المساعد الشخصي الرقمي

مشاهدة النسخة كاملة : اطحك من قلبك



امير
10-14-2008, 10:20 PM
اهلاوى اتجوز زملكاوية ستتها .............. مع الاعتذار لنادى الزمالك
واحد اسمة شلبى كان مسافر بلاد برة ، فراح محطة القطر وطبعا هناك النظام آخر تمام ... فراح داخل فى مكنة التذاكر ، يحط ا الفلوس وتنزل له التذكرة ، فراح حط الفلوس والتذكرة نزلت له ، والمكنة راحت قايله مرحبا بالاستاذ شلبى سوف تركب قطار رقم 26 وسيصل الساعة الواحدة ، هوة سمع كدة فعجبته الحكاية ، فضل يحط فى فلوس والمكنة تعيد يحط فى فلوس والمكنة تعيد ، لحد اخر مرة حط الفلوس ، راحت المكنة قالت له الاستاذ شلبى فضل يستهبل لحد ما القطر فاتة
مرة واحد انجليزى و واحد فرنساوى و واحد صينى راحو يجربو صدى الصوت الانجليزى قال هاللو فرد عليه صدى الصوت و قال هالوووو الفرنساوى قال بنجور رد عليه صدى الصوت و قال بنجوووور الصينى قال شونجا كونجا هونجاهى فرد عليه صدى الصوت و قال بتقول ايييييييه


اتنين متجوزين كل ما يخرجوا فى حته مراته تقول له عايزة اروح جنينة الحيوان عند جبالية القرود.... و كل يوم تروح عند الجبلاية و تفضل تأكل القرود .... لغاية يوم الولادة دخلت تولد و لما الممرضة خرجت سألها الاب اية ولد ولاّ بينت ؟؟ فقالت له الحقيقة يافندم ملحقناش نعرف ... اول ما المولود نزل نط من الشباك

مدرب كرة قاعد فى قهوة ..... طلب واحد قهوه وسط ... وأثنين هجوم

محشش اتصل بخطوط الطيران يحجز تذكرة ، قاله الموظف: ذهاب واياب ؟؟؟؟ قال له : لا خروج المغلوب

مرة مذيعة أتجوزت واحد شخصيته مهزوزة ... ركبتله أريال


مره حرامى سرق فرخه وراح يكله على شط النيل فشافه عسكرى وقل له مسكتك ياحرامى الفراخ ، والريش جنبك اهو ... فقال له الحرامى لا ياشويش دى نزلت تستحمى وقالت لى خلى باللك من هدومى
واحد عنده كلب راح عند بتاع البواجير قال لة الكلب ده بيهب فى وشى
الراديو:والاعب بيشوط بمشط رجله يااااااااااه بتيجى في المقص صبي الحلاق:إلحق يا معلم بيلعبوا في العدة

فشار بيقول لواحد .. انا من شهر أخدت الفلوكه وطلعت على قبرص أشتري تلاجه.... وانا راجع نسيت أشيل الهلب ... رحت جايب قبرص معايا

واحد قابل واحد قلة انا كنت قاعد فى البلكونة وقعت عليا حلمبوحة رد التانى وقلة يعنى اية بلكونة

الزوجه لزوجها : ياريتنى جريدة عشان اكون فى ايدك كل يوم الزوج: ياريتك نتيجة اغيرها كل سنة .....
مرة واحد ركب دماغة وساق فى العبط ..... دخل في الحيطة

واحد مسطول ماشى فى بيتهم خبط فى امه.. راحت قالت له:انت اعمى؟؟ مش شايفنى؟؟ بص لها بمنتهى الهدوء وقال:لأ ... انا شفتك طبعآ بس مش فاكر فين؟؟

دكتور بيطرى بيتقدم لخطبة فتاة ..... سألوه : انت دكتور معروف ؟؟؟ رد: طبعا ، ده مافيش حمار فى البد مايعرفنيش

صرصار خارج من السوبر ماركت فرحان عشان شاف صورته على علبة ريد

:D:p

الشبح
10-14-2008, 11:51 PM
هههههههههههه

رائع والله يا ميرووووووو

عاش من شافك يا عمنا

ننتظر جديدك يا امير

wisam
10-14-2008, 11:52 PM
ايه الحلاوه دى يا امير
هههههههههههههه

Rania Ismail
10-15-2008, 12:27 AM
اهلا ومرحبا بك فى القسم يا صديقى الصدوق
منور والله يا رشوان
ونكت جااااااااااامده مووووووووووت