المساعد الشخصي الرقمي

مشاهدة النسخة كاملة : مين اللي نزل الكلية النهاردة(عاوزينك هنا)..



حورالعين
10-04-2009, 05:33 PM
كل سنة وانتوا طيبيييييين ..والعام الدراسي بدأ وربنا يوفقنا كلنا سواء في شعبة عامة أو شعبة خرائط...

ربنا يوفق الجميييييييييييع...

ركزوا معايا في اللي هقوله...

الحمد لله احنا بننزل الكلية كل يوم ومتابعين محاضرتنا كويس والحمد لله بس ده برده ميمنعش اني في ناس منزلتش عشان ظروف معينة...

عشان كده..اي حاجة مهمة حصلت في الكلية من(تغيير ميعاد المحاضرة...او بعد كده ميعاد السكاشن..او اي طلبات للدكاترة من ابحاث..او..او...)

ندخل الصفحة دي ونقولها ومنبخلش بمعلومتنا عن اخواتنا...


خلاص اتفقنا ولا ايه؟؟؟

KAREEM
10-06-2009, 11:28 PM
بحييكى على فكرة الموضوع المهم دا
واتمنى ان الكل يتفاعل
والصفحات دى تكون همزة الوصل مابينا
احنا كطلبة شعبة عامة أو شعبة مساحة
وبكرر شكرى ليكى على الفكرة الرائعة دى
جزاكى الله كل خير

حورالعين
10-09-2009, 11:23 PM
جزااااااكم الله خيرا كثيراا

شرفني مروركم الطيب,,,,

Horiaa Swedan
10-10-2009, 12:55 AM
الله يا حبى بجد موضوع جميل جددددددددددددددددددددا وافكار رائعه

خلاص وانا معاكم اى شئ جديد " بدون اشوعات " حقولكم عليه انتوا عارفين انا تقريبا اخر وحده بتمشى فى القسم فاى جديد حعرفه حقوله على طول

سندريلا
10-10-2009, 01:25 PM
خلاص ماشى يا جماعة


اتفاقنا وانا معاكوا


وشكرا على الفكره المفيده دى

KAREEM
10-11-2009, 12:07 AM
سلام الله عليكم ورحمته وبركاته
أحبائى زملاء الفرقة التالتة GIS
أحب أبدأ فى تنفيذ فكرة الموضوع
معاكوا ومن خلالكوا .........
أنا نزلت الكلية النهاردة
كان فى محاضرة دكتور محمد عبدالقادر
طبعا جغراقيا اقتصادية دخل من 9 وربع
وخرج 11 يعنى قعد حوالى 2 الا ربع
** ميعاد المحاضرة اتغير من الاسبوع الجاى
حيبقى ان شاء الله من الساعة 10
ودا عشان زملائنا اللى محضروش يعرفوا
ويحضروا باقى المحاضرات الجاية ان شاء الله
ودا لينك موضوع عاملاه اختنا هدى على
فيه الجدول كامل باخر تعديلات فى المواعيد
http://www.mesa7a.com/forum/showthread.php?t=11412
جزاها الله عنا كل الخير
الدكتور محمد النهاردة ذكر المراجع اللى حنشتغل فيها
- المرجع الرئيسى : الجغرافيا الاقتصادية ( د/ محمد فتحى بكير )
** ودا الكتاب اللى ان شاء الله هنستلمه كلنا ونشتغل منه
- مرجع 2 : الجغرافيا الاقتصادية ( د / فتحى محمد ابو عيانة )
- مرجع 3 : الجغرافيا الاقتصادية ( د/ فتحى أبوراضى )
ودول للى عايز يستزيد من خلال مكتبة الكلية .

خلاصة المحاضرة

- تعريف الجغرافيا الاقتصادية
- أهمية الجغرافيا الاقتصادية
اتكلم عن التعريف
والهدف من دراسة المادة
واهميتها
-وذكر مثالين يدلوا على ان مشكلات العالم كلها
ترجع أسبابها الى جذور اقتصادية
- وختم المحاضرة بمشكلة الاحتباس الحرارى وأسبابها الاقتصادية .....

كان معكم مراسلكم من قاعة 58
أتمنى انى اكون قدرت أقول حاجة تفيدكم
وتحياتى ليكم جميعا ,,,,,,

Mohamed Gaber
10-11-2009, 03:59 AM
موضوع اكثر من رائع و ان شاء الله يفضل مستمر لاخر يوم في الدراسة

إيه الحلاوة دي يا كريم والله مية مية
ياريت تكمل علي كدة علي طول والله ملخص سريع لكل محاضرة
تبقي عملت واجب في ناس كتيرة اوي :$ :$

سندريلا
10-12-2009, 07:38 PM
يا جماعه احب اقول اخبار اليوم


1- دكتور محمد راشد اعطى محاضرة مادة نصوص جغرافية بلغة اوربية
وقال ان الميعاد تغير وهيبقى يوم الاحد الساعة 8 وذالك لشعبة نظم ومعلومات


2- وقال الدكتور راشد ان مادة الانتساب تغير ميعادها الى يوم الاثنين الساعه12


3- محاضره الدكتور اشرف عاشور جغرافية اوروبا ملغيه وستبدا المادة من الاسبوع القدم

KAREEM
10-13-2009, 12:13 AM
شكرا على المتابعة والاهتمام
وربنا يجازيكى ير عن المجهود
تحياتى ليكى ياسندريلا

KAREEM
10-13-2009, 12:30 AM
سورى أحب اضيف نقطة تانية مهمة فى محاضرة دكتور محمد راشد
وهى البحث اللى طلبه هو مجرد بحث فى النت عن موضوع المنهج
اللى احنا هندرسه هو سايب لنا الحرية اننا نختار الموضوع ودى
فرصة كويسة جدا عايزين نثبت له ان احنا كويسين ونتفاعل معاه بصورة اكبر
من النهاردة لانى حاسس انه خد عننا انطباع سىء عايزين نغيره
وعازيين تنافس فى البحث عن مواضيع تفيدنا بالفعل ومننساش ان
البحث عليه تقدير ( مادى - معنوى ) زى ما الدكتور ما قال
وشكرا ليكم أصدقائى الأعزاء ,,,,,,,,,,,

Horiaa Swedan
10-13-2009, 12:53 AM
انا ليه مش فاهمه اى حاجه يا كريم يسترك ربنا اما تلقينى فى القسم كعبلنى عشان عايزاك لحسن انا مش فاهمه حاجه وبقالى يومين مش بحضر ومش اعرف حد فى الدفعه

KAREEM
10-13-2009, 01:05 AM
ههههههههههههههههههههههههههههههههه
موتيييييييييييينى من الضحك والله
دا انتى مشكلة
بس خلى بالك بقى اوعى تقعى لما اكعبلك
وخليكى فاكرة ان انتى اللى قلتى
خليكوا شاهدين يا جماعة

Mohamed Gaber
10-13-2009, 11:04 AM
انا ليه مش فاهمه اى حاجه يا كريم يسترك ربنا اما تلقينى فى القسم كعبلنى عشان عايزاك لحسن انا مش فاهمه حاجه وبقالى يومين مش بحضر ومش اعرف حد فى الدفعه




واما متعرفيش حد في الدفعة انا روحت فييين :cc_hang::cc_hang:

Mohamed Gaber
10-13-2009, 11:05 AM
ههههههههههههههههههههههههههههههههه
موتيييييييييييينى من الضحك والله
دا انتى مشكلة
بس خلى بالك بقى اوعى تقعى لما اكعبلك
وخليكى فاكرة ان انتى اللى قلتى
خليكوا شاهدين يا جماعة



وانت يا كيمو كعبلها بالراحة مش لازم جامد :1::1::euro:

صلاح عبد الفتاح
10-13-2009, 04:29 PM
انا مش عارف مين الدكتورة الي دخلت النهردة مكان الدكتور محمد راشد مادة E وهل هتكمل معانا

KAREEM
10-13-2009, 04:38 PM
انت اكيد شعبة مساحة
والدكتور محمد راشد برضو بيدينا انجليزى قبليكوا بيوم
ونظامنا احنا ان استاذ محمد راشد محاضرة والدكتورة سمر
محاضرة تانية واكيد حتبقوا انتوا كمان نفس النظام
لان النظام الجديد فى القسم ان المعيد اللى بيشرح
والاساتذه هما اللى بيساعدوهم
** أرجو انى اكون أقدر أفيدك

الجزى لتانى:
انا منزلتش الكلية النهاردة لانى قريت حاجة فى المنتدى ان محاضرة الدكتور أشرف اتلغت
وحتبتدى من الاسبوع اللى جاى ان شاء الله وفعلا الناس راحت ع الفاضى والمحاضرة اتلغت
عشان كدا أرجو ان اللى يعرف حاجة زى دى بعد كدا يكتبها فى الموضوع دا عشان نوحد الكلام
لانى مش فاكر انا عرفت المعلومة دى مني أصلا
وجزى الله كل من شارك بالموضوع خيرا

سندريلا
10-13-2009, 11:02 PM
يا جماعة بكرة ان شاء الله سيكشن مادة عالم ثالث من الساعة 10الى 12


والسيكشن هيعطية استاذ جابر وذالك لشعبة النظم والمعلومات الجغرافية

سندريلا
10-13-2009, 11:26 PM
ربنا يستر علينا

samaa
10-14-2009, 10:28 AM
بجد الموضوع جامد موت وتستهلى علية الطالبة الفضية
ولو حد يعرف حد فى تانية يقولهم يشركوا فى المنتدى عشان ملتقى تانية واقع خالص

KAREEM
10-14-2009, 09:06 PM
طب يلا همتك معانا وخلى كل اصحابكم يسجلوا
ومتخافيش احنا كنا كدا برضو وواحد واحدة
بدأ كله يتفاعل ولو تعرفى معظم الناس اللى موجودة دلوقتى ع المنتدى
ماكنتش بتخش فى تانية بس حسوا بقيمته السنة دى
وانه ممكن يكون همزة وصل جميلة
بس زى مبقولك همتك ونشاطك الملحوظ فى المنتدى يكون مع اصحابك
كمان انهم يشاركوا واعملى لهم مواضيع ترحيب فى قسم الترحيب وحتشوفى
ترحيب جامد مننا بكل الجدد ,, شكرا لاهتمامك ومتابعتكك


** أصدقائى طلاب الفرقة التالتة شعبة عامة أحسن دفعة
عاملين ايه ؟؟؟ أرجوا تكونوا بخير
اللى مرحش النهاردة بقوله ان دكتور جبريل دخل المحاضرة الساعة 8
وكمل محاضرة نظريات تكوين الارض أو البحار والمحيطات
خد النظرتين اللى فاضلين والكلام تقريبا مفيهوش جديد
نفس الكلام اللى خدناه مع دكتور حمدينه فى تانية
ومع دكتور فتحى ابوراضى فى أولى يعنى متقلقوش
وحصوصا فى موضوع فى الملتقى عماله مندوب الفرقة التالتة
مساحة عن المحاضرة وفيه معلومات جميلة ونفس الكلام على فكرة
أما بالنسبة للسيكشن اتلغى لتأخر دكتور جابر رفاعى وهو اعتذر بالتليفون
وانا عن نفسى ممشتش الا اما جيه وقلت له هى فعلا اتلغت قال لى أيوا
عشان كان بردان وصوته تعبان مش قادر يتكلم وان شاء الله تتعوض

كان معكم اخوكم المخلص / كيمو - مراسل الفرقة التالتة جى أى إس - من داخل مدرج 62
اللى هو فى الوش دا :1::1::1:

صلاح عبد الفتاح
10-15-2009, 03:03 PM
سكشن د/ محمد سعد مادة خرائط كنتورية الاحد الساعة 8-10 للانتظام

KAREEM
10-15-2009, 04:11 PM
سلامو عليكو
زملائى الأعزاء
أرجو التفاعل مع الموضوع
بصورة أفضل من كدا

- النهاردة كان فى ماضرة عالم تثالث
دكتور فتحى بكير من الساعة 10 ل11 ونص
وكان موضوع المحاضرة عن 3 نقط أساسية
- سمات الدول النامية
- أسباب الفقر
- وسائل تنمية الدول النامية أو ( النايمة على رأى دكتور تهامى )
واتكلم فى العنصر الاخير عن نظرية اوحدة من النظريات التلاتة
وان شاء الله نكمل باقى النظريات المحاضرة اللى جاية
مراسكم من مدرج 56 النهاردة بقى / كريم

KAREEM
10-17-2009, 08:46 PM
النهاردة بدأنا اسبوع جديد



ومحاضرات جديدة


والمحاضرة التانية مع


دكتور محمد عبد القادر


فى الجغرافية الاقتصادية


دخل الدكتور فى تمام الساعة العاشرة


كتب العناصر الرئيسة للموضوع اللى هو


( موارد الثروة ) والعناصر :


* مفهومها :


- هى معطيات البيئة الطبيعية التى وهبها الخالق الأعظم وهو الله للانسان لتلبية احتياجاته ولكى يتمكن من العيش على سطح الارض .




* أهميتها


1 - تشكل مقومات النتاج الاقتصادى


2 - عند استغلال تلك الموارد يمكن ان تصبح مصدر قوة الدولة


3 - تعد دراسة توزيع الموارد أساس فهم المشكلات السياسية ذات الجذور الاقتصادية




* تصنيفها


- طبيعية : مثل ( تربة معادن مياه جوفية مراعى مصادر طاقة ..الخ )


- بشرية : السكان من حيث ( الحجم والتوزيع - التركيب - المستوى الحضارى )


- حضارية : تتمثل فى المعرفة التى تعد أساس استغلال أى موارد ثروة وبدونها يحدث سوء


او عدم استغلال للموارد كما هو فى معظم دول العالم النامى .




* الصيانة : أى الحفاظ على موارد الثروة ومدى أهميته حتى تستمر فى امداد الانسان بمتطلبات الحياة ( الخلاصة )




- دا كان ملخص سريع لأهم العناصر اللى وردت فى المحاضرة , أرجو انى أكةن قدرت أفيد حد




** ملحوظة : بكرة محاضرة انجليزى ميعادها الساعة 8 اتغير زى ما قال دكتورمحمد راشد


وبعديها طبعا محاضرة اقليم خاص ( البحرين ) مع دكتور فتحى بكير




لكم منى أطيب التحيات


وجزاكم الله خيرا ,,,,,,,

mesa7a3
10-17-2009, 09:22 PM
** ملحوظة : بكرة محاضرة انجليزى ميعادها الساعة 8 اتغير زى ما قال استاذ محمد راشد
وبعديها طبعا محاضرة اقليم خاص ( البحرين ) مع دكتور فتحى بكير

شكرا كتيير والله افدتنى بهذه الملحوظة , لانى تاخرت عن هيك المحاضرة ولم اعلم بهذا التعديل

وهو تبديل محمد راشد مادة الانتساب مكان مادة الانجليزى يوم الاثنين

شـكــ وبارك الله فيك ـــرا ... لك مني أجمل تحية

bata_batot
10-18-2009, 09:40 PM
جزااااااكم الله خيرا كثيراا

شرفني مروركم الطيب,,,,
صح واللة عندك حق

Hassan Mohamed
10-18-2009, 11:00 PM
فكرة جميلة جدا يا شباب ربنا يوفقكم يا رب

حورالعين
10-19-2009, 10:36 AM
ماشاء الله تبارك الله .....ايه الدفعة الجملة دي...

جزاكم الله خيرا كثيرا....

وربنا يجعل كل كلمة بتفيدوا بيها اخواتكم في ميزان حسناتكم...



واعتذر عن عدم دخولي المنتدي من فترة وكان في شوية حاجات كنت عايزة اقولها لكن في الفترة دي كان النت فاصل...الله يسامحه بقه

والحمد لله اخواننا الكريم اوفوا بكل شئ....بارك الله فيكم

حورالعين
10-19-2009, 10:40 AM
جزااااكم الله خيرا كثيرا اخونا الكريم ....علي تفاعلك ربنا يجعله في ميزان حسناتك

حورالعين
10-19-2009, 10:44 AM
سلام الله عليكم ورحمته وبركاته..

كنت عايزة اعرف ايه اللي حصل في محاضرة الدكتور محمد راشد؟؟؟؟؟
ومحاضرة السياحية؟؟

وجوزيتم خيرا

KAREEM
10-19-2009, 02:16 PM
اختى فى الله حور العين
اللى حصل فى محاضرة النجليزى
ان الدكتور محمد راشد دخل
سأل عن الأبحاث
وخد 7 أبحاث مكنش فيه غيرهم
وقال بس مش عايز أبحاث تانى
وقال ان ليهم تقدير طبعا زى ماقال قبل كدا
ووزع ور قة تانية موضوعها
كان عن الأزمة العالمية والدول النامية
دا موجود فى الكتاب اللى فى ناس استلمته
فى صفحة 193 والصفحات اللى بعديها تقريبا
ودا كان أول موضوع اللى اخدناه
وطلب ترجمة للموضوع كله خمس صفحات فى الكتاب
مع كتابة التعليقات اللى قالها فى المحاضرة
مع تعليقك انت الشخصى

** أما بالنسبة لمحاضرة السياحية فللأسف
مقدرتش أروح النهاردة وحنستنى حد من
زملائنا يخش يقول لنا ايه اللى حصل
وهل تم تسليم الابحاث ولا ايه ؟؟؟؟؟؟؟

samomran
10-19-2009, 02:20 PM
ايه الكلام الجامد ده الله ينور يا شباب و الله

بسم الله ما شا الله دفعه حلوه

حورالعين
10-19-2009, 05:29 PM
انا عرفت ان الابحاث لم تسلم...

وهو قال انه هيتناقش معانا في المحميات المحاضرة الجاية ان شاء الله

هدى على
10-19-2009, 08:12 PM
النهاردة ياحماعة محاضرة السياحة لشعبة الجغرافيا دكتور ابراهيم الزيادى عطى سؤال وطالبة
1/ علاقة الجغرافيا بالسياحة ؟
غير ذلك كان طالب ان احنا نبحث عن محمية من المحميات وهيسال فيها فى الامتحان.

KAREEM
10-19-2009, 08:47 PM
ان شاء الله
بكرة اجماعة عادى محاضرة
دكتور أشرف عاشور فى
جغرافية اقليمية ( أوروبا )
ودى أول محاضرة فى المادة
ومننساش ان فى سكشن استاذة
اسماء فى مادة الاقليم الخاص
ودا من لوحة اعلانات القسم
مش متذكر بس تقريبا الساعة 10 او 11
المهم انها بعد محاضرة الصبح

حورالعين
10-19-2009, 11:09 PM
جزاك الله خيرا حبيبتي هدي...

جزاكم الله خيرا اخونا علي تواصلك الدائم....

KAREEM
10-21-2009, 06:04 PM
ياجماعة حصل تغيير النهاردة
فى مقرر الشفوى لشعبة عامة
ودا لان دكتور جبريل قال لنا
وكان معاه ورقة مختومة من رئيس القسم
عليها ان مقرر الشفوى للفرقة التالتة شعبة عامة
هو المادتين للترم الاول طبعا :
- جغرافية بحار ومحيطات دكتور / جبريل
- اقليم خاص ( اقليمين ) مع دكتور / بكير

والترم التانى ان شاء الله هيكون :
- جغرافيا اقتصادية
- جغرافيا تاريخية

** ودا كلام أكيد من دكتور جبريل

وشكر جزيلا ليكم دفعة 2011

Horiaa Swedan
10-21-2009, 07:15 PM
الله ينور ياشباب بجد شغل جامد ربنا يجزيكم بيه خير

KAREEM
10-22-2009, 10:10 PM
سلامو عليكو


شباب الفرقة التالتة نظم معلومات


تحياتى ليكم


اليوم كانت محاضرة دكتور بكير


كمل فيها كلام عن مشاكل العالم النامى


اول مشكلة كانت الفقر أستأنف الحديث فيها


عن مشكلة الفقر والنظريات اللى بتحل المشكلة


واتكلم عن المراحل اللى بتمر بيها أى دولة وهى 5 مراحل
تتلخص فى الاتى :


1 - مرحلة ما قبل التصنيع
2 - مرحلة ما قبل الانطلاق ( التجهيز )
3 - مرحلة النطلاق
4 - مرحلة النضج
5 - مرحلة الستهلاك الوفير ( الرفاهية )


بعد ذلك اتكلم عن نظريات الاستقطاب فى التنمية


ثم دخل فى القضية التانية فى العالم النامى او التالت


وهى مشكلة ( الانفجار السكانى ) واهم العناصر كانت
- مقدمة او مدخل للموضوع
- خصائص وحقائق النمو السكانى فى العالم الثالث
( 4 حقائق )
- تصنيف الدول حسب السكان الموارد ...


ومهد للموضوع القادم وهو هجرة السكان


**وطلب مننا نبحث عن إخر احصائية
لعام 2009 لسكان العالم النامى
ودا حسب القارات والاقاليم بالدول


** ملحوظة مهمة قالها الدكتور :


احنا مش بندرس المادة دى كأقاليم ودول عالم تالت
احنا بندرس القضايا اللى موجودة وبتواجه العالم التالت
وبنحاول نوجد لها حلووووووووووووول ,,,,,,,,,,,


مع أطيب تمنياتى بالتوفيق للجميع

Horiaa Swedan
10-22-2009, 10:32 PM
بجد يا كريم الله ينور بجد مش عارفه اقولك ايه ربنا يجزيك خير الجزاء بجد

عجز لسانى عن الكلام امام مجهودك بس ايه رايك لو خلينا ملخص المحاضرات فى موضيع لوحده ونسيب الموضوع ده للاعلانات والاخبار ولا انت شايف ايه

KAREEM
10-23-2009, 12:19 AM
اللى انا اشوفه ؟؟؟؟؟؟؟؟؟؟؟
يانهار اوسد وابيض وكل الالوان !!!
طبعا اللى انتى شايفاه
مش رئيسة الجمعية الجغرافية
للسنة التانية على التوازى ههه
عمواما انا شايف ان احنا نكتب
ملخص سريع للى بيدور فى المحاضرة
واهم العناصر وكدا يعنى
لحد ميكمل فريق العمل بتاعنا
عشان نبدأ الشغل فى أقرب واقت
وكل واحد يبقى مسئول عن مادة
بموضوع مستقل كل دا فى دماغة
وموجود فى البرنامج الانتخابى بتاعى
انتى عارفة بقة . اومال لوم كنتيش
مديـــــــــــرة الدعاية !!!!!!!!!!!
هههههههههههههههههه
تحياتى ليكى حورية سويدان ....

سندريلا
10-23-2009, 11:13 AM
فكره حلوة اوى يا كريم

وانا معاكو فى الفكرة دى


واننا نعطى ملخص للمحاضره علشان اللى عنده ظروف ومحضرش المحاضره


يعرف هيه بتتكلم عن ايه

حورالعين
10-23-2009, 01:38 PM
جزاكم الله خيرا علي مجهودكم الرائع اخونا الكريم...

بارك الله فيكم

Horiaa Swedan
10-23-2009, 06:09 PM
اللى انا اشوفه ؟؟؟؟؟؟؟؟؟؟؟


يانهار اوسد وابيض وكل الالوان !!!
طبعا اللى انتى شايفاه
مش رئيسة الجمعية الجغرافية
للسنة التانية على التوازى ههه
عمواما انا شايف ان احنا نكتب
ملخص سريع للى بيدور فى المحاضرة
واهم العناصر وكدا يعنى
لحد ميكمل فريق العمل بتاعنا
عشان نبدأ الشغل فى أقرب واقت
وكل واحد يبقى مسئول عن مادة
بموضوع مستقل كل دا فى دماغة
وموجود فى البرنامج الانتخابى بتاعى
انتى عارفة بقة . اومال لوم كنتيش
مديـــــــــــرة الدعاية !!!!!!!!!!!
هههههههههههههههههه

تحياتى ليكى حورية سويدان ....



ينهار اوسد رئيسه الجمعيه انت حتخلينا نتمسك ولا ايه لا انا مساعد الامين بتاع الجمعيه لسه رئيسه دى كبيره عليا يا باشا اوعى حد يسمع كده ولا كده التوبكات ليها ودان هههههههههههههههه

اه طبعا حملت الدعايه المفروض تعملهم موضوع وتكتبلهم انتخبونى بونى بونى بونى زى زكيه زكريا ههههههههههه

KAREEM
10-23-2009, 11:04 PM
ينهار اوسد رئيسه الجمعيه انت حتخلينا نتمسك ولا ايه لا انا مساعد الامين بتاع الجمعيه لسه رئيسه دى كبيره عليا يا باشا اوعى حد يسمع كده ولا كده التوبكات ليها ودان هههههههههههههههه

اه طبعا حملت الدعايه المفروض تعملهم موضوع وتكتبلهم انتخبونى بونى بونى بونى زى زكيه زكريا ههههههههههه

ههههههههههههههههههههههههههههههههههههههههههههههه
ههههههههههههههههههههههههههههههههههههههههه
هههههههههههههههههههههههههههههه
ههههههههههههههه
ههههههه

KAREEM
10-23-2009, 11:09 PM
فكره حلوة اوى يا كريم

وانا معاكو فى الفكرة دى


واننا نعطى ملخص للمحاضره علشان اللى عنده ظروف ومحضرش المحاضره


يعرف هيه بتتكلم عن ايه


لا ولسه كمان حنبدا ننزل محاضرت
مع اكتمال فريق العمل
من بكرة ان شاء الله
بس زى ما قالت لك حورية
انتخبونى بونى بونى
هههههههههههههه
منورة المنتدى والله

حسناء
10-24-2009, 01:47 AM
Allah Bless YOU Kareem and Horrya

KAREEM
10-24-2009, 04:38 PM
ايدا ؟؟؟؟؟؟؟؟؟
دى بتشتم
الحقى حورية دى بتشتمنا
بالنجليزى فاكرانا مبنفهمش
لا احنا عارفين كل حاجة
عموما الله يسامحك يا حسناء
هههههههههههههه






طبعا بهذر معاكى
جزاكى الله خير على مرورك الكريييم

KAREEM
10-28-2009, 10:59 PM
سلامو عليكو
النهاردة ياجماعة
كان فى سيكشن
عالم تالت مع
أ / جابر رفاعى
فى مدرج 58
بعد محاضرة
د / جبريل
اللى كلوا مشى بعديها
عشان كدا
هحاول النهاردة
انزل لحضراتكم
السيكشن مكتوب كامل
متخافوش هو مش طويل
صفحتين اتكلم فيهم عن
تعريف وسمات دول العالم التالت
كمقدمة للفصل اللى احنا هندرسه
عن الحضرية والتحضر وفصل
اخر مش فاكر اسمه
احتمال انزل السيكشن النهاردة بالليل
وشكرا جزيلا لكم ,,,,,,,,,

KAREEM
11-04-2009, 05:00 PM
اليوم
بالنسبة لشعبه نظم معلومات
محاضرة بحار ومحيطات اتلغت
دكتور جبريل اعتذر
والسيكشن التانى لاستاذ جابر
دخل فى مادة العالم التالت
اما شعبة مساحة
فكان عندهم محاضرتين مع
دكتور احمد مصطفى والاتنين تمو
تحياتى ليكو

ايمان عبد العال
11-04-2009, 07:57 PM
محاضره النصوص لدكتور محمد راشد يوم الثلاثاء اللي فات ادانا ايه

دكتور / السيد الزغبى
11-05-2009, 03:27 AM
تحياتى للجميع حقيقى مجهود ممتاز ورائع من الفرقة الثالثة

Horiaa Swedan
11-05-2009, 03:31 AM
نشكرك يا دكتور على مرورك الكريم ومتبعتك لينا ديما

KAREEM
11-06-2009, 02:01 PM
تحياتى للجميع حقيقى مجهود ممتاز ورائع من الفرقة الثالثة


دكتور السيد بنفسه مشرفنا
والله مرورك حضرتك دفعة
معنوية كبيييييييرة جدا
لينا كلنا كنة تالتة
ونرجو من ربنا اننا
نكون عند حسن ظن
حضرتك ونشرفك ,,,,

kimoelahlawy
11-15-2009, 07:53 PM
ana nfse a7dr wallahe

KAREEM
12-06-2009, 08:35 PM
النهاردة ياجماعة فى محاضرة الاقليم الخاص
دكتور بكير قال ان الامتحانات بصورة مبدئية
احتامل كبير تبدأ يوم 16/1
ودا الكلام المتقال لحد دلوقتى
حبيت أقول لحضراتكم عشان كله قلقان
الامتحانات تكون خلال الشهر دا
لدرجة انه قال انها ممكن تتأجل أكتر من
كدا لو حصل اى جديد فى موضوع أنفلونزا الخنازير

** حبيت أفكر الناس بان الميعاد فاضل عليه شهر تقريبا من دلوقتى
عشان محدش الوقت يسرقه وطبعا بقول الكلامك دا لنفسى قبل حضراتكم
جزاكم الله خير جميعا وبالنجاح والتوفيق دائما باذن الله

اخوكم الفقير الى الله / كريم

white heart
12-06-2009, 09:43 PM
بجد الله ينور دى فكره حلوه اوى والصراحه لسه شيفاها دلوقتى وممكن اشترك فيها بأخبار الفرقه الثانيه ولا ايه

KAREEM
12-06-2009, 10:04 PM
ههههههههههههههههههه
لا يا اويت عندكوا موضوع تانى
مشابه للموضوع دا
ولو مش موجود انتى ممكن تعملى الموضوع
دا فى ملتقى الفرقة التانية بتاعكو
وانتى بجد نورتينا فى الملتقى بتاعنا جدا
ونتمنى نشوفك عندنا دايما
والسنة الجاية تمشكى انتى الموضوع كله مننا
وبشكرك لمرورك جدا جدا
جزاكى الله خير

white heart
12-06-2009, 10:06 PM
ميرسى اوى اوى يا كريم وانت ورايا ورايا

KAREEM
12-17-2009, 02:17 PM
ياجمااعة لو حد نزل النهاردة من تالتة نظم
لو سحمت بس يقول لى أهم النقط اللى اتقالت
فى محاضرة العالم لتالت لحد ما اجيبها من أى حد
وشكر جزيلا ليكم ...

MUHAMED SAMY
12-17-2009, 02:40 PM
ياريت لو حد نزل من تالته مساحة يقولنا اخبار المحاضرات

KAREEM
12-17-2009, 02:46 PM
ياريت لو حد نزل من تالته مساحة يقولنا اخبار المحاضرات



لا انا اللى قايل الاول
لو حد نزل من 3 نظم
يقول ايه اللى حصل فى
المحاضرة :p:p:p

KAREEM
02-21-2010, 10:50 PM
سلامو عليكو

شعبة نظم النهاردة

كان عندنا محاضرة
الساعة 3
جغرافيا تاريخية
دكتور محمد راشد

وتم تقسيم القاعة
لنصفين انتظام وانتساب
وممر فى النص
عشان الدكتور يتمشى
فى وسط الطبة
ويزيد التفاعل معهم

وطلب مننا كل واحد
يثبت مكانه عشان
يحفظ أشكالنا
وأسماينا ويزيد
الترابط بينا

وعرض عرض مغرى

اللى هيكتب جميع
محاضراته من غير
ما يفوت كلمة
ليه 100 جنيييييييييه
فى اخر السنة
مكافأة من الدكتور

وممنوع حد ينقل محاضرات
او يصورها من حد

واتفق اتفاقث مع طلبة انتساب

يا أما يحضرا ويجيب لهم الامتحان
منت خلال المحاضرة فقط

او ميحضروش ويلتزمو بالكتاب
ويكون الامتحان منه

الدكتور سأل 4 أسائلة
واتناقش معانا فيهم
كمقدمة لدراسة المادة

عشا نبدأأ المرة الجاية
بموضوع الهدف من دراسة
المااااااااادة وكان الاسئلة
تمهيد للدخول فى الموضوع


هذا ما عندى

أرجو أكون أفدتكم

وفصل دراسى سعيد ان شاء الله

blue_sky
02-21-2010, 10:59 PM
مظبوط ياجماعه زي ماقال كريم لكن في حاجه هو نساها الدكتور قال أن اللي هيكتب المحاضرات كلها من غير ما يسيب كلمه هياخد 100 جنيه زي ماكريم قال لكنه قال كمان أنه مالهوش أمتحان شفوي يعني هياخد درجة الشفوي كاملة من غير أمتحان بالنسبه بئى للأنتساب هياخد 25 زيادة

MUHAMED SAMY
02-21-2010, 11:18 PM
عرض مغرى جدا بجد يبختكوااا

mostafaaaaa
02-21-2010, 11:28 PM
تسلم ياكيموووووو الله يبركلك على المعلومات دى واتمنى تكون متبعنا ديما عشان انا مش هنزل الكليه غير على الاامتحنات ان شاء الله

MUHAMED SAMY
02-22-2010, 06:33 PM
ياريت لو حد نزل الكلية يقولنا د.احمد مصطفى دخل المحاضرة ولا لا..ولو فى جديد يعنى

blue_sky
02-23-2010, 01:02 AM
ياريت لو حد حضر مادة أنتساب يقولنا أخدو أيه النهاردة

هدى على
02-24-2010, 06:34 PM
عايزة اعرف بس هو انتوا اخدتوا تاريخ يوم الثلاثاء

KAREEM
02-24-2010, 06:49 PM
عايزة اعرف بس هو انتوا اخدتوا تاريخ يوم الثلاثاء


لا محاضرة التاريخ اتلغت
الدكتور مجاش

وزمايلنا فى انتساب يوميها حضروا
محاضرة دكتور ابوراضى فى النظم
واتكلم فى نقطة واحدة فى المنهج
ونظره عامة ع المنتهج والامتحان

وان ان شاء الله بكرة
نبدأ محاضرات بجد بقى

يوم ملياااااااااان محاضرات
خاصة لانتظاااااااااام

MUHAMED SAMY
02-24-2010, 07:14 PM
ممكن حد من المساحة يقولنا الدنيا ماشية ازاى فى القسم لانى كل لما اروح ملقييييش حد

blue_sky
02-24-2010, 11:13 PM
أتا تزلت الكلية أمبارح ودكتور أبوراضي عطانا مقدمة بس عن نظم المعلومات و مفهومها وتعريفاتها وقالنا أن ليها 24 تعريف وكلهم علينا بس ما سردهمش وقالنا نرجع للحاسب الألي اللي أخدناه في سنه أولى نراجع عليه وكمان كتاب الخرائط ونراجعهم خلال الأسبوع ده يعني قبل المحاضرة الجاية وقالنا أن المفروض المادة تبئى 3 ساعات ساعتين نظري وساعة عملي بس هيخليهم 4 لأن 3 مش هيكفي 2 نظري و2 عملي وقالنا أنا الميعاد بتاع الساعة 2 ممكن يتأخر شوية يبئى 2ونص أول يوم ثلاثاء من كل شهر عشان بيبئى في أجتماع

mohamed ali
02-26-2010, 03:47 PM
الله يكون فى العون

Nermien.A
03-01-2010, 10:20 PM
السلام عليكم...
ممكن حد يرد عليا ضرورى..
كان دكتور احمد مصطفى قايل ان اول ثلاثاء من اول كل شهر مش هيبقي فى محاضره جيولوجيه فكده مفيش بكره ولا ايه على اساس ان بكره 2 فى الشهر و اول يوم ثلاثاء,,

blue_sky
03-02-2010, 10:59 PM
ياريت ياجماعة اللي نزل أنهاردة الثلاثاء الكلية ياريت يقولي دكتور على زكي دخل ولا لأ ودكتور أبو راضي عطاهم حاجات مهمه ولا أيه والتاريخ يعني ياريت حد يقولي الفايدة

yara
03-03-2010, 08:46 PM
ياريت لو حد يقولى احنا اخدنا محاضرة يوم الثلاثاء اللى فات تاريخ مصر الحديث ولا لا؟؟؟؟؟؟؟؟؟؟؟

blue_sky
03-03-2010, 11:44 PM
ياريت لو حد يقولى احنا اخدنا محاضرة يوم الثلاثاء اللى فات تاريخ مصر الحديث ولا لا؟؟؟؟؟؟؟؟؟؟؟

أنا ماروحتش بس عرفت
أخده محاضرة تاريخ وخلصة على 7 إلا ربع عشان أول محاضرة بس

KAREEM
03-04-2010, 12:38 AM
ياريت ياجماعة اللي نزل أنهاردة الثلاثاء الكلية ياريت يقولي دكتور على زكي دخل ولا لأ ودكتور أبو راضي عطاهم حاجات مهمه ولا أيه والتاريخ يعني ياريت حد يقولي الفايدة


الفايدة ان انتساب خدوا ال 3 محاضرات
وجوم فى التاريخ كانوا تعبانين خالص
دكتور على زكى دخل 1/4 ساعة ومشى
عشان كان عنده اجتماع ومخدش حاجة
ودكتور ابو راضى عاد نفس الكلام تانى
ومحاضرة التاريخ مخدناش حاجة
الا انه كان بيقيم معلوماتنا التاريخية
وقال لنا ان نظام امتحانه زى نظام
امتحان دكتور بكير :mad:

دا اللى اعرفه اسف ع التأخير فى الرد
لسه شايف دا حالا
وياريت اخواننا بتوع انتساب
يشاركو ايضاا فى الموضوع دا ويردو على بعض

محمود حماد
03-04-2010, 09:43 PM
انا معاكو طبعآ واى معلومة انا اعرافها هوصلهالكو اكيد

blue_sky
03-04-2010, 11:50 PM
الفايدة ان انتساب خدوا ال 3 محاضرات


وجوم فى التاريخ كانوا تعبانين خالص
دكتور على زكى دخل 1/4 ساعة ومشى
عشان كان عنده اجتماع ومخدش حاجة
ودكتور ابو راضى عاد نفس الكلام تانى
ومحاضرة التاريخ مخدناش حاجة
الا انه كان بيقيم معلوماتنا التاريخية
وقال لنا ان نظام امتحانه زى نظام
امتحان دكتور بكير :mad:


دا اللى اعرفه اسف ع التأخير فى الرد
لسه شايف دا حالا
وياريت اخواننا بتوع انتساب

يشاركو ايضاا فى الموضوع دا ويردو على بعض
لسة فاكرييييييييييييين ده أنا الأخبار وصلتني من التليفون بعد ما فقدت الأمل في الرد
لكن تشكر يا أستاذ

KAREEM
03-09-2010, 07:15 PM
منزلتش بس عرفت بالتليفون
ان محاضرة التاريخ اتلغت
يعنى مكنش فى حاجة
بالنسبة لانتظام النهارة
وشكرررررررا

blue_sky
03-10-2010, 10:27 PM
بالنسبةلأنتساب دكتور عليزكيعطاهمنظرية واحدة وأتكلم عن الزراعة
وبالنسبة لدكتور أبو راضي أولا وصل متأخر ثانيا بعد مابدأ بشويه مشى وقالنا تلت ساعة ونكمل عشان راح الأجتماع تاني
وجالنا برضة متأخر بعد التلت ساعة وبعد كدة أتكلم عن تعريفات نظم المعلومات
بعد كدة روحنااااااااااااااااااا تعبنين من كتر الأنتظار مش أكتر
والتاريخ أتلغت زي كريم ماقال

blue_sky
03-11-2010, 08:59 PM
محدش نزل النهاردة ولا أية ؟؟؟؟؟؟؟؟؟؟؟؟؟؟؟؟؟؟؟

KAREEM
03-12-2010, 04:53 PM
محدش نزل النهاردة ولا أية ؟؟؟؟؟؟؟؟؟؟؟؟؟؟؟؟؟؟؟


لا كلنا نزلنا
وطبعا انتظام خدنا اول محاضرة
بس بدأت متأخر شوية من 9
ل 10 كملنا دراسة فى نظم

المحاضرة التانية
دخلت دكتورة ايمان عادى
وكملت شرح باقى انواع المنحنيات
خلصناهم كلهم
وعطيتنا ورق تمارين صورناهم
وناس كتير خدت الورق
والى مخدش هياخد بكرة السبت ان شاء الله
عير كدا الورق موجود بصورة مؤقتة ع المنتدى

المحاضرة التالتة دكتور بكير ( انتظام )
طبعا كمل معانا فى الاقتصادية

والاخيرة لدكتور محمد راشد اتلغت
واللى وراها كمان ( تاريخية وانتساب ) ملغيين
ان شاء الله لظروف سفر الدكتور

مع أطيب التحيات

الدحيح
03-14-2010, 01:58 PM
شكررررا جدااا على المجهوووود الرائع

الدحيح
03-14-2010, 02:01 PM
نفسى اعرف الجدول الصحيح

KAREEM
03-14-2010, 08:21 PM
نفسى اعرف الجدول الصحيح


* لو حضرتك مساحة
يبقى دا جدولك
http://www.mesa7a.com/forum/showthread.php?t=14468

* ولو حضرتك نظم
يبقى جدولك هنا
http://www.mesa7a.com/forum/showthread.php?t=14596

تحياتى ليك
يا دحييييييييح
:1::1::1:

MUHAMED SAMY
04-23-2010, 03:32 PM
ممكن حد من 3 مساحة
يقولنا ايه كان نظام اليوم
الجمهة 22 ابريل
بالنسبة لسمنار
دكتور السودانى