المساعد الشخصي الرقمي

مشاهدة النسخة كاملة : فريق عمل الفرقة الثالثة .. متخافش خش يلا بس !!!!! وثوابك عند ربنا ......



KAREEM
10-22-2009, 01:11 AM
بسم الله الرحمن الرحيم

http://www5.0zz0.com/2009/10/06/17/567822842.gif (http://www.0zz0.com)
زملائى أصدقائى أحبائى ,,,

تحية طيبة وبعد ........

كان فى أحد الاعضاء - جزاه الله خير - عمل موضوع فى ملتقى الفرقة
التانية السنة اللى فاتت كان بنفس العنوان تقريبا
والفكرة هى كالتالى :

اننا نكون فريق عمل للفرقة الثالثة للشعبتين
فريق للمساحة وفريق للجى آى إس


http://www5.0zz0.com/2009/10/06/17/567822842.gif (http://www.0zz0.com)

والمطلوب من كل واحد يخش يقدر يساعدنا بحاجة
يسجل اسمه ويقول انه هيقدر يشارك حتى لو بجزء بسيط
ولو مش هيقدر يشارك يكتب اذا كان مأيد الفكرة ولا لأ

طبعا الغرض الأساسى للفكرة ان احنا نبدأ نترجم اللى احنا بنعمله
عملى لواقع ملموس ونبدأ بقى فى التعاون المنظم اللى يفيدنا كلنا
يعنى :
- اللى هيقدر يكتب محاضرة يقول فى أى مادة كانت وفى أى شعبة تكون
- اللى يقدر يجيب لنا كل كبيرة وصغيرة فى القسم من تغيير مواعيد محاضرات ومتحانات شفوى وعملى واسكتشات وكل حاجة تحصل فى القسم حتى دبة النملة شوف بقى مع ان مفيش نل فى القسم
- اللى يقدر يجيب لنا أبحاث من على النت او من أى مصدر تساعدنا فى دراستنا او حتى بحث يطلبه مننا الدكتور وهو لقى حاجة ميبخلش بيها
علينا عشان يبقى التعاون حقيقى منظم



http://www5.0zz0.com/2009/10/06/17/567822842.gif (http://www.0zz0.com)

أول خطوة هنبدأها دلوقتى ان اللى يخش يكتب تعليقه واقتراحه وهل هو هيقدر يشارك معانا فى فريق العمل ولو مش هيقدر برضو يشرفنا طبعا

(( لا يكلف الله نفسا الا وسعها ))

الخطوة التانية ان شاء الله بعد ما نسجل أسماء فريق العمل كله هنبدأ نقسم نفسنا مجموعات حسب الشعبة والمواد
( مننساش فى مادتين احنا زى بعض فيهم انجليزى وبحار ومحيطات ودول مع نفس الدكتور )
مثلا فلان وفلان مكلف بكتابة محاضرات مادة كذا وتلخيصها
مثلا فلان مكلف بكتابة سكاشن المادة الفلانية وهكذا .......


http://www5.0zz0.com/2009/10/06/17/567822842.gif (http://www.0zz0.com)


آخر حاجة أحب أقولها لنفسى أولا ثم ليكم وهى تذكرة بحديث النبى
(( خير الناس أنفعهم للناس ...... ولئن أمشى مع أخ لى أحب إلى من أن أعتكف فى هذا المسجد - مسجد المدينة - شهرا ))

بجد اجماعة احنا مش حيبقى لينا كلمة فعلا ولا هنكون احسن دفعة الا بتعاونا مع بعض مش بغرض المصلحة ولكن لوجه الله يعنى اخلاص الواحد وهو بيقدم العمل دا لوجه الله :11rob::11rob::11rob:

ونخلى بالنا كلنا ( رب عمل عظيم حقرته نية ورب عمل قليل عظمته نية )
يعنى كل واحد فينا ان شاء الله يحتسب الاجر والثواب عند الله
وربنا مش هيكرمنا الا اما نساعد بعضنا ولو نلاحظ ان أوائل الدفعة دايما هما أكتر ناس بيساعدوا زمايلهم زى ما شوفنا اخونا اسلام ممدوح ربنا كرمه بكدا وكمان اخونا احمد حسنى ربنا كرمه وهيكرمه بتطوعه الكريم ومساعدته لينا وكل واحد فينا هيقدم ايد المساعدة لزمايله ربنا هيكرمه بمساعدته لزمايله مش بمذاكرته ابدا لانك لو ذاكرت وبخلت لالمعلومة يبقى كل داااااااااااااا ع الفاضى - لا قدر الله - .



http://www5.0zz0.com/2009/10/06/17/567822842.gif (http://www.0zz0.com)

فى النهاية أحب أشكركم جميعا دفعتى المحترمة
دفعة 2011 ان شاء الله
لازم كلنا نكون فاكرين التاريخ دا ونخليه أعظم تاريخ :dots::dots::dots:
اتخرج فيه دفعة متعاونة من قسم الجغرافيا ونظم المعلومات الجغرافية

جزاكم الله خير ,,,,,,,
ومنتظر التفاعل مع الفكرة ....

Mahmoud Slem
10-22-2009, 01:19 AM
الله ينور عليك يا كيمو

وبجد شغل جميل جدا

ولكن عندى تحفظ بس

وهى اى اخبار خاصه بالقسم
دى هتبقى مسؤليه مندوب الفرقة الخاص بكل شعبة

اما بالنسبه للتعاون والشغل اللى هتنظموه مع بعض
فده جميل جدا ومحدش يقدر تكلم فيه
واحنا لو مطلوب مننا اى مساعده نقدر ناسعدكم بيها والله مش هنتاخر
بس نتمنى منكم انكم تكونوا على درايه تامة انكم فى النهاية اخوات مهما تفرقتم فى اى مكان
ولازم المكان ده المنتدى يجمعنا كلنا لانه هيجمع كل الدفعات اللى اتخرجت واللى لسه هتتخرج
على العموم بالتوفيق ليكم جميعا

Ahmed Hosny
10-22-2009, 04:45 PM
السلام عليكم ورحمة الله وبركاته
اخويا وحبيب قلبى كريم انا مش عارف اقولك ايه انا طبعا مأيدك كل التاييد فى فكرتك الجميلة دى
وياريت بجد اقدر افيدكم فى حاجة زى دى واتمنى انى انضم لفرقة العمل فى المشروع الجامد ده

Horiaa Swedan
10-22-2009, 06:58 PM
الله ينور ياكريم بجد جزاك الله خيرا وطبعا انا معاك فى كل كبيره وصغيره باذن الله واى حاجه تعزوها منى

انا الحمد لله ربنا رزقنى بملكه الشرح فالى عايز اى حاجه فى الشعبتين اشرحهاله حتى لو مكنتش اخدتها انا قادره على هذا

وممكن اساعد فى الاقتصاديه والاقليم الخاص باذن الله لان دى المواد اللى انا ملتزمه بحضورها وممكن كمان العالم الثالث بس امانه عليكم انا ضيعه فى الانجلش ومحتاجه مساعده

KAREEM
10-22-2009, 07:49 PM
الله ينور عليك يا كيمو

وبجد شغل جميل جدا

ولكن عندى تحفظ بس

وهى اى اخبار خاصه بالقسم
دى هتبقى مسؤليه مندوب الفرقة الخاص بكل شعبة

اما بالنسبه للتعاون والشغل اللى هتنظموه مع بعض
فده جميل جدا ومحدش يقدر تكلم فيه
واحنا لو مطلوب مننا اى مساعده نقدر ناسعدكم بيها والله مش هنتاخر
بس نتمنى منكم انكم تكونوا على درايه تامة انكم فى النهاية اخوات مهما تفرقتم فى اى مكان
ولازم المكان ده المنتدى يجمعنا كلنا لانه هيجمع كل الدفعات اللى اتخرجت واللى لسه هتتخرج
على العموم بالتوفيق ليكم جميعا



نورت الموضوع يا باشهمندس
وكلامك وصل واتفهم طبعا
شكرا لمرورك الكريم

KAREEM
10-22-2009, 07:51 PM
السلام عليكم ورحمة الله وبركاته
اخويا وحبيب قلبى كريم انا مش عارف اقولك ايه انا طبعا مأيدك كل التاييد فى فكرتك الجميلة دى
وياريت بجد اقدر افيدكم فى حاجة زى دى واتمنى انى انضم لفرقة العمل فى المشروع الجامد ده


فريق العمل اتشرف بيك ياأبو حميد
ودي بداية كويسة جدا طبعا
بس حدد انت حتقدر تنزل محاضرات
فى أى مادة ولا هتعمل ايه ؟؟؟؟
بدل منحدد لك احنا ونخليك تحط
محاضرات وكتب كمان بدل منشترى
يمندوووووووب الشعب هههههههه
حبيبى احسنى والله بس زى ما قلت لك
حدد انت هتقدر تساعدنا في ايه وقل لنا

KAREEM
10-22-2009, 07:56 PM
الله ينور ياكريم بجد جزاك الله خيرا وطبعا انا معاك فى كل كبيره وصغيره باذن الله واى حاجه تعزوها منى

انا الحمد لله ربنا رزقنى بملكه الشرح فالى عايز اى حاجه فى الشعبتين اشرحهاله حتى لو مكنتش اخدتها انا قادره على هذا

وممكن اساعد فى الاقتصاديه والاقليم الخاص باذن الله لان دى المواد اللى انا ملتزمه بحضورها وممكن كمان العالم الثالث بس امانه عليكم انا ضيعه فى الانجلش ومحتاجه مساعده


حورية يعنى اسمع أحلى سلام للجمعية الجغرافية
ههههههههههههههههه
بجد نورتى ياحورية وتواجدك فى فريق العمل دا
شىء أساسى جدا وعلى كلامك دا
احنا كدا هنطمع ان تنزلى محاضرات فى جميع المواد
كدا يبقى انتى ناوية تنزلى فى الاقليم الخاص أساسى
ولو تقدرى على الاقتصادية
عشان احنا مش عايزين نتقل على حد فى أكتر من مادة
لو حتكتبى محاضرات اقتصادية عقبال ميبقى حد موجود
شوفى أكتر مادة حابة انك تكتبيها وكلنا معاكى
ويبقى جزاكى الله خير

KAREEM
10-22-2009, 08:00 PM
يادماعة على فكرة فى مفاجأة حلوة
وهى ان احتمال كبير ان المحاضرات
تنزل سكانر على هيئة صور عشان
اللى عازي يطبعهم يذاكرهم من غير الكمبيوتر
وكمان عشان نشهل على الناس بدل الكتابة
يعنى بعد ما يكتمل فريق العمل هنتفق مع بعض
ان اللى هينزل محاضرة هينزل موضوع خاص لوحده
ينزل فى محاضرات المادة المسئول عنها أسبوعيا
وطبعا زى ما قلنا اللى هيبقى معانا هيجيب لى
المحاضرات واخونا محمود سليم متبرع انه ينزلها
لنا سكانر على جهازه الشخصى جزاه الله خير
واللى عايز يكتب يكتب مش هنقول لحد لأ
بس دا بعد ميكتمل فريق العمل منتظرينكم ياجماعة
وهنيالك يافاعل الخير والثواب ,,,,,,,,,,

Horiaa Swedan
10-22-2009, 10:51 PM
بص حكايه انزلها كامله دى مش سهله بالنسبالى انما ممكن حد يخدها منى من الكليه كمله وينزلها هو ولا شفولى شغله تانيه انتوا عرفين انا شغلى كتير فى الكليه:D:D

TE7A
10-23-2009, 01:51 AM
الله ينور عليكم يا جماعه علي المجهود الرائع ده

سندريلا
10-23-2009, 11:22 AM
الله ينور يا كريم على الفكره المفيده دى

وحلوة اوى روح التعاون

ويارب يوفقنا السنه دى

وهحاول معاكوا بماده البحار والمحيطات

eng.ahmed ghareeb
10-23-2009, 01:40 PM
والله يا جماعه الله ينور على تفكيركم وربنا يجزيكم خير بس احنا عايزين نترجم الكلام اللى احنا بنقولو ده لفعل مش مجرد كل واحد يقول انا هاعمل وهاعمل ويفوت اسبوعين ومنسمعش صوته على المنتدى عايزين نبقى ايد واحده ونقدر نفيد كل الناس
بس انا كان ليا اقتراح مش عارف حد هيوافقنى عليه ولا لاء ايه رايكو لو سجلنا المحاضرات على الموبايلات ونرفعها على المنتدى بدل ما نكتب او نحرف فى الكلام اللى بيقوله الدكتور او واحد وهو بيبيض المحاضراه يشيل كلام من اللى قاله الدكتور وممكن يطلع كلام مهم
انا والله معرفش حكايه تسجيل المحاضرات دى ممنوعه فى القسم ولا لاء ياريت حد يقولى الرد ويقوله ايه رايو فى الفكره دى
احمد الغريب
شعبه المساحه والخرائط

Ahmed Hosny
10-23-2009, 02:20 PM
السلام عليكم ورحمة الله وبركاته
انا فى الاول نسيت احدد المواد اللى ممكن اساعد بيها بس ملحوقة
1/بالنسبة لشعبة الخرائط ممكن انزل مسائل كنتورية وتاكيومترية بس مش بالحل بتاعها لان ده صعب شوية
2/ بالنسبة لشعبة gis ممكن ننزل بحار ومحيطات و E وتكون مشتركه بين الشعبتين
بس انا عندى اقتراح خاص بمشرفة الملتقيات وهو عمل تقسيم من جديد لمحاضرات الشعبتين
ونتمنى الافادة والاستفادة

KAREEM
10-23-2009, 06:44 PM
الله ينور عليكم يا جماعه علي المجهود الرائع ده


منووووووووور يا فتحى
وعايزين نشوفك دايما

KAREEM
10-23-2009, 06:51 PM
الله ينور يا كريم على الفكره المفيده دى

وحلوة اوى روح التعاون

ويارب يوفقنا السنه دى

وهحاول معاكوا بماده البحار والمحيطات


جزاكى الله خير أخت سندريلا على
مرورك الكريم وبالنسبة لمادة بحار ومحياطات
كدا كله عايز يكتبها فانا قصدى من الموضوع دا
ان احنا نعمل فريق عشان ننظم نفسنا وكل واحد
يبقى مسئول عن حاجة ونقلل الحمل من على بعضينا
عموما انتى كدا كدا خلاص معانا فى فريق العمل
ودا شرف عظيم لينا وانتى كدا لغاية دلوقتى بحار ومحيطات
الى أن يجد جديد ....... شكرا جزيلا وتحياتى ليكى ,,,,




السلام عليكم ورحمة الله وبركاته
انا فى الاول نسيت احدد المواد اللى ممكن اساعد بيها بس ملحوقة
1/بالنسبة لشعبة الخرائط ممكن انزل مسائل كنتورية وتاكيومترية بس مش بالحل بتاعها لان ده صعب شوية
2/ بالنسبة لشعبة gis ممكن ننزل بحار ومحيطات و E وتكون مشتركه بين الشعبتين
بس انا عندى اقتراح خاص بمشرفة الملتقيات وهو عمل تقسيم من جديد لمحاضرات الشعبتين
ونتمنى الافادة والاستفادة


أبو حميد مجهود جامد يابنى والله بس لو نزلت حلول تبقى ميه ميه
حتى لو انت حتنزل المسائل يبقى تنزلها وممكن حد مننا ينزل الحل
وتبقى زى مسابقة ... ايه رأيك ؟؟؟؟
بالنسبة للانجليزى فربنا يكرمك لان مكناش لاقيين حد لغاية دلوقتى
ولو حد تانى دخل فى النجلش حريحك عشان نخفف من على بعض الحمل
بصراحة انا منتظر حد يشيل المادة دى مش حقول اسمه بس هو مشرف قسم اللغة الانجليزية :1::1::1: عارفينه ؟؟؟ !!!! مقلتش اسمه أهو :1:
وخلى بالك احنا زى ما اتفقنا مع محمود سليم لو تعبانين نجيب له المحاضرات وهو حينزلها اسكانر جزاه الله خير يعنى متقلقش !!!!
نورت والله يا باشا ,,,,,

KAREEM
10-23-2009, 06:58 PM
والله يا جماعه الله ينور على تفكيركم وربنا يجزيكم خير بس احنا عايزين نترجم الكلام اللى احنا بنقولو ده لفعل مش مجرد كل واحد يقول انا هاعمل وهاعمل ويفوت اسبوعين ومنسمعش صوته على المنتدى عايزين نبقى ايد واحده ونقدر نفيد كل الناس
بس انا كان ليا اقتراح مش عارف حد هيوافقنى عليه ولا لاء ايه رايكو لو سجلنا المحاضرات على الموبايلات ونرفعها على المنتدى بدل ما نكتب او نحرف فى الكلام اللى بيقوله الدكتور او واحد وهو بيبيض المحاضراه يشيل كلام من اللى قاله الدكتور وممكن يطلع كلام مهم
انا والله معرفش حكايه تسجيل المحاضرات دى ممنوعه فى القسم ولا لاء ياريت حد يقولى الرد ويقوله ايه رايو فى الفكره دى
احمد الغريب
شعبه المساحه والخرائط


ربنا يكرمك يا أحمد يارب ونورتنا بجد وانا فعلا علمت الموضوع دا مخصوص عشان نبدأ فى الخروج من مرحلة الكلام ونبدأ التنفيذ الفعلى
عشان كدا من بكرة بإذن الله وقبل اكتمال فريق العمل حتنزل المحاضرات
فى المواد اللى قلنا عليها اول بأول وياريت أى حد التزم بمادة خلاص
يبقى حينزل موضوع هو المسئول عنه ويضم فيها المحاضرتين اللى فاتوا
اما بالنسبة للجزئية بتاعة الموبايل فالفكرة جميلة جدا لكن ساعات مبتبقاش واضحة عموما لو انت ناوى وتقدر تساعدنا بتنزيل مادة يبقى تقابلنى انا واحمد حسنى فى القسم ناخد منك المحاضرة ننزلها اسكانر ونرجعها لك تانى ويكون دا أريح لك وأحسن لنا كلنا عشان اللى عايز ينزلها على الموبايل على هيئة صور ويبقى جزاك الله خير
اما حكاية تسجيل المحاضرات فمتخافش احنا هنا مجانا وبعدين الكلام اللى بيتكتب هنا مش بناخده كما أنزل ولكن فى نقاش لاننا بنساعد بعضينا او بمعنى أصح بنذاكر مع بعض ... مش كدا ولا ايه ؟؟؟
جزاك الله خير أخى احمد غريب ومنتظر منك رد لو تقدر تساعد ,,,,,

Horiaa Swedan
10-23-2009, 09:27 PM
الله يابن منطقتى افكار جميله طبعا بس الحقيقه انا اللى اعرفه ان ممنوع تسجيل المحاضرات منعا بات

KAREEM
10-23-2009, 11:17 PM
ابن منطقتك ؟؟؟؟؟؟؟؟؟
مشيها ماشى مع انك مش من مصر
من بلد تانية انتى عارفاها ........
ههههههههههههههههههههه
بس عموما احنا مش حنزل محاضرات
احنا حنعتبرها مناقشة فى المادة
والمسئول عن موضوع المادة فى المنتدى
هو اللى مسئول عن المحاضرات اللى بتكتب
كل اسبوع عن أهم نقاط المحاضرة وزى ما
المهندس اسلام ممدوح الله يمسيه بالخير
كان عامل السنة اللى فاتت ركن للمحاضرات
فى ملتقى الفرقة الرابعة ربنا يكرمه يارب

** عموما انا نسيت أقول انا حنزل بأروبا واحتمال مادة تانية
غالبا اقتصادية لو محدش دخل بيها ........اوك
واول محاضرة اروبية حتنزل بكرة ان شاء الله
فانتظرونا ......,,,,,,,,,,
وباقى فريق العمل يجهز عشان يبدأ من الاسبوع دا

Horiaa Swedan
10-24-2009, 01:53 AM
الله ينور اكيمو يولا بطل فضايح محدش يعرف البلد التانيه يالهووووووووووووووووى

مصر هى امى نلها هو دمى

ههههههههههههههههههه

KAREEM
10-24-2009, 04:31 PM
اجماعة يلا نبدأ فى مرحلة الجد
كدا فريق العمل
قارب على الاكتمال

* أحمد حسنى + سندريلا : بحار ومحيطات ( بالتنسيق مع بعض ) .
* الريسة حورية حتنزل بعالن تالت ( شعبة عامة ) .
* أحمد حسنى E لوحده بتاع الشعبتين طبعا + مسائل كنتورية وتاكيومترية .
* العبد لله ( كريم ) اقتصادية انتظام + جغرافية أروبا .
* اختنا مى القاضى حتنزل اقتصادية انتساب وسياحية .
* اختنا اسراء حتخش بمادة من مواد المساحة نسيت اسمها
حتخش بيها من النهاردة وهى هتخش متكرمة تقول عليها .

* كدا فاضل مواد تانية والباب مفتوح للى عايز يخش فى فريق العمل
حتى لو هيساعد بمادة م اللى اتقالوا عادى كله فى الصالح العام .

** أوعدكم لما الفريق يكتمل نطلب من اخونا محمود سليم يعمل لنا ركن خاص بالمحاضرات .

اخيرا وليس اخرا
جزى الله كل من شارك بهذا العمل الاجر والثواب
وكل من شارك بالموضوع ولو بالقراءة وجزاكم الله خير

Wild_Angel
10-24-2009, 04:40 PM
ماشاء الله
الله ينور يا شباب
ربنا يكرمكم بأذن الله وبالنجاح
وعموما اينعم انا اتخرجت بس اى حد يحتاج ترجمه لمادة النصوص الجغرافيه باللغه الاجنبيه
يقولى
وبأذن الله نساعد بعض

جزاكم الله خيراً

KAREEM
10-24-2009, 04:58 PM
دايما سباقة للخير



يابشهندسة اسراء
جزاكى الله خير على المتابعة
بجد نورتينا

mesa7a3
10-24-2009, 05:16 PM
السلام عليكم ورحمة الله وبركاتة


يسعدنى ان انضم لفريق العمل وان يكون العمل خالص لوجه الله


وان شاء الله بهتم


بمادة نصوص انجليزى و مادة جغرافيا سياحة


وكل الشكر و التقدير للاخ KAREEM (http://www.mesa7a.com/forum/member.php?u=494) على هذه المبادرة الجميلة


واتمنى ان نسرع فى العمل


والله الموفق

KAREEM
10-24-2009, 07:15 PM
جزاك الله خير أخ عمرو
وأنت أكدت على حاجة مهمة جدا
وهى الاخلاص وتجديد النية لله
ربنا يرزفنا الاخلاص فى القول والعمل
وان لا يجعلنا ممن يقال لهم يوم القيامة

(( وقدمنا الى عملوا من عمل فجعلناه هباءا منثورا ))

جزاك الله خير على هذه التذكرة المهمة جدا جدا

ومروك نورنا كتير
وشكرا جزيلا لمشاركتك الكريمة
وانضمامك لفريق العمل شرف ليه
منتظرين منك المزيد ,,,,,,........

KAREEM
10-28-2009, 11:45 PM
يلااااااااااااااا
يا جماااااااعة
مستنين
مشاركتكوا
فى مواد لسه محدش حينزلها
بس فى مفاجأة وهى
محاضرات البحرين حتنزل
اسكانر قريبا على المنتدى
بالخرايط مرسومة
لان معظمنا مبيعرفش يكتب فى المادة دى
وانا اولكوا مبكتبش 3 صفحات على بعض كله
فانتظروا محاضرات البحرين قريبا جدا ان شاء الله

ومازال الباب مفتوح للى هيقدر ينزل محاضرات
فى مادة من المواد الباقية وياريت من ااخوانا
اللى فى فريق العمل يبدأوا فى العمل من الان ....

احمد مغربى
11-01-2009, 03:24 PM
السلام عليمك ورحمة الله وبركاته
انا موافق على هذا المشروع الجميل اللى انتو هتعملو و بجد انا لو قدرة اعمل حاجه هعملها

KAREEM
11-01-2009, 10:51 PM
جزاك الله خير اخ احمد
على مشاركتك الجميلة
والفعالة واتمنى اشوفك
دايما معانا وتتفاعل معانا
شكرا على مرورك الكرم ,,,

ahmed ghareeb
11-16-2009, 01:34 PM
يا جماعه الله ينور على الموضوع الجامد بس بس احنا عايزين نحس بالكلام ده فى القسم مش مجرد كتابه على المنتدى بس عايزين نشوف حاجه اتعملت فى القسم بجد وتقدر تفيدنا يعنى انا مثلا عملت موضوع تربيزات بتاعت المرسم وكله ايد الفكره بس مفيش حد اتشجع وعمل حاجه ياريت نقدر نعمل حاجه لنفسنا وللقسم كمان

ghsghsghsghs
12-08-2009, 05:35 AM
ياجماعة انا حاسس اني مكن اقدر افيدكم في حجات كتير لاني للاسف باقي للاعادة وكنت عايز اتعرف عليكم ياريت حد يقلي ازاي انا محمد بس ياريت تبعدوني عن الانجلش لاني ابيض خالص والترم التاني معاك ف مادة وحدة بس فياريت الحق اتعرف عليكم الترم الاول

kh 2 day
12-23-2009, 10:36 PM
الله ينور ياكيموووووووو
بس انا مش عارف افيدكم ازا ى ؟؟؟؟؟؟؟
انت عارف انى مش معاكم فى الكلية
وان المواد بتعتى بتختلف عنكم فى الشرح والاسلوب وكدا
ربنا يوفقكم يارب
ولو فى اى مساعدة ان تحت امركم
وادعولى

مشتاقه للجنه
12-24-2009, 04:57 PM
جزاك الله خير لان ده عمل ح يسعدنا كلنا وننتظر منك المزيد وربنا يعدى السنه دى على خير

مشتاقه للجنه
12-29-2009, 01:30 PM
على فكره ياكريم انا اشتريت منك مذكرت الامتحنات بس عند تعليق عليها ان فى امتحانات مادة اقليم خاصعام 2005و2006 اقليم البحر الاحمر واحنا علينا مملكة البحرين وبنسبه لمادة النصوص احنا بيدينا د. محمد راشد مش د.ايمان رمزى ارجوك لو انت او اى حد يقدر يجيب امتحان النصوص بتاع الفرقة التالتة بتاع السنة الى فاتت يجيبة علشان شكلنا حنجيب حاجات جمييييييييييييييله فى النصوص

KAREEM
12-29-2009, 02:14 PM
على فكره ياكريم انا اشتريت منك مذكرت الامتحنات بس عند تعليق عليها ان فى امتحانات مادة اقليم خاصعام 2005و2006 اقليم البحر الاحمر واحنا علينا مملكة البحرين وبنسبه لمادة النصوص احنا بيدينا د. محمد راشد مش د.ايمان رمزى ارجوك لو انت او اى حد يقدر يجيب امتحان النصوص بتاع الفرقة التالتة بتاع السنة الى فاتت يجيبة علشان شكلنا حنجيب حاجات جمييييييييييييييله فى النصوص


ان شاء الله ربنا يستر ويجى امتحاتن كويس
وعلى فكرة انا كل اللى عملته
انى نزلت مكتبة الكلية
شفت الارشيف بتاع امتحانات السنسن
الى فاتت وطلعت منه امحتاناتنا
وهو دا كل اللى لقيته الى جانب
الامحتانات اللى جيبتها من زمايلنا السابقين
** والجمعية هى اللى بتصور الكلام دا **
وقريب ان شاء الله اخونا عمرو هينزل مذكرة
الامتحانات اسكانر من على جهازه
جزاه الله عنا خير ويارب يكون معاه بتاع السنة اللى فاتت

جزاك الله خير وشكرا لمرورك

masn4
02-22-2010, 02:13 AM
الفكرة جميله جدا
و انا ممكن اللخصلكو المنهج و ابسطه جدا
و ممكن نبتدى باى مادة تحبوها و هنزلهلكو على المنتدى
و طبعا انا هبتدى اذاكرها و لو شفت انى مش قادر عليها هعتزر عنها
و لو لخصتا ممكن اشرحها لاى حد
شكرا لكم

KAREEM
02-22-2010, 02:44 PM
الفكرة جميله جدا
و انا ممكن اللخصلكو المنهج و ابسطه جدا
و ممكن نبتدى باى مادة تحبوها و هنزلهلكو على المنتدى
و طبعا انا هبتدى اذاكرها و لو شفت انى مش قادر عليها هعتزر عنها
و لو لخصتا ممكن اشرحها لاى حد
شكرا لكم


كويس جداااااااا

احنا لسه فعلا كنا هنبتدى
نكون فريق عمل للفرقة
التالتة للفصل الدراسى
التانى ودا بعد النجاح اللى حصل
الترم الاول والناس شافت
ان فكرة المحاضرات نجحت

وتقريبا مكنش بيعدى مادة الا اما نلاقى
حد منزل لنا حاجة ان شا الله اخر محاضرة
او اى معلومة تفيد المادة

وكان أعلى متواجدين فى المنتدى
من خلال ملتقى الفرقة التالتة
كان بيوصل العدد ل 40 مرة واحدة
غير الزوااااااااااااااار

ودا أكبر دليل على نجاح فريق
العمل للفصل الدراسى الاول

واحنا متاكدين كلنا ان فى أحسن من كدا
عشان كدا بعض الناس اتشجعت
وقالتلى انها هتنزل محاضرات الترم دا
وبكدا هنقدر نقسم المواد على بعضينا
ولو كل واحد نزل مادة او كل 2 اشتركو
فى مادة هيبقى الموضوع أسهل بكتييير

بس بشرط نبعد عن المواد اللى الدكاترة
عاملين عليها قلق ومنعوا النشر فيها
عشان منزعلش الدكاترة
وفى نفس الوقت
محدش يتأذى فينا

وباذن الله مع نهاية الاسبوع
هحدد لحضراتكو المادة
اللى هقدر أكتب محاضراتها
والناس اللى كلمتنى برضو
هيخشو ويقولوا هما يقدروا
ينزلوا فى أى مادة

عشان يكتمل فريق العمل
للترم التانى ونكمل السنة
دى على خير ان شاء الله

شكر خاص كل من شارك
ولو بــــــــــــــــــــــــرد أضاف
فيه معلومة خلال الفصل
الدراسى الاول
وجزاهم الله خير جميعا

وندعوهم أن يستمروا فى
مسيرة العطــــــــــــــــــاء

Horiaa Swedan
02-22-2010, 03:36 PM
يارب يا جماعه يرجع الفريق زى الترم الاولى وان شاء الله اكون فعاله معاكم الترم ده باذن الله

الدحيح
03-30-2010, 06:13 PM
زى الفل يامعلم كلام جميل عايزك تكمل جميلك وتجبلنا امتحانات السنين اللى فاتت

حفيد سيف الله المسلول
03-31-2010, 06:37 PM
انتظروا مفاجاه المحاضرات بنهايه الترم ان شاء الله

Horiaa Swedan
04-01-2010, 02:38 AM
يا جماعه عايزين نرجع نوزع المواد علينا

بالنسبه للجى اى اس عملى ونظرى انا مكلفه اشرحه لاى حد وفى اى وقت لانى الحمد لله فهمته كويس اوى

كمان التوزيعات اللى عايز حاجه

وياريت حد يساعدنى فى التنميه والتريخيه لانى محتاسه وحسه انى حشيل السنه بسببهم بجد واعصابى تعبت خصوصا من التريخيه

mekotaegy
05-18-2010, 12:23 AM
:a25::a25::a25::a25::a11::a11: