المساعد الشخصي الرقمي

مشاهدة النسخة كاملة : طمعنجى اشترى له بيت .. فلسنجى سكن له فيه



Mohamed Hashem
09-26-2009, 01:43 PM
السلام عليكم أهل المنتدى الكرام

النهارده أجازة ومن طقوس الأجازة عندى التأمل .. هو بصراحه نوع من أنواع الكسل المنزلى التى يمكن تأديتها من أى كرسى أو فوتيه بالمنزل
التأمل اليوم أخذنى إلى الأزمة الإقتصادية السيئة العالمية
وعندما فتحت الجرائد وقعت عيناى على هذا الخبر .. فقرأته .. ثم مالبثت أن غرقت فى نوبه ضحك حتى سالت الدموع من عيناى .. فلتقرأ هذا الموضوع معى


طلب من خبير مالى أن يبسط للناس العاديين الأزمة الاقتصادية والكارثة التى حدثت فى أسواق البورصة فحكى لهم عن بائع الحمير .. فقال :
ذهب رجل إلى قرية نائية عارضا على سكانها شراء كل حمار بعشرة جنيهات فباع جزء منهم حميره إلى الرجل الذى عاد فرفع سعر الحمار إلى 15 جنيها فباع آخرون حميرهم إلى الرجل الذى ما لبث أن رفع السعر مرة ثانية إلى 30 جنيها فاندفع الناس إلى بيع حميرهم له حتى نفدت الحمير من القرية عندها عرض الرجل على الناس شراء الحمار بخمسين جنيها .. ثم إختفى الرجل معللا سفره بأنه فى أجازة
وحينها زاد الطلب على الحمير وفى هذا التوقيت جاء مساعد هذا الرجل إلى القرية وعرض عليهم أن يبيع لهم حمير بسعر الواحد اربعين جنيها .. فقرر الجميع الشراء على أمل أن يعيدوا بيع الحمار بخمسين للرجل الأول الذى كان يشترى الحمير
وتدافعوا فى الشراء حتى أنهم تداينوا من بنك القرية ودفعوا كل مدخراتهم والبنك نفسه أخرج كل السيوله الإحتياطية لديه على أمل تحقيق مكاسب سريعه بعد بيع الحمار بخمسين جنيها
ولكن الرجل اياه لم يعود للقرية ثانيه ولا مساعده الذى باع لهم حميرهم واصبح الاهالى عاجزين عن سداد ديونهم للبنك الذى لو حجز على الحمير فانها لن ترد قيمة الدين بمعنى آخر ضاعت القرية وأفلس البنك
والآن لو حذفنا حمار ووضعنا بدلا منها شقة - سيارة الخ ستجد بكل بساطه ان هذا ما نحيا عليه الآن فى حياتنا
مثال عملى : ارتفع سعر البنزين والبترول فارتفع كل شئ الكهرباء والمواصلات والغذاء
ولم يرتفع العائد على الناس
ثم انخفض سعر البترول ولم ينخفض شئ لماذا ؟؟؟
انخفض سعر الحديد والأسمنت ومازلن لا نستطيع شراء شقة صغيرة ؟؟ لماذا ؟؟؟


انتهت المقاله واللى فاهم حاجه يقول .. انشلا على الخاص

samomran
09-26-2009, 02:19 PM
يعنى اولا طبعا موضوع فى غايه الجمال

ثانيا انا من رايى المتواضع و نظرتى للازمه الموجوده حاليا

هو ان الجشع للافراد اللى ادى لكده ده اولا

ثانيا سياسات دول كل همها ان تكون القوه المسيطره على الوضع و طبعا السيطره دى بتجيى باكثر من اتجاه و اهمها على الاطلاق الاتجاه الاقتصادى لانه المتحكم فى ظروف الشعوب اى كان المستوى بتاعها ايه غير كده هى المحرك الاساسى على الارض

و يكمن السبب فى ان سياسات الدوله عرفت نقطه ضعف الانسان فين و اشتغلت عليها الا و هى الجشع بكل ما تحمل الكلمه من معانى


و طبعا اشتغلوا على الوضع ده

و جزاك الله كل خير موضوع جميل جدااا

Mohamed Hashem
09-26-2009, 02:27 PM
شكرا اسلام نورتنى
ورأيك جميل طبعا

Mimi
09-26-2009, 05:21 PM
شكرآ لحضرتك على الموضوع الرائع دا

وأكيد كل فرد مننا صغير او كبير بيحس بالأزمة دي في حياته

والغلط اللي بنفكر فيه دايمآ اننا بنتصور ان لما في حاجة بينزل سعرها بالتالي هينزل سعر الحاجات التانية المعتمدة عليها

مع ان دا المنطقي بس زي ما قال اسلام دي سياسة اكتر منها اقتصاد وحقوق

للأسف يكفي يابشمهندس اننا نبقى الحكاية ماشية ازاي

وندعو الله يهدي الحكومة عشان يتقو ربنا في الشعب

ALY ELSAYED
09-27-2009, 04:53 AM
والله يابشمهندس محمد

القضيه دي مهمه جدا وتاثيرها كبير جدا

والجشع والسيطره وحب التملك هما الي وصلونا لكده

العالم كله بيعترف ان مصر فيها خير كتيييييييييييير جدا

واحنا المصريين مش حسين باي خير بل بنعاني من كل حاجه

للاسف كل حاجه منهوبه ومسروقه

بحيك جدا يا بشمهندس علي الموضوع

جزاك الله كل خير

Mohamed Hashem
09-27-2009, 07:12 AM
شكرآ لحضرتك على الموضوع الرائع دا



وأكيد كل فرد مننا صغير او كبير بيحس بالأزمة دي في حياته


والغلط اللي بنفكر فيه دايمآ اننا بنتصور ان لما في حاجة بينزل سعرها بالتالي هينزل سعر الحاجات التانية المعتمدة عليها


مع ان دا المنطقي بس زي ما قال اسلام دي سياسة اكتر منها اقتصاد وحقوق


للأسف يكفي يابشمهندس اننا نبقى الحكاية ماشية ازاي



وندعو الله يهدي الحكومة عشان يتقو ربنا في الشعب



شكرا جزيلا يا ميمى على مرورك الكريم .. وللأسف كلامك كله صح الموضوع أصبح سياسة مش اقتصاد
بس انا مش بادعى ربنا يهدى الحكومه .. انا بادعى عليها
يلا ورزقى على الله

Mohamed Hashem
09-27-2009, 07:13 AM
والله يابشمهندس محمد



القضيه دي مهمه جدا وتاثيرها كبير جدا


والجشع والسيطره وحب التملك هما الي وصلونا لكده


العالم كله بيعترف ان مصر فيها خير كتيييييييييييير جدا


واحنا المصريين مش حسين باي خير بل بنعاني من كل حاجه


للاسف كل حاجه منهوبه ومسروقه


بحيك جدا يا بشمهندس علي الموضوع



جزاك الله كل خير



اه والله يا على .. الموضوع فى النازل وكل يوم أسوأ من اللى قبله
وفعلا مصر مليانه خير .. بيروح فين مش عارف ؟
يكونش فى شعب تانى واحنا منعرفش ؟
ميرسى على مرورك الجميل

اسامه البنا
09-27-2009, 09:50 AM
اولا بحب اشكر حضرتك علي الموضوع الجمي ده

وبعد كده احب اقول لحضرتك

ان السوق في الدنيا كلها عرض وطلب الا عندنا طمع

يعني لما حاجه تغلي كله يقول اشمعنا انا ويغلي

ولما ترخص يوقول اسعار عالميه

وكل غلو ليه عندنا تفسير

لكن ابدا ابدا مفيش رخص

لا حول ولا قوه الا بالله

لعل الله يرحمنا

Mohamed Hashem
09-28-2009, 06:28 AM
اولا بحب اشكر حضرتك علي الموضوع الجمي ده



وبعد كده احب اقول لحضرتك


ان السوق في الدنيا كلها عرض وطلب الا عندنا طمع


يعني لما حاجه تغلي كله يقول اشمعنا انا ويغلي


ولما ترخص يوقول اسعار عالميه


وكل غلو ليه عندنا تفسير


لكن ابدا ابدا مفيش رخص


لا حول ولا قوه الا بالله


لعل الله يرحمنا



أشاركك الأسف يا أسامه على الحال اليومين دول
مرورك نورنى

Wild_Angel
09-28-2009, 06:41 AM
ياريتك كتبت الموضوع ده من زمان ياباشمهندس
ده انا ايام الازمه العالميه دورت فى مقالات وكانت طويييييييييله
واضطريييت اقراها
والحمد لله ربنا منّ عليا انى اوصل للفكره

بس أنا عاايزه اقول حاجه للحكومه يااااارب صوتى يوصل هى يمكن حاجه بعيده عن موضوع الازمه شويه
الشعب عمال يربط الحزام يربط الحزام لحد ما الشعب حينفجر
يعنى ربنا انعم علينا بالنساء المصريات الموفرات الاقتصاديات
نروووح مقللين المرتب عشان نختبر مدى عملهم على التوفير !!!!!!!! مليون علامة تعجب

ساره مجدى
10-07-2009, 12:27 PM
الموضوع جميل جدا يا بشمهندس
بس انا بختلف مع اراء زمايلى ان الحكومه هى السبب فى كل مشاكلنا
السبب فينا احنا مش فى الحكومه الأزمه احنا الى سببها مش الحكومه
احنا الى بيعنا الحمار واحنا الى اشترناه
لو مفرتناش فى حقوقنا عمر حد ماحيقدر يخدها منا
معلش ديه وجهة نظرى واتمنى متزعلش حد منى

-

Mohamed Hashem
10-13-2009, 10:46 PM
ياريتك كتبت الموضوع ده من زمان ياباشمهندس

ده انا ايام الازمه العالميه دورت فى مقالات وكانت طويييييييييله
واضطريييت اقراها
والحمد لله ربنا منّ عليا انى اوصل للفكره


بس أنا عاايزه اقول حاجه للحكومه يااااارب صوتى يوصل هى يمكن حاجه بعيده عن موضوع الازمه شويه
الشعب عمال يربط الحزام يربط الحزام لحد ما الشعب حينفجر
يعنى ربنا انعم علينا بالنساء المصريات الموفرات الاقتصاديات

نروووح مقللين المرتب عشان نختبر مدى عملهم على التوفير !!!!!!!! مليون علامة تعجب



معلش يا إسراء
كله بأوانه ... كله بأوانه

Mohamed Hashem
10-13-2009, 10:50 PM
الموضوع جميل جدا يا بشمهندس


بس انا بختلف مع اراء زمايلى ان الحكومه هى السبب فى كل مشاكلنا
السبب فينا احنا مش فى الحكومه الأزمه احنا الى سببها مش الحكومه
احنا الى بيعنا الحمار واحنا الى اشترناه
لو مفرتناش فى حقوقنا عمر حد ماحيقدر يخدها منا
معلش ديه وجهة نظرى واتمنى متزعلش حد منى



-



شكرا سوس على مشاركتك
بس بصراحه .. احنا والحكومه
الموضوع اصله معقد قوى