المساعد الشخصي الرقمي

مشاهدة النسخة كاملة : امتي يجي اليوم دة ؟؟؟



Night Moon
11-25-2009, 11:16 PM
http://img237.imageshack.us/img237/9914/11ve61.gif (http://img237.imageshack.us/i/11ve61.gif/)


امتي يجي اليوم دة ؟؟


و انا واقف فى البلكونة.. وبسأل امى (اللى كانت واقفة تنشر الغسيل): هو فى حد هيسكن هنا ولا ايــه يامـي؟
قالتلى اه يا حبيبى دى الشقة اللى قصادنا
قلتلها ويا ترى عرسان جداد ولا عيلة وبتعزل؟
قالتلى والله يابنى مانا عارفة
قلتلها طيب.. يا خبر انهارده بفلوس.. بكرة يبقى بفلوس اكتر..

و بعد أسبوع......
أمى واقفة بتنشر الغسيل بردو.. وانا واقف جنبها بردو.. وبتقولى: مش السكان الجداد وصلوا خلاص
قلتلها يا شيـــــخة!
قالتلى: اه.. مرات الراجل عدت عليا انهارده وسلمت عليا وعرفتنى بيهم
قلتلها: ايــه بقى عرسان جداد؟؟
قالتلى لا دول أسرة.. عندهم ولدين وبنت
قلتلها خير.. خير.. (والشر بيبظ من عينيا)

و أثناء الحديث الشيق ده..
طلعت مامت الولاد م البلكونه.. ولما شافت أمى هزت راسها - بتسلم على امى يعنى -.. وطبعا أمى ردتلها الهزة - بترد السلام يعنى -
و بعدين طلع ولد صغير ابتسم لنا اول ما شافنا....
أصل البلكونة فى وش البلكونة ... بس باين عليهم ناس طيبين اوى...
المهم.. الأم ندهت لبنتها...
الحقيقة انا كنت أول مرة فى حياتى أسمع الاسم اللى هى ندهت به..
أول مرة أعرف ان فى بنت اسمها كده أصلا...

الام بتنده: يــــــا روفيدة (على وزن بثينة , بضم الراء يعنى)
اسم جامد مووووووت... عجبنى الاسم اوى... وبدعى ربنا تكون رُفيدة حلوة زى اسمها..
و طلعت روفيدة من ورا الستارة فـى حركة Slow Motion من بتاعة الافلام..
و انا متنح تتنيحة سوده... روفيدة طلعت احلى من اسمها.. جميلة جمال لا يوصف... ناصعة البياض..
مش قادر ارفع عينى من عليها.. مينفعش ارفع عينى من عليها اصلا...
فضلت متنح لحد ما شافتنا انا وامى..
لما شافت امى ابتسمت لها..

و لما شافتنى زى ما تكون شافت عفريت ودخلت على جوة جرى...


و تمر الأيام..
و مشكلتى ان البلكونة بتاعتنا تدخلها من اوضتى.. عشان كده فى الرايحة والجاية ابص اشوف روفيده واقفة ولا لأ..
ساعة ما الاقيها واقفة.. اطلع البلكونة..
مرة اعمل نفسى بتكلم فى التليفون.. او بشم الهوا مثلا - مع إن الدنيا تراب وعفرة -
او بلعب عشر ضغط.. اى تلكيكة والسلام
الغريب انها كانت فى الاول لما تشوفنى تروح داخلة جرى على جوة..
لكن بعد فترة لاحظت انها مكانتش بتدخل اول ما تشوفنى.. وكانت بتفضل واقفة هى كمان...
بقيت فى عز الشمس اقف.. لحد ما اعرق واجيب جاز.... فى عز البرد واقف بتكتك م البرد
واقف بالساعات مدام روفيدة واقفة... ارمى نظرة.. ابتسامة.. أشاور
و كانت هى بتكتفى بالابتسام وعلامات الخجل...

و ف يوم من ذوات الايام..
بشاورلها.. شاورتلى
بقيت هطير م الفرحة.. روفيده شاورتلى يا جدعان...
قعدت اطنطط ع السقف وأغنى وحياة قلبى وأفراحه..
و هبا إيـه هبا أاه.. إن شاء الله هنظبط
امتى بقى اتكلم معاها ونهظر سوا...

لحد ما جه اليوم...
انا راجع م الكلية.. وعلى اول الشارع شفت أمى واقفة مع مامت روفيده..
و المفاجاة: روفيده واقفة معاهم
لقيت نفسى بجرى زى شخصيات الكرتون.. نصى التحتانى بيجرى قبل نصى الفوقانى تشووووووووو...
لحد ما بقيت عندهم.. عرقان طبعا وبنهج وحالتى حالة...
نزلت عليهم زى الباراشوط..
ازيك ياماما.. ازيك يا طنط عاملين ايه...
و بصيت لرٌفيدة.. كانت بصالى وبتضحك..
كانت زى القمر اليوم ده.. ولابسة تى شيرت حمالات - اصل الجو كان حر اوى اليوم ده -
قلتلها: ازيك يا روفيده؟!
و كان رد فعلها غير متوقع بالمررررة... كان صدمة حقيقية بالنسبة لى..
لقيتها بتمد ايديها وبتسلم عليا...
و بتقولى: الحمد لله.. ازيك انت؟؟!
رحت مسلم عليها....
و قلتلها: الله يسلم قلبك يا روح قلبى..
و رحت بايس ايديها....
و رحت شايلها...........
و قلتلها: انتى عندك كام سنة بقى؟؟





























قالتلى عندى 3 سنين


رحت بايسها تانى وانا هطير م الفرحة وفضلنا نلعب ونضحك ونهزر... لحد ما مامتها شالتها وطلعوا البيت
و من يومها وانا وروفيده اصحاب... كل ما تطلع البلكونه نلعب ونهزر مع بعض

bata_batot
11-26-2009, 12:29 AM
هههههههههههههههههههههههههههههه
زى العسل ايه كل ده

Night Moon
11-26-2009, 12:44 AM
ميرسي لمرورك

Marwa Mahmoud
11-26-2009, 12:45 AM
هههههههههههههههههههه

جميله جداا تسلمى يا قمر

firehawek
11-26-2009, 12:49 AM
ههههههههههههههههههه بتعيشى علينا يا نايت مون بس حلوة بس مكنتش بحب العب مع بنات وانا صغير

spider girl
11-26-2009, 01:50 AM
ههههههههههههههههههههههه
ههههههههههههههههههههههه
يا نهار ابيض روفيده طلعت 3 سنوات
هههههههههههههههه
مشكله والله انتى يا اسماء

حسام المصرى
11-26-2009, 01:56 AM
وانا كمان عايز ابوس روفيدة
اشمعنى انا

Night Moon
11-26-2009, 02:03 AM
ههههههههههههههههههه معلش بقي ياجماعة تعيشو وتاخدو غيرها ههههههههههه

الورده البيضاء
11-26-2009, 03:03 AM
هههههههههههههههههههههههههههههههههههههههههههههههههه ههههههههههههههههههههههههههههههه
يلهوى عليكى يااسماء
هههههههههههههههههههههههه
لا جامدة بجد
انا اندمجت اوى فى القصة وفى الاخر الاقية بيشيلها
هههههههههههههههههههههههههههههههههههههههههههههههههه هههههههههههههههههههههههههه
لا جامدة مووووووووووووووووت
تسلم ايدك

Heba Bebo
11-26-2009, 08:07 AM
انا بقي لحد ما شالها بحسبها كبيرة

يعيني ع السباب ونبي بيكبروا ويخيبوا

هو عارف نفسه

مش هيقدر بالامكانيات المادية يجيب روفيدة

ولا امها حتي
ههههههههههههههههه

كده يا اسماء

بس حلوة اوي

يقطع روفيدة علي سنين روفيدة
:cc_scooter:

ساره احمد عبد الفتاح
11-26-2009, 07:41 PM
هههههههههههههههههههههههههه

جامده اوى يا اسماء

نجم مدنى
11-26-2009, 08:18 PM
هههههههههههههههههههههههههههههههههههههههههههههههههه هههههههههههه


اشطة

Night Moon
11-26-2009, 10:26 PM
ههههههههه معلش بقي كل مقلب وانتو طيبين هههههههههه
وميرسي لمروركم جميعا

salma elsayed
11-27-2009, 03:33 PM
هههههههههههههههههههههههههههه جميلة اوى اوى اوى
على فكرة اول طبيبة فى الاسلام اسمها رفيدة

Night Moon
11-27-2009, 06:30 PM
هههههههههههههههههههههههههههه جميلة اوى اوى اوى
على فكرة اول طبيبة فى الاسلام اسمها رفيدة



ميرسي علي مرورك ياسلمي والمعلومة الجميلة دي

S2AH
11-27-2009, 07:57 PM
ههههههههههههههههههههههههههه
ههههههههههههههههه
والله انا اندمجت فالقصة اوى
وفالاخر عندها 3 سنين
تسلم ايدك يا اسماء
وفانتظار مقالب تانية

Night Moon
11-27-2009, 09:22 PM
ههههههههههههه تعيشي وتاخدي غيرها
نورتي التوبك بمرورك

جوليت الحب
11-27-2009, 10:22 PM
هههههههههههههه حلوة اوى بس كنت حاسة ان هيطلع مقلب والبنوته هتطلع صغننه والله بس تحفة فيها تشويق كدا لحد لما نعرف اية الى هيحصل بس جامدة اوى

Night Moon
11-28-2009, 12:50 PM
هههههههههههه معلش بقي يا جوليت دة مقلب صغنن كدة عقبال ماتاخدو المقلب الكبير ههههههه
نورتي التوبك يا جولي

la vie en rose
11-29-2009, 10:22 PM
ههههههههه بقي كدة يانايت بس مقلب حلو تسلم ايدك

Night Moon
12-01-2009, 03:43 PM
ههههههههههه معلش la vie تعيشي وتاخدي غيرها

Arig
02-20-2010, 01:44 AM
توبك تحفة تسلم ايدك

Night Moon
02-20-2010, 11:17 PM
ميرسي أريج نورتي التوبك بمرورك

mohamed ali
02-27-2010, 03:15 AM
هههههههههههههههههههههههههههههه

Night Moon
03-02-2010, 09:24 PM
ميرسي لمرورك

white heart
03-02-2010, 09:42 PM
هههههههههههههههههههههههههه
حلوه اوى اوى

Night Moon
03-02-2010, 09:50 PM
ميرسي يا وايت نورتي التوبك بمرورك

حنين الحياة
03-02-2010, 10:15 PM
بجد جميله جدا يا نايت....

Night Moon
03-02-2010, 10:31 PM
ميرسي لمرورك الجميل

sarah m
03-02-2010, 10:45 PM
ههههههههههههههههههههههه
جاااااااااااااااااااااااامده جدا
تسلم يا نايت

Night Moon
03-02-2010, 10:51 PM
ميرسي ليكي لمرورك