المساعد الشخصي الرقمي

مشاهدة النسخة كاملة : أهم الاكتشافات الفرعونية؟؟



Night Moon
10-17-2009, 04:25 PM
http://img390.imageshack.us/img390/213/5071.gif (http://img390.imageshack.us/i/5071.gif/)



خوفو كان اهلاوى

بيقولوا :

خوفو كان اهلاوي وعلشان كده خد أكبر هرم في العالم ومصر

اما خفرع الأصغر منه شويه كان زملكاوي وعلشان كده خد الهرم اللي بعده علطول

اما منكرع فعلشان كان اتحاداوي اسكندراني فحطوه على بداية طريق مصر اسكندرية الصحراوي

وقدموله الهرم الثالث في مصر

والقصه دي بتبين لنا مدى شعبية الاهلي والزمالك والاتحاد في زمن الفراعنة

علشان كده بنوا ليهم 3 اهرامات وماكنش لسه في انديه تانيه طلعت غير التلاته دول

ولا انبي ولا اسماعيلي ولا حتى طلائع الجيش !

كان يجي الماتش بتاع الاهلي والزمالك وتلاقوا طيبة كلها مش على بعضها

وكل فرعون او فرعونه ينزلوا من على الاهرامات ويطلعوا من التوابيت

ويطلعوا يجروا على السينما الموحده الكبيره ( ماكنش لسه في تليفزيون )

او كانوا بيتفرجوا بالوصله وهما في المعابد بتاعتهم بيشربوا بردي ( شيشه فرعوني )

كان الفراعنه بيحبوا تعليق علاء صادقع ومحمود بكرع وأمون رع ( واحد فرعوني زي تريكه كده )

مره منتخب الفراعنه كان بيلاعب منتخب الهكسوس والدنيا كانت مقلوبه في تصفيات كأس العالم

كانت ساعتها الكوره في العالم في 5 دول بس : الفراعنه ابطال العالم ومنافسهم اللدود الهكسوس

والرومانيين والفرس والعرب

والهكسوس دخلت فينا جون بدري على ارضنا

وفاجأه لاقينا جماهير خوفو ( الاهلي ) بتشتم في شحاتايزييس وبتحدفه بالموز في الملعب

وفاجأه لاقينا جماهير خفرع ( الزمالك ) بيشتموا في حضري أتون وبيحدفوه بالبصل

وملحوظه ان شحاتايزييس كان مساعد المدير الفني أبو الهول

لان ابو الهول هو اللي كان ماسك منتخب الفراعنه ساعتها

وحضري أتون بعد الماتش احترف في الهكسوس بعد تألقه ومات مدفون في تابوت هربان لليونان

واليوم ده في التاريخ اصلا كان سبب الحرب بين الفراعنه والهكسوس

علشان فيه قشرة موزه جات غلط على أفا واحد من مشجعي الهكسوس

وطبعا انتم عارفين أحمس عمل ايه فيهم ( يقال ان تريكه من سلالة أحمس * )

والحمد لله ان الفراعنه قدروا يحولوا الهزيمه الى نصر والجماهير الاهلاويه الزملكاويه

بدل ما ينزلوا يحتفلوا : نزلوا الملعب يضربوا في اللاعيبه وفي بعض

وكان القطرين ساعتها قطر زملكاوي تبع كاكد الكاندور وقطر اهلاوي تبع تريكيكا

قطر الاهلي كان فودافون ومشروبهم البيبسي وقطر الزمالك كان موبينيل ومشروبهم الكوكاكولا

المهم ان البلد كان كلها تعصب للساحرة المستطيلة

وعلشان التعصب ده كان اي لاعب يتنقل من خوفو لخفرع كانوا بيقتلوه ويحطوه في تابوت

والعكس صحيح وعلشان كده لاقينا العديد من المومياوات للفراعنه من عصر خوفو وخفرع

ولكن في نهاية عصر الفراعنه اراد الحاكم ان يقضي على كل ما هو متعصب

فبنى الاهرامات الثلاثه ودفن كل مشجعي الانديه الثلاث في مصر فيها

ومافضلش منهم غير واحد بس كان مسافر وعلشان كده الفراعنه كلهم اسرار ماحدش عارفها

المهم علشان مانخرجش بره الموضوع

ان الواحد المسافر ده الناجي الوحيد منهم التاريخ لم يحدد هويته

فيه برديات بتقول انه كان اهلاوي

وفيه برديات بتأكد انه كان زملكاوي

اما المعابد فكتبت انه كان مالهوش فيها ولكنه لما رجع تعصب من ما حدث للشعب

وقرر ان يشجع الاهلي ومراته أعترضت وطلعت زملكاويه ومن هنا عاد الصراع مره اخرى !

ولكن بفكر حديث ومن ثم بدأ عهد المماليك والتاتار وقطز ومحمد علي

وانتشرت شعبية الاهلي والزمالك اكثر واكثر

حتى وصلنا للعصر الحديث واصبح الاهلي والزمالك مع بعض في مدينه واحده هي القاهره

spider girl
10-17-2009, 04:32 PM
ههههههههههههههههه
ههههههههههههههههههه
ده الواحد كان مشجع قديم وهوه ميعرفش
هههههههههه

tomcrous_20
10-17-2009, 04:38 PM
يعني خوفو علي كده يعتبر قريبي من بعيد وعلي كده هما اللي مثلوا فيلم (الخوفوعراويه)زي الزمهلاويه النهارده

Night Moon
10-17-2009, 04:40 PM
ههههههههههههههههه
ههههههههههههههههههه
ده الواحد كان مشجع قديم وهوه ميعرفش
هههههههههه


تصدقي اه طلعنا مشجعين منذ القدم هههههههههههههه نورتي التوبك بمرورك

lolaa fahmy
10-17-2009, 09:15 PM
هههههههههههههههههههههههههههههههههه


اكيد طبعا الاهلي كان كالعاده دايما بيفوز عشان كده خد الهرم الكبير


موضوع تحفه تسلم ايدك

Night Moon
10-17-2009, 10:24 PM
يعني خوفو علي كده يعتبر قريبي من بعيد وعلي كده هما اللي مثلوا فيلم (الخوفوعراويه)زي الزمهلاويه النهارده



ههههههههه حلوةالخوفوعرايوة دي ههههههههههه
نورت التوبك بمرورك



هههههههههههههههههههههههههههههههههه


اكيد طبعا الاهلي كان كالعاده دايما بيفوز عشان كده خد الهرم الكبير


موضوع تحفه تسلم ايدك


تسلميلي انتي علي مرورك الجميل دة

ahmedooo33
10-18-2009, 12:10 AM
اهم حاجة
مين كسب فى تصفيات كاس العالم للفراعنة
والكاس فين دلوقتى !!!
الموضوع جميل
الله ينور

Ahmed Slem
10-18-2009, 12:26 PM
هـــــــــــــــهههههه
مشكوره جدا يا نيت عنخ امون
مع تحياتي
ابو سليم خاتون هههههههههههههههههههههههه
مشكوره جدا

Night Moon
10-18-2009, 06:16 PM
ميرسي يا جماعة لمروركم وانا سعيدة ان الموضوع عجبكم

mon ange
11-05-2009, 08:11 PM
كلمة فرعونى مش من فراغ فعلا ياه ايه الجمال ده يا فراعنه
شكرا لييييكى حسستينى اننا لسه لنا وجود برده

Night Moon
11-05-2009, 08:47 PM
ههههههههههه مش كل حاجة يقولولنا الفراعنة عملو الفراعنة عملو ادي الفراعنة عملو كمان الاهلي والزمالك ههههههههههه
نورتي التوبك

la vie en rose
12-01-2009, 11:43 PM
ههههههههه دة احنا اللي علي كدة اللي عملنا التشجيع بقي ورابطة محبي النادي كذا وكذا ههههههههههههههه تسلم ايدك يانايت علي التوبك

Night Moon
12-02-2009, 01:29 AM
شكرا لمرورك يا لافي واتمني انة يكون عجبك