المساعد الشخصي الرقمي

مشاهدة النسخة كاملة : عقاب رومانسي .....اكيد مش مصري



ALY ELSAYED
10-21-2009, 03:55 AM
http://up.up-images.com//uploads5/images/image-5ad3cd6416.gif (http://fashion.azyya.com)

عقاب رومانسي

قرأت قصة صغيرة أو ربما موقف حكته إحدى النساء حدث معها

وحبيت اجعله موضوع للنقاش...

اسمعوا...

http://up.up-images.com//uploads5/images/image-560c83caf1.gif (http://fashion.azyya.com)


قالت الزوجة : بعد مضي 18 عاما من الزواج وطهي الطعام , أعددت أخيرا أسوأ عشاء في حياتي
كانت الخضار قد نضجت اكثر مما يجب , واللحم قد احترق , والسلطة كثيرة الملح
وظل زوجي صامتا طوال تناول الطعام
ولكني ما كدت أبدأ في غسل الأطباق حتى وجدته يحتضنني بين ذراعيه ويطبع قبلة على جبيني ,
فـسألته : لماذا هذه القبلة ؟
فـقال : لقد كان طهيك الليلة أشبه بطهي العروس الجديدة ,
ومن ثم رأيت أن أعاملك معاملة العروس الجديدة


http://up.up-images.com//uploads5/images/image-560c83caf1.gif (http://fashion.azyya.com)


يااااااااااااااااااه

أليست الزوجة بحاجة الى

مثل هذه اللمسة الرومانسية

لتصحيح أخطائها

أكثر من السب أو السخرية ؟!


http://up.up-images.com//uploads5/images/image-560c83caf1.gif (http://fashion.azyya.com)

بصراحة عن نفسي لما سمعت عن الموقف قلت في خاطري

اكيد مش مصري هههههههه:bones:

مع احترامي لإخواننا

بس بعد 18 سنة تغلط في طبخة ويسكت؟؟؟؟ لاااااااا ويطبطب عليها؟؟!!!

بس فين الي يعمل كده دلوفتي ؟؟؟ معتقدش انه موجود من زمنا؟؟؟

وفي مجتمعنا بالاخص؟؟؟

[]
http://up.up-images.com//uploads5/images/image-560c83caf1.gif (http://fashion.azyya.com)


ياريت نسمع راي كل الناس الرجال والنساء

الموضوع للنقاش


لا تحرومونا آرائكم ...عسى تتغير فكرتنا عن الزوااااااااج

Ahmed Slem
10-21-2009, 04:42 PM
اولا مشكور جدا
و ثانيا
هو مش مصري و لا عربي اساسا
لانه لو عربي
كان عطاها الطريحه المحترمه
بس في بعض و ليس كل الناس بيعملوا كده
بس الفاهمين و المثقفين

spider girl
10-21-2009, 05:41 PM
ياااااااااااااااااااااه
اكيد الراجل ده
مفيش منه غير نسخه وحده وخلصت كمان
والله يا على ظروف الحياه هيه الى بتجبر
الناس انها تتغير شغل طول اليوم ويرجعوا يشوفوا
البيت ناقصه ايه والاولاد وكده

بس والله لو كل زوجين عملوا (رى فرش) لحياتهم كل مده
هيرجعوا كانهم لسه زوجين جداد ويشوفوا الدنيا بشكل جديد

اتمنى ان كل المتزوجين يعملوا كده
ربنا يديم المحبه بين كل الازواج يارب

S2AH
10-21-2009, 07:19 PM
لو فى حب بينهم من الاول عمرة ما هيجرحها باى كلمة ولا حتى هى
وطبعا الحب دة حاجة تقريبا نادرة جدا بين الازواج
تسلم ايدك ياعلى
موضوع فكرتة جامدة

lolaa fahmy
10-21-2009, 08:26 PM
هههههههههههههههههههههههههه

ده اكيد مش بشري اصلا

يمكن من المريخ

الكلمه الحلوه احيانا بتحل مشاكل كتير

ده حتي الكلمه الطيبه صدقه

ALY ELSAYED
10-22-2009, 01:57 AM
اولا مشكور جدا
و ثانيا
هو مش مصري و لا عربي اساسا
لانه لو عربي
كان عطاها الطريحه المحترمه
بس في بعض و ليس كل الناس بيعملوا كده
بس الفاهمين و المثقفين


شكرا ليك يا احمد علي مشاركتك الجميله

واتمني ان يكون في ناس كده في بلدنا

جزاك الله كل خير

ALY ELSAYED
10-22-2009, 01:58 AM
ياااااااااااااااااااااه
اكيد الراجل ده
مفيش منه غير نسخه وحده وخلصت كمان
والله يا على ظروف الحياه هيه الى بتجبر
الناس انها تتغير شغل طول اليوم ويرجعوا يشوفوا
البيت ناقصه ايه والاولاد وكده

بس والله لو كل زوجين عملوا (رى فرش) لحياتهم كل مده
هيرجعوا كانهم لسه زوجين جداد ويشوفوا الدنيا بشكل جديد

اتمنى ان كل المتزوجين يعملوا كده
ربنا يديم المحبه بين كل الازواج يارب


ههههههههههههه

ولا خلصت ولا حاجه ربنا يهدي كل الناس

وان شاء الله يبقي في بعد كده

وحلوه اوي ( ري فريش ) دي

جزاكي الله كل خير

ALY ELSAYED
10-22-2009, 02:01 AM
لو فى حب بينهم من الاول عمرة ما هيجرحها باى كلمة ولا حتى هى
وطبعا الحب دة حاجة تقريبا نادرة جدا بين الازواج
تسلم ايدك ياعلى
موضوع فكرتة جامدة


شكرا ليكي يا ساره

بس برده مش معني ان في حب يبقي مفيش خلاف

معتقدش هنا الحب لي دخل

لان معني كده ان مفيش حد في بلدنا بيحب

هههههههههههههههههه

جزاكي الله كل خير

ALY ELSAYED
10-22-2009, 02:04 AM
هههههههههههههههههههههههههه

ده اكيد مش بشري اصلا

يمكن من المريخ

الكلمه الحلوه احيانا بتحل مشاكل كتير

ده حتي الكلمه الطيبه صدقه


شكرا ليكي يا لولا

واكيد مفيش احلي من الكلمه الحلوه

اما حكايه المريخ دي مش عارف

جزاكي الله كل خير

sweet girl
10-24-2009, 12:10 AM
والله يا على ما انا عارفه اقول ايه
بس بصراحه التوبيك شدنى
وعجبتنى طريقه عرضك
ربنا يكرمك
بس انا رايي مخالف لارائكم لانى بصراحه شايفه ان الزوج ده اكيييييييد مصرى
لان الزوج المصرى بيبقا بطبعه حنين وشهم وجدع والصفات الحلوه ديه كلها
طبعا انا معاك فان ضغوط الحياه غيرت الناس الى حد ما والكل بقا عصبى ومتوتر وكله تفكيره منحصر فانه يبقا احسن ازاى او ازاى يعيش اولاده فاحسن مستوى
لكن بالرغم من ده كله الطيبه والرومانسيه موجودين
هى المشكله اننا بنبص للنص الفاضى من الكوبايه وبننسى النص المليان
يعنى زى ما الزوج بيبقا متعصب ومش طايق نفسه بيبقى حنين وبيقدر زوجته
يعنى بعد 18 سنه جواز والاكل طلع مش حلو الدنيا مش هتتهد
على الاقل هيفتكر اكلها الحلو طول 18 سنه والا يبقى زى القطط تاكل .....
ههههههههههههههههه
يعنى انا شايفه ان الزوج ده مينفعش يكون الا مصرى
التوبيك جميل جدا يا على
الله ينور عليك
جزاك الله خيرا

ALY ELSAYED
10-24-2009, 01:17 AM
والله يا على ما انا عارفه اقول ايه
بس بصراحه التوبيك شدنى
وعجبتنى طريقه عرضك
ربنا يكرمك
بس انا رايي مخالف لارائكم لانى بصراحه شايفه ان الزوج ده اكيييييييد مصرى
لان الزوج المصرى بيبقا بطبعه حنين وشهم وجدع والصفات الحلوه ديه كلها
طبعا انا معاك فان ضغوط الحياه غيرت الناس الى حد ما والكل بقا عصبى ومتوتر وكله تفكيره منحصر فانه يبقا احسن ازاى او ازاى يعيش اولاده فاحسن مستوى
لكن بالرغم من ده كله الطيبه والرومانسيه موجودين
هى المشكله اننا بنبص للنص الفاضى من الكوبايه وبننسى النص المليان
يعنى زى ما الزوج بيبقا متعصب ومش طايق نفسه بيبقى حنين وبيقدر زوجته
يعنى بعد 18 سنه جواز والاكل طلع مش حلو الدنيا مش هتتهد
على الاقل هيفتكر اكلها الحلو طول 18 سنه والا يبقى زى القطط تاكل .....
ههههههههههههههههه
يعنى انا شايفه ان الزوج ده مينفعش يكون الا مصرى
التوبيك جميل جدا يا على
الله ينور عليك
جزاك الله خيرا


هههههههههه

ربنا يخليكي يا هند

ورئيك فعلا جميل وايجابي جدا

واتمني ان كل الرجاله المصريين تعمل كده مع زوجتهم

جزاكي الله كل خير

olivia nader
10-24-2009, 01:31 AM
موقف رومانسي جدا جداااا
و ممكن ميكونش فيه كتير كده
بس اكيد فيه
انا شايفه ان المراه تقدر تخلي زوجها
اكتر انسان رومانسي في العالم
لو هيه عاملته بنفس الاسلوب
اكيد هو مع الوقت حتي لو مش رومانسي اصلا
انه حيتعود علي كده و يتعامل معاها برومانسيه
و الموقف ده هو حس بفرق
لانها كانت متعوده علي حاجه و غيرتها
عشان كده
لازم اوي التجديد في حياتنا
حتي لو وحش
:D:D:D
و علي فكره بالعكس انا شايفه ان الموقف ده مش صعب يبقي في مصر
بس ياريت الزوجات تقدر تعود ازواجهم علي الرومانسيه
احنا شعوب عاطفيه جدا
و ساهل اوي اننا نروض مشاعرنا دي
علي اللي احنا عايزينه
موضوع جامد و موقف تحفه
ميرسي كارمو

ALY ELSAYED
10-24-2009, 03:02 AM
موقف رومانسي جدا جداااا
و ممكن ميكونش فيه كتير كده
بس اكيد فيه
انا شايفه ان المراه تقدر تخلي زوجها
اكتر انسان رومانسي في العالم
لو هيه عاملته بنفس الاسلوب
اكيد هو مع الوقت حتي لو مش رومانسي اصلا
انه حيتعود علي كده و يتعامل معاها برومانسيه
و الموقف ده هو حس بفرق
لانها كانت متعوده علي حاجه و غيرتها
عشان كده
لازم اوي التجديد في حياتنا
حتي لو وحش
:D:D:D
و علي فكره بالعكس انا شايفه ان الموقف ده مش صعب يبقي في مصر
بس ياريت الزوجات تقدر تعود ازواجهم علي الرومانسيه
احنا شعوب عاطفيه جدا
و ساهل اوي اننا نروض مشاعرنا دي
علي اللي احنا عايزينه
موضوع جامد و موقف تحفه
ميرسي كارمو


شكرا ليكي يا اولي

وسعيد جدا بمشاركتك ونقاشك الجميل

جزاكي الله كل خير

farida
10-24-2009, 03:37 AM
توبيك روعة جدااااااااااااااا

بس انا شايفة ان الموقف ده مش بعيد علي واحد مصري

ليه لا؟بالعكس هو اه ممكن يكون فيه فءة من الرجال معندهاش اي مسؤوليه

و لو كان عصبي ده ممكن لانشغاله باسرته والحياة

بس الرجل المصري يعتبر الوحيد اللي يظل يحترم و يقدر زوجته بالرغم مرور سنين كتير

ميرسي ليك يا علي

حقيقي موضوع هايل

روميو الحب
10-24-2009, 08:15 PM
ايه ياعلى الموضوع الجامد ده بجد حاجه روعه
بس على فكرة والله انا اقولك انى ممكن اعمل كده وفى غيرى كتير ممكن يعمل كده ومصرى كمان وبجد الموقف جميل اوى ورومانسى اوى كمان


http://www5.0zz0.com/2009/08/02/16/682959228.jpg


لقد جئت كي أكتب كل ما اشعر به

بحثا عن أمل ينتشلني من الأحزان

ولكنني أكتشفت ان لا يبقى غير الأحزان ..

لكنني لابد أن أنتصر في يوم من الأيام على .. أحزان كانت موجودة زمان

زمان اللي كان ... لكنه مازال ... لكن سأحارب كي أقتل تلك الأحزان

كي لايبقى لها وجوداً أو مكان .

هدى على
10-24-2009, 08:45 PM
معقولة فين الراجل دة بالظبط لالالالالالالالالالالا بصراحة يعنى انا لومكان الراجل دة كنت ماكلتش وسمعتها كلمتين حلوين مش معقولة بعد 18سنة متعرفش تطبخ بس اكيد فية سبب خلها تحرق الاكل دمغها مشغولة بحاجة اوزعلانة من حاجة

ALY ELSAYED
10-25-2009, 01:08 AM
توبيك روعة جدااااااااااااااا

بس انا شايفة ان الموقف ده مش بعيد علي واحد مصري

ليه لا؟بالعكس هو اه ممكن يكون فيه فءة من الرجال معندهاش اي مسؤوليه

و لو كان عصبي ده ممكن لانشغاله باسرته والحياة

بس الرجل المصري يعتبر الوحيد اللي يظل يحترم و يقدر زوجته بالرغم مرور سنين كتير

ميرسي ليك يا علي

حقيقي موضوع هايل





شكرا ليكي يا فريده

بس مال المسئوليه بالموضوع

وربنا يصلح حال الازواج المصريين

جزاكي الله كل خير

pretty angel
10-25-2009, 02:33 AM
الموفق بجد روعه حاجه كده مش موجوده كتير دلوقتى

وبجد بتمنى انه يكون فى من نوعية الراجل ده دلوقتى وخاصة فى ظل الضغوط اللى بقت بتمر بيها الاغلبيه العظمى فى المجتمع

ولو انى اكاد اجزم ان مثل هذه النوعيه قد انقرضت تمـــــــــــامــــــــــــــا

farida
10-25-2009, 03:08 AM
شكرا ليكي يا فريده

بس مال المسئوليه بالموضوع

وربنا يصلح حال الازواج المصريين

جزاكي الله كل خير



انا اقصد في الرجال اللي معندهاش مسؤوليه

يعني بيكون مش مهتم ولا بالزوجة ولا بالاولاد يعني كانه اصلا مش متزوج

ففيه ازواج كدة و ده نادرا وفيه زي اللي في القصة

فقلت ده مش بعيد علي واحد مصري

ياريت تكون وجهة نظري وصلت

و جزاك مثله يا علي و ميرسي جدا ليك

ALY ELSAYED
10-25-2009, 04:03 AM
انا اقصد في الرجال اللي معندهاش مسؤوليه

يعني بيكون مش مهتم ولا بالزوجة ولا بالاولاد يعني كانه اصلا مش متزوج

ففيه ازواج كدة و ده نادرا وفيه زي اللي في القصة

فقلت ده مش بعيد علي واحد مصري

ياريت تكون وجهة نظري وصلت

و جزاك مثله يا علي و ميرسي جدا ليك



ربنا يخليكي يا فريده

وانا فاهم وعارف وجه نظرك

ومنوراني والله

جزاكي الله كل خير

ALY ELSAYED
10-25-2009, 04:05 AM
معقولة فين الراجل دة بالظبط لالالالالالالالالالالا بصراحة يعنى انا لومكان الراجل دة كنت ماكلتش وسمعتها كلمتين حلوين مش معقولة بعد 18سنة متعرفش تطبخ بس اكيد فية سبب خلها تحرق الاكل دمغها مشغولة بحاجة اوزعلانة من حاجة


هههههههههههههههههههه

يعني انتي من مؤيدين انه مش مصري

طيب

جزاكي الله كل خير

ALY ELSAYED
10-25-2009, 04:12 AM
[QUOTE=روميو الحب;201723]
ايه ياعلى الموضوع الجامد ده بجد حاجه روعه
بس على فكرة والله انا اقولك انى ممكن اعمل كده وفى غيرى كتير ممكن يعمل كده ومصرى كمان وبجد الموقف جميل اوى ورومانسى اوى كمان



شكرا ليك يا روميو

واتمني انك تكون فعلا كده انتا وكل الناس

جزاك الله كل خير

ALY ELSAYED
10-25-2009, 04:14 AM
الموفق بجد روعه حاجه كده مش موجوده كتير دلوقتى

وبجد بتمنى انه يكون فى من نوعية الراجل ده دلوقتى وخاصة فى ظل الضغوط اللى بقت بتمر بيها الاغلبيه العظمى فى المجتمع

ولو انى اكاد اجزم ان مثل هذه النوعيه قد انقرضت تمـــــــــــامــــــــــــــا


اووووووو يا بريتي

كده النقاش سخن

وبقه في مؤيدين ومعارضين

بس بتمني انه يكون مصري

جزاكي الله كل خير

pretty angel
10-25-2009, 04:26 AM
اكــــــــــــــــــــــــــــــــيد كلنا بنتمنى ذلك يا على

ALY ELSAYED
10-25-2009, 04:27 AM
اكــــــــــــــــــــــــــــــــيد كلنا بنتمنى ذلك يا على


وهوا كذلك يا بريتي :euro:

طالبة جامعية
10-25-2009, 12:49 PM
thanx for u

ALY ELSAYED
10-25-2009, 05:24 PM
thanx for u


شكرا ليكي وكنت اتمني

تعرفينا رئيك

جزاكي الله كل خير

Soma
11-01-2009, 01:55 AM
ياااااااااااااه ده موقف جميل جدا جدا منه ياريت يكون كل الناس كده بس اعتقد فى كده بس فى الحالات اللى فيها حب وتفاهم بين الطرفين متاكده جدا ان فى ناس كده
جزاك الله كل خير يا على بجد القصة دى عجبتنى جدا

ALY ELSAYED
11-01-2009, 10:21 PM
ياااااااااااااه ده موقف جميل جدا جدا منه ياريت يكون كل الناس كده بس اعتقد فى كده بس فى الحالات اللى فيها حب وتفاهم بين الطرفين متاكده جدا ان فى ناس كده
جزاك الله كل خير يا على بجد القصة دى عجبتنى جدا


اووووووووو سومه

والله منورانا يا قمرايه

جزاكي الله كل خير

MUHAMED SAMY
11-01-2009, 10:44 PM
بجد....أحلى عقاب

dolly
11-01-2009, 11:27 PM
ياااااااااااااااااااااااااااه اده بس ده اكيد مش بشر اصلا اساسا يعنى
ده شخصية حاجة من الاتنين يا اما بيجربوها وبعدين تنزل السوق او من زمان جداااااااا وانقرض كمان :1::1::1::1:
ههههههههههههههههه
ميرسى جدا للموضوع الهايل ده (انتى بتغظينا يعنى ولا ايه ):bones:

ALY ELSAYED
11-03-2009, 12:31 AM
بجد....أحلى عقاب


شكرا ليك يا محمد

جزاك الله كل خير

ALY ELSAYED
11-03-2009, 12:32 AM
ياااااااااااااااااااااااااااه اده بس ده اكيد مش بشر اصلا اساسا يعنى
ده شخصية حاجة من الاتنين يا اما بيجربوها وبعدين تنزل السوق او من زمان جداااااااا وانقرض كمان :1::1::1::1:
ههههههههههههههههه
ميرسى جدا للموضوع الهايل ده (انتى بتغظينا يعنى ولا ايه ):bones:


ههههههههههه كومنت جامد

بس ليه مش بشر اساسا الناس دي موجوده فعلا

وان شاء الله ربنا يمتبلك تبقليها

جزاكي الله كل خير

الورده البيضاء
12-12-2009, 11:44 PM
ادة
معقولة الشخصية دى حقيقية؟
دى اكيد خيالية
مقدرش اصدق ان فى راجل ممكن يعمل كدة
دا لو حصل حيقولها على بيت يور فازر على طوووووووول
لا بجد لو كان حقيقى يبقى شخص نادر جدا وصعب يتلقى
الف شكر ليك ياعلى على التوبيك
جميل جدا

ALY ELSAYED
12-14-2009, 12:35 AM
ادة
معقولة الشخصية دى حقيقية؟
دى اكيد خيالية
مقدرش اصدق ان فى راجل ممكن يعمل كدة
دا لو حصل حيقولها على بيت يور فازر على طوووووووول
لا بجد لو كان حقيقى يبقى شخص نادر جدا وصعب يتلقى
الف شكر ليك ياعلى على التوبيك
جميل جدا


شكرا ليكي يا امل

والرجاله انواع واشكال والوان

واكيد في منهم كتير من النوعيه دي

لكن مش كلهم

جزاكي الله كل خير

blue_sky
02-23-2010, 09:29 PM
موضوعك حلو جد تسلم ياجميل
بس بصراحة حاجة زي دي الواحد بيسمع عنها بس عمره ماشافها ولا حتى بيشوف صاحب الحكاية برضه بيسمع عنه بس يعني أكيد الناس دي مش عايشين وسطنا
مش هقول أكتر من أن ربنا يوعدنا بواحد زييه ياااااااااااااااااااااااااااااااارب

ALY ELSAYED
02-24-2010, 01:08 AM
موضوعك حلو جد تسلم ياجميل
بس بصراحة حاجة زي دي الواحد بيسمع عنها بس عمره ماشافها ولا حتى بيشوف صاحب الحكاية برضه بيسمع عنه بس يعني أكيد الناس دي مش عايشين وسطنا
مش هقول أكتر من أن ربنا يوعدنا بواحد زييه ياااااااااااااااااااااااااااااااارب


شكرا ليكي جدا يا سمسه

ويسلملي ردك العسول ده

وان شاء الله ربنا يوعدك بواحد احسن منه

جزاكي الله كل خير

هبه محمود
02-24-2010, 01:20 AM
علي فكره اكيد فيه ناس وازواج كده
وهذه الحياه ما هي الا نتيجه للمعامله الطيبه
يعني لو الزوجين متفاهمين اكيد مش اي حاجه هتزعلهم من بعض
ولازم كل طرف يلتمس للطرف الاخر الاعذار

يعني لو الزوج لم يلتمس لزوجته العذر وقام بتوبيخها او سبها
بالتالي هي مش هتسكت ومش هتستمر الحياه

يا اخواتي الحياه لازم تستمر ومش هتستمر من غير المعامله الطيبه

وياريت يصبح كل الازواج مثل هذا الزوج

ALY ELSAYED
02-24-2010, 01:48 AM
علي فكره اكيد فيه ناس وازواج كده
وهذه الحياه ما هي الا نتيجه للمعامله الطيبه
يعني لو الزوجين متفاهمين اكيد مش اي حاجه هتزعلهم من بعض
ولازم كل طرف يلتمس للطرف الاخر الاعذار

يعني لو الزوج لم يلتمس لزوجته العذر وقام بتوبيخها او سبها
بالتالي هي مش هتسكت ومش هتستمر الحياه

يا اخواتي الحياه لازم تستمر ومش هتستمر من غير المعامله الطيبه

وياريت يصبح كل الازواج مثل هذا الزوج


حقيقي يا هبه ردك جميل جدا

واكيد الزوج والزوجه الي مبنهم حب وتكامل

بيكونو اسعد ناس طالما في تقدير واحترام لبعضهم

ويارب الازواج كلهم يبقو بهذا الشكل ويهدينا جميعا

جزاكي الله كل خير

abuezz
08-20-2010, 05:45 PM
ممكن جدا يكون الزوج ده مصرى
ولكن مش كل الناس مثل بعضها
وان كانت الحياة قاسية شويا (او شويتين او قول زى ما تقول المجال مفتوح.......)
ولكن هناك المعاملة الطيبة بين البشر لم تنتهى ولم تمت
وهناك الحب الصادق بين الزوجين القائم على طاعة الله وحسن المعاشرة
وكما وصانا النبى صلى الله عليه وسلم (استوصو بالنساء خيرا)
التوبك راااائع

ALY ELSAYED
08-21-2010, 08:30 PM
ممكن جدا يكون الزوج ده مصرى

ولكن مش كل الناس مثل بعضها
وان كانت الحياة قاسية شويا (او شويتين او قول زى ما تقول المجال مفتوح.......)
ولكن هناك المعاملة الطيبة بين البشر لم تنتهى ولم تمت
وهناك الحب الصادق بين الزوجين القائم على طاعة الله وحسن المعاشرة
وكما وصانا النبى صلى الله عليه وسلم (استوصو بالنساء خيرا)
التوبك راااائع



بصراحه انتا ردك رائع جدا

ووجهه نظرك تحترم جدا جدا

اتمني اشوف مشاركاتك دايما

جزاك الله كل خير

said_khaled
03-05-2012, 11:23 AM
أولاً السلام عليكم ورحمة الله وبركاته
أحب بس أقول حاجة إن الراجل ده مش موجود إلا فى مصر وجميع العرب
لأن ما تنسوش يا جماعة إن إحنا تعليم المصطفى صلى الله عليه وسلم
وبنحب نسير على نهجه ( أوصيكم بالنساء خيراً ) وتوصيته لنا بوضع الطعام
فى فم الزوجة وأيضاً حسن الكلام وطيب الطعام ولا ننسى معاملته للسيدة عائشة
وهناك الكثير من المواقف التى كانت أفضل من هذه الكلمة التى قالها الرجل الذى
تتحدث عنه فلو رجعنا إلى الله سنجد أنه من الواجب علينا ألا نفعل غير ذلك مع النساء
أشكركم لقراءة الموضوع

witch evil
10-08-2012, 07:08 PM
لو مصرى كان زمنها اضربت بالجزمه ورمى عليها اليمين او قالها مانت خلاص كبرتى وخرفتى اروح اتجوزلى وحده صغيره ترعينى