المساعد الشخصي الرقمي

مشاهدة النسخة كاملة : فك شفرة اللوحات المعدنية الجديدة للسيارات في مصر



AYMAN GAMAL
09-26-2009, 04:27 PM
بسم الله الرحمن الرحيم
السلام عليكم و رحمة الله و بركاته





ايه يا ترى لغز اللوحات المعدنية الجديدة للسيارات في مصر؟




مين فكر انه يفك شفرتها ؟؟؟؟؟



احنا ممكن نحاول كده




لما نيجي نبص كده عاللوحة اللي قدامنا دي




http://lazeeez.com/articles/1240497651.jpg




اللوحات المعدنيه الجديده تشير الي حروف و ارقام


القاهره تاخذ 3 حروف و 3 ارقام
والجيزه تاخذ حرفين و 4 ارقام
وباقي المحافظات تاخذ 3 حروف و 4 ارقام



والارقام تبدا من الشمال
يشير الي المحافظه :


بمعني ان القاهره تاخذ حرف (أ)
والحرفان الاخران عباره عن متواليه عدديه للارقام
بمعني ان البدايه ستكون علي الارقام من 111 الي 999على الحرف ( أ ) وبعد استنفادها سيتم تكرار نفس الارقام علي الحرف ( ب ) ثم ( ج ) وهكذا ..،





واللوحات الجديده تستخدم الالوان لتحديد هويه السياره :



فاللون الازرق للملاكي
واللون الاحمر للنقل
واللون الاصفر للاجره
واللون الاخضر للهيئه السياسيه .




يا ترى عرفتم حل الفزورة دي؟

اسامه البنا
09-26-2009, 04:43 PM
الله ينور يا ايمن

موضوع جميل

بس علي فكره الغيب ان سعات الحروف ديه بتبقي في نطقها الفاظ سيئه

AYMAN GAMAL
09-26-2009, 04:46 PM
فعلا عندك حق تلاقي معانيها سيئ جدا لدرجة الشتيمة و الجميل كمان انها بتدي اسامي دول و حيوانات

شكرا يا اسامة على مشاركتك

Wild_Angel
09-28-2009, 06:05 AM
ده انا اتخنقت منها حاولت اترجمها معرفتش

ما علينا
والله تجربه جيده منك يا ايمن انك توصلنا ترجمة اللوحات دى
بس انا من زهقى منها بطلت ابص عليها ولا حتى اقراها
بقيت ادعى ياربر ترجع زى زمان

Mohamed Hashem
09-28-2009, 06:45 AM
الله ينور يا مون على الموضوع
والله أنا سألت ففهمت ان الغرض من هذا النظام ان اللوحات المعدنية تصبح مشفره بطريقة
لا يستطيع أحد انه يقلدها أو يزورها ودا علشان الجرائم وان النظام القديم كان سهل التزوير جدا (الطع اى 6 ارقام ) .. فضلا عن إخفاء هوية السيارة (من أى محافظة يعنى أو هل صاحبها من الشرطة او هيئة قضائية .. الخ)
على أساس ان فى مضايقات وخلافات ومخالفات كانت بتحصل اعتمادا على لوح السيارات واظن كلنا كنا عارفين ان الايام الأخيرة ظهرت موضه الارقام المميزة والخمس ارقام والاربع ارقام للعظماء وعلية القوم وكان دا بيتسبب فى مخالفات كثيرة (ثلاثة ارباعها وقوف فى الممنوع وسير عكس الاتجاه)
فالغريب ان فكره التشفير معروفة ..!!
وسألت برضه على احتمالية حدوث اختيار ثلاثة حروف تتفق مع اسماء بنات (مثل هبه او نور او هدى الخ) او حتى الفاظ بذئية (ويا مكترها عندنا فى اللغة العربية العامية للأسف) ولكن رد صديقى - ضابط الشرطة - ان دا سيتم تلافيه تماما (ودا معناه ان الاختيار ليس عشوائيا اعتمادا على الحاسب الآلى) وبصراحه لم اصادف حتى الآن "واحدة فلتت منهم"
ولما الواحد سافر بره وجد النظام دا معمول به فى دول كثيرة فى الشرق والغرب (مثل بريطانيا - هولندا - ماليزيا - سنغافورة )وسألنا برضه هناك سمعت نفس السبب .. التشفير لمنع التزوير .. الظريف ان حكماء الداخلية نقلوا الفكره وكان لازم يبتكروا شئ يوضح بصمتهم الفظيعه .... فوضعوا امام كل حرف افرنجى ما يقابله من الحروف العربية بمنتهى الذكاء الشنيع المريع
محدش قال لهم ان حروف اللاتينية 26 حرف وحروفنا 28 حرف ؟ او يمكن محدش قال لهم ان المخارج الصوتية مختلفة تماما ؟ او يمكن محدش قال لهم ان اللغة العربية اسمها لغة الضاد ؟ لانه لايوجد ما يقابله فى اللغات الأخرى؟ او يمكن محدش فيهم اخد الف باء فى تانيه حضانه وهو صغير ؟؟؟؟؟؟؟؟
ميرسى مرة تانية على التوبيك يا ايمن وآسف للاطاله

Wild_Angel
09-28-2009, 06:48 AM
انا بشكرك يا باشمهندس محمد على الاضافه دى
وكويس انى رجعت الموضوع تانى وقرأت رد حضرتك اللى فهمنى الموضوع ماشى أزاى

جزاك لله خيراً

طيور الظلام
09-28-2009, 09:03 AM
الله ينور يا بشمهندس انا فرحان انى عرفت الفزوره هههههههههههههههههههه

ابراهيم محمد
09-29-2009, 10:46 PM
الله يا ايمن على مجهودك

ساره مجدى
09-30-2009, 11:53 AM
شكرا يا ايمن على حل الفزوره الى كنت حاسه انها مستحيله الفهم خاصه بعد ماحاولت برامج كتير فى التلفزيون تحلها وكانت النتيجه كل مره سلبيه وجزاك الله كل خير عما اضحته


وشكرا لحضرتك يا بشمهندس على التوضيح والتفسير للغرض من اللوحات الجديده



-

AYMAN GAMAL
10-03-2009, 12:47 PM
اتمنى ان الفائدة تعم الجميع

جزاكم الله كل خير