المساعد الشخصي الرقمي

مشاهدة النسخة كاملة : هى وصلت للدرجة دى , عايز أعرف رأيكوا فى الكلام دا ؟؟؟



KAREEM
10-07-2009, 01:45 PM
الخبر دا قريته اول امبارح و انا بتصفح النت
بصراحة انا اتخضيت من التفاصيل .......


شيخ الأزهر يُجبر طالبة على خلع نقابها!



"النقاب مجرد عادة لا علاقة له بالدين الإسلامي من قريب أو بعيد، وبعدين إنتِ قاعدة مع زميلاتك البنات في الفصل لابسة النقاب ليه".

هكذا صرخ دكتور محمد سيد طنطاوي -شيخ الأزهر- في إحدى طالبات الصف الثاني الإعدادي عندما رآها ترتدي النقاب داخل الفصل.

فقد أجبر شيخ الأزهر -وفقا لجريدة المصري اليوم بعددها الصادر الاثنين 5 أكتوبر 2009- إحدى الطالبات المنتقبات بمعهد فتيات أحمد الليبي بمدينة نصر على خلع نقابها.

زيارة شيخ الأزهر جاءت أثناء جولته التفقدية لمعاهد الأزهر؛ للوقوف على مدى استعدادها لمواجهة انتشار فيروس "H1N1" المعروف باسم "إنفلونزا الخنازير"، ليعلن خلالها عزمه إصدار قرار رسمي بمنع دخول المنتقبات معاهد الأزهر.

ولم تجد الطالبة أمامها وسيلة أخرى في مواجهة إصرار شيخ الأزهر على خلع النقاب سوى تنفيذ الأمر بخلعه وكشف وجهها؛ فردّ طنطاوي قائلاً: "لما أنتِ كده أمال لو كنتِ جميلة شوية كنت عملتِ إيه؟!!".

وردت إحدى المدرّسات بالمعهد قائلة: "إن الطالبة تقوم بخلع نقابها داخل المعهد؛ لأن كل المتواجدات فيه فتيات، ولم تقُم بارتدائه إلا حينما وجدت فضيلتك والوفد المرافق تدخلون الفصل".

وطلب شيخ الأزهر من الطالبة عدم ارتداء النقاب مرة أخرى طوال حياتها؛ فقالت: إنها تقوم بارتدائه حتى لا يراها أحد، فرد طنطاوي منفعلاً: "قلت لكِ: إن النقاب لا علاقة له بالإسلام وهو مجرد عادة، وأنا أفهم في الدين أكتر منكِ ومن اللي خلفوكِ".

وأعلن طنطاوي على الفور عزمه إصدار قرار رسمي بمنع ارتداء النقاب داخل المعاهد الأزهرية، ومنع دخول أي طالبة أو مدرسة المعهد مرتدية "النقاب".

يُذكر أن قضية النقاب تُواجه جدلاً شديداً في الشارع المصري؛ لا سيما بعد أن اشتعلت مظاهرات الطالبات المنتقبات بجامعة القاهرة أمام المدينة الجامعية للطالبات؛ اعتراضاً على منعهن من السكن بالمدينة الجامعية بسبب ارتدائهن النقاب، وهو القرار الذي أعلنه الدكتور هاني هلال -وزير التعليم العالي والدولة للبحث العلمي.

وقالت طالبات الجامعة إنهن لا يمانعن في كشف النقاب للاطلاع على هوياتهن من قِبل مشرفات المدينة الجامعية، ولا يُمانعن في رفع النقاب تماماً داخل أسوار المدينة الجامعية، كما طالبن وزير التعليم العالي باستبدال العمال والموظفين الرجال المتواجدين فى المدينة بسيدات.



** الخبر نقلا عن المصرى اليوم




عايز أعرف رأى حضرتكم فى الكلام دا ؟؟؟؟؟
لأن الراجل دا من زمان باع نفسه وباع دينه
وباع علمه وباع كل حاجة عشان خاطر السلطة الحاكمة ؟؟؟؟
لكن بقى أما توصل لمسألة الحرية الشخصية حتى فى اللبس
فدى تبقى قلة أدب وسفالة بجد ومينفعش نسكت عليها
مش ممكن الكلام اللى هو قالله دا كدا مش شيخ أزهر
دا لو شيخ عادى عمره ميقول الألفاظ دى ولا الكلام دا !!!!!!!!



** فى أستفتاء فوق الموضوع مستنى مشاركة حضرتكم فيه
عشان نوصل فيه لمولانا وأمثاله أرائنا كشباب جامعى مثقف
وواعى وفاهم ,,,,,,,,,,,,

raul
10-07-2009, 04:29 PM
احب اشكرك يا كيمو اولا واقولك جزاك الله خيرا
ورأيى من رأيك ان الراجل ده ميستهلش يكون شيخ ازهر
وشايف كمان انه يتخلص من لحيته والجلباب بتاعه علشان الصراحة مش لايقين عليه

شكرا ليك يا كيمو

MEROOO
10-07-2009, 05:23 PM
بجد ياكريم دا ميستحقش لقب (شيخ)

فمابالك لما يكون شيخ الازهر هو مصدر قرار عدم لبس النقاب

ده يبقا سفه وتخلف وعدم وعى دينى

بجد لازم نقول على الدنيا الســـــــــــــــــــــــــــــــــــــــــــــــ ـــــــــلام

لما يكون فى قمة الدعوة الاتجاه للدين...........فضيلته يصدر ويعمل كده

ساب ايييييييييييييييه حضرته للاخوان والمتطرفيين والشيوعيين

ومقدرش اقول غيـــــــــــــر((حسبى الله ونعم الوكيل))

KAREEM
10-07-2009, 05:25 PM
احب اشكرك يا كيمو اولا واقولك جزاك الله خيرا
ورأيى من رأيك ان الراجل ده ميستهلش يكون شيخ ازهر
وشايف كمان انه يتخلص من لحيته والجلباب بتاعه علشان الصراحة مش لايقين عليه

شكرا ليك يا كيمو



شكرا لمشاركتك الكريمة
وعم جد
نورت الموضوع

جيداء علي
10-07-2009, 06:11 PM
انا عن نفسي وبما انى منتقبة اري انه ظلم طائل ولا يجب السكوت عليه ولكن توجد حكمة تقول "اذا لم تستح فافعل ماشئت "
اذا كان قد صرح بأن الاستماع الي الموسيقي ليس حراما وأنه شخصيا يستمع الي الموسيقي قبل نومه حتى تساعده علي هدوء اعصابه وذلك في برنامج له علي القناة الاولي المصرية كان يعرض في رمضان
فانا اعتقد ان من قال بذلك ليس من الصعب عليه بان يقول ان النقاب ليس بعبادة ولكنه عادة
هذا الموقف يحتاج منا الي وقفة رجل واحد يدافع عن الفساد الذي حل بنا ،عندما قالو بان اللباس الفاضح في الجامعات والشوارع المصرية حرية شخصية لابد لنا ان نرد قائلين ان احتشامنا وفتنا حريةشخصية لنا ايضا لا يمكطهم مساسها ولا التحكم فيها .

KAREEM
10-07-2009, 07:03 PM
جزاكى الله خير
أختى على المشاركة وجميع من شارك بالموضوع
برد أو بكلمة أو حتى صوت فى الاستفتاء
حتى يصل صوتنا عاليا
مناديا بالحرية أولا وأخيرا
وأن هناك شباب قادر على حماية هذا الدين

GooD_DrSh
10-07-2009, 07:18 PM
والله دا كلااام لو شاب مش متعلم مش هيقوله مش شبخ ازهر ..
على الاقل الاسلوب التعليمى والتهذيبى فيين دا بالزمه يبقى قضوه . قضوه ليمن .. لما الراجل حلل سماع الموسيقى ف رمضان .. وحلل ان الواحد مالوش حق ف اعضائه بعد ما يموت وال يتنفذ فيه حكم الاعدام ياخدوو منه اعضاءه بعد كدا ..
وادى اهه جايلنا كماا نيقول النقاب حراام يعنى النقاب والستره وعفة النفس يبقى حراام . والبنطلونات الجينز الضيقه والعريانه نقول عليها حريه شخصيه .
حسبى الله ونعم الوكيل

Mahmoud Slem
10-07-2009, 07:44 PM
الكلام ده مستفز اوى
حسبى الله ونعم الوكيل

وكمان ايه الكلام اللى هو بيقوله ده



ولم تجد الطالبة أمامها وسيلة أخرى في مواجهة إصرار شيخ الأزهر على خلع النقاب سوى تنفيذ الأمر بخلعه وكشف وجهها؛ فردّ طنطاوي قائلاً: "لما أنتِ كده أمال لو كنتِ جميلة شوية كنت عملتِ إيه؟!!".

وردت إحدى المدرّسات بالمعهد قائلة: "إن الطالبة تقوم بخلع نقابها داخل المعهد؛ لأن كل المتواجدات فيه فتيات، ولم تقُم بارتدائه إلا حينما وجدت فضيلتك والوفد المرافق تدخلون الفصل".

وطلب شيخ الأزهر من الطالبة عدم ارتداء النقاب مرة أخرى طوال حياتها؛ فقالت: إنها تقوم بارتدائه حتى لا يراها أحد، فرد طنطاوي منفعلاً: "قلت لكِ: إن النقاب لا علاقة له بالإسلام وهو مجرد عادة، وأنا أفهم في الدين أكتر منكِ ومن اللي خلفوكِ".



ده حتى مفيش ادب فى التعامل
حسبى الله ونعم الوكيل فى كل شخص زى ده

KAREEM
10-07-2009, 08:50 PM
والله دا كلااام لو شاب مش متعلم مش هيقوله مش شبخ ازهر ..
على الاقل الاسلوب التعليمى والتهذيبى فيين دا بالزمه يبقى قضوه . قضوه ليمن .. لما الراجل حلل سماع الموسيقى ف رمضان .. وحلل ان الواحد مالوش حق ف اعضائه بعد ما يموت وال يتنفذ فيه حكم الاعدام ياخدوو منه اعضاءه بعد كدا ..
وادى اهه جايلنا كماا نيقول النقاب حراام يعنى النقاب والستره وعفة النفس يبقى حراام . والبنطلونات الجينز الضيقه والعريانه نقول عليها حريه شخصيه .
حسبى الله ونعم الوكيل


فعلا أحسن رد نقوله
حسبى الله ونعم الوكيل ,,,,,,,

KAREEM
10-07-2009, 08:53 PM
الكلام ده مستفز اوى
حسبى الله ونعم الوكيل

وكمان ايه الكلام اللى هو بيقوله ده




ده حتى مفيش ادب فى التعامل
حسبى الله ونعم الوكيل فى كل شخص زى ده


حسبنا الله ونعم الوكيل
جزاك الله خير

Wild_Angel
10-08-2009, 12:11 AM
اولا جزاك الله خيراً يا كريم عن نقل الخبر

ابسط حقوق المسلمين معرفناش ناخدها
(( لو كنت فظاً غليظ القلب لانفضوا من حولك ))
كيف يرضى شيخ الازهر ان تكون صورته كعالم جليل بهذا الشكل
ازاى الشباب اصلا حيحبوه ويحبوا يعرفوا الاسلام منه ؟؟؟ كيف ؟كيف ؟

كريم انا سعيده انك طرحت الموضوع
بس احنا مش من المفترض نغلط فى اى انسان كان
عشان على الاقل
حفاظاً علينا اننا نأخخذ ذنوبه ولا ايه؟

انا عارفه اننا كلنا لازم اصلا ندافع عن حقوقنا
انا مش منقبه
بس لو بقى فى مظاهرات حقف معاهم
لان بكل بساطه دى حريه شخصيه
واحده وبتمنع الفتن عن اى شاب بابسط حقوقها انها تدارى وشها

احنا مش فى قضيه دينيه فرض ولا سنه ولا عاده
انا فى تعدى على حرية الاخرين

انا اسفه انى طولت
بس انا كمان
ضد اللى حصل كله
جزاك الله خيراً

KAREEM
10-08-2009, 01:04 AM
حضرتك مطولتيش ولا حاجة
وكلامك وأرائك بيسعدونى جدا
لانها خارجة من انسانة متدينة ومحترمة
ومثقفة وعندها وعى
وانتى عندك حق مش المفروض انى اتكلم عنه كدا
عشان متتحسبش علينا غيبة
واللى دفعنى زى ما انتى عارفة غيرتى على دينى
بجد جزاكى الله خير ع المشاركة
وع النصيحة واللافتة الجميلة
اللى كلها ذوق وأدب
بشكرك على مرورك الكريم

mo_medya
10-08-2009, 08:52 PM
مشكور على طرحك للموضوع
بس شيخ الأزهر كده زودها أوى
دى ما جتشى من وزير الثقافة
والا وزير التعليم
كنا قلنا إنهم مش عارفين حاجة
كنا خلاناهم يروحوا لشيخ الأزهر
يعلمهم شوية
لكن لما شيخ الزهر رأس الافتاء فى مصر
يعمل كده ... يبقى إيه اللى ناقص
صحيح ما هو عمل نفس الحركة
لما فرنسا منعت المحجبات من دخول المدارس
وطلع هو بكل وقاحة وقال أن من حق فرنسا ذلك
المعايير بدات تتقلب خالص
ده الأكتر من كده بيقولها لما خلعت النقاب
أومال لو كنتى حلوة شوية كنتى عملتى إيه؟
بصراحة تعجز الكلمات على أن تصف أفعاله
دى مصر ... وده دينا
ولازم شيخ الزهر يفهم كده
دى مش بلد اللى خل.............
حسبنا الله ونعم الوكيل

KAREEM
10-08-2009, 11:19 PM
جزاك الله خير ع المشاركة
وأظن احنا صوتنا كدا وصل
ويستحيل حد من المسئولينن
يستجرأ يمنه النقاب
شكرا كثيرا ع مرورك الكريم

alaa eid
10-09-2009, 12:10 AM
اولا حسبـــــــــي الله ونعم الوكيل في كل واحد صدر قرار بدون اي دليل


وثانيا وده اللي ضايقني لما خلعت النقاب يقولها لو انتي كنتي جميلة شوية كنتي عملتي ايه انا لو مكان البنت ديه بصراحة هضايق نفسيا لان ربنا خلقنا في احسن تقويم وغير كده مش من حقه يقول رأيه في جمالها ولو فعلا رجل ازهر مش مفروض ما يبصش فيها اصلا ولا ايه مش الرسول قال نغض ابصارنا وغير كده الوجه بيفتن الشباب فالنقاب سترة حتي لو مش جميلة مش كل اللي لابساه علشان جميلة يعني وغير كده لما قالها انا افهم منك ومن اللي خلفوكي ده بقي القدوة بتاعنا ؟؟؟؟؟؟؟ وربنا بجد يرحمنا وشكله اصلا انه خلاص عجز


وحسبـــــي الله ونعم الوكيل مرة ثانية


وسوري علي الاطالة

KAREEM
10-09-2009, 12:17 AM
بجد فعلا الموضوع دا شاغلنى أوى
وانا قريت فى موضوع الاخ mo_medya
ان البنت مرحتش المدرسة بعد الموقف دا
بسبب حالتها النفسية وانهم بيحاولوا يسجلوا
معاها لكنها رافضة
بجد كفاية الجملتين اللى قالهم
دولا لوحدهم يخلوا الناس كلهم يكرهوا
اى بنىءادم

حقيقى بجد مشاركتك أسعدتنى كثيرا
ونورتى الموضوع كبنت مسلمة بتخاف على دينها

سانتا مونى
10-09-2009, 04:08 AM
اولا السلام عليكم ورحمة الله وبركاته
ثانيا انتم عمالين تعيبو على شيخ الازهر وداخلين ضده فى اللافاظ الوحشة اللى قالها وان اسلوبه مش مؤدب مع البنت
ياجماعة ربنا قال فى كتابه العزيز:
"بسم الله الرحمن الرحيم"
(اتامرون الناس بالبر وتنسون انفسكم)
وفى اية اخرى:
"بسم الله الرحمن الرحيم"
(ادعو الى سبيل ربك بالحكمة والموعظة الحسنة)
يعنى احنا عمالين نقول كلامه مش كويس واسلوبه غير لائق واحنا اصلا عمالين نعمل زى ما هو بيعمل بنشتم ونغتابه
هو كل اللى عمله ده غلط فى غلط
ومينفعش طبعا ان شيخ الازهر يعمل كده ده المفروض يكون قدوة لينا
واحنا كمان لينا حق نتعصب ونغضب لدينا بس بالكلمة الطيبة اللى مفيهاش اهانة لدينا لاننا مسلمين وده معناه اننا منقولش اى حاجة تغضب ربنا ولما احنا نسب ونشتم يبقى كده بنغضب ربنا
ثالثا بقى انا عايزة اقول ان شيخ الازهر غلطان
ازاى يقول للبنت اخلعى النقاب
انا بصراحة مندهشة هو قالها ازاى
ازاى شيخ الازهر يعمل كده
يعنى فعلا يوم القيامة قرب اوى اوى اوى
يارب استر علينا
احنا عايشين فى زمن الغرائب فعلا
يعنى السترة والحاجة الحشمة بقت عيب وحرام فى الزمن اللى احنا فيه ده ولما نشوف البنت لابسة اشى واشى نقول عليها شيك ورقيقة وانسة وكمان ابنقول عليها محترمة ولما نشوفها ساترة نفسها ولابسة النقاب او الحجاب الصح نكشف احنا الستر ده ونعريها ونقلعها النقاب ونقول النقاب مش فرض وحرام تغطى وشك وده تخلف وراجعية
لا حول ولا قوة الا بالله
لا وكمان يقولها امال لو كنتى حلوة كنتى عملتى ايه
ايه ده هو دجه كلام يتقال
حاجة فعلا تخرج الواحد عن شعوره
انا اسفة طولت عليكم
شكرا ليك ياكريم عالموضوع المهم اوى ده
وبرافو عليك فعلا لان احنا بجد محتاجين وقفة نقفها ضد الفساد ده
ربنا يخلصنا من الظلم
حسبى الله ونعم الوكيل
وارجو منكم ياجماعة ياريت بلاش نسب حد وهو مش موجود او وهو موجود لان كده بناخد ذنوب فى ناس متستهلش تاخد حسناتنا
اللهم صلى وسلم على سيدنا محمد وعلى اله وصحبه وسلم

KAREEM
10-09-2009, 04:30 AM
كلامك جميل جدا
ومشاركتك أسعدتنى
وزى ما انتى قلتى كلام يخلى الواحد يخرج عن شعوره
بس انا بعد ما كتبت الموضوع
بدأت الم لسانى لو تلاحظى
من ساعة مشاركة المشرفة المحترمة اسراء
ومبقيتش أغلط فى حد
عشان فعلا احنا مش حندى حسنانتنا لناس
ممكن يخشوا الجنة على أفانا بجد بسبب غيبتنا ليهم
وان شاء الله اللى يخش بعد كدا
يلتزم بالكلام دا
وميصحش ان احنا نغلط فى حد
عشان منبقاش زيه
وجزاكى الل هخير على المشاركة
الفعالة جدا دى

volcano222
10-09-2009, 03:10 PM
مصر = ضع الرجل الغير مناسب فى المكان المناسب = اللى انتا تتخيلة

KAREEM
10-09-2009, 05:26 PM
مصر = ضع الرجل الغير مناسب فى المكان المناسب = اللى انتا تتخيلة


تعليق مميز
جزاك الله خير
وندعى ونقول يارب
اللهم ولى علينا خيارنا
ولا تولى أمورنا شرارنا

lolaa fahmy
10-10-2009, 10:04 PM
شيخ ازهر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


حسبنا الله ونعم الوكيل

مش هقول اكتر من كده

KAREEM
10-10-2009, 11:18 PM
صح مينفعش نقول اكتر من كدا
وأظن دى كفاية اوى
شكرا ليكى ع الرد
والمشاركة الفعالة

KAREEM
10-10-2009, 11:20 PM
شفتوا الاخ اللى عطى صوت على خطوة جيدة
ممكن تكون غلطة غير مقصودة او دا رأيه
بس لو دا رأيه وهو مقتنع بيه ويحترمه
كان يناقشنا فيه أو يكتب رد ع الاقل
أتمنى مشاركات أكتر
عشان صوتنا يوصل أكتر اننا مع الحرية والحق

Ahmed Slem
10-11-2009, 01:12 PM
انا يس عايز اقول حاجه ان المعاهد الازهريه للبنات فقط فا لماذا خلع النقاب و انا شايف ان ده ظلم و ده ممكن يحصل داخل المينه الجامعيه مثلا لانهم بنات لكن في معاهد الازهر انا مش مصدق

KAREEM
10-11-2009, 08:55 PM
جزاك الله خير ع المشاركة
واتمنى دايما اشوف مشاركتك
ونشاطك فى جميع انحاء المنتدى
عن جد نورت ياباشا

ساره مجدى
10-12-2009, 10:47 AM
والله ياكريم انا متعودتش اصدق حاجه غير لو شوفتها بعينى
بس لو فعلا ده حصل تبقى بجد كارثه دينيه لا جدال فيها
ويبقى بجد ربنا يرحمنا عشان اكيد بعد شويه حيمنعوا الحجاب خالص
وحيبقى الملابس الرسميه لمصر الميكرو والكت
ربنا يرحمنا برحمته ويسترها معانا
وشكرا يا كريم على الموضوع المهم


-

مى رسمى
10-12-2009, 12:15 PM
اولا شكرا ياكريم

بس انا شيفه ان الجريده مكبره الموضوع شويه

مش معقول شيخ فى زياره لمعهد ازهرى حيقول لطالبه انا اعرف فى الدين اكتر منك ومن اللى خلفوكى

صعب جداااااااااااااااااااا بل تكاد تكون مش معقوله

ثانيا : النقاب فضيله وليس فريضه بمعنى ان اللى عايزه تلبثه تاخذ اجر على ذلك

لكن اللى متلبسوش ليس عاليها اى اثم ولا تحاسب على ذلك

وانا من رأى ان المرحله دى من السن اه تكون ملتزمه بحجابها الشرعى وكل حاجه بس مش لدرجة النقاب

ودى راى وارجو انو ميضايقش حد

جزاك الله كل خير

KAREEM
10-12-2009, 04:08 PM
والله ياكريم انا متعودتش اصدق حاجه غير لو شوفتها بعينى
بس لو فعلا ده حصل تبقى بجد كارثه دينيه لا جدال فيها
ويبقى بجد ربنا يرحمنا عشان اكيد بعد شويه حيمنعوا الحجاب خالص
وحيبقى الملابس الرسميه لمصر الميكرو والكت
ربنا يرحمنا برحمته ويسترها معانا
وشكرا يا كريم على الموضوع المهم


-


شكرا ليكىح على مرورك
وللأسف بقولك صدقى لان اللى حضر الكلام
دا صحفى محترم بالمصرى اليوم
ليه مصدقية ولم ينكر الشيخ هذا الكلام
بل بدأ اخذ اجراءات بمنع النقاب بالفعل
وان شاء الله المشاركة ححطلك رابط الفيديو
للصحفى فى موضوع لعضو محترم فى القسم العام
وجزاكى الله خير على المشاركة المتميزة

KAREEM
10-12-2009, 04:16 PM
اولا شكرا ياكريم

بس انا شيفه ان الجريده مكبره الموضوع شويه

مش معقول شيخ فى زياره لمعهد ازهرى حيقول لطالبه انا اعرف فى الدين اكتر منك ومن اللى خلفوكى

صعب جداااااااااااااااااااا بل تكاد تكون مش معقوله

ثانيا : النقاب فضيله وليس فريضه بمعنى ان اللى عايزه تلبثه تاخذ اجر على ذلك

لكن اللى متلبسوش ليس عاليها اى اثم ولا تحاسب على ذلك

وانا من رأى ان المرحله دى من السن اه تكون ملتزمه بحجابها الشرعى وكل حاجه بس مش لدرجة النقاب

ودى راى وارجو انو ميضايقش حد

جزاك الله كل خير

جزانا واياكى على المشاركة الجميلة دى
ورأيك دا ميزعلش خالص بل ويحترم
بل وانا متفق معاكى قفى حاجة ان
البنت فى السن دا ماعتقدش انها محتاجة للنقاب
الا بقى اذا كان شكلها كبيرة فعلا او فى البيت والدها
عايز يعودها عليه من صغره متعرفيش
بس المدرسة فى الفصل قالت لطنطاوى ان البنت
مبتلبسهوش فى وسط اصحابها لانه
قالها دا عشان محدش يشوفها !!!!!!!
على فكرة البنت بسبب الكلمة اللى قالها
الشيخ البنت مرحتش المدرسة تانى يوم والله اعلم
اذا كانت نزلت لغاية دلوقتى ولا لأ
تخيلى وانتى بنت حد يقولك : اومال لو كنتى كنتى عملتى ايه ؟؟؟
أظن ممكن يحصل لاى بنت عقدة نفسية
من كلمة زى دى خاصة فى سن زى دا ,,,,
بجد بشكرك على مرورك الكريم
دا رابط لنفس الموضوع عامبله عضو محترم
بالفيديو من ع اليوتيوب

بالفيديو شيخ الازهر يجبر طالبة على خلع النقاب
جزاكى الله خير