المساعد الشخصي الرقمي

مشاهدة النسخة كاملة : مرحب بسنه تانيه دفعه 2012



Horiaa Swedan
10-04-2009, 12:31 AM
بسم الله الرحمن الرحيم


والصلاه والسلام على اشرف الخلق اجمعين


مرحب بسنه تانيه دفعه 2012

http://up1.arb-up.com/files/arb-up-2009-9/FP608964.gif (http://tubezik.com/)

كل سنه وانتم طيبين اخواتى وزملائى دفعه تانيه الجديده

يارب تكونوا بخير وباحسن حال ، وربنا يوفقكم السنادى سواء للى عايزين يدخلوا شعبه نظم معلومات او شعبه مساحه وخرايط.

انا اختكم حوريه طالبه بالفرقه التالته شعبه نظم معلومات جيت ارحب بيكم واقولكم حاجات ملقتش حد يقولهالى يمكن تنفعكم.

اولا سنه تانيه مش ساهله زى اولى ومش صعبه فى نفس الوقت بس محتاجه شغل بجد

محتاجه حضور والتزام وتبيض اول باول ومرجعه اللى بتخده

اهم حاجه الالتزام بكلام المحاضره ومزجها بالكتاب

موادكم السنادى حلوه جدا وسلسه مش صعبه اوعوا تركزوا على مواد المساحه وتنسوا باقى المواد واعرفوا ان كل المواد محتاجه شغل

عندكم السنادى باذن الله

اولا : جيومورفولوجيا

ودى من اجمل المواد اللى ممكن دراستها لانها بتدرس دراسه طبيعيه لسطح الارض وبتخرج بره حاجز الزمن عشان تدرس حاضر وماضى ومستقبل كل ظاهره موجوده على سطح الارض زى تكوين الجبال وتكوين جميع مظاهر الارض من خلال عوامل طبيعيه وبشريه الخ


ثانيا : الجغرافيه المناخيه

تدرس مناخ سطح الارض والعوامل المؤثره فيه بطرق مباشره وغير مباشر كما تدرس عناصر المناخ المختلفه وترتبها زى الاشعاع الشمسى والتساقط وغيرها من العناصر كمان بتدرس طرق قيسها والاجهزه اللى بتتقاس بيها وفى النهايه بتاخد منظومه لتوزيع المناخ لعلماء مختلفه
والترم التانى بيكون مطلوب منك تدرس اثر الظواهر دى على سطح الارض وتاثرها على مظاهر الحضر زى نشاط الانسان " زراعه صناعه نقل " ووعلاقها براحه الانسان وعلاقتها بغذائه وفى النهايه تدرس الظاهرات الخطيره فى سطح الارض زى الاحتباس الحرارى والنينو الخ.


ثالثا : الاساليب الكميه والاحصائيه

ودى اول ماده مساحيه بنتناولها ماده لذيذه وجميله بتتبلور حول الرياضه والفكر الاحصائى باختصار ازاى تتعامل مع بيانات
عندك بيانات عن كليه مثلا عدد التلاميذ فيها وتخصصتهم انت بتدرس ازاى بتجمع البيانات عنهم اذا كان من خلال عينا استرشاديه او اسلوب مباشر وغير مباشر اسلوب حصر شامل او من خلال مجله كتاب دفاتر الصحه الخ
وتبدأ تبوب البيانات وتحطها فى جداول بانوعها تكراريه ومتجمع صاعد وهابط الخ
بعدين تبدأ تعالج البيانات وتعملها رسمه ممكن منحنى تكرارى مضلع تكرارى مدرج الخ
وتقيم عليها بعض العلاقات اللى بتكون عباره عن قوانين زى ايجاد الوسط والوسيط والمنوال كلها قوانين جميله وسهله محتاجه فكر رياضى ومتابعه.


رابعا: ماده النصوص الجغرافيه باللغه

دى انجليزى زى السنه الماضيه مصطلحات وموضيع جغرافيه معروضه باللغه الانجليزيه.


خامسا: الجغرافيه الحيويه

ماده حيويه بتدرس كل ما هو هى على سطح الارض بفكر جغرافى يعنى النبات على سطح الارض وانواعه وانواع الغابات وتقسمه وتوزيعه على سطح الارض
والحيوان كمان والتربه وكل شئ حى موجود على سطح الارض . ماده ترم واحد


سادسا : جغرافيه اسيا
دراسه اقليميه زى افريقيا والوطن العربى بتكون فى الترم التانى باذن الله من خلاللها بندرس قاره اسيا موقعها الجغرافى والفلكى ومظاهر سطحها جبال ومحيطات وانهار واهم معالمها الحضاريه ومناخها ونباتتها وتربتها وسكنها ومرحله الكشوف الجغرافيه لها وسياستها وننتهى باخذ مثال او اكثر على احدى المدن الكبيره بها مثل الهند والصين واليابان.


سابعا: مساحه مستويه

قلب الدراسه ماده فى منتها الجمال للى بيحب مجال المساحه وهى من خللها بندرس يعنى ايه مساحه وايه هى طرق قياس مساحه رقعه من الارض بالطرق القديمه او بالاجهزه او بالصور الجويه كما نرى حديثا
وهى تنقسم بين دراسه الطرق القديمه زى الجنزير والبوصله البلنشيطه الى الوصول للقياس التاكيومترى وهو بالاجهزه البصريه زى الميزان والتوتل والتيدوليت وده لرفع منطقه ما
ومن خلال هذه الماده بنتعرف على مفاهيم عديده مثل مقياس الرسم وهو النسبه بين الابعاد على الطبيعه والابعاد على الخريطه او الرسم وده اللى بيحددلى مقدار التصغير اللى عملته كمان بنتعلم ازاى نقيس اى شكل على الخريطه بالطرق المختلفه زى المسطره والديفيدر وعجله القياس او البلانيميتر او الطرق التخطيطيه زى طريقه المربعات او الخطوط المتوازيه الخ وننتهى فى النهايه بدراسه المساحه التصويريه والتى تتم من خلال اخراج خرايط عن طريق صور التقطه بكاميره طائره
كما نجد اخر فصل وهو الابصار المجسم والذى تتلخص فكرته فى كيفيه رؤيه الاشياء مجسمه اى بثلاث ابعا.

ثامنا : جغرافيه السكان

وهى تدرس المجتمعات البشريه واى حاجه بتاثر على الانسان زى الوفيات والموليد وتغير فئات العمر المختلفه وهرم العمر وازاى بنقسمها .
كمان بندرس الخصائص المكتسبه والتعليم والزواج والعادات والتقليد كل ما يؤثر على المجتماعت وعلى الانسان.



اتمنى انى اكون قدرت افدكم بحاجه ومكنش نسيت اى حاجه واهم حاجه الرسوماااااااااااااااااااااااااااااااااااااااااااا اااااااااات والمصطلحات الانجليزيه والخط المنظم والجمل المنسقه والحضور والكتاب واضمنلكم الامتياز ان شاء الله.

ربنا الموفق للجميع ويارب مكنش طولت.

Mahmoud Slem
10-04-2009, 12:33 AM
هههههههههههههههههههههههههههههه

الله ينور شغل جامد قوى
جزاكى الله كل خير

Horiaa Swedan
10-04-2009, 12:37 AM
هههههههههههههههههههههههههههههه

الله ينور شغل جامد قوى
جزاكى الله كل خير


جزانا واياك ان شاء الله ده ملخص سنه من عمرى لو كل واحد يحاول يفيد غيره باللى يعرفه حتى لو كان بسيط حاجات كتير حتتغير

sameh gamal
10-04-2009, 12:39 AM
بجد ياحوريه تسلم ايدك وشغل جميل جدا وربنا يارب يوفقهم ويوفقك وبجد الفكرة جميله انى كل واحد اكبر من حد هنا يديله الدليل اللى يتحرك بيه لاننا كلنا هنا اخوات

Horiaa Swedan
10-04-2009, 12:56 AM
بجد ياحوريه تسلم ايدك وشغل جميل جدا وربنا يارب يوفقهم ويوفقك وبجد الفكرة جميله انى كل واحد اكبر من حد هنا يديله الدليل اللى يتحرك بيه لاننا كلنا هنا اخوات


ربنا يكرمك يا سامح وياريت كلنا ننفذ ياجماعه عشان تعم الفائده واى سؤال يا سنه تانيه قولوا وان شاء الله اجوبكم لو اعرف

spider girl
10-04-2009, 01:06 AM
ربنا يخليكى يا حوريه

بجد مش عارفه اقولك ايه

ربنا يجازيكى كل خير

انا هدعى كل صحابى فى دفعتى

انهم يشوفوا الموضوع ده

فعلا هيستفادوا كتير لان كل سؤال فى زهنهم هيلاقوا اجابتوا هنا

الف شكر يا حببتى

مى رسمى
10-04-2009, 01:14 AM
تسلم اديكى ياحوريا ويارب ديما تكونى عضو فاعل


ونافع لغيرك حتى لو جزء بسيط


وتذكرى دائما قول الشاعر


ولاتحقرا من المعروف شيئا ان الجبال من الحصى والرمال


جزاكى الله خير الجزاء

Horiaa Swedan
10-04-2009, 01:22 AM
ربنا يخليكى يا حوريه

بجد مش عارفه اقولك ايه

ربنا يجازيكى كل خير

انا هدعى كل صحابى فى دفعتى

انهم يشوفوا الموضوع ده

فعلا هيستفادوا كتير لان كل سؤال فى زهنهم هيلاقوا اجابتوا هنا

الف شكر يا حببتى

:animation343py::110:


اخيرا حد من تانيه ظهر العفو ياحبى انتوا اخواتى واصحابى وزميلى ويارب فعلا الموضوع يكون نافع بالنسبلكم واتمنى يفيد الجميع واى حد يحتاج حاجه يقول وميتكسفش وان شاء الله متاخرش

Horiaa Swedan
10-04-2009, 01:23 AM
تسلم اديكى ياحوريا ويارب ديما تكونى عضو فاعل



ونافع لغيرك حتى لو جزء بسيط


وتذكرى دائما قول الشاعر


ولاتحقرا من المعروف شيئا ان الجبال من الحصى والرمال


جزاكى الله خير الجزاء




ميرسى يا مي يا عثل على مرورك الكريم بس انا عضو قددددددددددددديم عجزت فى المنتدى خلاص بس كنت غايبه ورجت من قريب


ويارب كل الاعضاء يكونوا فعلين


واكون عضو مش عدو ان شاء الله ربنا ميجيب عداوه يا قمره

olivia nader
10-04-2009, 01:29 AM
ايه الجمال ده يا رورو
راجعه قويه اوي
الله ينور و ان شاء الله يستفادوا من خبرات السابقين
(انتي)
:D:D:D:D:D

سندريلا
10-04-2009, 01:30 AM
جزاكى الله خير يا حوريه


وربنا يوفقنا جميعا لى ما فيه رضاه

Horiaa Swedan
10-04-2009, 01:32 AM
ايه الجمال ده يا رورو
راجعه قويه اوي
الله ينور و ان شاء الله يستفادوا من خبرات السابقين
(انتي)
:D:D:D:D:D


اى خدمه يا اولى بس عشان لو قعدت شويا حنسى الكلام ده وانا لسه فكراه كده الرسه دى مش حعرف اجبها تانى ههههههههههههههههههه

وميرسى على مرورك الطيب ويارب يستفيدو بحاجه

Horiaa Swedan
10-04-2009, 01:33 AM
جزاكى الله خير يا حوريه


وربنا يوفقنا جميعا لى ما فيه رضاه


جزانا واياكى يا قمره اثابك الله حسن المثاب يارب يوفق الجميع الى خير السبيل

KAREEM
10-04-2009, 01:33 AM
فعلا مجهود راااااااائع
وربنا يقدرك على فعل الخير
ومن يومك وانتى خدومة ياحورية
ومبتتأخريش على حد فى أى حاجة
جزاكى الله خير
ويارب سنة تانية اللى جايين يكونوا
أحسن مننا ان شاء الله
ويجتهدوا أكتر فى دراستهم

Horiaa Swedan
10-04-2009, 01:37 AM
فعلا مجهود راااااااائع
وربنا يقدرك على فعل الخير
ومن يومك وانتى خدومة ياحورية
ومبتتأخريش على حد فى أى حاجة
جزاكى الله خير
ويارب سنة تانية اللى جايين يكونوا
أحسن مننا ان شاء الله
ويجتهدوا أكتر فى دراستهم



ميرسى يا كريم ربنا يكرمك يارب على كلاماتك الجميله عرفت مين ريموندا بقى هههههههههه

بجد منور الموضوع والمنتدى وجزاك الله كل خير انت كمان تعبت معانا ايام الامتحانات وربنا يوفقهم يارب ويوفقك الجميع

dero
10-29-2009, 09:49 PM
شكرا ليكى يا حوريه
وجزاكى الله خيرا على المعلومات

Horiaa Swedan
10-30-2009, 12:46 AM
شكرا ليكى يا حوريه
وجزاكى الله خيرا على المعلومات



العفو يا قمر اشكرك على مرورك الجميل ده

سلمى عمر
10-31-2009, 04:38 PM
السلام عليكم
جزاكى الله كل خير على عملك الرائع والله استفدت
انا طالبه فى الفرقه الثانيه وامنيه حياتى انى ادخل مساحه لكن انا مرعوبه من السنه دى
لان المساحه هى حلمى الوحيد وحلم والدى اللى هو اغلى ماعندى

Horiaa Swedan
11-05-2009, 03:46 AM
اشكرك يا سمسمه على مرورك الكريم

بصى يا قمرايه انا كنت حموت وادخل مساحه واتغريت فى تقدير اولى لانى كنت من اوائل دفعتى سيبت الحبل فى تانيه ومبقتش بحضر

اه كنت بذاكر بس مذكره من غير حضور ولا ليها لازمه خالص

انتى احضرى والتزمى واعملى اللى عليكى واللى عايزه ربنا حيكون

وصدقينى متندميش على اختيار ربنا ديما بيكون فى الخير

انا كنت مضايقه انى مش فى مساحه مع اصحابى وان حلمى وحلم اهلى ادمر ودلوقتى سعيده جدا باللى انا فى

وبالرغم من انى جالى فرصه دلوقتى ادخل مساحه الا انى مش بسعى فيها ورضيه باللى ربنا اسمهولى

المساحه محتاجه ولد اكتر من بنت لان شغلها تقيل

انتى بنوته وصعب على البنت تتبهدل زى الولد

صلى صلاه استخاره واعملى اللى عليك وربنا المدبر

Marwa Magdy
11-07-2009, 04:57 PM
الله عليكى يا حرحورتى
تسلم ايدك يا قمر ع مجهودك الكبير ده

Horiaa Swedan
11-11-2009, 08:37 PM
ميرسى يا مرمر ياحبى ربنا يخليكى يارب اكون اقدر فدتكم وكلكم اخواتى يعنى

دندونه
02-24-2010, 12:11 PM
شكرا يا حوريه على تعبك وشغلك ده وفعلا سنه تانيه صعبه شويه رغم ان دراستها لذيذه عشان تحدد مين هيدخل مساحه لان مساحه محتاجه تقديرات عاليه وده مش خوف ليكم بل بالعكس والله ده تشجيع ليكم وانا بننقلكم الى مرينا بيه عشان ندخل مساحه والتعب الى عدينا بيه لان مساحه جميله جدا وبجد تستاهل التعب الى تعبناه عشان نوصلها انا دينا تالته مساحه واى حد من سنه تانيه احتاج اى حاجه بجد انا موجوده

ضوء القمر
09-30-2010, 06:52 PM
بجد يا حورية ميرسي جدا فعلا انتي هتفيدينا كتير انا طالبة في تانية ونفسي جدا أدخل مساحة وياريت لو تقوليلي طريقة كويسة أذاكر بيها وبجد شكرا......:a3:

esraa marey
09-30-2010, 08:14 PM
الله ينور عليكىىىىىىىىىىى عليكى ياحورية فعلامختصركل مادة هو دا الى كل دكتور دخل قاله ف اول محاضرة ربنا يوفقك ويوفق الجميععععععععع بشكرك ع مجهودك

سميه محمد
04-01-2011, 10:54 AM
طب الواحد يعرف ازاى يا حورية انه ينفع فى المساحة ولا النظم معلومات احنا جربنى الترم الاول وماشى الحال بس الترم التانى تقيل وعايز سنة كاملة لوحده زى ما انتى عارفة الايام الجارية جرت احداث ايجابية وسلبية والوقت مش مساعد انجاز واستعاب كل الاشياء من تعليم وسياسة وحاجات تانية كتير ومعلش ما تزعليش منى انتى ليه اخترتى شعبة عامة ونظم معلومات انتى حباها طب ازاى عارفتى انك حباها وانتى لسة افتراضا فى الفرقة تانية يعنى ما دخلتيش تالتة ولا رابعة ولا ميولك كدة وخلاص ياريت تقوللى مميزاتها وشكرا

e1masry
11-22-2011, 07:14 PM
thx