المساعد الشخصي الرقمي

مشاهدة النسخة كاملة : اعمل اية ؟؟؟؟؟؟؟؟؟؟؟؟؟؟؟؟؟؟؟


aafm
11-02-2009, 08:22 PM
انا من الزقازيق وكل لما اتقدم لمركز تدريب عندنا يقولوا التدريب خلال الصيف وانا نفسى ادرب خلال الدراسة بش مش عارف اعمل اية اسافر اسكندرية واقعد هناك علشان استفاد من خدمات الرابطة ولا اعمل اية؟ ياريت لو فى مركز تدريب قريب من محل اقامتى ادرب فية خلال الدراسة تدلونا علية ارجوكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
محمد الفرارجي
11-02-2009, 11:31 PM
بسم الله

بص يا باشمهندس ان شاء الله

دلوقتي انت من الزقازيق على عيني وراسي
عايز تروح اسكندرية من العين دي قبل العين دي وهتلاق ناس يشيلوك من على الأرض شيل.

لكن يا بطل

عندكالهيئة المصرية للمساحة بالزقازيق ما رحتش تسأل على تدريب فيها ليه؟

وعندك شركة المقاولون العرب ما سألتش فيها ليه؟

وعندك فرع شركة مختار ابراهيم وكذلك فرع حسن علام ما سألتش فيهم ليه؟

وعندك مديرية الري بالزقازيق ما سالتش فيها ليه؟

وعندك هيئة مياه الشرب والصرف الصحي ما سألتش فيها ليه؟

وعندك الهيئة العامة للطرق والكباري ما سألتش فيها ليه؟

يا أخي والله واثق مليون في المية إنك قبل ما تخلص سؤال عن تدريب في أي حاجة من الحاجات دي هتكون اتدربت لكن

ما تكسلش وتقول لسه هدور
إوعى وخلي بالك من شيء مهم
لما هتتمرمط شوية في التدريب واللف والدوران وتجيب انت التدريب بنفسك صدقني هتعرف تصطاد الشغل

سلامي ليك ولكل أهل الشرقية الكرام

سلام عليكم
samaa
11-03-2009, 02:00 PM
بسم الله


إوعى وخلي بالك من شيء مهم
لما هتتمرمط شوية في التدريب واللف والدوران وتجيب انت التدريب بنفسك صدقني هتعرف تصطاد الشغل

سلامي ليك ولكل أهل الشرقية الكرام

سلام عليكم

عندك حق والله يا بشمهندس صح اوى اوى
Hassan Mohamed
11-04-2009, 08:49 AM
شكرا يا بشمهندس علي المتابعة
aafm
11-04-2009, 01:10 PM
شكرا ليكم ياجماعة على الافادة الكويسة دى وانا انشاء الله هروح واسال هناك بس يارب يجيب نتيجة
Hassan Mohamed
11-06-2009, 03:35 PM
بالتوفيق ليك يا فندم