المساعد الشخصي الرقمي

مشاهدة النسخة كاملة : سلسة دروس Hm فــ العمل المساحي ... الدرس الاول : مقدمة هامة



Hassan Mohamed
10-19-2009, 05:13 PM
بسم الله الرحمن الرحيم


اقدم إليكم


سلسلة دروس HM فـــ العمل المساحي


والدروس دي هتبقي عبارة عن كل ما يخص العمل المساحي بالصورة النظرية والصورة العملية


مش هنسيب حاجة في العمل المساحي ومش هنتكلم عنها في الدروس دي


وخاصة ما يخص الاجهزة المساحية


الميزان والتوتل


والدروس دي ان شاء الله هتبدا من الصفر عشان الكل يقدر يستفاد منها ان شاء الله


ومن هنا بشكر كل من ساهم في اني اوصل للدرجة دي واقدر اقدم الدروس دي للمهتمين بعلم المساحة


واخص بالذكر استاذتي الاجلاء في قسم الجغرافيا ونظم المعلومات الجغرافية


والذي تربيت علي ايديهم ووصلت لهذه الدرجة


فشكرا جزيلا لهم


ودلوقت هتبدا معاكم اول درس في سلسلة الدروس


تحت عنوان


مقدمة هامة



إعداد وتنفيذ


حسن محمد عشرة


اخصائي مساحة وخرائط
دفعة 2009

Hassan Mohamed
10-19-2009, 05:21 PM
الدرس الاول


مقدمة هامة


في البداية وكما ذكرنا في البداية اني هقدملكم مجموعة دروس فـــ العمل المساحي


وعشان نقدر نخوض بكل كبير في فـ العمل المساحي لابد من عمل مقدمة بشكل مبسط عن علم المساحة



ولو حبينا نعرف


علم المساحة
( Geomatics & Surveying)


هنقول ان هو جميع طرق الرفع والتوقيع


بس يعني ايه رفع ويعني ايه توقيع


فالرفع هو نقل معالم من علي سطح الارض المعالم دي ممكن تكون معالم طبيعية او معالم بشرية بننقلها إلي لوحة مستوية ( اللي هيا الخريطة ) بمقياس رسم مناسب ، وعمليات النقل دي بتتم من خلال استخدام الاجهزة المساحية واللي ان شاء الله هنتكلم عنها بالتفصيل في الدروس المتقدمة



اما التوقيع فهو عملية عكسية بتتم باخد ما هو موجود علي الخريطة من تصميمات ومعالم ثم توقيعها علي الطبيعة ايضا من خلال استخدام الاجهزة المساحية المتاحة


وقبل الحديث عن الاجهزة المساحية المستخدمة في العمل المساحي


لابد من تقديم مقدمة هامة يترتب عليها العديد من الاعمال التي نستخدمها في الاعمال المساحية


ودلوقت هنبدا علطول بعناصر المقدمة دي


الوحدات المستخدمة في المساحة


1-الاطوال


ولو جينا نتكلم عن الطول كوحدة مستخدمة في المساحة ممكن نقسمه إلي وحدتين



أ - الوحدات الفرنسية


1 متر = 10 ديسي متر


1 ديسي متر = 10 سم


اذن 1 متر = 100 سم


1 سم = 10 مللمتر


اذن 1 متر = 1000 مللمتر


1 كم = 1000 متر



ب - الوحدات الانجليزية


1 ميل = 1760 ياردة


1 ياردة = 3 قدم


1 قدم = 12 بوصة


1 بوصة = 2.54 سم


واكيد الوحدات الفرنسية هيا الاكثر استخداما فـ العمل المساحي


وخاصة في مجال المساحة الارضية


اما الوحدات الانجليزية ممكن يكون شائع استخدامها في المساحة البحرية


وطبعا لازم نكون علي خلفية كبيرة بكافة التحولات اللي ممكن تتم بين تلك الوحدات


يعني علي سبيل المثال


لو قولنا عندنا 5 متر وعاوزين نحولهم ل مللمتر


هنقول


ان كل 1 متر يقابله 1000 مللمتر


1 م: 1000 مللمتر


5 م : س


هنعمل طرفين في وسطين


اذن


1000 × 5 = 1 × س


اذن


س = 5000 مللمتر


واكيد في الدروس المتقدمة وخاصة في الدروس الخاصة بالميزانية هتقابلنا تحويلات مشابهه لذلك


2- الزوايا


والزوايا يكثر الحديث عنها عن الحديث عن التيودوليت والتوتل استيشن


ولو جينا نضع تعريف للزاوية


فالزاوية هي عبارة عن الفرق بين قراءتين او انحرافين او اتجاهين


http://img.webme.com/pic/m/mesa7a/drs11.jpg



ولو تكلمنا عن الانظمة الموجودة في الزوايا هنقول ان هما 3 انضمة او تقديرات


أ- التقدير الستيني ( انجليزي )


والنظام ده بيكون كل درجة فيه = 60 دقيقة


وكل دقيقة = 60 ثانية


بمعني ان


1 درجة = 60 دقيقة


1 دقيقة = 60 ثانية


وهذا النظام بيبدا من الصفر حتي 360 درجة


http://img.webme.com/pic/m/mesa7a/drs122.jpg



ب- التقدير المئوي ( الفرنسي GRD )


والنظام ده بيكون كل درجة فيه = 100 دقيقة


وكل دقيقة = 100ثانية


بمعني ان


1 درجة = 100 دقيقة


1 دقيقة = 100 ثانية


وهذا النظام بيبدا من الصفر حتي 400درجة


http://img.webme.com/pic/m/mesa7a/drs13.jpg


جـ - التقدير الدائري RAD


والنظام ده بتقل اهميته لكن هنذكره من باب العلم ليس اكثر


ومن خلال الرسم ممكن نوضح خصائص هذا النظام


http://img.webme.com/pic/m/mesa7a/drs14.jpg


وهذا النظام يبدا من صفر وينتهي ب 2Pie


اللي هيا بنرمز لها بالرمز ط باللغة العربية والتي تساوي 22/7


ولو حبينا نعمل تحويل بين الانظمة الثلاثة السابقة


يعني مثلا لو عندنا الزاوية 45 بالنظام ال ستيني


هنرسم الرسم التالية مع بعض


http://img.webme.com/pic/m/mesa7a/drs15.jpg


ومن خلال الشكل السابق نجد ان الزاوية المراد تحويلها تقع داخل المربع الاحمر المحدد عليه



http://img.webme.com/pic/m/mesa7a/drs16.jpg


لو قسمنا الصورة السابقة إلي قسمين


قسم ما قبل ال 45 درجة


وقسم ما بعد ال 45 درجة


واحنا بامكاننا التحويل علي اي قسم فيهم


لو تعاملنا مع القسم الايمن


سنجد


45 درجة : 90 درجة


س درجة : 100 درجة


ص درجة : ط/ 2


حيث ط هيا Pie


تعالو نحول الاول للتقدير المئوي



45: 90


س : 100


طرفين في وسطين


س = 100 × 45 ÷ 90


س = 50 درجة بالتقدير المئوي


اما بالنسبة للتقدير الدائري


45 : 90


ص : ط/2


طرفين في وسطين


ص = 45 × ط ÷ 2×90


ص = ط / 4 بالتقدير الدائري



3- المساحات


الفدان = 4200.83 متر مربع


القيراط = 1 /24 فدان


السهم = 1/24 قيراط


الهكتار = 10000 متر مربع


الدونم = 1000 متر مربع


ودي تعتبر اهم الوحدات المساحية المستخدمة في ايجاد المساحات


وبكده نكون وصلنا لنهاية الدرس الاول


ان شاء الله في الدرس القادم هنتحدث مع بعض عن اهم الاشكال الهندسية التي تهمنا في العمل المساحي وكيفية التعامل معاها


اتمني من الله اني اكون وفقت في اول درس


تحياتي


Hassan Mohamed

محمود ابوالمجد
10-19-2009, 05:38 PM
ممتاز يا بشمهندس حسن ووحشتنا اووووووووي وربنا يقويك علي الشغل

Marwa Magdy
10-19-2009, 05:40 PM
موضوع جاااااااااااااااامد اوى يا حسن
الف الف شكر ليك
اسلوب الشرح فيه كمان بطريقه سلسه اوى وسهله
تتفهم بسرعه بعنى
ان شاء الله اكيد حتابع معاك باقى الحلقات
لانى اكيد حستفاد من الموضوع ده
جزاك الله كل خير
وجعله الله ف موازين حسناتك

Hassan Mohamed
10-19-2009, 07:06 PM
ممتاز يا بشمهندس حسن ووحشتنا اووووووووي وربنا يقويك علي الشغل



ربنا يخليك يا حودة

وانت كمان واحشني جدا

ويارب يكون الموضوع عجبك

Hassan Mohamed
10-19-2009, 07:07 PM
موضوع جاااااااااااااااامد اوى يا حسن

الف الف شكر ليك
اسلوب الشرح فيه كمان بطريقه سلسه اوى وسهله
تتفهم بسرعه بعنى
ان شاء الله اكيد حتابع معاك باقى الحلقات
لانى اكيد حستفاد من الموضوع ده
جزاك الله كل خير

وجعله الله ف موازين حسناتك




جزاكي الله كل خير يا مروة

واتمني انك تستفيدي من الدروس دي وتتابعي باقي الدورس ان شاء الله

Mahmoud Slem
10-19-2009, 07:12 PM
الله ينور يابو على شغل جميل
جزاك الله كل خير
وربنا يوفئك

Hassan Mohamed
10-19-2009, 07:15 PM
الله ينور يابو على شغل جميل



جزاك الله كل خير
وربنا يوفئك




ربنا يخليك يا محمود

محمد الفرارجي
10-19-2009, 07:19 PM
لا لا لا


هوه الاشراف كان مخبي الحاجات دي وألا إيه؟

ربنا يبارك فيك

ممتاز يا حسن

n0ha
10-19-2009, 07:34 PM
شكرا ليك جدا يا م/ حسن على المجهود الكبير
وبجد اسلوب سهل وجميل في الشرح
جزاك الله كل خير
وشكرا مره تانيه

Hassan Mohamed
10-19-2009, 08:21 PM
لا لا لا


هوه الاشراف كان مخبي الحاجات دي وألا إيه؟

ربنا يبارك فيك

ممتاز يا حسن



ربنا يخليك يا هندسة

Mohamed Hashem
10-19-2009, 08:22 PM
جزاك الله كل خير وجعله الله فى ميزان حسناتك
تحياتى ليك يا حسن
أكمل بالتوفيق

Hassan Mohamed
10-19-2009, 08:22 PM
شكرا ليك جدا يا م/ حسن على المجهود الكبير
وبجد اسلوب سهل وجميل في الشرح
جزاك الله كل خير
وشكرا مره تانيه



جزاكي الله كل خير يا نهي علي ردك الطيب

Hassan Mohamed
10-19-2009, 08:23 PM
جزاك الله كل خير وجعله الله فى ميزان حسناتك
تحياتى ليك يا حسن
أكمل بالتوفيق



شاكر ليك يا هندسة علي مرورك علي الموضوع ده

ربنا يخليك لينا كلنا

olivia nader
10-20-2009, 01:04 AM
دروس تحفه بصراحه يا حسن
الله ينور
و ربنا يفوفقك و تكملها
جزاك الله كل خير

elodo
10-20-2009, 01:16 AM
حسن أنا مش حقول لك غير برافووووووووووووووووووووووو على التوبيك الجااااااااااامد أوى ده و مستنى باقى الدروس يا أبو على
و جزاك الله كل خير على المجهود الجامد ده

Hassan Mohamed
10-20-2009, 01:31 AM
دروس تحفه بصراحه يا حسن

الله ينور
و ربنا يفوفقك و تكملها

جزاك الله كل خير




ربنا يخليكي يا اوليفيا

اتمني انك تتابعينا

Hassan Mohamed
10-20-2009, 01:31 AM
حسن أنا مش حقول لك غير برافووووووووووووووووووووووو على التوبيك الجااااااااااامد أوى ده و مستنى باقى الدروس يا أبو على


و جزاك الله كل خير على المجهود الجامد ده




كلامك ده بيشجعني يا محمود

وان شاء الله الجاي اجمل

Hend Elhabet
10-20-2009, 01:36 AM
مشكووووور
وجزاك الله خيرا

Hassan Mohamed
10-20-2009, 02:20 AM
جزاكي الله كل خير يا هند

دفع الله حمدان هجو
10-20-2009, 08:50 AM
الموضوع جميل جدا وقيم والاسلوب سهل وبسيط

باراك الله فيك اخي حسن ونحن في انتظار تكملت البناء فانت الان وضعت الاساس وكان اساس قوي
كم تمنيت ان لايكون هناك فاصل كبير بين الدرس الاول والثاني
واتمني من الاخوة ان تكون ردودهم داعم للموضوع بعيد عن الرد التقليدي حتي تكتمل الفكرة لدي القاري للموضوع ولاتشتت الردود التقليدية تركزه علي الموضوع
الاخ حسن باراك الله فيك وانت تخطو في الطريق الصحيح

Hassan Mohamed
10-20-2009, 02:53 PM
والله يا بشمهندس دفع الله كلامك ده دعم كبير جدا ليا

وانا فعلا اتمني ان كل درس يكون فيه نقاش ويفتح مجال ان كل واحد عندو معلومة في الدرس ده يقدر يزودها

انا بتمني كده بجد

وان شاء الله مش هيكون فيه فاصل كبير مبين الدروس

وكمان كل درس هيكون فيه موضوع منفصل عشان الباحث يقدر يلاقيهم بالترتيب ميتوهش جوة الموضوع الواحد

وده هيسبب ملل

Hassan Mohamed
10-20-2009, 08:36 PM
فين التفاعل مع الموضوع يا جماعة

amiran
10-21-2009, 09:23 PM
بجد والله يا حسن الله ينور استاااااااذ

ALY ELSAYED
10-22-2009, 04:37 AM
الله ينور يا حسن

انتا طلعت استاذ شاطر جدا

ودروس جميله جدا ان شاء الله اتابع واناقش معاك

اتمنالك دوام التوفيق

جزاك الله كل خير

Hassan Mohamed
10-22-2009, 12:15 PM
بجد والله يا حسن الله ينور استاااااااذ



ربنا يخليكي يا اميران

Hassan Mohamed
10-22-2009, 12:15 PM
الله ينور يا حسن



انتا طلعت استاذ شاطر جدا


ودروس جميله جدا ان شاء الله اتابع واناقش معاك


اتمنالك دوام التوفيق



جزاك الله كل خير




ربنا يخليك يا علي وانتظرني في الدرس الثاني ان شاء الله

Hassan Mohamed
10-22-2009, 09:48 PM
الان متاح الدرس الثاني

بعنوان

المثلثات

علي الرابط التالي

اضغط هنا (http://www.mesa7a.com/forum/showthread.php?t=11903)

ali_a2h
10-24-2009, 06:16 AM
موضوع حميل جدا يا ابو على

bare_footed
10-24-2009, 03:38 PM
جميل كتيير يا هندسه تسلم ايدك يا زعيم

Hassan Mohamed
10-25-2009, 03:47 PM
شكرا ليكم يا شباب

eslam mamdouh
10-25-2009, 11:13 PM
ممتتااااااااااااااااااااااااز يا حسن

الله ينور على اثبات الذات

وفعلا انت لا تحاج كلمه شكر

مجهودك اكبر بكتير من الشكر


مع ذلك



شكرا يا حسن

Hassan Mohamed
10-26-2009, 03:24 AM
ربنا يخليك يا اسلام

shark
11-14-2009, 09:02 PM
بسم الله الرحمن الرحيم
مجهود ممتاز و ربنا يوفقك لكن عندى ملاحظة الفدان =4200.83 square meters
و شكرا و السلام عليكم و رحمة الله و بركاته

نبيل عزت علي
11-21-2010, 11:34 AM
جزاك الله خيرا