المساعد الشخصي الرقمي

مشاهدة النسخة كاملة : ياجماعة شفولي حل في مادة نصوص جغرافية بلغة انجليزية بليز ادخلو



ميامي
10-18-2009, 12:29 PM
النهارده انا اخذت محاضرة في هذة المادة والدكتور اول مرة يبدا من الكتاب وبيقول بسرعة جدا انا بقي سؤالي علي. هل هذا الكتاب لهو ترجمة بمعني اقصد اذاكره كيف احفظ مثلا جزء جزء ولا اخرج الكلمات واحفظها اه كمان نظام الاسئلة فيه عاملة ازاي ياريت تفيدوني علشان انا حاسة اني تائهة وخايفة من هذة المادة جدا

حاتم طارق
10-18-2009, 01:11 PM
والله يا ميامى انا ذى ذيك كنت اعد النهاردة ادام الدكتور بكتب لكن مش فاهم هو بيقول اة خالص لانى اولا ضعيف فى الانجليزى وثانيا الدكتور بيكلم اجليزى وبسرعة لكن لو حبيتى الترجمة بتاعة شبطر واحد انا فى الخدمة

الورده البيضاء
10-18-2009, 01:28 PM
بصو ياجماعة
مادة النصوص دى من اسهل المواد والله
يمكن شكلها معقد شوية لكنها سهلة جدا
المذاكرة هتكون كالاتى
هتكتبو كل كلمة الدكتور بيقولها
والمصطلحات
وتحاولو تعرفو المصطلحات
يعنى التعريفات اللى الدكتور بيقول عليها
تتحفظ تعريف المصطلح بالعربى والانجليزى
وتحضرو السكاشن
هى بتبقى متاخرة شوية يعنى على الساعة 5 كدة
لكن هى السكاشن اللى هتجبلك تقدير
نصيحة اوعو تفوتو سكش
واهتمو بالمصطلحات
هتجيبو احلى تقدير باذن الله
ربنا معاكم

Hassan Mohamed
10-18-2009, 01:30 PM
يا جماعة المادة دي مادة سهلة جدا وبسيطة بس زاكروها من المحاضرات

وتابعوا محاضراتها اول باول

Yassen
10-18-2009, 01:52 PM
بصراحة طمنتونى ..... بس كنت عايز اعرف السكاشن بدأت ولا لسه ومع دكتور مين وامتى
ياريت لو حد يفيدنى

medhat abotaleb
10-18-2009, 02:18 PM
دى
اسهل مادة فى المواد
داحنا بنتمنى نلاقيها كل سنة عشان نطمن اننا نجحنا فى مادة
وتتذاكلر ذى ما (الورده البيضا)قالت بالضبط
وبنبه تانى على السكاشن

ميامي
10-18-2009, 02:52 PM
ميرسي ياجماعة علي الردود الجميلة بس في مشكلة الكتاب ده اعمل فيه ايه اذاكر منه يعني ولا اكتفي بمذاكرة المحاضرات وانتظر السكاشن حد يعرف السكاشن هتبتدي متي

حاتم طارق
10-18-2009, 02:57 PM
بصى هاتى معاكى الكتاب كل محاضرة عشان هو بيقرا منه وبيترجم واحنا نكتب مع انى كان معايا الكتاب وكتبت الترجمة بتاعت اول صفحة كلها ومسبتش كلمة مترجمتهاش ولكن مفهمتش حاجة خالص وعمما السكاشن حتبتدى الاسبوع الجى وحيحدده الدكتور مع المعيدين المعاد وحيقول لينا

ميامي
10-18-2009, 03:15 PM
المشكلة مش في الفهم انا فاهمة الي هو بيقوله لانه كان عندنا في الجيولجيا بس المشكلة في المذاكرة يعني اقصد المصطلحات بس الي اذاكرها يعني انا حاسة ان الكتاب ملوش لازمة وانت ممكن تكون حافظ الكتاب كله لاكن متعرفش تحل لان طريقة المذاكرة غلط وهو دة الي يهمني اني عايزة اذاكر صح واعرف نظام الاسئلة علشان ميجيش الامتحان ومعرفش احل فيه حاجة وبصراحة الكتاب صعب مذاكرتة يعني انا فاهمة الشرح باالعربي لاكن علشان تيجي تذاكره بالانجليزي صعب

حاتم طارق
10-18-2009, 04:48 PM
بص انا دلوقتى ترجمت اول صفحة احنا خدناها وبعد كدة طلعت بعض المصطلحات وتعريفها بلانجليزى وطلعت بعض الاسالة واجابتها وانابحاول احفظها دلوقتى حاولى تعملى كدة ولو عايزة اى مساعدة مش حبخل عليكى وانا هحاول اشوفلك نموذج الامتحان اللى اخويا امتحنة عشان نتعرف على اسئلة الامتحان

ميامي
10-18-2009, 05:23 PM
ميرسي جدااااااااااااااا علي المساعدة

حاتم طارق
10-18-2009, 05:25 PM
ممكن طلب هو الدكتور وقف فين

KAREEM
10-18-2009, 05:30 PM
اجماعة انتوا عاطيين المادة أكبر من حجمها
المادة دى مش محتاجة كل الكلام دا
وأنا اؤكد لكم الواحد مكنش بيذاكرها طول السنة
انت بس تحضر محاضراتتك تكتب المصطلحات اللى
الدكتور بيقولها وتشوف موضوع ايه اللى ركز عليه
المعيد فى السكاشن
هتخش الامتحان ورقة واحدة
قطعة عليك انك تترجمها وتحط لها عنوان وترجم المصطلحات
اللى تحتيها خط لو طب دا أساس الامتحان
يعنى بيعتمد ع الفهم والفقاقة وان انت تكون عندك خلفية فى النجلش
من الاول من أيام ثانوى الى جانب بعض المصطلحات الجغرافية الجديدة
دى وجهة نظرى للمادة حبيت أنقلها لكم
يارب أكون قدرت أفيدكم وتكوناو اطمنتوا
أخوكم من الفرقة التالتة / كريم

olivia nader
10-18-2009, 06:13 PM
ميامي و حاتم
قلقين نفسكوا اوي ليه كده
الماده اسهل بكتير مما تتخيلوا
انا مش حضيف جديد علي كلام كريم
هيه ماده سهله اوي
غير اني كمان مزاكرتهاش ليله الامتحان
انا بحبها اوي بس فعرفت اجاوب فيها
:D:D:D:D


اهم حاجه انكم تركزوا علي المصطلحات الجديده
الفكره العامله لدوره الصخور هيه هيه
بس اهم حاجه تعرفوا المصطلحات الجديده اللي بيقولها الدكتور
زي مثلا


Rock Cycle دوره الصخور
consolidated متصلد
material ماده
internal forces قوي داخليه
external forces قوي خارجيه
equilibrium مرحله التعادل
Minerals معادن
Volcanic eruption الطفح البركاني
solidify يتصلب
beneath تحت السطح


و امتحان بتاعنا انا مش فكراه اوي بصراحه من سنتين
بس انا فكره انه كان من الصفحات الاولي في الكتاب
و الحمدلله كان التقدير( جيد) في الماده دي


متقلقوش ان شاء الله حتلاقوا الماده جميله جدا
:):):)


اوليفيا نادر . الفرقه التالته

Wild_Angel
10-18-2009, 06:26 PM
متقلقيش خالص يا ميامى
بجد مادة الانجليزى ممتعه جدا جدا

بصى يا ستى اهم شئ محاضرات وسكاشن + الكتاب وترجمته بتكون فى المحاضره

فى حاجه مهمه كمان
الدكتور فى النهاريه بيقول هو حيدى ايه المره الجايه
حضرى الكلام ده وترجميه
على فكره لما ترجمى بإيدك عمرك ما حتنسى

بصى الامتحان بيتغير كل سنه
يعنى مثلا يجيب مصطلحات وتكتبى معناها بالعربى كجمله او بالانجليش
براجراف وتترجميه

بس بجد خلى بالك من المطلحات والتعريفات
واى شئ تحبى تترجميه ممكن تكتبى ان شالله صفحه كامله حتى واترجمهالك
:) :) :) :) :) :) :)

ان شاء الله بالنجاح والتفوق

ميامي
10-20-2009, 04:37 PM
ميرسي جداااااااااااااااااااااااااااا

KAREEM
10-20-2009, 05:18 PM
ميامي و حاتم
قلقين نفسكوا اوي ليه كده
الماده اسهل بكتير مما تتخيلوا
انا مش حضيف جديد علي كلام كريم
هيه ماده سهله اوي
غير اني كمان مزاكرتهاش ليله الامتحان
انا بحبها اوي بس فعرفت اجاوب فيها
:D:D:D:D


اهم حاجه انكم تركزوا علي المصطلحات الجديده
الفكره العامله لدوره الصخور هيه هيه
بس اهم حاجه تعرفوا المصطلحات الجديده اللي بيقولها الدكتور
زي مثلا


Rock Cycle دوره الصخور
consolidated متصلد
material ماده
internal forces قوي داخليه
external forces قوي خارجيه
equilibrium مرحله التعادل
Minerals معادن
Volcanic eruption الطفح البركاني
solidify يتصلب
beneath تحت السطح


و امتحان بتاعنا انا مش فكراه اوي بصراحه من سنتين
بس انا فكره انه كان من الصفحات الاولي في الكتاب
و الحمدلله كان التقدير( جيد) في الماده دي


متقلقوش ان شاء الله حتلاقوا الماده جميله جدا
:):):)


اوليفيا نادر . الفرقه التالته


مشرفة قسم انجلش ولغات اجنبية:donatello:
ومش عايزة تجيبى جيد :cc_confused:
طبعا جيد وجيد جدا كمان :1::1:

Horiaa Swedan
10-20-2009, 11:26 PM
بصوا يا جماعه ماده النصوص سلسه مش انجلش بحت يعنى احنا بندرس اللغه عشان تدعم القسم اللى احنا فيه
والماده الجغرافيه بتعتنا

واللى بنخده مجرد مصطلحات انجليزيه وبعض النصوص الخفيفه اللى تعرفنا على المصطلحات دى

احنا فى اى حاجه محتاجين اللغه وانتوا فى الماده دى محتاجين تحفظوا كلمات انجليزيه تخص الجغرافيا مصطلحات يعنى واللى يقدر يقراء قطع ويترجمها تخص الجغرافيا عشان ينشط اللغه

بس بسيطه لا تكلكعوا نفسكم ولا حاجه

دندونه
12-17-2009, 06:31 PM
دى من المواد السهله بس عايزه شويه تركيز واهتم بالمحاضرات والكتاب بردو
وذاكر كويس اوى الصفحات الى الدكتور بيترجمها معاك واهم حاجه احضر اخر محاضرات متفوتهاش

حاتم طارق
12-19-2009, 10:37 AM
شكرا على اهتمامكم بجد معلومات مهمة وانا نسبيا اطمنت وجارى الاستفادة من جميع النصائح

awkat
03-30-2010, 08:09 PM
شكرااااااااااااااااااااااااااااااااااا

awkat
03-30-2010, 08:10 PM
ssssssssssssssssssssssssthanks