المساعد الشخصي الرقمي

مشاهدة النسخة كاملة : نصيحة للبنوتات تتعاملي ازاي لو ولد عاكسك



Night Moon
10-09-2009, 04:44 PM
حآقولك كآم طريقه تحرق دم آو تودي في داهيه أي حد بيعكسك


ماهو جيل مايعلم بيه إلا ربنا تكوني مشيه في حالك لا بيكي ولا عليكي يطلعك


الواد زي عفريت العلبه ويقعد يعاكس ويقرفك يعني زي اللزقه مش بيهمد طبعاً دول


بنشفهم في كل حتة


فمثلا إذا صادفت واحد من الي بيعاكسو ويالهوووووي لو كان


من المراهقين والي لسه بياخد مصروفه من باباه وكمان وزنه زي الريشه


يعني يجي حوالي 40 كيلو وحاول يديكي رقم الموبايل بتاعه وكنتي في طريق


فرعي مافهوش زحمه ناس تعملي ايه ..؟!ّ انا اقولك تعملي ايه ..!ّ


أولا : هانصحك بحاجه وبعد كدا اقلك تعملي معاه ايه :


لازم يابنتى تتفرجي على مباريات المصارعه الحره وتتعلمي منها كام حركه كدة علشان تدمرى أي حد بيعاكسك..


لو كنتي مش بتحبي تتفرجي على المصارعه اشتركي في نادي وتعلمي لعبه الكارتيه و لا الجودو


زوئيه على الارض ... طبعا هاترميه على الارض بعد ما تديه سيف يد فى دماغه ترديه طريحاً على الأرض وياريت تكون ضربتك


له ضربه مخلبيه و قوية شويه بس اوعي تتكي على زمارة رقبته لا يفطس في ايدك و لآ حآجة بعد ما يكون مرمي على الأرض


وطاااااااخ ومنين يوجعك لحد ما تطلعي البلا على جتته بس ياريت يكون لون الجزمه


فاتح لونها علشان ما تعمليش في وشه علامات فارقه يعني خليكي حنينه ... وفى الاخر تعمليله الفينيش بتاع الاندر تيكر


طيب لو قبلتي النوعيه دي مثلاً في حديقه او كافتريا او كازينو تعملي ايه الاول لو كان جاي بعربيه ياسلام


تبقى كملت تجيبي مسمار وياريت يكون كبير وتعالي جنب عربيته و إرسمي على الابواب وشنطه العربيه لوحه تستاهل


تتحط في متحف الشمع في فرنسا من حلاوتها يعني بعد ما ترسمي على العربيه بإيديكي الي تتلف في حرير


لون العربيه الاصلي وياحلاوته لو كانت العربيه لصآحبه او ابوه او مأجرها ياخرابي


حاتطلع عنيه في تصليح ما آفسدته عملته السوده ..


طيب لو قآبلتيه مثلا في السوق اقولك تعملي ايه تخليه يمشي وراكي لحد ما تورم رجليه وتشوفي لسانه طالع لبرا 30 بوصه من التعب ...


ووشه بئى زي الطمطمايه من التعب خدي بقى رقم الموبايل والبيت و ما تنسيش كمان اسمه وروحي حالاً لمكان السفاره الأمريكيه و إكتبي رساله تهديد


بوجود قنبله في السفاره وانك فاعلة خير وان الي عملها واحد و تقولي اسمه و تكتبي رقم الموبايل بتاعه ورقم بيته


وسيبي الباقي على رجال الضفادع البشرية وحرس الحدود ورجال الأمن وكل من له صلة سوف يقومون بتغيير معالم وجهة ....


و احتمال البنتاجون يبعتو قوه من الكوماندوز تقبض عليه ويبقى يخلي المعاكسات الي قرف بيها بنات الناس تنفعه ..


طبعا حليني بقى لحد ما يثبت انه مالهوش دعوة بالتهديد دا و انه بريء لانه هايكون متهم لحد مايثبت العكس و ربنا لا يوريكم ...


بعد ما يخرج احتمال يتخرص عن الكلام خالص او يجيله حول او كساح او شلل اطفال او تلاقيه سارح في ملكوت الله ..


في طريقه تانيه بعد ما تآخدي رقم الموبايل بتاعه و رقم بيته تروحي اقرب إداره لمكافحه المخدرات واكتبي العبارة التاليه


(( كمية حشيش للبيع بسعر مغرى لعدم التفرغ ))



للحجز أو الاستفسار أرجو الاتصال على صاحب الرقم التالي وكتبي بقى رقم الموبايل و رقم البيت و أسمه ....



وبعد كدا ربنا يتولاه برحمته
وقولي عليه يارحمن يارحيم

وبس شوفتو بقي نصيحة بسيطة ازاي

AYMAN GAMAL
10-09-2009, 05:05 PM
هههههههههههههههههههههههههههههههه

ليه كده طيب

بعدين مش محتاج الموضوع كل ده

متعبريهوش و هوه يمشي

Night Moon
10-09-2009, 05:27 PM
هههههههههههههههههههههههههههههههه

ليه كده طيب

بعدين مش محتاج الموضوع كل ده

متعبريهوش و هوه يمشي




هههههههههههههههههه ماهو لو معبرناهوش يا بشمهندس في نوع كدة غلس مايمشيش غير لما تعمل معاه كدة ههههههههه
نورت التوبك بمرورك

MEROOO
10-09-2009, 06:41 PM
يااااااااااااااااااااااااااااه

دا انتى بتعزيهم موووووووووووووووووووووووووووت

هههههههههههههههههه

ههههههههههههههههههههههه

نايس توبيك

Night Moon
10-09-2009, 07:11 PM
يااااااااااااااااااااااااااااه

دا انتى بتعزيهم موووووووووووووووووووووووووووت

هههههههههههههههههه

ههههههههههههههههههههههه

نايس توبيك


هههههههههههه مش هما اللي غاويين كدة يستحملو بقي
نورتي التوبك

spider girl
10-09-2009, 08:40 PM
ههههههههههههههههههههههه
ههههههههههههههههههههههه
هههههههههههههههههههههه مشكله انتى يا اسماء
دى مصايب تودى فى داهيه
اكيد للضحك بس انا مش مستعده
اجرب اى حاجه فيه انا اخاف على نفسى يختى
واخدها جرى احسن ههههههههههههه

زهرة
10-09-2009, 11:01 PM
دا كدا انا اللى هروح فى داهيه لما يطلع برئ من المصايب دى ويكتشفوا انى انا اللى كتبت الرسايل دى عشان ابهدله ههههههههه طيب وعلى ايه احسن حاجه فعلا اننا منعبروش وسيبيه اهو يسلينا فى الطريق برده هههههه بس باين عليكى شريرة قوى وبتحبى المصارعه كمان

Night Moon
10-10-2009, 01:44 PM
ههههههههههههههههههههههه
ههههههههههههههههههههههه
هههههههههههههههههههههه مشكله انتى يا اسماء
دى مصايب تودى فى داهيه
اكيد للضحك بس انا مش مستعده
اجرب اى حاجه فيه انا اخاف على نفسى يختى
واخدها جرى احسن ههههههههههههه


تجري ايه بس ياسارة اعملي بس بنصايحي وشوفي النتيجة ههههه
نورتي التوبك بمرورك


دا كدا انا اللى هروح فى داهيه لما يطلع برئ من المصايب دى ويكتشفوا انى انا اللى كتبت الرسايل دى عشان ابهدله ههههههههه طيب وعلى ايه احسن حاجه فعلا اننا منعبروش وسيبيه اهو يسلينا فى الطريق برده هههههه بس باين عليكى شريرة قوى وبتحبى المصارعه كمان



لالا يا زهرة ماهو علي مايطلع بريئ يكون بقي اخرس او حصلة حاجة جابت اجلة كدة يعني ههههههههههههههه شوفتي انا طيبة ازاي
ميرسي يا قمر علي مرورك

S2AH
10-10-2009, 03:41 PM
هههههههههههههههههه
روووووووووووووووووووعة يا اسماءاحسسسسسسسسن كدة عشان ميعملوش كدة تانى
هجرب ان شاء الله واقولك النتيجة
تسلم ايدك توبيك تحفة

Night Moon
10-10-2009, 03:49 PM
هههههههههههههههههه
روووووووووووووووووووعة يا اسماءاحسسسسسسسسن كدة عشان ميعملوش كدة تانى
هجرب ان شاء الله واقولك النتيجة
تسلم ايدك توبيك تحفة


ههههههههههههه تسلميلي انتي علي مرورك وماتقلقيش هتنجح النصايح ان شاء الله

Ma7amed Adel
10-10-2009, 06:19 PM
يلا الكل كده يحترس احنا شكلنا حنضرب ضرب ولو مش ضرب يبقى باذن لله حبل المشناقه

Night Moon
10-10-2009, 06:23 PM
يلا الكل كده يحترس احنا شكلنا حنضرب ضرب ولو مش ضرب يبقى باذن لله حبل المشناقه


هههههههههههههههههههايوة كدة تمشو في حالكو احسن بدل مانطبق النصايح عملي روبنا معاكو بقي وقتها هههههههههههه

اسعدني مرورك يا محب

farida
10-10-2009, 06:40 PM
hhhhhhhhhhh ah 3aliki

w lih kol dah mafi3lan 2asibo 2a7san bas dah law kan 40 kilo bas law tala3 gita

hhhhhhhhhhh

bas nasaya7 to7fa ya asma2

Night Moon
10-10-2009, 08:42 PM
ههههههههههه ميرسي يافرفر واعملي انتي بس بيها ولو حد قالك مين اللي قالك تعملي كدة ولا اعرفك ههههههههههه

la vie en rose
12-04-2009, 07:25 PM
هههههههه تصدقي صعبو عليا لو فعلا عملنا فيهم كدة هههههههههههه
تسلم ايدك يا نايت

Night Moon
12-04-2009, 07:30 PM
ميرسي يا la vie اسعدني مرورك

برجل
12-08-2009, 02:09 AM
للاسف حليا احنا الى بنتعاكس وربنا مظلومين ده الشباب غلبان الواحد يبقى ماشىلا حول له ولا قوة وتلقى البنات يمينا ويسارا وبعدين هى البنات لاقيه دلوقتى معكسة ده البنت بطير لو شاب قلها صباح الخير بقيت حاجة غريبة ده احن ماليكه وطيبين وربنا وبتعرفوا تضحكوا علينا على طول بكلمة من كلمكوا الحلوا ده للاسف انا البنت الى بتعرف الولد لايمكن تسيبه الا وهو محبوس فى عش الزوجية السعيد ربنا يكون فى عونا ويتولنا برحمته

Night Moon
12-10-2009, 08:33 AM
ثانكس برجل لمرورك

shorouk elzoghbi
12-12-2009, 04:58 PM
و لية كل دة انتى و انتى ماشية قولى بااااااااااااااااااابااااااااااااااااااااااااا (ءال يعنى معاكى) lol

Night Moon
12-12-2009, 05:13 PM
ههههههههههههههههههههه تصدقي فكرة ههههههههههه
نورتي التوبك وقسم الضحك والفرفشة كلة يا شروق

ساره احمد عبد الفتاح
12-21-2009, 03:34 PM
تسلم ايدك يا اسماء
بالنسبه للكارتيه فانا معايا الحزام الاسود يعنى اى بنت عايزه نصيحه انا فى الخدمه
بس احيانا بتلاقى اللى بيعاكس ده حاجه كده عملاقه ساعتها الجرى احسن حل

Night Moon
12-21-2009, 11:26 PM
ههههههههههههههههههه الجري احسن هههههههههههه
ميرسي ياسارة نورتي التوبك

الورده البيضاء
12-21-2009, 11:53 PM
اووووووووووووووووووووووووووووووووووووووووووة
اية الرقة والرومانسية دى كلها يااسماء
لا بصراحة انتى طيبة اوى معاهم يابنتى مش ممكن خالص
بس تعرفى؟
فكرة كويسة
عشان يكون عبرة لمن يعتبر
ميرسى ياجميل للتوبيك
جميل جداااااااااااااااااااااجدااااااااااااا

Night Moon
12-22-2009, 08:52 PM
ميرسي ليكي انتي علي مرورك يا امل