المساعد الشخصي الرقمي

مشاهدة النسخة كاملة : دعوه للتعاون بين طلبه 3 مساحه



temo
10-08-2009, 06:55 PM
السلام عليكم ورحمه الله وبركاته

حرصا علي المصلحه العامه وبناءعلي كلمات الاستاذ محمد سعد انهارده في اخر محاضره (للرياضه المساحيه) انا بقدم دعوه لكل طالب في شعبه مساحه اقوله فيها( اننا فعلا لازم نتعاون مع بعض ونكون ايد واحده في القسم والشعبه لان شعبه مساحه اسكندريه هي اساس الشعبه في مصر كلها واحنا من خلال متابعتنا للمنتدي خلال السنه الماضيه لاحظنا قد ايه الفرقه التالته كانت مشتته ومنقسمه عشان كده احنا لازم نثبت لكل الناس اننا دفعه قويه في كل حاجه في الدراسه وفي التعاون والتواجد داخل القسم بس بشرط يكون الهدف المشترك بنا هو التعاون والحب قبل المصلحه.)
فانا وكل القسم مستنيين ردك واقتراحاتك عشان نكون دفعه قويه يفضل القسم كله يفتكرها بالخير .)
انا اسف اني طولت عليكم واتمني اخذ الموضوع علي محمل الجد
temoelmasa7










































ز

kaka
10-08-2009, 09:15 PM
والله انت كلامك مظبوط ولابد من التعاون بيننا ونخاف على مصلحة بعض اخوك فى الله مصطفى

temo
10-09-2009, 12:37 AM
شكرا علي ردك الكريم كنت اتمني تضيف اقتراحك للنهوض بمستوي الشعبه والطلبه اللي فيها.
اخوك في الله تامر

Ahmed Hosny
10-09-2009, 02:02 PM
السلام عليكم ورحمة الله وبركاته
حبيب قلبى واخويا تامر احب فعلا اشكرك على موضوعك الهايل اوى ده
وبجد هو موضوع حساس اوى ياريت نقدر نحققه لان زى ما انت قولت ان التعاون هو اساس نجاح اى حاجة
وان شاء الله نقدر نحققه مع بعضنا كشعبة وليس كمجموعات
بس انا عندى انطباع بس يارب يكون غلط وهو انى حاسس انه فى بعض الناس مش حتقدر تحقق ده
ويارب يا رب يكون انطباع خاطئ
وعندى شوية اقتراحات ممكن من خلالها نحقق التعاون
1/ان احنا نتعرف الاول على بعضنا من خلال المنتدى او اننا ممكن نستاذن من استاذ محمد او اى حد انه
ممكن بعد المحاضرة الجاية "الاحد" يخلينا نحقق ده.
2/ان شاء الله احنا هنخش ع التقيل من الاسبوع الجاى اى حدمش فاهم اى حاجة ممكن يسال فيها من غير اى كسوف
3/اى محاضرة محدش يبخل بيها ع التانى وكذلك اى حد لقى مثال او مسالة من خلال مرجع معين يجيبها لكل زمايله
يستفادو منها وياخد هو ثوابهم
4/ودى انا شايفها مهمة اوى وهى اننا نتعاون مع الفرقة الرابعة "مساحة" ونستفيد من خبراتهم
معلش انا طولت اوى اوى بس الموضوع مهم اوى ويارب ينكتبله النجاح
وبشكرك وبقولك ان احنا كلنا "شلتنا " معاك يا معلم

محمد فؤاد
10-09-2009, 10:02 PM
المهم فى الحكايه كلها يامان ان كل الطلا يتعرفوا على بعض لان معظم الطلاب متقسمين الى مجموعات بدون اختلاط مع اى حد تانى وادينا بقلنا اسبوع مع بعض

Mahmoud Slem
10-09-2009, 10:09 PM
لسه بدرى يا شباب
الشغل الجماعى كله لسه جاى ورا
اصبراوا على رزقكم

واحنا موجودين معاكم فى القسم
لو احتاجتوا اى حاجه احنا موجودين
تعالوا اطلبوا اى خدمة وان شاء الله نساعدكم

انا بقدم نفسى اهو للمساعده

انا زميلكم
محمود سليم
الفرقة الرابعة مساحة وخرائط

اللى محتاج حاجه ممكن يطلبها منى هنا فى المنتدى
او هناك فى القسم

اوك


ربنا يوفئكم

temo
10-09-2009, 10:45 PM
بالنسبه لزميلي محمد فؤاد فانا بشكره علي المشاركه وبقوله انت كلامك صح وان اول خطوه ايجابيه هي اننا نتكلم مع بعض والمجموعات المختلفه تتعرف علي بعض .
وبشكر محمود سليم علي مشاركته وتقديمه المساعده وبقوله ده مش غريب علي طلاب قسم الجغرافيا
temoelmasa7

Rasha Said
10-10-2009, 12:15 AM
بجد دى حاجة كويسة قوى خصوصا ان كل صحابى من برة القسم واللى كانوا معايا مكملوش مساحة فانا حاسة انى لوحدى فياريت الاقى صحاب منكم زى صحابى اللى برة

طالب بالفرقة الثالثة مساحة
10-10-2009, 09:23 PM
واللة ياريت نتعرف ببعض عشان اى جى صعب ولازم نبقى واحد

حسبى من الدنيا رضاك
10-10-2009, 11:32 PM
السلام عليكم ورحمة الله وبركاته

اولا بشكرك جدا على فتح الموضوع ده لانه فعلا مهم اوى ما بيننا وحساس فى المعاملة بيننا وبين بعضنا وحاسة فعلا اننا متقسمين مجموعات بس ده عشان احنا مجموعات اصحاب مع بعضنا
وحاسة ان نمط المصلحة هو السائد مش حلو كده خالص وياريت شغل الثانوية العامة بتاع الواحد يعرف معلومة ويخبيها ليه يعنى اينشتين معانا فى القسم؟؟
ونحاول نفهم بعضنا المحاضرات ولوحد محتاج محاضرات طبعا يخده والله كل فى موازين حسناتنا
ونفسى نبقى احسن شعبة مساحة مرت على القسم من حيث التعاون والروح والتفوق
معلش والله طولت عليكم بس بجد نفسى نبقى احسن دفعة مرت على القسم
ثانيا انا عندى اقتراحات كتيرة
واولها
1)
اننا نختار بعناية مندوب الفرقة الثالثة شعبة المساحة والخرايط ليه؟ لانه مش هيكون مجرد مندوب عادى لانه من رايى نفسى المندوب ينفذ حاجات ومنها فى رايى

#انه اولا يعرف من الدكاترة اسماء كتب ومراجع ويكتبها على جانب من جوانب البورد لغاية لما ربنا يكرمنا ونستلم الكتب وده فى كل المواد
#وكمان يسال لنا عن اهم الكورسات المطلوبةمننا وبردو يكتبها عشان فى ناس متعرفش الكورسات اللى المفروض ناخدها وده طبعا هيعرفه من الخريجين وكمان استاذنا استاذ محمد سعد
# وكمان مندوب الفرقة يقول لنا على احسن الاماكن اللى ممكن ناخد فيها الكورسات دى
# وكمان يجيب لنا احسن اماكن نجيب منها الادوات اللى الاساتذة هيطلبوها
كده عايزين مندوب سوبر مان:1:

2) نعمل موضوع فى منتدى هنا ونطلب من الادارة تثبته ونتعرف فيه على بعضنا
3)بعد ما نتعرف على بعض نقسم بعضنا مجموعات وكل مجموعة مسئولة عن مادة من الموادمن محاضرات وتمرين ومش لازم نحط حل التمارين عشان وقتنا
وتتقسم محاضرات المادة على افراد المجوعة المسئولة عن المادة عشان ميكونش الحمل على شخص واحد وده هيتقسم عن طريق ايام الاسبوع ومش لازم المحاضرات فى نفس اليوم ممكن الشخص اللى عليه الدور ينزلها يوم الجمعة عشان المذاكرة بس يكون ملتزم بانه هيحط المحاضرة ولو مقدرش يقول احد اصدقاؤه وبعدين يبقى ياخد هو يوم صحبه
4)وايام الامتحانات الشفوى نعمل مراجعة مع بعض زى مراجعة السنة اللى فاتت ايام امتحانات اخر الترم والله كانت مراجعة مفيدة بالذات خرايط اسيا والتاريخ ولما حلينا امتحان الكمية بتاع النخلفات مع بعض ياريت فعلا نطبق الحكاية دى



ومعلش طولت عليكم اوى

امضاء
ويبقى الامل

temo
10-12-2009, 12:45 AM
انا سعيد جدا بمشاركتك معانا علي الرغم اني معرفكيش
لكني حاسس بروح ايجابيه بدات تظهر بعد ما بدا الياس يسيطر عليا نتيجه قله الردود والاقتراحات من الطلبه علي الرغم من كتره الناس اللي شافوا الموضوع
علي العموم كل الاقتراحات اللي انتي اقترحتيها مهمه لكن المشكله اننا بنقدم اقتراحات من غير ما نعرف امتي هنفزها او ازاي احنا لازم نبدا بجد اتمني ان الناس اللي عندها القبول اننا نتعرف علي بعض ونبدا ننفذ الاقتراحات دي انها تحدد ميعاد للتعارف فقط انا عن نفسي اقترح يومالسبت القادم.
لو الناس موافقه تكتب موافقتها لحد يوم الجمعه ونحدد المكان سواء في القسم او في ساحه الكليه ونبدا التعارف
temoelmasa7

كنزى22
10-12-2009, 12:58 AM
اقتراح جميل بس اللى فى جامعة طنطا يعل ايه

temo
10-12-2009, 02:27 AM
الناس في جامعه طنطا احنا ممكن نتعرف من خلال النت والمنتدي
يعني لو قدرنا نتقابل السبت في الكليه نحدد معاد للتعارف علي المنتدي بليل ده للناس خارج جامعه اسكندريه.
temoelmasa7

Ahmed Hosny
10-12-2009, 01:28 PM
السلام عليكم تيمو حبيبى
طبعا انا رديت على الموضوع الجميل ده وقدمت بعض الاقتراحات
ومن الواضح من اراء الزملاء الاعزاء انهم عندهم حرص شديد جدا على دفعتنا الجليلة اللى ان شاء هتكون احسن دفعة
شهدها قسم الجغرافيا فى تاريخه وانا عايزك تحددلنا ميعاد التعارف ومكانه وبتمنى ان ده يتحقق
وانا بكررلك يا بشمهندس تيمو ان احنا معاك واشكرك
nimo007

temo
10-12-2009, 01:28 PM
اخويا حسني انا مقدر جهودك معايا وان كنت مبردش علي اقتراحاتك ده عشان الموضوع موضوع مجموعتنا كلها مش موضوع حد لا لالالالالالا
ده موضوع الدفعه كملها وردودك كلها علي راسي.
temoelmasa7

medhat abotaleb
10-12-2009, 01:45 PM
السلام عليكم يا جماعة انا جيت متاخر شوية بس مش مهم
اولا الله ينور عليك يا تامر بجد رجولة يا ابنى والله وانا معاك فى اى حاجة(على راى عمرو واكد)
وانا سمعت انكوا عايزين مندوب وانا كنت مقدم طلب من فترة كدة على الشغل دة بس مجتش بس على الله ربنا يوفقنى المرة دى هاهاها
معلش انا مش هقدر انزل الكلية لفترة كدة علشان انا (متجبس) وانا من اولها بقولك المحاضرات يا معلم ماشى وبكدة اكون اول واحد ساعدت فى التعاون

temo
10-12-2009, 02:01 PM
الله ينور يامدحت وشكرا علي التعاون والف سلامه عليك وتقوم بالسلامه

bare_footed
10-12-2009, 02:09 PM
تمام كلامك

كلام 10 / 10

ahmed_fit
10-13-2009, 05:25 AM
بشكرك ياتامر وبشكر كل الناس الحلوة دى على روح التعاون الجميلة
والمهم فعلا اننا نتعرف على بعض اكتر

انا شخصيا معرفش فى الدفعة كتير
خصوصا انى خريج ومش من الكلية كمان

فياريت بجد نتعرف على بعض اكتر ونساعد بعض
وانا رأيى من رأيى العضو "ويبقى الأمل"
ياريت نتفق على كده بجد
وان شاء الله نعمل حاجات جامدة

اخوكم .. أحمد حمدى

صلاح عبد الفتاح
10-13-2009, 08:39 PM
:11rob:كلنا وراك في موضوع التعاون ياريت ماتزعلش منني

































ز[/QUOTE]

temo
10-13-2009, 08:57 PM
يابشمهندس صلاح مفيش اي زعل المهم يكون في بنا روح كويسه وتعاون وربنا ميجبش زعل ياأبو صلاح.


temoelmasa7

soso 13
10-17-2009, 09:23 PM
يا ريت نستضيف ناس من سنة رابعة نتعرف عليهم واكيد هنستفيد منهم

دندونه
10-28-2009, 10:29 PM
احنا لازم نتعرف على بعض خصوصا انا عددنا قليل فده هيسهل علينا التعارف اكتر وياريت نحدد وقت ومكان نشوف بعض فيه ونتعرف على بعض بعد اى محاضره ممكن

maroooo_14
10-29-2009, 12:07 AM
يا ريت والله يا دينا كلام جميل بس انا معتقدش ان 190 واحد حيتجمعوا مع بعض
اعتقد ان احنا نحاول نقرب لبعض اكتر من كده شوية