المساعد الشخصي الرقمي

مشاهدة النسخة كاملة : عاده جلد الذات ............والنقد الذاتى



eslam mamdouh
10-18-2008, 02:34 AM
بسم الله الرحمن الرحيم

زملائى الافاضل , نتعرف الان على الفرق بين مفهومين قد يبدوا فى الوهله الاولى انهم لنفس المعنى , ولكن هناك اختلاف كبير بين الكلمتين , ونتعرف على الفرق من خلال السطور الاتيه

بسم الله نبدأ

جلـد الـذات :
شعور سلبي يتنامى دائماً في أوقات الهزائم و الإحباطات بسبب مناخ الهزيمة عندما يخيم على الأجواء بحيث تتوارى النجاحات ( و التي غالبا ما تكون قليلة أو باهتة ) و يتصدر الفشل واجهة الصدارة .

و الشعور السلبي المتمثل في جلد الذات ينبع من رغبة دفينة بالتغلب على الفشل و لكن ليس عن طريق مواجهته و إنما بالهروب منه ( أو ما يعرف بالهروب إلى الداخل حيث ينزوي الإنسان و يتقوقع داخل هذا الحيز الضيق من الشعور بالعجز و الفشل ) و ذلك لعجز الفرد ( أو الأمة ) عن إدراك مواطن قوته و مواطن ضعفه و أيضاً مواطن قوة و ضعف أعدائه ( أو تحدياته ) و يسرف بدلا ًمن ذلك في تهميش كل قوة له و يعطى لعدوه ( أو تحدياته قوة أكثر بكثير مما هي عليه في الحقيقة ) .

و كما ترون فجلد الذات هو حيلة العجز و مطية الفشل و مهرب الجبن .
و دائماً ما تكون هناك حجج لتبرير الشعور بالعجز ذات أسماء براقة للتمويه و خداع النفس ( أو خداع الآخرين) مثل الواقعية أو مسايرة الأحداث أو الرضا بالأمر الواقع .

فإذا كان الضعف و الهزيمة النفسية و المعنوية ( و ربما الحسية ) هما الدافعان لجلد الذات .. فما غاية و منتهى جلد الذات ؟
الغاية و المنتهى هما التقوقع و الانحسار داخل بوتقة الانهزام مروراً بفقدان الأمل وصولاً إلى فقدان الرؤية و الطموح و انتهاءً بالتلذذ باجترار مرارة الألم حتى إدمانها .


***************


* نقـد الـذات :
http://www.mawhopon.net/upload/photo/sad_with_a_rose_by_xxxcathx.gif

شعور إيجابي ناضج يتلمس معرفة مواطن القوة و مواطن الضعف بصدق و موضوعية ، أي أنه يقيسها و يقيمها و لا يهمشها أو يتخيلها . و نقد الذات ليست له أوقات محددة و لكن له عقليات محددة تجيد قراءة نفسها و محيطها و بالتالي لا تخشى مواجهة الأعداء أو التحديات و إنما تأخذ بأسباب النجاح و الوصول إلى الهدف عن طريق التخطيط الجيد و الاستفادة من أخطاء الماضي .


***************


و نقد الذات ليس " هروباً " إلى الأمام كما قد توحي المقارنة مع جلد الذات حيث أن الهروب إلى الأمام يتضمن بعض الشجاعة و لكنه هروب اليائس من النصر فيفر للأمام لعله يجد حتفه فيرتاح أو لعله لم يجد مهرباً إلى الخلف ففر للأمام





و نقد الذات يسد الطريق على الهزيمة النفسية التي تأتي من الاستسلام لنوازع و دواعي الفشل و يزرع في النفس ( و في الأمة ) بذور المقاومة و الوعي و يمدها بالمناعة و التحصينات اللازمة لمقاومة أعدائها و مجابهة تحدياتها .
و نقد الذات لا يحتاج إلى حجج أو مبررات أو تسميات و إنما يستمد قوته من إحساس داخلي عميق بالقوة و بالقدرة على المواجهة نما من يقين و إيمان تام بأن أسباب القوة و المواجهة المظفرة كامنة في النفس تحتاج فقط لمجرد استنفار و ليس إيجاد من عدم .

و الشعور الإيجابي المتمثل في نقد الذات ينبع من إيمان صادق و مبدأ ثابت و رغبة حقيقية في النجاح مما يعطيه الدفعة و القوة و " الثقة " للوصول إلى الهدف ، و الهدف هنا هو القناعة الذاتية و التثبت الداخلي من توفر إمكانية النصر و بالتحديات و هى الركن الركين و أهم أسباب القوة فعندما يعرف عدوك أنك لا شك منتصر فمن البديهي أن يوقن أنه لا شك منهزم .

eslam mamdouh
10-19-2008, 08:05 PM
فى انتظار ردكم وتعليقكم

sarah
10-19-2008, 08:13 PM
جميل يا اسلام الموضوع ,
واكتشفت الفرق بينهم ,
ولكن بيختلف كل منهم حسب طبيعة الانسان فى راى.
ميرسى وتقبل تعليقى.

eslam mamdouh
10-19-2008, 08:21 PM
شكرا جدا ليكى على دخولك وتعليقك الجميل ده

AYMAN GAMAL
10-19-2008, 08:28 PM
شكرا يا سولوم تانيب الضمير السبب في كل دة مش كدة

eslam mamdouh
10-19-2008, 08:40 PM
مش شرط ان يكون الانسان ليه هدف ظاهر من شكل شى

بس اللى اقدر اقوله ان تانيب الضمير شى جميل جدا مفروض يكون جوه كل واحد فينا


وربنا يكرمك

والف شكر ليك عل ى مشاركتك القيمه يا ايمن

Wild_Angel
10-21-2008, 11:15 AM
موضوع جميل ويستحق المشاركه

الانسان دائما ما يحتاج لوقفه مع ذاته وذلك حتى يصلح ما افسدته الحياه

eslam mamdouh
10-21-2008, 11:41 AM
الف شكر على دخولك وتشريفك الموضوع

مع خالص احترامى وتقديرى

onon
10-21-2008, 03:36 PM
موضوع حلو اوي بشكرك عليه
واعتقد ان تأنيب الضمير ونقد الذات ومحاسبتها قريبين من بعض وده لان نتجيتهم بتخالي الواحد في حاله من الصدق مع نفسه لان في الوقت ده فعلا بيعرف الواحد اخطائه وبيواجهها وبيصلحها وبالتالي عدم تكراراها وفي الوفت ده كمان فعلا الواحد بيعرف مواطن الضعف وبيحاول يعالاجها وبيعرف مواطن القوه عنده فبيستغلها بايجابيه عشان تدفعه للاحسن
ولما الواحد يكرر العمليه ديه بيعطي طاقه ايجابيه وقوه بتدفع للنجاح وهزيمه اعدئه وتوصل للهدف
شكرا تاني يااسلام موضوع رائع


http://www4.0zz0.com/2008/10/21/13/716300236.jpg

احمد حسن
10-21-2008, 03:39 PM
موضوع ممتاز
كنت لااعرف الفرق بين بينهم وان لم اكن اعرف معنى الكلمتين من الاساس شكرا جزيلا
كثير ما يقابلنا مواقف وأزمات فى التى تتحكم فى الحالة المزاجية وانفعالاتنا ونفعل فى هذه المواقف ماكان ان يفعل من تصرف ووممكن موقف اخر يتم التصرف فيه ولكن بشكل لايناسب الموقف مما يجعلنا نحس بندم ووعذاب النفس وهذا مايحدث كثيرا

eslam mamdouh
10-24-2008, 12:46 AM
شكرا جدا على دخولكم وتعليقاتكم المفيده والمهمه جدا جدا للموضوع

واتمنى ان الموضوع يكون عجبكم

Mahmoud Slem
10-24-2008, 06:43 PM
بسم الله ما شاء الله عليك
يا سولم
بجد
تسلم ايدك
يا جامد

eslam mamdouh
10-24-2008, 06:45 PM
ربنا يكرمك يا محمود

وانت بجد صاحب المجهودات الرائعه

ميرا مار
10-25-2008, 02:23 AM
اسلام لو سمحت لى ،،،،،، موضوعاتك كلها والله بدون مجاملة راااااائعة

لكن هنا فى هذا الموضوع (انا مش فاهمة حاجة خاااااااالص)

انا اللى اعرفه ان جلد الذات مبالغة فى النقد والعقاب لكن اتلخبطت تانى
فبقى من فضلك بالراحة كدة فهمنى تانى ومشكور مسبقا

eslam mamdouh
10-25-2008, 08:52 PM
شكرا ليكى يا مهندسه مها على مشاركتك الدائمه واهتمامك الدائم


الموضوع ببساطه


ان عاده جلد الذات هو شعور سلبى بينمو داخل الانسان نيجه للهزائم المتتاليه فى حياته

يعنى الواحد مممكن يجلد نفسه بانه يقول انا فاشل فاشل ولا يمكن انجح ابدا وينسى كل شى مر فى حياته من نجاح امام الفشل اللى فى اعتقاده انه هلازمه طول حياته.

ده لو حضرتك فكرتى فيه هو نوع من انواع الهروب من المشكله من خلال عمليات المواجهه اللا شعوريه اللى بستخدمها الانسان للتغلب على مشاكله(الحيل الدفاعيه اللا ادراكيه موضوع مهم جدا)

عشان كده يعتبر ده نوع من انواع الجبن والهروب من المشكله. بس فى مشكله رهيبه ان عاده جلد الزت تؤدى فى النهايه الى فقد الامل فى التفوق والطموح وده اكبرمشكله ليها



الكلام ده كله بقى فى حاجه (او بمعنى علمى حيله دفاعيه ايجابيه بيستخدمها الانسان للتغلبعلى الفشل اللى وقع فيه)

الانسان من خلال نقد الذات بدور على سبب الهزيمه ويلوم نفسه على السبب ده , ويدور على الاسباب اللى ممكن تؤدى الى النجاح.



مش كده وبس لكن الانسان بيعمل موازنه داخليه مع نفسه عن النجاح والفشل ويقررمن خلالهاعدم الهروب ويقرر انه لازم ستمر ولازم يتغلب على مشاكله يونجح ويتفوق ويوصل لاعلى درجات التفوق كمان


على فكره انا فكرت فى الموضوع ده كان هدفى واحد ان الفكره الموجوده عند كل الناس بين الفرق بين الفكرتين تتغلى

وعلى فكره يا مهندسه مها مش اى فكره فى مخ الانسان هىنفس التعريف العلمى وانا متاكد ان حضرتك مثقفه جدا واكيد لاحظتى ده كتير

eslam mamdouh
10-25-2008, 08:54 PM
على فكره انا سعيد جدا جدا بسؤال حضرتك واتمنى ان يكون الرد والتوضيح وافى بالغرض


ولو عند حضرتك اى مناقشه فى الموضوع او استفسار ياريت حضرتك تفيدينا بيه

وفى انتظار الكثير من حضرتك يا مهندسه مها

eslam mamdouh
10-26-2008, 02:27 AM
شكرا يا مهندسه مها على تشريفك للموضوع

Rania Ismail
10-26-2008, 08:31 PM
شكرا يا وسلوم على التوضيح
بصراحه انا كنت زى المهندسه مها مش فاهمه اتلغبط شويه بس بعد تانى مره
فهمتى خلاص الحمد لله
وبشكرك يا اسلام على موضوعاتك

eslam mamdouh
10-26-2008, 09:27 PM
الف شكر ليكى يا رنيا على دخولك واهتمامك

وياريت لو فى اى حاجه مش واضحه تنبهينى ليها



والف شكر ليكى

عبثاً
10-27-2008, 01:49 AM
أتعلم ..

لابد إن يكون هناك .. محاكمة ثنائية الطرف .. بينك وبين ضميرك .. كل لحظة ضعف .. كل لحظة هوان ويأس ..
رغم أنك سَتهزم .. من ضميرك دائماً .. أنه متغطرس طوباري .. يتوراى خلف أهداب صناعية .. ولكن ف النهاية ستصل .. إلى سحق الذات ..

أسمعت عن أستحقار وتعذيب الذات ..
أقرأ لدستويفسكي .. رواية بعنوان إنسان صرصار ..
الأدهى من كل هذا .. انك لا تعرف ذاتك .. ع الأطلاق .. فما بين جلد الذات ونقد الذات .. ستعرف حتماً ذاتك ومكنونها .. القابع بين جنباتك .. !

ولكن لي تعليق .. فليس شرطاً .. ان ينزلق تحت مسمى .. جلد الذات أستعمال عقلك .. فلو آخذنا مثلاً .. ما يحدث للجسد العربي .. من أغتصاب وانتهاك .. ووقوفنا مكتوفي الأيدي .. هذا جلد الذات .. بالطبع لا .. لأننا لا نملك أي خيـار .. !

فأنت وأنا وهم .. يجلسون أسفل كراسي أوليّ الأمـر ..أشكرك .. - وردة بيضاء كبيرة -

eslam mamdouh
10-27-2008, 02:01 AM
الف شكر على دخولك , وكلماتك فى غايه الجمال لكن لى اسئله


يعنى ابه متغطرس طوبارى؟


يعنى ايه الانسان يسحق ذاته , الانسان المفروض انه يحس بذته ويقدرها ويحترمها

اكيد حضرتك بتتكلم عن شى تانى خالص وهو عجب الذات او الاستعلاء الذاتى للانسان.

ليه الانسان يستحقر ذاته مع ان الله كرم ذات الانسان؟


رجاء التوضيح

والف شكر على دخولك

عبثاً
10-27-2008, 02:22 AM
الغطرسة هي العنجهية والتعالي الغير مبرر ..
أما الطوبارية هي كاليوتوبيا .. وتعني المثالية المفرطة .. وسحقاً لكل طوباري ..

أم سحق الذات .. فهي ليست تعدي ع .. خِلق الله .. وتكريمه لنا كبشر ..
بل هي يا عزيزي .. أن تضع ذاتك .. أسفل قديمك .. وتحتقرها دائماً .. ليس أمام البشر .. بل امام نفسك .. وكلما تعلو .. فأنك تنحدر .. هي الضمير الحي .. وانك خاطئ دوماً .. وأنك أقل الكائنات .. !

اما ماتقصده .. هو أعتداد الذات .. او علو وأعتزاز الذات .. وهو عكس ما أنوّه له ..
فما فعله المتنبي .. سابقاً عندما .. شعر بعلو ذاته .. فوق الجميع .. فهذا اعتداد الذات .. دون التعالي والتكبر ..

ويبقى الإنسان مكرم دائماً .. فسحق الذات ليس تعدي ع ألوهية وكينونة المولى ..


إن أكن مُعْجَبًا فعجبُ عجيبٍ .. لم يجد فوق نفسه من مزيد ..
أنا تِرب الندى ورب القوافي .. وسمام العدا وغيظ الحسود ..
أنا في أمة تداركها الله .. غريب كصالح في ثمود ..
( المُتنبي ) ..

أشكرك ..
دمت ..

eslam mamdouh
10-27-2008, 02:32 AM
أما الطوبارية هي كاليوتوبيا .. وتعني المثالية المفرطة .. وسحقاً لكل طوباري ..


شكرا على توضيحك مع انى مستغرب لانك بتكره المثاليه المفرطه التى قد لا توجد فى الواقع.


واختلف مع حضرتك كذلك فى فكره الاحتقار الدائم للذات ,بل ارى انه لابد من التكريم المستمر للذات مع التوجيه السليم والتعلم من الاخطاء

ووضع اكبر قدر ممكن من التواضع الذى يضمن للذات عدم الكتبر والتجبر والاعجاب الخاطئ

على فكره انا سعيد جدا بوجودك والمناقشه معاك


واكيد هيكون بينا كلام كتير ومناقشات اكبر

والف شكر على دخولك

عبثاً
10-27-2008, 02:41 AM
يبدو إن جزء من كلماتي .. لم تَصل لك بشكل كامل ..

أقصد هنا يا عزيزي .. احتقار الذات .. ليس الذي قصده .. رسولنا الكريم محمداً ( ص ) ..
في حديث له حيث قال "لا يحقر أحدكم نفسه" قالوا: يارسول الله كيف يحقر أحدنا نفسه؟ قال: " يرى أمراً لله عليه في مقال، ثم لا يقول فيه فيقول الله عز وجل يوم القيامة: ما منعك أن تقول كذا وكذا فيقول: خشية الناس، فيقول فإياي أحق أن تخشى..) رواه أحمد في المسند

بل أقصد دونية الذات .. أنك رغم شموخك وعلوك .. فوق آنوف الكثييرين .. فأنك مع ذلك .. أقل الجموع .. تستطيع إن تقول .. هي التواضع بمعناه البسيط الدارج ..

أتستطيع إن تسير .. بدون قدماك .. وجسدك به ملايين النتوءات .. !
ومع كل هذا .. تبدو أمام الجميع .. جبلاً شامخ .. لا يهتز مع أعتى الرياح ..

ونعم اكره كل طوباري .. وكل دبلوماسي وسياسي .. وكل متخفي تحت عباءة وجلباب .. وقلبهُ أسود كسواد .. عيناها .. !
دمت ..

ميرا مار
10-27-2008, 02:57 AM
اه والله فهمت كدة تمام
نورت المحكمة
لا بجد يااسلام شكرا ع التوضيح .. وطبعا معلومة مفيدة
حتى الواحد يعرف نفسه.. ويبدا يعالج اى خلل نفسى مكن يحصل بدرى بدرى

ميرا مار
10-27-2008, 03:02 AM
يبدو إن جزء من كلماتي .. لم تَصل لك بشكل كامل ..

.



يا اخ عبث
والله منور بس لو كنت خلصت كوباية الشاى اللى فوق قدامك دى يبقى شيلها عشان انا منظمة ههههه
المهم

انا بقى اللى مش فاهمة حاجة
تانى وبالراحة
ممكن توصلى فكرتك بالعامية المصرية؟؟؟ معلش هاتعبك شوية بس عشان نعرف نتناقش

eslam mamdouh
10-27-2008, 03:04 AM
الف شكر على توضيح حضرتك وبجد وجهه نظر متقاربه مفهاش اختلاف

وبجد اشكرك على المناقشه المفيده البناءه دى

بس مش عايز اقولك يا عبثا

عايز اسمك اناديك بيه؟

ممكن اناديك باسم اخى الكريم مثلا؟

eslam mamdouh
10-27-2008, 03:06 AM
شكرا جدا على توضيحك والفكره كامله ووصلت وكما سبق وقولت انه لا يوجد اختلاف

بل هناك تقارب كبير فى وجهات النظر

شكرا جدا ليك اخى الفاضل

ميرا مار
10-27-2008, 03:10 AM
وانا معاك يا اسلام
احنا محتاجين اسم نناديه بيه

eslam mamdouh
10-27-2008, 03:13 AM
عندك حق يا مهندسه مها

عبس تعنى الشى الذى ليس له فائده

وانا ارغض انى اناديك بالاسم ده

ميرا مار
03-18-2009, 01:44 AM
دا من اكثر الموضوعات اللى باحب اقراها كل شوية

باشكرك كتييييييييير تانى وتالت يا اسلام