المساعد الشخصي الرقمي

مشاهدة النسخة كاملة : حوار الشخصية اللامعة مع حفيدته سنة 2050



medhat abotaleb
10-18-2009, 11:46 PM
... بسم الله الرحمن الرحيم ...
حوار الشخصية الامعة مع حفيدته سنة 2050

الحفيدة : جدو إزيك .. حلو البدي اللي انت لابسه ده . بس ده موضة قديمة قوي يا جدو

الجد : يا بنتي أنا راجل دقة قديمة وبالبس زي ما جيلنا اتعود وحسب التقاليد القديمة بتاعتنا

الحفيدة : أيوه بس مش حاسس إنك مخنوق وانت لابسه؟

الجد : أبداً ده هو ده اللبس المحتشم اللي مفروض الكل يلبسه ويحافظ عليه .. فين أيام زمااااااان لما كنا نلبس البدي اللي مبين البطن والظهربس، مع البنطلون السترتش الجلد والجوانتي الجلد... كانت حاجة آخر روشنة

الحفيدة : ياه يا جدو .. ده انتوا كان ليكم تقاليد غريبة خالص

الجد : وهو انتي فاكرة إن أيامكم دي أيام؟ يا بنتي أيامكو دي مايعلم بيها إلا ربنا .. فين أيام سنة 2002م ، هو الواحد فينا كان يستجري يشرب سيجارة البانجو ولا يسحب له سطر بودرة قدام أبوه؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق

الحفيدة : معقول يا جدو؟ للدرجة دي؟؟

الجد : أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول .. يعني الجيبة كان لا يقل طولها عن شبر ونص .. وكانوا الستات يلبسوا فوقيها بلوزة باستمرار ..مش زي دلوقتي

الحفيدة : يا خبر .. وإيه كمان ياجدو

الجد: ح أقول لك إيه ولا إيه .. يعني خدي عندك مثلاً .. زمان كنا نسمع الطرب الأصيل لمطربين حقيقيين زي مصطفى قمر ، وعمرو دياب ، وكانت الأغنية مدتها أكثر من دقيقتين متواصلين من الطرب الأصيل والسريعة الروشة اللي تعمر النافوخ بصحيح كانوا مطربين روشين طحن وكله كوم والست كوم تاني

الحفيدة: ومين الست دي يا جدو؟؟؟

الجد: في حد مايعرفش الست...نانسي عجرم طبعا

الحفيدة : وبعدين

الجد : وبعدين كنا نسمع على حاجة اسمها اسطوانات ليزر ، ودي صحيح انقرضت ، بس كان ليها طعم عن دلوقتي ، يا سلام لما كنا نحطها في الووكمان ونعلقه في حزام البنطلون ونمشي في الشارع كده ،، كانت أيام جميلة

الحفيدة : حكاويك ممتعة قوي يا جدو .. ثانية واحدة بس لما أصحي سوسو صاحبي لأنه بايت معايا في الأودة من امبارح ..

(بعد عدة دقائق) هيه يا جدو .. وبعدين

الجد : أحلى أيام بقى كانت أيام الدراسة ، الفصل كان على أيامنا رايق وعدد التلاميذ فيه ما يزيدش عن ستين سبعين تلميذ ، وكنا ساعتها بنعرف نفهم الدرس كويس مش زي دلوقتي ، وكانت الشوارع أيامها فاضية لأن مصر كلها كان تعدادها 70 مليون مش أكثر ، تخيلي بقى الروقان
اللي كنا فيه؟الحفيدة : 70 مليون بس؟

الجد : أمال إيه .. علشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بخمسة وتلاتين جنيه ، وكان أتخن جوز جزمة بمتين وخمسين جنيه ، وكان الواحد يقدر يشتري شقة تمليك بـ 350 الف جنيه بس .. وكان الدولار بستة جنيه
بس تخيلي بقى؟

الحفيدة : ما هو علشان كده كان الجواز على أيامكم كان سهل خالص

الجد : أمال .. ده احنا الواحد مننا كان بمجرد ما يوصل سن 35 سنة يبتدي يفكر في الجواز على طول ، وما كانش عندنا الأفكار الغريبة اللي بتعملوها دلوقتي زي إن البنت تعد مع الولد كام سنه قبل الجواز علشان يتعرفوا على بعض أكثر زيك انتي وسوسو صاحبك ، أنا شخصياً شايف إن ده وضع مش لطيف ، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً ، طب ده باباها كان ممكن ساعتها يخاصمها

الحفيدة : ده انتوا كنتوا متزمتين خالص ياجدو!!

الجد : يا بنتي إحنا اتربينا على الأخلاق والفضيلة والعادات والتقاليد .. يعني كان الواحد مننا زمان لما يدخل الأسانسير ويلاقي جاره في الأسانسير ممكن يفكر يصبح عليه ، ومش بعيد كان يسأله عن أحواله ... وكانوا أهل الفن محتشمين جداً وكانوا دايماً يطلعوا بالمايوهات البيكيني ، والمذيعات كانوا يقعدوا جنب الضيف مش على ركبته زي دلوقتي... هيـ يـ يـ يـ ـه الله يرحم دي أيام

الحفيدة : رايح فين يا جدو

الجد : أصلي كنت موصي الجزار على اتنين كيلو لحمة وأديته ثلاثة آلاف جنيه عربون وعايز أروح أطمن إذا كانت اللحمة وصلت ولا لأ؟؟؟؟

Mahmoud Slem
10-18-2009, 11:52 PM
ههههههههههههههههههههههههههه

ربنا يستر علينا
وربنا يرحمنا برحمته
شكرا ليك يا مدحت

medhat abotaleb
10-18-2009, 11:59 PM
ههههههههههههههههههههههههههه

ربنا يستر علينا
وربنا يرحمنا برحمته
شكرا ليك يا مدحت


شكرا حبيبى على مرورك الجميل
ويارب المرة دى موضوعى يكون عجبك

S2AH
10-19-2009, 12:24 AM
ههههههههههههه
الله يرحمنا برحمتة يارب
تسلم ايدك موضوع جميل اوى

Hassan Mohamed
10-19-2009, 12:47 AM
ههههههههههههههههه حلو قوي

بس المفرود يكون في الضحك والفرفشة ولا انا بيتهيئلي

Zooma
10-19-2009, 01:51 AM
ماشى هو حلو وكل حاجه
بس ياريت مانجبش ف سيرة حد
ايش معنى يعنى تامر حسنى مانت عندك
كتيييييييييييييير ايلى بيساعده ع كده
ع راسهم عادل امام يسرى ايناس الدغيدى
يوسف شاهين هانى سلامه سميه الخشاب
ليه يعنى الولد ده ارحموه شويه يا جماعه
انا بطلب منك يا مدحت انك ياريت تغير اسم الموضوع
لاى حاجه تانيه

" ع فكرة انا ولا معاه ولا ضده انا مع الحق "

ahmedooo33
10-19-2009, 04:02 AM
وماله
ربنا يستر علينا
ولسه ياما حنشوف
بس الكلام ده طبعا انشاء الله عشان يحصل واحنا عايشين حيبقى عند ............... هاهاهاها
انا عن نفسى متفأل خير
الموضوع جميل ماشاء الله
الله ينور ياعم
ومستنيين منك المزيد

ALY ELSAYED
10-19-2009, 04:18 AM
ههههههههههههههههههههههههههههه

حوار جامد اوي يا مدحت

وربنا يسترها علينا

tomcrous_20
10-19-2009, 04:08 PM
انت اتكلمت في كل حاجه دلوقتي بس ممكن اسالك انت ليه مجبتش سيره التوك توك

Ma7amed Adel
10-19-2009, 05:22 PM
ههههههههههههههههههههه ربنا يستر علينا موضوع جميل

medhat abotaleb
10-19-2009, 06:08 PM
ههههههههههههههههه حلو قوي

بس المفرود يكون في الضحك والفرفشة ولا انا بيتهيئلي

الف شكر مرورك يا حبيبى
ولو عايز تنقلة للضحك والفرفشة انقلة اعتبرة بتاعك
دا الموضوع وصاحبة تحت امرك

medhat abotaleb
10-19-2009, 06:13 PM
ماشى هو حلو وكل حاجه
بس ياريت مانجبش ف سيرة حد
ايش معنى يعنى تامر حسنى مانت عندك
كتيييييييييييييير ايلى بيساعده ع كده
ع راسهم عادل امام يسرى ايناس الدغيدى
يوسف شاهين هانى سلامه سميه الخشاب
ليه يعنى الولد ده ارحموه شويه يا جماعه
انا بطلب منك يا مدحت انك ياريت تغير اسم الموضوع
لاى حاجه تانيه

" ع فكرة انا ولا معاه ولا ضده انا مع الحق "


اولا مشكور لمرورك
وانا لما اتكلمت عنه مكنش عيب لان هو بردة واحد من اللى زكرتهم بنفسك
ولا هو يعنى داعيه واانا مضطهده
ومتزعلش ياعم هبهدلهولكم كلهم هههه

medhat abotaleb
10-19-2009, 06:15 PM
ومشكورين جميعا لردودكم الجميلة
وان شاء الله اكتبلك موضوع عن التكتك

Rania Ismail
10-19-2009, 07:11 PM
انا بقولك بصراحة موضوعك جميل خالص
وربنا يستر بجد من الايام اللى جاية
بس لو مفيهاش غلاسة يعنى انا راى من راى حازم انك تغير اسمة اشمعنا يعنى هو هو كل المغنين والممثلين بيعملو اللى بيعملو
فانا من راى انك تغير اسم الموضوع وتخلى الشخصية مجهولة

وشكرا واسفى للاطالة

mon ange
11-05-2009, 07:46 PM
ياه جدو ده عاش حياته كويس اوى عنده حق فعلا
شكرا ليك

medhat abotaleb
11-14-2009, 12:11 AM
مشكوره على مرورك

malk_rohy
11-14-2009, 12:55 AM
فكرة حلوة اوى يا مدحت بجد وربنا يرحمنا

mostafa hanafy
11-16-2009, 11:43 PM
ههههههههههههههههههههه يا يا جدو دي حتبقي ايام صعبه خالص