010, 07:34 AM
حضرتك هتختار مين بعدك يابشمهندس :embaressed_smile::embaressed_smile:

Ahmed Waheed Shalaby
03-24-2010, 03:07 PM
حضرتك هتختار مين بعدك يابشمهندس :embaressed_smile::embaressed_smile:





وانا بختار العضو
ALY ELSAYED (http://www.mesa7a.com/forum/member.php?u=4179)
مشرف عام الاقسام الاجتماعية


وان شاء الله فى اقرب وقت حيكون مشاركتة موجودة انا بلغتة لكنة عندة شوية مشاغل وان شاء الله مشاركتة حتكون موجودة على طول

bata_batot
03-26-2010, 06:13 PM
وانا بختار العضو

ALY ELSAYED (http://www.mesa7a.com/forum/member.php?u=4179)
مشرف عام الاقسام الاجتماعية



وان شاء الله فى اقرب وقت حيكون مشاركتة موجودة انا بلغتة لكنة عندة شوية مشاغل وان شاء الله مشاركتة حتكون موجودة على طول



فى انتظارك وباذن الله الموضوع يعجبك

الورده البيضاء
03-28-2010, 12:49 AM
فى انتظارك ياعلى

ALY ELSAYED
03-28-2010, 02:24 AM
مرحلة عبث الطفولة

1 -مكان الميلاد أين كان؟


الاسكندريه

2 -حياة الطفوله من كان المؤثر الأول بها؟


والدي

3 -موقف من الطفوله مازال عالق في ذهنك؟


بصراحه مش فاكره لان الي فاكره مواقف محرجه جدا ههههههه

4 -هل كان يوجد معامله مختلفه لاخوانك الذكورعن البنات؟


والله لحد دلوقتي انا بابا يحب اختي الي اصغر مني علي طول اووووي

5 -اليوم الدراسي الأول هل تتذكري حالك فيه؟


انا كنت فرحان اني رايح المدرسه عشان كنت فاكراني حروح العب وبس

6 -عبث الطفوله كيف تصفينه في بضع كلمات؟


ليت حياتنا كلها طفوله ههههههههه

7 -أصدقاء الطفوله هل مازلوا على تواصل؟



قليل جدا يمكن مفيش غير واحد من الي كانو معايا في الحضانه لحد 5 ابتدائي عشان احنا الاتنين عزلنا وسكنا في حته واحده فتقبلنا تاني وقبلته امبارح صدفه كمان



ادم وحوا

1 -
المراة ماذا يعنى وجودها فى حياتك اليوم؟


الحاجه الوحيده الي ميقدرش الراجل الاستغناء عنها

2 -
من هى الشخصية النسائية التى تعجبك؟(للشباب)


الشخصيه الهادئه الي تكون عندها حياء

3 -
من هو الرجل الذى تود ان يكون قدوة لكل الارض؟(للشباب)


سيد الخلق رسول الله محمد صلي الله عليه وسلم

4 - بعد الأخلاق الحسنة
مالذى يلفت انتباهك فى المراة ؟(للشباب)


اكيد اسلوبها ومظهرها وروحها عامله ازاي لان دي مهمه جدا جدا

5 -
مارايك فى المراة التى اهتماماتها فى الموضوة والازياء؟(للشباب)


الموضه مفيش مشاكل بس الموضه الاسلاميه المتحشمه بس طبعا ميكنش كل اهتمامها في الموضه وبس ميقباش من بره هلهله ومن جوه هههههههه

6 -
خانتك حواء فماذا يكون رد فعلك؟(للشباب)


انا جاوبت قبلكده علي سؤال زي ده بس الي اقدر اقوله ان علي حسب علاقتي بحواء حيكون في رد فعل مختلف عن الاخر

7 -
بيت شعر تهدية لحواء(للشباب)


ايش اللي جابك من بلادك لبلادي

ايش اللي خلاك تنبض في فؤادي

8 -
كلمة توجهها لحواء(للشباب)


ولا ما تسوي اعيش الدنيا دونك

9_ماذا تعنى لك|لكى الحياة الزوجية؟


الحياه الزوجيه هيا كل حاجه واهم حاجه انها نص الدين

10_بعد زواجك هل ستسمح|تسمحى بتدخل الاهل فى مشاكلك؟


لا طبعا معتقدش وهو انا مليش لازمه ولا ايه

آخرر سؤآل وأهمهآ ...

في كم سؤال من الأسئله جاملتي ... كذبتي ... واذكري الأسئله << مفيشناش من احرااج


لا انا مجملتش خالص وجاوبت بصراحه




بشكرك يا امل علي موضوعك واسئلتك الجميله

وطبعا بشكر كارتو حبيبي انه اختارني من بعده

وانا بتاسف علي تاخير الرد

جزاكم الله كل خيرر

Ahmed Waheed Shalaby
03-28-2010, 12:41 PM
بشكرك يا امل علي موضوعك واسئلتك الجميله

وطبعا بشكر كارتو حبيبي انه اختارني من بعده

وانا بتاسف علي تاخير الرد

جزاكم الله كل خير
ر


الف شكر يا على بجد اجوبة صريحة

وكمان عقلانية

الورده البيضاء
03-28-2010, 12:53 PM
العفو ياعلى
ميرسى ليك انت لمشاركتك
بس مقولتلنااااااااااااااشى
مين هيبقى بعدك
هااااااااااااااااااااااااااااااااا

Soma
03-29-2010, 12:01 AM
الله ينور يا على اجاباتك ممتازة بجد
جزاك الله كل خير

ALY ELSAYED
03-30-2010, 12:15 AM
ان شاء الله حختار بعدي

مي رسمي

الورده البيضاء
03-30-2010, 12:52 AM
فى انتظار اجابات مى

مى رسمى
03-30-2010, 01:29 AM
[[

مرحلة عبث الطفولة

1 -مكان الميلاد أين كان؟
الاسكندريه

2 -حياة الطفوله من كان المؤثر الأول بها؟
ماما

3 -موقف من الطفوله مازال عالق في ذهنك؟
او يوم مدرسه لما ماما ودتنى المدرسه

4 -هل كان يوجد معامله مختلفه لاخوانك الذكورعن البنات؟
لا طبعا

5 -اليوم الدراسي الأول هل تتذكري حالك فيه؟
كنت مبسوطه جدا لان جارتى كانت مدرستى

6 -عبث الطفوله كيف تصفينه في بضع كلمات؟
احلى ايام العمر

7 -أصدقاء الطفوله هل مازلوا على تواصل؟
واحده بس



ادم وحوا

1 - الرجل ماذا يعني وجوده في حياتك اليوم؟(للبنات)
الامان

2 - من هي الشخصية الرجاليه التي تعجبك؟(للبنات)
من يتحلى بكل صفات الرجوله

3 - من هي المرأه التي تود ين أن تكون قدوة لكل نساء الأرض؟(للبنات)
اسيا زوجة فرعون
وزوجات الرسول صلى الله عاليه وسلم

4 - بعد الأخلاق الحسنة ماأكثر مايلفت انتباهك في الرجل شكلا؟(للبنات)
اكيد شياكته

5 - مارأيك بالرجل الذي اهتمامته كمتابعة الموضه والازياء؟(للبنات)
رأى ان الاهتمام بالمظهر حاجه مش غلط واى المانع انو يهتم بمظهر بس ميكونش دى الاهتمام الاساسى والوحيد

6 -خانك آدم فأصبحت مابين المنصدم والمنتقم كيف ستكون ردة فعلك؟(للبنات)
اذا تاكدت من الخيانه لن اتردد فى الانفصال


7 - بيت شعر تهديه لآدم؟(للبنات)
واذا رأيت انياب الذئب .... لا تظنن انه لك يضحك
يا مئمنه للرجال يامئمنه يامئمنه للميه فى الغربال

8 - كلمة توجهينها لآدم سواء كانت الأب او الزوج أوالاخ او الحبيب؟(للبنات)
شكرا

9_ماذا تعنى لك|لكى الحياة الزوجية؟
الاستقرار ... الامان....الحب

10_بعد زواجك هل ستسمح|تسمحى بتدخل الاهل فى مشاكلك؟
لالالالالا

آخرر سؤآل وأهمهآ ...

في كم سؤال من الأسئله جاملتي ... كذبتي ... واذكري الأسئله << مفيشناش من احرااج
ضيفتي المتألقه بطلتها.
هى
هى
هى
نهى شعبان

الورده البيضاء
03-30-2010, 01:43 AM
الله ينور يامى اجاباتك جميلة
وفى انتظار اجابات نهى

الورده البيضاء
04-25-2010, 09:04 PM
فى انتظار اجابات نهى

الورده البيضاء
07-28-2010, 12:16 PM
ياريت تختارى عضو تانى يامى
اظاهر البشمهندسة مشغولة

مى رسمى
07-28-2010, 01:23 PM
سورى ياجماعه هى فعلا مشغوله جدا
ممكن حد غيرى يختار
اختارى انتى يا امول

الورده البيضاء
07-28-2010, 03:13 PM
أوكى يامى
اختار الكومى ناصر

elkomy nasser
07-28-2010, 05:53 PM
....................السلام عليكم ورحمة الله وبراكاته ..................



اولا \ أحب أرحب بكل الناس الموجودة وكل الناس الى هتمر على الموضوع ويريت يعجب الجميع .


وايضا اشكر الاخت المحبوبة .. امل ( الوردة البيضاء ).

يا ريت كل الى يشوف الموضوع يسيب بصمة لية اى تعليق

1 -مكان الميلاد أين كان؟

قرية: محلة بشر مركز: شبراخيت محافظة: البحيرة

2 -حياة الطفوله من كان المؤثر الأول بها؟

.... والدى العزيز علية رحمة الله .....

3-موقف من الطفوله مازال عالق في ذهنك؟

اول مرة رحت اصيف مع الاسر وانا عندى5سنين

فى هذا اليوم رحنا العجمى بالاسكندرية واول ما رحت قعت اعيط علشان اروح البحر يومها والدى قالى احنا لسة وصلين من السفر ولازم نستريح وبعدين العصر فى التراوة هخدكم كلمك البحر. واخدنا ورحنا شاطىء النخيل..

4 -هل كان يوجد معامله مختلفه لاخوانك الذكورعن البنات؟

لا طبعا لذلك انا واخواتى بنحب بعض كتييييييييير وبنخاف على بعض.

وكمان زى مكان يجب لاخواتى البنات يجيب ليا انا واخويا .

5 -اليوم الدراسي الأول هل تتذكري حالك فيه؟

ممكن افتكر لما انا اول مرة كنت فى الازهر الشريف فى سنة اولى وبعديت سنة تانية انا حولت من الازهر للتربية والتعليم ودى كانت اكبر غلطة فى حياتى انى حولت.

6 -عبث الطفوله كيف تصفينه في بضع كلمات؟.

.
كانت احلى واجمل ايام فى عمرى واتمنى ترجع تانى بس ما بى اليد حيلة

7 -أصدقاء الطفوله هل مازلوا على تواصل؟


فية منهم مازالو على تواصل وفية اصحاب جدد بس والحمد لله كل اصحابى يعرفوا معنى كلمة الصاحب
فى وقت الشدة موجودين وفى وقت الفرح موجودين وكل وقت

من هى الشخصية النسائية التى تعجبك؟


1/ الاحترام.
2/ الادب.
3/ الاخلاق.
4/ الجمال.
5/ الشخصية.
6/ الجاذبية.


من هو الرجل الذى تود ان يكون قدوة لكل الارض؟.


...... الرسول الكريم.... سيدنا محمد علية افضل الصلاه والسلام....


مالذى يلفت انتباهك فى المراة ؟

....الجذابة......


مارايك فى المراة التى اهتماماتها فى الموضوة والازياء؟ .


....عادى الاهتمام مش مشكلة لكن بحدود...

خانتك حواء فماذا يكون رد فعلك؟


..... الخيانة انواع ...اشوف اية سبب الخيانة.. اذا السبب قوى فطبيعى ان انا انظرللموضوع فإذا كانت الخيانة مع شخص اخر فطبيعى ان انا هبعد عنها وكويس انها بانت فى البداية...

بيت شعر تهدية لحواء


اوعدنى جمبى تعيش ولا ليلة تنسانى وليك عليا اعيش واموت يا حبيبى وانا وياك

اوعدنى متسبنيش ولا حتى لثوانى دا عمرى كلة هيسوا اية لو يوم مكنشى معاك

جنبك علطول خلينى متغبشى فى يوم عن عينى دا ان لما بقول ياحبيبى قلبى بيرتاح

جنبك علطول خلينى على حلم بعيد ودينى هنفكر لية فى امبارح ماهو عدى وراح

كلمة توجهها لحواء.



كونى فى طاعه الله....تنجى من الدنيا

9_ماذا تعنى لك|لكى الحياة الزوجية؟



الاستقرار......السعادة.

10 _بعد زواجك هل ستسمح|تسمحى بتدخل الاهل فى مشاكلك؟.



اكيد ممكن وممكن حسب نوع المشكلة للاستفسار فقط
وربنا مايجيب مشاكل


آخرر سؤآل وأهمهآ ...



كل الاسئلة انا جوابتها بكل صراحة.....لو كنت بجاملكم مكنتش جاوبت من الاول

مع تحياتى لكم / الكومى ناصر

الورده البيضاء
07-28-2010, 08:28 PM
الله ينور ياكومى
اجابات جميلة
ياريت تختار عضو تانى عشان يجاوب بعدك