::...هتعمل ايه فى الموقف ده::الموقف التاسع ..(الصفحة9) ::...:: [الأرشيف]

Mahmoud Slem

10-04-2009, 03:19 PM

http://www.kazamiza.com/lopez/lopez444/10.gif

ازيكم يا شباب
انا خطرت ببالي فكرةجامده كدة
الموضوع باختصــار
هنزل موقف ممكن يقابلنا او نتحط فيه في حياتنا العاديه ... و هشرح كل ظروفه ... و مطلوب من كل واحد يدخل يحط نفسه مكان بطل الموقف و يقولي بكل صراحه ماذا تفعل لو كنت .... مكانه

http://www.kazamiza.com/lopez/Rmad/8.gif

معندكوش فكره الموضوع ده قد ايه مفيد .. ان عندك فرصه تفكر في موقف صعب و معقد و انت بعيد و قاعد و اعصابك هاديه ..
ده غير انك هتشوف اراء مختلفه و منها اللي هيكون جميل جدا ...
و هتلاقي ده انعكس عليك و في تفاعلك مع اي موقف مفاجئ تتحط فيه
لان عقلك ببساطه هيستدعي رد الفعل المناسب من الحصيله اللي هيخزنها من متابعتك للموضوع ده ...

يلا بينا جاهزين

http://www.kazamiza.com/lopez/Rmad/47.gif

الموقف1

حضرتك ماشي علي الكورنيش مبسوط و منشكح اوي ...
و بتصفر لحن احدث اغاني مطرب الجيل... باصص للبحر و لسه ناوي تسرح في قصه حب رهيبه هي صحيح محصلتش لكن اكيد هتحصل
ولا هما يعني البنات انطسوا في نظرهم

فجأه سمعت بنت بتصرخ .. بتضرب بعينك _ و دي اقصي حاجه هتعرف تضرب بيها في الليله دي _
لقيت شاب زي الحيطه وشه ملغبط و مليان شلفطه تدل علي تاريخه المنيل ...
لقيت الشاب ده بيخطف شنطه البنيه و طالع يجري ناحيتك ...

و في فنتو ثانيه عقلك اشتغل ...
انا لو اتعرضت للثور ده ممكن اجيب الشنطه للبنيه .. بس طبعا هاخدلي بوكسين حلوين

ولا اعمل نفسي مش واخد بالي مانا برضه يمكن اخد البوكسين علي الفاضي و يبقي منابنيش غير شويه البن اللي هحطه تحت عيني

يا تري بقي يا بطل ... لو انت في الموقف ده هتعمل ايه ؟؟؟

وعايزين برده البنات تشاركنا برأيها

وتقولنا لو كانت مكان الرجل ده كانت عملت ايه ؟

يلا فكروا وردوا عليـــا

يارب الموضوع يعجبكم

ويارب تتابعـوه

http://www.kazamiza.com/lopez/lopez33/1.gif

لما

10-04-2009, 04:05 PM

انا عن نفسي عامل فيها بطل وروح اخد البكسين جبت الشنطه مجبتهاش مش دى المشكله المهم ان عرفت نفسي شجاع
:box:

olivia nader

10-04-2009, 04:14 PM

لو انا زي ما انا بنت و لقيت بنت بردو في الموقف ده
اكيد مش حقدر عليه بس قبل ما يقرب مني
حكون استنجدت باي حد عشان يساعدوا البنت دي

و لو انا ولد للاسف حاخدلي بوكسين و احاول اخد الشنطه منه
اكيد حتضرب لما اشبع من الثور ده
بس علي الاقل حشجع الناس اللي حوليه انهم يتدخلوا و يمسكوه
لان السلبيه و اني اقول مليش دعوه
اكيد حتشجع الكل انه يعمل زيي و نقف زي ما احنا

موضوع جميل اوي اوي
منتظره باقي المواقف

KAREEM

10-04-2009, 04:14 PM

بحييك على الموضوع الجميل والمفيد دا
وفعلا الشخص العاقل هو اللى يفكر فى
المواقف اللى ممكن يتعرض لها
ولو حصل كدا حيعمل ايه ؟؟؟
ولو حصل العكس يعمل ايه ؟؟؟؟
فعلا موضوع متميز وفكرة أكثر من رائعة !!!!

بالنسبة للموقف 1 :
فانا لازم استخدم ذكائى أى نعم مش زكى أوى
بس على أد دماغى حفكر انى استدم حركة من الحركات اللى حعملها لو اتثبت مثلا
يعنى ممكن اديله شنكل أوقعه والناس تتلم عليه دا الكورنيش
وحياخد العلقة التمام :box:
بس دا جتة وصعب الشنكلة عليه أوى
ففى حل أحسن انت ممكن تضربه ضربة بالشلوط فى منطة غلط بطنه مثلا
فمش حيعرف يستحمل طبعا وحيقعد يتألم أكتر من 5 دقايق
وبرضو الناس حيتحط عليه جامد جدا وألف مين يضرب !!!!:box:
منفعش لا دا ولا دا فمفيش غير الجرى
والجرى نص الجدعنة
حقول حرامى طبعا واجرى وألف مين يجرى وراه
( بس حتبقى مشكلة لو وقف لى:box: )

ALY ELSAYED

10-04-2009, 04:25 PM

الله ينور يا حوده

شغل جامد وفكره رائعه جدا

وانا لو في الموقف ده اسيبه يجري عليه

واروح مديله مقص اهبده

وساعتها بقي شكرا حيتفرم حيتفرم

او علي الاقل حيسيب الشنطه ويكمل جري

جزاك الله كل خير

Mahmoud Slem

10-04-2009, 05:23 PM

انا عن نفسي عامل فيها بطل وروح اخد البكسين جبت الشنطه مجبتهاش مش دى المشكله المهم ان عرفت نفسي شجاع
:box:

هههههههههههههه
لا طبعا
وايه الفايده انك تبقى شجاع بدون متعيقة
يعنى اعمل الحاجه علشان تنقذ غيرك مش علشان تظهر شجاعتك بس
شكرا على الحل ده

Mahmoud Slem

10-04-2009, 05:24 PM

لو انا زي ما انا بنت و لقيت بنت بردو في الموقف ده

اكيد مش حقدر عليه بس قبل ما يقرب مني
حكون استنجدت باي حد عشان يساعدوا البنت دي

و لو انا ولد للاسف حاخدلي بوكسين و احاول اخد الشنطه منه
اكيد حتضرب لما اشبع من الثور ده
بس علي الاقل حشجع الناس اللي حوليه انهم يتدخلوا و يمسكوه
لان السلبيه و اني اقول مليش دعوه
اكيد حتشجع الكل انه يعمل زيي و نقف زي ما احنا

موضوع جميل اوي اوي

منتظره باقي المواقف

وده راى برده جميل
وشكرا لحضرتك على تشريفك للموضوع
وان شاء الله تتابعى معانا باقى المواقف

Mahmoud Slem

10-04-2009, 05:27 PM

بحييك على الموضوع الجميل والمفيد دا

وفعلا الشخص العاقل هو اللى يفكر فى
المواقف اللى ممكن يتعرض لها
ولو حصل كدا حيعمل ايه ؟؟؟
ولو حصل العكس يعمل ايه ؟؟؟؟
فعلا موضوع متميز وفكرة أكثر من رائعة !!!!

بالنسبة للموقف 1 :
فانا لازم استخدم ذكائى أى نعم مش زكى أوى
بس على أد دماغى حفكر انى استدم حركة من الحركات اللى حعملها لو اتثبت مثلا
يعنى ممكن اديله شنكل أوقعه والناس تتلم عليه دا الكورنيش
وحياخد العلقة التمام :box:
بس دا جتة وصعب الشنكلة عليه أوى
ففى حل أحسن انت ممكن تضربه ضربة بالشلوط فى منطة غلط بطنه مثلا
فمش حيعرف يستحمل طبعا وحيقعد يتألم أكتر من 5 دقايق
وبرضو الناس حيتحط عليه جامد جدا وألف مين يضرب !!!!:box:
منفعش لا دا ولا دا فمفيش غير الجرى
والجرى نص الجدعنة
حقول حرامى طبعا واجرى وألف مين يجرى وراه

( بس حتبقى مشكلة لو وقف لى:box: )

ربنا يخليك يا كريم
ومنورنى

وده راى تانى خالص
وفعلا هيفيدنا فى حل بعض المشكلات اكيد حد مننا مر بموقف زى ده وحاول انه يحله
فاكيد هيقولنا طريقة
وهكذا
الله ينور يا شباب

Mahmoud Slem

10-04-2009, 05:29 PM

الله ينور يا حوده

شغل جامد وفكره رائعه جدا

وانا لو في الموقف ده اسيبه يجري عليه

واروح مديله مقص اهبده

وساعتها بقي شكرا حيتفرم حيتفرم

او علي الاقل حيسيب الشنطه ويكمل جري

جزاك الله كل خير

وعليك يا على
جزانى الله واياك كل خير

حلوه المقص دى يا على:box:

وبعدين الف من يضرب معاك
احنا اصلى شعب يحب الضرب
ههههههههههههههه
ربنا يخليك يا على وده راى تانى
وعايزن باقى الاراراء

mo_medya

10-04-2009, 05:55 PM

Mahmoud Slem

10-04-2009, 06:06 PM

الصراحة إن السيناريو المتوقع فى الحالة دى

إنى لو وقفت إتعرضت له علشان الشنطة
ممكن يأذينى
أو لو قدرت عليه وضربته
ووقع على الأرض
مش الناس اللى حتتلم وتضرب
مش بعيد يكون معاه حد تانى
لكن فى الزمن اللى إحنا فيه ده
كل واحد بيقول يلا نفسى
وبيحاول يحافظ على نفسه
ومش مشكلة أى حد تانى
طبعا دى الحقيقة
لأنى حدث أمامى موقف مشابه لذلك
لكنه غريب وأكاد لا أصدقه
أن بنت كانت ماشية فى الشارع مع أختها
وفجأة عاكسها شخص ما
وهو من بيئة المنطقة
فردت عليه البنت
فجرى ورائها فى الشارع بمطواة
على فكرة صاحبنا ده كان محشش
وجرى وراها
وطبعا ده إن دل فيدل على
عمار يا مصر

طبعا تصرفى فى الموقف اللى ذكرته فى الموضوع
إنى أساعدها إن شاء الله

ولكن الله أعلم وقتها
ماذا سيكون تصرفى؟

؟؟؟؟؟؟؟؟؟؟؟؟؟؟؟؟؟؟

رد واقعى جدا

ولكن احنا السلبيه دى هى اللى موديانا لورا
انا زى ما حضرتك زكرت كنت انا واتنين اصحابى كنا هنومت بسبب اننا بندافع عن بنت
من شويه بلطجية
بس ما دام انت بتعمل خير ومتاكد انه لوجه الله
اوعى تفكر فى لحظه انك هتبقى بتدافع عن عرض بنت او راجل عجوز لوحدك
تاكد تمام ان ربنا هيكون جبنك
وده عن يقين لانه حصل معانا ولولا ان ربنا وقف جنبنا وساعدنا اننا نتغلب على الناس دى
بعتلنا ما لا كنا نتوقع علشان يدافع معانا فى الوضع ده
يعنى عمل الخير ربنا ديما فيه
ايد ربنا بتكون فى ايد فاعل الخير
انا مبقولش تبقى متهور وانت بتدافع عن حد
ولكن فى مليون طريقه
انوى وابدا فى المساعده
فى النهاية احب اشكر حضرتك على الرد ده
وياريت ترد على ردى وتقولى رائيك

mo_medya

10-04-2009, 06:16 PM

رأئى أن كلامك صحيح
اللى عمل البلطجى أو الشخص البيئة
أو غيرهما
هو سلبية الناس
وقول الجميع
يالالالالالالالالالالا نفسى
فين زمان لما كان كطل مكان ليه كبير ومحدش يقدر يتخطى كلام الكبير
وكانوا بيقولوا اللى مالهوش كبير بيشترى له كبير
إنما دلوقتى كل واحد رئيس جمهورية نفسه
أفتقدنا الكبير اللى كان بيحل ويربط والناس كلها تكبر له
ولما تحصل مشكله كان يحلها
ولو حصل الموقف اللى ذكرته
ده زمان أيام الكبير
كانوا أ
هل الحتة مسكوه
وودوه على الكبير
والكبير يقول يتعمل معاه إيه؟

إنما طالما إنك قلت أنك فعلت هذا لله
فإنتظر الجزاء من الله

نفسى المجتمع اللى إحنا فيه يتغير
كل واحد فينا يحط نفسه مكان التانى
ونحب بعضنا أكيد وقتها الوضع كله حيتغير

وفقك الله

لما

10-04-2009, 06:47 PM

لا مش انو انا اترائه بالشجاعه ادام الناس انا اصدى ادام نفسى انا

KAREEM

10-04-2009, 07:05 PM

رد واقعى جدا

ولكن احنا السلبيه دى هى اللى موديانا لورا
انا زى ما حضرتك زكرت كنت انا واتنين اصحابى كنا هنومت بسبب اننا بندافع عن بنت
من شويه بلطجية
بس ما دام انت بتعمل خير ومتاكد انه لوجه الله
اوعى تفكر فى لحظه انك هتبقى بتدافع عن عرض بنت او راجل عجوز لوحدك
تاكد تمام ان ربنا هيكون جبنك
وده عن يقين لانه حصل معانا ولولا ان ربنا وقف جنبنا وساعدنا اننا نتغلب على الناس دى
بعتلنا ما لا كنا نتوقع علشان يدافع معانا فى الوضع ده
يعنى عمل الخير ربنا ديما فيه
ايد ربنا بتكون فى ايد فاعل الخير
انا مبقولش تبقى متهور وانت بتدافع عن حد
ولكن فى مليون طريقه
انوى وابدا فى المساعده
فى النهاية احب اشكر حضرتك على الرد ده
وياريت ترد على ردى وتقولى رائيك

ارفع للحق راية يأتيك أهله ,,,,,,,
خطبة الأسبوع على منبر المنتدى
( بايجابيتك تحى أمتك وبالسلبية نهلك جميعا )
http://www.mesa7a.com/forum/showthread.php?t=5086&page=50
أسأل الله أن ينفعنا وينفعكم بهذا الحديث المتواضع منى
ويتقبل الله منا ومنكم ان شاء الله

Mahmoud Slem

10-04-2009, 08:22 PM

الله ينور يا كريم
شغلك جميل

الورده البيضاء

10-04-2009, 08:59 PM

موضوع رائع جدا يابشمهندس وفكرتة جميلة
تسلم افكارك
بس للاسف
انا مهما حطيت نفسى مكان شاب مش هقدر اتوقع انا ممكن اعمل اية لانى اصلا بنت
بس انا عن نفسى اكيد لو شوفت واحد فى بنت محتاجة مساعدتة وقال مليش دعوة
وعمل نفسة مش واخد بالة اكيد هيقل من نظر اى حد شايفة
اعتبر ان البنت دى اختك
هل هتقعد واقف تتفرج على الحرامى ومش هتتحرك؟
ولا هتجرى وراة وتحاول تستعيد شنطة اختك؟
اعتبرها اختك
وزى مانت هتوقف مع غيرك هتلاقى اللى يوقف مع اختك فى وقت زنقة
اسفة على الاطالة فى الرد
الف شكر لفتح المجال للمناقشة

Mahmoud Slem

10-04-2009, 09:05 PM

شكرا لحضرتك
على المشاركة
وفعلا لو كل واحد حط نفسة هو اللى فى الموقف ده هيعمل ايه
شكرا جدا لحضرتك

Mahmoud Slem

10-04-2009, 09:07 PM

الموقف رقم 2

كنت قاعد زهقان ف اوضتك طقت فدماغك انك تخرج تغير جو
تمااام
و انت ماااشي بقى ف امان الله
ف الجنينه او ف مول او ف ايتها حته بقى دا مش موضوعنا
فجأة لاقيت 100 جنيه مرمية ع الارض
و قعت من حد و هو مااشي
قوولوولي بقى لو انتو ف الموقف دا هتعملوا ايه يا حلوين
هتاخدوا الميه جنيه و لا هتسيبوها مكانها
بس ردوا بكل صراحة و موضوعيه
مش عايز اي تزويق ف الكلام
اتفقنا
يلا مستني ردوودكم الحلووة

http://www.kazamiza.com/vb/images/smilies/picnew/bye1.gif

GooD_DrSh

10-04-2009, 10:51 PM

lolaa fahmy

10-04-2009, 11:30 PM

Mahmoud Slem

10-05-2009, 12:02 AM

والله انا كان نفسى اشارك ف الموقف الاول بس ملحقتوووش مش مشكله

نرد بقى عالموقف التانى
لو شفتها وهى بتقع من الراجل كدا يبقى اسمها سرقه ف لازم اروح اوديهاله ..
أماا لو لقتها ومافيش حد اخد باله منها .. هاخدها واقف ف نفس المكان حسبة نص ساعه كدا لو مافيش حد سالنى عليها خلاااص بقى هتبرع بجزء منها والباقى طبعا صحابى مش هيسبونى ف هعزمهم بالباقى كله

بس بصراحه توبيك روووعه

ThanX

شكرا ليك يا درش على الرد الجميل ده
بس ليا تحفظ عليك
لو لقيت فعلا الفلوس وقفت نص ساعة
ساعة
ولا حتى 10 دقايق

مش تحط نصها فى المسجد والباقى تصرفة
اصلا المسجد يقبل حاجه زى دى لو مر عليها وقت
يعنى ايام الرسول عليه الصلاه والسلام
مش فاكر القصه بالظبط
ولكن برده كانت حاجه واقعه فالارض
ومش عارف مين لاقها
فرسول الله قاله تسال عليها كل من فى المنطقة المجاوره
وازم تفضل معاه لمده عام كامل
وان لم يظهر لها صاحب
ممكن انك تتصرف ما شاء
انا مش متاكده من مين بالظبط هو صاحب الروايه
وانا مش بقولك خليها معاك سنه
ولكن ممكن تشيل عنك المسؤلية
وتديها لاقرب قسم شرطة
علشان انت متاخدش وزرها
او تديها لاقرب محل او حد مقيم فى المكان اللى لاقتها فيه
علشان هو يتكفل بالموضوع ده

ولكن شكرا ليك على المشاركة
وتابع معانا باقى المواقف

Mahmoud Slem

10-05-2009, 12:13 AM

موضوع جميل جدا ومواقف بتحصل فعلا

الموقف الثاني ده حصلي فعلا

كنت في محطة ترام سيدي جابر ولقيت 200جنيه والغريبه مكانش فيه غير 4 ستات علي المحطه

اخدتها وفضلت واقفه نص ساعه كده ومستنيه حد يجي يسال محدش جه فاخدتها البيت وقلت لماما قالتلي واديها للجامع كلها

عشان المفروض مكنتش اخدها هيا قالتلي ان ده حرام بس انا بجد مكنتش اعرف ووديتها فعلا للجامع

دلوقتي بعد لما عرفت ان ده حرام اصلا لو لقيت ذهب مش هاخده لانه مش من حقي

شكرا لحضرتك جدا ويارب تتابعى معانا باقى المواقف
انا رديت فى الرد السابق
بس عايز اضيف حاجه
متقوليش مش هاخد فلوش تاينى مرمية فى الارض
ده انتى ممكن تنقذى الفلوس دى بدل ما تقع فى ايد حد مش امين
وترجع لصاحبها
اللى ممكن تكون حياته متوقفه على الفلوس دى
ولو خايفة من المسؤليه
تروحى توديها لافرب قسم شرطة
وعلى فكره مش هيستهزؤ بيكى
والله بيحبوا الامانه جدا
او تديها لاى حد مقيم قرب من المكان اللى لاقيتى فيها الفلوس
علشان تبعدى المسؤلية عنك
فى النهاية
جزاكى الله كل خير على عمل الخير

ALY ELSAYED

10-06-2009, 04:50 AM

الله ينور يا حوده

بس الموقف التاني علي حسب المكان الي وقعت فيه الفلوس

يعني لو ماكن واسع ومفهوش حركه لازم اسئل علي صاحبها

لانه لو رجع دور عليها حيلاقيها

لكن لو في مكان زحمه اوي وناس رايحه وجايه وبيدوسو عليها

لو رجع صحبها دور مش حيفتكر مكنها خاااااااااالص

في الحاله دي احاول ادور علي صحبها ملقتوش حاخدها

واطلع نصها لله وحلال عليا النص التاني

جزاك الله كل خير

ساره مجدى

10-07-2009, 11:41 AM

فكره الموضوع حلوه اوى يا محمود وفعلا استفدت من الردود الكتير الجميله الى قرتها
وبالنسبه للموقف الأول
وان عن نفسى لو اتعرضت للموقف ده ححاول اساعدها والى يحصل يحصل
محدش بيحصلو اكتر من الى مكتبلوه وبعدين مادام مبعملش حاجه حرام
خلاص يبقى اكيد ربنا معايا يبقى اخاف من ايه

-

Mahmoud Slem

10-07-2009, 09:21 PM

شكرا ليكم يا شباب
منورين التوبيك وان شاء الله
هنزلكم
المواقف التاليه
انتظرونا

KAREEM

10-09-2009, 01:46 AM

ايدا الموقف التانى نزل
وانا مش واخد بالى
يانهار أبيض

رد فعلى يا سيدى حيكون فعلازى محقولك بأمانة :

انا وانا بوطى اخد المياية حكون بنادى ع الشخص اللى وقت منه الفلوس
يكون هو رجع وكون انا لسه طاله بالمياية من الارض
واقوله اتفضل دى وقعت من حضرتك
وشكرا
ومستنين المواقف اللى جاية يا باشا

ايات يوسف

10-09-2009, 07:36 PM

حلوة اوي فكرة موضوعك يا محمد
انا لو لقيت 100 جنيه وقعت من حد وادامي اكيد هخدها واديها للوقعت منه
وفي حاله لو معلرفش وقعت من مين اخدها بقي ليا
ياااااما وقعت مني فلوس وملقتهاش

Mahmoud Slem

10-09-2009, 08:07 PM

هههههههههههههههههههه

يعنى اى حد لاقى فلوس ومش لاقى ليها صاحب
ياخدها طبعا غلط
وانا رديت فى اول الموقف

بس طريقتك جميله اوى يا كريم فى العرض
بس مش بالسهوله الى انت حليت بيها
انت مش هتلاقى صاحبها هتعمل ايه بقى

Mahmoud Slem

10-09-2009, 08:10 PM

الموقف3

سيادتك راجع من شغلك تعبان و طالع عينك,
وبتفكر انك عايز بسرعه تروح البيت عشان تلحق تتغدي و تناملك ساعتين عشان هتنزل باليل مع منى و مامتها تجيبوا شويه حاجات الشقه محتاجاها

و رغم الحر و مديرك اللي معكنن عليك في الشغل انما حاسس انك مبسوط ان ميعاد جوازكم قرب كلها اقل من شهر .

و انت ماشي سرحان و بتتخيل هتقدوا شهر العسل فين لقيت اللي وقف متنح قدامك و بعلو صوت

" مصطفي ... واحشني يا ندل "

ده حسين زميلك في ثانوي و اللي مبقتش تشوفه كتير عشان اختلاف مجال الدراسه

و بعد السلامات و الذي منه طبعا لازم تبلغه الخبر السعيد

" مش انا خلاص هتجوز يا واد "
" يا راجل ... الفين مبروك ... و ده بقي حب من ايام الجامعه ولا عرفتها من الشغل "
" لا .. الحقيقه هي جارتنا ... علي فكره دي نفس تخصصك و المفروض نفس دفعتك كمان"
" صحيح ؟؟... عموما احنا دفعتنا صغيره و كلنا عارفين بعض ... اسمها ايه ؟ "
" رشا **** .... "

عمك حسين سكت شويه ... و بعدين رجع اتاكد من الاسم ... و بان زي ما يكون مش مبسوط

" ايه يا حسين قفشت فجأه كده ليه "
" بص يا مصطفي احنا في يوم من الايام كنا صحاب جدا و برغم ان اللي هقولهولك يمكن يضايقك مني بس الصداقه ..

قاطعته انت بنرفزه ... " لخص يا حسين .. في ايه "

وحكى طبعا وياريته ما حكى

واقف في بيت خطيبتك اللي كلها كام يوم و تبقي زوجتك ... بتحاول تكون هادي و حاطط احتمال اخير ان حسين يكون كداب

دخلت هي فرحانه بيك و لسه هتسألك ايه اللي جابك بدري كده علي غير ميعاد

سالتها بشكل مباشر ... " ليه مقلتليش انك كنتي مرتبطه ايام الكليه "

بلمت هي شويه و بعدين لقيت ملوش معني انها تسالك عرفت منين ...

كملت انت بعد ما اتاكدت ان اللي عرفته صحيح .. " كنتي مرتبطه بزميل ليكي من تاني سنه في الدراسه و لحد قبل التخرج .. قصه حبكم كانت قويه لدرجه الدفعه كلها عارفاها "

اخير ابتدت تنطق " مصطفي .. الموضوع كان حب مراهقه ... و مكنش زي ما انت متخيل ... و ماما كانت عارفه بالموضوع ... انا معملتش حاجه غلط ... دفعتنا صغيره عشان كده طبيعي الحاجات دي تتعرف علي مستوي الدفعه مش علشان هي كانت قصه زي اللي في دماغك"

" و ليه مقولتليش ..." دي منك طبعا

" لان الموضوع انتهي و نسيته خلاص يا مصطفي ... صدقني يا مصطفي كل حاجه كانت في النور و ماما كانت عارفه من اول يوم"

سكت انت خالص و ابتدي عقلك يوقع في الحيره

" اصدقها ... كلنا حبينا قبل كده .. و بعدين بتقول مامتها كانت عارفه "
" و لو كانت القصه زي ما هي بتقول ليه خافت تقولك .. و تصدق منين ان مامتها كانت عارفه .. مهي ممكن تكون بتكدب عليك ... و طبعا امها مش هتبوز الجوازه علي حاجه زي دي حتي عشان خاطر سمعة بتها "

" لا بس حتي لو مكانتش مامتها عارفه ... انا واتق في رشا .. ما احنا جيران من زمان و مخطوبين بقالنا سنتين .. لو مكنتش بنت كويسه كنت حسيت "
" و ليه متقولش انها بقت كويسه بعد ما انكسر قلبها .. تضمن منين انها مش فاكراه .. و انها بس بتتجوزك كده من باب انه لازم تتجوز

قولي بقي يا بطل .. لو انت مكان مصطفي و عرفت بالموضوع ده صدفه كده قبل الجواز .. هتمم الزواج ولا هترفض .. و ليه هترفض ؟

اما حضرتك بقى فلو اكتشفتي ان خطيبك كان عايش قصه حب جميله طول فترة الدراسه .. و برضه اكتشفتي ده صدفه و قبل الجواز ... هتممي الزواج .. ولا هترفضي

مستنى كل واحد يجاوب بس كانه هو اللى فى الموقف
ويكون جواب عقلانى

شكرا ليكم

olivia nader

10-09-2009, 11:32 PM

ممممممممم
موضوع محير
بس اولا مفيش شاب محبش و ارتبط قبل كده
فلازم انا حكون ملتمسه العذر ده

تاني حاجه انه يكون مخبي عليه
لو انا مسالتوش انت كنت مرتبط ولا لا
يبقي الغلط عندي انا
و مش من حقي اتكلم

اما لو سالته و جاوبني لا
و بعد كده اكتشفت انه ارتبط وحب واحده

اكيد حاخد موقف منه انه خبي عليه
و اكيد حعاتبه
بس معتقدش ابدا اني اوقف الجوازه بسبب حاجه زي دي
لان حتبقي دماغي صغيره اوي

لازم التمس له العذر
يمكن مقاليش لانه اعتبر ان دي نقطه وخلصت من حياته
و مش عايز يفتكرها لانه مبسوط معايا

و ممكن مقاليش لانه مش عايز حاجه زي دي تخليني اتضايق

بس اكيد مش حبوظ الجواز بسبب حاجه زي دي
كفايه اني افهمه اني محبش انه يخبي عني اي حاجه
حتي لو حتضايقني و بس

طولت اوي صح
:D:D:D:D:D
معلش
و موقف جامد اوي

KAREEM

10-09-2009, 11:39 PM

بس طريقتك جميله اوى يا كريم فى العرض
بس مش بالسهوله الى انت حليت بيها
انت مش هتلاقى صاحبها هتعمل ايه بقى
[/CENTER][/QUOTE]

يعنى مثلا لقيت فلوس فى مواصلات
اديها للسواق وهو يتصرف
وبكدا يبقى أنا أخليت مسئوليتى
زى ما انت قلت قبل كدا
لو مثلا فى جامع احطها فى الصندوق او اديها لخادم المسجد
وبرضو هو المسئول
ولو فى أى ماكن اديه لأهل المكان
ولو لقيتها فى الشارع برضو لازم يكون مصيرها الخير
تبرع لاى حد اعرفه او اى حد غلبان
بس عمرى محرضاها تخش جيبى
ولا حاجة منها تخش من بطنى
عشان زى ما قال حبيبى النبى عليه الصلاة والسلام
( كل جسم غذى من حرام فالنار أولى به )
شكرا جزيلا ليك ع المواقف الروعة
اللى الواحد بيستفاد منها فعلا
وحرد ع الموقف التالت لما اقراه

farida

10-09-2009, 11:43 PM

tobik hayal ya ma7mod

ana law makanha kont 7asali 2l 2awal 2sta5ara

7ata law ana waska fih bas allah a3lam

w 2akid 2li fih 2l 5ir y2adimo rabina

bas ba3d 2iznak ya ma7moud kont 3ayza 2sa77 ma3loma

fi 2l mawkif 2l tani 2asli 2arit kolo mara wa7da

whia 2nk 2ol 2ol 2ayam 2l rasol kant bto3od 2l 7aga sana dah ta2riban 5alat

w hia bto3d 3 ayam bas wallah a3lam

t2bal mrori

farida

10-09-2009, 11:44 PM

w 3agibni gidan ra2y olivia wana 2asdi kida

Mahmoud Slem

10-10-2009, 03:39 AM

ممممممممم

موضوع محير
بس اولا مفيش شاب محبش و ارتبط قبل كده
فلازم انا حكون ملتمسه العذر ده

تاني حاجه انه يكون مخبي عليه
لو انا مسالتوش انت كنت مرتبط ولا لا
يبقي الغلط عندي انا
و مش من حقي اتكلم

اما لو سالته و جاوبني لا
و بعد كده اكتشفت انه ارتبط وحب واحده

اكيد حاخد موقف منه انه خبي عليه
و اكيد حعاتبه
بس معتقدش ابدا اني اوقف الجوازه بسبب حاجه زي دي
لان حتبقي دماغي صغيره اوي

لازم التمس له العذر
يمكن مقاليش لانه اعتبر ان دي نقطه وخلصت من حياته
و مش عايز يفتكرها لانه مبسوط معايا

و ممكن مقاليش لانه مش عايز حاجه زي دي تخليني اتضايق

بس اكيد مش حبوظ الجواز بسبب حاجه زي دي
كفايه اني افهمه اني محبش انه يخبي عني اي حاجه
حتي لو حتضايقني و بس

طولت اوي صح
:D:D:D:D:D
معلش
و موقف جامد اوي

بجد راى مقنع وحكيم جدا
لانه موضوع يحتاج لتفكير مش اى كلام
بجد الله ينور عليكى

ها عايزين اراء تانية

spider girl

10-10-2009, 08:00 PM

الموقف صعب اوى على فكرة
يعنى انا اكيد هتضايق علشان خبى عنى
لكن فعلا مش هبوظ الجوازة علشان حب قبلى
طب مهو ده عادى اكيد فكر فى وحده قبل كده
سواء حب مراهقه باه او حب فعلا وبعد كده اكتشف انه
مجرد تعود مش حب وده بيحصل كتير على فكرة

بس اكيد لو انا سئلته وكدب هزعل جدا
وساعتها هيكون فى عتاب بس مش ابوظ حياتى علشان
حاجه عدت وهوه نساها واخليها تاثر على حياتنا

بس شكرا على الموضوع ده
جزاك الله كل خير

lolaa fahmy

10-10-2009, 09:55 PM

انا رايي من راي اوليفيا مش هزود كتير لان رايها عقلاني جدا

وفيه جمله بتقول(المرأه تحب ان تكون اخر من يدخل قلب الرجل ؛والرجل يحب ان يكون اول من يملك قلب المرأ)

واعتقد انه هو مش مسئول انه يبرر افعاله اللي عملها قبل ما يعرفني انا في الفتره دي مكنتش موجوده

بس طبعا اعرفه غلطه انه خبي عليه وكده يعني اعمل موقف قدامه لكن مش هكون زعلانه لانها حاجه انتهت.
معلش طولت عليكم

ياريت نعرف رايك كرجل لو اتحطيت في الموقف ده ؟؟؟

ALY ELSAYED

10-11-2009, 03:48 AM

بجد يا حوده الموقف صعب جدا

وحيكون صعب للراجل اكتر من البنت

وعشان كده موضوع زي ده ممكن يترتب عليه حاجات كتير

وحقيقي مش عارف حيكون رد فعلي ازاي

جزاك الله كل خير

Ahmed Slem

10-11-2009, 01:05 PM

امال اذ
اولا مشكور علي الموضوع الجميل ده و صح ممكن يقع و الماقف المنيله بنيله دي بس انا عن نفسي ممكن اعمل اي حاجه حتي ازغزه و اجري بس لو اخدت البوكسين البنت حتحس ان عنتر دافع عنها حتي لو عملت اني هضربه بس طبعا بعد ما يجري هههههههههههههههههههههههههههه الحقيقه لازه الشهامه تبان في المواقف دي
اي المصري شهم لو ما و قفش في الماقف اللي ذي دي و بعدين يعتبرها والدته او اخته او قريبته
انا عن نفسي هحاول حتي لو اتاذيت و هو ده اللي بيفرضوا علينا دينا و ثقافتنا

Mahmoud Slem

10-11-2009, 11:55 PM

شكرا ليكم جميعا منورين التوبيك

انتظروا الموقف الجديد

Ahmed Slem

10-12-2009, 12:04 AM

انا اولا :confused:
بشكرك علي الموقف ده
ثانيا :embaressed_smile:
مادام انها كانت صريحه معايا اذا مش هخاف انها تكون بتكدب
عليا في اي حاجه
ثالثا :11rob:
صاحبي ده عايز يبوز الجوازه
و كفايه انها ما كملتش معاه و اخترتني انا بدلا منه
كل ده يبرهن علي حبها ليا و انها نسيت قصه حبها معاه

KAREEM

10-12-2009, 12:04 AM

فى الانتظار ياريس
واعذرنى انى مجوبتش
على الموقف التالت
ودا لانه فعلا صعب جدا
وصعب انى اكمل فى حالة زى دى
بس اللى انا اعرفه حاجة واحدة بس
ان الواحد لما بيتقى ربنا قبل جوازه
ربنا بيرزقه بواحدة برضو كانت متقية ربنا
ولو هو معملش اى علباقة اكيد
ربنا حيرزقه بواحدة ملهاش علاقة
قبل كدا (( الطيبات للطيبين الطيبون للطيبات ))
وشكر ليك ع الموضوع الجامد جدا دا

Mahmoud Slem

10-14-2009, 07:18 PM

الموقف "4"

واقف قدام المرايا تصفر لحن قديم لـ " أم كلثوم " و انت بتعدل تسريحه شعرك للمره الـ 18 تقريبا ... و بعد ما اتاكدت ان مش هينفع يتعدل اكتر من كده خلاص ابتديت تراجع باقي حاجاتك و تشوف الفلوس في المحفظه ... من باب الاحتياط برضه نحط جزء منهم في حته تانيه لحسن تتسرق ولا حاجه يبقي منظرك ايه قدام خطيبتك بس

بعدين اخدت بالك ان كده هتفضل تطلع الفلوس من كذا حته و انت بتحاسب و هيبقي شكلك زي اللي سالف تمن العزومه .. لا يا عم خليهم في حته واحده ارحم ..

رشه برفان علي الماشي ... صحيح انت لسه مستحمي و زي الفل بس ميضرش ...

النهارده ناوي تكلمها في موضوع مهم و حيوي بالنسبه لك ... اغلب الظن هي مش هتعارض ... اكيد مش هتعارض ... ليه يعني تعارض ... انزل يا راجل و انت مطمن ال تعارض ال

قاعدين في الكافيه اخر انسجام و الجو هادي و درجه الحراره مناسبه لكافه عمليات الصيد و الملاحه

قلت مفيش بقي انسب من ده وقت .. سالتها بلهجة اللي بيتكلم في موضوع روتيني " هو انتي قدمتي استقالتك ولا هتستني لحد قبل الجواز "

البنت اتلغبطت شويه و بعدين قالت لنفسها غالبا هو دخل مواضيع في بعضها فحاولت تفهم منك " أستقاله ايه ؟؟"

" استقالتك من الشغل طبعا ... "

" و مين قال اني هستقيل من الشغل "

"و ليه لا ؟؟ ... احنا مش محتاجين شغلك في حاجه انتي عارفه ان مرتبي كبير الحمد لله و يكفي اننا نعيش في مستوي مرتاح .."

" مش موضوع فلوس .. انت عارف اني قطعت شوط كبير في شغلي .. انت عارف اني مرشحه امسك نائب فرع الشركه هنا .. عارف المركز ده في سني ده يعني ايه .. عارف كمان 3 او 5 سنين بس ممكن اكون وصلت لايه ؟"

" مهما كان اللي هتوصليله ... المفروض ان البيت و الاولاد و الزوج هما اهم حاجه عندك و بعدهم كل حاجه"

" و مين قال اني حاطه اي حاجه قبلهم ... انت مش المهم ترجع من شغلك تلاقي كل حاجه مزبوطه و الاكل جاهز و كل في التمام"

" لو الجواز اني ارجع الاقي الاكل جاهز و البيت مترتب يبقي افضل في بيت امي و هي افضل واحده بتقوم بالدور ده"

" يعني انت عايزيني اقعد بين 4 حيطان مش اقل من 10 ساعات يوميا لحد ما ترجعلي من الشغل شايل كيس الفاكهة اخدوا منك و انا بشخط في العيال ... انت عارف احنا في سنه كام"

" افهم من كده انك مصممه متسبيش شغلك" http://www.mesa7a.com/forum/images/ehdaa_smilies/eh_s(5).gif

" مش هسيب كل مجهودي ده خصوصا و انا اقدر اوفق بين البيت و الشغل "

المره دي مش هستني لما الامور تتعقد زي كل مشكله و يوصولوا لمرحله قلع الدبل

انا عايزك يا بطل تقولي ... لو دي خطيبتك .. ووصلت لمركز جيد في عملها .. بس برضوا انتوا مش محتاجين عملها ماديا ... هتصمم علي انها تسيب الشغل .. طب لو هي رفضت ممكن الموضوع يوصل لحد فين .. هل ممكن تسيبها مثلا لسبب زي ده

وحضرتك ... لو انتي مكان بطلة مشكلتنا ... ممكن تسيبي شغلك بعد ما وصلتي للمرحله دي لمجرد ان خطيبك مرتاح ماديا ... و لو هترفضي .. ممكن رفضك ده يوصل لدرجه انك تفضي الجوازه اذا هو صمم علي رايه

يلا شباب عايز لوكلوك في المشكله دي
عايز اعرف رأيكم ....

Mahmoud Slem

10-14-2009, 07:19 PM

انا مش عارف اشكركم ازاى على متابعة المواقف ازاى
والردود الجميله دى
شكرا ليكم جميعا
ودلوقتى الموقف الرابع فى الاعلى
ياريت اعرف يه رئيكم

farida

10-14-2009, 07:45 PM

هو بصراحة موقف بيحصل كتير الايام ديه

بس هي حاجة من دول

لو الدخل قليل يبقي اكيد هشتغل و هو مش هيمانع

بس لو دخله كبير وعايزني اسيب الشغل

هحاول كتيرجداااااااا وازن اني اقنعه باني اقدر اوفق بين الشغل و البيت

بس لو مصمم و معاه طبعا ادلة مقنعة مش لا و خلاص

يبقي حسيبه بس متهيالي لو هو بيحبها بجد يسيبها تشتغل

ميرسي ليك يا محمود

خالد أبوسعده

10-14-2009, 08:20 PM

الصراحه انا مش عاجبنى اسلوب الحوار دا

لانهم لو فعلا بيحبوا بعض عمر الحوار ما حيتطور بالشكل دا

بس ابسط حاجة لو اموضوع وصل لكدا

حيبقى كلمتين

خليكى فى شعلك

بس اى تاثير فى البيت فى تاديه واجبها مع الولاد و مع جوزها

حتسيبيه

و يبقى اتفاق من الاول مهما كان مركزها ساعتها

و تمام اوى كدا

Ahmed Slem

10-14-2009, 09:00 PM

اولا انت مشكور علي
المواقف الرائعه و الصعبه في نفس الوقت
الموقف ده صعب بس انا مش مع ان المراه تشتغل ده مش علشان اي سبب معين
و لكن لو انا مهيئ لها كل حاجه
و هي مش محتاجه حاجه يبقي مفسش داعي للشغل
لكن لو هي هتعرف تنظم نفسها بحيث اني ما احسش انها بتشتغل يعني شايفه شغل البيت كويس
و اسيبها شغاله لحد ما تزهق
لكن انا برضه مش مع ان المراه تشتغل
و انت مشكور مره تانيه
و نطلب منك المزيد من المواقف المحرجه و الصعبه دي
:1:

KAREEM

10-14-2009, 09:03 PM

بصراحة انا لو اتحطيت فى الموقف دا
للأسف حبقى متشدد أوى لانى مش مأيد
ان مراتى تشتغل حتى لو كانت وزيرة
ايه اللى يخلينى ابهدل مراتى فى مواصلات وقرف
غير التحرش والحاجات الالى بسمع عنها
غير ان أصلا ربنا خلق الست ليها وظيفة سامية
أوى وهى تربية الاولاد ميقدرش عليها أى راجل
ومهما كان عمر ما الست حتوفق بين شغلها
وبيتها حتى لو بتشتغل 4 ساعات
بس لو خطيبتى فى احلة دى قالت لى سبب واحد مقنع
انها تشتغل غير انها تحقق ذاتها والكام دا كله لان رأيى الشخصى
ان كيان المرأة الحقيقى يبان فى البيت فى نجاحها فى المحافظة
على بيتها ونظافته وزوجها وعيالها فى المستقبل ان شاء الله
يعنى مثلا ممكن أوافق فى حالة واحدة بس انها تشتغل
انها بمجرد ما ربنا يرزقنا بالاولاد تسيب شغلها
وتكون مقتنعة بكدا بارادتها انها تتفرغ لعيالها
لانى أظن سعادة اى بنت انهات تلاقى عيالها أحسن منها
وانجح منها حتى عشان يحققوا اللى هى كانت عايزة تحققه وهو دا نجاحها الحقيقى
بس المبأ من أوله أنا رافضه وغالبا انا لما اخطب واكون مقتدر ان شاء الله
أكييييييييييد حيكون شرطى الأساسى وأنا بقرأ الفاتحة انها متشتغلش او تسيب الشغل
بمجرد الجواز والدخول فى الجد وهو دا موقفى ياباشا يابرنس ياملك المواقف الجامدة فعلا
جزاك الله خير على المواقف الحية من واقعنا اليوم فعلا واللى اكيد حنتعرض لها

olivia nader

10-15-2009, 12:24 AM

لالالالالالا
يارب مكونش اتاخرت في الرد علي الموقف ده
لانه مهم جداااااااااا
اكيد طبعا لو خطيبي قالي الكلام بالطريقه دي
انا حضحك لسبب
انه تناسي شخصيتي خالص
لدرجه انه بيسالني علي حاجه تخصني
هو قررها من نفسه

اما بقي حعمل ايه فاكيد اني ححاول اقنعه بكل وسائل الاقناع المتاحه
و مش عشان اني احقق ذاتي بس
(مع انها حاجه مهمه)
عشان غالبا للاسف الست اللي بتعد في البيت بعد الزواج
بيحصل لها نوع من الاكتئاب البسيط
الشغل مش عشان انها تساعد في البيت
او عشان تثبت ذاتها
ده عامل مهم اوي في حياه اي حد راجل او ست
انه يحس ان في سبب يخليه ينزل و يشوف الدنيا كل يوم
ميبقاش محبوس و يحس بضغط نفسي
كمان الست اللي بتنزل كل يوم
من وجهه نظري انه بيجدد دايما روح الحياه بين الراجل و زوجته
لان للاسف بعد فتره بيحصل نوع من الملل في حياتهم
لكن لما ينزلوا همه الاتنين كل يوم
و يشوفوا ناس كتير
بيخليهم يجددوا الوجوه الي بشوفوها كل يوم

لان حتي لما بيجيبوا في الافلام راجل زهقان من البيت
بيجيبوا للاسف ان زوجته اعده في البيت
مشغوله بمشاكل العيال و البيت و الاكل

و هو غالبا يلفت نظره واحده تانيه تكون عامله زيه
الست قويه جدا و تقدر انها تلبي مسئوليات اكتر من حاجه

و انا ساعتها ححاول اني اقنعه بكل الكلام اللي وجعتلكوا دماغكوا بيه ده
:D:D:D:D
و حخليه يسيبني اجرب حتي سنه واحده بعد الزواج
عشان نكون بمراحل كتير في حياتنا
لو لقاني اني قصرت في حاجه
يبقي من حقه اني اسيبه و مش حعترض ساعتها

اسسسسسسسسسسسسسفه
بطول اوي
بس حبيت ابينلكوا محاسن عمل المراه
:):):)

ايات يوسف

10-17-2009, 07:29 PM

بص انا اتحطيت في الموقف ده بس مع اختلاف في التفاصيل
ان انا اتخطبت وانا في اخر سنه يعني كنت لسه ما شتغلتش
وهو الحمد الله مش محتاج اني اساعده ولاني مش محبذا الشغل
اوي ولسه مالقتش شغل اصلا وافقت علي طلبه
بس لو انا بشتغل من الاول ووصلت لمكانه كويسه واتعودت علي الشغل وبقي
جزء مهم من حياتي صعب جدا ابطل شغل عشان هو عايز كده
اما لو بعد الجواز مقدرتش اوفق بين الابيت والشغل يبقي هو عنده حق
وكمان انا هعيش في بلد تانيه غير بلدي فكده كده ما فيش شغل
وبشكرررررررررررك

lolaa fahmy

10-17-2009, 08:48 PM

Mahmoud Slem

10-18-2009, 01:42 AM

موقف محير فعلا

بس اعتقد لا لو مكانتي عاليا في شغلي مقدرش اضحي باللي وصلته عشان اي حد

وبعدين هو يهمه ايه غير اني ابقي محافظه علي كرامته وكل احتياجات بيته لو في يوم حصل خلل بسبب الشغل ده

يبقي اكيد هسيبه فورا واتحمل مسؤلية الخطاء

وبعدين كل الكلام ده نظري يعني انا مش متاكده اني لو عيشت الموقف فعلا وظروفي ساعتها هتوجهني ازاي يعني ممكن اوافق اني اسيب الشغل اصل اللي بيتفرج علي الموقف غير اللي عايش فيه؟؟؟
وطبعا اكيد شخصية اللي قدامي وثقافة واسلوبه في التعامل هتساعدني علي اتخاذ الرأي المناسب

موقف صعب جدا علي فكره
شكرا واسفه للاطاله

انا بعترض مع حضرتك فى وجهه نظرك
ولكن الاختلاف فى الراى لا يفسد للود قضيه
مينفعش ان حضرتك تسيبى زوجك او الشخص اللى بتحبيه علشان موقف زى ده
وممكن انك توصليله الفكره ب100 طريقه
او تدخلى حد كبير
مفيش امور بتتاخد كده
وممكن زى ما قلتى الثقافة والموقف لما يتعاش غير لما يتحكى
بشكر حضرتك جدا

Mahmoud Slem

10-18-2009, 01:43 AM

انا بشكر الجميع على الارادء الجميله دى
ودلوقتى مع الموقف الجديد

Mahmoud Slem

10-18-2009, 01:45 AM

الموقـف " 5 "

مالك يا ماما شايفك زعلانه و مضايقه في ايه

بصراحة بقى يا احمد انا كبرت و عايزة اشوف ولادك قبل م اموت و انت لسه مش عاوز تجوز

بعد الشر عليكي يا ست الكل بس انا موضوع الجواز دا مش فدماغي دلوقتي و بصراحه لسه مش لاقيت البنت الي تشدني و احبها

انا بقى حاطة عيني على بنت انا متؤكدة اني اول م هقول اسمها هتوافق على طول

مين دي بقى

مي بنت الست ناهد جارتنا

مي مين و ناهد مي يا ماما بس انا مش موافق طبعا

و مش موافق ليه بقى اهي دي بنت كويسة و مش فيها حاجة تتعاب حلوة و متعلمه و مثقفه و الاهم انها مؤدبه جداا و اي حد يتمناها

ايوة يا ماما هي حلوة و مؤدبة و كل حاجة بس انا مش بحبها مش هي دي الي بحلم بيها طول عمري

بلا حب بقى بلا وجع دماغ عموما انا اتفقت مع امها و عزمتهم يوم الخميس ع العشا

نعم انتي عزمتيهم كمان د انتي مظبطه كل حاجة بقى انتي بتقوليلي بس من باب العلم بالشيء

طبعا خلص الحوار على كدة ما بين احمد ووالدته
السؤال بقى هنا
لو اتحطيت فموقف زي دا هتتصرف ازاي
تحب يعني تجوز بالطريقه التقليديه دي
تدخل عليك العروسه كدة و انت تشوفها عجباك و لالا
و لو مش عجباك
تقولهم انك رافض و تسبب احراج لاهلها

...

بالنسبه للبنات

توافقي تتجوزي بالطريقه دي
تحبي تدخلي كدة ع العريس
و يقعد يجيبك من فوقك لتحتك
و دي تخينه و دي رفيعه و دي قصيرة و دي طويله
ويفحصك فحص تام وبعد كده يقول اذا كان موافق ولا لا ؟

يلا بقى يا جماعه ارغووا
خدو راحتكم خاالص

ALY ELSAYED

10-18-2009, 03:17 AM

والله يا حوده وبصرااااااااااااااااااااااحه

انا معنديش مشكله اني اتجوز بالطريقه دي

انا يهمني الاخلاق والاداب والدين قبل اي شئ

ومعظم الناس اتجوزت بنفس الطريقه

والحب حيجي حيجي لو عجبتني

غير ان في خطوبه ودي فتره حنقدر نشوف

اذا كنا متفقيتن ولا لا

ودا رئيي بصراحه

جزاك الله كل خير

Mahmoud Slem

10-18-2009, 03:28 AM

رئيك يحترم يا على طبعا
شكرا ليك على الرد يا جميل

منور التوبيك

محمد الفرارجي

10-18-2009, 03:42 AM

بسم الله الرحمن الرحيم

تصدق موقف حلو

شوف يا سيدي

الأول لازم نفرق بين مصطلحين الأول:
التضحية

التاني:
التنازل

التضحية لازم تكون من الطرفين عشان المركب تمشي والحياة تستمر

التنازل مرفوووووووووض مطلقا خصوصا بالنسبة للراجل عشان القوامة.

الأخ إللي بيعرض على خطيبته الطلب وهوه خايف ومهزوز أقول لها وألا لأ؟ طيب هوه مهزوز من دلوقتي أمال بعد كده هيمشي البيت إزاي؟

القوامة مش فلوس ومصاريف القوامة أفعال وأقوال ومواقف بتحصل في الحياة البنت بتحس من خلالها إنها فعلا ضعيفة.

موضوع عمل امرأة ده بالنسبة لي مرفوض إلا في حدود الحاجة إليه والحاجة هنا هيه المعيشة.
وانت وضحت انهم مش محتاجين.
طيب واحده ما ضحتش عشاني من البداية واتمسكت بشغلها ومالآخر ما عرفتش أمشي كلمتي إللي هيه أصلا من وجهة نظري صح يبقى همشي كلامي عليها إزاي بعد كده؟
موضوع إنها تحس بالتنازل وإنك ما فكرتش غير في رأيك وبس كل دي مهاترات وحجج وجدل مالوش لازمة برضه من وجهة نظري.

ولو الموضوع كبر يبقى نحكم أهلها في الموضوع ولو ما وافقتش يبقى من أولها كل واحد يروح لحاله.
عارف ليه؟

عشان الراجل لما بيتنازل في بداية حياته التنازلات ما بتخلصش.

شكرا عالموقف

Mahmoud Slem

10-18-2009, 03:47 AM

شكرا لحضرتك يا باشمهنجس
وشرف ليا ردك على الموضوع
بس ياريت تشارك معانا فى الموقف الجديد
شكرا لحضرتك جدا

Ahmed Slem

10-18-2009, 11:59 AM

يا سلام عليك يا كبير يا مشرفني
اولا انا حابب اصيطك هههههههههههههههههه
بوص يا هندسه انا اولا
و قبل اي شئ اول حاجه تعنيني
الدين و الاخلاق و العلم و الشخصيه و انها تعامل اهلي ذي ما بتعاملني و ده لاشك اني هعامل اهلها بكل خير وود و حب
و بعد كده الشكل و اللي انت عارفه
و انا لو لقيتها كويسه و محترمه فده مش عيب
بس برضوا احنا لازم هناخد فتره الاول قبل ما نعمل حاجه
و خلي بالك انت مواضيعك صعبه يا هندسه

Zooma

10-18-2009, 12:21 PM

بص يا معلم لو انت زى ما بتقول انى اصلا
مش حاطط الموضوع فدماغى يبقى هعد عادى جدا
ع السفر واكل واتعشى واتكلم معاهم كأنهم ضيوف
وجيرانى ولا حتى افكر ابص لمى بهدف انى اقول لنفسى
ايه رايك فيها.

ما بالنسبه انى ارضى اتجوز بالطريقه دى ولا لا
فانت عارف يا حوده انى مش بحبها اصلا وطريقه من الاخر
كده عقيمه والله يعنى ايه ابقى اعد واشفها هتعجبنى ولا لا
هى حاجه هشتريها انا عن نفسى ماضرهاش عليا انى اروح
وواحده توافق عليا او ترفضى.

معلش يا حوده طولت عليك

Mahmoud Slem

10-18-2009, 07:38 PM

شكرا ليكم يا شباب
انا عايز اراء تانية يالا فين المشاركات

spider girl

10-18-2009, 08:16 PM

والله يا بشمهندس
لوانا عرفت ان فى حد جى علشان يدرسنى
لو جاز لى الوصف بكده واقعد باه والاخ يرفض او يقبل

فانا اساسا مش هقعد وهروح ازور اى حد او
اعمل اى حاجه المهم مقعدش معاهم
اصل معلش الموقف هيبقى محرج اوى لو انا عارفه انه جى
علشان يشوف هل اصلح ولا لأ
طب افرض انه مرتحش ليه او معجبتهوش

مين هيحس باحراج ساعتها انا ولا هوه

لكن ساعات على فكرة الاهل بيعملوها مفاجأه
يعنى مش بيقولوا راحين نعمل كذا
متهيئلى دى واقعها على الطرفين لما يتعرف الموضوع بيكون
احسن شويه حتى لو محصلش نصيب
بيكون الموقف اهون شويه من غير احراج للطرفين

ده رائي بس اتمنى مكنش طولت

Mahmoud Slem

10-18-2009, 08:28 PM

شكرا ليكى جدا على الرد المقنع ده
ويارب الجميع يدخل وقول رائيه
شكرا ليكم جميعا

اسامه البنا

10-19-2009, 12:09 AM

بصراحة بقى يا احمد انا كبرت و عايزة اشوف ولادك قبل م اموت و انت لسه مش عاوز تجوز

انا اول ما هسمع كده

هقول انا مواقف يا ماما والفرح هيبقي امته
انتي عاوزني اكسر كلام امي
هههههههه
ده حتي يبقي عقوق ولدين
هههههههههههههههه

يا محمود قول ماشي لو ليك نصيب
فيها اكيد هتتجوزها
الجواز قسمه ونصيب

Mahmoud Slem

10-19-2009, 12:14 AM

ههههههههههههههههههههههه

ماشى يا اسامة باشا

منور التوبيك

ايات يوسف

10-19-2009, 02:30 AM

حلو اوي الموقف ده عشان بيحصل دايما مع كل شاب وفتاه
انا طبعا كنت بقول انااااااااااااااااا اتجوز بالطريقه دي ليه هو انا حتت قماش ولا حاجه بتتباع عشان حد يدخل ويقول اشتري ولا لا
وده طبعا الكلام الي بنشوفوا في كل الافلام والمسلسلات
وبعدين سمعت دكتور بيتكلم في التليفزيون عن الموضوع ده وغيرلي راي تماما عشان اقنعني بجد
وكان بيقول ليه البنات معتبره ان جواز الصالونات بيقلل منها بل بالعكس ده بيزيد منها هي زي ما بيشوفها العريس ويقرر هي كمان
بتشوفوا وتقرر اه او لا يعني هما الاتنين بيشوفوا بعض ويتعرفوا علي بعض
وسوري يعني ده احسن من البنات الي تتعرف علي واحد بره بيتها ومن غير علم اهلها زي في الجامعات والنوادي وبعدين تطلب هي منه انه يتجوزها او من غير ما تطلب تلاقي بعد معرفه سنه ولا اتنين انه مش مناسب
لكن الي بيجلها البيت ده بيحفظ كرمتها هي بين اهلها واهله ومش حرام كمان لكن تكون في مقبلات من غير معرفه الاهل هو ده الي يقلل منهاااااا وجداااااااا
وده راي انا اقتنعت بيه جدا واتخطبت عن طريقه الحمد الله
سوري اني طولت بس الموقف ده مهم جدا شكرررررا ليك

Mahmoud Slem

10-19-2009, 03:04 PM

شكرا لراى حضرتك فى الموضوع ده

عايزين نشوف ارارء اخرى

lolaa fahmy

10-19-2009, 09:35 PM

انا الحقيقه مش شايفه مشكله مش هيا دي الطريقه اللي اتجوزو بيها اهلي واخواتي وده العرف السائد

يعني احسن يتقدملي في بيت بابا وانا معززه مكرمه واقبل او ارفض حسب المناسب ليا ولا اني اتعرف عليه من غير ما اهلي يعرفوا والحوارات البايخه دي كلها لا جواز الصالونات هو الزواج المتعارف عليه في عيلتنا يعني اكيد الانسان اللي جي يتقدم ده عارف فكره عني هو مش جي من بلاد الواء الواء وانا كمان اخد فكره ويتم التعارف في جو الاسره.

ده رايي الشخصي طبعا وكل واحد وحسب ثقافته وظروفه الاسريه

في انتظار المزيد من المواقف المعقده جدااااااا !!!!!!!!!!!!!!!!

Mahmoud Slem

10-19-2009, 11:51 PM

شكرا لحضرتك جدا
ورئيكم يحترم برده

اتفضلوا الموقف الجديد

Mahmoud Slem

10-19-2009, 11:53 PM

http://file.sayclub.co.kr/charimg/item_real2/a_s_01_1759_01_00.gif http://file.sayclub.co.kr/charimg/item_real2/a_s_01_1759_01_00.gif http://file.sayclub.co.kr/charimg/item_real2/a_s_01_1759_01_00.gif

المـــوقف " 6 "

عمر و منى اتنين زي اي اتنين بيحبوا بعض اتجوزوا عن حب
بعد سنتين من الجواز ابتدوا يتكلموا ف موضوع الخلفه
و بما ان لسه محصلش حمل راحوا عملوا فحوصات طلعت منى مبتخلفش
طبعا بعد ما عرفت زعلت اووي
بس جوزها حاول يخفف عليها و ميزعلهاش اكتر
و قالها كلمتين حلوين كدة عشان تنسى
بس هو طبعا من جوااه زعلان جداا عشان هو اكيد زي اي حد عايز يبقى اب
و يجيب طفل يبقى سنده ف الحياه

بصوا يا جماعه دا موقف واقعي جداا و ممكن يحصل لاي اتنين
و محدش بايده يعمل حاجه عشان دي اراده ربنا
المهم دلوقتي

لو انت مثلا اتجوزت و لا قدر الله مراتك طلعت ما بتخلفش هتعمل ايه
هتتصرف ازاي
هتقدر تعيش طول عمرك من غير ما تسمع كلمه بابا
هتجوز عليها و لا ايه

بالنسبه للبنات لو جوزك هو الي طلع مبيخلفش هتعملي ايه
هتعيشي معاه و تكملي معاه حياتك
او هتطلبي الطلاق

يلا بقى يا جماعه مستني ردوودك
بس تجاوبوا بكل صرااحه
عشان كلنا نستفيد
مش عايز ايتها حوارات و لا تزويق ف الكلام

http://file.sayclub.co.kr/charimg/item_real2/a_s_01_1759_01_00.gif http://file.sayclub.co.kr/charimg/item_real2/a_s_01_1759_01_00.gif http://file.sayclub.co.kr/charimg/item_real2/a_s_01_1759_01_00.gif

spider girl

10-20-2009, 09:39 AM

بص يا بشمهندس انا هحكيلك الاول على موقف
يدل مين الى ممكن يستحمل عن التانى

وحده قريبه صحبتى متجوزة من 7 او8 سنين مش فاكرة
بس بقالها كتير هيه بتحب جوزها جدددددددددددددددا
فوق اى وصف ولغايه دلوقتى ربنا ماذنش ليهم بأولاد
لان السبب من جوزها رغم كده هيه مخبيه عن اهله
ان العيب منه لكن اهلها يعرفوا ومشجعينها ووقفين معاها
لانها بتحبه جدا ودى مش عشرة يوم علشان تسيبه
واهل جوزها بالرغم انها بتعاملهم كويس الا انهم عايزينه يبعد عنها
لانهم طبعا فاكرين ان العيب منها وهوه مستحمل علشان بيحبها
ولغايه دلوقتى اهم عايشين وبيحاولوا وطبعا من فترة للتانيه
بيجى موقف ينغص عليهم حياتهم بسبب الموضوع ده
بس برضه هما بيحبوا بعض وهيه استحاله تسيبه

بس كده وانا زيها لو حصل ايه عمرى ما هسيبه
وفى حلول كتييييييييير ربنا كاتبها ساعتها ممكن الواحد يلجئ لها
علشان موضوع الاولاد ده

فى موقف تانى معلش افتكرته
وحده اعرفها مش بتخلف برضه بس السبب المرة دى منها
وجوزها عايش معاها لغايه لدوقتى على فكرة هما دلوقتى
كباااااااااااااااااااار فى السن يعنى عايش معاها من ساعه ما عرف
انها مش بيتخلف كل ده علشان بيحبها واكيد حصلت لهم ظروووف
كتيييييير وسمعوا كلام كتير بس برضه لسه عايشين مع بعض

واخيرا لو فعلا بيحبوا بعض هيتحدوا الدنيا كلها مع بعض
وربنا كبير يعنى ممكن فى اى وقت يحدث حمل
فى مواقف كتير حصلت بعد سنين تلاقى الزوجه حامل

بس كده يارب مكنش طولت على الفاضى

محمود ابوالمجد

10-20-2009, 09:48 AM

هحط نفسي مكنها
وهحبها وهبقي ابنها و جوزها واخليها بنتي ومراتي ونعيش لحد ما ربنا يرزقنا لو ربنا كتبلنا يبقي الحمد لله لو مش كاتب فده من ربنا والحمد لله علي كل شيء بس المهم انه غصب عنها وهي ملهاش ذنب تشيل ذنب ليه بقي

Ahmed Slem

10-20-2009, 03:27 PM

بسم الله الرحمن الرحيم
اولا
مشكور علي الموقف ده لانه بيبين
مدي الحب و الوفاء
و ده مش تقليل من اللي بيتجوزوا تاني
بس انا المفروض اني اللي اتجوزتها
اكون بحبها:11rob: و اكيد اكون انا
اتفقت معهاها اننا هنعيش علي الحلو و المر
بس انا ممكن اكفل يتيم و اخليه في منزله ابني و يكون اجري و اجرها عند ربنا
قل لن يصيبنا الا ما كتب الله لنا
يارب
متكتبش علي حد الموقف ده
و بعدين اهو نقلل من الزياده السكانيه دي هههههههههههههههههه
مشكور جدا
:11rob:

Mahmoud Slem

10-20-2009, 09:45 PM

شكرا ليكم جميعا
ويارب ربنا يرزقنا الزريه الصالحة
شكرا ليكم

Zooma

10-23-2009, 12:32 AM

طبعا اصلا ف الاساس مش هتجوز عليها

لان ده النصيب ايلى ربنا قدره لينا "انا وهى "
مش هى لوحدها وكمان هى ما ليها ذنب خالص
عشن ع طول اروح بايعها ومتجوز وبالنسبه انى افضل طول
العمر من ولاد او كلمه بابا ياعالم واكي ربنا قادر ع كل شئ
بعد الصبر ده كله ربنا يكرمنا بعيل بعد 10 11 15 سنه
عادى وده حصل فعلا عندى ف العيله

شكرا حوده ع الموقف وعايز اعرف رايك انت هتعمل ؟

Mahmoud Slem

10-23-2009, 08:49 PM

شكرا ليك يا حازم والله
انا رائى هو انى عمرى ما هتخلى عنها ولا هى كمان
لان الحب اوى من اى حاجه
وربنا كاتب لينا كده
يبقى ليه نعترض على حمكة ربنا
كرا ليك يا حازم

انتظروا الموقف الجديد....

Mahmoud Slem

10-23-2009, 08:50 PM

الموقف " 7 "

تخيلوا كدة انكم حضرتوا جريمة سرقه مثلا او قتل او حادثة او اي حاجه

و عرفتو المجرم و كل حاجه

هتروحوا تبلغوا عنه

و لا هتخافوا على نفسكم من السين و الجيم

و شحططه ف الاقسام ملهاش اول من اخر

يلا عايز رايكم بكل صراحه

Zooma

10-23-2009, 11:26 PM

عيب عليك اصاصا
اروح ع طول هى فيها كلام يعنى
الساكت عن الحق شيطان اخرس

Ahmed Slem

10-24-2009, 12:18 AM

اولا مشكور
ثانيا انا اكيد هبلغ و اللي يحصل يحصل
و انا مره حصلت معايا
ان كان في واحده ست بتقول لشاب اشحن لي الكارت ده في الموبايل
و الشاب ده اخده و جري
بس انا لما عرفت انه حرامي
بعد ما حكيت للناس في الشارعه
انا قلتلها علي اللي سمعته
انه بيقول لواحد صاحبه استناني عند قهوه ...........:cc_hang:

farida

10-24-2009, 01:18 AM

كان نفسي اشارك في المواقف اللي فاتت بساتاخرت

مش مهم

في الموقف ده

اكيد طبعاحبلغ

مفهاش خوف وزي ما قال زوما الساكت عن الحق شيطان اخرس

ميرسي يا محمود

Mahmoud Slem

10-26-2009, 09:04 PM

شكرا ليكم يا شباب

واتمنى اشوف اراء اكثر من كده وتكون واقعية

سانتا مونى

10-26-2009, 09:17 PM

كل اللى هيرد عالموضوع هيقولك طبعا هنروح نبلغ والساكت عن الحق شيطان اخرس
لاننا مصريين والشعب المصرى جدع ومبيسكتش عن الحق
انا بقى طبعا هروح ابلغ حتى لو دخلت السجن لان اكيد انا رايحة اعمل خير ربنا مش هيكتبلى شر ان شاء الله
وهيوفقنى ويساعدنى واكيد اكيد اكييييد الخير هينتصر فى الاخر
شكرا ليك انا اول مرة اشارك
فكرة حلوة اوى
جزاكم الله كل خير

Mahmoud Slem

10-27-2009, 07:38 PM

انا بشكركم جميعا على الردود دى

وانتظروا الموقف الجديد

Mahmoud Slem

10-27-2009, 07:45 PM

الموقف ((8))

عمرو : الو الو
رنا : ايوة يا عمرو ازيك ؟
عمرو : انا كويس يا حبيبتى المهم انا عايز اشوفك
رنا : خلاص قشطة يبقي نتقابل وندخل سينما مع بعض حفله 6
عمرو : اوكى تمااااام اوى ،، يلا باااي
رنا : باي يا حبيبى

خرجوا عمرو ورنا مع بعضيهم ودخلوا فيلم جامد موت
وبعدين قالوا يتمشوا فى الشارع شويه قبل ما يروحوا
وهما عايشين فى لحظه رومانسيه موووت وماسكين ايدين بعضيهم
اذا بشـاب لطيف وعثول كده
بيتنحنح وبيقول
ايوة يا جميل انتا
يا حلو يا ابو خطوة جنان
يا جماله يا جماله

طبعا كل المعاكسات دى موجهه لاختنـا رنـا
مش عايز اكمل واقول ايه اللى حصل تانى

قولولى انتو بقي

لو انت ماشي مع بنوته
خطيبتك
مراتك
( فاهمنى طبعا )
وجيه شاب عثول كده زى صاحبنا اللى فوق ده
قعد يلقح بالكلام وبيعاكسها وهى معاك
ياترى هتعمل ايه وهيبقي ايه موقفك
هتتعصب
هتتخانق
هتعمل ست رجاله فى بعض
ولا هتقول المسامح كريم ومش عايزين نعمل مشاكل ؟؟

وانتى حضرتك
هيبقي ايه موقفك وانتى بتتعاكسي
وانتى ماشيه جنب جوزك
او خطيبك
( فهمانى طبعا )
ياترى هتقوليله انت مش سامع ما تتنحرر كده وابقي رجل وروح اتخانق معاه
ولا هتقوليله يلا نمشي وسيبك ..؟؟

مستني ارائكمـ وردودكـمـ
وفوتكم بالعافيه بقي
..شاوشاو ..

olivia nader

10-27-2009, 08:29 PM

موقف لزيز اوي بصراحه
بس ساعتها
انا ححاول بقدر الامكان اني امنعه انه يتخانق
و احاول انا اهديه و نمشي من المكان اللي احنا فيه
لانه لو اتخانق انا مش حستفاد حاجه

ماهو اكيد الظريف اللي عاكس ده
قصد انه يعاكس عشان ينرفزه
و الاكيد انه حيبقي معاه اي اداه ممكن
انها تؤذيه و مش حنكسب حاجه ساعتها لو اتعارك

المفروض البنت تكون حكيمه في الحته دي
و تهديه و تمنعه انه يتعارك لو ناوي
و مش شرط انه يتعارك عشان يبقي بيحبها و بيخاف عليها
ماهو ممكن ميتخانقش اصلا عشانها
خوفا انها يحصلها حاجه

و ده المفروض ان مفيش ولد يتعارك و تكون معاه بنت
(ايا كانت)
بس طولت عليكم
:D:D:D:D

Mahmoud Slem

10-27-2009, 08:37 PM

رد عقالانى كما عودينا بردودك
والمفروض الحكمه تكون موجوده
واحاول اسيطر على الموقف علشان اللى معايا

ولكن فى بعض الاحيان مينفعش انى امشى واسيب الموضوع كده

لان الشخصيات اللى زى دى مش هتسكت لو انا سكت
ولكن برده الحكمه انى ازاى احميها وفى نفس الوقت اادبه

لان الموقف ده بيختلف من شخص لاخر
وشكرا ليكى على ردك
وتابعى معانا باقى المواقف

KAREEM

11-01-2009, 11:15 PM

أولا انا اسف لانى متغب
بقى لى كام موقف
وهما فاتونى بصراحة
ثانيا انا حرد على تانى
موقف دا لانه تحفة فعلا !!!
ومفيش حد الا اما بيتعرض له
أنا {اى المتواضع انى لو ماشى
محترم مع خطيبتى او مع اختى او
مع امى او مع اى واحدة قريبتى
صعب حد يتعرض لى بأى كلمة
كدا ولا كدا طول ما انا ماشى محترم
ومعايا خطيبتى محترمة ولبسها اكيد
محترم زيها فبالتالى احنا محترمين
نفسنا والكل كمان اكيد حيحترمنا
بس لو حصل ذلك انا عامة حتجنب المشاكل
طول ما انا معايا حرييييييم :embaressed_smile::embaressed_smile:
( معايا حريم يا خوانا :bones::bones:)
بس لو هو واحد انا ممكن أأقوم بيه
ودا حصل قبل كدا كنت ماشى مع اختى
راح واحد قال كلمة كدا ملهاش لزمة
وانا صعيدى رحت معرفش ازاى بقى هو تحت
وانا فوق وطاااااااخ طااااااااااااخ وفين يوجعك:box::box:
بس طلع فى الاخر أهطل وعبيط ومن اعتها بطلت
اضرب حد ( مش عارف ضربته ازاى أصلا :cc_confused::cc_confused: )
ورغم ان اختى محصلهاش اى حاجة لما ضربته
بس اتعلمت من ساعتها انى اكون حكيم وهااااااادى
جدا ومتسرعش فى التصرف وانا عن نفسى حعمل
نفسى مش سامع فى موقف زى دا لانى اللى
بيتكلم دا أصلا فعلا اقل من انى أسمع له .....

وشكرا جزيلا ابو الصيص على المواقف
اللى أصعب من بعضها دى كلهاااااا .

Mahmoud Slem

11-03-2009, 07:52 PM

http://www.kazamiza.com/vb/images/smilies/picnew/in_love.gif

http://www.kazamiza.com/lopez/lopez33/6.gif

الموقف رقم " 9 "

تخيل معى ولو لا قدر الله والدك توفى
وسابك وانت لسه صغنن ومش باين من الارض
ومامتك هى اللى اتحملت مسئوليتك
واشتغلت وتعبت ولفت لحد ما كبرتك انت واخواتك
ودخلتك احسن الكليات وتمت رسالتها على خيـر الحمد لله

الكلام ده كله مقدمــة للموقف اللى هحكيـه دلوقتى

احمد: خير يا ماما فى ايه ؟ قولتيلي عايزانى فى موضوع مهم

مامته : حبيبي انا تعبت وشقيت عليك لحد ما كبرتك وخليتك راجل
جيه دلوقتى الوقت اللى استريح فيه واشوف حياتى انا

احمد : تشوفي حياتك ازاى يعنىhttp://www.kazamiza.com/vb/images/ehdaa_smilies/eh_s(10).gif

مامته : احم .. اصل ..
الحاج سعيد اللى فى الدور اللى فوقينا حيه طلب ايدىhttp://www.kazamiza.com/vb/images/smilies/picnew/in_love.gif

احمد : ايه ؟؟ عمل ايه .؟؟ اتجنن فى عقله ده ولا ايه ؟؟http://www.kazamiza.com/vb/images/smilies/yikes44id2.gif

ازااى يفكر يطلب منك حاجه زى كده ؟http://www.kazamiza.com/vb/images/ehdaa_smilies/eh_s(5).gif

مامته : اممم .. اصل يا حبيبي انا موافقه ومعنديش اعتراض
انا عندى 42 سنة يعنى مكبرتش اوى
وقضيت حياتى كلها شقى علشانك وعلشان اربيك

احمد : وان شاء الله هيجى يطلبك منى امتى
وياترى هو جاهز ولا لسه بيجهز نفسه
عجااااااااااايب صحيح
بعدما شاب ودوه الكتااااب http://www.kazamiza.com/vb/images/ehdaa_smilies/eh_s(5).gifhttp://www.kazamiza.com/vb/images/ehdaa_smilies/eh_s(5).gif

عارف انى طـولت عليكمـ
بس حبيت اوصفلكم الموقف بالتفصيل

ودلوقتى فى سؤال بيطرح نفسه

لو كنت مكان احمد ومامته بعد ما تعبت عليك وقضت حياتها كلها فى تربيتك عايزة تستريح وتتجوز ؟

ياترى هيبقي ايه موقفـك ؟؟

وهترضي تقعد معاهم فى نفس الشقــة ؟؟

او تعتبر الراجل ده زى ابوك ؟

ونفس السؤال موجه ليكم يا بنات

يلا مستنـــى ردودكم وارائكم على احر من الجمر

وعايز صراااااحة

مع تحيــــــاتى

http://www.kazamiza.com/lopez/lopez33/6.gif

اسامه البنا

11-06-2009, 07:41 PM

الصراحه ان يا محمود محدش عنده الجراءه

ولا التخيل لموضوع زي ده

يا ريت الموقف الي بعديه

KAREEM

11-16-2009, 01:06 AM

أصلا ماما عندها 60 سنة
وعمرى متخيل ان ماما
تفكر فى كدا اصلا
او اتحط فى الموقف دا
لان الوفاء دا حاجة مهمة جدا
والعشرة متهونش الا على ولاد الحرام
انما لو اضطريت احط نفسى قى مكان احمد
يبقى طبعا مش موافق ولو هى اختارت كدا
يبقى تعيش حياتها بعيد عنى
ومتشوفنيش تانى لان اللى تبيع عشرة
20 : 30 سنة عمر تبيع ابنها عشان خاطر
جازة لا راحت ولا جات يبقى متستاهلش تشوف
ابنها حواليها مع انى ساعات بحط نفسى مكان الست دى
لانى بشوف خالتى مثلا لسه صغيرة فى السن وعيالهات اتجوزوا
وقاعدة لوحدها واتعرض عليها ورفضت عشا احساس عيالها
ممكن يكون فيه تضحية كبيييييرة اوى بس هو دا اللى
اعتدنا عليه من امهاتنا ومن حواااء بصفة عامة بتضحى أ:تر
من ءادم ودى حقيقة يجب ان تقال

وشكرا ع الموقف يا سليييييم

noor.....

12-22-2009, 10:41 PM

موضوعك جميل بس انا عن نفسي وبحكم اني بنت مقدرش اعمل شي لاني من اول بوكس ممكن اموت فيها بس ممكن لو حد معايا ويقدر يتصرف او اي حد حوليا ف المكان اكيد هنبهه ليه

blue_sky

03-10-2010, 09:37 PM