المساعد الشخصي الرقمي

مشاهدة النسخة كاملة : بالله عليكو ليها لزمة فى ايه بس ؟؟؟؟؟؟



KAREEM
10-03-2009, 10:13 PM
بسم الله الرحمن الرحيم


أعضاء المنتدى الكرام


النهاردة نزلت المجمع طبعا الزحمة كانت رهيبة جدا

وانا راكب لقينا عربية اسعاف واقفة والناس ملمومة

راح واحد قايل اهو بصوا من أولها ( على أنفلوانزا الخنازير !! )

ياسيدى طب انت عرفت فى ايه أصلا ( ولا حد فاهم حاجة )

المهم دار نقاش مابين الناس فى المشروع كالمعتاد عن الشعب المصرى الجميل

والراجل الغريب دا بقى : ما كان العيال يقعدوا فى البيوت لزمته ايه التعليم بس ؟

خدنا ايه من العلام ؟؟ماهو اتعلمنا وشغالين ايه دلوقتى ؟؟؟؟؟؟؟

راحت واحدة راحة تودى ابنها المدرسة قالت : لا يا اخويا العيال يصيعوا فى الشوارع ويبوظوا مننا ومنعرفش نلمهم تانى

وصاحبكو
طبعا مسكتش لازم يحصل تدخل حاسم وصريح ينهى الأزمة
راح داخل فى النقاش طبعا وقلت له : ياسيدى طب لو احنا مرحناش مدارسنا وكلياتنا الشباب حيروح فين ؟

- إما حيقفوا ع الامم
- وإما حيقعدوا ع القهاوى ويتفرجوا ع المطشة
- يا إما يروحوا السنيمات

** يعنى من الاخر فى تجمعات يعنى فى تجمعات صح ولا ايه رأيك ؟؟؟؟

_ يبقى لما يبقى التجمع دا على علم مع الحرص طبعا على الصحة والنظافة اشخصية والعامة أحسن ما يبقى التجمع دا ع القهاوى وفى السيبرات والاستادات والسنيمات وغيرها مش كدا ولا ايه ؟؟؟؟؟؟


المهم وصلت المجمع لقيت ان فى بعض الطلبة لابسة كمامات

طبعا المفروض ان دا الصح وان انا متكلمش عليهم


http://www10.0zz0.com/2009/10/03/19/706387086.jpeg (http://www.0zz0.com)


بس احنا فاهمين فكرة الكمامات دى ايه ؟؟؟

دى عبارة عن اداة بس لتقليل فرص عبور الميكروب او الفيرس من الجو للانف
انما برضو الهوا بيخش منها وممكن جدا يخش منها الفيرس

فالعملية هى هى يعنى مفيش فرق أعتقد !!!!!!!!!

والواحد طول ما هو بيحافظ على نظافة ايده ومعاه مناديله ومبيقربش ايده لمناخيره ( عشان القافية تمشى بس ) :11vil: ان شاء الله ربنا يحمينا من الامراض دى

ومننساش ان الامراض دى منزلتش علينا الا من ذنوبنا والفساد اللى منتشر فى الارض

يعنى بمجرد رجوعنا بربنا ودعائنا ليه باذن الله كل دا حيروح وربنا يذهب عنا البلاء ,,,


فعايز أخد آراء حضرتكم فى الموضوع دا وهل كلنا مقتنعين بارتداء الكمامة ؟

واللى مقتنع يقنعنا واللى مش مقتنع برضو يقنعنا




http://www10.0zz0.com/2009/10/03/19/188860466.jpeg (http://www.0zz0.com)

** وجعت دماغكوا معلش بس فى استفتاء فى أول الموضع
مستنى تصويتكوا عليه عشان نعرف الدمغة ماشية ازاى فى بلدنا الحبيبة ( مصــر ) ؟؟؟


:cc_confused:::cc:confused_confused::confused::cc_ confused::confused:

Wild_Angel
10-03-2009, 10:32 PM
مممم
:g::g:
أحييك يا كريم على تفاعلك الايجابى

لا انا مش مع لبس الكمامه
اولا حتكسف البسها:)
ثانيا انا انزل من بيتى واتوكل على الله وأنوى انى نازله فى سبيل الله والعلم
وطبعا فى وسائل حمايه زى
المناديل المبلله بأحد السوائل الحاميه من الجراثيم المشهوره
وطول النهار لما الفرصه تسمح اروح
اغسل ايدى ووشى

ومش لازم انزل اول اسبوع لو معنديش محاضرات
واصلا
دلوقتى الناس نازله مش عشان المحاضرات انما عشان تشوف بعضها
فأول ما المحاضرات تبدأ الموضوع حيتظبط شويه
وكل واخد يخلى باله من نفسه

اللهم أبعد عننا المرض واحفظنا وارحمنا فأنت خير الراحمين

جزاك الله خيراً يا كريم

Yamyam
10-03-2009, 10:45 PM
لا يصيبنا الا ما كتب الله لنا

يغنى لو ربنا كاتب لحد انه يمرض حيمرض حتى

لو لبس صدادات فى وشه مش كمامه

و المهم ذى ما قولت النظافه الشخصيه و عدم الأ قتراب الزائد

و ربنا يستر انشاء الله

جزاك الله خير .........

KAREEM
10-03-2009, 10:59 PM
مممم
:g::g:
أحييك يا كريم على تفاعلك الايجابى

لا انا مش مع لبس الكمامه
اولا حتكسف البسها:)
ثانيا انا انزل من بيتى واتوكل على الله وأنوى انى نازله فى سبيل الله والعلم
وطبعا فى وسائل حمايه زى
المناديل المبلله بأحد السوائل الحاميه من الجراثيم المشهوره
وطول النهار لما الفرصه تسمح اروح
اغسل ايدى ووشى

ومش لازم انزل اول اسبوع لو معنديش محاضرات
واصلا
دلوقتى الناس نازله مش عشان المحاضرات انما عشان تشوف بعضها
فأول ما المحاضرات تبدأ الموضوع حيتظبط شويه
وكل واخد يخلى باله من نفسه

اللهم أبعد عننا المرض واحفظنا وارحمنا فأنت خير الراحمين

جزاك الله خيراً يا كريم




جزانا واياكى
بجد نصايح غالية جدا
وأضافت رونق خاص للموضع
شكرا لمتابعتك

KAREEM
10-03-2009, 11:00 PM
لا يصيبنا الا ما كتب الله لنا

يغنى لو ربنا كاتب لحد انه يمرض حيمرض حتى

لو لبس صدادات فى وشه مش كمامه

و المهم ذى ما قولت النظافه الشخصيه و عدم الأ قتراب الزائد

و ربنا يستر انشاء الله

جزاك الله خير .........


جزانا واياكى
حلوة أوى حكاية الصدادات دى
كويس اللى هى جات على كمامات وبس
بس بجد أسعدنى مرورك

AYMAN GAMAL
10-03-2009, 11:13 PM
فعلا الخوف بيخلي الناس تقول اي حاجة وسلام منغير قواعد او اسنادات

ده حكم خوف الناس بس من كل جديد

سنة ولا اتنين هتلاقي انفلونزا الخنازير ده مرض عادي جدا

شكرا ليك جدا

emu
10-03-2009, 11:21 PM
شكرا ليك يا كريم علي فتح النقاش في الموضوع المهم ده
مبدئيا انا مع لبس الكمامه وضدها في نفس الوقت
ازاااااااااااااااااااااااااااااااي..........!

http://www.shorouknews.com/uploadedImages/Sections/People_and_Life/Internet_and_technology/internet(1).jpg

دلوقتي ومع الظروف اللي بنمر بيها الايام دي... كل وسائل الاعلام وكل اللي مهتم بجانب الوقايه
بيقولوا يا جماعه اللي يعطس يستعمل مناديل علشان الرزاز ميسببش في مشكله بين الافراد ونقل الفيرس وكدا يعني..
وقالوا كمان اللي يجيلوا دور سخونيه او برد خفيف مينزلش من البيت..وقالوا اغسلوا ايديكم باستمرار وقالوا النظافه الشخصيه ونظافه المكان اللي موجودين فيه..وقالوا وقالوا
كل اللي اتقال ده عادي جدا انه يتعمل ده ابسط قواعد النظافه اللي لازم نتبعها في وجود او عدم وجود فايرس
ولا هو لازم نعرف ان في وباء علشان الشعب يستعمل مناديل ويهتم بوقايه نفسه...؟؟
ولو كل واحد فينا عمل كدا مش هنحتاج كمامات..


اسفه للاطاله يا كريم
وبحييك مره تانيه علي اختيارك لمضمون الموضوع

KAREEM
10-03-2009, 11:23 PM
فعلا الخوف بيخلي الناس تقول اي حاجة وسلام منغير قواعد او اسنادات

ده حكم خوف الناس بس من كل جديد

سنة ولا اتنين هتلاقي انفلونزا الخنازير ده مرض عادي جدا

شكرا ليك جدا



الشكر لله
ورأيك يحترم طبعا
وتكاد تكون مصح
وعلى حق
أحترم وجهة نظرك جدا
ياباشمهندس أيمن
والموضوع اتشرف بمرورك والله

KAREEM
10-03-2009, 11:27 PM
شكرا ليك يا كريم علي فتح النقاش في الموضوع المهم ده
مبدئيا انا مع لبس الكمامه وضدها في نفس الوقت
ازاااااااااااااااااااااااااااااااي..........!

http://www.shorouknews.com/uploadedImages/Sections/People_and_Life/Internet_and_technology/internet(1).jpg

دلوقتي ومع الظروف اللي بنمر بيها الايام دي... كل وسائل الاعلام وكل اللي مهتم بجانب الوقايه
بيقولوا يا جماعه اللي يعطس يستعمل مناديل علشان الرزاز ميسببش في مشكله بين الافراد ونقل الفيرس وكدا يعني..
وقالوا كمان اللي يجيلوا دور سخونيه او برد خفيف مينزلش من البيت..وقالوا اغسلوا ايديكم باستمرار وقالوا النظافه الشخصيه ونظافه المكان اللي موجودين فيه..وقالوا وقالوا
كل اللي اتقال ده عادي جدا انه يتعمل ده ابسط قواعد النظافه اللي لازم نتبعها في وجود او عدم وجود فايرس
ولا هو لازم نعرف ان في وباء علشان الشعب يستعمل مناديل ويهتم بوقايه نفسه...؟؟
ولو كل واحد فينا عمل كدا مش هنحتاج كمامات..


اسفه للاطاله يا كريم
وبحييك مره تانيه علي اختيارك لمضمون الموضوع


حياكى الله اختى الكريمة
نورتى الموضوع
ومفيش اطالة ولا حاجة
وانا مع رأيك تماما
طبعا استعمال المناديل ضرورى جدا
فى العادى أصلا
ويستحسن لو كانت مبللة بمادة مطهرة للجرائيم
وكل احتياطات الامن دى لازم كلنا نعمل بيها طبعا
انا كل اعتراضى على ان الناس ماشية ومنظر الكمامة على وشها كدا
حنبقى عاملين زى الكائنات الفضائية
أظن مفيش اختلاف كدا فى وجهات النظر
ولو فى فالاختلاف فى الرأى ..........
بكرر شكرى ليكى على المشاركة المتميزة
جزاكى الله خير

Mahmoud Slem
10-03-2009, 11:30 PM
اللا يا جماعة انا صوت انه لازم الكل يلبسها

قل لن يصيبنا الا ما كتبه الله لنا

ولكن برده ربنا امرنا اننا ناخد بالاسباب
يعنى مرميش نفسى فى التهلكة واقول ربنا لو كاتبلى اتعدى هتعدى
لا ولبدنك عليك حق

حاجة كمان الرسول عليه الصلاه والسلام قال فى حديث فيما معناه

انه اذا ظهر الوباء فى قريه فى تدخلوها ولا يخرج اهلها

مقالش قل لن يصيبنا الا ما كتب الله لنا

انا مش بعترض على القدر
ولكن هناك اسباب لنزول القدر
وانا مش عايز اخوض فى موضوع القدر باذن الله هنزل موضوع عن القدر
وامتى بينزل القدر
واحنا عارفين ان الدعاء من احد اسباب عدم نزول القدر يعنى لو ربنا ابلا اى شخص بمصيبه فالدعاء من الممكن ان يحجبها

المهم
لبس الكمامة هام لانه بيقلل من فرص انتشار المرض زى ما انت قلت يا كريم
اما مش بيمنعة
يعنى بدل ما يصاب
10 يصاب واحد
او ميحصلش اصابة
هنفترض ان شخص مريض ومبعرفش ومعهوش منديل
بس لابس كمامة
وعطس
مش دى برده هتحمي اللى حواليه من انتشار الرزار
ولا ايه
هو مش بيجى من التنفس
بس
ولكن كمان بالرزاز
انا مش عايز اطول
لكن انا حبيت بس اقول اننا نقبل بقضاء الله وقدره ولكن منكونش مهملين فى نفسنا

شكرا ليك يا كريم جدا
واسف للاطاله

Mahmoud Slem
10-03-2009, 11:32 PM
ليه منقولش ان شركات المناديل هى اللى عملت الفيروس ده
علشان تزود مبيعاتها من المناديل:1:
ههههههههههههههههه

KAREEM
10-03-2009, 11:37 PM
اه صح زى ما شركات استيراد الفراخ المجمدة
عملت فيرس أنفلونزا الخنازير كدا ههههههه

أسعدنى مرورك ومستنى صوتك عشان نحسم
الموضوع دا النهاردة
ومن النهاردة مفيش كمامات
أنا الحكومة أنا الحكومة

Mahmoud Slem
10-03-2009, 11:42 PM
لا يا كريم
ردى فى الصفحة الاولى
ارجع شوفه وانا صوت خلاص

KAREEM
10-03-2009, 11:49 PM
اللا يا جماعة انا صوت انه لازم الكل يلبسها

قل لن يصيبنا الا ما كتبه الله لنا

ولكن برده ربنا امرنا اننا ناخد بالاسباب
يعنى مرميش نفسى فى التهلكة واقول ربنا لو كاتبلى اتعدى هتعدى
لا ولبدنك عليك حق

حاجة كمان الرسول عليه الصلاه والسلام قال فى حديث فيما معناه

انه اذا ظهر الوباء فى قريه فى تدخلوها ولا يخرج اهلها

مقالش قل لن يصيبنا الا ما كتب الله لنا

انا مش بعترض على القدر
ولكن هناك اسباب لنزول القدر
وانا مش عايز اخوض فى موضوع القدر باذن الله هنزل موضوع عن القدر
وامتى بينزل القدر
واحنا عارفين ان الدعاء من احد اسباب عدم نزول القدر يعنى لو ربنا ابلا اى شخص بمصيبه فالدعاء من الممكن ان يحجبها

المهم
لبس الكمامة هام لانه بيقلل من فرص انتشار المرض زى ما انت قلت يا كريم
اما مش بيمنعة
يعنى بدل ما يصاب
10 يصاب واحد
او ميحصلش اصابة
هنفترض ان شخص مريض ومبعرفش ومعهوش منديل
بس لابس كمامة
وعطس
مش دى برده هتحمي اللى حواليه من انتشار الرزار
ولا ايه
هو مش بيجى من التنفس
بس
ولكن كمان بالرزاز
انا مش عايز اطول
لكن انا حبيت بس اقول اننا نقبل بقضاء الله وقدره ولكن منكونش مهملين فى نفسنا

شكرا ليك يا كريم جدا
واسف للاطاله


كلام جميل جدا ومقنع جدا
وانا قصدى ان منظرها يضايق
وهى نفسها بتضايق اللى لابسها
وان ممكن يغنى عنها مناديل معطرة
طب سؤال بينى وبينك كدا :
حضرتك بتلبس كمـــــــامــــــــــــة؟؟:euro:

Mahmoud Slem
10-04-2009, 12:05 AM
ههههههههههههههههههههه
لا
بس اذا كنت نازل فى مكان زحمة اوى
وعارف ان التهويه فيه وحشه
اكيد هلبسها وهيبقى معايا مناديل كمان ليه بقى
لانى مش هفضل طول النهار حاطط ايدى على بقى ومنخيرى بالمنديل
علشان التلوث
فى الحاله دى الكمامة افضل
علشان استعمل ايدى الاتنين ولا ايه

KAREEM
10-04-2009, 12:09 AM
ولا ايه بى سى دى ..........
طبعا صح اباشمهندس
وبأكد تانى على كل الاعضاء
اللى حتخشتصوت فى الاستفتاء
إن أنا عايز حد يقنعنى وأظن ان
الباشمهندس محمود كلامه كان مقنع جدا
مش ليا بس لكل اللى قراه
بس أنا ما زلت عند موقفى :1:

ALY ELSAYED
10-04-2009, 12:32 AM
الله ينور يا كيمو

موضوع وجميل وجه في وقته

وان النهارده شفت العيال الصغيره لبسين كمامات

وريحين المدرسه وعملين يلعبه بيها ويشدوها

والحياه عادي جدا

وانا شايف انك تحرص بس الكمامه مش هيا الوقايه وملهاش لازمه

طالما بيتلعب بيها وبتتلوث اكتر من الجو

جزاك الله كل خير

lolaa fahmy
10-04-2009, 12:42 AM
(قل لن يصيبنا الا ما كتب الله لنا هو مولانا وعلي الله فل يتوكل المؤمنون)


(أَيْنَمَا تَكُونُواْ يُدْرِككُّمُ الْمَوْتُ وَلَوْ كُنتُمْ فِي بُرُوجٍ مُّشَيَّدَةٍ )


صدق الله العظيم
والله مبادره جميله منك في هذا الموضوع احب الاول اشكرك عليها
طبعا اللي ربنا كاتبله حاجه من مرض او ابتلاء معين اكيد مفيش حاجه هتحميه منها
انا هتكلم عن موقف شخصي ليا انهارده كنت راجعه من المجمع في الباص المكيف وطبعا زحمه جدا وناس بتعطس وبتكح والباب مقفول
فانا حطيت الكمامه وطبعا البني ادمين الظراف جدا متواجدين بشده في بلدنا
تريقه وتلقيح كلام مش فاهمه ايه ده
كنت قاعده كاني جايه من كوكب تاني هههههههه
مع كل التحذيرات اللي بنسمعها ومفيش فايده في ثقافة الناس في بلدنا
معلش اسفه علي الاطاله
رايي طبعا ان الكمامه مهمه في الاماكن المقفوله والزحمه
الوقايه خيرا من العلاج؟؟؟
وطول ما الاشاره صفرا لازم نخلي بالنا ههههههههههه
شكرا ليك

KAREEM
10-04-2009, 12:43 AM
الله ينور يا كيمو

موضوع وجميل وجه في وقته

وان النهارده شفت العيال الصغيره لبسين كمامات

وريحين المدرسه وعملين يلعبه بيها ويشدوها

والحياه عادي جدا

وانا شايف انك تحرص بس الكمامه مش هيا الوقايه وملهاش لازمه

طالما بيتلعب بيها وبتتلوث اكتر من الجو

جزاك الله كل خير


جزاك الله كل خير

على المتابعة والتشجيع

بجد تشرفت بمرورك

KAREEM
10-04-2009, 12:50 AM
(قل لن يصيبنا الا ما كتب الله لنا هو مولانا وعلي الله فل يتوكل المؤمنون)


(أَيْنَمَا تَكُونُواْ يُدْرِككُّمُ الْمَوْتُ وَلَوْ كُنتُمْ فِي بُرُوجٍ مُّشَيَّدَةٍ )


صدق الله العظيم
والله مبادره جميله منك في هذا الموضوع احب الاول اشكرك عليها
طبعا اللي ربنا كاتبله حاجه من مرض او ابتلاء معين اكيد مفيش حاجه هتحميه منها
انا هتكلم عن موقف شخصي ليا انهارده كنت راجعه من المجمع في الباص المكيف وطبعا زحمه جدا وناس بتعطس وبتكح والباب مقفول
فانا حطيت الكمامه وطبعا البني ادمين الظراف جدا متواجدين بشده في بلدنا
تريقه وتلقيح كلام مش فاهمه ايه ده
كنت قاعده كاني جايه من كوكب تاني هههههههه
مع كل التحذيرات اللي بنسمعها ومفيش فايده في ثقافة الناس في بلدنا
معلش اسفه علي الاطاله
رايي طبعا ان الكمامه مهمه في الاماكن المقفوله والزحمه
الوقايه خيرا من العلاج؟؟؟
وطول ما الاشاره صفرا لازم نخلي بالنا ههههههههههه
شكرا ليك


الشكر لله طبعا
أولا بشكرك على مشاركتك الفعالة دى
ثانيا طبعا الموقف اللى انتى كنتى فيه دا
كان لازم تحطى الكمامة ودا الصح
وهو دا بقى وقت الكمامة بجد
واللى ميعملش كدا طبعا غلط فى اتوبيس مكيف ومقفول
وكمان مليان ناس بتعطس ياخراشى يا اختى !!!!!!:bones:
دا انتى اللى تضحكى علهم مش هما اللى يضحكوا
ربنا يهدى وطبعا انا مش مع السخرية من اللى لابس كمامة
ولا حتى نبص له بصة كانه بيعمل حاجة غريبة
لانه بياخد بالأحوط والأمان
والوقاية خير من العلاج
ومين عالم يكون هو عنده برد وبيحمى اللى حواليه
بدل ميحط المنديل كل شوية
وهو مش ضامن حيعطس امتى
فى الحاالات اللى زى دى بقى مطلوب فيها فعلا كمامة

بكرر شكرى ليكى وسعدت بمرورك كثيرا

raul
10-04-2009, 01:04 AM
والله يا كريم موضوعك فوق الهايل
وفعلا كلنا لازم نشارك بارانا
ومن وجهة نظرى ان موضوع الكمامات ده مش لازم اوى يعنى
وعندك حق فى انك قلت ان ده بعد عن ربنا
وفى الاول وفى الاخر : (قل ما يصيبنا الا ما كتبه الله لنا)

KAREEM
10-04-2009, 01:10 AM
والله يا كريم موضوعك فوق الهايل
وفعلا كلنا لازم نشارك بارانا
ومن وجهة نظرى ان موضوع الكمامات ده مش لازم اوى يعنى
وعندك حق فى انك قلت ان ده بعد عن ربنا
وفى الاول وفى الاخر : (قل ما يصيبنا الا ما كتبه الله لنا)


فغلا عندك حق ( قل لن يصيبنا الا ما كتب الله لنا )
ومرورك بجد أسعدنى كتييييييييير
وأنا بتفائل بيك فى موضوعاتى بصراحة
وكنت مستنى مشاركتك بفارغ الصبر
وان شاء الله بكرة محضر لك حبة أسئلة
( فى ضيافة فـــــلان )
فـــــــــــــــــــــــــلة عليك ان شاء الله

مى رسمى
10-04-2009, 01:21 AM
اولا يا كريم انا بحيك على موضوعك الواقعى من الشارع المصرع

وبحيك كمان على التفاعل الايجابى

واهم حاجه بشكرك عاليها الاستفتاء

انا مع ضرورة استخدام الكمامه فى الاماكن الزحمه جدا

ودى لان الوقايه خيرا من العلاج

ولو مكانش ليها لزمه مكنش اكدو عليها فى الاماكن الزحمه

جزاك الله كل خير

KAREEM
10-04-2009, 01:28 AM
جزانا واياكى
وفعلا عندك حق الكمامة مطلوبة فى الاماكن المزدحمة
وانا مش معارض لكدا
بس مش نلبسها واحنا ماشين ع الكوريش مثلا عشان
فى دماغنا انها بتنقى الهوا
ماكدا كدا الهوا بيخش من الكمامة
وبكرر وجهة نظرك صح جدا
وشكرا لمشاركتك فى الموضوع والاستفتاء

KAREEM
10-04-2009, 04:00 PM
ها يا جماعة
ياشباب المنتدى
الاستفتاء كدا 50 50 تقريبا
عايزين نحسم الموضوع
ونسمع أرائكم المهمة
وتعليقاتكم هى روح الموضوع ,,,,

olivia nader
10-04-2009, 04:32 PM
موضوع جميل جدا يا كريم
و بصراحه بعد اللي شفته في المجمع امبارح
لازم نلبس الكمامه
لان المكان زحمه جدا جدا
و انا شايفه ان الكمامه تتلبس بس في الاماكن المزدحمه جدا
يعني مادام فيه مكان فيه تهويه
و مفيهوش ناس كتير
معتقدش ان في مانع اننا منلبسهاش
لكن المستفز بقي
ان انا شفت كزا شخص بيتريق
لو حد معدي وسط زحمه جامده حاطط منديل بس
و بيشيله مجرد ما يعدي من الزحمه
اكننا مش عايشين في مجتمع و عارفين ان في وباء موجود
ده اهم حاجه النفس
و بعد كده النظافه
لما همه مش مهتمين باقل حاجه
هل حيقي فيه اهتمام بالنظافه
و غسل الايدين
للاسف محتاجين نتطور شويه

اسفه اني طولت اوي
بس انا امبارح استفزني المنظر بس

KAREEM
10-04-2009, 06:56 PM
لالالالالالالالالالالا
متزعليش نفسك خالص
وعندك حق طبعا فى اللى بتقوليه
احنا بقينا دلوقتى فى زمن
باطل فيه واخد شكل الحق
والحق هو اللى بقى باطل
يعنى البنىءادم اللى مش لابس الكمامة
فى الزحمة ميضحكش على اللى لابسها
لان هو دا الصح والمفروض اللى لابس كمامة
هو اللى يستغرب من اللى مش لابس

** وزى ما قلتى استعمال المناديل ممكن يغنى عن الكمامة
وخاصة لو كانت معطرة وغسل الايدين باستمرار

بجد نورتى التوبيك
وشكرا لمشاركتك