المساعد الشخصي الرقمي

مشاهدة النسخة كاملة : الثقه فى الأخرين



ساره مجدى
10-04-2009, 11:28 AM
من الاشياء الجميلة في حياتنا ان نجد من نثق به

من نبوح له بكل اسرارنا..من نخرج له كل ما بداخلنا من مشاعر واحاسيس

فعندما تكون مهموما تجد من ترمي بكل همومك علي صدره

و تجد من يقدر دموعك و يمسحها من على وجنتيك

و عندما تكون اسعد البشر لانك وجدت من تثق به

ومن يقدر همومك ويقدر ثقتك انت فيه ولكن ما اقساه شعور

حينما تكتشف ان من وثقت فيه ما كنت الامجرد لعبة بين يديه كان يلعب بمشاعرك

و يستهزأ بها،، كان كل هدفه اسرارك و ليس شخصك كان كل هدفه الوصول اليك

انت و بعد ان يصل لاسرارك و يتلاعب بمشاعرك و احاسيسك لا يهمه دموعك

و لا يلزمه همومك و ينصرف عنك غير مبالي..

و التساؤل الان هل تثق بالاخرين كل الثقة ؟؟
هل تثق فى نفسك ؟
هلى تثق فى والديك ؟
هل تثق فى من تحب؟
هل تثق فى اهلك وذويك ؟
هل تثق فى اصدقائك واصحابك ؟
هل تثق فى الأخرين ؟
هل وثقت فى احد من قبل ولم يكن اهلا للثقه ؟
هل يفيد الندم بعد ان اكتشفت خيانة من وثقت بهم؟

* هل تستطيع بعد هذه التجربة ان تثق مرة اخرى في انسان اخر؟
هل تكون لثقتنا حدود و فواصل و خطوط حمراء لا نتعداها مهما كانت ثقتنا ؟
ما رأيكم فى الثقه هل مازالت موجوده فى مجتمعنا ام اصبحت فى طي النسيان ؟






اريد ان اعرف آرائكم فى الثقه فى الأخرين وشعوركم بها
هل مازلتم تشعرون بها تجاه احد


عند اجابه على هذه الأسئله ستشعر براحه اذا وجدت من تثق به وحتى ان كانت نفسك
واذا لم تجد فلا تحزن وكن على يقين انه سيأتى اليوم الذى تجد به من تثق به .



ارجو ان يكون موضوعى قد اعجبكم
كما ارجو منكم ان تشاركو فى الأستفتاء

-

GooD_DrSh
10-04-2009, 11:09 PM
حلو اووى موضوع الثقه دا ومهم جدا
نجاوب بقى على الاساله ع طوول . خير الكلام ما قل ودل


و التساؤل الان هل تثق بالاخرين كل الثقة ؟؟
اكيد طبعا لاء يعنى حد ماعرفوش هثق فيه او اديله اسرارى ازاى ..

هل تثق فى نفسك ؟
جداااااااااااااا عشان لو مش عندك ثقه ف نفسك مش هتقدر تثق ف اى حد وهتبقى مشكله معااك بعد كدا

هل تثق فى والديك ؟
دا اسااااسى لان دوول اقرب الناس ليك وعارفين عنك كل حاجه حتى لو متضايق ومش عاوز تقولهم هما بيعرفوا انك متضايق لانهم اقرب الناس ليك بعد ربنا طبعا

هل تثق فى من تحب؟
لازم طبعا الثقه فى ال قصادك عشان متبقاش كل شويه مشاكل .. ودا برده هيرجع لثقتك ف نفسك

هل تثق فى اهلك وذويك ؟
اه يعنى الناس ال قريبه من اووى مش كلهم بصراحه

هل تثق فى اصدقائك واصحابك ؟
اكيييد طبعا وجدا لان لو مش هثق فيهم مش كنت هصاحبهم اصلا دا الكلام على اصحابى .. اما اصدقائى يعنى على حسب درجه قربه منى

هل تثق فى الأخرين ؟
مش كل الناس صوابعك مش زى بعضها

هل وثقت فى احد من قبل ولم يكن اهلا للثقه ؟
اه كانت للاسف مره وحده والواحد اتعلم منها

هل يفيد الندم بعد ان اكتشفت خيانة من وثقت بهم؟
اكيد طبعا بتتعلم بقى من اخطاءك عشان تحاول ان متكررهاش تانى

* هل تستطيع بعد هذه التجربة ان تثق مرة اخرى في انسان اخر؟
لازم طبعا ترجع ثقتك بالانسان ال قصادك وبنفسك

هل تكون لثقتنا حدود و فواصل و خطوط حمراء لا نتعداها مهما كانت ثقتنا ؟
والله انا من راى ان ثقتك بنفسك لازم تبقى جاامد جداا وألا هتروح ضحية اى راى او فكر ممكن يكون غلط

ما رأيكم فى الثقه هل مازالت موجوده فى مجتمعنا ام اصبحت فى طي النسيان ؟
والله لو الثقه دى مش موجوده يبقى الدنيا دى ف غابه مافيش اخ يأمن لاخوه .. لاكن الحمد لله لسه الثقه موجوده


وف الاخر بحب اشكرك جدااا على التوبيك
ThanX

ساره مجدى
10-08-2009, 11:06 AM
شكرا يا جميل على مشاركتك فى الموضوع
بجد نورت الموضوع الى شكله مش عاجب حد


-

الورده البيضاء
10-09-2009, 01:06 AM
حطيتى ايدك عالجرح والله ياسارة
موضوع فى غاية الروعة
ربنا يكرمك يارب

و التساؤل الان هل تثق بالاخرين كل الثقة ؟؟

خالص

هل تثق فى نفسك ؟

مش اوى

هلى تثق فى والديك ؟

جدااااااااا

هل تثق فى من تحب؟

اكتر من نفسى

هل تثق فى اهلك وذويك ؟

لا

هل تثق فى اصدقائك واصحابك ؟

مش كلهم

هل تثق فى الأخرين ؟

ثقتى فى الناس جابتنى لورا فمبقتش اثق فى اى حد

هل وثقت فى احد من قبل ولم يكن اهلا للثقه ؟

للاسف اة

هل يفيد الندم بعد ان اكتشفت خيانة من وثقت بهم؟

مش بيفيد طبعا بس احلى حاجة فية انة بيعلم الواحد درس كبير اوى انة ميثقش فى اى حد فى الدنيا او انة يدرس كويس اوى كل حد يتعامل معة

* هل تستطيع بعد هذه التجربة ان تثق مرة اخرى في انسان اخر؟

صعب بس باحاول انى انسى

هل تكون لثقتنا حدود و فواصل و خطوط حمراء لا نتعداها مهما كانت ثقتنا ؟

اكيييييييييييييييييييد

ما رأيكم فى الثقه هل مازالت موجوده فى مجتمعنا ام اصبحت فى طي النسيان ؟


انا من رائى انها اصبحت مش موجودة


تسلم ايدك بجد ياسارة
جزاكى الله كل خير

مى رسمى
10-09-2009, 01:12 AM
الله ينور ياساره

بس احنا فى زمن مش قلة فيه الثقه

دى قل فيه من تطلقين عليه لقب انسان

الثقه طبعا شئ جميل والاجمل ان اللى تثقى فيه يكون اد الثقه دى

او العكس لو حد وثق فيكى لازم تكونى اد الثقه اللى هو ادهالك

جزاكى الله كل خير

ايات يوسف
10-09-2009, 07:44 PM
و التساؤل الان هل تثق بالاخرين كل الثقة ؟؟ لا مش اي حد
هل تثق فى نفسك ؟ ساعااااااااااات
هلى تثق فى والديك ؟ جدااااااااااااااااا
هل تثق فى من تحب؟ اكييييييييييييييييد
هل تثق فى اهلك وذويك ؟ اه طبعا
هل تثق فى اصدقائك واصحابك ؟ مش في كل الاحوال
هل تثق فى الأخرين ؟ مش اي حد
هل وثقت فى احد من قبل ولم يكن اهلا للثقه ؟ لاااااااااااااااااا
هل يفيد الندم بعد ان اكتشفت خيانة من وثقت بهم؟ لااااااااااا طبعا

* هل تستطيع بعد هذه التجربة ان تثق مرة اخرى في انسان اخر؟ اكيد لا
هل تكون لثقتنا حدود و فواصل و خطوط حمراء لا نتعداها مهما كانت ثقتنا ؟ علي حسب الشخص الي بثق فيه ودرجة الثقه
ما رأيكم فى الثقه هل مازالت موجوده فى مجتمعنا ام اصبحت فى طي النسيان ؟ موجوده اكيد
شكرا ليكي علي موضوعك

ساره مجدى
10-12-2009, 11:06 AM
شكرا يا امل على ردك على الموضوع
بس انا بأعترض معاكى فى نقطه
هل تثق فى من تحب؟
اكتر من نفسى

اوعى تثقى فى حد اكتر من نفسك
لأنك لما بتثقى فى حد اوى وخاصه تكونى بتحبيه
ويصدمك لا قدر الله حيكون جرحك ملوش دواء

بجد يا أمل شكرا على مشركتك


-

ساره مجدى
10-12-2009, 11:07 AM
شكرا ليكى يامى على ردك الجميل
واتمنى بجد ان محدش يخون ثقتك فيه


-

ساره مجدى
10-12-2009, 11:09 AM
شكرا يا أيات على مشاركتك
واتمنى انك فعلا متمريش بتجربه
خيانه الثقه
ويكون عندك دايما الأمل الجميل
فى وجود الثقه فى مجتمعنا

دعاء
10-13-2009, 12:40 PM
شكرا علي موضوعك الجميل ده ياساره
حقيقي استفدت

ALY ELSAYED
10-14-2009, 02:29 AM
موضوع جميل جدا يا سوس

بس للاسف مفيش ثقه

لان مفيش حد عنده ضمير

وص3عب جدا ان احنا نلاقي الثقه الكامله في حد

ممكن ادي الثقه لواحد بس مش في كل حاجه

لازم يكون بحدود

جزاكي الله كل خير

اسامه البنا
10-16-2009, 09:43 AM
الله ينور يا سوس

موضوع جميل

بس الفكره في انك تسيب الي قدامك
لحد ما الايام تثبت انه جدير بالثقه ديه