المساعد الشخصي الرقمي

مشاهدة النسخة كاملة : بتفكر كتير قبل النوم...يلا ادخل وشوف...



emu
10-18-2008, 07:06 PM
مرحلة التفكير قبل النوم من أخطر الوسائل السلبية على الإنسان :



لذااا ... راقب نوع تفكيرك قبل النوم ..

هذا موضوع مهم جداً جداً لحياة الأشخاص النفسية

وبالذات التفكير قبل النوم وبعد الإفاقة في الصباح

ومهم جداً معرفة.. هل يستحوذ على الشخص التفكير الإيجابي ام السلبي ؟؟؟

لسبب قوي جداً جداً وخطييييييير....!!!!

لأن أ ي احساس بالإحباط أو الاكتئاب أو عدم القدرة على مواصلة

أي عمل أو دراسة بحماس ...

سببه هو البرمجة الذاتية الداخلية في عقل الإنسان اللاوعي

نتيجة ما أختزنه من الماضي اما سلبياً أو إيجابيا..

وقوة البرمجة الايجابية والسلبية نسبية من شخص إلى آخر

بحسب ظروف الإنسان وشخصيته وبرامجه العقلية

فمجرد فهم الأفكار السلبية وأسبابها " موقف مؤلم ,

تربية خاطئة ، ضغوط نفسية من العمل " وغيرها

من الأسباب التي تؤدي إلى :

1: توتر في بادىء الامر

2: ومن ثم التفكير الدائم بالموقف المؤلم

3: أستحضاره ليلا ومن ثم إشغال العقل اللاواعى إلى الصباح

" بالرغم من أن الإنسان نائم ولكن عقله لاينام بل مشغول بالموقف الماضي "

4: ثم الوصول إلى الخوف والرهاب الأجتماعي ..

5: ثم الوصول إلى عيادة الطبيب النفسي

وهذا كله فقط بسب البرمجة الذاتية السلبية ..

6: فيجب فقط القضاء على مجرد التفكير السلبي

وإبداله بالتفكير الأيجابي بالطريقيتين


الطريقة الأولى :

هو التفكير بالاهداف المستقبلية الجميلة كالتالي :

1: كتابة الأهداف الرائعة التي تود تحقيقها " أهم هدف في حياتك "

2: اكتب اسمك في ذيل الورقة وهدفك في أعلى الصفحة ..تجد أن المسافة قريبة جداً

3: التخيل بأن الهدف قد تحقق بكل ألوانه وأحجامه ..

ومصاحبة المشاعر الرائعة وكأنها تحققت بالفعل ..

وتنفس بطريقة عميقة جداً و إملاء الرئتين بالأكسجين المجاني ...

4: من ثم سيكون رائع بأن تخلد للنوم واخر تفكيرك هو

النجاح في تحقيق هدفك ستصحو..

مرتاح ومتحمس ونشيط بقوة الله.. لذا التوكل والاستعانة

بالله من أهم الأسباب في تغير النفسيات إلى الأفضل .


الطريقة الثانية :

طريقة تذكر المواقف الجميلة في حياتنا والتي كان لها تأثير قوي على نفسياتنا ..

1: الأسترخاء في مكان هادئ ومريح ..

2: أستحضار موقف رائع من المواقف الماضية " النجاح

في مرحلة من مراحل الدراسية, النجاح في تحقيق هدف كبير ,

النجاح في مساعدة أي شخص, النجاح في تحقيق هدف لانقاذك من

مأزق أو مشكلة كانت كبيرة .. وهكذا " باختصار الشعور بأنتصار ساحق "

3: التركيز على الموقف الإيجابي وتكبير الصورة بالتخيل

أو تقوية الأصوات المصاحبة لها " إذا كان الموقف يذكرك

بأصوات التشجيع والمدح والتصفيق وغيرها .."

4: إذا كان آخر تفكير لك قبل النوم هو .. استحضار الموقف

الراااائع ؟؟ ستصبح بقوة الله بنفس المشاعر الرائعة ..في الصباح ..

5: ستغير المشاعر السلبية الماضية إلى إيجابية

ويتحول السلوك إلى الأفضل وبشكل رائع

loleeta_omran
10-18-2008, 08:06 PM
أستحضار موقف رائع من المواقف الماضية
المشكلة فى كلمة (ماضية) دى هو ده اللى بيجيب التفكير السلبى
ان اروع المواقف فى حياتى حصلت فى الماضى ومش هقدر ارجعها تانى
كلام جميل ونفسى اطبقه
مشكور

emu
10-18-2008, 08:11 PM
أستحضار موقف رائع من المواقف الماضية
المشكلة فى كلمة (ماضية) دى هو ده اللى بيجيب التفكير السلبى
ان اروع المواقف فى حياتى حصلت فى الماضى ومش هقدر ارجعها تانى
كلام جميل ونفسى اطبقه
مشكور

مرسي لتعليقك يا قمر..
وبأمانه كلنا لازم نطبق الكلام ده عشان مايبقاش كلام..

shimo
10-18-2008, 08:11 PM
تعرفي انا حاليا كدا
بجد مخنوقه اوى وحاسة انى لوحدي جدا
وبحاول اخرج اللى جوايا بالكتابه او بطرق مشابهة للى قلتيها
بس للاسف انا مينفعش معايا كدا نهائى
ولحد دلوقتى مش عارفه الحل بقرب من ربنا ومش برتاح غير لما اسجد واعيط اوى وافضفض ليه برتاح فعلا
بس بيبقئ زى مسكن بس مسكن حلو
بس برضو تعبانه وانا تعبة اناااا اووووووووووووى

emu
10-19-2008, 06:07 PM
تعرفي انا حاليا كدا
بجد مخنوقه اوى وحاسة انى لوحدي جدا
وبحاول اخرج اللى جوايا بالكتابه او بطرق مشابهة للى قلتيها
بس للاسف انا مينفعش معايا كدا نهائى
ولحد دلوقتى مش عارفه الحل بقرب من ربنا ومش برتاح غير لما اسجد واعيط اوى وافضفض ليه برتاح فعلا
بس بيبقئ زى مسكن بس مسكن حلو
بس برضو تعبانه وانا تعبة اناااا اووووووووووووى

بصي يا شيمو الحاله اللي انتي فيها دي طبيعي انها تيجي لاي حد في الدنيا نتيجه لأسباب كتير
بس المهم ان الانسان ميستسلملهاش اطلاقا..
وطالما انتي لجأتي لربنا ان شاء الله مش هيخزلك ابدا..
وعايزه اقولك حاجه انا شخصيا بعملها دايما..اقري سوره الرحمن ووالله هتحسي بالفرق..
ويارب يبعد عنك كل شروتكوني دايما بخير...

sarah
10-19-2008, 08:05 PM
بجد يا ايمو موضوع حلووووووووو اوى ,

ربنا يخليكى لينا بمواضيعك الحلوة .

emu
10-19-2008, 08:09 PM
بجد يا ايمو موضوع حلووووووووو اوى ,

ربنا يخليكى لينا بمواضيعك الحلوة .

متشكره يا ساره يا حبيبتي ويارب باقي المواضيع تعجبك ان شاء الله

AYMAN GAMAL
10-19-2008, 08:12 PM
بجد الف شكر يا شيماء

عايز اسالك سؤال ممكن؟

هوة دة مرض نفسي

emu
10-19-2008, 08:41 PM
بجد الف شكر يا شيماء
الشكر لله يا بشمهندس ايمن
عايز اسالك سؤال ممكن؟
طبعا اتفضل...
هوة دة مرض نفسي

لا طبعا يا بشمهندس ايمن مش مرض نفسي والا كان العالم كله مرضي نفسيين.بس كل الحكايه ان التفكير الكتير قبل النوم وخصوصا في المشاكل والمواقف السلبيه اللي بنتعرضلها علي مدار اليوم بيسبب تغير في مود الانسان وده بيكون لوقت معين او بمعني اخر حاله مؤقته ولكنها للاسف بتتراكم في اللا وعي الادراكي للعقل ...
يعني مثلا لو انا يومياقبل النوم فكرت في مشاكل وسلبيات اليوم اللي عدا هيحصلي تغير في المود النفسي وده هيكون ظاهر لفتره معينه ولمايختفي هيتحول للعقل الباطن.. وهكذا
ومع تكرار الموضوع ده هيكون توابعه مرض نفسي لا قدر الله..
والخلاصه من الموضوع ان الانسان لازم يفكر في الايجابيات او حتي الذكريات الحلوه اللي مرت عليه في حياته عشان يبعد عن الاكتئاب والمرض لا قدر الله....
وفي النهايه يارب اكون قدرت اوصل لحضرتك المعلومه
وان شاء الله هحاول انزل موضوع من المرض النفسي وانواعه

onon
10-20-2008, 12:21 AM
موضوع تحفه وكلنا بنمر بيه وكتير اويييييييييييييييييييييي وده والحمد الله من الي بنشوفه كل يوم في الدنيا بس انا معاكي انو لازم نفكر بالمواقف ولافكار الحلوه بس في نفس الوقت لازم نخصص جزء من تفكرنا في التفكير في المواقف الي بتمر علينا في الدنيا حتي لو مواقف وحشه وده عشان نعرف ايه الاسباب الي وصلت للمواقف دي ونحاول نتعلم منها ومنكررش اخطاءنا يعني لازم نحاسب نفسنا
بس طبعا مش لدرجه توصل لدكتور نفساني طبعا ههههههههههههههههههههه
بجد بشكرك علي الموضوع التحفه ده


http://www8.0zz0.com/2008/10/19/22/359860913.jpg

اسامه البنا
10-20-2008, 11:09 PM
موضوع رائع وجميل
جزاكي الله خيرا

سيرفيورا
10-22-2008, 07:55 PM
وبجد ياشيماء انتى بتتكلمى فى حاجه كتير من الناس بيعانو منها دلوقتى وكانه بقى الطبيعى ان الناس تكون مكتأبه وزعلانه كل واحد حاسس انه لوحده لان كل واحد مبقاش همه الا نفسه ومبقاش الانسان يسأل على اخوه الانسان الواحد بجد بقى حزين على الوضع اللى وصله الناس لكن مادام حد من الناس بدأ ياخد باله من الموضوع ده معنى كده ان فى امل ان الناس تفوق من الى بقت فيه ونبدا نهتم ببعض (ساره عطيه):(

Rania Ismail
10-23-2008, 03:16 AM
بجد الموضع ده كبير قوى
ده تقريبا كل الناس بتفكر قبل ما تنام الا القله القليله
وانا واحده من الناس اللى بتفكر قبل ما تنام

ميرا مار
10-23-2008, 08:48 PM
شكرا ع الموضوع الجميل يا ايمو وطبعا مش محتاجة اقول ان دا اصبح حال الناس كلها
تعرفى انا من الناس اللى تحب تنام قوى حتى لو ماعرفتش انا م
بس لازم افضل فى السرير طالما معاد نومى جة

ليا بقى اصحاب كتير يقولولى انا مانامش انا لازم يغمى عليا
يعنى يفضل صاحى لحد مايفقد الوعى
قدام تليفزيون بقى، قدام انترنت اى حاجة تضيع وقت
لكن موضوعك اكيد مفيد ليهم وليا
شكرا يا ايمو

Wild_Angel
12-11-2008, 05:59 PM
موضوووووع رائع

ربنا يباركلك شكرا ليكى emu

bosy
12-12-2008, 12:23 AM
ميرسى يا ايمو على الموضوع

بس انا كل ماتخيل ان فى حاجه معينه عوزاها تحصل واتخيل انها حصلت


والله والله مش بتحصل ابدا

يبقى ده بقى ايه

lolaa fahmy
12-12-2008, 01:13 AM
مرسيي ليكي يا ايموو

موضوع جميل قووي يمكن اكون اكتر الناس محتاجه نصيحه في الحكايه دي

بس مفيش فايده جربت كل الطرق بس مفيش فايده خالص الا لو قعدت اصلي او اقري قران معظم الليل

emu
02-03-2009, 12:02 PM
شكرا لمروركم جميييييييييييييييييعا
والحمد لله ان فكره الموضوع عجبتكم

kiky younes
02-03-2009, 12:07 PM
بجد مواضيعك كلها رائعة استمرى فى ذلك

emu
02-03-2009, 12:11 PM
بجد مواضيعك كلها رائعة استمرى فى ذلك


متشكره جدا لمرورك يا كيكي..
ربنا يخليكي ليا يا قمر
واوعدك ان المواضيع اللي جايه هتعجبك اكتر

The[H]KinG
02-03-2009, 02:58 PM
بجد موضوع هااايل
أنا كده على فكرة بس مش بفكر بطريقة سلبية
بس أنا قبل ما أنام كل يووووووووووم لاز أفكر أنا عملت ايه انهارده
وايه كان صح وايه كان غلط وأحاسب نفسى
يعنى أهو نوع ............
مش عارف بس حاسس أنها حاجة كويسة

emu
02-03-2009, 09:46 PM
KinG;63984']
بجد موضوع هااايل
أنا كده على فكرة بس مش بفكر بطريقة سلبية
بس أنا قبل ما أنام كل يووووووووووم لاز أفكر أنا عملت ايه انهارده
وايه كان صح وايه كان غلط وأحاسب نفسى
يعنى أهو نوع ............
مش عارف بس حاسس أنها حاجة كويسة


ميرسي يا كينج علي مرورك
وطبيعي جدا ان كل الناس تفكر قبل النوم
بس اللي مش طبيعي انها تفكر في حاجات سلبيه زياده عن اللزوم
لان ده بيأثر سلبيا علي السلوك الفعلي للفرد....
ومتشكره مره تانيه ليك يا كينج علي اهتمامك بالرد

mony
02-04-2009, 12:01 AM
موضوع جميل جدااااااااااااا
وانتى دائما متالقه فى موضيعك
افكار متالقه
وعلى فكره انا طول الوقت بفكر بس التفكير بيزيد قبل النوم لانى بكون حبه استرجع يومى على شان انا لو غلط فى حاجه احاول اصلحه مثل افرضى زعلت حد بدون قصد فلازم اعتذر ذى يوم من ايام الامتحنات واكيد انتى تفتكريه

emu
02-04-2009, 10:59 AM
موضوع جميل جدااااااااااااا
وانتى دائما متالقه فى موضيعك
افكار متالقه
وعلى فكره انا طول الوقت بفكر بس التفكير بيزيد قبل النوم لانى بكون حبه استرجع يومى على شان انا لو غلط فى حاجه احاول اصلحه مثل افرضى زعلت حد بدون قصد فلازم اعتذر ذى يوم من ايام الامتحنات واكيد انتى تفتكريه


ميرسييييييييييييييي لمرورك يا موني يا عسوله
بس كنت عايزه اقولك ان طبيعي جدا التفكير قبل النوم
ممكن تكون فكره الموضوع وصلتلك غلط..ابقي اقريه مره تانيه
ومشكوره يا قمر...

Marwa Mahmoud
02-04-2009, 09:47 PM
شكرا ليكى موضوع جميل جداااااااااااااااااا
فعلا حكايه التفكير قبل النوم دى حكايه كبيرو معظمنا بيتعرض ليها
وأنا بعتبرة شئ طبيعى لأن الأنسان بيبدأ يسترجع كل ما حدث له أثناء يومة الطويل
ولكن يختلف هذا التفكير حسب كل أنسان ولكن أكثر شئ أفكر فيه دائما عند نومى هو ( الموت )
حساس صعب يطاردنى دائما .....!!!!!!

emu
02-04-2009, 11:02 PM
شكرا ليكى موضوع جميل جداااااااااااااااااا
فعلا حكايه التفكير قبل النوم دى حكايه كبيرو معظمنا بيتعرض ليها
وأنا بعتبرة شئ طبيعى لأن الأنسان بيبدأ يسترجع كل ما حدث له أثناء يومة الطويل
ولكن يختلف هذا التفكير حسب كل أنسان ولكن أكثر شئ أفكر فيه دائما عند نومى هو ( الموت )
حساس صعب يطاردنى دائما .....!!!!!!



طبيعي جدا يا مرمر اننا نفكر قبل النوم..
ومش معظم الناس بيفكروا .. داتقريبا كل الناس بتفكر قبل النوم
وكمان في احصاءات اتعملت في هولندا اكدت ان حوالي98% من احلام البشر مرتبطه بمواقف اتعرضولها
اثناء يومهم....يعني طبيعي جدا يا حبيبه قلبي اننا نفكر قبل النوم...
اما عن تفكيرك في الموت..انا عن نفسي شايفه ان افضل علاج للموضوع ده انك تقربي من ربنا اكتر وتواصبي علي الاذكار..
مش جايز ربنا بيخليكي تفكري في الموضوع ده لانه نفسه تقربي منه؟؟؟

بس جربي كدا ..وان شاء الله هتنامي وانتي مطمنه...
ومعلش طولت عليكي يا كميله..

ابويوسف
02-09-2009, 01:58 PM
بصراحة هى فكرة جميلة وموضوع حلو تستحقى علية الشكر لكنه خيالى شوية وبعيد عن الواقع لان الظروف المحيطة بنا جميعا ومشاكل الحياة المعقدة اكبر من كدةبكتير وعلى فكرة انا بطبيعتى متفائل لكن ذكريات الماضى دائما اجمل بحلوها ومرها ياريت المستقبل يكون احسن وافضل

emu
02-09-2009, 02:07 PM
بصراحة هى فكرة جميلة وموضوع حلو تستحقى علية الشكر

متشكره جدا يا ابو يوسف علي مشاركتك في موضوعي المتواضع..

لكنه خيالى شوية وبعيد عن الواقع

لا بالعكس لان ده مش كلامي دا كلام الPsychiatrists

لان الظروف المحيطة بنا جميعا ومشاكل الحياة المعقدة اكبر من كدةبكتير وعلى فكرة انا بطبيعتى متفائل لكن ذكريات الماضى دائما اجمل بحلوها ومرها ياريت المستقبل يكون احسن وافضل


عندك حق اكيد ريتم الحياه اتغير والمسؤليات كبرت واتغيرت
بس ان شاء الله بكرا هيكون احلي لو كل واحد عمل اللي عليه في مجاله
وشئ جميل اننا نكون متفائلين...
وشكرا ليك مره تانيه..

roma
02-12-2009, 09:58 PM
الموضوع كويس جدا
بس المشكله الواحد لمابيسيطر عليه الا فكار السلبيه مابيحسش ان فى حاجه حلو يفكر فيها ولا فى ايام حلوه ولا اى هدف
دى المشكله فعلا
بس انا احيانا بحلها انى بصلى قبل ماانام بس التفكير احيانا بيغلبنى مع العلم انى انا الا بتمادى فى التفكير بس هى كده
سبحان الله
اسفه ع التطويل عليكم