المساعد الشخصي الرقمي

مشاهدة النسخة كاملة : اختبار الحياه



Ahmed Slem
10-18-2009, 11:31 AM
بسم الله الرحمن الرحيم
انا النهارده
عامل لكم اختبار
اسمه
اختبار الحياه
و هو عباره عن اسئله بتجاوبها بمعرفتك و ده عن شخصيتك
بس فكر قبل الاجابه علي السؤال
ركز شويه
الاسئله هي
1: انت في غابه اوصف الغابه دي و حاسس بايه قلقان او مطمن او فرحان او زعلان فكر شويه
و انت ماشي في الغابه لقيت فنجان في الارض اوصفه شكله ايه و انت ماشي هتاخده معاك و لا لا :confused::confused:
خلاص فكرت طيب ندخل علي السؤال الثاني
2:و انت مكمل رحلتك لقيت اسد هتتعامل معاه اذاي
بعد ما اتعاملت مع الاسد بالطريقه اللي انت قررتها
و انت مكمل مشي في الغابه لقيت بحيره ا وصف البحيره هل انت هتنزلها و لا هتقعد عليها و لا هتتجاهلها
تماما شوف انت هتتعامل معاها اذاي:cc_confused::cc_confused:
خليك فاكر اجاباتك كويس
دلو قتي المرحله الثانيه
1:انت دلوقتي في صحراء ذي ما وصفت
الغابه و احساسك و انت فيها اوصف كمان احساسك و انت في الصحراء
بعد كده و انت ماشي في الصحراء
لقيت صندوق
اوصف شكل الصندوق و لما تفتحه هتلاقي فيه ايه
خلاص خلصنا من الصندوق
طيب
و انت مكمل لقيت سلم
اوصف شكله
اذا كان طويل او قصير
و هل هيقدر يشيلك و لا لا
وهل و انت ماشي هتاخده معاك
يلا نكمل
2:و انت مكمل مشي في الصحراء
لقيت حصان:11ight: اوصف الحصان كويس و بالتفاصيل و بعدين فكر
هل الحصان ده هيأمن لك
و انت هتتعامل معاه اذاي و
هل هتاخده معاك و لا لا
و اخير
3:و انت ماشي في الصحراء دي
لقيت سور السور ده طويل و عريض
انت مش شايف اخره و لا طول و لا عرض
هتتعامل مع السور ده اذاي :donatello:
عندك احتمالات كتير هل
هتقعد تحتيه مستني الفرج و لا هتمشي جانبه لغايه ما تجيب اخره
تحاول تفتح فيه فتحه :donatello::bones:
يلا فكـــــــــــر
كده خلاص
انا دلوقتي هسيبكم تفكروا و في الاخر خالص هجاوب علي الاسئله كلها مره و احده

يا ريت بس فكره السؤال دي تعجبكم
ملحوظه
الاسئله منقوله

Rania Ismail
10-22-2009, 11:40 PM
تسلم يا احمد بجد لعبة حلوة واسالة احلى
ياريت يا جماعة كلنا نشارك محدش يقرى ويطلع اتمنى اننا كلنا لازم نقدر اللى حط الموضوع زى ما تعب وجابهولنا
على الاقل نتجاوب معاه
شكرا ليكم
مشتنية ردودكم علشان اجاوب

زهرة
10-23-2009, 12:02 AM
شكل اللعبه دى تجنن واساله هايله وهبدا اجاوب انا
اكيد وانا فى الغابه هكون قلقانه والفنجان قديم وفاضى ومش هاخده معايا ههرب من الاسد طبعا هو العمر بعزقه هقعد انظر فى البحيرة فى الصحراء احساسى انى تايهه الصندوق خشب فيه مفاتيح سم طويل وهيشلنى ومش هاخد السلم هحاول افتح فى السور فاتحه
يلا بقى انا مستنيه النتيجه ربنا يسطر بشكرك يا احمد موضوع هايل

Ahmed Slem
10-24-2009, 12:30 AM
تسلم يا احمد بجد لعبة حلوة واسالة احلى

ياريت يا جماعة كلنا نشارك محدش يقرى ويطلع اتمنى اننا كلنا لازم نقدر اللى حط الموضوع زى ما تعب وجابهولنا
على الاقل نتجاوب معاه
شكرا ليكم
مشتنية ردودكم علشان اجاوب



مشكوره جدا جدا جدا
و انا سعيد بمشاركتك دي و انا بتمني اشوف اجاباتك

Ahmed Slem
10-24-2009, 12:32 AM
شكل اللعبه دى تجنن واساله هايله وهبدا اجاوب انا
اكيد وانا فى الغابه هكون قلقانه والفنجان قديم وفاضى ومش هاخده معايا ههرب من الاسد طبعا هو العمر بعزقه هقعد انظر فى البحيرة فى الصحراء احساسى انى تايهه الصندوق خشب فيه مفاتيح سم طويل وهيشلنى ومش هاخد السلم هحاول افتح فى السور فاتحه
يلا بقى انا مستنيه النتيجه ربنا يسطر بشكرك يا احمد موضوع هايل


مشكوره علي ردك ده اللي اسعدني كتير
و متخافيش انا مش بسقط حد
ههههههههههههههه
انا هديلك علي الاجابه امتياز حتي و لو غلط
بس الاجابات لسه شويه
لما تتجمع ناس اكتر

زهرة
10-24-2009, 02:04 AM
اوك ماشى ياباشا ربنا يسطر ويارب تنجح يا تتح ادعيلى ههههههههه

Rania Ismail
10-24-2009, 02:10 PM
بسم الله الرحمن الرحيم
انا النهارده
عامل لكم اختبار
اسمه
اختبار الحياه
و هو عباره عن اسئله بتجاوبها بمعرفتك و ده عن شخصيتك
بس فكر قبل الاجابه علي السؤال
ركز شويه
الاسئله هي
1: انت في غابه اوصف الغابه دي و حاسس بايه قلقان او مطمن او فرحان او زعلان فكر شويه
اولا انا شايفة الغابة مليانة شجر كتير وفى نهر فى النص صغنون ما بين الاشجار
مش عارفة قلقانة شوية بس مش كتير
و انت ماشي في الغابه لقيت فنجان في الارض اوصفه شكله ايه و انت ماشي هتاخده معاك و لا لا :confused::confused:

الفنجان مقلوب يعنى فتحتة متغطية على الارض ولونة بنى لا حسيبة مش بحب اشرب قهوتى فى فنجان

خلاص فكرت طيب ندخل علي السؤال الثاني
2:و انت مكمل رحلتك لقيت اسد هتتعامل معاه اذاي
بعد ما اتعاملت مع الاسد بالطريقه اللي انت قررتها

الاسد اللى شوفتو نايم وانا مرضتش اصحيه قولت اسيبو نايم علشان مقلقش منامو

و انت مكمل مشي في الغابه لقيت بحيره ا وصف البحيره هل انت هتنزلها و لا هتقعد عليها و لا هتتجاهلها
تماما شوف انت هتتعامل معاها اذاي:cc_confused::cc_confused:

حقعد على البيحرة علشان بحب المية قوى وحقعد ابصلها واسرح معاها شويتين وححدف فيها كام طوبة صغنونة زى الافلام
ههههههههههههههههههههه

خليك فاكر اجاباتك كويس
دلو قتي المرحله الثانيه
1:انت دلوقتي في صحراء ذي ما وصفت
الغابه و احساسك و انت فيها اوصف كمان احساسك و انت في الصحراء

الله النظر تحفة بجد ياريتكو كونتو معايا الرملة فيها زى الدهب وصافية جدا
وانا فيها مطمنة مش عارفة ليه حاسة انى مرتاحة

بعد كده و انت ماشي في الصحراء
لقيت صندوق
اوصف شكل الصندوق و لما تفتحه هتلاقي فيه ايه
خلاص خلصنا من الصندوق

صندوق صعنون خشبى زى بتاع المجوهرات القيدمة بس شكلو عسول ولما فتحتو لاقيت فيه قلب

طيب
و انت مكمل لقيت سلم
اوصف شكله
اذا كان طويل او قصير
و هل هيقدر يشيلك و لا لا
وهل و انت ماشي هتاخده معاك
يلا نكمل

السلم تحس انه من الحبال زى اللى موجودين فى الادغال لا شم حاخدو علشان تقيل عليا اه حيشيلنى انا حتى مش مليانة خالص
ههههههههههههههههههههههههههه

2:و انت مكمل مشي في الصحراء
لقيت حصان:11ight: اوصف الحصان كويس و بالتفاصيل و بعدين فكر

الحصان لونة ابيض وشعرو ناعم وطويل وانا حبيتو

هل الحصان ده هيأمن لك
و انت هتتعامل معاه اذاي و
هل هتاخده معاك و لا لا

بقولك حبيتو اكيد حاخدو معاياوهو كان زوق اوى معايا بصراحة

و اخير
3:و انت ماشي في الصحراء دي
لقيت سور السور ده طويل و عريض

هون طويل بس شيفالو اخر

انت مش شايف اخره و لا طول و لا عرض
هتتعامل مع السور ده اذاي :donatello:
عندك احتمالات كتير هل
هتقعد تحتيه مستني الفرج و لا هتمشي جانبه لغايه ما تجيب اخره
تحاول تفتح فيه فتحه :donatello::bones:

لا حخدها دنجة دنجة لحد ما اوصل لاخو انا ورايا ايه اهو الواحد بيضيع وقت

يلا فكـــــــــــر
كده خلاص
انا دلوقتي هسيبكم تفكروا و في الاخر خالص هجاوب علي الاسئله كلها مره و احده

يا ريت بس فكره السؤال دي تعجبكم
ملحوظه
الاسئله منقوله


















بجد اسئلة حلوة خالص خالص
مستنين رد عليها بس لما الناس تشارك وتتفاعل معانا
وشكرا ليك ومنتظرين افكار جديدة تفدنا بيها
مش عاوزة اكون طولت عليك بس انا قولت اجاوب بضمير شويتين

Ahmed Slem
10-24-2009, 08:38 PM
بجد اسئلة حلوة خالص خالص



مستنين رد عليها بس لما الناس تشارك وتتفاعل معانا
وشكرا ليك ومنتظرين افكار جديدة تفدنا بيها
مش عاوزة اكون طولت عليك بس انا قولت اجاوب بضمير شويتين
مشكوره جدا علي تشجيعك ليا و انت انشاء الله هتنجحي بجداره

mon ange
11-05-2009, 11:36 PM
اولا : الغابه
1_وانا ماشيه فى الغابه هكون قلقانه والفنجان اكيد مترب بقى او مكسور وقديم لا مش هاخده معايا
2_طبعا هبقى خايفه جدا من الاسد واحاول اتجنبه واهرب بعيد عنه
البحيرة شكلها مش كبيرة اوى ممكن لو بقيت مطمنه اقعد قدامها شويه ولو لسه مش مرتاحه هتجاهلها وامشى
ثانيا : الصحراء
1_ وانا ماشيه فى الصحراء هبقى عطشانه من الحر وهدور على اى حد معاه جمل علشان يوصلنى لمكان امن
الصندوق هيبقى متوسط وهيبقى فيه ازازه مايه فاضيه وممكن حاجات قديمه كده
السلم قصير اه هيقدر يشيلنى لو لقيته تقيل ممكن ما اقدرش اخده
2_ الحصان شكله عادى ولونه بنى وهيامنلى ان شاء الله وطالما امنلى هاخده معايا واحاول اركبه
3_ احاول اعدى السور لو عرفت ولو معرفتش هحاول الاقى مخرج وامشى جانبه
لعبه جميله ومستنيه الرد وشكرا لييييييييييييك

كروانـــــة
03-04-2010, 06:08 PM
شكرا على اللعبة يا احمد
اختي لعبته معيا وانا صغيرة وهي عن الشخصية
بس معرفش الطريقة في تعريف الشخصية من خلال الاجابات
قلنا على السر ؟

محمود ابوالمجد
03-04-2010, 07:56 PM
الغابة شجرها كثيف جدا وعاااااالي وفيه اصوات حيوانات كتير
انا حاسس اني قلقان وانا في الغابة
لقيت الفنجان وهو ابيض صغير وفيه زيء دهبي وفيه ببواقي قهوة بس همسكه ابص فيه وارميه تاني
هستخبي من الاسد لحد ما يبعد واجري بعيد
بحيرة كبييييييييرة وجميلة اتوي وفيها شلال والمياة زي اللؤلؤاء
لا مش هنزل البحيرة هقعد علي الشط اتفرج عليها وممكن احط رجلي

الصحراء واسعة اوووووووي وفاضية خاااااااااالص مفهالش غير رملة صفراء وبس
قلقان برضه
صندوق كبير زي بتاع الف ليلة وليلية خشب وفيه زيء حديد بس فتحته لقيته فاضي
سلم طويل خشب يقدر يشلني بس انا مش هشيله
حصان ابيض جميل اوي بياكل من الارض هروح اقرب منه وهو يقرب مني ااكله واخده وامشي بس مش هركبه همشي جنبه
سور كبييييير زي بتاع الحصون اسود وعاااااااااالي وطويل اوي وضخم جدا وهفضل امشي لحد ما اجيب اخره

يلا بقي عايز النتيجة