المساعد الشخصي الرقمي

مشاهدة النسخة كاملة : ازاى تعرف انك فى فرح مصرى ........؟؟ياترى ازاى؟



جوليت الحب
11-28-2009, 12:18 AM
بسم الله الرحمن الرحيم


من البدايه كدا هتلاقى الدعوه بتاعت الفرح جايالك وعليها عباره ..

[جنه الاطفال منازلهم]



يعنى من الاخر ابنك دا يقعد فى البيت ومايورناش وشه
احنا مش عارفين نأكل المعازيم لما هانأكل سعادته


لما تلاقى الزفه الدمياطى ا اياها
وبسم الرحمن الرحيم وهانبتدي الليله اااااه اااه


لما تلاقى بقا الستات بتمارس احسن هوايه ليها على مر التاريخ وهى النميمه
ويقعدوا بقا يقولوا:
انا عارفه يا ختى اخدها على ايه دا لا مال ولا جمال
والتانيه تقولها :
و يا ختى من ناحيه الجمال فهى شبه الليفه المحروقه لكن من ناحيه المال لا دا الواد وقع واقف اه دا ابوها عنده عربيه كارو اقصد (ماقطوره )بتدخلوا شىء وشويات
(ياساتر ياحجه وانتي مالك بس)



وتلاقى البنات بقا واقفه اللى تقول:
ايه دا فستانها بيئه اوى ياااى
والتانيه تقولها:
اكيد مأجراه من عند الكوافير اللى عملها التسريحه اللى شبه تسريحه المجانين دى


لما تلاقي قرايب العريس مش عاجبهم قرايب العروسه و العكس صحيح طبعا و بيبصوا لبعض بإشمئزاز
(والنظره الي بتقول انت بتبصلي كدا ليه ماتتلم لحسن اخلي وشك الفرح وانت العريس فيه هههههههههه)


لما اول حجه تسمعها اول ما تدخل القاعه وقبل ما تشوف العروسه والعريس
اغنيه هشام عباس (اسماء الله الحسنىطبعا حلوة اوى )


لما العريس والعروسه يرقصوا الرقصه الرومانسيه على اغنيه(غمض عينيك واحلم معايا) او اغنيه تامر حسنى(ومايحرمنيش منك)
وكل البشر بيصوروهم بكاميرا الموبايل وهما بيقولوا لبعض
(ياترى بيقولها ايه)
(اهو انا بجد ببقا هموووووت واعرف بيقولها ايه ههههههههه)


لما تلقى الاغنيه الرومانسيه اتقطعت فجأه كانهم بيقولولهم انجزوا ويروحوا مشغلين اغنيه السهره(هاتجوز) لـ سعد الصغير وبعدها العنب لمعبود الجماهير (بعرورر)
(طبعا هنا الولاد تستعرض الاحزمه الي الحلقه بتاعتها لو الواحد اتلطش بيها توديه في ستين داهيه لما تلاقى ام العريس كل نص ساعه وتمسح عرق ابنها وتقوله
(يا بنى كفايه مش كده ...ماتهدش نفسك)


لما تسمع السؤال الابدي
(هو البوفيه هايفتح امتى...الواحد جاع)
(ياعمي انت جاي اصلا مش عشان عيون العريس ولا تتامل في جمالو وتقول سبحان الخلاق لا عشان البوفيه)


لما يتعرض الفيلم التسجيلى البوفيه وكل ما يحتويه من لحمه وفراخ وديك رومى وكشك وسد الحنك


لما تسمع الناس وهيه بتقول
لالالا بس الاكل مكانش قد كده
بعد تناول الطعام مباشره وعلى راى المثل
(بعد ماكل واتكى قال رحته مستكه)
(كان بياكول عشان يجامل العريس يجاملوا انو يخم الطبق لحد مايقول بس وبردو بيجاملو ياجماعه)



لما تلاقي كل البنات الي ف الفرح بيجروا ورا العروسه عشان طبعا ياخدوا البوكيه لما تحدفه
و العروسه بقى بتزلهم
(اه طبعا بيضربو عصفورين بحجر اهو فال ابيض بالجواز ومنها كمان البوكيه ده يجي ب150جنيه واسمها هتمشي ببوكيه )



لما تلاقى ام العروسه بتقول للعريس
خد بالك منها يا حبيبي
والعريس يقولها
دى فى عينى يا طنط
(اكيد طبعا مابكرا هتطلع عينك)


لما تلاقي العربيه بتاعه العروسه فيها جميع انواع والوان الورد الجميله



لما تلاقى الزفه انطلقت فى الشوارع مسببه الازعاج لخلق الله
وبيب بيب بيب بيب بيب بيب بيب بيب بيب بيب
---------------
لما تلاقى كل ده يبقى انتا اكيد فى مصر

mr.lonly
11-28-2009, 01:28 AM
لا فرح مصري اصلي اصلي يعني
موضوع دمه خفيف موت يا جوليت

MUHAMED SAMY
11-28-2009, 01:41 AM
انا حسيت انى فى فرح بجد........جامد جدااا...عقبال فرحى

جوليت الحب
11-28-2009, 02:10 AM
شكرا كتيييييييييييييير يا mr lonly على ردك الى اسعدنى بجد شكرا ليك ويا رب يكون التوبيك عجبك ويكون دمه خفيف على اى عضو يقراه

جوليت الحب
11-28-2009, 02:13 AM
انا حسيت انى فى فرح بجد........جامد جدااا...عقبال فرحى


ان شاء الله عقبال فرحك ويكون احسن من كدا وكويس اوى انى قدرت اوصل الى بقوله دا هههههههههههه مش بذمتك صح الكلام دا

S2AH
11-28-2009, 04:03 PM
هههههههههههههههههههه

جامد يا جوليت الفرح دة والله

هى دى مصر بقى

بس ميبقاش فرح لو مكنش كدة

جوليت الحب
11-28-2009, 04:23 PM
ههههههههههههههههههههه صح مش كدا شكرا على مرورك الجامد دا والله

Night Moon
11-29-2009, 01:41 PM
ههههههههه ثانكس جولي علي التوبك

جوليت الحب
11-29-2009, 05:15 PM
ههههههههه ثانكس جولي علي التوبك


شكرا لردك ونورتى التوبيك

samomran
11-29-2009, 05:20 PM
هههههههههههههههههههههههههههههههههههههههه
جامد اوىىىىىىىىىىى الموضوع ده


فعلا بيحصل كده و اكتر من كده

الله ينور عليكى يا نونه شغل جااااااااااااااااامد

جوليت الحب
11-29-2009, 05:29 PM
هههههههههههههههههههههههههههههههههههههههه
جامد اوىىىىىىىىىىى الموضوع ده


فعلا بيحصل كده و اكتر من كده

الله ينور عليكى يا نونه شغل جااااااااااااااااامد


نورتنى يا اسلام بجد وعجبك اوى كدا الموضوع الحمد لله صح مش بيحصل الموضوع دا مش كدا شكرك على ردك دا يا اسلام

الدلوعة
11-29-2009, 05:35 PM
هههههههههههههههههههههههههه
لا جامد الفرح دة
بس نسيتى الناس الى زينا الى بتلاحظ كل دة وتقعد تضحك طول اليوم
تسلمى يا نونا وعقبال فرحك وفرح كل الناس الحلوين الى على المنتدى والى مش على المنتدى

جوليت الحب
11-29-2009, 05:53 PM
هههههههههههههههههههههههههه
لا جامد الفرح دة
بس نسيتى الناس الى زينا الى بتلاحظ كل دة وتقعد تضحك طول اليوم
تسلمى يا نونا وعقبال فرحك وفرح كل الناس الحلوين الى على المنتدى والى مش على المنتدى

هههههههههههههههههههههههه معاكى حق هههههههههه معلش فاتتنى دى وعقبالك انتى كمان يا رب ويبقى فرح كل بنت زى ماهى عوزاه ان شاء الله نورتى الموضوع

جوليت الحب
12-20-2009, 05:15 PM
يلا نشوف بقى الى بيحصل فى الفرح وتقولولى بيحصل كدا ولالا؟؟؟؟؟؟؟؟؟ ها انا مستنية اهو كله يرد بسرعة

Ma7amed Adel
12-20-2009, 05:47 PM
هههههههههههههههههههههههه فرح مصرى مصرى يعنى هههههههههههههههههه توبيك رووووووووووووعه

alex
12-20-2009, 06:51 PM
فعلا معاكى حق كل ده بيحصل واكتر من كدا كمان بس.....
انتى نسيتى اغنية جوجوه جوجوه
هههههه

جوليت الحب
12-20-2009, 08:06 PM
فعلا معاكى حق كل ده بيحصل واكتر من كدا كمان بس.....
انتى نسيتى اغنية جوجوه جوجوه
هههههه


ههههههههههههههههههههههه فعلا نستها عندى دى شكرا على الرد الجميل دا

ساره احمد عبد الفتاح
12-21-2009, 03:20 PM
شكرا ليك على الموضوع بس

فى حاجات من اللى بتحصل فى الفرح بيخهودمها تقيل زى مثلا النميمه بين "عواجيز الفرح"

لكن الحاجات دى من غيرها ميبقاش الفرح فرح

tomcrous_20
12-21-2009, 04:18 PM
احنا كنا عايزين الزفه اسكندراني كده تولع الدنيا بس بجد فرح جامد وعقبال الجميع لما نفرح بيهم ونعملهم احلي فرح التحيه دي من (توم كروز)وسمعنا احلي سلام

الورده البيضاء
12-23-2009, 06:53 PM
لما العريس والعروسه يرقصوا الرقصه الرومانسيه على اغنيه(غمض عينيك واحلم معايا) او اغنيه تامر حسنى(ومايحرمنيش منك)
وكل البشر بيصوروهم بكاميرا الموبايل وهما بيقولوا لبعض
(ياترى بيقولها ايه)
(اهو انا بجد ببقا هموووووت واعرف بيقولها ايه ههههههههه)


ان شاء الله ربنا يكرمك بالزوج الصالح وتعرفى هو بيقولها اية
بس متنسيش تقوللنا :D
توبيك عسل جدا ياجميل
ميرسى اوى ياجوووووووولى

جوليت الحب
03-13-2010, 10:45 PM
الحمدلله ان الموضوع عجبكوا وشكرا لكل واحد رد على الموضوع شكرا بجد وانتوا وحشتنونى

mon ange
03-21-2010, 01:43 PM
جميل جدا عيشتينا فى الفرح بس فعلا هو ده الفرح
شكرا لييييييييييييييييييييييييييييكى وعقبال كل الناس