المساعد الشخصي الرقمي

مشاهدة النسخة كاملة : نووووو كومينت(no comment(



raul
09-30-2009, 10:32 PM
عندى ليكو حكاية عجب
بس انتو خلو عنكو صبر واقروها
عيشو بقى







تتجوزيني ؟

ـ أفندم ؟

ـ بقولك تتجوزيني ؟

ـ؟؟؟

ـ تتجوزيني ؟

ـ لأ

ـ ليه ؟

ـ بصراحة كدة شكلك مش عاجبني

ـ إزاي يعني ؟

ـ يعني .. أصل أنا ليا مواصفات معينة لفارس أحلامي

ـ مواصفات معينة ؟ .. هو انتي هتتجوزي عربية ؟

ـ لأ ! .. بصراحة كده .. إنت مش فارس أحلامي اللي باتمناه


--------------------------

ـ تتجوزيني ؟

ـ إيه ده ؟ شكلك اتغير

ـ إيه رأيك ؟

ـ واو .. شعرك اصبح ناعم ! .. دي باروكة ؟

ـ أيوة

ـ ودي عدسات خضراء ؟

ـ أيوة

ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج

ـ مين عباس كيج ده ؟

ـ عباس ؟!! ياي .. إيه عباس دي ؟ اسمه نيكولاس

ـ مين نيكولاس ده ؟

ـ بقة مالكشي في السيما وجاي تكلمني ؟ .. ياي

--------------------------

ـ تتجوزيني ؟

ـ انت لسه ليك عين تكلمني ؟

ـ أيوة .. أنا عرفت مين بنكرياس كيج ده

ـ أولاً : اسمه نيكولاس كيج

ـ أيوة أيوة .. كنت هاقول اسمه صح .. بس اختصرته .. ده ممثل

ـ ممثل إيه ؟

ـ ممثل أمريكاوي

ـ أمريكاوي ؟! .. إخّييي ! .. اسمه أميريكان يا بابا .. ما تبقاش دونكي

ـ دونكي دي تبقى شتيمة ؟

ـ أوف كورس



--------------------------

ـ تتجوزيني ؟

ـ عندك عربية موديل كام ؟

ـ موديل دي تبقى شتيمة ؟



--------------------------

ـ تتجوزيني ؟

ـ قوللي الأول .. حاطط أنهي نغمة في الموبايل بتاعك ؟

ـ نغمة دي تبقى شتيمة ؟


--------------------------

ـ تتجوزيني ؟

ـ ما قلتليش .. إنت بتشتغل إيه ؟

ـ أنا -بلا فخر- عاطل

ـ عاطل ؟ .. ياي

ـ مش أحسن من اللي ما بيشتغلش ؟

ـ لا

ـ يعني مش هتتجوزيني ؟

ـ لا

ـ كدة أنا أزعل

ـ ما تزعلش يا بابا .. خليك فريش

ـ ماشي .. ماشي .. بس قوليلي

ـ إيه ؟

ـ فريش دي تبقى شتيمة ؟

--------------------------

ـ تتجوزيني ؟

ـ لقيت شغل ؟

ـ أيوة طبعًا .. سنتين وأنا بادور .. أخيرًا لقيت

ـ وإيه هو ؟

ـ سواق تاكسي

ـ ياي ! .. مش مكسوف وانت بتقولها ؟

ـ فيها إيه ؟ العمل شرف .. وكلها كام سنة وأجمع مبلغ كويس

ـ شرف ؟ جتك القرف

--------------------------


ـ تتجوزيني ؟

ـ جمعت مبلغ كويس ؟

ـ طبعًا .. مبلغ كبير جدًا

ـ قد إيه يعني ؟

ـ ألف جنيه

ـ نعم ؟!!! .. ألف جنيه دول تروح تسرح بيهم ببطاطا

ـ يعني موافقة ؟

ـ روح اتنيّل



--------------------------

ـ تتجوزيني ؟

ـ عندك شقة ؟

ـ طبعًا .. أودة على السطوح

ـ نعم ؟

ـ إيه المشكلة ؟! .. أحسن ما ننام في الشارع

ـ في الشارع ؟! .. إيه الألفاظ السوقية دي ؟
ياي ! .. لازم يا بابا تجيب شقة

ـ طيب .. كلها كام سنة وأجيبلك أحسن شقة في الدنيا

ـ وهتجيبها في جاردن سيتي ولا في الزمالك ؟

ـ لا .. في الأهلي .. هيهع هيهع هيهع


--------------------------

( بعد سنوات)
:

ـ تتجوزيني ؟

ـ جبت الشقة ؟

ـ أيوة .. الحكومة بتبني شقق للشباب وأنا خدت شقة .. صحيح إنها اتأخرت لسبع سنوات .. لكن المهم إنها جات

ـ فانتاستيك

ـ بس الشقة ناقصة حاجة

ـ إيه هي ؟

ـ مفيهاش حمام

ـ امشي من قدامي ! .. مش طايقاك


--------------------------

ـ تتجوزيني ؟

ـ إنت تاني ؟

ـ جبتلك حمّام إنما إيه

ـ خليه ينفعك

ـ ليه بس ؟ .. ده ينفع لينا احنا الاتنين

ـ وأنا مالي ؟

ـ مش عاجبك .. مش مشكلة .. أكتبه باسمك


--------------------------

(بعد سنين)
..

ـ هتتجوزيني ولا أولع فيكي ؟

ـ ومالك محروق كدة ؟

ـ حكايتنا طولت قوي .. طولت أكتر من اللازم

ـ أوكي .. بس ممكن أعرف حاجة ؟

ـ إيه ؟

ـ إنت ليه متمسك بيا أوي كدة ؟

ـ أصل .. أصل

ـ أصل إيه ؟

ـ أصل أنا بحُبك (بضم الحاء)

ـ بحُبك ؟!! .. إيه بحُبك دي ؟! .. إسمها بحِبك (بكسر الحاء)! .. بعدين خليك روش وقول: I love you

ـ ماشي .. بس قوليلي

ـ نعم ؟

ـ روش دي تبقى شتيمة ؟



--------------------------

ـ تتجوزيني ؟

ـ بصراحة .. في حاجة كنت عاوزة أقولهالك من زمااااااان

ـ إيه ؟

ـ أنا بصراحة .. مش شايفة إن في حد في العالم يستاهلني
ـ يا سلام ! .. ليه ؟

ـ عشان أنا جميلة .. خفيفة الدم .. رشيقة .. رقيقة

ـ رقيقة ؟! .. ده انت بدأتي تقشفي

ـ فشر

ـ فوقي لنفسك .. العمر بيجري

ـ أنا مصرة على رأيي

ـ يعني إيه ؟

ـ يعني اقطع معايا

ـ بعد كل السنين دي ؟! .. بعد كل الحب ده ؟

- بلاش تراجيديا من فضلك

ـ ماشي .. بس قبل ما أمشي عاوز أسألك سؤال واحد بس

ـ إيه هو ؟

ـ تراجيديا دي تبقى شتيمة ؟


--------------------------

( بعد سنوات )
..

ـ تتجوشيني ؟

ـ إيه ؟

ـ تتجوشييينييييييي ؟

ـ إنت مين ؟

ـ أنا حبيبك يا هبلة .. البشي النضارة عشان تشوفيني

ـ طيب شاعدني عشان ألاقي النضارة

ـ آهي على الترابيزة قدامك

ـ فين ؟

ـ لا دي نظارتي أنا

ـ أيوة لقيتها

ـ البشيها بقة

ـ ططييبب

ـ عينيكي فوق شوية .. ده بقك

ـ طيب لبشهالي إنت

ـ عقبال ما البشك الدبلة

ـ ما تكشفنيش .. كنت بتقول إيه بقى ؟

ـ كنت بقول تتجوشششيييينيييييي ؟

ـ أكوشك ؟ .. إزاي ؟

ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟

ـ دي شتيمة ؟

ـ لاااااء .. بقولك تتجوشيني ؟

ـ آه !! .. أجوشك

ـ بالضااااابط .. هاه ؟

ـ شيبني أفكر

ـ أشيبك تفكري ؟! .. ده انت هتموتي خلاش

ـ لا .. شيبني أفكر بش

ـ ربنا يوفقك

ـ إيه ؟

ـ ربنا يوفقك

ـ بتقول إيه ؟

ـ ربنا ياخدك



--------------------------

(على فراش الموت)
:


ـ تـ … كوح .. كوح .. تتـ .. كوح كاح كيح .. تتكو .. كوح .. كوح..
تتكوشـ .. كوح كوح .. يني ؟

ـ مش شامعة

ـ بـ .. قوللـ .. كوح .. كوح .. بقولك .. تـ .. تـ .. كوح .. كوح .. تتجوشيـ .. ؟ كوح .. كوح

ـ أجوّش مين ؟

ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ .. ش .. كوح كوح كيح .. ميـ .. كوح .. مين ؟

ـ إيه ؟

ـ لا .. كوح .. أبدًا .. كوح .. كنت … كح كح .. بأكح

ـ كنت بتكح سلامتك مقولتليش ليه

ـ هو .. كوح .. إنتي .. لشة .. عارفـ .. ـة .. كوح كوح

ـ بتقول إيه ؟

- يا .. ولية .. كوح كوح .. ردي .. كوح كوح .. عليا .. تـ .. تـ .. جو.. شيـ .. كوح كوح كوح كوح .. نـي ؟

ـ أجوّشك ؟!! .. طب بش خد الدوا الأول

ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح كوح كوح .. ـني ؟

ـ أيوة يا حاج .. موافقة

- موافقة إنك تتكوشني؟ أخيـ….كوح كوح ..[كوح .. كدة أموت .. كوح كوح .. وأنا .. كوح .. مطمئن ومرتاح .. الودااا .. كوح ..ع ع ع ع

ـ يا حاج .. يا حاج

لااااااااااااااااااااااااااااا

S2AH
10-01-2009, 11:13 PM
هههههههههههههههههه
ربنا يكرمها يارب لما الراجل جة يموت وافقت
تسلم ايدك يا راؤول جاااااااااااااااااامدة والله

روميو الحب
10-01-2009, 11:30 PM
ياه ايه ياعم دانا شعرى ابيض وانا بقرا ء الحكايه
يلا هما اتنين مكنوش يستهلو بعض بصراحه
هههههههه موضوع جميل


http://www5.0zz0.com/2009/08/02/16/682959228.jpg


لقد جئت كي أكتب كل ما اشعر به

بحثا عن أمل ينتشلني من الأحزان

ولكنني أكتشفت ان لا يبقى غير الأحزان ..

لكنني لابد أن أنتصر في يوم من الأيام على .. أحزان كانت موجودة زمان

زمان اللي كان ... لكنه مازال ... لكن سأحارب كي أقتل تلك الأحزان

كي لايبقى لها وجوداً أو مكان .

raul
10-02-2009, 12:25 AM
شكرا لمروك يا سارة
شكرا لمرورك يا روميو

olivia nader
10-02-2009, 12:38 AM
ههههههههههههههههههههه
انا جالي شلل لحد ما خلصتها
بس جايه علي نفسها اوي ليه كده
كانت تستني توافق بعد الاربعين
بس جامده اوي اوي

raul
10-03-2009, 10:31 PM
نورتى يا اوليفيا
شكرا ليكى
بس موضوع يجيب شلل فعلا

زهرة
10-04-2009, 05:25 PM
ههههههههههههه حاجه تخلى الواحد يشد فى شعره بس هيا غلطاااانه استعجلت قوىمش كان المفروض تستنى شويه يمكن تلاقى حد احسن منه فى الجنه ان شاء الله هههههه اما حكايه تهبله هههههه شكرا ليك رؤول بجد حلوة قوى

raul
10-04-2009, 05:58 PM
شكرا لمرورك الجميل يا زهرة

Ma7amed Adel
10-13-2009, 12:58 AM
ههههههههههههههههه ايه الجمال دى يا معلم والله احسن ان هو ما يفكرش فى الزواج

Night Moon
10-13-2009, 07:04 PM
ههههههههههههه وعلي كدة لسة هيبقي في خطوبة بقي ويجيبو دباديب زي الناس يعني ههههههههه

ثانكس راول علي التوبك

raul
10-13-2009, 11:52 PM
شكرا لمرورك يا عادل
نورتينى يا كبير

raul
10-13-2009, 11:52 PM
شرفتينى يا نايت موووووووون