المساعد الشخصي الرقمي

مشاهدة النسخة كاملة : بورتوا نظم معلومات جغرافيا



Horiaa Swedan
10-03-2009, 11:45 PM
بسم الله الرحمن الرحيم

والصلاه والسلام على اشرف الخلق اجمعين


بورتوا نظم معلومات جغرافيا

http://up1.arb-up.com/files/arb-up-2009-9/iEw06287.gif (http://tubezik.com/)
الاول كل سنه وانتم طيبين وسنه سعيد وعام دراسى جديد بالتوفيق للجميع

احب اهنى اصحابى اللى دخلوا مساحه واللى دخلوا نظم معلومات وهرد لك للى دبلرو

بالنسبه للموضوع فاوعوا تستغربوا الاسم ولا تستغربوا مانا كمان مستغرباه

المهم ليه بورتوا لان لفت بينا الدنيا ودارت تعبانا او متعبناش عشنا على حلم او معشناش ودعنا المساحه وشفنا دموع ناس بنحبهم بس فى الاخر رسينا فى بورتوا نظم معلومات جغرافيا " شعبه عامه"


اسمحولى من انهارده مفيش شعبه عامه احنا دفعه جامده ودرستنا مسمهاش عامه ودى اول حاجه مش حنرضى بيها ان حد يتفهه منا او يعملنا على اننا درجه تانيه تحت المساحه احنا دفعه وليها وجودها جانب الى جانب مع المساحه.


واول خطوات مطلوبه مننا زى الشطار كده

1- نرضى بالامر الواقع ونقول الحمد لله غيرنا شال السنه واكيد الخير فى اللى ربنا ادهولنا.

2- يا بنانيت الدفعه صدقونى الشعبه دى شغلها احسن لينا كبنات احنا كائنات رقيقه مش بتوع بهدله وتراب وقرف.

3- بالنسبه للشباب اوعوا تزعلوا خلصوا وخدوا دوره مساحه وحتشتغلوا ان شاء الله.

4-عشان شعبتنا تبقى شعبه تحترم لازم احنا نحترمها الاول ونقدر انها حاجه كويسه ونحضر ونذاكر ونثبت نفسنا الشعبه باللى فيها مش بالاسم.


5- اخر حاجه لازم نكون ايد واحده ومتجمعين على الخير ديما اصحاب واخوات وندخل نعرف نفسنا فى بورتوا نظم معلومات.


احب ابدأ بنفسى اختكم حوريه الصافى

طالبه بالفرقه الثالثه شعبه نظم معلومات جغرافيه .

والله الموفق للجميع

ملحوظه " اوعوا تزعلوا من قدر ربنا واللى يزعل يخبط راسه فى الحيط عشان زعله ملهوش فيده مش حيرجع السنه فخلاص بقى يلا فتكم بعفيه"

Mahmoud Slem
10-03-2009, 11:48 PM
الصراحة موضوع جميل اوى
ولازم الكل يفكر التفكير ده
علشان نعلى من اسم طلبنا
مساحة ولا نظم
الاتنين واحد
المهم الاجتهاد
بالتوفيق للجميع

Horiaa Swedan
10-04-2009, 12:34 AM
الصراحة موضوع جميل اوى
ولازم الكل يفكر التفكير ده
علشان نعلى من اسم طلبنا
مساحة ولا نظم
الاتنين واحد
المهم الاجتهاد
بالتوفيق للجميع




ميرسى يا محمود على ردك الجميل ده ومنور وفعلا عندك حق فى كلامك طول مكلنا بصين على المساحه كانها المكان المقدس عمرنا محندى فى اى حاجه تانيه

AHMED FTIHA
10-04-2009, 01:25 AM
بجد بحييكى ياحوريه ع الموضوع الخطير جدا دة وعلى فكرة شعبه نظم المعلومات لاتقل عن المساحة فى الاهميه بشيء ولكن المساحه بيدخلها عدد محدود عشان القدرات الرياضيه وكدة يعنى بعد كدة عاد جدا مفيش اى فرق دة تخصص مطلوب ودة تخصص مطلوب
ولا زم ياجماعه تفتخروا انكم شعبه جى آى اس بجد كفايه الاسم ولما تتعملوا مع السوق حتعرفوا انتم مهمين اد ايه والايام الجايه هى الجى آى اس فرصتكم ياشباب ويابنات

Horiaa Swedan
10-04-2009, 01:29 AM
بجد بحييكى ياحوريه ع الموضوع الخطير جدا دة وعلى فكرة شعبه نظم المعلومات لاتقل عن المساحة فى الاهميه بشيء ولكن المساحه بيدخلها عدد محدود عشان القدرات الرياضيه وكدة يعنى بعد كدة عاد جدا مفيش اى فرق دة تخصص مطلوب ودة تخصص مطلوب
ولا زم ياجماعه تفتخروا انكم شعبه جى آى اس بجد كفايه الاسم ولما تتعملوا مع السوق حتعرفوا انتم مهمين اد ايه والايام الجايه هى الجى آى اس فرصتكم ياشباب ويابنات


ميرسى يا احمد على ردك الجميل ده ومرورك الطيب اللى ديما بينورنى وبينور موضيعى وارائك البنائه

فعلا احنا مش قليلين احنا اللى بنقلل من نفسنا ليس الا

مى رسمى
10-04-2009, 02:06 AM
الموضوع حلو جدا ياحوريه

انا بس حابه اركز على حاجه مهمه فى موضوعك

ان شغل البنات افضل فى نظم المعلومات لانه يتناسب معها دى على جانب ان شغل المساحه مرهق جدا للشباب

مابالك البنات والشركات من الاخر مبتشغلش بنات

ولو كل واحد ركز فى اللى ربنا كتبهوله هيتميز فيه بس هو يسعى

Mohamed Gaber
10-04-2009, 02:08 AM
كدة كدة مش فارقة مع ناس كتير والله و ان شاء الله تكون سنة سعيدة عالكل

اسامه البنا
10-04-2009, 07:16 AM
-عشان شعبتنا تبقى شعبه تحترم لازم احنا نحترمها الاول ونقدر انها حاجه كويسه ونحضر ونذاكر ونثبت نفسنا الشعبه باللى فيها مش بالاسم.

اله ينور عليكي يا حوريه
بس عاوز اقولك حاجه

خدي دوره جي اي اس كمان

واكسبي وقت وتخصص علشان اول ما تخليصي تلاقي فرصتك

وكمان هتسعدك في دراستك خالص

وعين العقل الي انتي قولتيه

الله يجازيكي خير

حورالعين
10-04-2009, 04:44 PM
الله ينور عليكي يا حورية...كلمات رااااائعة

عين العقل يا بنتي...

Horiaa Swedan
10-04-2009, 05:40 PM
الموضوع حلو جدا ياحوريه

انا بس حابه اركز على حاجه مهمه فى موضوعك

ان شغل البنات افضل فى نظم المعلومات لانه يتناسب معها دى على جانب ان شغل المساحه مرهق جدا للشباب

مابالك البنات والشركات من الاخر مبتشغلش بنات

ولو كل واحد ركز فى اللى ربنا كتبهوله هيتميز فيه بس هو يسعى


ميرسى يا مى على ردك الجميل ده

فعلا وده اللى انا شيفاه احنا بنات ايه اللى يبهدلنا فى الردم والبهدله والتراب

وعندك حق اسعى يا عبد وانا اسعى معاك

Horiaa Swedan
10-04-2009, 06:13 PM
كدة كدة مش فارقة مع ناس كتير والله و ان شاء الله تكون سنة سعيدة عالكل


لا مش فارقه يبقى ملهوش لازمه الكلام ده لازم تبقى فارقه لان ده مستقبلك يبنى

samomran
10-04-2009, 10:17 PM
بسم الله الرحمن الرحيم

اولا احب ابدى اعجابى الشديد للموضوع و اقولك انك مش لوحدك اللى بتتعبى كده


انا تعبت اوى مع دفعتى عشان افهمها يعنى ايه جى اى اس

ثانيا دى نصيحه من اخ اكبر و بدون تحيز و الله و الله

انا لو خيرونى بين مساحه و نظم اختار نظم من غير ما حد يزعل و الله و الله بدون اى تحيز

انا اولا فى رابعه نظم

و اسمى اسلام عمران و الدفعه عندى كلها عارفانى فى تالته طلعت و اتكلمت فى المدرج عن كورسات الجى اى اس

و قولت الاماكن و قولت الاسعار

و عطيت افاده بكل شى

كانت النتيجه انهم ضحكوا على

و السنه دى لما شافونى قالوا لى يارتنا سمعنا كلامك

انا فى الصيف ده اشتغلت فى مكتبه الاسكندريه مركز دراسات البحر المتوسط فى وحده نظم المعلومات

و الله و الله و الله كانوا بيقبضوا بالدولار و المرتب يتحول على حسابهم فى البنوك

طبعا انا كنت بالجنيه الوطنى لانى كنت بتدرب


عشان كده نصيحه اخويه من اخ اكبر

ارضوا باللى انتوا فيه تلاقوا السكه اتفحت قدامكم

ابدا بدورات الجى اى اس لانها خمس مستويات يعنى يا دوب تخلصوا و انتوا فى رابعه



و انا تحت امر اى حد من شعبتى <حته تحيز بقى>

و لو حد عايز اى حاجه انا تحت امركم

اخوكم

اسلام عمران

KAREEM
10-04-2009, 10:50 PM
الله الله الله عليكى ياحووووووووووية بجد
انتى كدا جيبتى زبد الكلام ومن الاخر
وعندك حق فى كل اللى قلتيه
وانا أهو والله راضى جدا ومزعلتش خالص وأملى فى ربنا كبير
لان الله لا يضيع أجر من أحسن عملا
ومحدش عارف الخير جاى له منين
والله انا مكنتش بدعى يارب أخش مساحة
أنا كنت بدعى يارب اختارلى انت الخير حيث كان
وربنا بيدبر لنا أحسن مننا وعسى أن تكرهوا شيئا وهو خيرا لكم
والله لو تعرفوا انا دخلت أداب اصلا ازاى ؟؟؟؟؟؟
انا كتبت فى التنسيق تجارة اسكندرية وكنت جايب 87 %
السنتين مع بعض وتانى رغبة لى طول اداب ومكتبتش ولا انتساب ولا باقى المحافظات
واصحابى اقل منى دخولا انتظام محافظات تانية وحولوا حسب التوزيع الجغرافى سنتها
بس انا محولتش مع انى كان ليا انتساب وانتظام لو كنت كتبت صح
واستخرت ربنا وتوكلت على الله ودخلت الجغرافيا
والحمد لله حبيتها ولقيت نفسى فيها جدا
بغض النظر عن انى دلت مساحة او لأ
لانى باذن الله لو محصلش نصيب حاخد دورات
واخد دبلومة تانى سنتين بعض مخلص عامة ان شاء الله
مع انى والله مدخلتش بسبب مادة السكان ( أ ) مدخلتهاش
وقدمت فيها عذر اجتماعى وقبلتهالكلية لكن للاسف الشديد
لسه متصححتش والقسم مخدش أى حد معاه مادة حتى لو كان عنده عذر
لان شئون الطلبة مربطتش معاهم معالعلم ان تقديرى بالمادة دى كان حيبقى جيد
وجايب 4 جيد فى مواد المساحة و3 مقبول
ومين عالم الظروف اللى حصلت لى فى الامتحان يكون تقدير من ربنا وخير ليا ان شاء الله
يمكن يكون ربنا مش شايف لى او مش شايف لاى حد فينا الخير فى المساحة
واختار لنا الاحسن لان ربنا عمره مبيضيع مجهود حد فعلا


** بجد عايز كل الناس يبقى عندها الروح اللى عند حورية دى
عشان نخلى شعبتنا بجد تبقى أحسن ومش حتبقى أحسن اللى بينا
وعلى فكرة كلام الدكاترة معظمة دلوفتى بيدور
حوالين ان شعبة نظم المعلومات حيبقى ليها مستقبل بعض
التغيرات اللى حتحصل فى القسم والتخصص حيبقى من سنة 2
وكلام كبير كبير كبييييييييييير مش حنخوض فيه دلوقتى



وزى ما قالت حورية :
ملحوظه " اوعوا تزعلوا من قدر ربنا واللى يزعل يخبط راسه فى الحيط عشان زعله ملهوش فيده مش حيرجع السنه فخلاص بقى يلا فتكم بعفيه"


وأحب اضيف (( عسى أن تكرهوا شيئا وهو خير لكم وعسى أن تحبوا شيئا وهو شرا لكم )) صدق الله العظيم
ومحدش عارف الخير فين بس انت اتكل على الله واجتهد واجتهدى وربنا مش حيضيعك أبدا


بكرر شكرى وتقديرى ليكى يا حورية
على الموضوع الممتاز دا
ومنتظرين منك المزيد

أنا عارف انى طولت بس الموضوع دا لازم يتحسم بالنسبة لنا كلنا كطلاب نظم معلومات
عشانت ربنا يكرمنا فى مجالنا الجديد ونجتهد وهو حيدينا على أد مجهودنا باذن الله

أخوكم / كريم أحمد
الفرقة الثالثة / شعبة نظم المعلومات الجغرافية ( بكل فخر )

Horiaa Swedan
10-05-2009, 03:24 AM
-عشان شعبتنا تبقى شعبه تحترم لازم احنا نحترمها الاول ونقدر انها حاجه كويسه ونحضر ونذاكر ونثبت نفسنا الشعبه باللى فيها مش بالاسم.

اله ينور عليكي يا حوريه
بس عاوز اقولك حاجه

خدي دوره جي اي اس كمان

واكسبي وقت وتخصص علشان اول ما تخليصي تلاقي فرصتك

وكمان هتسعدك في دراستك خالص

وعين العقل الي انتي قولتيه

الله يجازيكي خير





ميرسى يا سمسم على ردك الجميل ده ربنا يكرمك ويجزيك خير فعلا ونعما الاخ الكبير بس الحقيقه انا مقدرش ادرس واخد كرسات سوى صحتى لا تسمح هههههههههههههه انا صحبت مرض يولدى

بس باذن الله فى الاجازه الصف ده اخدهم وميرسى على النصيحه جدا

هدى على
10-06-2009, 01:44 PM
اعرفكم بنفسى انا هدى على شعبة الجغرافيا ونظم المعلومات الفرقة الثالثة
بصوا انا خلصت الثانوية العامة مكنتش عارفة اخش اية كان كل همى انى امسك شهادة اشتغل بيها فسمعت عن قسم الجغرافيا شعبة المساحة فقولت ادخلة وبعد اما دخلتة عرفت المساحة دية شغلها للولاد احسن من البنات واقتنعت بذلك عشان شفت بعينى محطتش فى دماغى اخش مساحة ولا عامة الى حطاة فى دماغى انى اجتهد عشان الاقى شغل كويس بشهدتى كل المطلوب منى اشدحيلى واجتهد ودة نصيب.

Horiaa Swedan
10-06-2009, 09:14 PM
الله ينور عليكي يا حورية...كلمات رااااائعة

عين العقل يا بنتي...


ميرسى يا قمره ربنا يكرمك يارب

Horiaa Swedan
10-06-2009, 09:16 PM
بسم الله الرحمن الرحيم

اولا احب ابدى اعجابى الشديد للموضوع و اقولك انك مش لوحدك اللى بتتعبى كده


انا تعبت اوى مع دفعتى عشان افهمها يعنى ايه جى اى اس

ثانيا دى نصيحه من اخ اكبر و بدون تحيز و الله و الله

انا لو خيرونى بين مساحه و نظم اختار نظم من غير ما حد يزعل و الله و الله بدون اى تحيز

انا اولا فى رابعه نظم

و اسمى اسلام عمران و الدفعه عندى كلها عارفانى فى تالته طلعت و اتكلمت فى المدرج عن كورسات الجى اى اس

و قولت الاماكن و قولت الاسعار

و عطيت افاده بكل شى

كانت النتيجه انهم ضحكوا على

و السنه دى لما شافونى قالوا لى يارتنا سمعنا كلامك

انا فى الصيف ده اشتغلت فى مكتبه الاسكندريه مركز دراسات البحر المتوسط فى وحده نظم المعلومات

و الله و الله و الله كانوا بيقبضوا بالدولار و المرتب يتحول على حسابهم فى البنوك

طبعا انا كنت بالجنيه الوطنى لانى كنت بتدرب


عشان كده نصيحه اخويه من اخ اكبر

ارضوا باللى انتوا فيه تلاقوا السكه اتفحت قدامكم

ابدا بدورات الجى اى اس لانها خمس مستويات يعنى يا دوب تخلصوا و انتوا فى رابعه



و انا تحت امر اى حد من شعبتى <حته تحيز بقى>

و لو حد عايز اى حاجه انا تحت امركم

اخوكم

اسلام عمران



ميرسى يا اسلام ربنا يكرمك يارب وكلامك بجد جميل وفى حماسه ويارب كلنا نبقى كده لاننا مش قليلين بجد

Horiaa Swedan
10-06-2009, 09:20 PM
الله الله الله عليكى ياحووووووووووية بجد
انتى كدا جيبتى زبد الكلام ومن الاخر
وعندك حق فى كل اللى قلتيه
وانا أهو والله راضى جدا ومزعلتش خالص وأملى فى ربنا كبير
لان الله لا يضيع أجر من أحسن عملا
ومحدش عارف الخير جاى له منين
والله انا مكنتش بدعى يارب أخش مساحة
أنا كنت بدعى يارب اختارلى انت الخير حيث كان
وربنا بيدبر لنا أحسن مننا وعسى أن تكرهوا شيئا وهو خيرا لكم
والله لو تعرفوا انا دخلت أداب اصلا ازاى ؟؟؟؟؟؟
انا كتبت فى التنسيق تجارة اسكندرية وكنت جايب 87 %
السنتين مع بعض وتانى رغبة لى طول اداب ومكتبتش ولا انتساب ولا باقى المحافظات
واصحابى اقل منى دخولا انتظام محافظات تانية وحولوا حسب التوزيع الجغرافى سنتها
بس انا محولتش مع انى كان ليا انتساب وانتظام لو كنت كتبت صح
واستخرت ربنا وتوكلت على الله ودخلت الجغرافيا
والحمد لله حبيتها ولقيت نفسى فيها جدا
بغض النظر عن انى دلت مساحة او لأ
لانى باذن الله لو محصلش نصيب حاخد دورات
واخد دبلومة تانى سنتين بعض مخلص عامة ان شاء الله
مع انى والله مدخلتش بسبب مادة السكان ( أ ) مدخلتهاش
وقدمت فيها عذر اجتماعى وقبلتهالكلية لكن للاسف الشديد
لسه متصححتش والقسم مخدش أى حد معاه مادة حتى لو كان عنده عذر
لان شئون الطلبة مربطتش معاهم معالعلم ان تقديرى بالمادة دى كان حيبقى جيد
وجايب 4 جيد فى مواد المساحة و3 مقبول
ومين عالم الظروف اللى حصلت لى فى الامتحان يكون تقدير من ربنا وخير ليا ان شاء الله
يمكن يكون ربنا مش شايف لى او مش شايف لاى حد فينا الخير فى المساحة
واختار لنا الاحسن لان ربنا عمره مبيضيع مجهود حد فعلا


** بجد عايز كل الناس يبقى عندها الروح اللى عند حورية دى
عشان نخلى شعبتنا بجد تبقى أحسن ومش حتبقى أحسن اللى بينا
وعلى فكرة كلام الدكاترة معظمة دلوفتى بيدور
حوالين ان شعبة نظم المعلومات حيبقى ليها مستقبل بعض
التغيرات اللى حتحصل فى القسم والتخصص حيبقى من سنة 2
وكلام كبير كبير كبييييييييييير مش حنخوض فيه دلوقتى



وزى ما قالت حورية :
ملحوظه " اوعوا تزعلوا من قدر ربنا واللى يزعل يخبط راسه فى الحيط عشان زعله ملهوش فيده مش حيرجع السنه فخلاص بقى يلا فتكم بعفيه"


وأحب اضيف (( عسى أن تكرهوا شيئا وهو خير لكم وعسى أن تحبوا شيئا وهو شرا لكم )) صدق الله العظيم
ومحدش عارف الخير فين بس انت اتكل على الله واجتهد واجتهدى وربنا مش حيضيعك أبدا


بكرر شكرى وتقديرى ليكى يا حورية
على الموضوع الممتاز دا
ومنتظرين منك المزيد

أنا عارف انى طولت بس الموضوع دا لازم يتحسم بالنسبة لنا كلنا كطلاب نظم معلومات
عشانت ربنا يكرمنا فى مجالنا الجديد ونجتهد وهو حيدينا على أد مجهودنا باذن الله

أخوكم / كريم أحمد
الفرقة الثالثة / شعبة نظم المعلومات الجغرافية ( بكل فخر )



ميرسى ياكريم جدددددددددددددددا على ردك الكريم واللى فعلا ناس كتير مننا مرت بيه وانت مطولتش ولا حاجه بالعكس احنا كلنا اسره واحده هنا لازم نسمع من بعض ولازم نعرف بعض كويس ولازم نبقى ايدا وحدهزى مكنا نساعد بعض ونشد على بعض لو لزم الامر

حفيد سيف الله المسلول
10-06-2009, 11:20 PM
بجد انا معنديش كلام اقله اكتر من الى اتقال واحب اقولكم ان المنافسه بينا هتكون جامده اوى علشان كلنا نواوين على خير فى التفوق وممكن يبقى منا كتير احسن من المساحه
احوكم فى الله
محمد فاروق
الفرقه التالته شعبه المتفوقين ( الشعله العامه )
وان شاء الله ابقى من اوائل الدفعه السنه دى وبشكر جدا على الموضوع الجميل والاكتر من رائع

KAREEM
10-07-2009, 02:26 PM
أهلا بيك يا محمد
واتشرفنا بمعرفتك
وان شاء الله نكون فعلا
شعلة فى القسم
قبل ما نكون شعبة

Mohamed Gaber
10-07-2009, 03:54 PM
لا مش فارقه يبقى ملهوش لازمه الكلام ده لازم تبقى فارقه لان ده مستقبلك يبنى




المستقبل في علم الله بس الواحد ماعليه انه يجتهد ويسعي
ويحاول يمهد للمستقبل اللي بيحمل بيه و يشتغل عشانه

وربنا يوفق الجميع

Ahmed Hosny
10-07-2009, 04:58 PM
السلام عليكم ورحمة الله وبركاته
اولا بحييكى ع الموضوع الجميل اوى اوى ده
ثانيا فى ايه فى القران الكريم يقول فيها الله عز وجل
بسم الله الرحمن الرحيم/وعسى ان تكرهوا شيئا وهو خير لكم وعسى ان تحبوا شيئا وهو شر لكم
صدق الله العظيم. محدش فينا يعرف الخير فين وده قدر ربنا وسواء كنا نظم او مساحة فلازم نعرف اننا فى قسم الجغرافيا
واهم حاجة اننا نحقق ذاتنا فى الشعبة اللى احنا فيها
وشكرا

Horiaa Swedan
10-07-2009, 08:20 PM
اعرفكم بنفسى انا هدى على شعبة الجغرافيا ونظم المعلومات الفرقة الثالثة
بصوا انا خلصت الثانوية العامة مكنتش عارفة اخش اية كان كل همى انى امسك شهادة اشتغل بيها فسمعت عن قسم الجغرافيا شعبة المساحة فقولت ادخلة وبعد اما دخلتة عرفت المساحة دية شغلها للولاد احسن من البنات واقتنعت بذلك عشان شفت بعينى محطتش فى دماغى اخش مساحة ولا عامة الى حطاة فى دماغى انى اجتهد عشان الاقى شغل كويس بشهدتى كل المطلوب منى اشدحيلى واجتهد ودة نصيب.


منوره ياحبى المنتدى والتوبك وكلامات وردك نوروا الدنيا واهلا بيكى فى اى وقت

Horiaa Swedan
10-07-2009, 08:27 PM
بجد انا معنديش كلام اقله اكتر من الى اتقال واحب اقولكم ان المنافسه بينا هتكون جامده اوى علشان كلنا نواوين على خير فى التفوق وممكن يبقى منا كتير احسن من المساحه
احوكم فى الله
محمد فاروق
الفرقه التالته شعبه المتفوقين ( الشعله العامه )
وان شاء الله ابقى من اوائل الدفعه السنه دى وبشكر جدا على الموضوع الجميل والاكتر من رائع



منور يا محمد التوبك ويا محمد انا حسمحلك تبقى تانى الدفعه عشان انا حبقى الاولى ان شاء الله هههههههههههههههههه

مش بحب حد يتحدانى

olivia nader
10-09-2009, 12:30 AM
soooooooooo
sorryyyyyyyyyyyyyy
معلش يا رورو شفت الموضوع متاخر
و الحمدلله اكيد علي اللي ربنا كاتبه
و كمان انا بالعكس حطه امل كبير جدا في شعبه GIS
و ربنا يوفقنا كلنا ان شاء الله

و ميرسي جدا لكل الدفعات السابقه علي تحميسهم لينا ده
و ربنا معانا
هو باين كنتي عايزانا نعرف نفسنا
:D:D:D:D
طبعا انتي عرفاني
بس حعرف نفسي لان بتهيالي محدش يعرفني من دفعتنا
انا اوليفيا نادر
معاكم الفرقه التالته (شعبه GIS)
انتظام
و يارب كلنا نبقوا عارفين بعض و نبقي دفعه جامده
احنا لينا مشروع تخرج ان شاء الله السنه الجايه
و ياريت لو ساعتها نكون كلنا عارفين بعض
:):):):):)

شيماء رمضان الوهيبى
10-09-2009, 12:40 AM
موضوعك جميل يا حورية واللة
ودة اصلا نصيب كل واحد و نصيبة سواء كانت الشعبة عامة او مساحة
وكل واحدة و ليها عملها و ليها تخصصها

Horiaa Swedan
10-09-2009, 01:49 AM
السلام عليكم ورحمة الله وبركاته
اولا بحييكى ع الموضوع الجميل اوى اوى ده
ثانيا فى ايه فى القران الكريم يقول فيها الله عز وجل
بسم الله الرحمن الرحيم/وعسى ان تكرهوا شيئا وهو خير لكم وعسى ان تحبوا شيئا وهو شر لكم
صدق الله العظيم. محدش فينا يعرف الخير فين وده قدر ربنا وسواء كنا نظم او مساحة فلازم نعرف اننا فى قسم الجغرافيا
واهم حاجة اننا نحقق ذاتنا فى الشعبة اللى احنا فيها
وشكرا



وعليكم السلام ورحمه الله وبركاته

ميرسى على الرد الجميل ده اللى نور موضوعى

وفعلا كلام رائع

Mohamed Gaber
10-09-2009, 04:05 AM
هو انا ردي مخفي ولا ايه

بعدين مين اللي حيزعل اساسا

دة كفاية ان انا معاكم في الدفعة دي :d

Rasha Said
10-09-2009, 10:43 PM
بجد انا بشرك جدا انك فتحتى الحوار دة وانا بهدى كل الكلام دة لصحبتى الانتيم علشان هية مدخلتش مساحة وفرقت معاها على نقطة فانا بهديهاكل الكلام اللى انتى كتباة وبقولها فى الاول وفى الاخر كل شىء نصيب واللى مكتوب هوة اللى هنشفوه بس انا بقولها فعلا انا مش عارفة هكمل ازاى فى الشعبة من غيرك بس فى الاول والاخر كل شىء نصيب

olivia nader
10-09-2009, 11:14 PM
يا هلا بيكي يا رشا
مش بنشوفك في المنتدي خالص
تؤ تؤ تؤ
لازم تشاركي معانا علي طول
و خلي كمان صاحبتك (مين هيه؟؟؟)
:D:D:D:D
تشارك معانا

حوريه
ايه مش شايفه كلامي ولا ايه
ابعتلك رساله خاصه اقولك اني رديت
بقولك سوري
قوليلي ولا يهمك
ههههههههههه
:D:D:D:D
بس حعتبرها وصلت
:D:D

Horiaa Swedan
10-10-2009, 12:20 AM
اييييييييييييييييييييييييييه يا سنه تالته انا كنت مشغوله وانتوا عرفين مشغولاياتى الكتير ولسه شايفه حرد والله حرد يا قوم ههههههههههههههههههههههههههه

Horiaa Swedan
10-10-2009, 12:26 AM
soooooooooo
sorryyyyyyyyyyyyyy
معلش يا رورو شفت الموضوع متاخر
و الحمدلله اكيد علي اللي ربنا كاتبه
و كمان انا بالعكس حطه امل كبير جدا في شعبه GIS
و ربنا يوفقنا كلنا ان شاء الله

و ميرسي جدا لكل الدفعات السابقه علي تحميسهم لينا ده
و ربنا معانا
هو باين كنتي عايزانا نعرف نفسنا
:D:D:D:D
طبعا انتي عرفاني
بس حعرف نفسي لان بتهيالي محدش يعرفني من دفعتنا
انا اوليفيا نادر
معاكم الفرقه التالته (شعبه GIS)
انتظام
و يارب كلنا نبقوا عارفين بعض و نبقي دفعه جامده
احنا لينا مشروع تخرج ان شاء الله السنه الجايه
و ياريت لو ساعتها نكون كلنا عارفين بعض
:):):):):)



ولا يهمك يا اوزتى يا اوله يا حبى مش متخيله انا سعيده بردك ازاى وبجد عندك حق فى كل كلمه قولتيها

استنى كده اشوف الكلام ههههههههههههههههه
بس اكيد عندك حق

ويارب يوفقنا كلنا وبعدين احنا مميزين ممكن نعمل دبلومه مساحه انما بتوع المساحه مش حيعملوا دبلومه نظم معلومات :1: :1: :1:


اه ممكن اكون كنت عايزاكم تعرفوا نفسكم ايييييييييييوه عرفوا عرفوا امال حنعرف بعض ازاى :euro:

انا حوريه يا جماعه طبعا عرفنى ههههههههههههههههههههههه

لا استنوا اعرف بجد

الاسم : حوريه الصافى محمد على سويدان.

على فكره انا حوريه وحده يعنى انا witch evilعشان مش كل شويا حد يقولى فكرناكى حوريه تانيه لا انا هى ههههههههههه.

الفرقه: الثالثه.
الشعبه : نظم معلومات جغرافيه وتحتها خطين وفيونكه مسمناش شعبه عامه يا جدعان.

بس كده ولا عايزين العلوان ورقم اللحلوح بالمره هههههههههههه.

Horiaa Swedan
10-10-2009, 12:30 AM
موضوعك جميل يا حورية واللة
ودة اصلا نصيب كل واحد و نصيبة سواء كانت الشعبة عامة او مساحة
وكل واحدة و ليها عملها و ليها تخصصها

ميرسى يا اوشا على الرد الجميل وبعدين انتى ايه اللى جايبك عندنا يا جمممممممممممماعه جاسوس مدسوس من مساحه هههههههههههههههههههههههههههههههههه

لا بجد ميرسى يا قمره وكل شئ نصيب واحنا عملين برتى هنا وفرحنين هههههههههه

Horiaa Swedan
10-10-2009, 12:34 AM
المستقبل في علم الله بس الواحد ماعليه انه يجتهد ويسعي

ويحاول يمهد للمستقبل اللي بيحمل بيه و يشتغل عشانه


وربنا يوفق الجميع




ونعم بالله المستقبل اللى بيحلم بيه والله عندك حق يا دودو وربنا يوفق الجميع

وادينى رديتتتتتتتتتتتتتتتتتتتتتتت دانت تقشر بس يا باشا انا اقدر برضوا

Horiaa Swedan
10-10-2009, 12:37 AM
هو انا ردي مخفي ولا ايه



بعدين مين اللي حيزعل اساسا


دة كفاية ان انا معاكم في الدفعة دي :d



لا منور اهو المحكمه ولا مخفى ولا حاجه

محدش زعل داحنا عملين كرنفال السياحه والتسوق وبنحتفل بيه هههههههههههههههههههه

اه فعلا كفايا انك معانا على اساس ايه بقى

Horiaa Swedan
10-10-2009, 12:49 AM
بجد انا بشرك جدا انك فتحتى الحوار دة وانا بهدى كل الكلام دة لصحبتى الانتيم علشان هية مدخلتش مساحة وفرقت معاها على نقطة فانا بهديهاكل الكلام اللى انتى كتباة وبقولها فى الاول وفى الاخر كل شىء نصيب واللى مكتوب هوة اللى هنشفوه بس انا بقولها فعلا انا مش عارفة هكمل ازاى فى الشعبة من غيرك بس فى الاول والاخر كل شىء نصيب


العفو يا قمره دانتى نورتى المكان معانا هنا بجد وانا كمان احب اهدى فى نهايه البرنامج قصدى الكلام ههههههههههههه

قولى لصحبتك متزعلش يا رشا احنا كنا 8 او اكتر اصحاب شله فى بعضنا كلهم دخلوا مساحه وانا دخلت نظم معلومات عادى يعنى والحياه زى الفل محدش يعرف الخير فين انا مبسوطه جدا فى الشعبه بتعتى
وابقى يا رشا قوليلى مين صحبتك عشان نجبها تحتفل فى كرنفال برتوا نظم معلومات.

e4e
10-10-2009, 05:17 PM
السلام عليكم ورحمة الله وبركاته
كل عام وانتم بخير اسأل الله ان يوفقنا جميعاً وان الحمد لله على ما قضى وكل الذى قضاه فيه الرضا.
الحمد لله انه انعم علينا وبلغنا عام دراسى جديد , جزاكى الله خيراً أخت حوريه على فتح باب النقاش فى هذا الموضوع والذى ارى ان الكثير من الطلاب قد اصابهم الاحباط بسبب عدم دخولهم شعبة المساحة والخرائط لاعتقادهم بعدم توفر فرص عمل كافيه لخريجى شعبة نظمالمعلومات الجغرافية .
واهدى اليهم هذا الحديث الشريف قال رسول الله صلى الله عليه وسلم: لو أنكم توكلون على الله حق توكله لرزقكم كما يرزق الطير، تغدو خماصاً وتروح بطاناً)
فموضوع الرزق هذا لله وحده ولا يعلم احد منا اين يوجدالخير.
مثال بسيط تعالوا نشوف د/جودة و د/الزوكه و د/التهامى ...........
وامثلة كتييير الناس دول كلهم كانوا "شعبه عامة" وبقوا ايه. نيجى احنا ايه جنبهم. الفرق انهم اخلصوا فى عملهم ومرموش اخطائهم وكسلهم على شماعة القسم .كتير أعرفهم كان هدفهم لو دخلنا مساحة هنذاكر لو شعبة عامة يبقى هنقضيها اى حاجة لحد منتخرج. قال الله تعالى: ((وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ))
ولا ننسىقول الله تعالى "إن الله لا يضيع أجر من أحسن عملاً"
اجعل لك هدفاً فى دراستك واعمل من اجله وتعاون مع اخوانك "ان الله فى عون العبد مادام العبد فى عون اخيه".
بالنسبة لى قبل نزول الكشف لم اكن اسئأل من الله الا ان يوفقنى الى ما فيه الخير لى فى اى شعبة كانت وان يراضينى بها.
وكان هدفى هو تفوقى فى هذه الشعبة وان اترك فيها اثر. والحمد لله وفقنى الله الى شعبة المساحة اسأل الله ان يعنى عليها وويوفقنى فيها.
فالموضوع بالنهاية يتعلق بك انت وبمجهودك لا الجامعة لا الكلية ولا حتى الشعبة التى انت فيها. والله ياجماعة شعبة نظم المعلومات الجغرافية مجالها واسع وممتع بس احنا اتعودنا للأسف على ثقافة المجموع.
أعتذر عن الاطالة. واشهد الله على حبكم فيه.
أسأل الله ان يوفقنا جميعاً وان يراضينا بما كتبه لنا .
أخوكم/ اسلام .

Horiaa Swedan
10-21-2009, 03:56 AM
السلام عليكم ورحمة الله وبركاته


كل عام وانتم بخير اسأل الله ان يوفقنا جميعاً وان الحمد لله على ما قضى وكل الذى قضاه فيه الرضا.
الحمد لله انه انعم علينا وبلغنا عام دراسى جديد , جزاكى الله خيراً أخت حوريه على فتح باب النقاش فى هذا الموضوع والذى ارى ان الكثير من الطلاب قد اصابهم الاحباط بسبب عدم دخولهم شعبة المساحة والخرائط لاعتقادهم بعدم توفر فرص عمل كافيه لخريجى شعبة نظمالمعلومات الجغرافية .
واهدى اليهم هذا الحديث الشريف قال رسول الله صلى الله عليه وسلم: لو أنكم توكلون على الله حق توكله لرزقكم كما يرزق الطير، تغدو خماصاً وتروح بطاناً)
فموضوع الرزق هذا لله وحده ولا يعلم احد منا اين يوجدالخير.
مثال بسيط تعالوا نشوف د/جودة و د/الزوكه و د/التهامى ...........
وامثلة كتييير الناس دول كلهم كانوا "شعبه عامة" وبقوا ايه. نيجى احنا ايه جنبهم. الفرق انهم اخلصوا فى عملهم ومرموش اخطائهم وكسلهم على شماعة القسم .كتير أعرفهم كان هدفهم لو دخلنا مساحة هنذاكر لو شعبة عامة يبقى هنقضيها اى حاجة لحد منتخرج. قال الله تعالى: ((وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ))
ولا ننسىقول الله تعالى "إن الله لا يضيع أجر من أحسن عملاً"
اجعل لك هدفاً فى دراستك واعمل من اجله وتعاون مع اخوانك "ان الله فى عون العبد مادام العبد فى عون اخيه".
بالنسبة لى قبل نزول الكشف لم اكن اسئأل من الله الا ان يوفقنى الى ما فيه الخير لى فى اى شعبة كانت وان يراضينى بها.
وكان هدفى هو تفوقى فى هذه الشعبة وان اترك فيها اثر. والحمد لله وفقنى الله الى شعبة المساحة اسأل الله ان يعنى عليها وويوفقنى فيها.
فالموضوع بالنهاية يتعلق بك انت وبمجهودك لا الجامعة لا الكلية ولا حتى الشعبة التى انت فيها. والله ياجماعة شعبة نظم المعلومات الجغرافية مجالها واسع وممتع بس احنا اتعودنا للأسف على ثقافة المجموع.
أعتذر عن الاطالة. واشهد الله على حبكم فيه.
أسأل الله ان يوفقنا جميعاً وان يراضينا بما كتبه لنا .

أخوكم/ اسلام .




وعليكم السلام يا اسلام بجد جزاك الله كل خير على كلماتك الرائعه التى اضافه الى موضوعى قيمه كبير وفعلا عندك حق فى كلمه

Amr_Gaafer
10-29-2009, 09:05 PM
يا جماعة المساحة مستقبلها حلو والنظم مستقبلها حلو برضو بس انا شايف ان الشغل بشعبة نظم المعلومات GIS مش هيتحقق غير بأخد دورات في برامج GIs مثل Arc View و Map info و Arc Gis و غيرها من البرامج
غير كده خريجي شعبة النظم مهمين جدا للعمل في شركات البترول والمقاولات والكلام ده قالوا اساتذة في قسم الجغرافيا
وربنا يكرمنا كلنا مساحة او نظم

mon ange
11-07-2009, 12:08 AM
اولا السلام عليكم ورحمة الله وبركاته

ثانيا شكرا ليكى يا حوريه على الموضوع

ثالثا والله مش عارفه اقول ايه بس الناس اللى زعلانه انها مدخلتش مساحه مش عارفه ليه كده والله العظيم انا واحده من الناس اللى لو جالى مساحه ما كنت هدخلها والله مفيش فرق وانا لو كنت فى مساحه كنت هقول نفس الرد مساحه زى G IS مفيش فرق
الخيرة فيما اختاره الله
وقدر الله وما شاء فعل

Wild_Angel
11-07-2009, 12:12 AM
كلام جميـــــــــــــــــــل اوى يا حور
تصدقى
بجد انتى جدعه
ربنا يكرمكم ويوفقكم

وانا احب الناس اللى تفتخر وتتشرف بما وصلت إليه وتنظر إلى جوانبه المضيئه

Horiaa Swedan
11-11-2009, 08:41 PM
ميرسى يا حبى على ردك الجميل ده وانا فعلا كلى فخر وبحب شعبتى جدددددددددددددددا وبالعكس مرتاحه جدا فيها

Horiaa Swedan
11-11-2009, 08:44 PM
يا جماعة المساحة مستقبلها حلو والنظم مستقبلها حلو برضو بس انا شايف ان الشغل بشعبة نظم المعلومات GIS مش هيتحقق غير بأخد دورات في برامج GIs مثل Arc View و Map info و Arc Gis و غيرها من البرامج
غير كده خريجي شعبة النظم مهمين جدا للعمل في شركات البترول والمقاولات والكلام ده قالوا اساتذة في قسم الجغرافيا
وربنا يكرمنا كلنا مساحة او نظم



ميرسى يا عمر على مشركتك الجميله دى وفعلا عندك حق فى كل كلمه وربنا يوفقنا كلنا وانا سعيده جدا بوجودك ومشركتك ويارب تتفاعل معانا ديما هنا